ᠶᠣᠨᠠ ᠬᠣᠶᠠᠷ
ᠶᠣᠨᠠ ᠶᠢᠨ ᠳᠠᠭᠠᠳᠬᠠᠯ
1 ᠶᠣᠨᠠ ᠵᠢᠭᠠᠰᠤᠨ ᠤ ᠭᠡᠳᠡᠰᠦᠨ ᠳᠣᠲᠣᠷᠠ ᠠᠴᠠ ᠥᠪᠡᠷ ᠦᠨ ᠢᠶᠠᠨ ᠪᠤᠷᠬᠠᠨ ᠶᠣᠬᠣᠸᠠ ᠳᠤ ᠳᠠᠭᠠᠳᠬᠠᠨ᠄
2 《ᠪᠢ ᠵᠣᠪᠠᠯᠠᠩ ᠤᠨ ᠳᠤᠮᠳᠠ ᠶᠣᠬᠣᠸᠠ ᠶᠢ ᠳᠠᠭᠤᠳᠠᠬᠤ ᠳᠤ ᠲᠡᠷᠡ ᠨᠠᠳᠠ ᠳᠤ ᠬᠠᠷᠢᠭᠤᠯᠪᠠ ᠪᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠬᠡᠪᠡᠯᠢ ᠡᠴᠡ ᠬᠠᠰᠬᠢᠷᠬᠤ ᠳᠤ ᠲᠡᠷᠡ ᠪᠡᠷ ᠳᠠᠭᠤ ᠶᠢ ᠮᠢᠨᠢ ᠰᠣᠨᠣᠰᠪᠠ᠃
3 ᠲᠠ ᠨᠠᠮᠠᠶᠢ ᠭᠦᠨ ᠤᠷᠤᠭᠤ ᠳᠠᠯᠠᠢ ᠶᠢᠨ ᠵᠢᠷᠦᠬᠡ ᠤᠷᠤᠭᠤ ᠬᠠᠶᠠᠭᠰᠠᠨ ᠳᠤ ᠤᠰᠤᠨ ᠤ ᠤᠷᠤᠰᠬᠠᠯ ᠨᠠᠮᠠᠶᠢ ᠬᠦᠷᠢᠶᠡᠯᠡᠪᠡ ᠲᠠᠨ ᠤ ᠬᠦᠴᠦᠲᠦ ᠳᠣᠯᠭᠢᠶᠠᠨ ᠶᠡᠬᠡ ᠳᠠᠪᠠᠯᠭᠠᠨ ᠮᠢᠨᠦ ᠳᠡᠭᠡᠭᠦᠷ ᠥᠩᠭᠡᠷᠡᠪᠡ᠃
4 〈ᠪᠢ ᠲᠠᠨ ᠤ ᠮᠡᠯᠮᠡᠢ ᠡᠴᠡ ᠬᠥᠭᠡᠭᠡᠭᠳᠡᠭᠰᠡᠨ ᠬᠠᠷᠢᠨ ᠪᠢ ᠲᠠᠨ ᠤ ᠠᠷᠢᠭᠤᠨ ᠥᠷᠭᠥᠭᠡ ᠶᠢ ᠳᠠᠬᠢᠨ ᠬᠠᠷᠠᠬᠤ ᠶᠤᠮ ᠰᠠᠨ〉 ᠭᠡᠵᠦ ᠪᠣᠳᠣᠪᠠ᠃
5 ᠤᠰᠤ ᠨᠠᠮᠠᠶᠢ ᠪᠦᠷᠬᠦᠵᠦ ᠭᠦᠨ ᠤᠰᠤ ᠨᠠᠮᠠᠶᠢ ᠪᠦᠰᠡᠯᠡᠪᠡ ᠲᠣᠯᠣᠭᠠᠢ ᠶᠢ ᠮᠢᠨᠢ ᠵᠠᠮᠠᠭ ᠣᠷᠢᠶᠠᠵᠤ ᠪᠠᠢᠪᠠ
6 ᠠᠭᠤᠯᠠ ᠶᠢᠨ ᠬᠣᠷᠮᠣᠢ ᠤᠷᠤᠭᠤ ᠪᠢ ᠤᠷᠤᠭᠤᠳᠠᠵᠤ ᠪᠠᠢᠪᠠ ᠠᠷᠤ ᠠᠴᠠ ᠮᠢᠨᠢ ᠭᠠᠵᠠᠷ ᠮᠥᠩᠬᠡᠳᠡ ᠬᠠᠭᠠᠭᠳᠠᠬᠤ ᠪᠣᠯᠪᠠ ᠬᠠᠷᠢᠨ ᠶᠣᠬᠣᠸᠠ ᠪᠤᠷᠬᠠᠨ ᠮᠢᠨᠢ ᠲᠠ ᠮᠢᠨᠦ ᠠᠮᠢ ᠶᠢ ᠨᠦᠬᠡᠨ ᠡᠴᠡ ᠭᠠᠷᠭᠠᠵᠠᠢ᠃
7 ᠤᠬᠠᠭᠠᠨ ᠪᠠᠯᠠᠷᠳᠠᠬᠤ ᠦᠶᠡ ᠳᠡᠭᠡᠨ ᠪᠢ ᠶᠣᠬᠣᠸᠠ ᠶᠢ ᠰᠠᠨᠠᠭᠰᠠᠨ ᠳᠤ ᠳᠠᠭᠠᠳᠬᠠᠯ ᠮᠢᠨᠢ ᠲᠠᠨ ᠳᠤ ᠲᠠᠨ ᠤ ᠠᠷᠢᠭᠤᠨ ᠥᠷᠭᠥᠭᠡᠨ ᠳᠦ ᠬᠦᠷᠴᠡᠢ᠃
8 ᠬᠣᠭᠣᠰᠣᠨ ᠰᠢᠲᠦᠭᠡᠨ ᠨᠦᠭᠦᠳ ᠡᠴᠡ ᠵᠢᠭᠤᠷᠠᠭᠴᠢᠳ ᠬᠠᠢᠷᠠ ᠢᠪᠡᠭᠡᠯ ᠢ ᠲᠠᠨᠢ ᠬᠠᠶᠠᠳᠠᠭ᠂
9 ᠬᠠᠷᠢᠨ ᠪᠢ ᠲᠠᠯᠠᠷᠬᠠᠯ ᠤᠨ ᠳᠠᠭᠤᠤ ᠪᠠᠷ ᠲᠠᠨ ᠳᠤ ᠲᠠᠬᠢᠯ ᠡᠷᠭᠦᠨ ᠲᠠᠩ᠋ᠭᠠᠷᠢᠭ ᠢᠶᠠᠨ ᠪᠡᠶᠡᠯᠡᠭᠦᠯᠦᠨᠡ ᠠᠪᠤᠷᠠᠯ ᠶᠣᠬᠣᠸᠠ ᠶᠢᠨ ᠬᠢ》 ᠭᠡᠪᠡ᠃
10 ᠶᠣᠬᠣᠸᠠ ᠵᠢᠭᠠᠰᠤᠨ ᠳᠤ ᠲᠤᠰᠢᠶᠠᠭᠰᠠᠨ ᠳᠤ᠂ ᠲᠡᠷᠡ ᠪᠡᠷ ᠶᠣᠨᠠ ᠶᠢ ᠬᠠᠭᠤᠷᠠᠢ ᠭᠠᠵᠠᠷ ᠳᠡᠭᠡᠷᠡ ᠪᠥᠭᠡᠯᠵᠢᠵᠦ ᠭᠠᠷᠭᠠᠭᠰᠠᠨ ᠪᠠᠢᠯᠠ᠃