ᠨᠢᠭᠡᠳᠦᠭᠡᠷ ᠲᠧᠰᠠᠯᠦ᠋ᠨᠢᠺ ᠭᠤᠷᠪᠠ
1 ᠲᠡᠢᠮᠦ ᠡᠴᠡ ᠪᠢᠳᠡ ᠲᠡᠰᠴᠦ ᠶᠠᠳᠠᠭᠠᠳ ᠥᠪᠡᠷᠰᠡᠳ ᠢᠶᠡᠨ ᠯᠠ ᠠᠲ᠋ᠧᠨ ᠳᠤ ᠦᠯᠡᠳᠡᠬᠦ ᠪᠡᠷ ᠰᠢᠢᠳᠴᠦ᠂ 2 ᠪᠢᠳᠡᠨ ᠦ ᠳᠡᠭᠦᠦ ᠪᠥᠭᠡᠳ ᠾᠷᠢᠰᠲ᠋ᠣᠰ ᠤᠨ ᠪᠠᠶᠠᠷ ᠤᠨ ᠮᠡᠳᠡᠭᠡᠨ ᠦ ᠲᠥᠯᠥᠭᠡ ᠪᠤᠷᠬᠠᠨ ᠤ ᠬᠠᠮᠲᠤ ᠠᠵᠢᠯᠯᠠᠭᠴᠢ ᠲᠢᠮᠣᠲ ᠢ ᠢᠯᠡᠭᠡᠪᠡ᠃ ᠢᠩᠭᠢᠭᠰᠡᠨ ᠨᠢ ᠲᠠ ᠨᠠᠷ ᠢ ᠵᠣᠷᠢᠭᠵᠢᠭᠤᠯᠵᠤ ᠢᠲᠡᠭᠡᠯ ᠢ ᠴᠢᠨᠢ ᠪᠠᠲᠤᠵᠢᠭᠤᠯᠤᠭᠠᠰᠠᠢ᠂ 3 ᠡᠢᠮᠦᠷᠬᠦ ᠵᠣᠪᠠᠯᠠᠩ ᠤᠨ ᠦᠶᠡ ᠳᠦ ᠲᠠ ᠨᠠᠷ ᠤᠨ ᠬᠡᠨ ᠨᠢ ᠴᠤ ᠪᠦᠦ ᠭᠤᠢᠪᠢᠯᠵᠠᠭᠠᠰᠠᠢ ᠭᠡᠰᠡᠨ ᠳᠡᠭᠡᠨ ᠶᠤᠮ᠃ ᠪᠢᠳᠡ ᠡᠢᠮᠦᠷᠬᠦ ᠲᠠᠪᠢᠯᠠᠩ ᠲᠠᠢ ᠪᠠᠢᠳᠠᠭ ᠢ ᠲᠠ ᠨᠠᠷ ᠮᠡᠳᠡᠨᠡ᠃ 4 ᠤᠳᠠᠬᠤ ᠦᠭᠡᠢ ᠬᠠᠪᠴᠢᠭᠳᠠᠬᠤ ᠪᠣᠯᠣᠨᠠ ᠭᠡᠵᠦ ᠪᠢᠳᠡ ᠲᠠᠨ ᠤ ᠲᠡᠨᠳᠡ ᠪᠠᠢᠬᠤ ᠳᠠᠭᠠᠨ ᠲᠠ ᠨᠠᠷ ᠲᠤ ᠤᠷᠢᠳᠴᠢᠯᠠᠨ ᠬᠡᠯᠡᠳᠡᠭ ᠪᠠᠢᠭᠰᠠᠨ ᠪᠥᠭᠡᠳ ᠦᠨᠡᠬᠡᠷ ᠪᠢᠳᠡᠨ ᠦ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠪᠣᠯᠣᠭᠰᠠᠨ ᠢ ᠲᠠ ᠨᠠᠷ ᠮᠡᠳᠡᠨᠡ᠃ 5 ᠡᠢᠮᠦ ᠡᠴᠡ ᠪᠢ ᠲᠠ ᠨᠠᠷ ᠤᠨ ᠢᠲᠡᠭᠡᠯ ᠦᠨ ᠪᠠᠢᠳᠠᠯ ᠢ ᠮᠡᠳᠡᠬᠦ ᠭᠡᠵᠦ ᠲᠡᠰᠴᠦ ᠶᠠᠳᠠᠨ ᠲᠢᠮᠣᠲ ᠢ ᠢᠯᠡᠭᠡᠪᠡ᠃ ᠢᠩᠭᠢᠭᠰᠡᠨ ᠨᠢ ᠲᠡᠩᠰᠡᠭᠴᠢ ᠨᠢᠭᠡᠨ ᠨᠢ ᠲᠠ ᠨᠠᠷ ᠢ ᠶᠠᠩᠵᠤ ᠶᠠᠩᠵᠤ ᠪᠠᠷ ᠲᠡᠩᠰᠡᠭᠡᠳ ᠪᠢᠳᠡᠨ ᠦ ᠵᠦᠳᠡᠷᠡᠯ ᠢ ᠲᠠᠯᠠᠭᠠᠷ ᠪᠣᠯᠭᠠᠴᠢᠬᠠᠬᠤ ᠪᠣᠯᠣᠭᠤᠵᠠᠢ ᠭᠡᠰᠡᠨ ᠳᠡᠭᠡᠨ ᠶᠤᠮ᠃
ᠤᠷᠮᠠ ᠬᠠᠢᠷᠠᠯᠠᠭᠰᠠᠨ ᠰᠤᠷᠠᠭ
6 ᠬᠠᠷᠢᠨ ᠲᠢᠮᠣᠲ ᠡᠳᠦᠭᠡ ᠲᠠᠨ ᠤ ᠲᠡᠨᠳᠡ ᠡᠴᠡ ᠮᠠᠨ ᠤ ᠡ᠊ᠨᠳᠡ ᠢᠷᠡᠵᠦ᠂ ᠲᠠ ᠨᠠᠷ ᠤᠨ ᠢᠲᠡᠭᠡᠯ ᠪᠠ ᠬᠠᠢᠷᠠ ᠶᠢᠨ ᠰᠠᠢᠨ ᠴᠢᠮᠡᠭᠡ ᠶᠢ ᠪᠢᠳᠡᠨ ᠳᠦ ᠰᠣᠨᠣᠰᠬᠠᠨ ᠲᠠ ᠨᠠᠷ ᠪᠢᠳᠡᠨ ᠦ ᠲᠠᠯᠠ ᠪᠠᠷ ᠦᠷᠭᠦᠯᠵᠢ ᠰᠠᠢᠬᠠᠨ ᠰᠡᠳᠬᠢᠭᠳᠡᠯ ᠲᠡᠢ ᠪᠠᠢᠳᠠᠭ ᠢ᠂ ᠪᠠᠰᠠ ᠪᠢᠳᠡ ᠲᠠ ᠨᠠᠷ ᠲᠠᠢ ᠠᠭᠤᠯᠵᠠᠬᠤ ᠶᠢ ᠬᠦᠰᠡᠳᠡᠭ ᠰᠢᠭ ᠪᠢᠳᠡᠨ ᠲᠡᠢ ᠠᠭᠤᠯᠵᠠᠬᠤ ᠶᠢ ᠬᠦᠰᠡᠵᠦ ᠪᠠᠢᠳᠠᠭ ᠭᠡᠵᠦ ᠬᠡᠯᠡᠪᠡ᠃ 7 ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ᠂ ᠪᠢᠳᠡ ᠪᠦᠬᠦ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢ ᠶᠢᠨ ᠳᠤᠮᠳᠠ ᠲᠠ ᠨᠠᠷ ᠤᠨ ᠢᠲᠡᠭᠡᠯ ᠦᠨ ᠠᠴᠢ ᠪᠠᠷ ᠲᠠᠢᠳᠬᠤᠷᠠᠭᠰᠠᠨ᠃ 8 ᠲᠠ ᠨᠠᠷ ᠡᠵᠡᠨ ᠦ ᠳᠣᠲᠣᠷᠠ ᠪᠠᠲᠤ ᠵᠣᠭᠰᠣᠵᠤ ᠪᠠᠢᠭᠠ ᠲᠤᠯᠠ ᠪᠢᠳᠡ ᠣᠳᠣ ᠰᠡᠷᠭᠦᠵᠦ ᠪᠠᠢᠨᠠ᠃ 9 ᠪᠢᠳᠡ ᠪᠤᠷᠬᠠᠨ ᠤ ᠪᠠᠨ ᠡᠮᠦᠨᠡ ᠲᠠ ᠨᠠᠷ ᠠᠴᠠ ᠪᠣᠯᠵᠤ ᠠᠮᠰᠠᠵᠤ ᠪᠠᠢᠭᠠ ᠠᠯᠢᠪᠠ ᠪᠠᠶᠠᠰᠬᠤᠯᠠᠩ ᠤᠨ ᠢᠶᠠᠨ ᠬᠠᠷᠢᠭᠤ ᠳᠤ᠂ ᠲᠠ ᠨᠠᠷ ᠤᠨ ᠡᠮᠦᠨᠡ ᠡᠴᠡ ᠪᠤᠷᠬᠠᠨ ᠳᠤ ᠶᠠᠮᠠᠷ ᠲᠠᠯᠠᠷᠬᠠᠯ ᠢ ᠡᠷᠭᠦᠵᠦ ᠴᠢᠳᠠᠬᠤ ᠪᠢᠯᠡ︕ 10 ᠲᠠ ᠨᠠᠷ ᠲᠠᠢ ᠨᠢᠭᠤᠷᠲᠠᠨ ᠠᠭᠤᠯᠵᠠᠭᠠᠰᠠᠢ᠂ ᠲᠠ ᠨᠠᠷ ᠤᠨ ᠢᠲᠡᠭᠡᠯ ᠦᠨ ᠳᠤᠲᠠᠭᠳᠠᠯ ᠨᠥᠬᠥᠭᠳᠡᠭᠡᠰᠡᠢ ᠬᠡᠮᠡᠨ ᠪᠢᠳᠡ ᠡᠳᠦᠷ ᠰᠥᠨᠢ ᠦᠭᠡᠢ ᠮᠠᠰᠢ ᠬᠢᠴᠢᠶᠡᠩᠭᠦᠢᠯᠡᠨ ᠳᠠᠭᠠᠳᠬᠠᠵᠤ ᠪᠠᠢᠨᠠ᠃
11 ᠪᠢᠳᠡᠨ ᠦ ᠡᠴᠢᠭᠡ ᠪᠤᠷᠬᠠᠨ ᠪᠠ ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠲᠠ ᠨᠠᠷ ᠤᠷᠤᠭᠤ ᠣᠴᠢᠬᠤ ᠵᠠᠮ ᠢ ᠮᠢᠨᠢ ᠰᠢᠯᠤᠭᠤᠳᠬᠠᠬᠤ ᠪᠣᠯᠲᠤᠭᠠᠢ᠃ 12 ᠪᠠᠰᠠ ᠡᠵᠡᠨ ᠲᠠ ᠨᠠᠷ ᠢ ᠬᠠᠢᠷᠠ ᠪᠠᠷ ᠡᠯᠪᠡᠭᠵᠢᠬᠦᠯᠦᠨ ᠳᠦᠭᠦᠷᠭᠡᠵᠦ ᠪᠢᠳᠡ ᠲᠠ ᠨᠠᠷ ᠢ ᠬᠠᠢᠷᠠᠯᠠᠳᠠᠭ ᠰᠢᠭ᠋ ᠲᠠ ᠨᠠᠷ ᠴᠤ ᠪᠡᠶᠡ ᠪᠡᠶᠡ ᠪᠡᠨ ᠬᠠᠢᠷᠠᠯᠠᠵᠤ᠂ ᠬᠥᠮᠦᠨ ᠪᠦᠬᠦᠨ ᠢ ᠬᠠᠢᠷᠠᠯᠠᠬᠤ ᠪᠣᠯᠲᠤᠭᠠᠢ᠂ 13 ᠡᠢᠨ ᠬᠦ ᠲᠠ ᠨᠠᠷ ᠤᠨ ᠰᠡᠳᠬᠢᠯ ᠪᠠᠲᠤᠵᠢᠵᠤ᠂ ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠠᠷᠢᠭᠤᠨ ᠪᠦᠭᠦᠳᠡ ᠲᠠᠢ ᠪᠠᠨ ᠢᠷᠡᠬᠦ ᠦᠶᠡ ᠳᠦ᠂ ᠲᠠ ᠨᠠᠷ ᠪᠢᠳᠡᠨ ᠦ ᠡᠴᠢᠭᠡ ᠪᠤᠷᠬᠠᠨ ᠤ ᠡᠮᠦᠨᠡ ᠥ ᠦᠭᠡᠢ ᠠᠷᠢᠭᠤᠨ ᠪᠣᠯᠬᠤ ᠪᠣᠯᠲᠤᠭᠠᠢ᠃