ᠧᠹᠧᠰ ᠭᠤᠷᠪᠠ
ᠪᠤᠷᠬᠠᠨ ᠤ ᠢᠪᠡᠭᠡᠯ ᠬᠠᠷᠢ ᠦᠨᠳᠦᠰᠦᠲᠡᠨ ᠳᠦ
1 ᠲᠡᠢᠮᠦ ᠶᠢᠨ ᠲᠤᠯᠠᠳᠠ ᠫᠠᠦ᠋ᠯ ᠪᠢ ᠬᠠᠷᠢ ᠦᠨᠳᠦᠰᠦᠲᠡᠨ ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠡᠴᠡ ᠪᠣᠯᠵᠤ ᠬᠣᠷᠢᠭᠳᠠᠯ ᠪᠣᠯᠣᠭᠰᠠᠨ᠃ 2 ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠪᠤᠷᠬᠠᠨ ᠤ ᠨᠠᠳᠠ ᠳᠤ ᠰᠣᠶᠣᠷᠬᠠᠭᠰᠠᠨ ᠢᠪᠡᠭᠡᠯᠲᠦ ᠲᠤᠰᠢᠶᠠᠯ ᠤᠨ ᠲᠤᠬᠠᠢ᠂ 3 ᠪᠠᠰᠠ ᠲᠡᠷᠡ ᠨᠢᠭᠤᠴᠠ ᠨᠠᠳᠠ ᠳᠤ ᠬᠡᠷᠬᠢᠨ ᠢᠯᠡᠷᠬᠡᠶᠢᠯᠡᠯᠭᠡ ᠪᠡᠷ ᠮᠡᠳᠡᠭᠳᠡᠭᠰᠡᠨ ᠦ ᠲᠤᠬᠠᠢ ᠲᠠ ᠨᠠᠷ ᠰᠣᠨᠣᠰᠣᠭᠰᠠᠨ ᠪᠠᠢᠬᠠ᠂ ᠡᠨᠡ ᠲᠠᠯᠠ ᠪᠠᠷ ᠪᠢ ᠤᠷᠢᠳᠤ ᠨᠢ ᠳᠥᠭᠥᠮ ᠪᠢᠴᠢᠭᠰᠡᠨ ᠲᠤᠯᠠ 4 ᠲᠠ ᠨᠠᠷ ᠲᠡᠭᠦᠨ ᠢ ᠤᠩ᠋ᠰᠢᠪᠠᠯ ᠾᠷᠢᠰᠲ᠋ᠣᠰ ᠤᠨ ᠨᠢᠭᠤᠴᠠ ᠶᠢᠨ ᠲᠤᠬᠠᠢ ᠣᠢᠯᠠᠭᠠᠭᠰᠠᠨ ᠢ ᠮᠢᠨᠢ ᠮᠡᠳᠡᠷᠡᠵᠦ ᠴᠢᠳᠠᠨᠠ᠃ 5 ᠡᠨᠡ ᠨᠢᠭᠤᠴᠠ ᠡᠳᠦᠭᠡ ᠲᠡᠭᠦᠨ ᠦ ᠠᠷᠢᠭᠤᠨ ᠰᠢᠳᠠᠷ ᠱᠠᠪᠢ ᠨᠠᠷ ᠪᠠ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠲᠤ ᠠᠷᠢᠭᠤᠨ ᠰᠦᠨᠡᠰᠦ ᠪᠡᠷ ᠳᠠᠮᠵᠢᠨ ᠢᠯᠡᠷᠬᠡᠶᠢᠯᠡᠭᠳᠡᠭᠰᠡᠨ ᠪᠣᠯᠪᠠᠴᠤ ᠤᠷᠢᠳᠤ ᠦᠶᠡ ᠳᠦ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠳᠦ ᠬᠠᠷᠢᠨ ᠥᠨᠥ ᠶᠢᠨ ᠰᠢᠭ ᠮᠡᠳᠡᠭᠳᠡᠭᠰᠡᠨ ᠦᠭᠡᠢ᠃ 6 ᠲᠡᠷᠡ ᠨᠢᠭᠤᠴᠠ ᠪᠣᠯ᠄ ᠪᠠᠶᠠᠷ ᠤᠨ ᠮᠡᠳᠡᠭᠡᠨ ᠦ ᠠᠴᠢ ᠪᠠᠷ ᠬᠠᠷᠢᠴᠤᠳ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠢᠰᠷᠧᠯ ᠲᠠᠢ ᠬᠠᠮᠲᠤ ᠨᠢᠭᠡ ᠥᠪ ᠦᠨ ᠵᠠᠯᠭᠠᠮᠵᠢᠯᠠᠭᠴᠢ᠂ ᠨᠢᠭᠡ ᠪᠡᠶᠡ᠂ ᠨᠢᠭᠡ ᠠᠮᠠᠯᠠᠯᠲᠠ ᠶᠢᠨ ᠬᠤᠪᠢᠶᠠᠯᠴᠠᠭᠴᠢ ᠪᠣᠯᠣᠨᠠ᠃
7 ᠨᠠᠮᠠᠶᠢ ᠦᠢᠯᠡᠴᠢᠯᠡᠭᠴᠢ ᠪᠣᠯᠭᠠᠭᠰᠠᠨ ᠨᠢ ᠪᠤᠷᠬᠠᠨ ᠤ ᠢᠪᠡᠭᠡᠯᠲᠦ ᠰᠣᠶᠣᠷᠬᠠᠯ ᠶᠤᠮ᠃ ᠪᠤᠷᠬᠠᠨ ᠡᠭᠦᠨ ᠢ ᠬᠦᠴᠦᠲᠦ ᠦᠢᠯᠡ ᠶᠢᠨ ᠢᠶᠠᠨ ᠳᠠᠭᠠᠤ ᠨᠠᠳᠠ ᠳᠤ ᠥᠭᠭᠥᠭᠰᠡᠨ᠃ 8 ᠬᠠᠮᠤᠭ ᠠᠷᠢᠭᠤᠨ ᠬᠥᠮᠦᠨ ᠦ ᠳᠤᠮᠳᠠ ᠬᠠᠮᠤᠭ ᠤᠨ ᠥᠴᠦᠬᠡᠨ ᠨᠠᠳᠠ ᠳᠤ ᠡᠨᠡ ᠢᠪᠡᠭᠡᠯ ᠢ ᠰᠣᠶᠣᠷᠬᠠᠭᠰᠠᠨ ᠨᠢ ᠾᠷᠢᠰᠲ᠋ᠣᠰ ᠤᠨ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠠᠶᠠᠯᠢᠭ ᠢ ᠬᠠᠷᠢ ᠦᠨᠳᠦᠰᠦᠲᠡᠨ ᠳᠦ ᠲᠤᠩ᠋ᠬᠠᠭᠯᠠᠬᠤ ᠶᠢᠨ ᠲᠤᠯᠠᠳᠠ᠂ 9 ᠪᠠᠰᠠ ᠪᠦᠬᠦᠨ ᠢ ᠪᠦᠲᠦᠭᠡᠭᠰᠡᠨ ᠪᠤᠷᠬᠠᠨ ᠤ ᠳᠣᠲᠣᠷᠠ ᠥᠨᠢ ᠡᠷᠲᠡᠨ ᠡᠴᠡ ᠳᠠᠯᠳᠠᠯᠠᠭᠳᠠᠵᠤ ᠪᠤᠢ ᠨᠢᠭᠤᠴᠠ ᠲᠥᠯᠥᠪᠯᠡᠭᠡ ᠨᠢ ᠶᠠᠭᠤ ᠪᠣᠯᠬᠤ ᠶᠢ ᠪᠦᠭᠦᠳᠡ ᠳᠦ ᠢᠯᠡᠷᠡᠭᠦᠯᠬᠦ ᠶᠢᠨ ᠲᠤᠯᠠᠳᠠ ᠶᠤᠮ᠃ 10 ᠡᠢᠨ ᠬᠦ ᠲᠩᠷᠢ ᠳᠡᠭᠡᠷᠡᠬᠢ ᠵᠠᠬᠢᠷᠤᠭᠴᠢᠳ ᠪᠠ ᠡᠷᠬᠡ ᠪᠠᠷᠢᠭᠴᠢᠳ ᠴᠢᠭᠤᠯᠭᠠᠨ ᠢ ᠬᠠᠷᠠᠭᠰᠠᠨ ᠢᠶᠠᠷ᠂ ᠪᠤᠷᠬᠠᠨ ᠤ ᠣᠯᠠᠨ ᠲᠠᠯᠠᠲᠤ ᠮᠡᠷᠭᠡᠨ ᠤᠬᠠᠭᠠᠨ ᠢ ᠣᠳᠣ ᠮᠡᠳᠡᠬᠦ ᠪᠣᠯᠣᠯᠠ᠃ 11 ᠡᠨᠡ ᠪᠦᠬᠦᠨ ᠨᠢ ᠪᠢᠳᠡᠨ ᠦ ᠡᠵᠡᠨ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠪᠤᠷᠬᠠᠨ ᠤ ᠪᠡᠶᠡᠯᠡᠭᠦᠯᠦᠭᠰᠡᠨ ᠮᠥᠩᠬᠡ ᠶᠢᠨ ᠵᠣᠷᠢᠯᠭᠠ ᠶᠢᠨ ᠶᠣᠰᠣᠭᠠᠷ ᠪᠣᠯᠣᠯᠠ᠃ 12 ᠪᠢᠳᠡ ᠾᠷᠢᠰᠲ᠋ᠣᠰ ᠲᠤ ᠢᠲᠡᠭᠡᠳᠡᠭ ᠢᠶᠡᠷ ᠢᠶᠠᠨ ᠵᠣᠷᠢᠭᠲᠠᠢ᠂ ᠢᠲᠡᠭᠡᠯ ᠲᠡᠢ ᠪᠠᠷ ᠪᠤᠷᠬᠠᠨ ᠳᠤ ᠣᠴᠢᠬᠤ ᠪᠣᠯᠣᠯᠠ᠃ 13 ᠡᠢᠮᠦ ᠡᠴᠡ ᠲᠠ ᠨᠠᠷ ᠠᠴᠠ ᠭᠤᠶᠤᠶᠠ᠂ ᠲᠠ ᠨᠠᠷ ᠤᠨ ᠡᠮᠦᠨᠡ ᠡᠴᠡ ᠮᠢᠨᠦ ᠵᠣᠪᠠᠯᠠᠩ ᠠᠮᠰᠠᠵᠤ ᠪᠠᠢᠭᠠ ᠳᠤ ᠪᠦᠦ ᠰᠢᠨᠲᠠᠷᠠ᠃ ᠡᠨᠡ ᠪᠣᠯ ᠲᠠ ᠨᠠᠷ ᠤᠨ ᠢᠷᠠᠭᠤ ᠠᠯᠳᠠᠷ ᠪᠢᠯᠡ᠃
ᠴᠢᠭᠤᠯᠭᠠᠨ ᠳᠤ ᠬᠦᠴᠦ ᠴᠢᠳᠠᠯ ᠢ ᠭᠤᠶᠤᠬᠤ
14 ᠲᠩᠷᠢ ᠪᠠ ᠭᠠᠵᠠᠷ ᠳᠡᠭᠡᠷᠡᠬᠢ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠪᠣᠯᠭᠠᠨ ᠳᠠᠭᠠᠨ 15 ᠨᠡᠷᠡ ᠰᠣᠶᠣᠷᠬᠠᠳᠠᠭ ᠡᠴᠢᠭᠡ ᠶᠢᠨ ᠡᠮᠦᠨᠡ ᠪᠢ ᠡᠪᠦᠳᠦᠭ ᠰᠥᠭᠥᠳᠥᠨ ᠳᠠᠭᠠᠳᠬᠠᠬᠤ ᠳᠠᠭᠠᠨ᠂ 16 ᠲᠡᠷᠡ ᠠᠯᠳᠠᠷ ᠰᠤᠤ ᠶᠢᠨ ᠪᠠᠶᠠᠯᠢᠭ ᠠᠴᠠ ᠪᠠᠨ ᠬᠦᠴᠦ ᠴᠢᠳᠠᠯ ᠢ ᠲᠠ ᠨᠠᠷ ᠲᠤ ᠰᠣᠶᠣᠷᠬᠠᠵᠤ ᠳᠣᠲᠣᠭᠣᠳᠤ ᠬᠥᠮᠦᠨ ᠢ ᠴᠢᠨᠢ ᠠᠷᠢᠭᠤᠨ ᠰᠦᠨᠡᠰᠦ ᠪᠡᠷ ᠪᠡᠬᠢᠵᠢᠭᠦᠯᠬᠦ ᠪᠣᠯᠲᠤᠭᠠᠢ᠂ 17 ᠲᠠ ᠨᠠᠷ ᠤᠨ ᠢᠲᠡᠭᠡᠭᠰᠡᠨ ᠢᠶᠡᠷ ᠾᠷᠢᠰᠲ᠋ᠣᠰ ᠰᠡᠳᠬᠢᠯ ᠳᠤ ᠴᠢᠨᠢ ᠣᠷᠣᠰᠢᠬᠤ ᠪᠣᠯᠲᠤᠭᠠᠢ᠂ ᠲᠠ ᠨᠠᠷ ᠬᠠᠢᠷᠠ ᠶᠢᠨ ᠳᠣᠲᠣᠷᠠ ᠦᠨᠳᠦᠰᠦᠯᠡᠨ ᠰᠠᠭᠤᠷᠢᠯᠠᠵᠤ᠂ 18 ᠬᠡᠴᠢᠨᠡᠨ ᠥᠷᠭᠡᠨ᠂ ᠤᠷᠲᠤ᠂ ᠥᠨᠳᠥᠷ᠂ ᠭᠦᠨ ᠪᠣᠯᠬᠤ ᠶᠢ ᠠᠷᠢᠭᠤᠨ ᠬᠥᠮᠦᠰ ᠦᠨ ᠬᠠᠮᠲᠤ ᠤᠬᠠᠭᠠᠷᠠᠵᠤ ᠴᠢᠳᠠᠬᠤ ᠪᠣᠯᠲᠤᠭᠠᠢ᠂ 19 ᠮᠡᠳᠡᠯᠭᠡ ᠤᠬᠠᠭᠠᠨ ᠠᠴᠠ ᠳᠠᠪᠠᠭᠰᠠᠨ ᠾᠷᠢᠰᠲ᠋ᠣᠰ ᠤᠨ ᠬᠠᠢᠷᠠ ᠶᠢ ᠲᠠ ᠨᠠᠷ ᠮᠡᠳᠡᠭᠡᠳ ᠪᠤᠷᠬᠠᠨ ᠤ ᠪᠦᠬᠦ ᠬᠠᠩ᠋ᠭᠠᠯᠲᠠ ᠪᠠᠷ ᠬᠠᠩ᠋ᠬᠤ ᠪᠣᠯᠲᠤᠭᠠᠢ ᠭᠡᠵᠦ ᠭᠤᠶᠤᠳᠠᠭ᠃
20 ᠪᠢᠳᠡᠨ ᠦ ᠳᠣᠲᠣᠷᠠ ᠠᠵᠢᠯᠯᠠᠳᠠᠭ ᠴᠢᠳᠠᠯ ᠢᠶᠠᠷ ᠢᠶᠠᠨ ᠪᠢᠳᠡᠨ ᠦ ᠭᠤᠶᠤᠳᠠᠭ ᠪᠤᠶᠤ ᠪᠣᠳᠣᠳᠠᠭ ᠠᠴᠠ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠢᠯᠡᠭᠦᠦ ᠪᠡᠷ ᠪᠦᠬᠦᠨ ᠢ ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠭᠴᠢ ᠨᠢᠭᠡᠨ ᠳᠦ ᠠᠯᠳᠠᠷ ᠰᠤᠤ ᠨᠢ 21 ᠴᠢᠭᠤᠯᠭᠠᠨ ᠤ ᠳᠣᠲᠣᠷᠠ᠂ ᠮᠥᠨ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠦᠶᠡ ᠶᠢᠨ ᠦᠶᠡ ᠳᠦ᠂ ᠥᠨᠢ ᠮᠥᠩᠬᠡ ᠪᠠᠢᠬᠤ ᠪᠣᠯᠲᠤᠭᠠᠢ᠃ ᠠᠮᠧᠨ︕