ᠮᠠᠯᠠᠺᠢ ᠭᠤᠷᠪᠠ
ᠡᠯᠴᠢ ᠠᠢᠰᠤᠢ
1 《ᠬᠠᠷᠠ᠂ ᠪᠢ ᠥᠪᠡᠷ ᠦᠨ ᠢᠶᠠᠨ ᠡᠯᠴᠢ ᠶᠢ ᠢᠯᠡᠭᠡᠬᠦ ᠭᠡᠵᠦ ᠪᠠᠢᠨᠠ᠃ ᠲᠡᠷᠡ ᠮᠢᠨᠦ ᠡᠮᠦᠨᠡ ᠵᠠᠮ ᠢ ᠪᠡᠯᠡᠳᠬᠡᠨᠡ᠃ ᠲᠡᠭᠡᠲᠡᠯᠡ ᠲᠠ ᠨᠠᠷ ᠤᠨ ᠬᠠᠢᠵᠤ ᠪᠠᠢᠭᠠ ᠡᠵᠡᠨ ᠥᠪᠡᠷ ᠦᠨ ᠢᠶᠠᠨ ᠣᠷᠳᠣᠨ ᠳᠤ ᠭᠡᠨᠡᠳᠲᠡ ᠢᠷᠡᠨᠡ᠂ ᠬᠠᠷᠠ᠂ ᠲᠠ ᠨᠠᠷ ᠤᠨ ᠮᠥᠷᠥᠭᠡᠳᠦᠯ ᠪᠣᠯᠭᠠᠵᠤ ᠪᠤᠢ ᠭᠡᠷᠡ ᠶᠢᠨ ᠡᠯᠴᠢ ᠢᠷᠡᠵᠦ ᠪᠠᠢᠨᠠ︕》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 2 《ᠲᠡᠷᠡ ᠪᠡᠷ ᠲᠡᠮᠦᠷ ᠪᠣᠯᠪᠠᠰᠤᠷᠠᠭᠤᠯᠤᠭᠴᠢ ᠶᠢᠨ ᠭᠠᠯ᠂ ᠤᠬᠢᠶᠠᠭᠴᠢ ᠶᠢᠨ ᠰᠠᠪᠤᠩ ᠮᠡᠲᠦ᠃ ᠲᠡᠭᠦᠨ ᠦ ᠢᠷᠡᠬᠦ ᠡᠳᠦᠷ ᠢ ᠬᠡᠨ ᠳᠠᠭᠠᠭᠠᠬᠤ ᠪᠤᠢ︖ ᠲᠡᠷᠡ ᠦᠵᠡᠭᠳᠡᠬᠦ ᠳᠦ ᠬᠡᠨ ᠵᠣᠭᠰᠣᠵᠤ ᠴᠢᠳᠠᠬᠤ ᠪᠤᠢ︖ 3 ᠲᠡᠷᠡ ᠪᠡᠷ ᠮᠥᠩᠭᠥ ᠶᠢ ᠪᠣᠯᠪᠠᠰᠤᠷᠠᠭᠤᠯᠤᠨ ᠴᠡᠪᠡᠷᠰᠢᠭᠦᠯᠦᠭᠴᠢ ᠮᠡᠲᠦ ᠰᠠᠭᠤᠨᠠ᠂ ᠲᠡᠷᠡ ᠯᠧᠸᠢᠴᠦᠳ ᠢ ᠴᠡᠪᠡᠷᠰᠢᠭᠦᠯᠬᠦ ᠪᠣᠯᠣᠨᠠ᠃ ᠠᠯᠲᠠ ᠪᠠ ᠮᠥᠩᠭᠥ ᠰᠢᠭ ᠡᠳ᠋ᠰᠢᠭᠦᠯᠦᠨᠡ᠃ ᠢᠩᠭᠢᠭᠡᠳ ᠲᠡᠳᠡ ᠶᠣᠬᠣᠸᠠ ᠳᠤ ᠵᠣᠬᠢᠰᠲᠠᠢ ᠡᠷᠭᠦᠯ ᠤᠳ ᠢ ᠡᠷᠭᠦᠬᠦ ᠪᠣᠯᠵᠤ᠂ 4 ᠶᠦᠳᠠ ᠪᠠ ᠶᠧᠷᠦ᠋ᠰᠠᠯᠧᠮ ᠤᠨ ᠡᠷᠭᠦᠯ ᠨᠢ ᠡᠷᠲᠡᠨ ᠦ ᠡᠳᠦᠷ ᠤᠳ ᠤᠨ ᠬᠢ ᠰᠢᠭ᠂ ᠤᠷᠢᠳᠤ ᠶᠢᠨ ᠵᠢᠯ ᠤᠳ ᠤᠨ ᠬᠢ ᠰᠢᠭ ᠶᠣᠬᠣᠸᠠ ᠳᠤ ᠲᠠᠭᠠᠯᠠᠮᠵᠢᠲᠠᠢ ᠪᠠᠢᠬᠤ ᠪᠣᠯᠣᠨᠠ᠃
5 ᠪᠢ ᠰᠢᠭᠦᠯᠲᠡ ᠬᠢᠬᠦ ᠪᠡᠷ ᠲᠠ ᠨᠠᠷ ᠲᠤ ᠣᠢᠷᠠᠲᠤᠨ ᠣᠴᠢᠨᠠ᠃ ᠪᠢ ᠶᠢᠯᠸᠢᠴᠢᠳ᠂ ᠰᠠᠳᠤᠷᠯᠠᠭᠴᠢᠳ᠂ ᠬᠠᠭᠤᠷᠮᠠᠴᠢ ᠪᠠᠷ ᠲᠠᠩ᠋ᠭᠠᠷᠢᠭᠯᠠᠭᠴᠢᠳ᠂ ᠠᠵᠢᠯᠴᠢᠨ ᠤ ᠬᠥᠯᠥᠰᠥ ᠶᠢ ᠮᠥᠯᠵᠢᠭ᠍ᠴᠢᠳ᠂ ᠥᠨᠥᠴᠢᠨ ᠪᠡᠯᠪᠡᠰᠦᠨ ᠢ ᠳᠠᠷᠤᠯᠠᠭᠴᠢᠳ᠂ ᠬᠠᠷᠢ ᠬᠥᠮᠦᠨ ᠢ ᠬᠥᠭᠡᠭᠡᠭᠴᠢᠳ ᠪᠣᠯᠣᠨ ᠨᠠᠳᠠ ᠠᠴᠠ ᠦᠯᠦ ᠡᠮᠢᠶᠡᠭᠴᠢᠳ ᠤᠨ ᠡᠰᠡᠷᠭᠦ ᠲᠦᠭᠳᠡᠷᠡᠯ ᠦᠭᠡᠢ ᠭᠡᠷᠡᠴᠢᠯᠡᠨᠡ᠃ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃
ᠪᠤᠷᠬᠠᠨ ᠢ ᠪᠦᠦ ᠯᠤᠢᠪᠠᠷᠳᠠ
6 《ᠶᠣᠬᠣᠸᠠ ᠪᠢ ᠥᠭᠡᠷᠡᠴᠢᠯᠡᠭᠳᠡᠰᠢ ᠦᠭᠡᠢ᠂ ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠮᠥᠬᠥᠬᠦ ᠦᠭᠡᠢ᠂ ᠶᠠᠺᠣᠪ ᠤᠨ ᠦᠷᠡ ᠤᠳᠤᠮ ᠡ᠂ 7 ᠭᠡᠪᠡᠴᠦ ᠲᠠᠨ ᠤ ᠬᠢᠨ ᠡᠴᠢᠭᠡ ᠡᠪᠦᠭᠡᠳ ᠦᠨ ᠢᠶᠠᠨ ᠡᠳᠦᠷ ᠤᠳ ᠠᠴᠠ ᠡᠬᠢᠯᠡᠨ ᠲᠣᠭᠲᠠᠭᠠᠯ ᠤᠳ ᠠᠴᠠ ᠮᠢᠨᠢ ᠭᠠᠵᠢᠵᠤ ᠲᠡᠳᠡᠭᠡᠷ ᠢ ᠰᠠᠬᠢᠭᠠ ᠦᠭᠡᠢ᠃ ᠲᠠ ᠨᠠᠷ ᠨᠠᠳᠠ ᠤᠷᠤᠭᠤ ᠡᠷᠭᠢ᠂ ᠲᠡᠭᠡᠪᠡᠯ ᠪᠢ ᠲᠠ ᠨᠠᠷ ᠤᠷᠤᠭᠤ ᠡᠷᠭᠢᠨᠡ᠂》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃ ᠭᠡᠪᠡᠴᠦ ᠲᠠ ᠨᠠᠷ᠄ 《ᠶᠠᠭᠠᠬᠢᠵᠤ ᠡᠷᠭᠢᠬᠦ ᠪᠤᠢ︖》 ᠭᠡᠨᠡ᠃
8 ᠬᠥᠮᠦᠨ ᠪᠤᠷᠬᠠᠨ ᠢ ᠯᠤᠢᠪᠠᠷᠳᠠᠬᠤ ᠤᠤ︖ ᠬᠠᠷᠢᠨ ᠲᠠ ᠨᠠᠷ ᠨᠠᠮᠠᠶᠢ ᠯᠤᠢᠪᠠᠷᠳᠠᠵᠤ ᠪᠠᠢᠨᠠ︕ ᠭᠡᠪᠡᠴᠦ ᠲᠠ ᠨᠠᠷ᠄ 《ᠶᠠᠭᠠᠬᠢᠵᠤ ᠯᠤᠢᠪᠠᠷᠳᠠᠭᠰᠠᠨ ᠶᠤᠮ ᠪᠤᠢ︖》 ᠭᠡᠨᠡ᠃ 《ᠠᠷᠪᠠᠨ ᠤ ᠨᠢᠭᠡ ᠪᠡᠷ ᠪᠠ ᠡᠷᠭᠦᠯ ᠢᠶᠡᠷ ᠶᠤᠮ᠃》 9 《ᠲᠠᠨ ᠤ ᠦᠨᠳᠦᠰᠦᠲᠡᠨ ᠪᠦᠬᠦᠯᠢ ᠳᠡᠭᠡᠨ ᠨᠠᠮᠠᠶᠢ ᠯᠤᠢᠪᠠᠷᠳᠠᠵᠤ ᠪᠠᠢᠭᠠ ᠲᠤᠯᠠ ᠲᠠ ᠨᠠᠷ ᠬᠠᠷᠢᠶᠠᠯ ᠢᠶᠠᠷ ᠬᠠᠷᠢᠶᠠᠭᠳᠠᠭᠰᠠᠨ︕ 10 ᠲᠠ ᠨᠠᠷ ᠪᠦᠲᠦᠨ ᠠᠷᠪᠠᠨ ᠤ ᠨᠢᠭᠡ ᠪᠡᠨ ᠬᠥᠮᠥᠷᠭᠡ ᠳᠦ ᠠᠪᠴᠢᠷᠠᠵᠤ ᠥᠷᠭᠥᠭᠡᠨ ᠳᠦ ᠮᠢᠨᠢ ᠬᠣᠭᠣᠯᠠ ᠬᠦᠨᠡᠰᠦ ᠪᠠᠢᠯᠭᠠ᠂》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ 《ᠪᠢ ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠲᠩᠷᠢ ᠶᠢᠨ ᠴᠣᠩ᠋ᠬᠣ ᠶᠢ ᠨᠡᠭᠡᠭᠡᠵᠦ᠂ ᠲᠠ ᠨᠠᠷ ᠲᠤ ᠢᠪᠡᠭᠡᠯ ᠢ ᠪᠢᠯᠬᠠᠷᠠᠲᠠᠯᠠ ᠴᠢᠳᠬᠤᠬᠤ ᠡᠰᠡᠬᠦ ᠶᠢᠨ ᠲᠠᠯᠠ ᠪᠠᠷ ᠲᠠ ᠨᠠᠷ ᠡᠭᠦᠨ ᠢᠶᠡᠷ ᠨᠠᠮᠠᠶᠢ ᠰᠢᠯᠭᠠ᠂ 11 ᠪᠢ ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠴᠥᠯᠮᠥᠭᠴᠢ ᠶᠢ ᠵᠢᠮᠡᠯᠡᠬᠦ ᠲᠤᠯᠠ ᠲᠡᠷᠡ ᠨᠤᠲᠤᠭ ᠤᠨ ᠴᠢᠨᠢ ᠦᠷᠡ ᠵᠢᠮᠢᠰ ᠢ ᠬᠥᠨᠥᠭᠡᠬᠦ ᠦᠭᠡᠢ᠂ ᠲᠠᠯᠠᠪᠠᠢ ᠳᠠᠬᠢ ᠦᠵᠦᠮ ᠦᠨ ᠮᠣᠳᠣᠨ ᠤ ᠴᠢᠨᠢ ᠵᠢᠮᠢᠰ ᠢ ᠬᠠᠲᠠᠭᠠᠬᠤ ᠦᠭᠡᠢ᠃》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃ 12 ᠲᠠ ᠨᠠᠷ ᠪᠠᠶᠠᠰᠬᠤᠯᠠᠩᠲᠤ ᠨᠤᠲᠤᠭ ᠤᠨ ᠬᠢᠨ ᠪᠣᠯᠬᠤ ᠤᠴᠢᠷ ᠠᠴᠠ ᠪᠦᠬᠦ ᠦᠨᠳᠦᠰᠦᠲᠡᠨ ᠲᠠ ᠨᠠᠷ ᠢ 《ᠪᠤᠶᠠᠨ ᠲᠠᠢ》 ᠭᠡᠵᠡᠭᠡᠬᠦ ᠪᠣᠯᠣᠨᠠ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃
ᠢᠲᠡᠭᠡᠯᠲᠡᠨ ᠦ ᠱᠠᠩᠨᠠᠯ
13 《ᠲᠠ ᠨᠠᠷ ᠨᠠᠳᠠ ᠳᠤ ᠰᠢᠷᠦᠭᠦᠨ ᠦᠭᠡ ᠶᠠᠷᠢᠳᠠᠭ᠂》 ᠶᠣᠬᠣᠸᠠ ᠠᠢᠯᠠᠳᠤᠯᠠ᠃ ᠭᠡᠪᠡᠴᠦ ᠲᠠ ᠨᠠᠷ᠄ 《ᠲᠠᠨ ᠳᠤ ᠶᠠᠭᠤ ᠶᠠᠷᠢᠭᠰᠠᠨ ᠶᠤᠮ ᠪᠤᠢ︖》 ᠭᠡᠨᠡ᠃ 14 ᠲᠠ ᠨᠠᠷ᠄ 《ᠪᠤᠷᠬᠠᠨ ᠳᠤ ᠦᠢᠯᠡᠴᠢᠯᠡᠬᠦ ᠨᠢ ᠳᠡᠮᠡᠢ᠂ ᠪᠢᠳᠡ ᠲᠡᠭᠦᠨ ᠦ ᠰᠠᠬᠢᠭᠤᠯᠤᠭᠰᠠᠨ ᠢ ᠰᠠᠬᠢᠬᠤ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠭᠠᠰᠢᠭᠤᠳᠠᠨ ᠶᠠᠪᠤᠬᠤ ᠨᠢ ᠶᠠᠮᠠᠷ ᠠᠰᠢᠭ ᠲᠠᠢ ᠶᠤᠮ ᠪᠤᠢ︖
15 ᠣᠳᠣ ᠪᠢᠳᠡ ᠶᠡᠬᠡᠮᠰᠦᠭ ᠬᠥᠮᠦᠨ ᠢ 〈ᠪᠤᠶᠠᠨ ᠲᠠᠢ〉 ᠭᠡᠶᠡ᠂ ᠭᠡᠮ ᠪᠤᠷᠤᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠪᠠᠳᠠᠷᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠤᠷᠬᠠᠨ ᠢ ᠰᠥᠷᠥᠭᠰᠡᠨ ᠴᠤ ᠮᠤᠯᠲᠤᠷᠠᠳᠠᠭ ᠶᠤᠮ》 ᠭᠡᠯᠴᠡᠳᠡᠭ᠃ 16 ᠲᠡᠭᠡᠬᠦ ᠳᠦ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠭᠴᠢᠳ ᠪᠡᠶᠡ ᠪᠡᠶᠡ ᠲᠠᠢ ᠪᠠᠨ ᠶᠠᠷᠢᠯᠴᠠᠪᠠ᠃ ᠶᠣᠬᠣᠸᠠ ᠠᠩ᠋ᠬᠠᠷᠤᠯ ᠲᠠᠢ ᠰᠣᠨᠣᠰᠴᠤ᠂ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠭᠴᠢᠳ ᠪᠣᠯᠣᠨ ᠲᠡᠭᠦᠨ ᠦ ᠨᠡᠷᠡ ᠶᠢ ᠬᠦᠨᠳᠦᠳᠬᠡᠭᠴᠢᠳ ᠤᠨ ᠲᠠᠯᠠ ᠪᠠᠷ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡᠬᠢ ᠲᠡᠮᠳᠡᠭᠯᠡᠯ ᠦᠨ ᠨᠣᠮ ᠳᠡᠭᠡᠷᠡ ᠪᠢᠴᠢᠵᠡᠢ᠃ 17 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠡᠷᠳᠡᠨᠢᠰ ᠢᠶᠠᠨ ᠬᠤᠷᠢᠶᠠᠬᠤ ᠡᠳᠦᠷ ᠲᠦ ᠮᠢᠨᠢ ᠲᠡᠳᠡ ᠮᠢᠨᠦᠬᠢ ᠪᠣᠯᠣᠨᠠ᠂ ᠬᠥᠮᠦᠨ ᠥᠪᠡᠷ ᠲᠤᠨᠢ ᠦᠢᠯᠡᠴᠢᠯᠡᠳᠡᠭ᠌ ᠬᠦᠦ ᠪᠡᠨ ᠪᠥᠭᠡᠴᠡᠢᠯᠡᠳᠡᠭ ᠦᠨ ᠠᠳᠠᠯᠢ ᠪᠢ ᠲᠡᠳᠡᠨ ᠢ ᠪᠥᠭᠡᠴᠡᠢᠯᠡᠬᠦ ᠪᠣᠯᠣᠨᠠ᠃ 18 ᠲᠡᠭᠡᠬᠦ ᠳᠦ ᠲᠠ ᠨᠠᠷ ᠵᠥᠪᠲᠡᠨ ᠪᠠ ᠪᠤᠷᠤᠭᠤᠲᠠᠨ ᠤ ᠬᠣᠭᠣᠷᠣᠨᠳᠣᠬᠢ᠂ ᠪᠤᠷᠬᠠᠨ ᠳᠤ ᠦᠢᠯᠡᠴᠢᠯᠡᠭᠴᠢ ᠪᠠ ᠦᠯᠦ ᠦᠢᠯᠡᠴᠢᠯᠡᠭᠴᠢ ᠶᠢᠨ ᠬᠣᠭᠣᠷᠣᠨᠳᠣᠬᠢ ᠢᠯᠭᠠᠭᠠ ᠶᠢ ᠳᠠᠬᠢᠨ ᠬᠠᠷᠠᠬᠤ ᠪᠣᠯᠣᠨᠠ᠃》