ᠬᠣᠶᠠᠳᠤᠭᠠᠷ ᠲᠢᠮᠣᠲ ᠭᠤᠷᠪᠠ
ᠡᠴᠦᠰ ᠦᠨ ᠦᠶᠡ ᠶᠢᠨ ᠬᠢᠨ ᠤ ᠵᠠᠩ ᠴᠢᠨᠠᠷ ᠤᠳ
1 ᠡᠭᠦᠨ ᠢ ᠮᠡᠳᠡᠲᠦᠭᠡᠢ᠂ ᠡᠴᠦᠰ ᠦᠨ ᠡᠳᠦᠷ ᠤᠳ ᠲᠤ ᠠᠶᠤᠮᠰᠢᠭᠲᠤ ᠴᠠᠭ ᠢᠷᠡᠨᠡ᠂ 2 ᠬᠥᠮᠦᠰ ᠥᠪᠡᠷ ᠲᠡᠭᠡᠨ ᠬᠠᠢᠷᠠ ᠲᠠᠢ᠂ ᠵᠣᠭᠣᠰᠣᠨ ᠳᠤ ᠬᠠᠢᠷᠠ ᠲᠠᠢ᠂ ᠣᠩᠭᠢᠷᠠᠭᠠ᠂ ᠶᠡᠬᠡᠷᠬᠡᠭ᠂ ᠠᠯᠳᠠᠰᠤᠯᠠᠬᠤ ᠳᠤᠷᠠᠲᠠᠢ᠂ ᠡᠴᠢᠭᠡ ᠡᠬᠡ ᠳᠡᠭᠡᠨ ᠳᠤᠭᠤᠯᠭᠠᠪᠤᠷᠢ ᠦᠭᠡᠢ᠂ ᠲᠠᠯᠠᠷᠬᠠᠯ ᠦᠭᠡᠢ᠂ ᠰᠦᠰᠦᠭ ᠦᠭᠡᠢ᠂ 3 ᠡᠨᠡᠷᠢᠯ ᠦᠭᠡᠢ᠂ ᠡᠪᠯᠡᠷᠡᠰᠢ ᠦᠭᠡᠢ᠂ ᠭᠦᠳᠬᠡᠮᠡᠲᠡᠭᠡᠢ᠂ ᠪᠡᠶᠡ ᠪᠡᠨ ᠪᠠᠷᠢᠬᠤ ᠦᠭᠡᠢ᠂ ᠰᠢᠷᠦᠭᠦᠨ᠂ ᠰᠠᠢᠨ ᠳᠤ ᠳᠤᠷᠠ ᠦᠭᠡᠢ᠂ 4 ᠤᠷᠪᠠᠮᠠᠲᠠᠭᠠᠢ᠂ ᠬᠥᠩᠭᠡᠨ ᠬᠠᠭᠤᠳᠠᠮ᠂ ᠣᠮᠣᠷᠬᠠᠭ᠂ ᠪᠤᠷᠬᠠᠨ ᠢ ᠬᠠᠢᠷᠠᠯᠠᠬᠤ ᠠᠴᠠ ᠢᠯᠡᠭᠦᠦ ᠴᠡᠩᠭᠡᠯ ᠢ ᠬᠠᠢᠷᠠᠯᠠᠬᠤ ᠪᠥᠭᠡᠳ 5 ᠰᠦᠰᠦᠭᠯᠢᠭ ᠳᠦᠷᠢ ᠲᠠᠢ ᠪᠣᠯᠪᠠᠴᠤ ᠰᠦᠰᠦᠭ ᠦᠨ ᠬᠦᠴᠦ ᠶᠢ ᠦᠭᠡᠶᠢᠰᠬᠡᠬᠦ ᠪᠣᠯᠣᠨᠠ᠃ ᠴᠢ ᠡᠢᠮᠦᠷᠬᠦ ᠬᠥᠮᠦᠰ ᠡᠴᠡ ᠵᠠᠢᠳᠠ᠃ 6 ᠲᠡᠳᠡᠨ ᠦ ᠳᠤᠮᠳᠠ ᠬᠥᠮᠦᠨ ᠦ ᠭᠡᠷ ᠲᠦ ᠰᠡᠮᠬᠡᠨ ᠣᠷᠣᠵᠤ ᠭᠡᠨᠡᠨ ᠡᠮᠡᠰ ᠢ᠂ ᠭᠡᠮ ᠨᠢᠭᠦᠯ ᠳᠡᠭᠡᠨ ᠳᠠᠷᠤᠭᠳᠠᠭᠠᠳ ᠡᠯᠳᠡᠪ ᠳᠤᠷᠠ ᠬᠦᠰᠡᠯ ᠳᠦ ᠲᠠᠲᠠᠭᠳᠠᠨ᠂ 7 ᠰᠤᠷᠤᠯᠴᠠᠭᠰᠠᠭᠠᠷ ᠪᠠᠢᠭᠰᠠᠨ ᠴᠤ ᠦᠨᠡᠨ ᠳᠦ ᠬᠦᠷᠴᠦ ᠴᠢᠳᠠᠳᠠᠭ ᠦᠭᠡᠢ ᠡᠮᠡᠰ ᠢ ᠥᠪᠡᠷ ᠲᠡᠭᠡᠨ ᠲᠠᠲᠠᠭᠴᠢᠳ ᠴᠤ ᠪᠤᠢ᠃ 8 ᠶᠠᠨᠧ ᠪᠠ ᠶᠠᠮᠪᠷᠧ ᠬᠣᠶᠠᠭᠤᠯᠠ ᠮᠣᠰᠧ ᠶᠢ ᠡᠰᠡᠷᠭᠦᠴᠡᠭᠰᠡᠨ ᠰᠢᠭ᠂ ᠡᠳᠡᠭᠡᠷ ᠢᠯᠵᠢᠷᠠᠮᠠᠯ ᠰᠠᠨᠠᠭᠠ ᠲᠠᠢ᠂ ᠢᠲᠡᠭᠡᠯ ᠦᠨ ᠲᠠᠯᠠ ᠪᠠᠷ ᠭᠣᠯᠣᠭᠳᠠᠭᠰᠠᠨ ᠬᠥᠮᠦᠰ ᠦᠨᠡᠨ ᠢ ᠡᠰᠡᠷᠭᠦᠴᠡᠳᠡᠭ᠃ 9 ᠭᠡᠪᠡᠴᠦ ᠲᠡᠳᠡ ᠴᠠᠰᠢ ᠠᠬᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ᠂ ᠤᠴᠢᠷ ᠨᠢ᠂ ᠲᠡᠷᠡ ᠬᠣᠶᠠᠭᠤᠯᠠ ᠲᠠᠢ ᠠᠳᠠᠯᠢ ᠪᠠᠷ ᠲᠡᠳᠡᠨ ᠦ ᠤᠬᠠᠭᠠᠨ ᠦᠭᠡᠢ ᠪᠠᠢᠳᠠᠯ ᠴᠤ ᠪᠦᠬᠦᠨ ᠦ ᠡᠮᠦᠨᠡ ᠢᠯᠡᠷᠡᠨᠡ᠃
ᠰᠢᠳᠠᠷ ᠱᠠᠪᠢ ᠶᠢᠨ ᠦᠯᠢᠭᠡᠷ ᠵᠢᠱᠢᠶᠡ
10 ᠬᠠᠷᠢᠨ ᠴᠢ ᠮᠢᠨᠦ ᠰᠤᠷᠭᠠᠯ᠂ ᠠᠮᠢᠳᠤᠷᠠᠯ᠂ ᠵᠣᠷᠢᠯᠭᠠ᠂ ᠢᠲᠡᠭᠡᠯ᠂ ᠲᠡᠰᠪᠦᠷᠢ᠂ ᠬᠠᠢᠷᠠ᠂ ᠲᠤᠤᠱᠲᠠᠢ ᠪᠠᠢᠳᠠᠯ ᠬᠢᠭᠡᠳ 11 ᠠᠨᠲ᠋ᠢᠶᠣᠬᠢᠶᠠ᠂ ᠢᠺᠣᠨᠢᠶᠣᠨ᠂ ᠯᠦᠰᠲ᠋ᠷᠠ ᠳᠤ ᠨᠠᠳᠠ ᠳᠤ ᠲᠣᠬᠢᠶᠠᠯᠳᠤᠭᠰᠠᠨ ᠬᠠᠪᠴᠢᠯᠭᠠ ᠪᠠ ᠵᠣᠪᠠᠯᠠᠩ ᠢ ᠭᠦᠨᠵᠡᠭᠡᠢ ᠣᠢᠯᠠᠭᠠᠭᠰᠠᠨ᠃ ᠪᠢ ᠲᠡᠢᠮᠦᠷᠬᠦ ᠬᠠᠪᠴᠢᠯᠭᠠ ᠶᠢ ᠳᠤᠭᠤᠯᠤᠭᠰᠠᠨ᠂ ᠬᠠᠷᠢᠨ ᠡᠵᠡᠨ ᠨᠠᠮᠠᠶᠢ ᠡᠨᠡ ᠪᠦᠭᠦᠳᠡ ᠡᠴᠡ ᠭᠡᠲᠦᠯᠭᠡᠭᠰᠡᠨ ᠶᠤᠮ᠃ 12 ᠦᠨᠡᠨ ᠳᠡᠭᠡᠨ᠂ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠰᠦᠰᠦᠭ ᠲᠡᠢ ᠠᠮᠢᠳᠤᠷᠠᠬᠤ ᠶᠢ ᠬᠦᠰᠡᠭᠴᠢ ᠪᠣᠯᠭᠠᠨ ᠬᠠᠪᠴᠢᠭᠳᠠᠨᠠ᠂ 13 ᠬᠠᠷᠢᠨ ᠮᠠᠭᠤ ᠬᠥᠮᠦᠰ ᠪᠠ ᠬᠠᠭᠤᠷᠤᠭᠴᠢᠳ ᠨᠢ ᠮᠡᠬᠡᠯᠡᠨ ᠮᠡᠬᠡᠯᠡᠭᠳᠡᠵᠦ᠂ ᠮᠠᠭᠤ ᠠᠴᠠ ᠮᠠᠭᠤ ᠤᠷᠤᠭᠤ ᠶᠠᠪᠤᠨᠠ᠃
ᠠᠷᠢᠭᠤᠨ ᠨᠣᠮ ᠤᠨ ᠠᠴᠢ ᠬᠣᠯᠪᠣᠭᠳᠠᠯ
14 ᠬᠠᠷᠢᠨ ᠴᠢ ᠪᠣᠯ ᠰᠤᠷᠤᠭᠠᠳ ᠪᠠᠲᠤ ᠢᠲᠡᠭᠡᠭᠰᠡᠨ ᠦ ᠪᠠᠨ ᠳᠣᠲᠣᠷᠠ ᠪᠠᠢᠭᠲᠤᠨ᠂ ᠴᠢ ᠬᠡᠨ ᠬᠡᠨ ᠡᠴᠡ ᠰᠤᠷᠤᠭᠰᠠᠨ ᠢᠶᠠᠨ᠂ 15 ᠪᠠᠰᠠ ᠪᠦᠷ ᠪᠠᠯᠴᠢᠷ ᠪᠠᠢᠬᠤ ᠠᠴᠠ ᠪᠠᠨ ᠠᠷᠢᠭᠤᠨ ᠨᠣᠮ ᠢ ᠬᠡᠷᠬᠢᠨ ᠲᠠᠨᠢᠭᠰᠠᠨ ᠢᠶᠠᠨ ᠮᠡᠳᠡᠨᠡ᠂ ᠠᠷᠢᠭᠤᠨ ᠨᠣᠮ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠲᠤ ᠢᠲᠡᠭᠡᠭᠰᠡᠨ ᠢᠶᠡᠷ ᠠᠪᠤᠷᠠᠯ ᠳᠤ ᠬᠦᠷᠬᠦ ᠮᠡᠷᠭᠡᠨ ᠤᠬᠠᠭᠠᠨ ᠢ ᠴᠢᠮᠠ ᠳᠤ ᠣᠯᠭᠣᠬᠤ ᠴᠢᠳᠠᠯ ᠲᠠᠢ᠃ 16 ᠪᠦᠬᠦ ᠪᠢᠴᠢᠭᠡᠰᠦ ᠨᠢ ᠪᠤᠷᠬᠠᠨ ᠤ ᠠᠮᠢᠰᠬᠤᠯ ᠲᠠᠢ ᠪᠥᠭᠡᠳ ᠵᠢᠭᠠᠬᠤ᠂ ᠵᠢᠮᠡᠯᠡᠬᠦ᠂ ᠵᠠᠯᠠᠷᠠᠭᠤᠯᠬᠤ ᠪᠠ ᠵᠥᠪ ᠢᠶᠡᠷ ᠰᠠᠬᠢᠯᠭᠠᠵᠢᠭᠤᠯᠬᠤ ᠳᠤ ᠲᠤᠰᠠ ᠲᠠᠢ᠂ 17 ᠪᠤᠷᠬᠠᠨ ᠤ ᠬᠥᠮᠦᠨ ᠠᠯᠢᠪᠠ ᠰᠠᠢᠨ ᠢ ᠦᠢᠯᠡᠳᠬᠦ ᠳᠡᠭᠡᠨ ᠡᠭᠦᠨ ᠢᠶᠡᠷ ᠲᠡᠭᠦᠯᠳᠡᠷᠵᠢᠬᠦ ᠪᠣᠯᠣᠨᠠ᠃