ᠹᠢᠯᠢᠫᠣᠢ ᠳᠥᠷᠪᠡ
1 ᠲᠡᠢᠮᠦ ᠡᠴᠡ ᠮᠢᠨᠦ ᠬᠠᠢᠷᠠ ᠪᠠ ᠰᠡᠳᠬᠢᠯ ᠤᠨ ᠲᠡᠮᠡᠦᠯᠦᠯ᠂ ᠮᠢᠨᠦ ᠪᠠᠶᠠᠰᠬᠤᠯᠠᠩ ᠪᠠ ᠲᠢᠲᠢᠮ ᠪᠣᠯᠬᠤ ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠡᠵᠡᠨ ᠦ ᠳᠣᠲᠣᠷᠠ ᠲᠡᠢᠨ ᠬᠦ ᠵᠣᠭᠰᠣᠭᠲᠤᠨ᠂ ᠬᠠᠢᠷᠠᠲᠤ ᠨᠤᠭᠤᠳ ᠮᠢᠨᠢ᠃
ᠣᠨᠴᠠ ᠰᠠᠢᠨ ᠢ ᠲᠤᠩ᠋ᠭᠠᠵᠠᠭᠠ
2 ᠪᠢ ᠧᠦ᠋ᠤᠳᠢᠶᠠ ᠶᠢ ᠢᠳᠬᠠᠵᠤ᠂ ᠰᠢᠨᠲ᠋ᠢᠺᠧ ᠶᠢ ᠴᠤ ᠢᠳᠬᠠᠶᠠ᠂ ᠡᠵᠡᠨ ᠦ ᠳᠣᠲᠣᠷᠠ ᠰᠠᠨᠠᠭᠠ ᠪᠠᠨ ᠨᠢᠭᠡᠳᠭᠡᠭᠡᠷᠡᠢ᠃ 3 ᠪᠤᠭᠤᠯᠠᠭᠠ ᠨᠢᠭᠡᠲᠡᠢ ᠦᠨᠡᠨᠴᠢ ᠨᠥᠬᠥᠷ ᠮᠢᠨᠢ ᠡ᠂ ᠴᠢᠮᠠ ᠠᠴᠠ ᠪᠢ ᠭᠤᠶᠤᠶᠠ᠂ ᠲᠡᠷᠡ ᠬᠣᠶᠠᠭᠤᠯᠠ ᠳᠤ ᠲᠤᠰᠠᠯᠠᠭᠠᠷᠠᠢ᠃ ᠲᠡᠷᠡ ᠬᠣᠶᠠᠷ ᠡᠮᠡᠭᠲᠡᠢ ᠬᠢᠭᠡᠳ ᠺᠯᠧᠮᠧᠨᠲ ᠪᠣᠯᠣᠨ ᠪᠤᠰᠤᠳ ᠬᠠᠮᠲᠤᠷᠠᠭᠴᠢᠳ ᠮᠢᠨᠢ ᠨᠠᠳᠠ ᠲᠠᠢ ᠬᠠᠮᠲᠤ ᠴᠥᠮ ᠪᠠᠶᠠᠷ ᠤᠨ ᠮᠡᠳᠡᠭᠡᠨ ᠦ ᠲᠥᠯᠥᠭᠡ ᠵᠦᠳᠡᠷᠡᠭᠰᠡᠨ᠃ ᠡᠳᠡᠭᠡᠷ ᠬᠥᠮᠦᠨ ᠦ ᠨᠡᠷᠡ ᠠᠮᠢ ᠶᠢᠨ ᠨᠣᠮ ᠳᠤ ᠪᠤᠢ᠃
4 ᠡᠵᠡᠨ ᠦ ᠳᠣᠲᠣᠷᠠ ᠢᠮᠠᠭᠲᠠ ᠪᠠᠶᠠᠷᠯᠠᠭᠲᠤᠨ᠂ ᠳᠠᠬᠢᠨ ᠬᠡᠯᠡᠶᠡ᠂ ᠪᠠᠶᠠᠷᠯᠠᠭᠲᠤᠨ᠃ 5 ᠲᠠ ᠨᠠᠷ ᠤᠨ ᠠᠭᠤᠵᠢᠮ ᠰᠡᠳᠬᠢᠯ ᠬᠥᠮᠦᠨ ᠪᠦᠬᠦᠨ ᠳᠦ ᠮᠡᠳᠡᠭᠳᠡᠬᠦ ᠪᠣᠯᠲᠤᠭᠠᠢ᠃ ᠡᠵᠡᠨ ᠣᠢᠷᠠ ᠪᠤᠢ᠃ 6 ᠶᠠᠭᠤᠨ ᠳᠤ ᠴᠤ ᠪᠦᠦ ᠰᠠᠨᠠᠭᠠ ᠵᠣᠪᠠ᠂ ᠠᠯᠢᠪᠠ ᠳᠤ ᠳᠠᠭᠠᠳᠬᠠᠯ ᠪᠠ ᠭᠤᠶᠤᠯᠲᠠ ᠪᠠᠷ ᠢᠶᠠᠨ ᠲᠠᠯᠠᠷᠬᠠᠯ ᠲᠠᠢ ᠬᠠᠮᠲᠤ ᠬᠦᠰᠡᠯᠲᠡ ᠪᠡᠨ ᠪᠤᠷᠬᠠᠨ ᠳᠤ ᠮᠡᠳᠡᠭᠳᠡᠭᠡᠷᠡᠢ᠃ 7 ᠬᠠᠮᠤᠭ ᠣᠶᠤᠨ ᠤᠬᠠᠭᠠᠨ ᠠᠴᠠ ᠳᠠᠪᠠᠬᠤ ᠪᠤᠷᠬᠠᠨ ᠤ ᠠᠮᠤᠭᠤᠯᠠᠩ ᠲᠠ ᠨᠠᠷ ᠤᠨ ᠪᠣᠳᠣᠯ ᠰᠡᠳᠬᠢᠯ ᠢ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠬᠠᠮᠠᠭᠠᠯᠠᠨᠠ᠃
8 ᠨᠡᠮᠡᠵᠦ ᠬᠡᠯᠡᠶᠡ᠂ ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠶᠠᠮᠠᠷ ᠴᠤ ᠦᠨᠡᠨ᠂ ᠶᠠᠮᠠᠷ ᠴᠤ ᠬᠦᠨᠳᠦᠯᠡᠯ ᠲᠡᠢ᠂ ᠶᠠᠮᠠᠷ ᠴᠤ ᠵᠥᠪ᠂ ᠶᠠᠮᠠᠷ ᠴᠤ ᠠᠷᠢᠭᠤᠬᠠᠨ᠂ ᠶᠠᠮᠠᠷ ᠴᠤ ᠬᠠᠢᠷᠠᠯᠠᠮᠠ᠂ ᠶᠠᠮᠠᠷ ᠴᠤ ᠰᠠᠢᠰᠢᠶᠠᠯ ᠲᠠᠢ ᠵᠦᠢᠯᠡᠰ ᠨᠢ ᠬᠡᠷᠪᠡ ᠰᠦᠷ ᠬᠦᠴᠦ ᠲᠠᠢ᠂ ᠮᠠᠭᠲᠠᠭᠤᠰᠢᠲᠠᠢ ᠪᠣᠯ ᠡᠳᠡᠭᠡᠷ ᠢ ᠲᠤᠩ᠋ᠭᠠᠵᠠᠭᠠ᠃ 9 ᠲᠠ ᠨᠠᠷ ᠨᠠᠳᠠ ᠠᠴᠠ ᠰᠤᠷᠤᠭᠰᠠᠨ᠂ ᠬᠦᠷᠲᠡᠭᠰᠡᠨ᠂ ᠰᠣᠨᠣᠰᠣᠭᠰᠠᠨ᠂ ᠬᠠᠷᠠᠭᠰᠠᠨ ᠢᠶᠠᠨ ᠬᠡᠷᠡᠭᠵᠢᠭᠦᠯᠦᠭᠲᠦᠨ᠂ ᠢᠩᠭᠢᠪᠡᠯ ᠠᠮᠤᠭᠤᠯᠠᠩ ᠤᠨ ᠪᠤᠷᠬᠠᠨ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠣᠨᠠ᠃
ᠪᠤᠷᠬᠠᠨ ᠤ ᠬᠠᠩ᠋ᠭᠠᠯᠭᠠ
10 ᠡᠳᠦᠭᠡ ᠨᠠᠳᠠ ᠳᠤ ᠳᠠᠬᠢᠨ ᠰᠠᠨᠠᠭᠠ ᠲᠠᠯᠪᠢᠬᠤ ᠪᠣᠯᠣᠭᠰᠠᠨ ᠳᠤ ᠴᠢᠨᠢ ᠪᠢ ᠡᠵᠡᠨ ᠦ ᠳᠣᠲᠣᠷᠠ ᠶᠡᠬᠡᠳᠡ ᠪᠠᠶᠠᠷᠯᠠᠵᠤ ᠪᠠᠢᠨᠠ᠃ ᠦᠨᠡᠨ ᠳᠡᠭᠡᠨ ᠲᠠ ᠨᠠᠷ ᠨᠠᠳᠠ ᠳᠤ ᠰᠠᠨᠠᠭᠠ ᠲᠠᠯᠪᠢᠳᠠᠭ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠢᠯᠡᠷᠬᠡᠶᠢᠯᠡᠬᠦ ᠳᠣᠬᠢᠶᠠᠯ ᠦᠭᠡᠢ ᠪᠠᠢᠭᠰᠠᠨ᠃ 11 ᠪᠢ ᠭᠠᠴᠢᠭᠳᠠᠯ ᠲᠠᠢ ᠳᠠᠭᠠᠨ ᠢᠩᠭᠢᠵᠦ ᠶᠠᠷᠢᠵᠤ ᠪᠠᠢᠭᠠ ᠪᠢᠰᠢ᠂ ᠶᠠᠮᠠᠷ ᠪᠠᠢᠳᠠᠯ ᠳᠤ ᠴᠤ ᠰᠡᠳᠬᠢᠯ ᠬᠠᠩ᠋ᠭᠠᠯᠤᠭᠤᠨ ᠪᠠᠢᠵᠤ ᠰᠤᠷᠤᠭᠰᠠᠨ ᠶᠤᠮ᠃ 12 ᠪᠢ ᠳᠣᠣᠷᠠᠳᠤ ᠪᠠᠢᠬᠤ ᠶᠢ ᠮᠡᠳᠡᠨᠡ᠃ ᠲᠠᠩᠰᠤᠭ ᠪᠠᠢᠬᠤ ᠶᠢ ᠴᠤ ᠮᠡᠳᠡᠨᠡ᠃ ᠬᠠᠮᠢᠭᠠ ᠴᠤ ᠭᠡᠰᠡᠨ᠂ ᠶᠠᠮᠠᠷ ᠴᠤ ᠭᠡᠰᠡᠨ᠂ ᠴᠠᠳᠬᠤᠯᠠᠩ ᠪᠤᠶᠤ ᠥᠯᠥᠰᠬᠥᠯᠡᠩ᠂ ᠡᠯᠪᠡᠭ ᠪᠤᠶᠤ ᠬᠣᠮᠰᠠ ᠪᠠᠢᠭᠰᠠᠨ ᠴᠤ ᠪᠢ ᠳᠠᠳᠤᠭᠰᠠᠨ᠃ 13 ᠨᠠᠳᠠ ᠳᠤ ᠬᠦᠴᠦ ᠰᠣᠶᠣᠷᠬᠠᠭᠴᠢ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠪᠢ ᠪᠦᠬᠦᠨ ᠢ ᠬᠢᠵᠦ ᠴᠢᠳᠠᠨᠠ᠃ 14 ᠬᠠᠷᠢᠨ ᠲᠠ ᠨᠠᠷ ᠮᠢᠨᠦ ᠵᠣᠪᠠᠯᠠᠩ ᠢ ᠬᠤᠪᠢᠶᠠᠯᠴᠠᠭᠰᠠᠨ ᠨᠢ ᠲᠤᠩ ᠰᠠᠢᠨ ᠪᠢᠯᠡ᠃
15 ᠹᠢᠯᠢᠫᠣᠢᠴᠤᠳ ᠡ᠂ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠳᠡᠯᠭᠡᠷᠡᠭᠦᠯᠵᠦ ᠡᠬᠢᠯᠡᠭᠡᠳ ᠮᠠᠺᠧᠳᠣᠨᠢᠶᠠ ᠠᠴᠠ ᠰᠠᠯᠬᠤ ᠦᠶᠡ ᠳᠦ ᠮᠢᠨᠢ ᠲᠠ ᠨᠠᠷ ᠠᠴᠠ ᠥᠭᠡᠷᠡ ᠶᠠᠮᠠᠷ ᠴᠤ ᠴᠢᠭᠤᠯᠭᠠᠨ ᠥᠭᠴᠦ ᠠᠪᠬᠤ ᠶᠢᠨ ᠶᠠᠪᠤᠳᠠᠯ ᠳᠡᠭᠡᠷᠡ ᠨᠠᠮᠠᠶᠢ ᠬᠠᠪᠰᠤᠷᠤᠭᠰᠠᠨ ᠦᠭᠡᠢ ᠶᠢ ᠲᠠ ᠨᠠᠷ ᠴᠤ ᠮᠡᠳᠡᠨᠡ᠃ 16 ᠨᠠᠮᠠᠶᠢ ᠲᠧᠰᠠᠯᠦ᠋ᠨᠢᠺ ᠲᠤ ᠪᠠᠢᠬᠤ ᠳᠤ ᠴᠤ᠂ ᠬᠡᠷᠡᠭᠯᠡᠬᠦ ᠵᠦᠢᠯᠡᠰ ᠢ ᠮᠢᠨᠢ ᠲᠠ ᠨᠠᠷ ᠬᠡᠳᠦ ᠳᠠᠪᠲᠠᠨ ᠢᠯᠡᠭᠡᠭᠰᠡᠨ ᠪᠢᠯᠡ᠃ 17 ᠪᠢ ᠪᠡᠯᠡᠭ ᠰᠡᠯᠲᠡ ᠬᠦᠰᠡᠬᠦ ᠪᠢᠰᠢ᠂ ᠬᠠᠷᠢᠨ ᠲᠠ ᠨᠠᠷ ᠤᠨ ᠳᠠᠩᠰᠠᠨ ᠳᠤ ᠦᠷᠡ ᠠᠰᠢᠭ ᠨᠡᠮᠡᠭᠳᠡᠬᠦ ᠶᠢ ᠬᠦᠰᠡᠵᠦ ᠪᠠᠢᠨᠠ᠃ 18 ᠪᠢ ᠪᠦᠬᠦᠨ ᠢ ᠭᠦᠢᠴᠡᠳ ᠠᠪᠤᠭᠰᠠᠨ ᠢᠶᠠᠷ ᠢᠶᠠᠨ ᠡᠯᠪᠡᠭ ᠳᠡᠯᠪᠡᠭ ᠪᠠᠢᠨᠠ᠃ ᠪᠢ ᠧᠫᠠᠹᠷᠸᠳᠢᠲ ᠠᠴᠠ ᠲᠠ ᠨᠠᠷ ᠤᠨ ᠢᠯᠡᠭᠡᠭᠰᠡᠨ ᠶᠠᠭᠤᠮᠠᠰ ᠢ ᠠᠪᠤᠭᠠᠳ ᠬᠠᠩ᠋ᠭᠠᠯᠲᠠᠲᠠᠢ ᠪᠣᠯᠣᠯᠠ᠂ ᠪᠡᠯᠡᠭ ᠴᠢᠨᠢ ᠠᠩᠬᠢᠯᠤᠮᠠ ᠦᠨᠦᠷ᠂ ᠲᠠᠭᠠᠯᠠᠮᠵᠢᠲᠤ ᠲᠠᠬᠢᠯ ᠮᠥᠨ ᠪᠥᠭᠡᠳ ᠪᠤᠷᠬᠠᠨ ᠳᠤ ᠲᠠᠭᠠᠯᠠᠭᠳᠠᠨᠠ᠃ 19 ᠮᠢᠨᠦ ᠪᠤᠷᠬᠠᠨ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠᠬᠢ ᠠᠯᠳᠠᠷ ᠰᠤᠤᠲᠤ ᠪᠠᠶᠠᠯᠢᠭ ᠢᠶᠠᠷ ᠢᠶᠠᠨ ᠲᠠ ᠨᠠᠷ ᠤᠨ ᠠᠯᠢᠪᠠ ᠬᠡᠷᠡᠭᠴᠡᠭᠡ ᠶᠢ ᠬᠠᠩ᠋ᠭᠠᠬᠤ ᠪᠣᠯᠣᠨᠠ᠃ 20 ᠠᠯᠳᠠᠷ ᠰᠤᠤ ᠮᠥᠩᠬᠡ ᠶᠢᠨ ᠮᠥᠩᠬᠡᠳᠡ ᠪᠢᠳᠡᠨ ᠦ ᠡᠴᠢᠭᠡ ᠪᠤᠷᠬᠠᠨ ᠤ ᠬᠢ᠂ ᠠᠮᠧᠨ᠃
21 ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠᠬᠢ ᠠᠷᠢᠭᠤᠨ ᠬᠥᠮᠦᠨ ᠪᠦᠷᠢ ᠳᠤ ᠮᠡᠨᠳᠦ ᠬᠦᠷᠭᠡᠭᠡᠷᠡᠢ᠂ ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠭᠠ ᠠᠬᠠ ᠳᠡᠭᠦᠦ ᠨᠠᠷ ᠲᠠ ᠨᠠᠷ ᠲᠤ ᠮᠡᠨᠳᠦ ᠬᠦᠷᠭᠡᠵᠦ ᠪᠠᠢᠨᠠ᠃ 22 ᠠᠷᠢᠭᠤᠨ ᠬᠥᠮᠦᠨ ᠪᠦᠭᠦᠳᠡᠭᠡᠷ᠂ ᠢᠯᠠᠩ᠋ᠭᠤᠶᠠ ᠺᠠᠶᠧᠰᠠᠷ ᠤᠨ ᠭᠡᠷ ᠦᠨ ᠬᠢᠨ ᠲᠠ ᠨᠠᠷ ᠲᠤ ᠮᠡᠨᠳᠦ ᠬᠦᠷᠭᠡᠵᠦ ᠪᠠᠢᠨᠠ᠃
23 ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠢᠪᠡᠭᠡᠯ ᠲᠠ ᠨᠠᠷ ᠤᠨ ᠰᠦᠨᠡᠰᠦ ᠲᠠᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠲᠤᠭᠠᠢ᠃