ᠶᠧᠷᠧᠮᠢᠶᠠ ᠶᠢᠨ ᠭᠠᠰᠢᠭᠤᠳᠠᠯ ᠭᠤᠷᠪᠠ
ᠤᠢᠳᠬᠠᠷ ᠬᠢᠭᠡᠳ ᠨᠠᠢᠳᠠᠪᠤᠷᠢ
1 ᠲᠡᠭᠦᠨ ᠦ ᠬᠢᠯᠢᠩ ᠤᠨ ᠰᠢᠯᠪᠢᠭᠦᠷ ᠦᠨ ᠳᠣᠣᠷᠠ ᠵᠣᠪᠠᠯᠠᠩ ᠠᠮᠰᠠᠭᠰᠠᠨ ᠬᠥᠮᠦᠨ ᠨᠢ ᠪᠢ᠃
2 ᠲᠡᠷᠡ ᠨᠠᠮᠠᠶᠢ ᠬᠥᠲᠥᠯᠵᠦ᠂ ᠭᠡᠷᠡᠯ ᠳᠦ ᠪᠢᠰᠢ᠂ ᠬᠠᠷᠠᠩ᠋ᠭᠤᠢ ᠳᠤ ᠠᠯᠬᠤᠭᠤᠯᠤᠭᠰᠠᠨ᠃
3 ᠡᠳᠦᠷᠵᠢᠨ ᠠᠬᠢᠨ ᠳᠠᠬᠢᠨ ᠨᠠᠮᠠᠶᠢ ᠨᠢᠳᠤᠷᠭᠠᠳᠠᠵᠤ
4 ᠠᠷᠠᠰᠤ ᠮᠢᠬᠠ ᠶᠢ ᠮᠢᠨᠢ ᠠᠳᠤᠷᠢᠭᠤᠯᠵᠤ᠂ ᠶᠠᠰᠤ ᠶᠢ ᠮᠢᠨᠢ ᠬᠤᠭᠤᠯᠪᠠ
5 ᠨᠠᠮᠠᠶᠢ ᠭᠠᠰᠢᠭᠤᠨ᠂ ᠵᠣᠪᠠᠯᠠᠩ ᠢᠶᠠᠷ ᠪᠦᠰᠡᠯᠡᠵᠦ ᠬᠠᠭᠠᠪᠠ
6 ᠨᠠᠮᠠᠶᠢ ᠣᠨ ᠤᠳᠠᠭᠰᠠᠨ ᠬᠡᠭᠦᠷ ᠮᠡᠲᠦ ᠬᠠᠷᠠᠩ᠋ᠭᠤᠢ ᠳᠤ ᠪᠠᠢᠯᠭᠠᠪᠠ
7 ᠨᠠᠮᠠᠶᠢ ᠭᠠᠷᠭᠠᠯ ᠦᠭᠡᠢ ᠬᠠᠰᠢᠵᠤ ᠬᠦᠨᠳᠦ ᠳᠥᠩᠭᠡ ᠪᠡᠷ ᠳᠥᠩᠭᠡᠯᠡᠪᠡ᠃
8 ᠪᠢ ᠬᠠᠰᠬᠢᠷᠤᠨ ᠭᠤᠶᠤᠭᠰᠠᠨ ᠴᠤ ᠲᠡᠷᠡ ᠪᠡᠷ ᠳᠠᠭᠠᠳᠬᠠᠯ ᠢ ᠮᠢᠨᠢ ᠲᠠᠭᠯᠠᠳᠠᠭ᠃
9 ᠵᠠᠮ ᠢ ᠮᠢᠨᠢ ᠴᠠᠪᠴᠢᠭᠰᠠᠨ ᠴᠢᠯᠠᠭᠤ ᠪᠠᠷ ᠬᠠᠰᠢᠵᠤ ᠵᠢᠮ ᠢ ᠮᠢᠨᠢ ᠮᠤᠷᠤᠢ ᠪᠣᠯᠭᠠᠪᠠ᠃
10 ᠲᠡᠷᠡ ᠨᠠᠳᠠ ᠳᠤ ᠪᠦᠭᠬᠦᠭᠰᠡᠨ ᠪᠠᠭᠠᠪᠠᠭᠠᠢ ᠣᠳᠣᠭᠰᠠᠨ ᠠᠷᠰᠯᠠᠨ ᠮᠡᠲᠦ ᠪᠠᠢᠭᠰᠠᠨ ᠢᠶᠠᠨ
11 ᠨᠠᠮᠠᠶᠢ ᠵᠠᠮ ᠠᠴᠠ ᠮᠢᠨᠢ ᠰᠠᠯᠭᠠᠵᠤ᠂ ᠲᠠᠰᠤᠳᠠᠨ᠂ ᠭᠠᠭᠴᠠᠭᠠᠷᠳᠠᠮᠠᠯ ᠪᠠᠢᠳᠠᠯ ᠳᠤ ᠣᠷᠬᠢᠪᠠ᠂
12 ᠨᠠᠮᠠᠶᠢ ᠰᠤᠮᠤᠨ ᠤ ᠪᠠᠨ ᠰᠣᠷ ᠪᠣᠯᠭᠠᠨ ᠵᠣᠭᠰᠣᠭᠠᠵᠤ᠂ ᠨᠤᠮᠤ ᠪᠠᠨ ᠲᠠᠲᠠᠨ
13 ᠰᠠᠭᠠᠳᠠᠭ ᠤᠨ ᠢᠶᠠᠨ ᠰᠤᠮᠤ ᠨᠤᠭᠤᠳ ᠢᠶᠠᠷ ᠪᠥᠭᠡᠷᠡ ᠶᠢ ᠮᠢᠨᠢ ᠰᠦᠯᠪᠡᠪᠡ᠃
14 ᠪᠢ ᠪᠦᠬᠦ ᠠᠷᠠᠳ ᠲᠦᠮᠡᠨ ᠦ ᠢᠨᠢᠶᠡᠳᠦᠮ ᠪᠣᠯᠵᠤ᠂ ᠲᠡᠳᠡ ᠡᠳᠦᠷᠵᠢᠨ ᠨᠠᠮᠠᠶᠢ ᠬᠣᠱᠣᠩᠨᠠᠨ ᠳᠠᠭᠤᠯᠠᠳᠠᠭ᠃
15 ᠲᠡᠷᠡ ᠨᠠᠮᠠᠶᠢ ᠭᠠᠰᠢᠭᠤᠨ ᠢᠶᠠᠷ ᠴᠠᠳᠬᠠᠵᠤ᠂ ᠠᠭᠢ ᠪᠠᠷ ᠰᠣᠭᠲᠣᠭᠠᠪᠠ᠃
16 ᠬᠠᠢᠷ ᠢᠶᠠᠷ ᠰᠢᠳᠦ ᠶᠢ ᠮᠢᠨᠢ ᠡᠮᠲᠡᠯᠡᠵᠦ ᠦᠨᠡᠰᠦᠨ ᠳᠡᠭᠡᠷᠡ ᠨᠠᠮᠠᠶᠢ ᠥᠩᠬᠥᠷᠢᠭᠦᠯᠪᠡ᠃
17 ᠠᠮᠤᠷ ᠠᠮᠤᠭᠤᠯᠠᠩ ᠠᠴᠠ ᠪᠢ ᠵᠠᠢᠳᠠᠪᠠ᠂ ᠠᠵᠠ ᠵᠢᠷᠭᠠᠯ ᠢ ᠪᠢ ᠤᠮᠠᠷᠲᠠᠪᠠ᠃
18 ᠲᠡᠢᠮᠦ ᠡᠴᠡ ᠪᠢ᠄ 《ᠮᠢᠨᠦ ᠲᠡᠪᠴᠢᠶᠡᠷᠢ᠂ ᠮᠢᠨᠦ ᠨᠠᠢᠳᠠᠪᠤᠷᠢ ᠶᠣᠬᠣᠸᠠ ᠠᠴᠠ ᠲᠠᠰᠤᠷᠠᠯᠠ》 ᠭᠡᠪᠡ᠃
19 ᠭᠠᠰᠢᠭᠤᠨ ᠰᠥᠰᠥ ᠮᠡᠲᠦ ᠵᠣᠪᠠᠯᠠᠩ ᠪᠣᠯᠣᠨ ᠲᠡᠨᠦᠭᠦᠴᠢᠯᠡᠯ ᠢ ᠮᠢᠨᠢ ᠰᠠᠨᠠᠭᠠᠴᠢ᠃
20 ᠲᠡᠳᠡᠭᠡᠷ ᠢ ᠪᠢ ᠰᠠᠨᠠᠨ ᠰᠠᠨᠠᠭᠰᠠᠭᠠᠷ᠂ ᠰᠦᠨᠡᠰᠦ ᠮᠢᠨᠢ ᠴᠥᠬᠥᠷᠡᠨᠡ᠃
21 ᠭᠡᠪᠡᠴᠦ ᠪᠢ ᠡᠭᠦᠨ ᠢ ᠳᠤᠷᠠᠰᠤᠨ ᠰᠠᠨᠠᠨᠠ ᠡᠭᠦᠨ ᠦ ᠤᠴᠢᠷ ᠢᠶᠠᠷ ᠨᠠᠢᠳᠠᠪᠤᠷᠢ ᠲᠠᠢ ᠪᠠᠢᠨᠠ᠄
22 ᠶᠣᠬᠣᠸᠠ ᠶᠢᠨ ᠬᠠᠢᠷᠠ ᠠᠴᠠ ᠪᠣᠯᠵᠤ ᠪᠢᠳᠡ ᠤᠰᠠᠲᠤᠭᠠ ᠦᠭᠡᠢ︕ ᠲᠡᠭᠦᠨ ᠦ ᠥᠷᠥᠰᠢᠶᠡᠯ ᠲᠡᠭᠦᠰᠦᠰᠢ ᠦᠭᠡᠢ
23 ᠥᠷᠯᠥᠭᠡ ᠪᠦᠷᠢ ᠰᠢᠨᠡ ᠦᠨᠡᠨᠴᠢ ᠪᠠᠢᠳᠠᠯ ᠲᠠᠨᠢ ᠠᠭᠤᠤ ᠶᠤᠮ᠃
24 ᠡᠢᠮᠦ ᠡᠴᠡ ᠪᠢ ᠳᠣᠲᠣᠷᠠ ᠪᠠᠨ 《ᠶᠣᠬᠣᠸᠠ ᠮᠢᠨᠦ ᠥᠪ ᠪᠣᠯᠬᠣᠷ ᠲᠡᠭᠦᠨ ᠳᠦ ᠨᠠᠢᠳᠠᠨᠠ》 ᠭᠡᠵᠦ ᠪᠣᠳᠣᠳᠠᠭ᠃
25 ᠥᠪᠡᠷ ᠲᠤᠨᠢ ᠨᠠᠢᠳᠠᠳᠠᠭ᠂ ᠥᠪᠡᠷ ᠢ ᠨᠢ ᠬᠠᠢᠳᠠᠭ ᠬᠥᠮᠦᠨ ᠳᠦ ᠶᠣᠬᠣᠸᠠ ᠰᠠᠢᠨ᠃
26 ᠶᠣᠬᠣᠸᠠ ᠶᠢᠨ ᠠᠪᠤᠷᠠᠯ ᠢ ᠴᠢᠮᠡᠭᠡ ᠦᠭᠡᠶᠢᠬᠡᠨ ᠬᠦᠯᠢᠶᠡᠬᠦ ᠨᠢ ᠰᠠᠢᠨ
27 ᠪᠤᠭᠤᠯᠠᠭᠠ ᠶᠢ ᠵᠠᠯᠠᠭᠤ ᠳᠠᠭᠠᠨ ᠡᠭᠦᠷᠬᠦ ᠨᠢ ᠰᠠᠢᠨ
28 ᠲᠡᠭᠦᠨ ᠢ ᠶᠣᠬᠣᠸᠠ ᠲᠣᠬᠣᠭᠰᠠᠨ᠂ ᠴᠢ ᠭᠠᠭᠴᠠᠭᠠᠷ ᠢᠶᠠᠨ ᠴᠢᠮᠡᠭᠡ ᠦᠭᠡᠢ ᠰᠠᠭᠤᠵᠤ ᠪᠠᠢ᠃
29 ᠠᠮᠠ ᠪᠠᠨ ᠰᠢᠷᠣᠢ ᠳᠤ ᠬᠦᠷᠭᠡ᠂ ᠨᠠᠢᠳᠠᠪᠤᠷᠢ ᠪᠠᠢᠵᠤ ᠮᠠᠭᠠᠳ᠃
30 ᠬᠠᠴᠠᠷ ᠢᠶᠠᠨ ᠵᠣᠳᠣᠵᠤ ᠪᠠᠢᠭᠠ ᠬᠥᠮᠦᠨ ᠤᠷᠤᠭᠤ ᠬᠠᠨᠳᠤᠭᠤᠯ᠂ ᠳᠣᠷᠣᠮᠵᠢᠯᠠᠯ ᠢ ᠬᠠᠨᠲᠠᠯᠠ ᠠᠮᠰᠠ᠃
31 ᠤᠴᠢᠷ ᠨᠢ ᠡᠵᠡᠨ ᠪᠢᠳᠡᠨ ᠢ ᠡᠭᠦᠷᠢᠳᠡ ᠬᠠᠶᠠᠬᠤ ᠪᠢᠰᠢ᠃
32 ᠲᠡᠷᠡ ᠤᠢ ᠭᠠᠰᠢᠭᠤ ᠲᠠᠢ ᠪᠣᠯᠭᠠᠭᠰᠠᠨ ᠴᠤ ᠦᠯᠡᠮᠵᠢ ᠡᠨᠡᠷᠢᠯ ᠤᠨ ᠢᠶᠠᠨ ᠳᠠᠭᠠᠤ ᠥᠷᠥᠪᠳᠥᠬᠦ ᠪᠣᠯᠣᠨᠠ᠃
33 ᠲᠡᠷᠡ ᠪᠡᠷ ᠬᠥᠮᠦᠨ ᠢ ᠰᠡᠳᠬᠢᠯ ᠡᠴᠡ ᠪᠡᠨ ᠵᠣᠪᠠᠭᠠᠬᠤ᠂ ᠡᠰᠡᠪᠡᠯ ᠤᠢ ᠭᠠᠰᠢᠭᠤ ᠲᠠᠢ ᠪᠣᠯᠭᠠᠳᠠᠭ ᠪᠢᠰᠢ᠃
34 ᠶᠢᠷᠲᠢᠨᠴᠦ ᠶᠢᠨ ᠪᠦᠬᠦ ᠬᠣᠷᠢᠭᠳᠠᠯ ᠢ ᠬᠥᠯ ᠳᠣᠣᠷᠠ ᠪᠠᠨ ᠪᠢᠴᠠᠯᠬᠤ᠂
35 ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠦ ᠡᠮᠦᠨᠡ ᠬᠥᠮᠦᠨ ᠦ ᠭᠣᠮᠣᠳᠠᠯ ᠢ ᠣᠭᠣᠷᠬᠤ᠂
36 ᠰᠢᠭᠦᠯᠲᠡ ᠳᠡᠭᠡᠷᠡ ᠬᠥᠮᠦᠨ ᠢ ᠬᠢᠯᠢᠰᠳᠡᠭᠦᠯᠬᠦ ᠶᠢ ᠡᠵᠡᠨ ᠬᠠᠷᠠᠳᠠᠭ ᠦᠭᠡᠢ ᠭᠡᠵᠢ ᠤᠤ︖
37 ᠡᠵᠡᠨ ᠲᠤᠰᠢᠶᠠᠭᠰᠠᠨ ᠦᠭᠡᠢ ᠪᠣᠯ᠂ ᠬᠡᠨ ᠬᠡᠯᠡᠭᠰᠡᠨ ᠢᠶᠡᠨ ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠬᠤ ᠪᠤᠢ︖
38 ᠵᠢᠷᠭᠠᠯ ᠴᠤ᠂ ᠵᠣᠪᠠᠯᠠᠩ ᠴᠤ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠦ ᠠᠮᠠᠨ ᠠᠴᠠ ᠭᠠᠷᠬᠤ ᠪᠢᠰᠢ ᠤᠤ︖
39 ᠥᠪᠡᠷ ᠦᠨ ᠬᠢᠨᠢ ᠨᠢᠭᠦᠯ ᠡᠴᠡ ᠪᠣᠯᠵᠤ ᠰᠢᠳᠬᠡᠯ ᠢᠷᠡᠭᠰᠡᠨ ᠪᠠᠢᠬᠤ ᠳᠤ᠂ ᠠᠮᠢᠳᠤ ᠬᠥᠮᠦᠨ ᠶᠠᠭᠤᠨ ᠳᠤ ᠭᠣᠮᠣᠳᠠᠯ ᠲᠣᠭᠠᠴᠢᠨᠠ ᠪᠤᠢ︖
40 ᠵᠠᠮ ᠮᠥᠷ ᠢᠶᠡᠨ ᠬᠢᠨᠠᠨ ᠰᠢᠯᠭᠠᠵᠤ᠂ ᠶᠣᠬᠣᠸᠠ ᠤᠷᠤᠭᠤ ᠡᠷᠭᠢᠵᠡᠭᠡᠶᠡ᠃
41 ᠵᠢᠷᠦᠬᠡ ᠪᠣᠯᠣᠨ ᠭᠠᠷ ᠢᠶᠠᠨ ᠲᠩᠷᠢ ᠳᠠᠬᠢ ᠪᠤᠷᠬᠠᠨ ᠥᠭᠡᠳᠡ ᠡᠷᠭᠦᠵᠡᠭᠡᠶᠡ᠃
42 ᠪᠢᠳᠡ ᠭᠡᠮ ᠬᠢᠵᠦ ᠲᠡᠷᠰᠯᠡᠬᠦ ᠳᠦ᠂ ᠲᠠ ᠠᠭᠤᠴᠢᠯᠠᠭᠠ ᠦᠭᠡᠢ᠃
43 ᠥᠪᠡᠷ ᠢ ᠪᠠᠨ ᠬᠢᠯᠢᠩ ᠢᠶᠠᠷ ᠬᠤᠴᠢᠨ᠂ ᠪᠢᠳᠡᠨ ᠢ ᠮᠥᠰᠬᠢᠵᠦ ᠥᠷᠥᠰᠢᠶᠡᠯ ᠦᠭᠡᠢ ᠪᠠᠷ ᠬᠢᠳᠤᠪᠠ᠃
44 ᠥᠪᠡᠷ ᠢ ᠪᠠᠨ ᠡᠭᠦᠯᠡ ᠪᠡᠷ ᠬᠤᠴᠢᠨ᠂ ᠳᠠᠭᠠᠳᠬᠠᠯ ᠢ ᠨᠡᠪᠲᠡᠷᠡᠭᠦᠯᠦᠭᠡ ᠦᠭᠡᠢ᠃
45 ᠪᠢᠳᠡᠨ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠬᠣᠭ ᠨᠣᠪᠰᠢ ᠪᠣᠯᠭᠠᠪᠠ᠂
46 ᠪᠢᠳᠡᠨ ᠦ ᠪᠦᠬᠦ ᠳᠠᠢᠰᠤᠨ ᠪᠢᠳᠡᠨ ᠤᠷᠤᠭᠤ ᠠᠮᠠ ᠪᠠᠨ ᠠᠩ᠋ᠭᠠᠢᠯᠭᠠᠪᠠ᠂
47 ᠠᠶᠤᠯ ᠠᠢᠳᠠᠰ ᠮᠠᠨ ᠤ ᠡ᠊ᠨᠳᠡ ᠬᠣᠬᠢᠷᠠᠯ ᠰᠦᠢᠷᠡᠯ ᠲᠡᠢ ᠬᠠᠮᠲᠤ ᠪᠠᠢᠨᠠ᠃
48 ᠥᠬᠢᠨ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠰᠦᠢᠷᠡᠯ ᠡᠴᠡ ᠪᠣᠯᠵᠤ᠂ ᠨᠢᠯᠪᠤᠰᠤ ᠨᠢᠳᠦᠨ ᠡᠴᠡ ᠮᠢᠨᠢ ᠭᠣᠣᠯ ᠮᠡᠲᠦ ᠤᠷᠤᠰᠴᠤ ᠪᠠᠢᠨᠠ᠂
49 ᠨᠢᠯᠪᠤᠰᠤ ᠮᠢᠨᠢ ᠵᠣᠭᠰᠣᠯ ᠦᠭᠡᠢ᠂ ᠲᠠᠰᠤᠷᠠᠯ ᠦᠭᠡᠢ ᠪᠠᠷ
50 ᠶᠣᠬᠣᠸᠠ ᠲᠩᠷᠢ ᠡᠴᠡ ᠳᠣᠭᠣᠭᠰᠢ ᠥᠩᠭᠡᠶᠢᠨ ᠬᠠᠷᠠᠬᠤ ᠬᠦᠷᠲᠡᠯᠡ ᠪᠥᠮᠪᠥᠷᠢᠭᠰᠡᠭᠡᠷ ᠪᠠᠢᠬᠤ ᠪᠣᠯᠣᠨᠠ᠃
51 ᠬᠣᠲᠠ ᠶᠢᠨ ᠮᠢᠨᠢ ᠪᠦᠬᠦ ᠥᠬᠢᠨ ᠳᠤ ᠶᠠᠭᠤ ᠪᠣᠯᠣᠭᠰᠠᠨ ᠢ ᠬᠠᠷᠠᠭᠠᠳ ᠰᠡᠳᠬᠢᠯ ᠮᠢᠨᠢ ᠲᠠᠷᠴᠢᠯᠠᠭᠰᠠᠨ᠃
52 ᠰᠢᠯᠲᠠᠭ ᠦᠭᠡᠢ ᠪᠠᠷ ᠨᠠᠮᠠᠶᠢ ᠳᠠᠢᠰᠤᠩᠨᠠᠳᠠᠭ ᠬᠥᠮᠦᠰ ᠰᠢᠪᠠᠭᠤ ᠠᠩᠨᠠᠬᠤ ᠮᠡᠲᠦ ᠮᠥᠰᠬᠢᠨ
53 ᠨᠠᠮᠠᠶᠢ ᠨᠦᠬᠡᠨ ᠳᠦ ᠬᠠᠶᠠᠵᠤ᠂ ᠠᠮᠢ ᠶᠢ ᠮᠢᠨᠢ ᠠᠪᠬᠤ ᠪᠠᠷ ᠳᠡᠭᠡᠷᠡ ᠡᠴᠡ ᠮᠢᠨᠢ ᠴᠢᠯᠠᠭᠤ ᠰᠢᠳᠡᠪᠡ᠃
54 ᠲᠣᠯᠣᠭᠠᠢ ᠳᠡᠭᠡᠭᠦᠷ ᠮᠢᠨᠢ ᠤᠰᠤ ᠨᠥᠮᠥᠷᠬᠦ ᠳᠦ 《ᠳᠠᠭᠤᠰᠤᠯᠠ》 ᠭᠡᠵᠦ ᠪᠢ ᠪᠣᠳᠣᠪᠠ᠃
55 ᠶᠣᠬᠣᠸᠠ ᠲᠠᠨ ᠤ ᠨᠡᠷᠡ ᠶᠢ ᠪᠢ ᠨᠦᠬᠡᠨ ᠦ ᠢᠷᠤᠭᠠᠷ ᠠᠴᠠ ᠳᠠᠭᠤᠳᠠᠭᠰᠠᠨ᠃
56 《ᠲᠤᠰᠠᠯᠠᠮᠵᠢ ᠭᠤᠶᠤᠬᠤ ᠬᠠᠰᠬᠢᠷᠤᠭᠠᠨ ᠳᠤ ᠮᠢᠨᠢ ᠲᠠ ᠴᠢᠬᠢ ᠪᠠᠨ ᠪᠦᠦ ᠪᠥᠭᠯᠡᠭᠡᠴᠢ》 ᠭᠡᠬᠦ ᠳᠦ ᠮᠢᠨᠢ ᠲᠠ ᠮᠢᠨᠦ ᠬᠦᠰᠡᠯᠲᠡ ᠶᠢ ᠰᠣᠨᠣᠰᠪᠠ᠃
57 ᠲᠠᠨ ᠢ ᠳᠠᠭᠤᠳᠠᠭᠰᠠᠨ ᠡᠳᠦᠷ ᠲᠦ ᠮᠢᠨᠢ ᠲᠠ ᠣᠢᠷᠠᠲᠤᠨ ᠢᠷᠡᠭᠡᠳ 《ᠪᠦᠦ ᠠᠶᠤ︕》 ᠭᠡᠵᠦ ᠠᠢᠯᠠᠳᠪᠠ᠂
58 ᠡᠵᠡᠨ᠂ ᠬᠠᠷᠠᠮᠰᠠᠯ ᠭᠣᠮᠣᠳᠠᠯ ᠢ ᠮᠢᠨᠢ ᠲᠠ ᠳᠡᠢᠯᠵᠦ᠂ ᠠᠮᠢ ᠶᠢ ᠮᠢᠨᠢ ᠵᠣᠯᠢᠵᠤ ᠠᠪᠤᠭᠰᠠᠨ᠂
59 ᠶᠣᠬᠣᠸᠠ᠂ ᠨᠠᠳᠠᠳᠤ ᠦᠢᠯᠡᠳᠦᠭᠰᠡᠨ ᠵᠥᠪ ᠪᠤᠰᠤ ᠶᠢ ᠨᠢ ᠲᠠ ᠬᠠᠷᠠᠭᠰᠠᠨ ᠪᠢᠯᠡ ᠬᠡᠷᠡᠭ ᠢ ᠮᠢᠨᠢ ᠲᠠ ᠰᠢᠭᠦᠭᠡᠴᠢ᠃
60 ᠨᠠᠳᠠ ᠠᠴᠠ ᠬᠠᠷᠢᠭᠤ ᠠᠪᠬᠤ ᠭᠡᠰᠡᠨ ᠮᠢᠨᠦ ᠡᠰᠡᠷᠭᠦ ᠪᠠᠢᠭᠠ ᠪᠦᠬᠦ ᠠᠷᠭᠠ ᠲᠥᠯᠥᠪᠯᠡᠭᠡ ᠶᠢ ᠨᠢ ᠲᠠ ᠬᠠᠷᠠᠭᠰᠠᠨ ᠪᠢᠯᠡ᠃
61 ᠶᠣᠬᠣᠸᠠ᠂ ᠨᠠᠮᠠᠶᠢ ᠭᠦᠳᠬᠡᠬᠦ ᠭᠡᠰᠡᠨ ᠮᠢᠨᠦ ᠡᠰᠡᠷᠭᠦ ᠪᠠᠢᠭᠠ ᠪᠦᠬᠦ ᠠᠷᠭᠠ ᠲᠥᠯᠥᠪᠯᠡᠭᠡ᠂
62 ᠮᠢᠨᠦ ᠡᠰᠡᠷᠭᠦ ᠪᠣᠰᠴᠤ ᠮᠢᠨᠦ ᠲᠤᠬᠠᠢ ᠡᠳᠦᠷᠵᠢᠨ ᠰᠢᠪᠡᠨᠡᠭᠰᠡᠨ ᠶᠠᠷᠢᠶᠠ ᠶᠢ ᠨᠢ ᠲᠠ ᠰᠣᠨᠣᠰᠣᠭᠰᠠᠨ ᠪᠢᠯᠡ᠃
63 ᠬᠠᠷᠠᠭᠠᠴᠢ᠂ ᠲᠡᠳᠡ ᠰᠠᠭᠤᠭᠰᠠᠨ ᠴᠤ᠂ ᠪᠣᠰᠣᠭᠰᠠᠨ ᠴᠤ ᠨᠠᠮᠠᠶᠢ ᠬᠣᠱᠣᠩᠨᠠᠨ ᠳᠠᠭᠤᠯᠠᠳᠠᠭ᠃
64 ᠭᠠᠷ ᠢᠶᠠᠷ ᠢᠶᠠᠨ ᠦᠢᠯᠡᠳᠦᠭᠰᠡᠨ ᠦ ᠬᠢᠨᠢ ᠳᠠᠭᠠᠤ ᠲᠡᠳᠡᠨ ᠳᠦ ᠬᠠᠷᠢᠭᠤᠯᠤᠭᠠᠴᠢ᠂ ᠶᠣᠬᠣᠸᠠ᠃
65 ᠬᠠᠲᠠᠭᠤ ᠪᠠᠢᠯᠭᠠᠭᠠᠴᠢ᠂ ᠲᠡᠳᠡᠨ ᠦ ᠰᠡᠳᠬᠢᠯ ᠢ ᠬᠠᠷᠢᠶᠠᠯ ᠲᠠᠨᠢ ᠲᠡᠳᠡᠨ ᠦ ᠳᠡᠭᠡᠷᠡ ᠪᠠᠢᠭ᠃
66 ᠠᠭᠤᠷ ᠬᠢᠯᠢᠩ ᠲᠠᠢ ᠪᠠᠷ ᠲᠡᠳᠡᠨ ᠢ ᠮᠥᠰᠬᠢᠨ ᠶᠣᠬᠣᠸᠠ ᠶᠢᠨ ᠲᠩᠷᠢ ᠳᠣᠣᠷᠠ ᠠᠴᠠ ᠠᠷᠴᠢᠨ ᠤᠰᠠᠳᠬᠠᠭᠠᠴᠢ︕