ᠶᠧᠷᠧᠮᠢᠶᠠ ᠶᠢᠨ ᠭᠠᠰᠢᠭᠤᠳᠠᠯ ᠳᠥᠷᠪᠡ
ᠪᠦᠰᠡᠯᠡᠭᠳᠡᠭᠰᠡᠨ ᠶᠧᠷᠦ᠋ᠰᠠᠯᠧᠮ ᠤᠨ ᠵᠣᠪᠠᠯᠠᠩ
1 ᠥ᠂ ᠠᠯᠲᠠ ᠬᠠᠷᠠᠯᠠᠪᠠ︕ ᠥ ᠦᠭᠡᠢ ᠰᠠᠢᠬᠠᠨ ᠠᠯᠲᠠ ᠬᠤᠪᠢᠷᠠᠵᠤ ᠠᠷᠢᠭᠤᠨ ᠭᠠᠵᠠᠷ ᠤᠨ ᠡᠷᠳᠡᠨᠢᠰ ᠭᠤᠳᠤᠮᠵᠢ ᠪᠦᠷᠢ ᠶᠢᠨ ᠪᠤᠯᠤᠩ ᠳᠤ ᠠᠰᠬᠠᠭᠳᠠᠵᠠᠢ᠃
2 ᠥ᠂ ᠴᠡᠪᠡᠷ ᠠᠯᠲᠠᠨ ᠤ ᠦᠨᠡ ᠲᠠᠢ ᠽᠢᠶᠣᠨ ᠤ ᠡᠷᠬᠢᠮ ᠬᠥᠪᠡᠭᠦᠳ ᠸᠠᠭᠠᠷᠴᠢᠨ ᠤ ᠭᠠᠷ ᠤᠨ ᠪᠦᠲᠦᠭᠡᠯ᠂ ᠰᠢᠪᠠᠷ ᠸᠠᠭᠠᠷ ᠢᠶᠠᠷ ᠲᠣᠭᠠᠴᠠᠭᠳᠠᠵᠠᠢ︕
3 ᠴᠥᠭᠡᠪᠦᠷᠢ ᠴᠢᠨᠣᠠ ᠴᠤ ᠪᠡᠯᠲᠡᠷᠭᠡ ᠨᠦᠭᠦᠳ ᠢᠶᠡᠨ ᠬᠥᠬᠥ ᠪᠡᠷ ᠢᠶᠠᠨ ᠲᠡᠵᠢᠭᠡᠳᠡᠭ ᠠᠲᠠᠯᠠ ᠥᠬᠢᠨ ᠠᠷᠠᠳ ᠲᠦᠮᠡᠨ ᠮᠢᠨᠢ ᠴᠥᠯ ᠦᠨ ᠲᠡᠮᠡᠭᠡᠨ ᠬᠢᠷᠭᠤᠤᠯ ᠮᠡᠲᠦ ᠬᠠᠷᠭᠢᠰ ᠪᠣᠯᠣᠯᠠ᠂
4 ᠴᠠᠩ᠋ᠭᠠᠭᠰᠠᠨ ᠨᠢᠯᠬᠠᠰ ᠤᠨ ᠬᠡᠯᠡ ᠲᠠᠩᠨᠠᠢ ᠳᠠᠭᠠᠨ ᠨᠠᠭᠠᠯᠳᠤᠵᠤ ᠪᠠᠭᠠᠴᠤᠳ ᠨᠢ ᠪᠣᠣᠪᠣ ᠭᠤᠶᠤᠬᠤ ᠳᠤ ᠥᠭᠬᠦ ᠬᠥᠮᠦᠨ ᠠᠯᠠᠭᠠ᠃
5 ᠲᠠᠩᠰᠤᠭ ᠬᠣᠭᠣᠯᠠ ᠢᠳᠡᠳᠡᠭ ᠪᠠᠢᠭᠰᠠᠨ ᠬᠥᠮᠦᠰ ᠭᠤᠳᠤᠮᠵᠢᠨ ᠳᠤ ᠰᠥᠨᠥᠵᠦ ᠨᠢᠯ ᠶᠠᠭᠠᠨ ᠪᠥᠰ ᠡᠳ᠋ᠯᠡᠳᠡᠭ ᠪᠠᠢᠭᠰᠠᠨ ᠬᠥᠮᠦᠰ ᠦᠨᠡᠰᠦᠨ ᠣᠪᠣᠭᠠᠨ ᠳᠡᠭᠡᠷᠡ ᠬᠡᠪᠲᠡᠪᠡ᠃
6 ᠬᠣᠷᠣᠮᠬᠠᠨ ᠵᠠᠭᠤᠷᠠ ᠰᠣᠳᠣᠮ ᠲᠤᠰᠠᠯᠠᠮᠵᠢ ᠦᠭᠡᠢ ᠪᠠᠷ ᠬᠥᠮᠥᠷᠢᠭᠦᠯᠦᠭᠰᠡᠨ ᠬᠠᠷᠢᠨ ᠡᠳᠦᠭᠡ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠭᠡᠮ ᠰᠣᠳᠣᠮᠴᠤᠳ ᠤᠨ ᠨᠢᠭᠦᠯ ᠡᠴᠡ ᠬᠦᠨᠳᠦ ᠪᠠᠢᠨᠠ᠃
7 ᠶᠡᠬᠡᠰ ᠳᠡᠭᠡᠳᠦᠰ ᠨᠢ ᠴᠠᠰᠤᠨ ᠠᠴᠠ ᠴᠡᠪᠡᠷ᠂ ᠰᠦ᠋ ᠡᠴᠡ ᠴᠠᠭᠠᠨ ᠪᠠᠢᠯᠠ ᠪᠡᠶᠡ ᠨᠢ ᠱᠢᠷᠦ ᠡᠴᠡ ᠴᠤ ᠤᠯᠠᠭᠠᠬᠠᠨ᠂ ᠦᠵᠡᠮᠵᠢ ᠨᠢ ᠢᠨᠳᠠᠷᠨᠢᠯᠠ ᠮᠡᠲᠦ ᠪᠠᠢᠭᠰᠠᠨ ᠠᠲᠠᠯᠠ
8 ᠡᠳᠦᠭᠡ ᠬᠥ᠋ ᠡᠴᠡ ᠴᠤ ᠬᠠᠷᠠ ᠬᠠᠷᠠᠭᠳᠠᠵᠤ᠂ ᠭᠤᠳᠤᠮᠵᠢᠨ ᠳᠤ ᠲᠠᠨᠢᠭᠳᠠᠬᠤ ᠦᠭᠡᠢ ᠪᠣᠯᠵᠠᠢ ᠠᠷᠠᠰᠤ ᠨᠢ ᠶᠠᠰᠤᠨ ᠳᠤᠨᠢ ᠨᠠᠭᠠᠯᠳᠤᠵᠤ᠂ ᠮᠣᠳᠣ ᠮᠡᠲᠦ ᠬᠠᠲᠠᠪᠠ᠃
9 ᠲᠠᠷᠢᠶᠠᠨ ᠠᠴᠠ ᠬᠦᠨᠡᠰᠦ ᠣᠯᠳᠠᠬᠤ ᠦᠭᠡᠢ᠂ ᠲᠡᠷᠴᠢᠯᠡᠨ ᠥᠯᠪᠡᠷᠴᠦ ᠦᠬᠦᠭᠰᠡᠳ ᠡᠴᠡ ᠰᠡᠯᠡᠮᠡ ᠳᠦ ᠦᠬᠦᠭᠰᠡᠳ ᠨᠢ ᠳᠡᠭᠡᠷᠡ᠃
10 ᠥᠬᠢᠨ ᠠᠷᠠᠳ ᠲᠦᠮᠡᠨ ᠮᠢᠨᠢ ᠤᠰᠠᠳᠬᠠᠭᠳᠠᠬᠤ ᠳᠤ ᠥᠷᠥᠪᠴᠢ ᠡᠮᠡᠭᠲᠡᠢᠴᠦᠳ ᠭᠠᠷ ᠢᠶᠠᠷ ᠢᠶᠠᠨ ᠥᠪᠡᠷᠰᠡᠳ ᠦᠨ ᠢᠶᠠᠨ ᠬᠡᠦᠬᠡᠳ ᠤᠳ ᠢ ᠴᠢᠨᠠᠵᠤ ᠬᠣᠭᠣᠯᠠ ᠪᠣᠯᠭᠠᠭᠰᠠᠨ᠃
11 ᠶᠣᠬᠣᠸᠠ ᠠᠭᠤᠷ ᠢᠶᠠᠨ ᠭᠦᠢᠴᠡᠳ ᠭᠠᠷᠭᠠᠨ᠂ ᠰᠢᠷᠦᠭᠦᠨ ᠬᠢᠯᠢᠩ ᠢᠶᠠᠨ ᠠᠰᠬᠠᠵᠤ ᠽᠢᠶᠣᠨ ᠳᠤ ᠭᠠᠯ ᠲᠠᠯᠪᠢᠨ ᠰᠠᠭᠤᠷᠢ ᠶᠢ ᠨᠢ ᠰᠢᠲᠠᠭᠠᠪᠠ᠃
12 ᠥᠰᠲᠡᠨ ᠳᠠᠢᠰᠤᠨ ᠶᠧᠷᠦ᠋ᠰᠠᠯᠧᠮ ᠤᠨ ᠬᠠᠭᠠᠯᠭᠠ ᠨᠤᠭᠤᠳ ᠢᠶᠠᠷ ᠣᠷᠣᠨᠠ ᠭᠡᠳᠡᠭ ᠢ ᠭᠠᠵᠠᠷ ᠤᠨ ᠬᠠᠭᠠᠳ ᠴᠤ᠂ ᠳᠡᠯᠡᠬᠡᠢ ᠶᠢᠨ ᠰᠠᠭᠤᠭᠠᠯᠢᠴᠢᠳ ᠴᠤ ᠢᠲᠡᠭᠡᠭᠡ ᠦᠭᠡᠢ ᠪᠠᠢᠬᠤ ᠳᠤ᠂
13 ᠲᠡᠢᠮᠦ ᠪᠣᠯᠣᠭᠰᠠᠨ ᠨᠢ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠤᠨ ᠨᠢᠭᠦᠯ᠂ ᠲᠠᠬᠢᠯᠴᠢᠳ ᠤᠨ ᠭᠡᠮ ᠦᠨ ᠤᠴᠢᠷ ᠪᠢᠯᠡ᠃ ᠲᠡᠳᠡ ᠬᠣᠲᠠ ᠶᠢᠨ ᠳᠣᠲᠣᠷᠠ ᠵᠥᠪᠲᠦ ᠬᠥᠮᠦᠰ ᠦᠨ ᠴᠢᠰᠤ ᠶᠢ ᠤᠷᠤᠰᠬᠠᠭᠰᠠᠨ᠃
14 ᠰᠣᠬᠣᠷ ᠬᠥᠮᠦᠨ ᠮᠡᠲᠦ ᠭᠤᠳᠤᠮᠵᠢᠨ ᠳᠤ ᠲᠡᠮᠲᠡᠴᠢᠬᠦ ᠳᠦᠨᠢ ᠴᠢᠰᠤ ᠪᠠᠷ ᠪᠡᠶᠡ ᠪᠡᠨ ᠪᠤᠵᠠᠷᠯᠠᠭᠰᠠᠨ ᠤ ᠬᠢᠨᠢ ᠤᠴᠢᠷ ᠢᠶᠠᠷ ᠬᠡᠨ ᠴᠤ ᠲᠡᠳᠡᠨ ᠦ ᠬᠤᠪᠴᠠᠰᠤᠨ ᠳᠤ ᠭᠠᠷ ᠬᠦᠷᠬᠦ ᠦᠭᠡᠢ ᠪᠠᠢᠪᠠ᠃
15 ᠬᠥᠮᠦᠰ ᠲᠡᠳᠡᠨ ᠳᠦ᠄ 《ᠵᠠᠢᠯᠠ︕ ᠪᠤᠵᠠᠷ ᠪᠠᠢᠨᠠ ᠴᠢ》 ᠭᠡᠵᠦ 《ᠵᠠᠢᠯᠠ᠂ ᠵᠠᠢᠯᠠ᠂ ᠪᠦᠦ ᠬᠦᠷ︕》 ᠭᠡᠯᠴᠡᠨᠡ ᠵᠢᠭᠤᠲᠠᠵᠤ ᠲᠡᠨᠦᠭᠦᠴᠢᠯᠡᠬᠦ ᠳᠦᠨᠢ ᠬᠠᠷᠢᠴᠤᠳ᠄ 《ᠲᠡᠳᠡᠨ ᠢ ᠪᠦᠦ ᠰᠠᠭᠤᠯᠭᠠ》 ᠭᠡᠵᠡᠭᠡᠨᠡ᠃
16 ᠶᠣᠬᠣᠸᠠ ᠥᠪᠡᠷ ᠢᠶᠡᠨ ᠲᠡᠳᠡᠨ ᠢ ᠪᠤᠲᠠᠷᠠᠭᠠᠪᠠ ᠲᠡᠳᠡᠨ ᠢ ᠣᠢᠰᠢᠶᠠᠬᠤ ᠪᠠᠨ ᠪᠣᠯᠢᠪᠠ᠂ ᠬᠥᠮᠦᠰ ᠲᠠᠬᠢᠯᠴᠢᠳ ᠢ ᠬᠦᠨᠳᠦᠯᠡᠳᠡᠭ ᠦᠭᠡᠢ ᠠᠬᠠᠯᠠᠭᠴᠢᠳ ᠢ ᠲᠠᠭᠠᠯᠠᠳᠠᠭ ᠦᠭᠡᠢ᠃
17 ᠢᠩᠭᠢᠬᠦ ᠵᠠᠭᠤᠷᠠ ᠪᠢᠳᠡ ᠨᠢᠳᠦ ᠪᠡᠨ ᠰᠦᠮᠡᠢᠲᠡᠯᠡ ᠲᠤᠰᠠᠯᠠᠮᠵᠢ ᠬᠠᠢᠭᠰᠠᠨ ᠴᠤ ᠳᠡᠮᠡᠢ ᠪᠠᠢᠯᠠ ᠪᠢᠳᠡ ᠠᠪᠤᠷᠠᠬᠤ ᠴᠢᠳᠠᠯ ᠦᠭᠡᠢ ᠦᠨᠳᠦᠰᠦᠲᠡᠨ ᠳᠦ ᠨᠠᠢᠳᠠᠨ ᠨᠠᠢᠳᠠᠵᠠᠢ᠃
18 ᠠᠯᠬᠤᠮ ᠤᠳ ᠢ ᠮᠠᠨᠢ ᠳᠠᠢᠰᠤᠨ ᠮᠥᠷᠳᠡᠳᠡᠭ ᠲᠤᠯᠠ ᠪᠢᠳᠡ ᠭᠤᠳᠤᠮᠵᠢᠨ ᠳᠠᠭᠠᠨ ᠠᠯᠬᠤᠵᠤ ᠴᠢᠳᠠᠬᠤ ᠦᠭᠡᠢ ᠨᠢ᠃ ᠪᠢᠳᠡᠨ ᠦ ᠲᠡᠭᠦᠰᠬᠡᠯ ᠣᠢᠷᠠᠲᠤᠯᠠ ᠪᠢᠳᠡᠨ ᠦ ᠡᠳᠦᠷ ᠤᠳ ᠭᠦᠢᠴᠡᠪᠡ᠂ ᠪᠢᠳᠡᠨ ᠦ ᠲᠡᠭᠦᠰᠬᠡᠯ ᠢᠷᠡᠭᠰᠡᠨ᠃
19 ᠪᠢᠳᠡᠨ ᠢ ᠮᠥᠰᠭᠢᠭ᠍ᠴᠢᠳ ᠣᠭᠲᠠᠷᠭᠤᠢ ᠶᠢᠨ ᠪᠦᠷᠭᠦᠳ ᠡᠴᠡ ᠴᠤ ᠬᠤᠷᠳᠤᠨ ᠲᠡᠳᠡ ᠠᠭᠤᠯᠠᠰ ᠢ ᠳᠠᠪᠠᠨ ᠨᠡᠬᠡᠵᠦ ᠴᠥᠯ ᠳᠤ ᠪᠦᠭᠬᠦᠨ ᠬᠦᠯᠢᠶᠡᠬᠦ ᠳᠦ᠂
20 ᠪᠢᠳᠡᠨ ᠦ ᠠᠮᠢᠨ ᠰᠦᠨᠡᠰᠦ᠂ ᠶᠣᠬᠣᠸᠠ ᠶᠢᠨ ᠲᠣᠰᠣᠯᠠᠭᠰᠠᠨ ᠨᠢᠭᠡᠨ ᠲᠡᠳᠡᠨ ᠦ ᠤᠨᠠᠭᠤᠯᠢ ᠳᠤ ᠣᠷᠣᠵᠠᠢ᠃ ᠪᠢᠳᠡ 《ᠬᠠᠷᠢᠴᠤᠳ ᠤᠨ ᠳᠤᠮᠳᠠ ᠪᠠᠢᠪᠠᠴᠤ ᠲᠡᠭᠦᠨ ᠦ ᠰᠡᠭᠦᠳᠡᠷ ᠳᠣᠣᠷᠠ ᠠᠮᠢ ᠮᠡᠨᠳᠦ ᠦᠯᠡᠳᠡᠨᠡ》 ᠭᠡᠳᠡᠭ ᠪᠠᠢᠯᠠ᠃
21 ᠦᠽ ᠤᠨ ᠨᠤᠲᠤᠭ ᠲᠤ ᠰᠠᠭᠤᠳᠠᠭ ᠥᠬᠢᠨ ᠡᠳᠣᠮ ᠡ᠂ ᠪᠠᠶᠠᠷᠯᠠᠨ ᠴᠡᠩᠭᠡᠭᠲᠦᠨ︕ ᠬᠠᠷᠢᠨ ᠴᠢᠮᠠ ᠤᠷᠤᠭᠤ ᠴᠤ ᠠᠶᠠᠭᠠ ᠢᠷᠡᠬᠦ ᠪᠥᠭᠡᠳ ᠴᠢ ᠰᠣᠭᠲᠣᠵᠤ᠂ ᠨᠢᠴᠦᠭᠦᠯᠡᠬᠦ ᠪᠣᠯᠣᠨᠠ᠃
22 ᠥᠬᠢᠨ ᠽᠢᠶᠣᠨ ᠡ᠂ ᠭᠡᠮ ᠪᠤᠷᠤᠭᠤ ᠶᠢᠨ ᠴᠢᠨᠢ ᠰᠢᠳᠬᠡᠯ ᠭᠦᠢᠴᠡᠯᠡ ᠲᠡᠷᠡ ᠪᠡᠷ ᠴᠢᠮᠠᠶᠢ ᠴᠥᠯᠡᠯᠭᠡ ᠳᠦ ᠣᠷᠬᠢᠬᠤ ᠦᠭᠡᠢ ᠬᠠᠷᠢᠨ ᠥᠬᠢᠨ ᠡᠳᠣᠮ ᠡ᠂ ᠭᠡᠮ ᠪᠤᠷᠤᠭᠤ ᠶᠢ ᠴᠢᠨᠢ ᠲᠡᠷᠡ ᠰᠢᠳᠬᠡᠬᠦ ᠪᠥᠭᠡᠳ ᠨᠢᠭᠦᠯ ᠤᠳ ᠢ ᠴᠢᠨᠢ ᠢᠯᠡ ᠭᠠᠷᠭᠠᠨᠠ᠃