ᠨᠢᠭᠡᠳᠦᠭᠡᠷ ᠫᠧᠲ᠋ᠧᠷ ᠬᠣᠶᠠᠷ
ᠪᠤᠷᠬᠠᠨ ᠤ ᠠᠷᠠᠳ
1 ᠲᠠ ᠨᠠᠷ ᠠᠯᠢᠪᠠ ᠮᠠᠭᠤ ᠶᠠᠪᠤᠳᠠᠯ᠂ ᠠᠯᠢᠪᠠ ᠵᠠᠯᠢ ᠪᠠ ᠬᠠᠭᠤᠷᠮᠠᠭ ᠴᠢᠷᠠᠢ᠂ ᠠᠲᠠᠭᠠᠷᠬᠠᠯ᠂ ᠠᠯᠢᠪᠠ ᠭᠦᠳᠬᠡᠯ ᠢ ᠬᠠᠶᠠᠵᠤ᠂ 2 ᠦᠭᠡ ᠶᠢᠨ ᠴᠡᠪᠡᠷ ᠰᠦ᠋ 1 ᠤᠷᠤᠭᠤ ᠨᠢᠯᠬᠠ ᠬᠡᠦᠬᠡᠳ ᠮᠡᠲᠦ ᠲᠡᠮᠡᠦᠯᠦᠭᠲᠦᠨ᠂ ᠠᠪᠤᠷᠠᠯ ᠳᠤ ᠬᠦᠷᠲᠡᠯᠡ ᠡᠨᠡ ᠬᠦ ᠰᠦ᠋ ᠪᠠᠷ ᠥᠰᠬᠦ ᠪᠣᠯᠲᠤᠭᠠᠢ᠃ 3 ᠤᠴᠢᠷ ᠨᠢ᠂ ᠡᠵᠡᠨ ᠦ ᠰᠠᠢᠨ ᠢ ᠲᠠ ᠨᠠᠷ ᠠᠮᠰᠠᠭᠰᠠᠨ ᠪᠢᠯᠡ᠃
4 ᠾᠷᠢᠰᠲ᠋ᠣᠰ ᠤᠷᠤᠭᠤ ᠢᠷᠡᠭᠲᠦᠨ᠃ ᠲᠡᠷᠡ ᠪᠣᠯ ᠬᠥᠮᠦᠨ ᠳᠦ ᠭᠣᠯᠣᠭᠳᠠᠵᠤ᠂ ᠪᠤᠷᠬᠠᠨ ᠳᠤ ᠰᠢᠯᠢᠭᠳᠡᠭᠰᠡᠨ ᠦᠨᠡᠲᠦ ᠠᠮᠢᠳᠤ ᠴᠢᠯᠠᠭᠤ ᠮᠥᠨ᠃ 5 ᠲᠠ ᠨᠠᠷ ᠴᠤ ᠠᠮᠢᠳᠤ ᠴᠢᠯᠠᠭᠤ ᠮᠡᠲᠦ ᠪᠢᠯᠡ᠂ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠢᠶᠠᠷ ᠳᠠᠮᠵᠢᠵᠤ ᠪᠤᠷᠬᠠᠨ ᠳᠤ ᠲᠠᠭᠠᠯᠠᠭᠳᠠᠬᠤ ᠰᠦᠨᠡᠰᠦᠯᠢᠭ ᠲᠠᠬᠢᠯ ᠢ ᠡᠷᠭᠦᠳᠡᠭ ᠠᠷᠢᠭᠤᠨ ᠲᠠᠬᠢᠯᠴᠢ ᠪᠣᠯᠬᠤ ᠶᠢᠨ ᠲᠤᠯᠠᠳᠠ ᠰᠦᠨᠡᠰᠦᠯᠢᠭ ᠪᠠᠢᠰᠢᠩ ᠪᠣᠯᠵᠤ ᠪᠠᠢᠭᠤᠯᠤᠭᠳᠠᠵᠤ ᠪᠠᠢᠨᠠ᠃ 6 ᠠᠷᠢᠭᠤᠨ ᠨᠣᠮ ᠳᠤ᠄ 《ᠬᠠᠷᠠ᠂ ᠪᠢ ᠰᠢᠯᠢᠭᠰᠡᠨ ᠦᠨᠡᠲᠦ ᠪᠤᠯᠤᠩ ᠤᠨ ᠴᠢᠯᠠᠭᠤ ᠪᠠᠨ ᠽᠢᠶᠣᠨ ᠳᠤ ᠲᠠᠯᠪᠢᠨᠠ ᠲᠡᠭᠦᠨ ᠳᠦ ᠢᠲᠡᠭᠡᠭᠴᠢ ᠨᠢ ᠶᠡᠷᠦ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠦᠭᠡᠢ》
ᠭᠡᠵᠦ ᠠᠢᠯᠠᠳᠤᠭᠰᠠᠨᠴᠢᠯᠠᠨ 7 ᠲᠡᠷᠡ ᠪᠡᠷ ᠢᠲᠡᠭᠡᠭᠴᠢ ᠲᠠ ᠨᠠᠷ ᠲᠤ ᠦᠨᠡᠲᠦ ᠴᠢᠯᠠᠭᠤ ᠪᠣᠯᠪᠠᠴᠤ ᠦᠯᠦ ᠢᠲᠡᠭᠡᠭᠴᠢ ᠳᠤ ᠪᠣᠯ 《ᠪᠠᠷᠢᠯᠭᠠᠴᠢᠳ ᠲᠤ ᠭᠣᠯᠣᠭᠳᠠᠭᠰᠠᠨ ᠴᠤ ᠪᠤᠯᠤᠩ ᠤᠨ ᠲᠤᠯᠭᠠᠭᠤᠷᠢ ᠪᠣᠯᠣᠭᠰᠠᠨ ᠲᠡᠷᠡ ᠴᠢᠯᠠᠭᠤ 2 》᠂
8 ᠮᠥᠨ 《ᠪᠦᠳᠦᠷᠢᠭᠦᠯᠬᠦ ᠴᠢᠯᠠᠭᠤ᠂ ᠣᠢᠴᠢᠭᠤᠯᠬᠤ ᠬᠠᠳᠠ》 ᠶᠤᠮ᠃ ᠲᠡᠳᠡ ᠦᠭᠡᠨ ᠳᠦ ᠳᠤᠭᠤᠯᠭᠠᠪᠤᠷᠢ ᠦᠭᠡᠢ ᠪᠣᠯᠬᠣᠷ ᠤᠨᠠᠳᠠᠭ᠃ ᠡᠨᠡ ᠪᠠᠰᠠ ᠲᠡᠳᠡᠨ ᠦ ᠲᠠᠪᠢᠯᠠᠩ ᠪᠢᠯᠡ᠃
9 ᠬᠠᠷᠢᠨ ᠲᠠ ᠨᠠᠷ ᠪᠣᠯ ᠰᠢᠯᠢᠭᠳᠡᠭᠰᠡᠨ ᠤᠭᠰᠠᠭᠠ᠂ ᠬᠠᠭᠠᠨ ᠤ ᠲᠠᠬᠢᠯᠴᠢᠳ᠂ ᠠᠷᠢᠭᠤᠨ ᠦᠨᠳᠦᠰᠦᠲᠡᠨ᠂ ᠲᠡᠭᠦᠨ ᠦ ᠬᠠᠷᠢᠶᠠᠨ ᠤ ᠠᠷᠠᠳ ᠲᠦᠮᠡᠨ ᠶᠤᠮ᠃ ᠡᠢᠮᠦ ᠡᠴᠡ ᠥᠪᠡᠷᠰᠡᠳ ᠢ ᠴᠢᠨᠢ ᠬᠠᠷᠠᠩ᠋ᠭᠤᠢ ᠠᠴᠠ ᠭᠠᠢᠬᠠᠮᠰᠢᠭᠲᠤ ᠭᠡᠷᠡᠯ ᠤᠷᠤᠭᠤ ᠪᠠᠨ ᠳᠠᠭᠤᠳᠠᠭᠰᠠᠨ ᠲᠡᠭᠦᠨ ᠦ ᠰᠦᠷ ᠬᠦᠴᠦ ᠶᠢ ᠲᠠ ᠨᠠᠷ ᠢᠯᠡᠷᠬᠡᠶᠢᠯᠡᠬᠦ ᠤᠴᠢᠷᠲᠠᠢ᠃
10 ᠲᠠ ᠨᠠᠷ ᠤᠷᠢᠳᠤ ᠨᠢ ᠠᠷᠠᠳ ᠪᠢᠰᠢ ᠪᠣᠯᠪᠠᠴᠤ ᠣᠳᠣ ᠪᠤᠷᠬᠠᠨ ᠤ ᠠᠷᠠᠳ ᠪᠣᠯᠣᠭᠰᠠᠨ ᠪᠠᠢᠨᠠ ᠤᠷᠢᠳᠤ ᠨᠢ ᠡᠨᠡᠷᠢᠭᠳᠡᠭᠰᠡᠨ ᠦᠭᠡᠢ ᠪᠣᠯᠪᠠᠴᠤ ᠣᠳᠣ ᠡᠨᠡᠷᠢᠭᠳᠡᠭᠰᠡᠨ ᠪᠠᠢᠨᠠ᠃
ᠦᠯᠦ ᠢᠲᠡᠭᠡᠭᠴᠢᠳ ᠤᠨ ᠳᠤᠮᠳᠠ ᠪᠠᠢᠬᠤ ᠳᠠᠭᠠᠨ
11 ᠬᠠᠢᠷᠠᠲᠤ ᠨᠤᠭᠤᠳ ᠮᠢᠨᠢ᠂ ᠠᠶᠠᠨᠴᠢᠨ ᠪᠠ ᠴᠠᠭᠠᠴᠢᠨ ᠪᠣᠯᠣᠭᠰᠠᠨ ᠲᠠ ᠨᠠᠷ ᠢ ᠢᠳᠬᠠᠶᠠ᠃ ᠰᠡᠳᠬᠢᠯ ᠲᠠᠢ ᠴᠢᠨᠢ ᠲᠤᠯᠤᠯᠳᠤᠳᠠᠭ ᠮᠢᠬᠠᠨ ᠪᠡᠶᠡ ᠶᠢᠨ ᠲᠠᠴᠢᠶᠠᠯ ᠢ ᠲᠡᠪᠴᠢᠨ᠂ 12 ᠬᠠᠷᠢᠴᠤᠳ ᠤᠨ ᠳᠤᠮᠳᠠ ᠲᠥᠪ ᠰᠠᠢᠨ ᠶᠠᠪᠤᠳᠠᠯ ᠲᠠᠢ ᠪᠠᠢᠭᠠᠷᠠᠢ᠃ ᠲᠡᠳᠡ ᠲᠠ ᠨᠠᠷ ᠢ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠭᠡᠵᠦ ᠭᠦᠳᠬᠡᠳᠡᠭ ᠬᠢᠷᠢ ᠨᠢ ᠲᠠ ᠨᠠᠷ ᠤᠨ ᠰᠠᠢᠨ ᠦᠢᠯᠡᠰ ᠢ ᠠᠵᠢᠭᠯᠠᠭᠠᠳ ᠪᠤᠷᠬᠠᠨ ᠤ ᠢᠷᠡᠬᠦ ᠡᠳᠦᠷ 3 ᠲᠤ ᠪᠤᠷᠬᠠᠨ ᠢ ᠠᠯᠳᠠᠷᠰᠢᠭᠤᠯᠬᠤ ᠪᠣᠯᠲᠤᠭᠠᠢ᠃
13 ᠡᠵᠡᠨ ᠦ ᠲᠥᠯᠥᠭᠡ ᠬᠥᠮᠦᠨ ᠦ ᠠᠯᠢᠪᠠ ᠵᠦᠢ ᠲᠣᠭᠲᠠᠭᠠᠯ ᠳᠤ ᠵᠠᠬᠢᠷᠤᠭᠳᠠ᠃ ᠡᠷᠬᠡ ᠮᠡᠳᠡᠯᠲᠦ ᠬᠠᠭᠠᠨ ᠳᠤ ᠴᠤ᠂ 14 ᠵᠠᠬᠢᠷᠤᠭᠴᠢᠳ ᠲᠤ ᠴᠤ ᠪᠦᠷ ᠲᠡᠭᠡ᠃ ᠬᠠᠭᠠᠨ ᠪᠣᠯᠣᠨ ᠵᠠᠬᠢᠷᠤᠭᠴᠢᠳ ᠢ ᠢᠯᠡᠭᠡᠳᠡᠭ ᠨᠢ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢ ᠶᠢ ᠴᠡᠭᠡᠷᠯᠡᠭᠦᠯᠵᠦ᠂ ᠰᠠᠢᠨ ᠢ ᠦᠢᠯᠡᠳᠦᠭᠴᠢ ᠶᠢ ᠰᠠᠢᠰᠢᠶᠠᠬᠤ ᠶᠢᠨ ᠲᠤᠯᠠᠳᠠ ᠶᠤᠮ᠃ 15 ᠲᠠ ᠨᠠᠷ ᠵᠥᠪ ᠢ ᠦᠢᠯᠡᠳᠴᠦ ᠮᠤᠩ᠋ᠬᠠᠭ ᠬᠥᠮᠦᠰ ᠦᠨ ᠪᠦᠳᠦᠭᠦᠯᠢᠭ ᠶᠠᠷᠢᠶᠠ ᠶᠢ ᠵᠣᠭᠰᠣᠭᠠᠬᠤ ᠨᠢ ᠪᠤᠷᠬᠠᠨ ᠤ ᠬᠦᠰᠡᠯ ᠪᠢᠯᠡ᠃ 16 ᠪᠤᠷᠬᠠᠨ ᠤ ᠵᠠᠷᠤᠴᠠ ᠮᠡᠲᠦ᠂ ᠡᠷᠬᠡ ᠴᠢᠯᠥᠭᠡᠲᠦ ᠬᠥᠮᠦᠨ ᠮᠡᠲᠦ ᠵᠥᠪ ᠢ ᠦᠢᠯᠡᠳ᠂ ᠮᠠᠭᠤ ᠶᠢ ᠳᠠᠯᠳᠠᠯᠠᠬᠤ ᠶᠢᠨ ᠲᠤᠯᠠᠳᠠ ᠡᠷᠬᠡ ᠴᠢᠯᠥᠭᠡ ᠪᠡᠨ ᠠᠰᠢᠭᠯᠠᠵᠤ ᠪᠣᠯᠬᠤ ᠦᠭᠡᠢ᠃ 17 ᠪᠦᠬᠦ ᠬᠥᠮᠦᠨ ᠢ ᠬᠦᠨᠳᠦᠯᠡ᠂ ᠠᠬᠠ ᠳᠡᠭᠦᠦᠰ ᠢᠶᠡᠨ ᠬᠠᠢᠷᠠᠯᠠ᠂ ᠪᠤᠷᠬᠠᠨ ᠠᠴᠠ ᠡᠮᠢᠶᠡ᠂ ᠬᠠᠭᠠᠨ ᠢ ᠬᠦᠨᠳᠦᠯᠡ᠃
ᠢᠳᠬᠠᠯᠭᠠ᠄ ᠵᠠᠷᠤᠴᠠ ᠨᠠᠷ ᠲᠤ
18 ᠵᠠᠷᠤᠴᠠ ᠨᠠᠷ ᠡ᠂ ᠬᠠᠮᠤᠭ ᠬᠦᠨᠳᠦᠳᠬᠡᠯ ᠢᠶᠡᠷ ᠡᠵᠡᠨ ᠳᠡᠭᠡᠨ ᠵᠠᠬᠢᠷᠤᠭᠳᠠ᠃ ᠰᠠᠢᠨ᠂ ᠡᠯᠢᠭᠡᠰᠡᠭ ᠡᠵᠡᠨ ᠳᠡᠭᠡᠨ ᠲᠡᠳᠦᠢ ᠦᠭᠡᠢ᠂ ᠠᠪᠤᠷᠢᠲᠠᠢ ᠡᠵᠡᠨ ᠳᠡᠭᠡᠨ ᠴᠤ ᠲᠡᠭᠡ᠃ 19 ᠬᠢᠯᠢᠰ ᠵᠣᠪᠠᠯᠠᠩ ᠲᠠᠢ ᠪᠠᠢᠬᠤ ᠳᠠᠭᠠᠨ ᠪᠤᠷᠬᠠᠨ ᠢ ᠪᠣᠳᠣᠨ ᠤᠢ ᠭᠠᠰᠢᠭᠤ ᠶᠢ ᠲᠡᠰᠪᠦᠷᠢᠯᠡᠬᠦ ᠨᠢ ᠢᠪᠡᠭᠡᠯ ᠲᠡᠢ᠃ 20 ᠬᠡᠷᠪᠡ ᠨᠢᠭᠦᠯ ᠦᠢᠯᠡᠳᠴᠦ ᠵᠣᠳᠣᠭᠳᠠᠭᠠᠳ ᠲᠡᠰᠪᠦᠷᠢᠯᠡᠬᠦ ᠶᠤᠮ ᠪᠣᠯ ᠶᠠᠮᠠᠷ ᠮᠠᠭᠲᠠᠭᠠᠯ ᠣᠯᠬᠤ ᠪᠢᠯᠡ︖ ᠬᠠᠷᠢᠨ ᠵᠥᠪ ᠢ ᠦᠢᠯᠡᠳᠦᠭᠡᠳ ᠵᠣᠪᠠᠯᠠᠩ ᠡᠳ᠋ᠯᠡᠵᠦ ᠬᠦᠯᠢᠴᠡᠬᠦ ᠨᠢ ᠪᠤᠷᠬᠠᠨ ᠤ ᠡᠮᠦᠨᠡ ᠢᠪᠡᠭᠡᠯ ᠲᠡᠢ ᠶᠤᠮ᠃ 21 ᠡᠭᠦᠨ ᠦ ᠲᠥᠯᠥᠭᠡ ᠲᠠ ᠨᠠᠷ ᠳᠠᠭᠤᠳᠠᠭᠳᠠᠭᠰᠠᠨ᠃ ᠾᠷᠢᠰᠲ᠋ᠣᠰ ᠴᠤ ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠵᠣᠪᠠᠯᠠᠩ ᠠᠮᠰᠠᠵᠤ᠂ ᠲᠠ ᠨᠠᠷ ᠲᠤ ᠳᠠᠭᠤᠷᠢᠶᠠᠯ ᠦᠯᠡᠳᠡᠭᠡᠭᠰᠡᠨ ᠨᠢ ᠥᠪᠡᠷ ᠦᠨ ᠢᠶᠠᠨ ᠮᠥᠷ ᠢᠶᠡᠷ ᠳᠠᠭᠠᠭᠤᠯᠬᠤ ᠭᠡᠰᠡᠨ ᠶᠤᠮ᠃ 22 《ᠲᠡᠷᠡ ᠨᠢᠭᠦᠯ ᠦᠢᠯᠡᠳᠦᠭᠡ ᠦᠭᠡᠢ᠂ ᠲᠡᠭᠦᠨ ᠦ ᠠᠮᠠᠨ ᠠᠴᠠ ᠵᠠᠯᠢ ᠣᠯᠳᠠᠭᠠ ᠦᠭᠡᠢ᠃》 23 ᠵᠦᠬᠡᠭᠳᠡᠭᠰᠡᠨ ᠪᠣᠯᠪᠠᠴᠤ ᠵᠦᠬᠡᠭᠡ ᠦᠭᠡᠢ᠃ ᠵᠣᠪᠠᠯᠠᠩ ᠠᠮᠰᠠᠭᠰᠠᠨ ᠪᠣᠯᠪᠠᠴᠤ ᠵᠠᠨᠤᠯ ᠦᠭᠡᠢ᠂ ᠵᠥᠪ ᠰᠢᠭᠦᠭᠴᠢ ᠨᠢᠭᠡᠨ ᠳᠦ ᠪᠡᠶᠡ ᠪᠡᠨ ᠳᠠᠭᠠᠭᠠᠯᠭᠠᠭᠰᠠᠨ ᠪᠠᠢᠯᠠ᠃ 24 ᠲᠡᠷᠡ ᠥᠪᠡᠷ ᠢᠶᠡᠨ ᠮᠣᠳᠣᠨ ᠳᠡᠭᠡᠷᠡ ᠪᠢᠳᠡᠨ ᠦ ᠭᠡᠮ ᠨᠢᠭᠦᠯ ᠢ ᠪᠡᠶᠡ ᠳᠡᠭᠡᠨ ᠡᠭᠦᠷᠦᠭᠰᠡᠨ ᠨᠢ ᠪᠢᠳᠡᠨ ᠢ ᠭᠡᠮ ᠨᠢᠭᠦᠯ ᠳᠦ ᠦᠬᠦᠵᠦ᠂ ᠵᠥᠪ ᠲᠤ ᠠᠮᠢᠳᠤᠷᠠᠭᠠᠰᠠᠢ ᠭᠡᠰᠡᠨ ᠶᠤᠮ᠃ ᠲᠡᠭᠦᠨ ᠦ ᠰᠢᠷᠬᠠ ᠶᠢᠨ ᠠᠴᠢ ᠪᠠᠷ ᠲᠠ ᠨᠠᠷ ᠢᠯᠠᠷᠢᠰᠢᠭᠰᠠᠨ ᠶᠤᠮ᠃ 25 ᠲᠠ ᠨᠠᠷ ᠶᠡᠷᠦ ᠨᠢ ᠲᠥᠭᠡᠷᠢᠭᠰᠡᠨ ᠬᠣᠨᠢ ᠮᠡᠲᠦ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠣᠳᠣ ᠰᠦᠨᠡᠰᠦᠨ ᠦ ᠪᠠᠨ ᠬᠣᠨᠢᠴᠢᠨ᠂ ᠬᠠᠷᠠᠭᠠᠯᠵᠠᠭᠴᠢ ᠤᠷᠤᠭᠤ ᠪᠠᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠶᠤᠮ᠃