ᠨᠢᠭᠡᠳᠦᠭᠡᠷ ᠲᠢᠮᠣᠲ ᠲᠠᠪᠤ
ᠴᠢᠭᠤᠯᠭᠠᠨ ᠤ ᠬᠢᠨ ᠲᠠᠢ ᠬᠠᠷᠢᠯᠴᠠᠬᠤ ᠵᠠᠷᠴᠢᠮ
1 ᠡᠪᠦᠭᠡᠳ ᠢ ᠪᠦᠦ ᠵᠢᠮᠡᠯᠡ᠂ ᠬᠠᠷᠢᠨ ᠲᠡᠳᠡᠨ ᠢ ᠡᠴᠢᠭᠡ ᠪᠡᠨ ᠮᠡᠲᠦ᠂ ᠵᠠᠯᠠᠭᠤᠰ ᠢ ᠠᠬᠠ ᠳᠡᠭᠦᠦ ᠪᠡᠨ ᠮᠡᠲᠦ᠂ 2 ᠡᠮᠡᠭᠡᠳ ᠢ ᠡᠵᠢ ᠪᠠᠨ ᠮᠡᠲᠦ᠂ ᠵᠠᠯᠠᠭᠤ ᠡᠮᠡᠭᠲᠡᠢᠴᠦᠳ ᠢ ᠡᠭᠡᠴᠢ ᠳᠡᠭᠦᠦ ᠪᠡᠨ ᠮᠡᠲᠦ ᠪᠦᠷᠢᠨ ᠴᠠᠭᠠᠬᠠᠨ ᠰᠡᠳᠬᠢᠯ ᠢᠶᠠᠷ ᠤᠷᠮᠠᠰᠢᠭᠤᠯ᠃
3 ᠵᠢᠩᠬᠢᠨᠢ ᠪᠡᠯᠪᠡᠰᠦᠨ ᠪᠠᠢᠭᠠ ᠡᠮᠡᠭᠲᠡᠢᠴᠦᠳ ᠢ ᠬᠦᠨᠳᠦᠯᠡᠭᠲᠦᠨ᠃ 4 ᠬᠡᠷᠪᠡ ᠪᠡᠯᠪᠡᠰᠦᠨ ᠡᠮᠡᠭᠲᠡᠢ ᠳᠦ ᠬᠡᠦᠬᠡᠳ ᠰᠢᠤᠬᠠᠳ᠂ ᠡᠰᠡᠪᠡᠯ ᠣᠮᠪᠣᠯᠣ ᠪᠠᠢᠪᠠᠯ ᠲᠡᠳᠡᠨ ᠳᠦ ᠶᠠᠭᠤᠨ ᠤ ᠡᠮᠦᠨᠡ ᠥᠪᠡᠷᠰᠡᠳ ᠦᠨ ᠢᠶᠠᠨ ᠭᠡᠷ ᠲᠦ ᠰᠦᠰᠦᠭᠲᠡᠨ ᠦ ᠡᠭᠦᠷᠭᠡ ᠶᠢ ᠪᠡᠶᠡᠯᠡᠭᠦᠯᠬᠦ ᠪᠠ ᠮᠥᠨ ᠡᠴᠢᠭᠡ ᠡᠬᠡ ᠶᠢᠨ ᠢᠶᠠᠨ ᠠᠴᠢ ᠶᠢ ᠬᠠᠷᠢᠭᠤᠯᠬᠤ ᠶᠢ ᠰᠤᠷᠭᠠ᠃ ᠲᠡᠭᠡᠬᠦ ᠨᠢ ᠪᠤᠷᠬᠠᠨ ᠤ ᠮᠡᠯᠮᠡᠢ ᠳᠦ ᠲᠠᠭᠠᠯᠠᠮᠵᠢᠲᠠᠢ᠃ 5 ᠵᠢᠩᠬᠢᠨᠢ ᠪᠡᠯᠪᠡᠰᠦᠷᠡᠭᠰᠡᠨ᠂ ᠭᠠᠭᠴᠠᠭᠠᠷᠳᠠᠭᠰᠠᠨ ᠡᠮᠡᠭᠲᠡᠢ ᠨᠢ ᠪᠤᠷᠬᠠᠨ ᠳᠤ ᠨᠠᠢᠳᠠᠯᠭᠠ ᠪᠠᠨ ᠲᠠᠯᠪᠢᠨ ᠡᠳᠦᠷ ᠰᠥᠨᠢ ᠦᠭᠡᠢ ᠭᠤᠶᠤᠭᠰᠠᠭᠠᠷ᠂ ᠳᠠᠭᠠᠳᠬᠠᠭᠰᠠᠭᠠᠷ ᠪᠠᠢᠬᠤ ᠳᠤ᠂ 6 ᠵᠤᠭᠠ ᠴᠡᠩᠭᠡᠯ ᠳᠡᠭᠡᠨ ᠠᠪᠲᠠᠭᠳᠠᠭᠰᠠᠨ ᠨᠢ ᠠᠮᠢᠳᠤ ᠪᠠᠢᠪᠠᠴᠤ ᠦᠬᠦᠭᠰᠡᠨ ᠪᠠᠢᠳᠠᠭ᠃ 7 ᠡᠳᠡᠭᠡᠷ ᠢ ᠵᠠᠬᠢᠭᠠᠷᠠᠢ᠂ ᠲᠡᠳᠡ ᠬᠡᠯᠡᠭᠳᠡᠬᠦ ᠶᠠᠭᠤᠮᠠ ᠦᠭᠡᠢ ᠪᠠᠶᠢᠭ᠂ 8 ᠬᠡᠨ ᠴᠤ ᠭᠡᠰᠡᠨ᠂ ᠥᠪᠡᠷ ᠦᠨ ᠲᠥᠷᠥᠯ ᠰᠠᠳᠤᠨ᠂ ᠢᠯᠠᠩ᠋ᠭᠤᠶᠠ ᠭᠡᠷ ᠦᠨ ᠬᠢᠨ ᠢᠶᠠᠨ ᠲᠡᠳᠬᠦᠳᠡᠭ ᠦᠭᠡᠢ ᠪᠣᠯ᠂ ᠢᠲᠡᠭᠡᠯ ᠢᠶᠡᠨ ᠣᠭᠣᠷᠣᠭᠰᠠᠨ ᠬᠡᠷᠡᠭ ᠪᠥᠭᠡᠳ ᠦᠯᠦ ᠢᠲᠡᠭᠡᠭᠴᠢ ᠡᠴᠡ ᠳᠣᠣᠷᠠ᠃
9 ᠪᠡᠯᠪᠡᠰᠦᠨ ᠡᠮᠡᠭᠲᠡᠢ ᠶᠢᠨ ᠵᠢᠭᠰᠠᠭᠠᠯᠲᠠ ᠳᠤ᠂ ᠵᠢᠷᠠ ᠠᠴᠠ ᠳᠡᠭᠡᠭᠰᠢ ᠨᠠᠰᠤᠲᠠᠢ ᠪᠥᠭᠡᠳ ᠭᠠᠭᠴᠠ ᠡᠷᠡ ᠶᠢᠨ ᠡᠬᠡᠨᠡᠷ ᠪᠠᠢᠭᠰᠠᠨ᠂ 10 ᠬᠡᠦᠬᠡᠳ ᠢᠶᠡᠨ ᠬᠥᠮᠦᠵᠢᠭᠦᠯᠬᠦ᠂ ᠵᠣᠴᠢᠯᠠᠬᠤ᠂ ᠠᠷᠢᠭᠤᠨ ᠬᠥᠮᠦᠰ ᠦᠨ ᠬᠥᠯ ᠢ ᠤᠬᠢᠶᠠᠬᠤ᠂ ᠵᠣᠪᠠᠭᠰᠠᠳ ᠲᠤ ᠲᠤᠰᠠᠯᠠᠬᠤ᠂ ᠠᠯᠢᠪᠠ ᠰᠠᠢᠨ ᠦᠢᠯᠡᠰ ᠢ ᠳᠠᠭᠠᠬᠤ ᠵᠡᠷᠭᠡ ᠳᠦ ᠰᠠᠢᠨ ᠦᠢᠯᠡᠰ ᠢᠶᠡᠷ ᠢᠶᠠᠨ ᠰᠠᠢᠰᠢᠶᠠᠭᠳᠠᠭᠰᠠᠨ ᠬᠥᠮᠦᠰ ᠢ ᠣᠷᠣᠭᠤᠯ᠃ 11 ᠬᠠᠷᠢᠨ ᠵᠠᠯᠠᠭᠤ ᠪᠡᠯᠪᠡᠰᠦᠨ ᠡᠮᠡᠭᠲᠡᠢᠴᠦᠳ ᠢ ᠵᠢᠭᠰᠠᠭᠠᠯᠲᠠ ᠳᠤ ᠪᠦᠦ ᠣᠷᠣᠭᠤᠯ᠃ ᠤᠴᠢᠷ ᠨᠢ᠂ ᠲᠡᠳᠡ ᠾᠷᠢᠰᠲ᠋ᠣᠰ ᠲᠤ ᠪᠢᠰᠢ᠂ ᠲᠠᠴᠢᠶᠠᠯ ᠳᠤ ᠳᠡᠢᠯᠦᠭᠳᠡᠬᠦ ᠪᠣᠯᠭᠠᠨ ᠳᠠᠭᠠᠨ ᠭᠡᠷᠯᠡᠬᠦ ᠭᠡᠬᠦ ᠪᠣᠯᠣᠨᠠ᠃ 12 ᠢᠩᠭᠢᠭᠡᠳ ᠲᠡᠳᠡ ᠠᠩ᠋ᠬᠠᠨ ᠤ ᠢᠲᠡᠭᠡᠯ ᠢᠶᠡᠨ ᠬᠠᠶᠠᠭᠰᠠᠨ ᠢᠶᠠᠷ ᠢᠶᠠᠨ ᠰᠢᠭᠦᠮᠵᠢᠯᠡᠭᠳᠡᠬᠦ ᠪᠤᠢ᠂ 13 ᠡᠭᠦᠨ ᠡᠴᠡ ᠭᠠᠳᠠᠨᠠ ᠲᠡᠳᠡ ᠠᠢᠯ ᠬᠡᠰᠦᠵᠦ ᠵᠠᠯᠬᠠᠭᠤ ᠵᠠᠩᠰᠢᠯ ᠲᠠᠢ ᠪᠣᠯᠣᠨᠠ᠂ ᠵᠠᠯᠬᠠᠭᠤᠷᠠᠬᠤ ᠪᠠᠷ ᠦᠯᠦ ᠪᠠᠷᠠᠮ ᠳᠡᠮᠡᠢᠷᠡᠬᠦ᠂ ᠴᠠᠯᠴᠢᠬᠤ᠂ ᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠶᠢ ᠬᠡᠯᠡᠬᠦ ᠪᠣᠯᠣᠨᠠ᠃ 14 ᠡᠢᠮᠦ ᠡᠴᠡ ᠵᠠᠯᠠᠭᠤ ᠪᠡᠯᠪᠡᠰᠦᠨ ᠡᠮᠡᠭᠲᠡᠢ ᠶᠢᠨ ᠬᠤᠪᠢ ᠳᠤ᠂ ᠳᠠᠬᠢᠨ ᠭᠡᠷᠯᠡᠵᠦ ᠬᠡᠦᠬᠡᠳ ᠲᠥᠷᠥᠵᠦ᠂ ᠡᠷᠦᠬᠡ ᠪᠡᠨ ᠳᠣᠳᠣᠮᠳᠠᠨ᠂ ᠡᠰᠡᠷᠭᠦᠴᠡᠭᠴᠢᠳ ᠲᠤ ᠭᠦᠳᠬᠡᠬᠦ ᠰᠢᠯᠲᠠᠭ ᠢ ᠥᠭᠬᠦ ᠦᠭᠡᠢ ᠪᠠᠢᠬᠤ ᠶᠢ ᠬᠦᠰᠡᠶᠡ᠃ 15 ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠵᠠᠷᠢᠮ ᠨᠢ ᠬᠡᠳᠦᠢᠨᠡᠢ ᠭᠠᠵᠢᠵᠤ ᠰᠠᠲ᠋ᠠᠨ ᠢ ᠳᠠᠭᠠᠭᠰᠠᠨ ᠪᠠᠢᠨᠠ᠃ 16 ᠬᠡᠷᠪᠡ ᠢᠲᠡᠭᠡᠭᠴᠢ ᠡᠮᠡᠭᠲᠡᠢ ᠶᠢᠨ ᠲᠥᠷᠥᠯ ᠰᠠᠳᠤᠨ ᠳᠤ ᠪᠡᠯᠪᠡᠰᠦᠨ ᠡᠮᠡᠭᠲᠡᠢ ᠪᠠᠢᠪᠠᠯ ᠲᠡᠷᠡ ᠥᠪᠡᠷ ᠢᠶᠡᠨ ᠲᠤᠰᠠᠯᠠᠭ᠂ ᠴᠢᠭᠤᠯᠭᠠᠨ ᠤ ᠡᠭᠦᠷᠭᠡᠯᠡᠯ ᠢ ᠪᠦᠦ ᠬᠦᠨᠳᠦᠷᠡᠭᠦᠯᠦᠭ᠃ ᠲᠡᠭᠡᠪᠡᠯ ᠴᠢᠭᠤᠯᠭᠠᠨ ᠵᠢᠩᠬᠢᠨᠢ ᠪᠡᠯᠪᠡᠰᠦᠨ ᠡᠮᠡᠭᠲᠡᠢᠴᠦᠳ ᠢ ᠲᠡᠳᠬᠦᠬᠦ ᠪᠣᠯᠣᠨᠠ᠃
17 ᠰᠠᠢᠨ ᠤᠳᠤᠷᠢᠳᠤᠳᠠᠭ ᠠᠬᠠᠯᠠᠭᠴᠢᠳ᠂ ᠢᠯᠠᠩ᠋ᠭᠤᠶᠠ ᠦᠭᠡ ᠪᠠ ᠰᠤᠷᠭᠠᠯ ᠤᠨ ᠲᠥᠯᠥᠭᠡ ᠵᠦᠳᠡᠷᠡᠭᠰᠡᠳ ᠨᠢ ᠬᠤᠪᠢ ᠳᠠᠬᠢᠨ ᠬᠦᠨᠳᠦᠳᠬᠡᠭᠳᠡᠭ᠃ 18 ᠤᠴᠢᠷ ᠨᠢ᠂ ᠠᠷᠢᠭᠤᠨ ᠨᠣᠮ ᠳᠤ 《ᠲᠠᠷᠢᠶᠠ ᠦᠲᠦᠷᠮᠡᠳᠡᠵᠦ ᠪᠤᠢ ᠦᠬᠡᠷ ᠦᠨ ᠠᠮᠠᠨ ᠳᠤ ᠲᠣᠷᠣᠮᠳᠣᠭ ᠪᠦᠦ ᠵᠡᠭᠦᠯᠭᠡ》 ᠭᠡᠰᠡᠨ ᠪᠠ 《ᠠᠵᠢᠯᠴᠢᠨ ᠬᠥᠯᠥᠰᠥ ᠪᠡᠨ ᠠᠪᠬᠤ ᠨᠢ ᠵᠦᠢᠲᠡᠢ》 ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃ 19 ᠠᠬᠠᠯᠠᠭᠴᠢ ᠶᠢ ᠵᠠᠭᠠᠯᠳᠤᠭᠰᠠᠨ ᠬᠡᠷᠡᠭ ᠢ ᠬᠣᠶᠠᠷ ᠭᠤᠷᠪᠠᠨ ᠭᠡᠷᠡᠴᠢ ᠦᠭᠡᠢ ᠪᠠᠷ ᠪᠦᠦ ᠬᠦᠯᠢᠶᠡᠨ ᠠᠪ᠃ 20 ᠭᠡᠪᠡᠴᠦ ᠨᠢᠭᠦᠯ ᠦᠢᠯᠡᠳᠴᠦ ᠪᠠᠢᠭᠠ ᠶᠢ ᠨᠢ ᠪᠦᠬᠦᠨ ᠦ ᠡᠮᠦᠨᠡ ᠵᠢᠮᠡᠯᠡ᠂ ᠲᠡᠭᠡᠪᠡᠯ ᠪᠤᠰᠤᠳ ᠨᠢ ᠴᠤ ᠡᠮᠢᠶᠡᠬᠦ ᠪᠣᠯᠣᠨᠠ᠃ 21 ᠪᠤᠷᠬᠠᠨ᠂ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠪᠠ ᠲᠩᠷᠢ ᠶᠢᠨ ᠰᠣᠩ᠋ᠭᠣᠭᠳᠠᠭᠰᠠᠨ ᠡᠯᠴᠢᠳ ᠤᠨ ᠡᠮᠦᠨᠡ ᠪᠢ ᠴᠢᠮᠠ ᠳᠤ ᠠᠩ᠋ᠬᠠᠷᠤᠭᠤᠯᠤᠶᠠ᠄ ᠴᠢ ᠡᠳᠡᠭᠡᠷ ᠢ ᠬᠡᠪᠰᠢᠭᠰᠡᠨ ᠦᠵᠡᠯ ᠦᠭᠡᠢ ᠪᠠᠷ ᠰᠠᠬᠢ᠂ ᠶᠠᠭᠤ ᠶᠢ ᠴᠤ ᠠᠯᠠᠭᠴᠢᠯᠠᠯ ᠲᠠᠢ ᠪᠠᠷ ᠪᠦᠦ ᠬᠢ᠃ 22 ᠶᠠᠭᠠᠷᠠᠯᠲᠠᠢ ᠪᠠᠷ ᠬᠥᠮᠦᠨ ᠦ ᠳᠡᠭᠡᠷᠡ ᠭᠠᠷ ᠢᠶᠠᠨ ᠪᠦᠦ ᠲᠠᠯᠪᠢ᠂ ᠪᠤᠰᠤᠳ ᠤᠨ ᠭᠡᠮ ᠨᠢᠭᠦᠯ ᠳᠦ ᠪᠦᠦ ᠤᠷᠢᠶᠠᠴᠠᠯᠳᠤ᠂ ᠥᠪᠡᠷ ᠢ ᠪᠠᠨ ᠴᠡᠪᠡᠷ ᠠᠷᠢᠭᠤᠨ ᠪᠠᠢᠯᠭᠠ᠃
23 ᠴᠢ ᠪᠢᠲᠡᠭᠡᠢ ᠵᠥᠪᠬᠡᠨ ᠤᠰᠤ ᠯᠠ ᠤᠤᠭᠤᠭᠠᠳ ᠪᠠᠢ᠂ ᠬᠣᠳᠣᠭᠣᠳᠣ ᠶᠢᠨ ᠢᠶᠠᠨ ᠲᠥᠯᠥᠭᠡ᠂ ᠪᠠᠰᠠ ᠠᠷᠬᠠᠭ ᠬᠠᠭᠤᠴᠢᠨ ᠤ ᠪᠠᠨ ᠲᠥᠯᠥᠭᠡ ᠦᠵᠦᠮ ᠦᠨ ᠠᠷᠢᠬᠢ ᠶᠢ ᠵᠢᠭᠠᠬᠠᠨ ᠠᠰᠢᠭᠯᠠᠭᠠᠷᠠᠢ᠃
24 ᠵᠠᠷᠢᠮ ᠬᠥᠮᠦᠰ ᠦᠨ ᠨᠢᠭᠦᠯ ᠨᠢ ᠢᠯᠡᠷᠬᠡᠢ ᠪᠣᠯᠬᠣᠷ ᠰᠢᠳᠬᠡᠯ ᠡᠴᠡ ᠤᠷᠢᠳ ᠢᠯᠡᠷᠡᠳᠡᠭ ᠪᠣᠯ᠂ ᠵᠠᠷᠢᠮ ᠤᠨ ᠬᠢᠨᠢ ᠬᠣᠵᠢᠮᠳᠠᠵᠤ ᠢᠯᠡᠷᠡᠳᠡᠭ᠃ 25 ᠡᠭᠦᠨᠴᠢᠯᠡᠨ ᠰᠠᠢᠨ ᠦᠢᠯᠡᠰ ᠴᠤ ᠢᠯᠡᠷᠬᠡᠢ ᠪᠠᠢᠳᠠᠭ᠂ ᠢᠯᠡᠷᠬᠡᠢ ᠪᠤᠰᠤ ᠨᠢ ᠴᠤ ᠨᠢᠭᠤᠭᠳᠠᠵᠤ ᠴᠢᠳᠠᠬᠤ ᠦᠭᠡᠢ᠃