ᠮᠠᠯᠠᠺᠢ ᠬᠣᠶᠠᠷ
ᠲᠠᠬᠢᠯᠴᠢᠳ ᠲᠤ ᠠᠩ᠋ᠬᠠᠷᠤᠭᠤᠯᠪᠠ
1 ᠲᠠᠬᠢᠯᠴᠢᠳ ᠡ᠂ ᠡᠨᠡ ᠪᠣᠯ ᠣᠳᠣ ᠲᠠ ᠨᠠᠷ ᠲᠤ ᠥᠭᠬᠦ ᠠᠩ᠋ᠬᠠᠷᠤᠭᠤᠯᠭᠠ᠄ 2 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《〈ᠬᠡᠷᠪᠡ ᠲᠠ ᠨᠠᠷ ᠰᠣᠨᠣᠰᠬᠤ ᠦᠭᠡᠢ᠂ ᠮᠢᠨᠦ ᠨᠡᠷᠡ ᠶᠢ ᠬᠦᠨᠳᠦᠳᠬᠡᠬᠦ ᠳᠦ ᠰᠠᠨᠠᠭᠠ ᠲᠠᠯᠪᠢᠬᠤ ᠦᠭᠡᠢ ᠪᠣᠯ᠂ ᠪᠢ ᠲᠠ ᠨᠠᠷ ᠳᠡᠭᠡᠷᠡ ᠬᠠᠷᠢᠶᠠᠯ ᠪᠠᠭᠤᠯᠭᠠᠨ᠂ ᠢᠷᠥᠭᠡᠯ ᠤᠳ ᠢ ᠴᠢᠨᠢ ᠬᠠᠷᠢᠶᠠᠯ ᠪᠣᠯᠭᠠᠨᠠ〉 ᠭᠡᠰᠡᠨ᠂ ᠲᠠ ᠨᠠᠷ ᠰᠠᠨᠠᠭᠠ ᠲᠠᠯᠪᠢᠭᠠ ᠦᠭᠡᠢ ᠤᠴᠢᠷ ᠪᠢ ᠬᠡᠳᠦᠢᠨ ᠬᠠᠷᠢᠶᠠᠭᠰᠠᠨ᠂ 3 ᠬᠠᠷᠠ᠂ ᠪᠢ ᠲᠠ ᠨᠠᠷ ᠤᠨ ᠦᠷᠡ ᠤᠳᠤᠮ ᠢ ᠵᠢᠮᠡᠯᠡᠬᠦ ᠭᠡᠵᠦ ᠪᠠᠢᠨᠠ︕ ᠪᠢ ᠲᠠ ᠨᠠᠷ ᠤᠨ ᠨᠢᠭᠤᠷ ᠳᠡᠭᠡᠷᠡ ᠪᠠᠶᠠᠷ ᠳᠡᠭᠡᠷᠡᠬᠢ ᠲᠠᠬᠢᠯ ᠤᠳ ᠤᠨ ᠴᠢᠨᠢ ᠰᠡᠪᠡᠰᠦ ᠶᠢ ᠰᠠᠴᠤᠵᠤ᠂ ᠲᠠ ᠨᠠᠷ ᠲᠡᠳᠡᠭᠡᠷ ᠲᠡᠢ ᠪᠡᠨ ᠬᠠᠮᠲᠤ ᠠᠪᠠᠴᠢᠭᠳᠠᠨᠠ᠃
4 ᠲᠡᠭᠡᠬᠦ ᠳᠦ ᠯᠧᠸᠢ ᠲᠠᠢ ᠪᠠᠢᠭᠤᠯᠤᠭᠰᠠᠨ ᠭᠡᠷᠡ ᠪᠡᠨ ᠬᠦᠴᠦᠨ ᠲᠡᠢ ᠪᠠᠢᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠪᠢ ᠡᠨᠡ ᠠᠩ᠋ᠬᠠᠷᠤᠭᠤᠯᠭᠠ ᠶᠢ ᠲᠠ ᠨᠠᠷ ᠲᠤ ᠶᠠᠪᠤᠭᠤᠯᠤᠭᠰᠠᠨ ᠭᠡᠳᠡᠭ ᠢ ᠲᠠ ᠨᠠᠷ ᠮᠡᠳᠡᠬᠦ ᠪᠣᠯᠣᠨᠠ᠂》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 5 《ᠲᠡᠭᠦᠨ ᠲᠡᠢ ᠲᠣᠭᠲᠠᠭᠰᠠᠨ ᠨᠢ ᠠᠮᠢ ᠪᠠ ᠡᠩᠬᠡ ᠶᠢᠨ ᠭᠡᠷᠡ ᠶᠤᠮ᠂ ᠪᠢ ᠡᠳᠡᠭᠡᠷ ᠢ ᠲᠡᠭᠦᠨ ᠳᠦ ᠬᠦᠷᠲᠡᠭᠡᠭᠰᠡᠨ᠃ ᠪᠢ ᠡᠮᠢᠶᠡᠯ ᠲᠡᠢ ᠪᠠᠢᠳᠠᠯ ᠢ ᠨᠢ ᠬᠦᠰᠡᠬᠦ ᠳᠦ᠂ ᠲᠡᠷᠡ ᠨᠠᠳᠠ ᠠᠴᠠ ᠡᠮᠢᠶᠡᠪᠡ᠂ ᠮᠢᠨᠦ ᠨᠡᠷᠡ ᠶᠢᠨ ᠡᠮᠦᠨᠡ ᠴᠡᠴᠡᠷᠡᠵᠦ ᠪᠠᠢᠪᠠ᠃ 6 ᠦᠨᠡᠨ ᠦ ᠵᠢᠭᠠᠪᠤᠷᠢ ᠲᠡᠭᠦᠨ ᠦ ᠠᠮᠠᠨ ᠳᠤ ᠪᠠᠢᠭᠰᠠᠨ᠂ ᠰᠢᠳᠤᠷᠭᠤ ᠪᠤᠰᠤ ᠨᠢ ᠲᠡᠭᠦᠨ ᠦ ᠣᠷᠣᠭᠤᠯ ᠠᠴᠠ ᠣᠯᠳᠠᠭᠠ ᠦᠭᠡᠢ᠂ ᠲᠡᠷᠡ ᠨᠠᠳᠠ ᠲᠠᠢ ᠬᠠᠮᠲᠤ ᠠᠮᠤᠭᠤᠯᠠᠩ ᠢᠶᠠᠷ ᠴᠢᠭ᠍ᠴᠢ ᠠᠯᠬᠤᠵᠤ᠂ ᠣᠯᠠᠨ ᠢ ᠭᠡᠮ ᠡᠴᠡ ᠡᠷᠭᠢᠭᠦᠯᠦᠭᠰᠡᠨ ᠪᠢᠯᠡ᠃ 7 ᠲᠠᠬᠢᠯᠴᠢ ᠶᠢᠨ ᠣᠷᠣᠭᠤᠯ ᠮᠡᠳᠡᠯᠭᠡ ᠶᠢ ᠬᠠᠳᠠᠭᠠᠯᠠᠬᠤ ᠪᠠ ᠬᠥᠮᠦᠰ ᠲᠡᠭᠦᠨ ᠦ ᠠᠮᠠᠨ ᠠᠴᠠ ᠵᠢᠭᠠᠪᠤᠷᠢ ᠶᠢ ᠬᠦᠰᠡᠬᠦ ᠨᠢ ᠵᠦᠢᠲᠡᠢ᠃ ᠲᠡᠷᠡ ᠪᠣᠯ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠡᠯᠴᠢ ᠶᠤᠮ︕ 8 ᠬᠠᠷᠢᠨ ᠲᠠ ᠨᠠᠷ ᠵᠠᠮ ᠠᠴᠠ ᠪᠠᠨ ᠭᠠᠵᠢᠵᠤ᠂ ᠵᠢᠭᠠᠪᠤᠷᠢ ᠪᠠᠷ ᠢᠶᠠᠨ ᠣᠯᠠᠨ ᠢ ᠪᠦᠳᠦᠷᠢᠭᠦᠯᠵᠡᠢ᠃ ᠲᠡᠢᠨ ᠬᠦ ᠲᠠ ᠨᠠᠷ ᠯᠧᠸᠢ ᠶᠢᠨ ᠭᠡᠷᠡ ᠶᠢ ᠡᠪᠳᠡᠪᠡ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃ 9 《ᠲᠠ ᠨᠠᠷ ᠵᠠᠮ ᠢ ᠮᠢᠨᠢ ᠳᠠᠭᠠᠯ ᠦᠭᠡᠢ᠂ ᠵᠢᠭᠠᠪᠤᠷᠢ ᠥᠭᠬᠦ ᠳᠡᠭᠡᠨ ᠠᠯᠠᠭᠴᠢᠯᠠᠳᠠᠭ ᠤᠴᠢᠷ ᠠᠴᠠ ᠪᠢ ᠴᠤ ᠲᠠ ᠨᠠᠷ ᠢ ᠪᠦᠬᠦ ᠠᠷᠠᠳ ᠲᠦᠮᠡᠨ ᠦ ᠡᠮᠦᠨᠡ ᠳᠣᠭᠣᠭᠢ ᠲᠣᠬᠣᠭᠤ ᠪᠣᠯᠭᠠᠪᠠ᠃
ᠢᠲᠡᠭᠡᠯ ᠪᠦᠦ ᠠᠯᠳᠠ
10 ᠪᠢᠳᠡ ᠪᠦᠭᠦᠳᠡᠭᠡᠷ ᠨᠢᠭᠡ ᠡᠴᠢᠭᠡ ᠲᠠᠢ ᠪᠢᠰᠢ ᠤᠤ︖ ᠭᠠᠭᠴᠠ ᠪᠤᠷᠬᠠᠨ ᠪᠢᠳᠡᠨ ᠢ ᠪᠦᠲᠦᠭᠡᠭᠰᠡᠨ ᠪᠢᠰᠢ ᠤᠤ︖ ᠶᠠᠭᠠᠬᠢᠭᠠᠳ ᠪᠢᠳᠡᠨ ᠦ ᠬᠥᠮᠦᠨ ᠪᠦᠷᠢ ᠪᠡᠶᠡ ᠪᠡᠶᠡ ᠳᠡᠭᠡᠨ ᠢᠲᠡᠭᠡᠯ ᠠᠯᠳᠠᠵᠤ ᠡᠴᠢᠭᠡ ᠡᠪᠦᠭᠡᠳ ᠦᠨ ᠢᠶᠠᠨ ᠭᠡᠷᠡ ᠶᠢ ᠪᠤᠵᠠᠷᠯᠠᠨᠠ ᠪᠤᠢ︖ 11 ᠶᠦᠳᠠ ᠢᠲᠡᠭᠡᠯ ᠠᠯᠳᠠᠵᠤ᠂ ᠢᠰᠷᠧᠯ ᠪᠣᠯᠣᠨ ᠶᠧᠷᠦ᠋ᠰᠠᠯᠧᠮ ᠳᠤ ᠵᠢᠭᠰᠢᠭᠦᠷᠢᠲᠦ ᠵᠦᠢᠯ ᠦᠢᠯᠡᠳᠦᠭᠳᠡᠪᠡ᠃ ᠶᠦᠳᠠ ᠬᠠᠷᠢ ᠶᠢᠨ ᠪᠤᠷᠬᠠᠨ ᠤ ᠥᠬᠢᠨ ᠲᠠᠢ ᠭᠡᠷᠯᠡᠭᠰᠡᠨ ᠢᠶᠡᠷ ᠢᠶᠠᠨ ᠶᠣᠬᠣᠸᠠ ᠶᠢᠨ ᠬᠠᠢᠷᠠᠯᠠᠳᠠᠭ ᠠᠷᠢᠭᠤᠨ ᠢ ᠪᠤᠵᠠᠷᠯᠠᠵᠠᠢ᠃ 12 ᠲᠡᠢᠨ ᠬᠦ ᠦᠢᠯᠡᠳᠦᠭᠴᠢ ᠨᠢ ᠶᠠᠮᠠᠷ ᠬᠥᠮᠦᠨ ᠪᠠᠢᠭᠰᠠᠨ ᠴᠤ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠳᠤ ᠡᠷᠭᠦᠯ ᠠᠪᠴᠢᠷᠠᠳᠠᠭ ᠪᠠᠢᠭᠰᠠᠨ ᠴᠤ᠂ ᠶᠣᠬᠣᠸᠠ ᠲᠡᠭᠦᠨ ᠢ ᠶᠠᠺᠣᠪ ᠤᠨ ᠭᠡᠷ ᠡᠴᠡ ᠲᠠᠰᠤᠯᠬᠤ ᠪᠣᠯᠲᠤᠭᠠᠢ᠃
13 ᠲᠠ ᠨᠠᠷ ᠡᠢᠮᠦ ᠵᠦᠢᠯ ᠢ ᠴᠤ ᠦᠢᠯᠡᠳᠴᠦ ᠪᠠᠢᠨᠠ᠂ ᠲᠠ ᠨᠠᠷ ᠶᠣᠬᠣᠸᠠ ᠶᠢᠨ ᠲᠠᠬᠢᠯ ᠤᠨ ᠰᠢᠷᠡᠭᠡ ᠶᠢ ᠨᠢᠯᠪᠤᠰᠤ᠂ ᠤᠬᠢᠯᠠᠭᠠᠨ ᠪᠠ ᠰᠢᠨᠠᠯᠤᠯ ᠢᠶᠠᠷ ᠪᠦᠲᠡᠭᠡᠳᠡᠭ᠃ ᠡᠢᠮᠦ ᠡᠴᠡ ᠲᠡᠷᠡ ᠪᠡᠷ ᠴᠢᠨᠠᠭᠰᠢᠳᠠ ᠡᠷᠭᠦᠯ ᠢ ᠴᠢᠨᠢ ᠣᠢᠰᠢᠶᠠᠬᠤ ᠦᠭᠡᠢ᠂ ᠲᠡᠭᠦᠨ ᠢ ᠲᠠ ᠨᠠᠷ ᠤᠨ ᠭᠠᠷ ᠠᠴᠠ ᠳᠤᠷᠠᠲᠠᠢ ᠬᠦᠯᠢᠶᠡᠨ ᠠᠪᠬᠤ ᠦᠭᠡᠢ᠃ 14 ᠭᠡᠪᠡᠴᠦ ᠲᠠ ᠨᠠᠷ᠄ 〈ᠶᠠᠭᠠᠬᠢᠭᠠᠳ︖〉 ᠭᠡᠨᠡ᠂ ᠤᠴᠢᠷ ᠨᠢ ᠴᠢᠨᠦ ᠵᠠᠯᠠᠭᠤ ᠨᠠᠰᠤᠨ ᠳᠠᠭᠠᠨ ᠠᠪᠤᠭᠰᠠᠨ ᠡᠬᠡᠨᠡᠷ ᠲᠠ ᠬᠣᠶᠠᠷ ᠤᠨ ᠬᠣᠭᠣᠷᠣᠨᠳᠣᠬᠢ ᠭᠡᠷᠡᠴᠢ ᠨᠢ ᠶᠣᠬᠣᠸᠠ ᠪᠠᠢᠭᠰᠠᠨ ᠠᠲᠠᠯᠠ ᠴᠢ ᠥᠪᠡᠷ ᠦᠨ ᠢᠶᠠᠨ ᠬᠠᠨᠢ᠂ ᠲᠠᠩ᠋ᠭᠠᠷᠢᠭ ᠬᠢᠵᠦ ᠠᠪᠤᠭᠰᠠᠨ ᠡᠬᠡᠨᠡᠷ ᠲᠡᠭᠡᠨ ᠢᠲᠡᠭᠡᠯ ᠠᠯᠳᠠᠭᠰᠠᠨ᠃ 15 ᠶᠣᠬᠣᠸᠠ ᠲᠠ ᠨᠠᠷ ᠢ ᠨᠢᠭᠡ ᠪᠣᠯᠭᠠᠭᠰᠠᠨ ᠪᠢᠰᠢ ᠤᠤ︖ ᠮᠢᠬᠠᠨ ᠪᠡᠶᠡ ᠪᠡᠷ ᠴᠤ᠂ ᠰᠦᠨᠡᠰᠦ ᠪᠡᠷ ᠴᠤ ᠲᠡᠳᠡ ᠪᠣᠯ ᠲᠡᠭᠦᠨ ᠦ ᠬᠢ᠃ ᠶᠠᠭᠠᠬᠢᠭᠠᠳ ᠨᠢᠭᠡ ᠪᠣᠯᠭᠠᠪᠠ︖ 3 ᠲᠡᠷᠡ ᠪᠡᠷ ᠪᠤᠷᠬᠠᠨ ᠤ ᠦᠷᠡ ᠤᠳᠤᠮ ᠢ ᠬᠦᠰᠡᠵᠦ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠰᠦᠨᠡᠰᠦᠨ ᠳᠡᠭᠡᠨ ᠠᠩ᠋ᠬᠠᠷᠤᠯ ᠲᠠᠯᠪᠢᠵᠤ᠂ ᠵᠠᠯᠠᠭᠤ ᠨᠠᠰᠤᠨ ᠳᠠᠭᠠᠨ ᠠᠪᠤᠭᠰᠠᠨ ᠡᠬᠡᠨᠡᠷ ᠲᠡᠭᠡᠨ ᠢᠲᠡᠭᠡᠯ ᠪᠦᠦ ᠠᠯᠳᠠ᠃ 16 ᠤᠴᠢᠷ ᠨᠢ ᠪᠢ ᠰᠠᠯᠤᠯᠲᠠ ᠶᠢ ᠦᠵᠡᠨ ᠶᠠᠳᠠᠳᠠᠭ᠂》 ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 《ᠲᠡᠷᠡ ᠨᠢ ᠥᠪᠡᠷ ᠢ ᠪᠠᠨ ᠬᠦᠴᠦᠷᠬᠡᠭᠯᠡᠯ ᠢᠶᠡᠷ ᠬᠤᠪᠴᠠᠰᠤᠯᠠᠭᠰᠠᠨ ᠬᠡᠷᠡᠭ ᠶᠤᠮ᠂》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 《ᠥᠪᠡᠷ ᠦᠨ ᠢᠶᠠᠨ ᠰᠦᠨᠡᠰᠦᠨ ᠳᠦ ᠰᠠᠨᠠᠭᠠ ᠲᠠᠯᠪᠢᠵᠤ᠂ ᠢᠲᠡᠭᠡᠯ ᠪᠦᠦ ᠠᠯᠳᠠ᠃》
17 ᠲᠠ ᠨᠠᠷ ᠥᠪᠡᠷᠰᠡᠳ ᠦᠨ ᠢᠶᠠᠨ ᠦᠭᠡᠰ ᠢᠶᠡᠷ ᠶᠣᠬᠣᠸᠠ ᠶᠢ ᠲᠦᠪᠡᠭᠳᠡᠭᠦᠯᠳᠡᠭ᠌᠃ ᠭᠡᠪᠡᠴᠦ ᠲᠠ ᠨᠠᠷ᠄ 《ᠶᠠᠭᠠᠬᠢᠵᠤ ᠲᠦᠪᠡᠭᠳᠡᠭᠦᠯᠳᠡᠭ᠌ ᠶᠤᠮ ᠪᠤᠢ︖》 ᠭᠡᠨᠡ᠃ ᠲᠠ ᠨᠠᠷ᠄ 《ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢ ᠬᠥᠮᠦᠨ ᠪᠦᠷᠢ ᠶᠢ ᠶᠣᠬᠣᠸᠠ ᠰᠠᠢᠨ ᠬᠡᠮᠡᠨ ᠦᠵᠡᠵᠦ ᠲᠡᠳᠡᠨ ᠢ ᠲᠠᠭᠠᠰᠢᠶᠠᠳᠠᠭ》 ᠭᠡᠳ 《ᠰᠢᠳᠤᠷᠭᠤ ᠪᠤᠷᠬᠠᠨ ᠭᠡᠵᠦ ᠬᠠᠮᠢᠭᠠ ᠪᠠᠢᠨᠠ︖》 ᠭᠡᠳᠡᠭ ᠢᠶᠡᠷ ᠶᠤᠮ᠃