ᠺᠣᠯᠣᠰᠠᠢ ᠬᠣᠶᠠᠷ
1 ᠲᠠ ᠨᠠᠷ ᠪᠠ ᠯᠠᠣᠳᠢᠺᠧᠶᠠ ᠶᠢᠨ ᠬᠢᠨ ᠪᠣᠯᠣᠨ ᠨᠠᠳᠠ ᠲᠠᠢ ᠨᠢᠭᠤᠷ ᠤᠴᠠᠷᠠᠭᠠ ᠦᠭᠡᠢ ᠬᠥᠮᠦᠰ ᠦᠨ ᠲᠥᠯᠥᠭᠡ ᠴᠤ ᠬᠡᠴᠢᠨᠡᠨ ᠶᠡᠬᠡ ᠲᠡᠮᠡᠴᠡᠵᠦ ᠪᠠᠢᠭᠠ ᠶᠢ ᠮᠢᠨᠢ ᠲᠠ ᠨᠠᠷ ᠮᠡᠳᠡᠭᠡᠰᠡᠢ᠃ 2 ᠲᠡᠳᠡ ᠰᠡᠳᠬᠢᠯ ᠲᠠᠢᠪᠤᠰᠢᠷᠠᠨ ᠬᠠᠢᠷᠠ ᠪᠠᠷ ᠬᠣᠯᠪᠣᠯᠳᠤᠵᠤ᠂ ᠤᠬᠠᠭᠠᠮᠵᠢ ᠪᠠᠷ ᠪᠦᠷᠢᠨ ᠲᠡᠭᠦᠰ᠂ ᠢᠲᠡᠭᠡᠯ ᠢᠶᠡᠷ ᠳᠦᠭᠦᠷᠡᠩ ᠪᠣᠯᠵᠤ᠂ ᠪᠤᠷᠬᠠᠨ ᠤ ᠨᠢᠭᠤᠴᠠ ᠪᠣᠯᠬᠤ ᠾᠷᠢᠰᠲ᠋ᠣᠰ ᠢ ᠵᠥᠪ ᠣᠢᠯᠠᠭᠠᠬᠤ ᠪᠣᠯᠲᠤᠭᠠᠢ᠃ 3 ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠮᠡᠷᠭᠡᠨ ᠤᠬᠠᠭᠠᠨ ᠪᠠ ᠮᠡᠳᠡᠯᠭᠡ ᠶᠢᠨ ᠠᠯᠢᠪᠠ ᠡᠷᠳᠡᠨᠢᠰ ᠨᠢᠭᠤᠭᠳᠠᠭᠰᠠᠨ ᠪᠠᠢᠳᠠᠭ᠃
ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠᠬᠢ ᠡᠷᠬᠡ ᠴᠢᠯᠥᠭᠡ
4 ᠪᠢ ᠡᠭᠦᠨ ᠢ ᠬᠡᠯᠡᠵᠦ ᠪᠠᠢᠭᠠ ᠨᠢ ᠬᠡᠨ ᠨᠢᠭᠡ ᠨᠢ ᠲᠠ ᠨᠠᠷ ᠢ ᠤᠷᠠᠨ ᠦᠭᠡ ᠪᠡᠷ ᠮᠡᠬᠡᠯᠡᠭᠦᠵᠡᠢ ᠭᠡᠰᠡᠨ ᠳᠡᠭᠡᠨ ᠶᠤᠮ᠃ 5 ᠪᠢ ᠪᠡᠶᠡ ᠪᠡᠷ ᠢᠶᠠᠨ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠦᠭᠡᠢ ᠪᠣᠯᠪᠠᠴᠤ ᠰᠦᠨᠡᠰᠦ ᠪᠡᠷ ᠢᠶᠠᠨ ᠬᠠᠮᠲᠤ ᠪᠠᠢᠯᠴᠠᠨ ᠲᠠ ᠨᠠᠷ ᠤᠨ ᠡᠮᠬᠢ ᠵᠠᠮᠪᠠᠷᠠᠭᠠ ᠲᠠᠢ᠂ ᠾᠷᠢᠰᠲ᠋ᠣᠰ ᠲᠤ ᠪᠠᠲᠤ ᠢᠲᠡᠭᠡᠯ ᠲᠡᠢ ᠶᠢ ᠴᠢᠨᠢ ᠬᠠᠷᠠᠭᠠᠳ ᠪᠠᠶᠠᠷᠯᠠᠵᠤ ᠪᠠᠢᠨᠠ᠃
6 ᠲᠠ ᠨᠠᠷ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠢ ᠡᠵᠡᠨ ᠢᠶᠡᠷ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠲᠤᠯᠠ 7 ᠲᠡᠭᠦᠨ ᠦ ᠳᠣᠲᠣᠷᠠ ᠶᠠᠪᠤᠵᠠᠭᠠ᠃ ᠰᠤᠷᠤᠭᠰᠠᠨ ᠶᠣᠰᠣᠭᠠᠷ ᠢᠶᠠᠨ ᠲᠡᠭᠦᠨ ᠦ ᠳᠣᠲᠣᠷᠠ ᠦᠨᠳᠦᠰᠦᠯᠡᠭᠳᠡᠨ ᠪᠠᠢᠭᠤᠯᠤᠭᠳᠠᠵᠤ᠂ ᠢᠲᠡᠭᠡᠯ ᠢᠶᠡᠷ ᠪᠠᠲᠤᠵᠢᠨ ᠲᠠᠯᠠᠷᠬᠠᠯ ᠢᠶᠠᠷ ᠳᠦᠭᠦᠷᠡᠩ ᠪᠠᠢᠭᠲᠤᠨ᠃
8 ᠲᠠ ᠨᠠᠷ ᠬᠡᠨ ᠨᠢᠭᠡᠨ ᠦ ᠭᠦᠨ ᠤᠬᠠᠭᠠᠨ᠂ ᠡᠰᠡᠬᠦᠯᠡ ᠬᠣᠭᠣᠰᠣᠨ ᠣᠪ ᠮᠡᠬᠡᠨ ᠳᠦ ᠣᠯᠵᠠᠯᠠᠭᠳᠠᠭᠤᠵᠠᠢ᠃ ᠡᠳᠡᠭᠡᠷ ᠨᠢ ᠾᠷᠢᠰᠲ᠋ᠣᠰ ᠢ ᠪᠢᠰᠢ᠂ ᠬᠠᠷᠢᠨ ᠬᠥᠮᠦᠨ ᠦ ᠤᠯᠠᠮᠵᠢᠯᠠᠯ ᠪᠠ ᠶᠢᠷᠲᠢᠨᠴᠦ ᠶᠢᠨ ᠡᠩ ᠦᠨ ᠵᠢᠷᠤᠮ ᠢ ᠳᠠᠭᠠᠳᠠᠭ᠃ 9 ᠪᠤᠷᠬᠠᠨ ᠤ ᠪᠦᠷᠢᠨ ᠳᠦᠭᠦᠷᠡᠩ ᠴᠢᠨᠠᠷ ᠨᠢ ᠴᠥᠮ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠪᠡᠶᠡᠴᠢᠯᠡᠨ ᠣᠷᠣᠰᠢᠵᠤ ᠪᠠᠢᠳᠠᠭ᠃ 10 ᠲᠠ ᠨᠠᠷ ᠴᠤ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠡᠢᠨ ᠬᠦ ᠪᠦᠷᠢᠨ ᠳᠦᠭᠦᠷᠡᠩ ᠪᠣᠯᠣᠯᠠ᠃ ᠾᠷᠢᠰᠲ᠋ᠣᠰ ᠪᠣᠯ ᠠᠯᠢᠪᠠ ᠵᠠᠰᠠᠭᠯᠠᠯ ᠪᠠ ᠡᠷᠬᠡ ᠮᠡᠳᠡᠯ ᠦᠨ ᠲᠡᠷᠢᠭᠦᠨ ᠮᠥᠨ᠃ 11 ᠲᠡᠭᠦᠨ ᠦ ᠳᠣᠲᠣᠷᠠ ᠲᠠ ᠨᠠᠷ ᠬᠥᠮᠦᠨ ᠦ ᠭᠠᠷ ᠢᠶᠠᠷ ᠬᠥᠪᠴᠢᠷᠬᠡᠢ ᠬᠥᠨᠳᠡᠬᠦ ᠶᠣᠰᠣᠯᠠᠯ ᠢ ᠪᠤᠰᠤ᠂ ᠬᠠᠷᠢᠨ ᠾᠷᠢᠰᠲ᠋ᠣᠰ ᠢᠶᠠᠷ ᠬᠥᠪᠴᠢᠷᠬᠡᠢ ᠬᠥᠨᠳᠡᠬᠦ ᠶᠣᠰᠣᠯᠠᠯ᠂ ᠲᠤᠬᠠᠢᠯᠠᠪᠠᠯ ᠨᠢᠭᠦᠯᠲᠦ ᠤᠭ ᠴᠢᠨᠠᠷ 1 ᠢᠶᠠᠨ ᠲᠠᠢᠯᠬᠤ ᠶᠣᠰᠣᠯᠠᠯ ᠢ ᠬᠢᠯᠭᠡᠭᠰᠡᠨ᠃ 12 ᠲᠠ ᠨᠠᠷ ᠤᠬᠢᠶᠠᠯ ᠬᠦᠷᠲᠡᠬᠦ ᠳᠡᠭᠡᠨ ᠾᠷᠢᠰᠲ᠋ᠣᠰ ᠲᠠᠢ ᠬᠠᠮᠲᠤ ᠪᠤᠯᠠᠰᠢᠯᠠᠭᠳᠠᠵᠤ᠂ ᠬᠠᠮᠲᠤ ᠠᠮᠢᠯᠠᠭᠤᠯᠤᠭᠳᠠᠪᠠ᠃ ᠤᠴᠢᠷ ᠨᠢ᠂ ᠲᠡᠭᠦᠨ ᠢ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠤᠯᠤᠭᠰᠠᠨ ᠪᠤᠷᠬᠠᠨ ᠤ ᠬᠦᠴᠦᠨ ᠳᠦ ᠲᠠ ᠨᠠᠷ ᠢᠲᠡᠭᠡᠭᠰᠡᠨ ᠶᠤᠮ᠃ 13 ᠨᠢᠭᠦᠯᠲᠦ ᠤᠭ ᠴᠢᠨᠠᠷ 2 ᠤᠨ ᠬᠥᠪᠴᠢᠷᠬᠡᠢ ᠬᠥᠨᠳᠡᠬᠦ ᠶᠣᠰᠣᠯᠠᠯ ᠢ ᠬᠦᠷᠲᠡᠭᠡ ᠦᠭᠡᠢ ᠨᠢᠭᠦᠯ ᠳᠣᠲᠣᠷᠠ ᠦᠬᠦᠮᠡᠯ ᠪᠠᠢᠭᠰᠠᠨ ᠲᠠ ᠨᠠᠷ ᠢ ᠪᠤᠷᠬᠠᠨ ᠾᠷᠢᠰᠲ᠋ᠣᠰ ᠲᠠᠢ ᠬᠠᠮᠲᠤ ᠠᠮᠢᠯᠠᠭᠤᠯᠵᠠᠢ᠃ ᠪᠤᠷᠬᠠᠨ ᠪᠢᠳᠡᠨ ᠦ ᠬᠠᠮᠤᠭ ᠨᠢᠭᠦᠯ ᠢ ᠬᠡᠯᠲᠦᠷᠢᠭᠦᠯᠦᠭᠰᠡᠨ᠂ 14 ᠪᠢᠳᠡᠨ ᠢ ᠡᠰᠡᠷᠭᠦᠴᠡᠵᠦ᠂ ᠪᠢᠳᠡᠨ ᠢ ᠶᠠᠯᠠᠯᠠᠬᠤ ᠵᠠᠷᠯᠢᠭ ᠲᠠᠢ ᠪᠢᠴᠢᠭ ᠢ ᠲᠡᠷᠡ ᠬᠦᠴᠦᠨ ᠦᠭᠡᠢ ᠪᠣᠯᠭᠠᠨ ᠵᠠᠭᠠᠯᠮᠠᠢ ᠳᠤ ᠬᠠᠳᠠᠵᠤ ᠪᠢᠳᠡᠨ ᠡᠴᠡ ᠵᠠᠢᠯᠠᠭᠤᠯᠤᠭᠰᠠᠨ ᠪᠥᠭᠡᠳ 15 ᠡᠢᠨ ᠬᠦ ᠵᠠᠬᠢᠷᠤᠭᠴᠢᠳ ᠪᠣᠯᠣᠨ ᠡᠷᠬᠡ ᠪᠠᠷᠢᠭᠴᠢᠳ ᠤᠨ ᠵᠡᠪᠰᠡᠭ ᠢ ᠲᠠᠢᠯᠤᠨ ᠠᠪᠴᠤ᠂ ᠲᠡᠳᠡᠨ ᠢ ᠨᠡᠢᠲᠡ ᠶᠢᠨ ᠦᠵᠡᠮᠦᠷᠢ ᠪᠣᠯᠭᠠᠭᠰᠠᠨ ᠢᠶᠠᠷ ᠢᠶᠠᠨ ᠵᠠᠭᠠᠯᠮᠠᠢ ᠶᠢᠨ ᠢᠯᠠᠯᠲᠠ ᠶᠢ ᠪᠠᠢᠭᠤᠯᠵᠠᠢ᠃
16 ᠡᠢᠮᠦ ᠡᠴᠡ ᠲᠠ ᠨᠠᠷ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠪᠠᠶᠠᠷ ᠳᠤᠷᠠᠰᠬᠠᠯ᠂ ᠰᠢᠨᠡᠳ ᠦᠨ ᠰᠠᠷᠠ᠂ ᠠᠮᠠᠷᠠᠯ ᠤᠨ ᠡᠳᠦᠷ ᠵᠡᠷᠭᠡ ᠡᠴᠡ ᠪᠣᠯᠵᠤ ᠬᠡᠨ ᠳᠦ ᠴᠤ ᠪᠦᠦ ᠰᠢᠭᠦᠮᠵᠢᠯᠡᠭᠳᠡᠭᠡᠰᠡᠢ᠃ 17 ᠡᠳᠡᠭᠡᠷ ᠪᠣᠯ ᠢᠷᠡᠭᠡᠳᠦᠢ ᠳᠦ ᠪᠣᠯᠬᠤ ᠵᠦᠢᠯᠡᠰ ᠦᠨ ᠰᠡᠭᠦᠳᠡᠷ ᠶᠤᠮ᠂ ᠬᠠᠷᠢᠨ ᠪᠣᠳᠠᠲᠤ ᠪᠡᠶᠡ ᠨᠢ ᠾᠷᠢᠰᠲ᠋ᠣᠰ ᠪᠢᠯᠡ᠃ 18 ᠳᠠᠷᠤᠤᠬᠠᠨ ᠳᠦᠷᠢᠯᠡᠵᠦ᠂ ᠲᠡᠳᠡᠭᠡᠷ ᠲᠩᠷᠢ ᠡᠯᠴᠢᠳ ᠲᠤ ᠮᠥᠷᠭᠥᠭᠴᠢᠳ ᠲᠤ ᠮᠡᠬᠡᠯᠡᠭᠳᠡᠭᠡᠳ ᠱᠠᠩᠨᠠᠯ ᠢᠶᠠᠨ ᠠᠯᠳᠠᠭᠤᠵᠠᠢ᠃ ᠲᠡᠳᠡᠭᠡᠷ ᠬᠥᠮᠦᠨ ᠦᠵᠡᠭᠰᠡᠨ ᠳᠡᠭᠡᠨ ᠯᠠ ᠠᠪᠲᠠᠵᠤ ᠮᠢᠬᠠᠨ ᠪᠡᠶᠡᠲᠦ ᠬᠥᠮᠦᠨ ᠦ ᠰᠠᠨᠠᠭᠠ ᠪᠠᠷ ᠬᠣᠭᠣᠰᠣᠨ ᠣᠩ᠋ᠭᠢᠷᠠᠭᠠᠳ 19 ᠲᠡᠷᠢᠭᠦᠨ ᠡᠴᠡ ᠪᠠᠷᠢᠳᠠᠭ ᠦᠭᠡᠢ᠃ ᠬᠠᠷᠢᠨ ᠪᠦᠲᠦᠨ ᠪᠡᠶᠡ ᠪᠣᠯ ᠦᠶᠡ ᠭᠡᠰᠢᠭᠦᠦ ᠪᠠ ᠰᠢᠷᠪᠥᠰᠥ ᠪᠡᠷ ᠳᠠᠮᠵᠢᠭᠤᠯᠤᠨ ᠲᠡᠷᠢᠭᠦᠨ ᠡᠴᠡ ᠪᠡᠨ ᠬᠠᠩ᠋ᠭᠠᠯᠭᠠ ᠪᠠᠨ ᠠᠪᠴᠤ᠂ ᠬᠣᠯᠪᠣᠯᠳᠤᠨ᠂ ᠪᠤᠷᠬᠠᠨ ᠤ ᠥᠰᠭᠡᠭᠰᠡᠨ ᠢᠶᠡᠷ ᠥᠰᠳᠡᠭ ᠶᠤᠮ᠃
20 ᠬᠡᠷᠪᠡ ᠲᠠ ᠨᠠᠷ ᠶᠢᠷᠲᠢᠨᠴᠦ ᠶᠢᠨ ᠡᠩ ᠦᠨ ᠵᠠᠷᠴᠢᠮ ᠠᠴᠠ ᠰᠠᠯᠵᠤ ᠾᠷᠢᠰᠲ᠋ᠣᠰ ᠲᠠᠢ ᠬᠠᠮᠲᠤ ᠦᠬᠦᠭᠰᠡᠨ ᠪᠣᠯ᠂ ᠶᠠᠭᠤᠨ ᠳᠤ ᠡᠨᠡ ᠶᠢᠷᠲᠢᠨᠴᠦ ᠳᠦ ᠯᠠ ᠠᠮᠢᠳᠤᠷᠠᠳᠠᠭ ᠰᠢᠭ᠋ 21 《ᠪᠦᠦ ᠪᠠᠷᠢ᠂ ᠪᠦᠦ ᠠᠮᠰᠠ᠂ ᠪᠦᠦ ᠭᠠᠷ ᠬᠦᠷ》 ᠮᠡᠲᠦ ᠶᠢᠨ ᠳᠦᠷᠢᠮ ᠢ ᠪᠠᠷᠢᠮᠲᠠᠯᠠᠨᠠ ᠪᠤᠢ︖ 22 ᠡᠳᠡᠭᠡᠷ ᠨᠢ ᠬᠥᠮᠦᠨ ᠦ ᠵᠠᠷᠯᠢᠭ ᠪᠠ ᠰᠤᠷᠭᠠᠯ ᠢ ᠳᠠᠭᠠᠳᠠᠭ ᠪᠥᠭᠡᠳ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠭᠠᠳ ᠴᠥᠮ ᠢᠶᠡᠷ ᠢᠶᠠᠨ ᠬᠡᠷᠡᠭ ᠦᠭᠡᠢ ᠪᠣᠯᠣᠨᠠ᠃ 23 ᠡᠳᠡᠭᠡᠷ ᠳᠦᠷᠢᠮ ᠪᠣᠯ ᠰᠠᠨᠠᠭᠠ ᠪᠠᠷ ᠢᠶᠠᠨ ᠰᠢᠲᠦᠨ ᠪᠢᠰᠢᠷᠡᠬᠦ᠂ ᠥᠪᠡᠷ ᠢ ᠪᠠᠨ ᠳᠠᠷᠤᠤᠬᠠᠨ ᠪᠠᠢᠯᠭᠠᠬᠤ᠂ ᠪᠡᠶᠡ ᠪᠡᠨ ᠵᠣᠪᠠᠭᠠᠬᠤ ᠳᠤ ᠰᠡᠴᠡᠨ ᠭᠡᠮᠡᠷ ᠪᠣᠯᠪᠠᠴᠤ ᠮᠢᠬᠠᠨ ᠪᠡᠶᠡ ᠶᠢᠨ ᠰᠢᠨᠤᠯ ᠢ ᠳᠠᠷᠤᠬᠤ ᠳᠤ ᠶᠠᠮᠠᠷ ᠴᠤ ᠲᠤᠰᠠ ᠪᠣᠯᠳᠠᠭ ᠦᠭᠡᠢ᠃