ᠺᠣᠯᠣᠰᠠᠢ ᠳᠥᠷᠪᠡ
1 ᠡᠵᠡᠳ ᠡ᠂ ᠵᠥᠪ ᠰᠢᠳᠤᠷᠭᠤ ᠪᠠᠷ ᠵᠠᠷᠤᠴᠠ ᠨᠠᠷ ᠲᠠᠭᠠᠨ ᠬᠠᠨᠳᠤᠭᠠᠷᠠᠢ᠃ ᠲᠠ ᠨᠠᠷ ᠲᠤ ᠴᠤ ᠲᠩᠷᠢ ᠳᠡᠭᠡᠷᠡ ᠡᠵᠡᠨ ᠪᠤᠢ ᠭᠡᠳᠡᠭ ᠢ ᠮᠡᠳᠡᠭᠲᠦᠨ᠃
ᠬᠠᠮᠲᠤᠷᠠᠨ ᠵᠢᠳᠬᠦᠭᠴᠢᠳ
2 ᠳᠠᠭᠠᠳᠬᠠᠯ ᠳᠠᠭᠠᠨ ᠲᠤᠤᠱᠲᠠᠢ ᠪᠠᠢ᠂ ᠳᠠᠭᠠᠳᠬᠠᠬᠤ ᠳᠠᠭᠠᠨ ᠲᠠᠯᠠᠷᠬᠠᠵᠤ ᠰᠡᠷᠭᠡᠭ ᠪᠠᠢᠭᠲᠤᠨ᠃ 3 ᠮᠥᠨ ᠪᠢᠳᠡᠨ ᠦ ᠲᠥᠯᠥᠭᠡ ᠳᠠᠭᠠᠳᠬᠠᠭᠠᠷᠠᠢ᠂ ᠪᠢᠳᠡᠨ ᠦ ᠦᠭᠡ ᠳᠡᠯᠭᠡᠷᠡᠭᠦᠯᠬᠦ ᠡᠭᠦᠳᠡ ᠶᠢ ᠪᠤᠷᠬᠠᠨ ᠨᠡᠭᠡᠭᠡᠵᠦ ᠥᠭᠭᠥᠭᠡᠳ ᠪᠢᠳᠡᠨ ᠢᠶᠡᠷ ᠾᠷᠢᠰᠲ᠋ᠣᠰ ᠤᠨ ᠨᠢᠭᠤᠴᠠ ᠶᠢ ᠲᠤᠩ᠋ᠬᠠᠭᠯᠠᠭᠤᠯᠬᠤ ᠪᠣᠯᠲᠤᠭᠠᠢ ᠭᠡᠵᠦ ᠭᠤᠶᠤ᠃ ᠪᠢ ᠡᠨᠡ ᠨᠢᠭᠤᠴᠠ ᠶᠢᠨ ᠲᠥᠯᠥᠭᠡ ᠬᠣᠷᠢᠭᠳᠠᠭᠰᠠᠨ ᠶᠤᠮ᠃ 4 ᠲᠡᠢᠮᠦ ᠡᠴᠡ ᠬᠡᠯᠡᠬᠦ ᠶᠣᠰᠣᠲᠠᠢ ᠪᠠᠨ ᠲᠣᠳᠣᠷᠬᠠᠢᠯᠠᠬᠤ ᠶᠢᠨ ᠮᠢᠨᠢ ᠲᠥᠯᠥᠭᠡ ᠭᠤᠶᠤᠵᠤ ᠥᠭᠭᠥᠭᠲᠦᠨ᠃
5 ᠴᠠᠭ ᠢᠶᠠᠨ ᠰᠠᠢᠨ ᠠᠰᠢᠭᠯᠠᠵᠤ 3 ᠭᠠᠳᠠᠨᠠᠬᠢ ᠬᠥᠮᠦᠰ ᠲᠡᠢ ᠮᠡᠷᠭᠡᠨ ᠤᠬᠠᠭᠠᠯᠢᠭ ᠬᠠᠷᠢᠯᠴᠠ᠃ 6 ᠦᠭᠡ ᠪᠡᠨ ᠦᠷᠭᠦᠯᠵᠢ ᠡᠶᠡᠯᠳᠡᠭ᠂ ᠳᠠᠪᠤᠰᠤ ᠪᠠᠷ ᠠᠮᠲᠠ ᠣᠷᠣᠭᠤᠯᠤᠭᠰᠠᠨ ᠮᠡᠲᠦ ᠶᠠᠷᠢ᠂ ᠢᠩᠭᠢᠭᠰᠡᠨ ᠢᠶᠡᠷ ᠲᠠ ᠨᠠᠷ ᠬᠥᠮᠦᠨ ᠪᠣᠯᠭᠠᠨ ᠳᠤ ᠶᠠᠭᠠᠬᠢᠵᠤ ᠬᠠᠷᠢᠭᠤᠯᠬᠤ ᠶᠣᠰᠣᠲᠠᠢ ᠪᠠᠨ ᠮᠡᠳᠡᠬᠦ ᠪᠣᠯᠣᠨᠠ᠃
7 ᠲᠦᠬᠢᠺ ᠮᠢᠨᠦ ᠲᠤᠬᠠᠢ ᠪᠦᠬᠦᠨ ᠢ ᠲᠠ ᠨᠠᠷ ᠲᠤ ᠮᠡᠳᠡᠭᠦᠯᠬᠦ ᠪᠣᠯᠣᠨᠠ᠂ ᠲᠡᠷᠡ ᠪᠣᠯ ᠬᠠᠢᠷᠠᠲᠤ ᠳᠡᠭᠦᠦ᠂ ᠢᠲᠡᠭᠡᠮᠵᠢᠲᠦ ᠳᠡᠮᠴᠢ᠂ ᠡᠵᠡᠨ ᠦ ᠲᠥᠯᠥᠭᠡ ᠨᠠᠳᠠ ᠲᠠᠢ ᠬᠠᠮᠲᠤ ᠵᠠᠷᠤᠴᠠᠯᠠᠭᠳᠠᠭᠴᠢ ᠮᠥᠨ᠃ 8 ᠪᠢ ᠲᠠ ᠨᠠᠷ ᠲᠤ ᠪᠠᠢᠳᠠᠯ ᠢᠶᠠᠨ ᠮᠡᠳᠡᠭᠦᠯᠵᠦ ᠰᠡᠳᠬᠢᠯ ᠢ ᠴᠢᠨᠢ ᠲᠠᠢᠪᠤᠰᠢᠷᠠᠭᠤᠯᠬᠤ ᠭᠡᠵᠦ ᠲᠡᠭᠦᠨ ᠢ ᠢᠯᠡᠭᠡᠯᠡ᠃ 9 ᠲᠡᠭᠦᠨ ᠲᠡᠢ ᠬᠠᠮᠲᠤ ᠣᠨᠧᠰᠢᠮ ᠢ ᠴᠤ ᠶᠠᠪᠤᠭᠤᠯᠪᠠ᠃ ᠲᠡᠷᠡ ᠪᠣᠯ ᠪᠢᠳᠡᠨ ᠦ ᠢᠲᠡᠭᠡᠮᠵᠢᠲᠦ ᠬᠠᠢᠷᠠᠲᠠᠢ ᠳᠡᠭᠦᠦ ᠪᠥᠭᠡᠳ ᠲᠠᠨ ᠤ ᠲᠡᠨᠳᠡᠬᠢ ᠶᠢᠨ ᠬᠥᠮᠦᠨ ᠪᠢᠯᠡ᠃ ᠲᠡᠷᠡ ᠬᠣᠶᠠᠷ ᠡ᠊ᠨᠳᠡᠬᠢ ᠶᠢᠨ ᠬᠠᠮᠤᠭ ᠪᠠᠢᠳᠠᠯ ᠢ ᠲᠠ ᠨᠠᠷ ᠲᠤ ᠮᠡᠳᠡᠭᠦᠯᠬᠦ ᠪᠣᠯᠣᠨᠠ᠃
10 ᠨᠠᠳᠠ ᠲᠠᠢ ᠬᠠᠮᠲᠤ ᠬᠣᠷᠢᠭᠳᠠᠭᠰᠠᠨ ᠠᠷᠢᠰᠲ᠋ᠠᠷᠺ ᠪᠣᠯᠣᠨ ᠪᠠᠷᠨᠠᠪᠠ ᠶᠢᠨ ᠪᠦᠯᠦ ᠳᠡᠭᠦᠦ ᠮᠠᠷᠺ (ᠲᠡᠷᠡ ᠲᠠᠨ ᠤ ᠲᠡᠨᠳᠡ ᠣᠴᠢᠪᠠᠯ ᠤᠭᠳᠤᠵᠤ ᠠᠪᠤᠭᠠᠷᠠᠢ ᠭᠡᠰᠡᠨ ᠲᠡᠭᠦᠨ ᠦ ᠲᠤᠬᠠᠢ ᠵᠢᠭᠠᠪᠤᠷᠢ ᠶᠢ ᠲᠠ ᠨᠠᠷ ᠠᠪᠤᠭᠰᠠᠨ ᠪᠠᠢᠬᠠ᠃) ᠪᠠ 11 ᠶᠦᠰᠲ ᠬᠡᠮᠡᠭᠳᠡᠳᠡᠭ ᠢᠰᠦ᠋ᠰ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠪᠠᠢᠨᠠ᠃ ᠬᠥᠪᠴᠢᠷᠬᠡᠢ ᠬᠥᠨᠳᠡᠭᠦᠯᠦᠭᠴᠢᠳ ᠤᠨ ᠳᠤᠮᠳᠠ ᠠᠴᠠ ᠵᠥᠪᠬᠡᠨ ᠡᠳᠡᠭᠡᠷ ᠬᠥᠮᠦᠨ ᠪᠤᠷᠬᠠᠨ ᠤ ᠬᠠᠭᠠᠨᠴᠢᠯᠠᠯ ᠤᠨ ᠲᠥᠯᠥᠭᠡ ᠨᠠᠳᠠ ᠲᠠᠢ ᠬᠠᠮᠲᠤ ᠠᠵᠢᠯᠯᠠᠵᠤ ᠪᠠᠢᠨᠠ᠂ ᠲᠡᠳᠡ ᠨᠠᠳᠠ ᠳᠤ ᠲᠠᠢᠪᠤᠰᠢᠷᠠᠯ ᠥᠭᠳᠡᠭ᠃ 12 ᠧᠫᠡᠹᠷᠠ ᠴᠤ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠪᠠᠢᠨᠠ᠃ ᠲᠡᠷᠡ ᠪᠠᠰᠠ ᠲᠠᠨ ᠤ ᠲᠡᠨᠳᠡᠬᠢ ᠶᠢᠨ ᠬᠥᠮᠦᠨ ᠪᠥᠭᠡᠳ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠵᠠᠷᠤᠴᠠ ᠪᠢᠯᠡ᠃ ᠲᠡᠷᠡ ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠳᠠᠭᠠᠳᠬᠠᠨ᠂ ᠲᠠ ᠨᠠᠷ ᠢ ᠪᠤᠷᠬᠠᠨ ᠤ ᠠᠯᠢᠪᠠ ᠰᠠᠨᠠᠭᠠᠨ ᠤ ᠳᠣᠲᠣᠷᠠ ᠲᠡᠭᠦᠰ ᠪᠠᠢᠵᠤ ᠳᠦᠭᠦᠷᠡᠩ ᠢᠲᠡᠭᠡᠯ ᠲᠡᠢ ᠪᠠᠢᠯᠭᠠᠬᠤ ᠪᠠᠷ ᠦᠷᠭᠦᠯᠵᠢ ᠮᠡᠷᠡᠢᠵᠦ ᠪᠠᠢᠨᠠ᠃ 13 ᠲᠡᠷᠡ ᠲᠠ ᠨᠠᠷ ᠤᠨ ᠲᠥᠯᠥᠭᠡ᠂ ᠪᠠᠰᠠ ᠯᠠᠣᠳᠢᠺᠧᠶᠠ ᠪᠣᠯᠣᠨ ᠾᠢᠶᠧᠷᠠᠫᠣᠯᠢ ᠳᠤ ᠪᠠᠢᠭᠰᠠᠳ ᠤᠨ ᠲᠥᠯᠥᠭᠡ ᠶᠡᠬᠡᠳᠡ ᠵᠦᠳᠡᠷᠡᠵᠦ ᠪᠠᠢᠭᠠ ᠶᠢ ᠨᠢ ᠪᠢ ᠭᠡᠷᠡᠴᠢᠯᠡᠶᠡ᠃ 14 ᠬᠠᠢᠷᠠᠲᠤ ᠡᠮᠴᠢ ᠯᠦᠺ᠂ ᠳ᠋ᠧᠮᠠ ᠲᠠᠢ ᠬᠠᠮᠲᠤ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠪᠠᠢᠨᠠ᠃ 15 ᠯᠠᠣᠳᠢᠺᠧᠶᠠ ᠳᠤ ᠪᠠᠢᠭᠠ ᠠᠬᠠ ᠳᠡᠭᠦᠦ ᠨᠠᠷ᠂ ᠨᠦᠮᠹᠠ ᠬᠢᠭᠡᠳ ᠲᠡᠭᠦᠨ ᠦ ᠭᠡᠷ ᠦᠨ ᠴᠢᠭᠤᠯᠭᠠᠨ ᠤ ᠠᠮᠤᠷ ᠢ ᠠᠰᠠᠭᠤᠵᠤ ᠥᠭᠭᠥᠭᠡᠷᠡᠢ᠃ 16 ᠲᠠ ᠨᠠᠷ ᠡᠨᠡ ᠵᠠᠬᠢᠳᠠᠯ ᠢ ᠤᠩ᠋ᠰᠢᠭᠰᠠᠨ ᠤ ᠳᠠᠷᠠᠭᠠ᠂ ᠯᠠᠣᠳᠢᠺᠧᠶᠠᠴᠤᠳ ᠤᠨ ᠴᠢᠭᠤᠯᠭᠠᠨ ᠳᠤ ᠴᠤ ᠤᠩ᠋ᠰᠢᠭᠤᠯᠤᠭᠠᠷᠠᠢ᠃ ᠯᠠᠣᠳᠢᠺᠧᠶᠠ ᠠᠴᠠ ᠢᠷᠡᠬᠦ ᠵᠠᠬᠢᠳᠠᠯ ᠢ ᠲᠠ ᠨᠠᠷ ᠴᠤ ᠤᠩ᠋ᠰᠢ᠃ 17 ᠲᠠ ᠨᠠᠷ ᠠᠷᠬᠢᠫ ᠲᠤ᠄ 《ᠡᠵᠡᠨ ᠦ ᠳᠣᠲᠣᠷᠠ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠡᠭᠦᠷᠭᠡ ᠪᠡᠨ ᠠᠩ᠋ᠬᠠᠷᠴᠤ ᠪᠡᠶᠡᠯᠡᠭᠦᠯ》 ᠭᠡᠵᠦ ᠬᠡᠯᠡᠭᠡᠷᠡᠢ᠃
18 ᠫᠠᠦ᠋ᠯ ᠪᠢ ᠥᠪᠡᠷ ᠦᠨ ᠭᠠᠷ ᠢᠶᠠᠷ ᠡᠨᠡ ᠮᠡᠨᠳᠦᠴᠢᠯᠡᠭᠡ ᠶᠢ ᠪᠢᠴᠢᠵᠦ ᠪᠠᠢᠨᠠ᠃ ᠲᠠ ᠨᠠᠷ ᠮᠢᠨᠦ ᠳᠥᠩᠭᠡ ᠶᠢ ᠰᠠᠨᠠᠭᠲᠤᠨ᠂ ᠢᠪᠡᠭᠡᠯ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠲᠤᠭᠠᠢ᠃