ᠨᠢᠭᠡᠳᠦᠭᠡᠷ ᠲᠢᠮᠣᠲ ᠬᠣᠶᠠᠷ
ᠮᠥᠷᠭᠥᠯ ᠦᠨ ᠵᠢᠭᠠᠪᠤᠷᠢ ᠨᠤᠭᠤᠳ
1 ᠶᠠᠭᠤᠨ ᠤ ᠡᠮᠦᠨᠡ ᠪᠢ ᠬᠥᠮᠦᠨ ᠪᠦᠬᠦᠨ ᠦ ᠲᠥᠯᠥᠭᠡ ᠭᠤᠶᠤᠯᠲᠠ᠂ ᠳᠠᠭᠠᠳᠬᠠᠯ᠂ ᠬᠦᠰᠡᠯᠲᠡ ᠪᠠ ᠲᠠᠯᠠᠷᠬᠠᠯ ᠢ ᠡᠷᠭᠦ ᠭᠡᠵᠦ ᠰᠠᠨᠠᠭᠤᠯᠤᠶᠠ᠃ 2 ᠪᠠᠰᠠ ᠪᠢᠳᠡ ᠪᠦᠷᠢᠨ ᠰᠦᠰᠦᠭ ᠲᠡᠢ᠂ ᠪᠦᠷᠢᠨ ᠬᠦᠨᠳᠦᠳᠬᠡᠯ ᠲᠡᠢ ᠪᠠᠷ ᠠᠮᠤᠷ ᠲᠠᠢᠪᠤᠩ ᠠᠮᠢᠳᠤᠷᠠᠬᠤ ᠶᠢᠨ ᠲᠤᠯᠠᠳᠠ ᠬᠠᠭᠠᠳ ᠪᠠ ᠠᠯᠢᠪᠠ ᠳᠡᠭᠡᠳᠦ ᠲᠤᠰᠢᠶᠠᠯᠲᠠᠨ ᠤ ᠲᠥᠯᠥᠭᠡ ᠲᠡᠭᠡᠵᠦ ᠳᠠᠭᠠᠳᠬᠠᠭᠠᠷᠠᠢ᠃ 3 ᠲᠡᠭᠡᠬᠦ ᠨᠢ ᠪᠢᠳᠡᠨ ᠦ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠤ ᠮᠡᠯᠮᠡᠢ ᠳᠦ ᠰᠠᠢᠬᠠᠨ ᠪᠥᠭᠡᠳ ᠲᠠᠭᠠᠯᠠᠮᠵᠢᠲᠠᠢ᠂ 4 ᠬᠥᠮᠦᠨ ᠪᠦᠬᠦᠨ ᠠᠪᠤᠷᠠᠭᠳᠠᠵᠤ᠂ ᠦᠨᠡᠨ ᠦ ᠮᠡᠳᠡᠯᠭᠡ ᠤᠷᠤᠭᠤ ᠢᠷᠡᠬᠦ ᠶᠢ ᠪᠤᠷᠬᠠᠨ ᠬᠦᠰᠡᠳᠡᠭ᠃ 5 ᠪᠤᠷᠬᠠᠨ ᠭᠠᠭᠴᠠᠬᠠᠨ᠂ ᠪᠤᠷᠬᠠᠨ ᠪᠠ ᠬᠥᠮᠦᠨ ᠦ ᠬᠣᠭᠣᠷᠣᠨᠳᠣ ᠶᠢᠨ ᠵᠠᠭᠤᠴᠢ ᠴᠤ ᠭᠠᠭᠴᠠᠬᠠᠨ — ᠲᠡᠷᠡ ᠪᠣᠯ ᠬᠥᠮᠦᠨ ᠪᠣᠯᠣᠭᠰᠠᠨ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠮᠥᠨ᠃ 6 ᠲᠡᠷᠡ ᠬᠠᠮᠤᠭ ᠬᠥᠮᠦᠨ ᠦ ᠲᠥᠯᠥᠭᠡ ᠵᠣᠯᠢᠶᠠᠰᠤ ᠪᠣᠯᠵᠤ ᠥᠪᠡᠷ ᠢ ᠪᠠᠨ ᠵᠣᠷᠢᠭᠤᠯᠤᠭᠰᠠᠨ᠂ ᠡᠢᠨ ᠬᠦ ᠲᠡᠷᠡ ᠲᠣᠪᠯᠠᠭᠰᠠᠨ ᠴᠠᠭ ᠲᠠᠭᠠᠨ ᠭᠡᠷᠡᠴᠢᠯᠡᠯ ᠪᠣᠯᠵᠠᠢ᠃ 7 ᠡᠭᠦᠨ ᠦ ᠲᠥᠯᠥᠭᠡ ᠪᠢ ᠡᠯᠴᠢ᠂ ᠰᠢᠳᠠᠷ ᠱᠠᠪᠢ (ᠪᠢ ᠬᠤᠳᠠᠯ ᠪᠢᠰᠢ᠂ ᠦᠨᠡᠨ ᠢ ᠶᠠᠷᠢᠵᠤ ᠪᠤᠢ) ᠬᠢᠭᠡᠳ ᠬᠠᠷᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠥᠯᠥᠭᠡ ᠢᠲᠡᠭᠡᠯ ᠪᠠ ᠦᠨᠡᠨ ᠦ ᠪᠠᠭᠰᠢ ᠪᠠᠷ ᠲᠣᠮᠢᠯᠠᠭᠳᠠᠭᠰᠠᠨ ᠪᠢᠯᠡ᠃
8 ᠲᠡᠢᠮᠦ ᠡᠴᠡ ᠪᠢ ᠬᠦᠰᠡᠵᠦ ᠪᠠᠢᠨᠠ᠂ ᠡᠷᠡᠴᠦᠳ ᠨᠢ ᠠᠭᠤᠷ ᠦᠭᠡᠢ᠂ ᠮᠠᠷᠭᠤᠭᠠᠨ ᠦᠭᠡᠢ ᠪᠠᠷ ᠠᠷᠢᠭᠤᠨ ᠭᠠᠷ ᠢᠶᠠᠨ ᠡᠷᠭᠦᠨ ᠭᠠᠵᠠᠷ ᠪᠣᠯᠭᠠᠨ ᠳᠤ ᠳᠠᠭᠠᠳᠬᠠᠭᠠᠷᠠᠢ᠃ 9 ᠡᠭᠦᠨᠴᠢᠯᠡᠨ ᠡᠮᠡᠭᠲᠡᠢᠴᠦᠳ ᠨᠢ ᠴᠡᠭᠴᠡ᠂ ᠲᠥᠯᠥᠪ ᠳᠠᠷᠤᠤ᠂ ᠵᠦᠢ ᠵᠣᠬᠢᠰᠲᠠᠢ ᠪᠠᠷ ᠬᠤᠪᠴᠠᠰᠤᠯᠠᠵᠤ᠂ ᠭᠦᠷᠦᠮᠡᠯ ᠭᠡᠵᠢᠭᠡ᠂ ᠠᠯᠲᠠ᠂ ᠰᠤᠪᠤᠳ᠂ ᠦᠨᠡ ᠲᠠᠢ ᠡᠮᠦᠰᠬᠡᠯ ᠮᠡᠲᠦ ᠪᠡᠷ ᠪᠤᠰᠤ᠂ 10 ᠬᠠᠷᠢᠨ ᠪᠤᠷᠬᠠᠨ ᠠᠴᠠ ᠡᠮᠢᠶᠡᠳᠡᠭ ᠭᠡᠭᠳᠡᠬᠦ ᠡᠮᠡᠭᠲᠡᠢᠴᠦᠳ ᠲᠦ ᠨᠡᠢᠴᠡᠬᠦ ᠰᠠᠢᠨ ᠦᠢᠯᠡᠰ ᠢᠶᠡᠷ ᠥᠪᠡᠷᠰᠡᠳ ᠢ ᠪᠠᠨ ᠴᠢᠮᠡᠭᠡᠷᠡᠢ᠃ 11 ᠡᠮᠡᠭᠲᠡᠢ ᠬᠥᠮᠦᠨ ᠪᠦᠷᠢᠨ ᠳᠤᠭᠤᠯᠭᠠᠪᠤᠷᠢᠲᠠᠢ ᠪᠠᠷ ᠨᠠᠮᠵᠢᠭᠤᠨ ᠰᠤᠷᠤᠯᠴᠠᠭᠠᠷᠠᠢ᠃ 12 ᠡᠮᠡᠭᠲᠡᠢ ᠬᠥᠮᠦᠨ ᠦ ᠵᠢᠭᠠᠬᠤ᠂ ᠡᠰᠡᠪᠡᠯ ᠡᠷᠡᠭᠲᠡᠢ ᠬᠥᠮᠦᠨ ᠢ ᠵᠠᠬᠢᠷᠬᠤ ᠶᠢ ᠪᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ᠃ ᠲᠡᠳᠡ ᠨᠠᠮᠵᠢᠭᠤᠨ ᠪᠠᠢᠬᠤ ᠶᠣᠰᠣᠲᠠᠢ᠃ 13 ᠤᠴᠢᠷ ᠨᠢ᠂ ᠤᠷᠢᠳᠠᠪᠠᠷ ᠠᠳᠠᠮ᠂ ᠳᠠᠷᠠᠭᠠ ᠨᠢ ᠬᠠᠸᠠ ᠪᠦᠲᠦᠭᠡᠭᠳᠡᠭᠰᠡᠨ ᠪᠥᠭᠡᠳ 14 ᠠᠳᠠᠮ ᠮᠡᠬᠡᠯᠡᠭᠳᠡᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠡᠮᠡᠭᠲᠡᠢ ᠨᠢ ᠮᠡᠬᠡᠯᠡᠭᠳᠡᠵᠦ ᠵᠥᠷᠢᠴᠡᠭᠴᠢ ᠪᠣᠯᠣᠭᠰᠠᠨ᠃ 15 ᠭᠡᠪᠡᠴᠦ ᠡᠮᠡᠭᠲᠡᠢ ᠬᠥᠮᠦᠨ ᠢᠲᠡᠭᠡᠯ ᠢᠶᠡᠷ᠂ ᠬᠠᠢᠷᠠ ᠪᠠᠷ᠂ ᠠᠷᠢᠭᠤᠨ ᠢᠶᠠᠷ᠂ ᠳᠠᠷᠤᠤ ᠬᠢᠴᠢᠶᠡᠩᠭᠦᠢ ᠠᠮᠢᠳᠤᠷᠠᠵᠤ ᠪᠠᠢᠪᠠᠯ ᠬᠡᠦᠬᠡᠳ ᠦᠨ ᠲᠥᠷᠥᠯᠲᠡ ᠪᠡᠷ 1 ᠠᠪᠤᠷᠠᠭᠳᠠᠨᠠ᠃