ᠶᠧᠷᠧᠮᠢᠶᠠ ᠶᠢᠨ ᠭᠠᠰᠢᠭᠤᠳᠠᠯ ᠲᠠᠪᠤ
ᠥᠷᠥᠰᠢᠶᠡᠯ ᠭᠤᠶᠤᠪᠠ
1 ᠶᠣᠬᠣᠸᠠ᠂ ᠪᠢᠳᠡᠨ ᠳᠦ ᠶᠠᠭᠤ ᠲᠣᠬᠢᠶᠠᠯᠳᠤᠭᠰᠠᠨ ᠢ ᠰᠠᠨᠠᠭᠠᠴᠢ ᠪᠢᠳᠡᠨ ᠦ ᠭᠤᠲᠤᠮᠰᠢᠭ ᠢ ᠬᠠᠷᠠᠭᠠᠴᠢ
2 ᠪᠢᠳᠡᠨ ᠦ ᠥᠪ ᠬᠠᠷᠢ ᠶᠢᠨ ᠬᠢᠨ ᠤᠷᠤᠭᠤ᠂ ᠪᠢᠳᠡᠨ ᠦ ᠣᠷᠣᠨ ᠭᠡᠷ ᠭᠠᠳᠠᠨᠠ ᠶᠢᠨ ᠬᠥᠮᠦᠰ ᠲᠦ ᠰᠢᠯᠵᠢᠪᠡ᠃
3 ᠪᠢᠳᠡ ᠡᠴᠢᠭᠡ ᠦᠭᠡᠢ ᠥᠨᠥᠴᠢᠷᠡᠵᠦ᠂ ᠪᠢᠳᠡᠨ ᠦ ᠡᠬᠡᠴᠦᠳ ᠪᠡᠯᠪᠡᠰᠦᠷᠡᠪᠡ᠃
4 ᠪᠢᠳᠡ ᠤᠰᠤ ᠪᠠᠨ ᠮᠥᠩᠭᠥ ᠲᠥᠯᠥᠵᠦ ᠤᠤᠭᠤᠨ᠂ ᠲᠦᠯᠡᠭᠡ ᠪᠡᠨ ᠦᠨᠡ ᠲᠥᠯᠥᠵᠦ ᠣᠯᠣᠨᠠ᠃
5 ᠮᠥᠰᠭᠢᠭ᠍ᠴᠢᠳ ᠪᠣᠷᠪᠢᠳᠠᠨ ᠬᠥᠭᠡᠭᠡᠵᠦ ᠪᠠᠢᠨᠠ ᠪᠢᠳᠡ ᠵᠦᠳᠡᠷᠡᠭᠰᠡᠨ ᠴᠤ ᠵᠠᠪᠰᠠᠷᠯᠠᠭᠠ ᠪᠠᠢᠬᠤ ᠦᠭᠡᠢ᠂
6 ᠪᠢᠳᠡ ᠬᠠᠩ᠋ᠭᠠᠯᠲᠠᠲᠠᠢ ᠬᠣᠭᠣᠯᠠᠨ ᠤ ᠲᠥᠯᠥᠭᠡ ᠶᠧᠵᠢᠫᠲ ᠤᠷᠤᠭᠤ ᠴᠤ᠂ ᠠᠰᠢᠷᠢᠶᠠ ᠤᠷᠤᠭᠤ ᠴᠤ ᠭᠠᠷ ᠲᠤᠰᠪᠠ᠂
7 ᠡᠴᠢᠭᠡ ᠡᠪᠦᠭᠡᠳ ᠮᠢᠨᠢ ᠨᠢᠭᠦᠯ ᠦᠢᠯᠡᠳᠦᠭᠡᠳ ᠦᠭᠡᠢ ᠪᠣᠯᠵᠤ ᠶᠠᠯᠠ ᠰᠢᠳᠬᠡᠯ ᠢ ᠨᠢ ᠪᠢᠳᠡ ᠡᠭᠦᠷᠴᠡᠢ᠂
8 ᠪᠣᠭᠣᠯ ᠤᠳ ᠪᠢᠳᠡᠨ ᠢ ᠵᠠᠬᠢᠷᠴᠤ ᠪᠠᠢᠨᠠ ᠲᠡᠳᠡᠨ ᠦ ᠭᠠᠷ ᠠᠴᠠ ᠪᠢᠳᠡᠨ ᠢ ᠴᠢᠯᠥᠭᠡᠯᠡᠬᠦ ᠬᠥᠮᠦᠨ ᠠᠯᠠᠭᠠ᠃
9 ᠴᠥᠯ ᠳᠤ ᠴᠤ ᠰᠡᠯᠡᠮᠡ ᠪᠤᠢ᠂ ᠬᠦᠨᠡᠰᠦ ᠣᠯᠬᠤ ᠪᠠᠷ ᠠᠮᠢ ᠥᠷᠢᠰᠬᠦ ᠨᠢ ᠡ᠃
10 ᠥᠯᠥᠰᠬᠥᠯᠡᠩ ᠡᠴᠡ ᠪᠣᠯᠵᠤ ᠬᠠᠯᠠᠭᠤᠷᠠᠨ᠂ ᠠᠷᠠᠰᠤ ᠮᠢᠨᠢ ᠵᠤᠤᠬᠠ ᠰᠢᠭ᠋ ᠬᠠᠯᠠᠭᠤᠨ ᠪᠣᠯᠪᠠ᠃
11 ᠽᠢᠶᠣᠨ ᠤ ᠡᠮᠡᠭᠲᠡᠢᠴᠦᠳ ᠪᠣᠯᠣᠨ ᠶᠦᠳᠠ ᠶᠢᠨ ᠬᠣᠲᠠ ᠲᠣᠰᠬᠣᠳ ᠤᠨ ᠥᠬᠢᠳ ᠬᠦᠴᠦᠷᠬᠡᠭᠯᠡᠭᠳᠡᠪᠡ᠃
12 ᠨᠣᠶᠠᠳ ᠭᠠᠷ ᠠᠴᠠ ᠪᠠᠨ ᠳᠡᠭᠦᠵᠢᠯᠡᠭᠦᠯᠵᠦ᠂ ᠠᠬᠠᠮᠠᠳ ᠤᠳ ᠳᠣᠷᠣᠮᠵᠢᠯᠠᠭᠳᠠᠪᠠ᠃
13 ᠵᠠᠯᠠᠭᠤᠰ ᠠᠯᠪᠠᠳᠠᠭᠳᠠᠨ ᠲᠡᠭᠡᠷᠮᠡ ᠵᠢᠳᠬᠦᠵᠦ᠂ ᠪᠠᠭᠠᠴᠤᠳ ᠮᠣᠳᠣ ᠡᠭᠦᠷᠴᠦ ᠭᠣᠢᠭᠣᠷᠠᠨᠠ᠃
14 ᠬᠥᠭᠰᠢᠳ ᠬᠣᠲᠠ ᠶᠢᠨ ᠬᠠᠭᠠᠯᠭᠠ ᠠᠴᠠ ᠬᠣᠯᠠᠳᠠᠵᠤ᠂ ᠵᠠᠯᠠᠭᠤᠰ ᠬᠥᠭᠵᠢᠮ ᠢᠶᠠᠨ ᠵᠣᠭᠰᠣᠭᠠᠪᠠ᠃
15 ᠪᠠᠶᠠᠰᠤᠯ ᠪᠢᠳᠡᠨ ᠦ ᠵᠢᠷᠦᠬᠡᠨ ᠡᠴᠡ ᠬᠣᠯᠠᠳᠠᠵᠤ ᠪᠥᠵᠢᠭ ᠮᠠᠨᠢ ᠤᠢ ᠭᠠᠰᠢᠭᠤ ᠪᠠᠷ ᠰᠣᠯᠢᠭᠳᠠᠪᠠ᠃
16 ᠲᠢᠲᠢᠮ ᠲᠣᠯᠣᠭᠠᠢ ᠠᠴᠠ ᠮᠢᠨᠢ ᠤᠨᠠᠪᠠ ᠪᠢᠳᠡ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠲᠤᠯᠠ ᠭᠠᠰᠠᠯᠠᠩᠲᠠᠶᠠ︕
17 ᠵᠢᠷᠦᠬᠡ ᠮᠠᠨᠢ ᠰᠢᠮᠰᠢᠷᠡᠵᠦ᠂ ᠨᠢᠳᠦ ᠮᠠᠨᠢ ᠰᠦᠮᠡᠢᠬᠦ ᠨᠢ
18 ᠽᠢᠶᠣᠨ ᠠᠭᠤᠯᠠ ᠡᠵᠡᠭᠦᠢᠷᠡᠵᠦ᠂ ᠲᠡᠷᠡᠭᠦᠷ ᠴᠥᠭᠡᠪᠦᠷᠢ ᠴᠢᠨᠣᠠ ᠨᠤᠭᠤᠳ ᠶᠠᠪᠤᠳᠠᠭ ᠠᠴᠠ ᠪᠣᠯᠣᠭᠰᠠᠨ ᠪᠢᠯᠡ᠃
19 ᠬᠠᠷᠢᠨ ᠶᠣᠬᠣᠸᠠ ᠲᠠ ᠮᠥᠩᠬᠡᠳᠡ ᠵᠠᠬᠢᠷᠤᠨᠠ ᠰᠡᠨᠲᠢ ᠲᠠᠨᠢ ᠦᠶᠡ ᠶᠢᠨ ᠦᠶᠡ ᠳᠦ ᠪᠠᠢᠬᠤ ᠠᠲᠠᠯᠠ
20 ᠶᠠᠭᠤᠨ ᠳᠤ ᠲᠠ ᠪᠢᠳᠡᠨ ᠢ ᠣᠷᠣ ᠲᠠᠰᠤ ᠮᠠᠷᠲᠠᠨᠠ ᠪᠤᠢ︖ ᠶᠠᠭᠤᠨ ᠳᠤ ᠲᠠ ᠪᠢᠳᠡᠨ ᠢ ᠤᠳᠠᠭᠠᠨ ᠣᠷᠬᠢᠨᠠ ᠪᠤᠢ︖
21 ᠶᠣᠬᠣᠸᠠ ᠡ᠂ ᠪᠢᠳᠡᠨ ᠢ ᠥᠪᠡᠷ ᠤᠷᠤᠭᠤ ᠪᠠᠨ ᠡᠷᠭᠢᠭᠦᠯᠦᠭᠡᠴᠢ᠂ ᠲᠡᠭᠡᠪᠡᠯ ᠪᠢᠳᠡ ᠡᠷᠭᠢᠨᠡ᠂ ᠪᠢᠳᠡᠨ ᠦ ᠡᠳᠦᠷ ᠤᠳ ᠢ ᠤᠷᠢᠳᠤ ᠶᠢᠨ ᠬᠢ ᠰᠢᠭ᠋ ᠰᠢᠨᠡᠴᠢᠯᠡᠭᠡᠴᠢ᠃
22 ᠲᠠ ᠪᠢᠳᠡᠨ ᠢ ᠣᠷᠣ ᠲᠠᠰᠤ ᠣᠭᠣᠷᠣᠭᠰᠠᠨ ᠭᠡᠵᠢ ᠤᠤ︖ ᠲᠠ ᠪᠢᠳᠡᠨ ᠳᠦ ᠦᠨᠡᠬᠡᠷ ᠶᠡᠬᠡ ᠪᠡᠷ ᠠᠭᠤᠷᠯᠠᠭᠰᠠᠨ ᠪᠠᠢᠨᠠ᠃