ᠶᠣᠶᠧᠯ ᠭᠤᠷᠪᠠ
ᠦᠨᠳᠦᠰᠦᠲᠡᠨ ᠨᠦᠭᠦᠳ ᠰᠢᠳᠬᠡᠭᠳᠡᠨᠡ
1 ᠬᠠᠷᠠ᠂ ᠪᠢ ᠶᠦᠳᠠ ᠪᠣᠯᠣᠨ ᠶᠧᠷᠦ᠋ᠰᠠᠯᠧᠮ ᠤᠨ ᠴᠥᠯᠡᠭᠳᠡᠭᠰᠡᠳ ᠢ ᠪᠤᠴᠠᠭᠠᠵᠤ ᠠᠪᠴᠢᠷᠠᠬᠤ ᠲᠡᠷᠡ ᠡᠳᠦᠷ ᠤᠳ᠂ ᠲᠡᠷᠡ ᠴᠠᠭ ᠲᠤ
2 ᠪᠦᠬᠦ ᠦᠨᠳᠦᠰᠦᠲᠡᠨ ᠢ ᠴᠤᠭᠯᠠᠭᠤᠯᠤᠨ᠂ ᠶᠧᠬᠣᠱᠠᠹᠠᠲ 2 ᠤᠨ ᠬᠥᠨᠳᠡᠢ ᠳᠦ ᠠᠪᠴᠢᠷᠠᠵᠤ ᠲᠡᠨᠳᠡ ᠠᠷᠠᠳ ᠲᠦᠮᠡᠨ᠂ ᠥᠮᠴᠢ ᠢᠰᠷᠧᠯ ᠤᠨ ᠢᠶᠠᠨ ᠡᠮᠦᠨᠡ ᠡᠴᠡ ᠲᠡᠳᠡᠨ ᠢ ᠰᠢᠭᠦᠨᠡ ᠤᠴᠢᠷ ᠨᠢ ᠲᠡᠳᠡ ᠠᠷᠠᠳ ᠲᠦᠮᠡᠨ ᠢ ᠮᠢᠨᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠷᠬᠠᠭᠠᠨ᠂ ᠭᠠᠵᠠᠷ ᠢ ᠮᠢᠨᠢ ᠬᠤᠪᠢᠶᠠᠭᠰᠠᠨ
3 ᠲᠡᠳᠡ ᠰᠢᠪᠠᠭᠠ ᠣᠷᠬᠢᠨ ᠠᠷᠠᠳ ᠲᠦᠮᠡᠨ ᠢ ᠮᠢᠨᠢ ᠠᠪᠴᠤ ᠬᠥᠪᠡᠭᠦᠨ ᠢ ᠨᠢ ᠬᠤᠳᠠᠯᠳᠤᠨ᠂ ᠶᠠᠩ᠋ᠬᠠᠨ ᠠᠪᠴᠤ ᠥᠬᠢᠨ ᠢ ᠨᠢ ᠬᠤᠳᠠᠯᠳᠤᠨ ᠳᠠᠷᠠᠰᠤ ᠠᠪᠴᠤ ᠰᠣᠭᠲᠣᠭᠰᠠᠨ ᠶᠤᠮ᠃
4 ᠲᠢᠷ᠂ ᠰᠢᠢᠳᠣᠨ᠂ ᠹᠢᠯᠢᠰᠲ ᠤᠨ ᠪᠦᠬᠦ ᠨᠤᠲᠤᠭ ᠤᠨ ᠬᠢᠨ ᠡ᠂ ᠲᠠ ᠨᠠᠷ ᠨᠠᠳᠠ ᠳᠤ ᠶᠠᠭᠤ ᠬᠢᠬᠦ ᠭᠡᠵᠦ ᠪᠠᠢᠨᠠ ᠪᠤᠢ︖ ᠲᠠ ᠨᠠᠷ ᠨᠠᠳᠠ ᠠᠴᠠ ᠬᠠᠷᠢᠭᠤ ᠠᠪᠤᠨᠠ ᠭᠡᠵᠢ ᠤᠤ︖ ᠬᠠᠷᠢᠭᠤ ᠠᠪᠤᠨᠠ ᠭᠡᠪᠡᠯ ᠬᠠᠷᠢᠭᠤ ᠶᠢ ᠴᠢᠨᠢ ᠪᠢ ᠲᠠ ᠨᠠᠷ ᠤᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠦᠳᠲᠡᠷ ᠲᠦᠷᠭᠡᠨ ᠪᠤᠴᠠᠭᠠᠨᠠ᠃ 5 ᠤᠴᠢᠷ ᠨᠢ ᠲᠠ ᠨᠠᠷ ᠠᠯᠲᠠ ᠮᠥᠩᠭᠥ ᠶᠢ ᠮᠢᠨᠢ ᠬᠤᠷᠢᠶᠠᠵᠤ᠂ ᠦᠨᠡᠲᠦ ᠡᠷᠳᠡᠨᠢᠰ ᠢ ᠮᠢᠨᠢ ᠰᠦᠮᠡ ᠤᠷᠤᠭᠤ ᠪᠠᠨ ᠠᠪᠠᠴᠢᠭᠰᠠᠨ᠂ 6 ᠶᠦᠳᠠᠴᠤᠳ ᠪᠣᠯᠣᠨ ᠶᠧᠷᠦ᠋ᠰᠠᠯᠧᠮ ᠤᠨ ᠬᠢᠨ ᠢ ᠭᠷᠧᠭᠴᠦᠳ ᠲᠦ ᠬᠤᠳᠠᠯᠳᠤᠵᠤ᠂ ᠬᠢᠯᠢ ᠬᠢᠵᠠᠭᠠᠷ ᠠᠴᠠ ᠨᠢ ᠬᠣᠯᠠᠳᠠᠭᠤᠯᠤᠭᠰᠠᠨ ᠶᠤᠮ᠃ 7 ᠬᠠᠷᠠ᠂ ᠪᠢ ᠬᠤᠳᠠᠯᠳᠤᠭᠳᠠᠨ ᠣᠴᠢᠭᠰᠠᠨ ᠨᠤᠲᠤᠭ ᠠᠴᠠ ᠨᠢ ᠲᠡᠳᠡᠨ ᠢ ᠭᠠᠷᠭᠠᠨᠠ᠃ ᠬᠢᠭᠰᠡᠨ ᠦᠢᠯᠡ ᠶᠢ ᠴᠢᠨᠢ ᠪᠢ ᠲᠠ ᠨᠠᠷ ᠤᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠤᠴᠠᠭᠠᠨ 8 ᠬᠥᠪᠡᠭᠦᠳ ᠥᠬᠢᠳ ᠢ ᠴᠢᠨᠢ ᠶᠦᠳᠠᠴᠤᠳ ᠤᠨ ᠭᠠᠷ ᠲᠤ ᠬᠤᠳᠠᠯᠳᠤᠬᠤ ᠪᠥᠭᠡᠳ ᠶᠦᠳᠠᠴᠤᠳ ᠲᠡᠳᠡᠨ ᠢ ᠰᠠᠪᠧᠴᠤᠳ ᠲᠤ᠂ ᠠᠯᠤᠰ ᠬᠣᠯᠠ ᠶᠢᠨ ᠦᠨᠳᠦᠰᠦᠲᠡᠨ ᠳᠦ ᠬᠤᠳᠠᠯᠳᠤᠨᠠ》 ᠭᠡᠪᠡ᠃ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠤᠭᠰᠠᠨ᠃
9 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠤᠩ᠋ᠬᠠᠭᠯᠠ᠄ 《ᠳᠠᠢᠨ ᠳᠤ ᠪᠡᠯᠡᠳᠬᠡ ᠳᠠᠢᠴᠢᠳ ᠢ ᠪᠣᠰᠬᠠ︕ ᠪᠠᠢᠯᠳᠤᠭᠴᠢᠳ ᠪᠦᠭᠦᠳᠡ ᠢᠷᠡᠭᠡᠳ ᠬᠥᠳᠡᠯᠦᠭ︕
10 ᠠᠨᠵᠢᠰᠤ ᠶᠢ ᠳᠠᠪᠲᠠᠨ ᠰᠡᠯᠡᠮᠡ ᠶᠢ᠂ ᠬᠠᠳᠤᠭᠤᠷ ᠤᠳ ᠢ ᠳᠠᠪᠲᠠᠨ ᠵᠢᠳᠠ ᠬᠢ ᠳᠣᠷᠣᠢ ᠨᠢ᠄ 《ᠪᠢ ᠬᠦᠴᠦᠷᠬᠡᠭ》 ᠭᠡᠵᠦ ᠬᠡᠯᠡᠭ᠃
11 ᠪᠤᠰᠢᠭᠤᠬᠠᠨ ᠢᠷᠡᠵᠦ ᠲᠡᠨᠳᠡ ᠴᠤᠭᠯᠠᠵᠠᠭᠠ᠂ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠦᠬᠦ ᠦᠨᠳᠦᠰᠦᠲᠡᠨ ᠡ ᠶᠣᠬᠣᠸᠠ ᠡ᠂ ᠬᠦᠴᠦᠲᠡᠳ ᠢᠶᠡᠨ ᠪᠠᠭᠤᠯᠭᠠᠵᠤ ᠥᠭᠭᠥᠭᠡᠴᠢ᠃
12 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠬᠥᠳᠡᠯᠵᠡᠭᠡᠵᠦ᠂ ᠶᠧᠬᠣᠱᠠᠹᠠᠲ ᠤᠨ ᠬᠥᠨᠳᠡᠢ ᠤᠷᠤᠭᠤ ᠢᠷᠡᠭ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠦᠬᠦ ᠦᠨᠳᠦᠰᠦᠲᠡᠨ ᠢ ᠰᠢᠭᠦᠬᠦ ᠪᠡᠷ ᠲᠡᠨᠳᠡ ᠪᠢ ᠰᠠᠭᠤᠬᠤ ᠪᠣᠯᠣᠨᠠ᠃
13 ᠤᠷᠭᠤᠴᠠ ᠪᠣᠯᠪᠠᠰᠤᠷᠠᠭᠰᠠᠨ᠂ ᠬᠠᠳᠤᠭᠤᠷ ᠬᠥᠳᠡᠯᠭᠡ ᠳᠠᠷᠠᠰᠤᠨ ᠤ ᠰᠢᠬᠠᠭᠤᠷᠭᠠ ᠳᠦᠭᠦᠷᠪᠡ᠂ ᠢᠷᠡᠭᠡᠳ ᠭᠢᠰᠬᠢ ᠲᠡᠳᠡᠨ ᠦ ᠨᠢᠭᠦᠯ ᠶᠡᠬᠡ ᠤᠴᠢᠷ ᠠᠴᠠ ᠲᠣᠷᠬᠠ ᠨᠤᠭᠤᠳ ᠰᠠᠭᠭᠠᠵᠤ ᠪᠠᠢᠨᠠ᠃
14 ᠰᠢᠭᠦᠯᠲᠡ ᠶᠢᠨ ᠬᠥᠨᠳᠡᠢ ᠳᠦ ᠶᠣᠬᠣᠸᠠ ᠶᠢᠨ ᠡᠳᠦᠷ ᠣᠢᠷᠠ ᠪᠣᠯᠵᠠᠢ︕ ᠰᠢᠭᠦᠯᠲᠡ ᠶᠢᠨ ᠬᠥᠨᠳᠡᠢ ᠳᠦ ᠪᠥᠭᠡᠮ ᠪᠥᠭᠡᠮ ᠬᠥᠮᠦᠰ ᠪᠠᠢᠬᠤ ᠪᠣᠯᠣᠨᠠ
15 ᠨᠠᠷᠠ ᠰᠠᠷᠠ ᠬᠠᠷᠠᠩ᠋ᠭᠤᠢᠯᠠᠵᠤ᠂ ᠣᠳᠣᠳ ᠭᠡᠷᠡᠯ ᠢᠶᠡᠨ ᠬᠤᠷᠢᠶᠠᠨᠠ
16 ᠶᠣᠬᠣᠸᠠ ᠽᠢᠶᠣᠨ ᠠᠴᠠ ᠬᠦᠷᠬᠢᠷᠡᠵᠦ᠂ ᠶᠧᠷᠦ᠋ᠰᠠᠯᠧᠮ ᠡᠴᠡ ᠳᠠᠭᠤ ᠪᠠᠨ ᠬᠠᠲᠠᠭᠠᠬᠤ ᠳᠤ ᠲᠩᠷᠢ ᠭᠠᠵᠠᠷ ᠴᠡᠴᠡᠷᠡᠨᠡ ᠬᠠᠷᠢᠨ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠬᠣᠷᠭᠣᠳᠠᠬᠤ ᠭᠠᠵᠠᠷ᠂ ᠢᠰᠷᠧᠯᠴᠦᠳ ᠦᠨ ᠪᠠᠲᠤ ᠴᠠᠢᠵᠠ ᠪᠣᠯ ᠶᠣᠬᠣᠸᠠ ᠶᠤᠮ᠃
ᠪᠤᠷᠬᠠᠨ ᠤ ᠠᠷᠠᠳ ᠲᠦᠮᠡᠨ ᠦ ᠠᠪᠬᠤ ᠢᠪᠡᠭᠡᠯ
17 ᠡᠢᠨ ᠬᠦ ᠲᠠ ᠨᠠᠷ ᠤᠨ ᠪᠤᠷᠬᠠᠨ᠂ ᠠᠷᠢᠭᠤᠨ ᠠᠭᠤᠯᠠ ᠽᠢᠶᠣᠨ ᠳᠤ ᠣᠷᠣᠰᠢᠭᠴᠢ ᠨᠢᠭᠡᠨ ᠨᠢ ᠶᠣᠬᠣᠸᠠ ᠪᠢ ᠮᠥᠨ ᠭᠡᠳᠡᠭ ᠢ ᠲᠠ ᠨᠠᠷ ᠮᠡᠳᠡᠬᠦ ᠪᠣᠯᠣᠨᠠ ᠶᠧᠷᠦ᠋ᠰᠠᠯᠧᠮ ᠨᠢ ᠠᠷᠢᠭᠤᠨ᠂ ᠬᠠᠷᠢ ᠶᠢᠨ ᠬᠢᠨ ᠲᠡᠭᠦᠨ ᠢᠶᠡᠷ ᠥᠩᠭᠡᠷᠡᠬᠦ ᠦᠭᠡᠢ᠃
18 ᠲᠡᠷᠡ ᠡᠳᠦᠷ ᠠᠭᠤᠯᠠᠰ ᠰᠢᠨᠡ ᠳᠠᠷᠠᠰᠤ ᠳᠤᠰᠤᠯᠠᠭᠤᠯᠵᠤ ᠲᠣᠯᠣᠭᠠᠳ ᠰᠦ᠋ ᠤᠷᠤᠰᠬᠠᠨ᠂ ᠶᠦᠳᠠ ᠶᠢᠨ ᠪᠦᠬᠦ ᠭᠣᠷᠣᠬᠠ ᠤᠰᠤ ᠪᠠᠷ ᠪᠢᠯᠬᠠᠨ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠡᠴᠡ ᠪᠤᠯᠠᠭ ᠣᠷᠭᠢᠯᠵᠤ ᠬᠤᠸᠠᠢᠰᠠ ᠶᠢᠨ ᠬᠥᠨᠳᠡᠢ ᠶᠢ ᠤᠰᠤᠯᠠᠨᠠ᠃
19 ᠬᠠᠷᠢᠨ ᠶᠦᠳᠠᠴᠤᠳ ᠢ ᠬᠦᠴᠦᠷᠬᠡᠭᠯᠡᠵᠦ ᠨᠤᠲᠤᠭ ᠲᠤᠨᠢ ᠭᠡᠮ ᠦᠭᠡᠢ ᠴᠢᠰᠤ ᠶᠢ ᠤᠷᠤᠰᠬᠠᠭᠰᠠᠨ ᠤ ᠪᠠᠨ ᠤᠯᠠᠮ ᠢᠶᠠᠷ ᠶᠧᠵᠢᠫᠲ ᠨᠢ ᠪᠠᠯᠭᠠᠰᠤ᠂ ᠡᠳᠣᠮ ᠨᠢ ᠴᠥᠯ ᠪᠣᠯᠣᠨᠠ᠃
20 ᠬᠠᠷᠢᠨ ᠶᠦᠳᠠ ᠮᠥᠩᠬᠡ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠶᠧᠷᠦ᠋ᠰᠠᠯᠧᠮ ᠴᠤ ᠦᠶᠡ ᠶᠢᠨ ᠦᠶᠡ ᠳᠦ ᠰᠠᠭᠤᠬᠤ ᠬᠥᠮᠦᠨ ᠲᠡᠢ ᠪᠠᠢᠬᠤ ᠪᠣᠯᠣᠨᠠ᠃
21 ᠲᠡᠳᠡᠨ ᠦ ᠴᠢᠰᠤᠨ ᠥᠰᠢᠶᠡ ᠶᠢ ᠪᠢ ᠠᠪᠤᠨᠠ ᠲᠡᠷᠡ ᠭᠡᠮ ᠢ ᠥᠰᠢᠶᠡ ᠠᠪᠤᠯᠲᠠ ᠦᠭᠡᠢ ᠥᠩᠭᠡᠷᠡᠭᠡᠬᠦ ᠦᠭᠡᠢ ᠤᠴᠢᠷ ᠨᠢ ᠶᠣᠬᠣᠸᠠ ᠽᠢᠶᠣᠨ ᠳᠤ ᠣᠷᠣᠰᠢᠳᠠᠭ᠃