ᠶᠠᠺᠣᠪ ᠳᠥᠷᠪᠡ
ᠰᠠᠨᠠᠭᠤᠯᠭᠠ᠄ ᠰᠢᠨᠤᠭᠴᠢ᠂ ᠬᠣᠶᠠᠷ ᠰᠠᠨᠠᠭᠠᠲᠠᠨ᠂ ᠮᠠᠭᠤᠯᠠᠭᠴᠢ᠂ ᠥᠪᠡᠷ ᠢ ᠪᠠᠨ ᠢᠲᠡᠭᠡᠭᠴᠢ᠂ ᠪᠠᠶᠠᠨ ᠬᠥᠮᠦᠨ ᠳᠦ
1 ᠲᠠ ᠨᠠᠷ ᠤᠨ ᠳᠣᠲᠣᠷᠠᠬᠢ ᠬᠡᠷᠡᠭᠦᠯ ᠪᠠ ᠵᠢᠭᠤᠷᠠᠭᠠᠨ ᠴᠢᠨᠢ ᠬᠠᠮᠢᠭᠠ ᠠᠴᠠ ᠭᠠᠷᠳᠠᠭ ᠪᠤᠢ︖ ᠲᠠ ᠨᠠᠷ ᠤᠨ ᠡᠷᠬᠡᠲᠡᠨ ᠨᠦᠭᠦᠳ ᠦᠨ ᠳᠣᠲᠣᠷᠠᠬᠢ ᠲᠤᠯᠤᠯᠳᠤᠳᠠᠭ ᠭᠣᠷᠢ ᠬᠦᠰᠡᠯ ᠡᠴᠡ ᠪᠢᠰᠢ ᠤᠤ︖ 2 ᠲᠠ ᠨᠠᠷ ᠰᠢᠨᠤᠬᠠᠢᠷᠠᠪᠠᠴᠤ ᠤᠯᠳᠠᠭ ᠦᠭᠡᠢ᠃ ᠬᠥᠮᠦᠨ ᠠᠯᠠᠵᠤ᠂ ᠠᠲᠠᠭᠠᠷᠬᠠᠪᠠᠴᠤ ᠡᠵᠡᠮᠰᠢᠵᠦ ᠴᠢᠳᠠᠳᠠᠭ ᠦᠭᠡᠢ᠃ ᠲᠠ ᠨᠠᠷ ᠮᠠᠷᠭᠤᠯᠳᠤᠵᠤ ᠵᠣᠳᠣᠯᠳᠤᠳᠠᠭ᠃ ᠭᠡᠪᠡᠴᠦ ᠦᠯᠦ ᠣᠯᠣᠨᠠ᠂ ᠲᠠ ᠨᠠᠷ ᠭᠤᠶᠤᠳᠠᠭ ᠦᠭᠡᠢ ᠤᠴᠢᠷ ᠠᠴᠠ ᠤᠯᠳᠠᠭ ᠦᠭᠡᠢ᠃ 3 ᠭᠤᠶᠤᠭᠰᠠᠨ ᠴᠤ ᠦᠯᠦ ᠣᠯᠣᠨᠠ᠃ ᠤᠴᠢᠷ ᠨᠢ ᠲᠡᠭᠦᠨ ᠢᠶᠡᠨ ᠥᠪᠡᠷᠰᠡᠳ ᠦᠨ ᠢᠶᠠᠨ ᠭᠣᠷᠢ ᠬᠦᠰᠡᠯ ᠳᠦ ᠦᠷᠡᠵᠦ ᠪᠤᠷᠤᠭᠤ ᠪᠠᠷ ᠭᠤᠶᠤᠳᠠᠭ ᠠᠵᠢ᠃ 4 ᠵᠠᠪᠬᠠᠢᠴᠤᠳ ᠡ᠂ ᠶᠢᠷᠲᠢᠨᠴᠦ ᠲᠠᠢ ᠨᠥᠬᠥᠷᠯᠡᠬᠦ ᠴᠢᠨᠢ ᠪᠤᠷᠬᠠᠨ ᠲᠠᠢ ᠳᠠᠢᠰᠤᠩᠨᠠᠵᠤ ᠪᠠᠢᠭᠠ ᠭᠡᠳᠡᠭ ᠢ ᠮᠡᠳᠡᠬᠦ ᠦᠭᠡᠢ ᠤᠤ︖ ᠶᠢᠷᠲᠢᠨᠴᠦ ᠶᠢᠨ ᠨᠠᠢᠵᠠ ᠪᠣᠯᠬᠤ ᠳᠤᠷᠠᠲᠠᠢ ᠬᠥᠮᠦᠨ ᠪᠣᠯᠭᠠᠨ ᠪᠤᠷᠬᠠᠨ ᠤ ᠳᠠᠢᠰᠤᠨ ᠪᠣᠯᠳᠠᠭ᠃ 5 《ᠪᠢᠳᠡᠨ ᠦ ᠳᠣᠲᠣᠷᠠ ᠪᠠᠢᠷᠢᠰᠢᠭᠰᠠᠨ ᠠᠷᠢᠭᠤᠨ ᠰᠦᠨᠡᠰᠦ ᠵᠢᠲᠥᠭᠡᠷᠬᠡᠲᠡᠯᠡ ᠪᠡᠨ ᠬᠠᠢᠷᠠᠯᠠᠳᠠᠭ 2 》 ᠭᠡᠰᠡᠨ ᠡᠰᠢᠯᠡᠯ ᠢ ᠲᠠ ᠨᠠᠷ ᠬᠣᠭᠣᠰᠣᠨ ᠭᠡᠵᠦ ᠪᠣᠳᠣᠭᠠ ᠤᠤ︖ 6 ᠬᠠᠷᠢᠨ ᠲᠡᠷᠡ ᠨᠡᠩ ᠢᠯᠡᠭᠦᠦ ᠢᠪᠡᠭᠡᠯ ᠢ ᠰᠣᠶᠣᠷᠬᠠᠳᠠᠭ᠃ ᠡᠢᠮᠦ ᠡᠴᠡ 《ᠪᠤᠷᠬᠠᠨ ᠪᠠᠷᠳᠠᠮᠨᠠᠭᠴᠢ ᠶᠢ ᠲᠡᠪᠴᠢᠵᠦ᠂ ᠳᠠᠷᠤᠤ ᠬᠥᠮᠦᠨ ᠳᠦ ᠲᠠᠭᠠᠯᠠᠯ ᠣᠯᠭᠣᠳᠠᠭ》 ᠭᠡᠰᠡᠨ ᠪᠠᠢᠳᠠᠭ ᠶᠤᠮ᠃ 7 ᠲᠡᠢᠮᠦ ᠪᠣᠯᠬᠣᠷ ᠪᠤᠷᠬᠠᠨ ᠳᠤ ᠵᠠᠬᠢᠷᠤᠭᠳᠠ᠃ ᠰᠠᠲ᠋ᠠᠨ ᠢ ᠡᠰᠡᠷᠭᠦᠴᠡ᠂ ᠲᠡᠭᠡᠪᠡᠯ ᠲᠡᠷᠡ ᠲᠠ ᠨᠠᠷ ᠠᠴᠠ ᠳᠤᠲᠠᠭᠠᠨᠠ᠃ 8 ᠪᠤᠷᠬᠠᠨ ᠳᠤ ᠣᠢᠷᠠᠲᠤ᠂ ᠲᠡᠭᠡᠪᠡᠯ ᠲᠡᠷᠡ ᠲᠠ ᠨᠠᠷ ᠲᠤ ᠣᠢᠷᠠᠲᠤᠨᠠ᠃ ᠨᠢᠭᠦᠯᠲᠦ ᠬᠥᠮᠦᠰ ᠡ᠂ ᠭᠠᠷ ᠢᠶᠠᠨ ᠴᠡᠪᠡᠷᠯᠡ᠂ ᠬᠣᠶᠠᠷ ᠰᠠᠨᠠᠭᠠᠲᠤ ᠬᠥᠮᠦᠰ ᠡ᠂ ᠵᠢᠷᠦᠬᠡ ᠪᠡᠨ ᠠᠷᠢᠭᠤᠰᠬᠠ᠃ 9 ᠵᠣᠪᠠ᠂ ᠭᠠᠰᠢᠭᠤᠳᠠ᠂ ᠤᠬᠢᠯᠠ᠃ ᠢᠨᠢᠶᠡᠳᠦ ᠪᠡᠨ ᠭᠠᠰᠢᠭᠤᠳᠠᠯ ᠢᠶᠠᠷ ᠰᠣᠯᠢᠵᠤ᠂ ᠪᠠᠶᠠᠷ ᠢᠶᠠᠨ ᠰᠢᠨᠠᠯᠤᠯ ᠢᠶᠠᠷ ᠰᠣᠯᠢᠲᠤᠭᠠᠢ᠃ 10 ᠡᠵᠡᠨ ᠦ ᠡᠮᠦᠨᠡ ᠳᠠᠷᠤᠤ ᠪᠠᠢ᠂ ᠲᠡᠭᠡᠪᠡᠯ ᠲᠡᠷᠡ ᠲᠠ ᠨᠠᠷ ᠢ ᠡᠷᠭᠦᠬᠦ ᠪᠣᠯᠣᠨᠠ᠃
11 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠪᠡᠶᠡ ᠪᠡᠶᠡ ᠪᠡᠨ ᠪᠦᠦ ᠮᠠᠭᠤᠯᠠᠭᠲᠤᠨ᠃ ᠠᠬᠠ ᠳᠡᠭᠦᠦ ᠪᠡᠨ ᠮᠠᠭᠤᠯᠠᠭᠴᠢ ᠪᠤᠶᠤ ᠠᠬᠠ ᠳᠡᠭᠦᠦ ᠪᠡᠨ ᠰᠢᠭᠦᠭᠴᠢ ᠨᠢ ᠬᠠᠤᠯᠢ ᠶᠢ ᠮᠠᠭᠤᠯᠠᠵᠤ ᠬᠠᠤᠯᠢ ᠶᠢ ᠰᠢᠭᠦᠵᠦ ᠪᠠᠢᠭᠠ ᠬᠡᠷᠡᠭ᠃ ᠬᠡᠷᠪᠡ ᠲᠠ ᠬᠠᠤᠯᠢ ᠶᠢ ᠰᠢᠭᠦᠪᠡᠯ᠂ ᠬᠠᠤᠯᠢ ᠶᠢ ᠬᠡᠷᠡᠭᠵᠢᠭᠦᠯᠦᠭᠴᠢ ᠪᠢᠰᠢ᠂ ᠬᠠᠷᠢᠨ ᠰᠢᠭᠦᠭᠴᠢ ᠮᠥᠨ᠃ 12 ᠬᠠᠤᠯᠢ ᠲᠣᠭᠲᠠᠭᠠᠭᠴᠢ ᠪᠠ ᠰᠢᠭᠦᠭᠴᠢ ᠨᠢ ᠭᠠᠭᠴᠠ ᠯᠠ ᠪᠠᠢᠳᠠᠭ ᠪᠥᠭᠡᠳ ᠲᠡᠭᠦᠨ ᠳᠦ ᠠᠪᠤᠷᠠᠬᠤ ᠪᠤᠶᠤ ᠰᠥᠨᠥᠭᠡᠬᠦ ᠴᠢᠳᠠᠯ ᠪᠤᠢ᠃ ᠬᠠᠷᠢᠨ ᠴᠢ ᠶᠠᠭᠤ ᠪᠣᠯᠴᠢᠬᠠᠭᠠᠳ ᠬᠥᠷᠰᠢ ᠪᠠᠨ ᠰᠢᠭᠦᠳᠡᠭ ᠪᠤᠢ︖
13 ᠠᠩ᠋ᠬᠠᠷᠤᠭᠲᠤᠨ︕ 《ᠥᠨᠥᠳᠥᠷ᠂ ᠡᠰᠡᠪᠡᠯ ᠮᠠᠷᠭᠠᠰᠢ ᠪᠢᠳᠡ ᠲᠡᠢᠮᠦ ᠨᠢᠭᠡ ᠬᠣᠲᠠ ᠳᠤ ᠬᠦᠷᠦᠭᠡᠳ ᠲᠡᠨᠳᠡ ᠨᠢᠭᠡ ᠵᠢᠯ ᠰᠠᠭᠤᠵᠤ ᠬᠤᠳᠠᠯᠳᠤᠭᠠ ᠬᠢᠵᠦ ᠵᠣᠭᠣᠰ ᠣᠯᠣᠶᠠ》 ᠭᠡᠵᠦ ᠬᠡᠯᠡᠳᠡᠭ ᠬᠥᠮᠦᠰ ᠡ᠂ 14 ᠮᠠᠷᠭᠠᠰᠢ ᠶᠠᠭᠤ ᠪᠣᠯᠬᠤ ᠶᠢ ᠲᠠ ᠨᠠᠷ ᠮᠡᠳᠡᠳᠡᠭ ᠦᠭᠡᠢ᠃ ᠲᠠ ᠨᠠᠷ ᠤᠨ ᠠᠮᠢ ᠭᠡᠵᠦ ᠶᠠᠭᠤ ᠶᠤᠮ ᠪᠤᠢ︖ ᠲᠠ ᠨᠠᠷ ᠪᠣᠯ ᠲᠦᠷ ᠦᠵᠡᠭᠳᠡᠭᠡᠳ ᠦᠵᠡᠭᠳᠡᠬᠦ ᠪᠡᠨ ᠪᠣᠯᠢᠳᠠᠭ ᠮᠠᠨᠠᠨ ᠲᠡᠳᠦᠢ᠃ 15 ᠲᠡᠢᠮᠦ ᠡᠴᠡ ᠲᠠ ᠨᠠᠷ᠄ 《ᠡᠵᠡᠨ ᠦ ᠰᠠᠨᠠᠭᠠ ᠮᠥᠨ ᠶᠤᠮ ᠪᠣᠯ ᠪᠢᠳᠡ ᠠᠮᠢᠳᠤ ᠪᠠᠢᠵᠤ᠂ ᠡᠭᠦᠨ ᠢ ᠪᠤᠶᠤ ᠲᠡᠭᠦᠨ ᠢ ᠬᠢᠶᠡ》 ᠭᠡᠵᠦ ᠬᠡᠯᠡᠬᠦ ᠤᠴᠢᠷ ᠲᠠᠢ ᠪᠣᠯᠪᠠᠴᠤ 16 ᠡᠳᠦᠭᠡ ᠬᠣᠭᠣᠰᠣᠨ ᠦᠭᠡ ᠪᠡᠷ ᠪᠠᠷᠳᠠᠮᠨᠠᠵᠤ ᠪᠠᠢᠨᠠ᠃ ᠡᠢᠮᠦᠷᠬᠦ ᠪᠠᠷᠳᠠᠮᠨᠠᠯ ᠨᠢ ᠴᠥᠮ ᠮᠠᠭᠤ ᠶᠤᠮ᠃ 17 ᠪᠡᠶᠡᠯᠡᠭᠦᠯᠬᠦ ᠶᠣᠰᠣᠲᠠᠢ ᠰᠠᠢᠨ ᠦᠢᠯᠡᠰ ᠢ ᠮᠡᠳᠡᠳᠡᠭ ᠪᠠᠢᠲᠠᠯᠠ ᠪᠠᠨ ᠦᠯᠦ ᠪᠡᠶᠡᠯᠡᠭᠦᠯᠬᠦ ᠨᠢ ᠨᠢᠭᠦᠯ ᠪᠢᠯᠡ᠃