ᠶᠠᠺᠣᠪ ᠬᠣᠶᠠᠷ
ᠬᠥᠮᠦᠨ ᠢ ᠪᠦᠦ ᠠᠯᠠᠭᠴᠢᠯᠠ
1 ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ ᠡ᠂ ᠲᠠ ᠨᠠᠷ ᠪᠢᠳᠡᠨ ᠦ ᠠᠯᠳᠠᠷ ᠰᠤᠤᠲᠤ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠲᠤ ᠢᠲᠡᠭᠡᠳᠡᠭ ᠲᠤᠯᠠ ᠬᠥᠮᠦᠨ ᠢ ᠪᠦᠦ ᠠᠯᠠᠭᠴᠢᠯᠠ᠃ 2 ᠠᠯᠲᠠᠨ ᠪᠥᠭᠡᠵᠢ ᠲᠠᠢ᠂ ᠬᠡᠭᠡᠨᠴᠢᠷ ᠬᠤᠪᠴᠠᠰᠤ ᠲᠠᠢ ᠨᠢᠭᠡᠨ ᠬᠥᠮᠦᠨ ᠬᠤᠷᠠᠯ ᠤᠨ ᠲᠠᠩᠬᠢᠮ ᠳᠤ ᠣᠷᠣᠵᠠᠢ᠂ ᠪᠠᠰᠠ ᠪᠣᠬᠢᠷ ᠬᠤᠪᠴᠠᠰᠤ ᠲᠠᠢ ᠶᠠᠳᠠᠭᠤ ᠬᠥᠮᠦᠨ ᠣᠷᠣᠭᠰᠠᠨ ᠭᠡᠵᠦ ᠪᠣᠳᠣᠶᠠ᠃ 3 ᠬᠡᠷᠪᠡ ᠲᠠ ᠨᠠᠷ ᠬᠡᠭᠡᠨᠴᠢᠷ ᠬᠤᠪᠴᠠᠰᠤᠯᠠᠭᠰᠠᠨ ᠢ ᠨᠢ ᠳᠡᠭᠡᠳᠦᠯᠡᠨ᠄ 《ᠲᠠ ᠡᠨᠡ ᠬᠣᠢᠮᠣᠷ ᠲᠤ ᠰᠠᠭᠠᠲᠠᠭᠠᠷᠠᠢ》 ᠭᠡᠳ᠂ ᠨᠥᠭᠥᠭᠡ ᠶᠠᠳᠠᠭᠤ ᠬᠥᠮᠦᠨ ᠳᠦ᠄ 《ᠲᠡᠨᠳᠡ ᠵᠣᠭᠰᠣ》 ᠭᠡᠬᠦ ᠪᠤᠶᠤ 《ᠮᠢᠨᠦ ᠬᠥᠯ ᠦᠨ ᠭᠢᠰᠬᠢᠭᠦᠷ ᠲᠦ ᠰᠠᠭᠤ》 ᠭᠡᠵᠦ ᠬᠡᠯᠡᠪᠡᠯ᠂ 4 ᠲᠠ ᠨᠠᠷ ᠥᠪᠡᠷᠰᠡᠳ ᠦᠨ ᠢᠶᠠᠨ ᠳᠤᠮᠳᠠ ᠢᠯᠭᠠᠪᠤᠷᠢᠯᠠᠯ ᠢ ᠪᠤᠢ ᠪᠣᠯᠭᠠᠳᠠᠭ ᠬᠣᠷᠣᠨ ᠰᠠᠨᠠᠭᠠ ᠲᠠᠢ ᠰᠢᠭᠦᠭᠴᠢᠳ ᠪᠣᠯᠴᠢᠬᠠᠬᠤ ᠪᠢᠰᠢ ᠤᠤ︖ 5 ᠰᠣᠨᠣᠰᠣᠭᠲᠤᠨ᠂ ᠬᠠᠢᠷᠠᠲᠤ ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ ᠡ᠂ ᠪᠤᠷᠬᠠᠨ ᠶᠢᠷᠲᠢᠨᠴᠦ ᠶᠢᠨ ᠶᠠᠳᠠᠭᠤᠴᠤᠳ ᠢ ᠢᠲᠡᠭᠡᠯ ᠢᠶᠡᠷ ᠪᠠᠶᠠᠨ ᠪᠣᠯᠭᠠᠵᠤ᠂ ᠥᠪᠡᠷ ᠲᠤᠨᠢ ᠬᠠᠢᠷᠠᠲᠠᠢ ᠬᠥᠮᠦᠰ ᠲᠦ ᠠᠮᠠᠯᠠᠭᠰᠠᠨ ᠬᠠᠭᠠᠨᠴᠢᠯᠠᠯ ᠤᠨ ᠢᠶᠠᠨ ᠥᠪᠯᠡᠭᠴᠢ ᠪᠣᠯᠭᠠᠬᠤ ᠪᠠᠷ ᠰᠣᠩ᠋ᠭᠣᠭᠰᠠᠨ ᠪᠢᠰᠢ ᠤᠤ︖ 6 ᠬᠠᠷᠢᠨ ᠲᠠ ᠨᠠᠷ ᠶᠠᠳᠠᠭᠤ ᠬᠥᠮᠦᠨ ᠢ ᠬᠥᠩᠭᠡᠪᠴᠢᠯᠡᠵᠡᠢ᠃ ᠲᠠ ᠨᠠᠷ ᠢ ᠳᠠᠷᠤᠯᠠᠭᠴᠢ ᠨᠢ ᠪᠠᠶᠠᠴᠤᠳ ᠪᠢᠰᠢ ᠤᠤ︖ ᠲᠠ ᠨᠠᠷ ᠢ ᠰᠢᠭᠦᠬᠦ ᠳᠦ ᠴᠢᠷᠴᠦ ᠠᠪᠠᠴᠢᠭᠴᠢ ᠨᠢ ᠲᠡᠳᠡ ᠪᠢᠰᠢ ᠭᠡᠵᠢ ᠤᠤ︖ 7 ᠲᠠ ᠨᠠᠷ ᠲᠤ ᠰᠣᠶᠣᠷᠬᠠᠭᠳᠠᠭᠰᠠᠨ ᠡᠷᠬᠢᠮ ᠨᠡᠷᠡ ᠶᠢ ᠳᠣᠷᠣᠮᠵᠢᠯᠠᠭᠴᠢ ᠨᠢ ᠴᠤ ᠲᠡᠳᠡ ᠪᠢᠰᠢ ᠭᠡᠵᠢ ᠤᠤ︖
8 ᠬᠠᠷᠢᠨ ᠲᠠ ᠨᠠᠷ ᠠᠷᠢᠭᠤᠨ ᠨᠣᠮ ᠤᠨ ᠶᠣᠰᠣᠭᠠᠷ 《ᠬᠥᠷᠰᠢ ᠪᠠᠨ ᠥᠪᠡᠷ ᠦᠨ ᠢᠶᠠᠨ ᠪᠡᠶᠡ ᠮᠡᠲᠦ ᠬᠠᠢᠷᠠᠯᠠ》 ᠭᠡᠰᠡᠨ ᠲᠡᠷᠢᠭᠦᠨ ᠬᠠᠤᠯᠢ 1 ᠶᠢ ᠪᠡᠶᠡᠯᠡᠭᠦᠯᠪᠡᠯ ᠰᠠᠢᠨ ᠰᠢᠦ᠃ 9 ᠬᠡᠷᠪᠡ ᠬᠥᠮᠦᠨ ᠢ ᠠᠯᠠᠭᠴᠢᠯᠠᠪᠠᠯ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠬᠡᠷᠡᠭ᠂ ᠬᠠᠤᠯᠢ ᠲᠠ ᠨᠠᠷ ᠢ ᠬᠠᠤᠯᠢ ᠵᠥᠷᠢᠴᠡᠭᠴᠢ ᠭᠡᠵᠦ ᠲᠣᠭᠲᠠᠭᠠᠨᠠ᠃ 10 ᠤᠴᠢᠷ ᠨᠢ᠂ ᠪᠦᠬᠦ ᠬᠠᠤᠯᠢ ᠶᠢ ᠰᠠᠬᠢᠭᠴᠢ ᠪᠣᠯᠭᠠᠨ ᠨᠢᠭᠡ ᠵᠦᠢᠯ ᠳᠡᠭᠡᠷᠡ ᠪᠦᠳᠦᠷᠢᠪᠡᠯ ᠪᠦᠬᠦᠨ ᠢ ᠵᠥᠷᠢᠴᠡᠭᠰᠡᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ 11 《ᠪᠦᠦ ᠵᠠᠪᠬᠠᠢᠷᠠ》 ᠭᠡᠵᠦ ᠠᠢᠯᠠᠳᠤᠭᠰᠠᠨ ᠨᠢᠭᠡᠨ ᠨᠢ ᠪᠠᠰᠠ 《ᠬᠥᠮᠦᠨ ᠪᠦᠦ ᠠᠯᠠ》 ᠭᠡᠰᠡᠨ ᠶᠤᠮ᠃ ᠬᠡᠷᠪᠡ ᠴᠢ ᠵᠠᠪᠬᠠᠢᠷᠠᠭᠠ ᠦᠭᠡᠢ ᠴᠤ ᠬᠥᠮᠦᠨ ᠠᠯᠠᠭᠰᠠᠨ ᠪᠣᠯ ᠬᠠᠤᠯᠢ ᠵᠥᠷᠢᠴᠡᠭᠴᠢ ᠪᠣᠯᠣᠭᠰᠠᠨ ᠬᠡᠷᠡᠭ᠃ 12 ᠲᠠ ᠨᠠᠷ ᠡᠷᠬᠡ ᠴᠢᠯᠥᠭᠡ ᠥᠭᠳᠡᠭ ᠬᠠᠤᠯᠢ ᠪᠠᠷ ᠰᠢᠭᠦᠭᠳᠡᠬᠦ ᠭᠡᠵᠦ ᠪᠠᠢᠭᠠ ᠬᠥᠮᠦᠨ ᠰᠢᠭ ᠦᠭᠡ ᠶᠠᠷᠢᠵᠤ᠂ ᠲᠡᠢᠨ ᠬᠦ ᠦᠢᠯᠡᠳᠦᠭᠲᠦᠨ᠃ 13 ᠡᠨᠡᠷᠢᠯ ᠦᠭᠡᠢ ᠦᠢᠯᠡᠳᠦᠭᠴᠢ ᠳᠤ ᠡᠨᠡᠷᠢᠯ ᠦᠭᠡᠢ ᠰᠢᠳᠬᠡᠯ ᠪᠤᠢ᠃ ᠬᠠᠷᠢᠨ ᠡᠨᠡᠷᠢᠯ ᠪᠣᠯ ᠰᠢᠳᠬᠡᠯ ᠢ ᠳᠡᠢᠯᠳᠡᠭ᠃
ᠦᠬᠦᠮᠡᠯ ᠢᠲᠡᠭᠡᠯ
14 ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ ᠡ᠂ ᠬᠥᠮᠦᠨ ᠥᠪᠡᠷ ᠢ ᠪᠠᠨ ᠢᠲᠡᠭᠡᠯ ᠲᠡᠢ ᠭᠡᠵᠦ ᠬᠡᠯᠡᠪᠡᠴᠦ ᠦᠢᠯᠡᠰ ᠦᠭᠡᠢ ᠪᠣᠯ ᠶᠠᠮᠠᠷ ᠬᠡᠷᠡᠭ ᠲᠡᠢ ᠶᠤᠮ ᠪᠤᠢ︖ ᠲᠡᠢᠮᠦᠷᠬᠦ ᠢᠲᠡᠭᠡᠯ ᠲᠡᠭᠦᠨ ᠢ ᠠᠪᠤᠷᠠᠵᠤ ᠴᠢᠳᠠᠬᠤ ᠤᠤ︖ 15 ᠬᠡᠷᠪᠡ ᠠᠬᠠ ᠡᠭᠡᠴᠢ ᠳᠡᠭᠦᠦ ᠨᠠᠷ ᠤᠨ ᠴᠢᠨᠢ ᠳᠤᠮᠳᠠ ᠠᠴᠠ ᠨᠢᠭᠡ ᠨᠢ ᠬᠤᠪᠴᠠᠰᠤ ᠬᠤᠨᠠᠷ ᠦᠭᠡᠢ᠂ ᠡᠳᠦᠷ ᠲᠤᠲᠤᠮ ᠤᠨ ᠬᠣᠭᠣᠯᠠ ᠬᠦᠨᠡᠰᠦ ᠦᠭᠡᠢ ᠪᠠᠢᠬᠤ ᠳᠤ᠂ 16 ᠲᠠ ᠨᠠᠷ ᠤᠨ ᠨᠢᠭᠡ ᠨᠢ ᠲᠡᠭᠦᠨ ᠳᠦ᠄ 《ᠠᠮᠤᠷ ᠲᠠᠢᠪᠤᠩ ᠶᠠᠪᠤᠭᠠᠷᠠᠢ᠂ ᠳᠤᠯᠠᠭᠠᠴᠠᠲᠤᠭᠠᠢ᠂ ᠴᠠᠳᠲᠤᠭᠠᠢ》 ᠭᠡᠳ ᠪᠡᠶᠡ ᠳᠦᠨᠢ ᠬᠡᠷᠡᠭᠴᠡᠭᠡ ᠲᠠᠢ ᠶᠠᠭᠤᠮᠠᠰ ᠢ ᠥᠭᠬᠦ ᠦᠭᠡᠢ ᠪᠣᠯ ᠶᠠᠮᠠᠷ ᠬᠡᠷᠡᠭ ᠲᠡᠢ ᠶᠤᠮ ᠪᠤᠢ︖ 17 ᠡᠭᠦᠨ ᠲᠡᠢ ᠠᠳᠠᠯᠢ ᠪᠠᠷ ᠦᠢᠯᠡᠰ ᠦᠭᠡᠢ᠂ ᠵᠥᠪᠬᠡᠨ ᠢᠲᠡᠭᠡᠯ ᠲᠡᠳᠦᠢ ᠪᠣᠯ ᠦᠬᠦᠮᠡᠯ ᠶᠤᠮ᠃
18 ᠬᠠᠷᠢᠨ ᠵᠠᠷᠢᠮ ᠨᠢ᠄ 《ᠴᠢᠮᠠ ᠳᠤ ᠢᠲᠡᠭᠡᠯ ᠪᠠᠢᠨᠠ᠂ ᠬᠠᠷᠢᠨ ᠨᠠᠳᠠ ᠳᠤ ᠦᠢᠯᠡᠰ ᠪᠤᠢ》 ᠭᠡᠵᠦ ᠬᠡᠯᠡᠨᠡ᠃ ᠲᠠ ᠦᠢᠯᠡᠰ ᠦᠭᠡᠢ ᠢᠲᠡᠭᠡᠯ ᠢᠶᠡᠨ ᠨᠠᠳᠠ ᠳᠤ ᠦᠵᠡᠭᠦᠯᠦᠨᠡ ᠤᠤ︖ ᠪᠢ ᠲᠠᠨ ᠳᠤ ᠦᠢᠯᠡᠰ ᠢᠶᠡᠷ ᠢᠶᠠᠨ ᠢᠲᠡᠭᠡᠯ ᠢᠶᠡᠨ ᠦᠵᠡᠭᠦᠯᠦᠶᠡ᠃ 19 ᠪᠤᠷᠬᠠᠨ ᠪᠣᠯ ᠭᠠᠭᠴᠠ ᠭᠡᠳᠡᠭ ᠢ ᠲᠠ ᠢᠲᠡᠭᠡᠳᠡᠭ᠂ ᠡᠨᠡ ᠨᠢ ᠰᠠᠢᠨ᠃ ᠭᠡᠬᠦ ᠳᠡᠭᠡᠨ ᠴᠢᠳᠬᠥᠷ ᠤᠳ ᠴᠤ ᠡᠭᠦᠨ ᠢ ᠢᠲᠡᠭᠡᠭᠡᠳ ᠴᠡᠴᠡᠷᠡᠳᠡᠭ᠃ 20 ᠤᠬᠠᠭᠠᠨ ᠦᠭᠡᠢ ᠬᠥᠮᠦᠨ ᠡ᠂ ᠦᠢᠯᠡᠰ ᠦᠭᠡᠢ ᠢᠲᠡᠭᠡᠯ ᠨᠢ ᠳᠡᠮᠡᠢ ᠭᠡᠳᠡᠭ ᠢ ᠮᠡᠳᠡᠶᠡ ᠭᠡᠵᠦ ᠪᠠᠢᠨᠠ ᠤᠤ︖ 21 ᠪᠢᠳᠡᠨ ᠦ ᠳᠡᠭᠡᠳᠦᠰ ᠠᠪᠷᠠᠬᠠᠮ ᠬᠦᠦ ᠢᠰᠠᠺ ᠢᠶᠠᠨ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠡᠷᠭᠦᠬᠦ ᠳᠡᠭᠡᠨ ᠦᠢᠯᠡᠰ ᠢᠶᠡᠷ ᠵᠥᠪᠲᠥᠭᠡᠭᠳᠡᠭᠰᠡᠨ ᠪᠢᠰᠢ ᠤᠤ︖ 22 ᠢᠲᠡᠭᠡᠯ ᠨᠢ ᠦᠢᠯᠡᠰ ᠲᠡᠢ ᠤᠶᠠᠯᠳᠤᠵᠤ᠂ ᠢᠲᠡᠭᠡᠯ ᠨᠢ ᠦᠢᠯᠡᠰ ᠢᠶᠡᠷ ᠲᠡᠭᠦᠯᠳᠡᠷᠵᠢᠭᠰᠡᠨ ᠢ ᠲᠠ ᠨᠠᠷ ᠦᠵᠡᠵᠦ ᠪᠠᠢᠨᠠ᠃ 23 ᠡᠢᠨ ᠬᠦ 《ᠠᠪᠷᠠᠬᠠᠮ ᠪᠤᠷᠬᠠᠨ ᠳᠤ ᠢᠲᠡᠭᠡᠭᠰᠡᠨ ᠢᠶᠡᠷ ᠢᠶᠠᠨ ᠵᠥᠪᠲᠦ ᠲᠤ ᠲᠣᠭᠠᠴᠠᠭᠳᠠᠪᠠ》 ᠭᠡᠰᠡᠨ ᠡᠰᠢᠯᠡᠯ ᠪᠡᠶᠡᠯᠡᠭᠰᠡᠨ ᠪᠥᠭᠡᠳ ᠲᠡᠷᠡ ᠪᠡᠷ ᠪᠤᠷᠬᠠᠨ ᠤ ᠠᠨᠳᠠ ᠭᠡᠵᠦ ᠨᠡᠷᠡᠯᠡᠭᠳᠡᠵᠡᠢ᠃ 24 ᠬᠥᠮᠦᠨ ᠵᠥᠪᠬᠡᠨ ᠢᠲᠡᠭᠡᠯ ᠢᠶᠡᠷ ᠪᠤᠰᠤ᠂ ᠦᠢᠯᠡᠰ ᠢᠶᠡᠷ ᠵᠥᠪᠲᠥᠭᠡᠭᠳᠡᠳᠡᠭ᠌ ᠢ ᠲᠠ ᠨᠠᠷ ᠮᠡᠳᠡᠭᠲᠦᠨ᠃ 25 ᠡᠭᠦᠨᠴᠢᠯᠡᠨ ᠶᠠᠩ᠋ᠬᠠᠨ ᠷᠠᠬᠠᠪ ᠴᠤ ᠡᠯᠴᠢᠳ ᠢ ᠬᠦᠯᠢᠶᠡᠨ ᠠᠪᠴᠤ᠂ ᠲᠡᠳᠡᠨ ᠢ ᠥᠭᠡᠷᠡ ᠵᠠᠮ ᠢᠶᠠᠷ ᠶᠠᠪᠤᠭᠤᠯᠤᠭᠰᠠᠨ ᠦᠢᠯᠡᠰ ᠢᠶᠡᠷ ᠢᠶᠠᠨ ᠵᠥᠪᠲᠥᠭᠡᠭᠳᠡᠭᠰᠡᠨ ᠪᠢᠰᠢ ᠤᠤ︖ 26 ᠰᠦᠨᠡᠰᠦ ᠦᠭᠡᠢ ᠪᠡᠶᠡ ᠦᠬᠦᠮᠡᠯ ᠪᠠᠢᠳᠠᠭᠴᠢᠯᠠᠨ ᠦᠢᠯᠡᠰ ᠦᠭᠡᠢ ᠢᠲᠡᠭᠡᠯ ᠴᠤ ᠦᠬᠦᠮᠡᠯ ᠪᠣᠯᠠᠢ᠃