ᠬᠣᠶᠠᠳᠤᠭᠠᠷ ᠲᠢᠮᠣᠲ ᠬᠣᠶᠠᠷ
ᠰᠠᠢᠰᠢᠶᠠᠯᠲᠠᠢ ᠠᠵᠢᠯᠴᠢᠨ ᠤ ᠵᠠᠩ ᠴᠢᠨᠠᠷ ᠤᠳ
1 ᠬᠦᠦ ᠮᠢᠨᠢ ᠴᠢ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠᠬᠢ ᠢᠪᠡᠭᠡᠯ ᠢᠶᠡᠷ ᠬᠦᠴᠦᠷᠬᠡᠭ ᠪᠠᠢᠵᠤ᠂ 2 ᠪᠠᠰᠠ ᠪᠤᠰᠤᠳ ᠲᠤ ᠰᠤᠷᠭᠠᠵᠤ ᠴᠢᠳᠠᠬᠤ ᠢᠲᠡᠭᠡᠮᠵᠢᠲᠦ ᠬᠥᠮᠦᠰ ᠲᠦ ᠨᠠᠳᠠ ᠠᠴᠠ ᠰᠣᠨᠣᠰᠣᠭᠰᠠᠨ ᠵᠦᠢᠯᠡᠰ ᠢᠶᠡᠨ ᠣᠯᠠᠨ ᠭᠡᠷᠡᠴᠢ ᠶᠢᠨ ᠡᠮᠦᠨᠡ ᠳᠠᠭᠠᠭᠠᠯᠭᠠᠭᠲᠤᠨ᠃ 3 ᠴᠢ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠰᠠᠢᠨ ᠴᠡᠷᠢᠭ ᠪᠣᠯᠵᠤ᠂ ᠵᠣᠪᠠᠯᠠᠩ ᠢ ᠬᠠᠮᠲᠤ ᠡᠳ᠋ᠯᠡᠭᠲᠦᠨ᠃ 4 ᠴᠡᠷᠢᠭ ᠲᠤ ᠲᠠᠲᠠᠭᠳᠠᠭᠴᠢ ᠨᠢ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠬᠡᠷᠡᠭ ᠲᠦ ᠤᠷᠢᠶᠠᠭᠳᠠᠳᠠᠭ ᠦᠭᠡᠢ᠂ ᠬᠠᠷᠢᠨ ᠥᠪᠡᠷ ᠢ ᠨᠢ ᠴᠡᠷᠢᠭ ᠲᠤ ᠲᠠᠲᠠᠭᠴᠢ ᠶᠢ ᠪᠠᠶᠠᠷᠯᠠᠭᠤᠯᠬᠤ ᠶᠢ ᠬᠦᠰᠡᠳᠡᠭ᠃ 5 ᠲᠡᠮᠡᠴᠡᠭᠡᠨ ᠳᠦ ᠣᠷᠣᠯᠴᠠᠭᠴᠢ ᠪᠣᠯᠭᠠᠨ ᠳᠦᠷᠢᠮ ᠤᠨ ᠶᠣᠰᠣᠭᠠᠷ ᠲᠡᠮᠡᠴᠡᠬᠦ ᠡᠴᠡ ᠨᠠᠰᠢ ᠲᠢᠲᠢᠮ ᠣᠯᠬᠤ ᠦᠭᠡᠢ᠂ 6 ᠵᠦᠳᠡᠷᠡᠭᠰᠡᠨ ᠲᠠᠷᠢᠶᠠᠴᠢᠨ ᠬᠤᠷᠢᠶᠠᠯᠲᠠ ᠠᠴᠠ ᠬᠤᠪᠢ ᠪᠠᠨ ᠤᠷᠢᠳᠠᠪᠠᠷ ᠠᠪᠬᠤ ᠤᠴᠢᠷ ᠲᠠᠢ᠃ 7 ᠬᠡᠯᠡᠵᠦ ᠪᠠᠢᠭᠠ ᠶᠢ ᠮᠢᠨᠢ ᠪᠣᠳᠣᠭᠲᠤᠨ᠂ ᠡᠨᠡ ᠪᠦᠭᠦᠳᠡ ᠶᠢᠨ ᠲᠠᠯᠠ ᠪᠠᠷ ᠬᠢ ᠣᠢᠯᠠᠭᠠᠯᠲᠠ ᠶᠢ ᠡᠵᠡᠨ ᠴᠢᠮᠠ ᠳᠤ ᠰᠣᠶᠣᠷᠬᠠᠨᠠ᠃
8 ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠢ ᠰᠠᠨᠠᠭᠲᠤᠨ᠂ ᠲᠡᠷᠡ ᠳ᠋ᠠᠸᠢᠳ᠋ ᠤᠨ ᠦᠷᠡ ᠪᠣᠯᠵᠤ᠂ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠰᠠᠨ᠃ ᠡᠨᠡ ᠪᠣᠯ ᠮᠢᠨᠦ ᠪᠠᠶᠠᠷ ᠤᠨ ᠮᠡᠳᠡᠭᠡ᠂ 9 ᠡᠭᠦᠨ ᠦ ᠲᠥᠯᠥᠭᠡ ᠪᠢ ᠶᠠᠯᠠᠲᠠᠨ ᠮᠡᠲᠦ ᠬᠦᠯᠢᠭᠳᠡᠬᠦ ᠬᠦᠷᠲᠡᠯᠡ ᠪᠡᠨ ᠵᠣᠪᠠᠵᠤ ᠪᠠᠢᠨᠠ᠂ ᠭᠡᠪᠡᠴᠦ ᠪᠤᠷᠬᠠᠨ ᠤ ᠦᠭᠡ ᠪᠣᠯ ᠬᠦᠯᠢᠭᠳᠡᠳᠡᠭ ᠦᠭᠡᠢ᠃ 10 ᠡᠢᠮᠦ ᠡᠴᠡ ᠪᠢ ᠰᠣᠩ᠋ᠭᠣᠭᠳᠠᠭᠰᠠᠳ ᠤᠨ ᠲᠥᠯᠥᠭᠡ᠂ ᠮᠥᠨ ᠲᠡᠳᠡ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠᠬᠢ ᠠᠪᠤᠷᠠᠯ ᠢ ᠮᠥᠩᠬᠡ ᠶᠢᠨ ᠠᠯᠳᠠᠷ ᠤᠨ ᠬᠠᠮᠲᠤ ᠣᠯᠣᠭᠠᠰᠠᠢ ᠭᠡᠰᠡᠨ ᠳᠡᠭᠡᠨ ᠠᠯᠢᠪᠠ ᠶᠢ ᠲᠡᠰᠪᠦᠷᠢᠯᠡᠵᠦ ᠪᠠᠢᠳᠠᠭ᠃ 11 ᠡᠨᠡ ᠪᠣᠯ ᠢᠲᠡᠭᠡᠮᠵᠢᠲᠦ ᠦᠭᠡ᠄ 《ᠬᠠᠮᠲᠤ ᠦᠬᠦᠪᠡᠯ᠂ ᠬᠠᠮᠲᠤ ᠠᠮᠢᠳᠤᠷᠠᠨᠠ᠂ 12 ᠲᠡᠰᠪᠦᠷᠢᠯᠡᠪᠡᠯ ᠬᠠᠮᠲᠤ ᠬᠠᠭᠠᠨᠴᠢᠯᠠᠨᠠ᠂ ᠦᠭᠡᠶᠢᠰᠬᠡᠪᠡᠯ ᠲᠡᠷᠡ ᠴᠤ ᠪᠢᠳᠡᠨ ᠢ ᠦᠭᠡᠶᠢᠰᠬᠡᠨᠡ᠂ 13 ᠪᠢᠳᠡ ᠢᠲᠡᠭᠡᠮᠵᠢ ᠦᠭᠡᠢ ᠪᠠᠢᠪᠠᠴᠤ ᠲᠡᠷᠡ ᠢᠲᠡᠭᠡᠮᠵᠢᠲᠠᠢ᠂ ᠲᠡᠷᠡ ᠥᠪᠡᠷ ᠢ ᠪᠠᠨ ᠦᠭᠡᠶᠢᠰᠬᠡᠵᠦ ᠴᠢᠳᠠᠬᠤ ᠦᠭᠡᠢ᠃》
14 ᠴᠢ ᠡᠳᠡᠭᠡᠷ ᠢ ᠰᠠᠨᠠᠭᠤᠯᠵᠤ ᠪᠠᠢᠭᠠᠷᠠᠢ᠂ ᠮᠥᠨ 《ᠬᠡᠯᠡᠨ ᠦ ᠪᠠᠢᠯᠳᠤᠭᠠᠨ ᠪᠦᠦ ᠬᠢ》 ᠭᠡᠵᠦ ᠪᠤᠷᠬᠠᠨ ᠤ ᠡᠮᠦᠨᠡ ᠴᠢᠩᠳᠠ ᠵᠠᠬᠢ᠃ ᠲᠡᠳᠡᠭᠡᠷ ᠨᠢ ᠰᠣᠨᠣᠰᠣᠭᠴᠢᠳ ᠢ ᠦᠭᠡᠶᠢᠬᠢᠬᠦ ᠡᠴᠡ ᠥᠭᠡᠷᠡ ᠶᠠᠭᠤᠨ ᠳᠤ ᠴᠤ ᠬᠡᠷᠡᠭ ᠦᠭᠡᠢ᠃ 15 ᠴᠢ ᠦᠨᠡᠨ ᠦᠭᠡ ᠶᠢ ᠵᠥᠪ ᠬᠡᠷᠡᠭᠯᠡᠵᠦ᠂ ᠢᠴᠢᠬᠦ ᠶᠠᠭᠤᠮᠠ ᠦᠭᠡᠢ ᠠᠵᠢᠯᠲᠠᠨ᠂ ᠰᠠᠢᠰᠢᠶᠠᠯ ᠠᠪᠳᠠᠭ ᠬᠥᠮᠦᠨ ᠪᠣᠯᠬᠤ ᠶᠢᠨ ᠲᠤᠯᠠᠳᠠ ᠥᠪᠡᠷ ᠢ ᠪᠠᠨ ᠪᠤᠷᠬᠠᠨ ᠳᠤ ᠡᠷᠭᠦᠬᠦ ᠶᠢ ᠬᠢᠴᠢᠶᠡᠭᠲᠦᠨ᠃ 16 ᠠᠷᠢᠭᠤᠨ ᠪᠤᠰᠤ ᠬᠣᠭᠣᠰᠣᠨ ᠶᠠᠷᠢᠶᠠᠨ ᠠᠴᠠ ᠵᠠᠢᠯᠠ᠂ ᠲᠡᠳᠡᠭᠡᠷ ᠨᠢ ᠬᠥᠮᠦᠰ ᠢ ᠤᠯᠠᠮ ᠴᠤ ᠰᠦᠰᠦᠭ ᠦᠭᠡᠢ ᠪᠠᠢᠳᠠᠯ ᠤᠷᠤᠭᠤ ᠬᠥᠲᠥᠯᠥᠨᠡ᠃ 17 ᠲᠡᠳᠡᠨ ᠦ ᠦᠭᠡ ᠬᠣᠣᠷᠲᠤ ᠬᠠᠪᠤᠳᠠᠷ ᠮᠡᠲᠦ ᠬᠥᠮᠦᠰ ᠢ ᠵᠠᠯᠭᠢᠨᠠ᠂ ᠲᠡᠳᠡᠨ ᠦ ᠳᠤᠮᠳᠠ ᠾᠤᠮᠧᠨᠠᠢ ᠪᠠ ᠹᠢᠯᠧᠲ ᠪᠤᠢ᠃ 18 ᠲᠡᠳᠡ ᠦᠨᠡᠨ ᠡᠴᠡ ᠭᠠᠵᠢᠭᠰᠠᠨ ᠪᠥᠭᠡᠳ 《ᠠᠮᠢᠯᠠᠯᠲᠠ ᠨᠢᠭᠡᠨᠲᠡ ᠭᠦᠢᠴᠡᠯᠡ》 ᠬᠡᠮᠡᠨ ᠵᠠᠷᠢᠮ ᠤᠨ ᠬᠢᠨᠢ ᠢᠲᠡᠭᠡᠯ ᠢ ᠰᠦᠢᠷᠡᠭᠦᠯᠵᠦ ᠪᠠᠢᠳᠠᠭ᠃ 19 ᠭᠡᠪᠡᠴᠦ ᠪᠤᠷᠬᠠᠨ ᠤ ᠰᠠᠭᠤᠷᠢ ᠪᠣᠯ 《ᠬᠡᠨ ᠨᠢ ᠥᠪᠡᠷ ᠦᠨ ᠬᠢ ᠭᠡᠳᠡᠭ ᠢ ᠡᠵᠡᠨ ᠮᠡᠳᠡᠳᠡᠭ》᠂ ᠪᠠᠰᠠ 《ᠡᠵᠡᠨ ᠦ ᠨᠡᠷᠡ ᠶᠢ ᠳᠠᠭᠤᠳᠠᠭᠴᠢ ᠪᠣᠯᠭᠠᠨ ᠵᠥᠪ ᠪᠤᠰᠤ ᠠᠴᠠ ᠵᠠᠢᠯᠠ》 ᠭᠡᠰᠡᠨ ᠪᠢᠴᠢᠭᠡᠰᠦ ᠲᠠᠢ ᠪᠠᠷ ᠪᠠᠲᠤ ᠬᠡᠪ ᠢᠶᠡᠷ ᠢᠶᠠᠨ ᠪᠠᠢᠳᠠᠭ᠃
20 ᠶᠡᠬᠡ ᠠᠢᠯ ᠳᠤ ᠠᠯᠲᠠ ᠮᠥᠩᠭᠥᠨ ᠰᠠᠪᠠ ᠨᠤᠭᠤᠳ ᠯᠠ ᠪᠢᠰᠢ᠂ ᠮᠣᠳᠣ ᠰᠢᠪᠠᠷ ᠤᠨ ᠰᠠᠪᠠ ᠨᠤᠭᠤᠳ ᠴᠤ ᠪᠠᠢᠳᠠᠭ ᠪᠥᠭᠡᠳ ᠵᠠᠷᠢᠮ ᠢ ᠨᠢ ᠡᠷᠬᠢᠮ ᠳᠤ᠂ ᠵᠠᠷᠢᠮ ᠢ ᠨᠢ ᠡᠭᠡᠯ ᠳᠦ ᠠᠰᠢᠭᠯᠠᠨᠠ᠃ 21 ᠬᠡᠨ ᠪᠠᠢᠭᠰᠠᠨ ᠴᠤ ᠥᠪᠡᠷ ᠢ ᠪᠠᠨ ᠲᠡᠳᠡᠭᠡᠷ ᠶᠠᠪᠤᠳᠠᠯ ᠤᠳ ᠠᠴᠠ ᠴᠡᠪᠡᠷ ᠪᠠᠢᠯᠭᠠᠪᠠᠯ᠂ ᠡᠷᠬᠢᠮ ᠢᠶᠠᠷ ᠠᠰᠢᠭᠯᠠᠭᠳᠠᠳᠠᠭ ᠰᠠᠪᠠ᠂ ᠠᠷᠢᠭᠤᠰᠬᠠᠭᠳᠠᠭᠰᠠᠨ᠂ ᠡᠵᠡᠨ ᠳᠦ ᠬᠡᠷᠡᠭ ᠲᠡᠢ ᠠᠯᠢᠪᠠ ᠰᠠᠢᠨ ᠦᠢᠯᠡᠰ ᠦᠨ ᠲᠥᠯᠥᠭᠡ ᠪᠡᠯᠡᠬᠡᠨ ᠪᠠᠢᠬᠤ ᠰᠠᠪᠠ ᠪᠣᠯᠣᠨᠠ᠃ 22 ᠴᠢ ᠵᠠᠯᠠᠭᠤ ᠨᠠᠰᠤᠨ ᠤ ᠲᠠᠴᠢᠶᠠᠯ ᠠᠴᠠ ᠵᠠᠢᠯᠠ᠂ ᠴᠠᠭᠠᠬᠠᠨ ᠰᠡᠳᠬᠢᠯ ᠢᠶᠠᠷ ᠡᠵᠡᠨ ᠢ ᠳᠠᠭᠤᠳᠠᠭᠴᠢᠳ ᠲᠠᠢ ᠬᠠᠮᠲᠤ ᠪᠠᠷ ᠵᠥᠪ᠂ ᠢᠲᠡᠭᠡᠯ᠂ ᠬᠠᠢᠷᠠ ᠪᠠ ᠠᠮᠤᠭᠤᠯᠠᠩ ᠢ ᠬᠥᠭᠡᠭᠡᠴᠡᠯᠳᠦᠭᠲᠦᠨ᠃ 23 ᠮᠤᠩ᠋ᠬᠠᠭ ᠪᠦᠳᠦᠭᠦᠯᠢᠭ ᠮᠠᠷᠭᠤᠯᠳᠤᠭᠠᠨ ᠳᠤ ᠪᠦᠦ ᠣᠷᠣᠯᠴᠠ᠃ ᠡᠭᠦᠨ ᠡᠴᠡ ᠬᠡᠷᠡᠭᠦᠯ ᠭᠠᠷᠳᠠᠭ ᠢ ᠴᠢ ᠮᠡᠳᠡᠨᠡ᠃ 24 ᠡᠵᠡᠨ ᠦ ᠵᠠᠷᠤᠴᠠ ᠬᠡᠷᠡᠭᠦᠯ ᠬᠢᠵᠦ ᠪᠣᠯᠬᠤ ᠦᠭᠡᠢ᠂ ᠬᠠᠷᠢᠨ ᠬᠥᠮᠦᠨ ᠪᠦᠬᠦᠨ ᠳᠦ ᠡᠶᠡᠯᠳᠡᠭ᠂ ᠵᠢᠭᠠᠬᠤ ᠳᠠᠭᠠᠨ ᠰᠠᠢᠨ᠂ ᠲᠡᠰᠪᠦᠷᠢᠲᠡᠢ ᠪᠠᠢᠵᠤ᠂ 25 ᠡᠰᠡᠷᠭᠦᠴᠡᠭᠴᠢᠳ ᠢ ᠵᠥᠭᠡᠯᠡᠨ ᠢᠶᠡᠷ ᠵᠠᠰᠠᠬᠤ ᠶᠣᠰᠣᠲᠠᠢ᠃ ᠢᠩᠭᠢᠪᠡᠯ ᠲᠡᠳᠡᠨ ᠦ ᠭᠡᠮᠰᠢᠵᠦ᠂ ᠦᠨᠡᠨ ᠢ ᠤᠬᠠᠭᠠᠷᠠᠬᠤ ᠶᠢ ᠨᠢ ᠪᠤᠷᠬᠠᠨ ᠵᠥᠪᠰᠢᠶᠡᠷᠡᠵᠦ ᠮᠠᠭᠠᠳ ᠦᠭᠡᠢ᠃ 26 ᠪᠠᠰᠠ ᠰᠠᠲ᠋ᠠᠨ ᠳᠤ ᠪᠠᠷᠢᠭᠳᠠᠵᠤ᠂ ᠲᠡᠭᠦᠨ ᠦ ᠰᠠᠨᠠᠭᠠ ᠪᠠᠷ ᠶᠠᠪᠤᠵᠤ ᠪᠠᠢᠭᠰᠠᠨ ᠬᠥᠮᠦᠰ ᠰᠡᠩᠬᠡᠷᠡᠵᠦ ᠤᠷᠠᠬᠠᠨ ᠠᠴᠠ ᠨᠢ ᠮᠤᠯᠲᠤᠷᠠᠵᠤ ᠮᠡᠳᠡᠨᠡ᠃