ᠠᠮᠣᠰ ᠭᠤᠷᠪᠠ
1 ᠢᠰᠷᠧᠯᠴᠦᠳ ᠡ᠂ ᠪᠦᠬᠦ ᠭᠡᠷ ᠦᠨ ᠬᠢᠨ ᠢ ᠴᠢᠨᠢ ᠶᠧᠵᠢᠫᠲ ᠡᠴᠡ ᠠᠪᠴᠢᠷᠠᠭᠰᠠᠨ ᠶᠣᠬᠣᠸᠠ ᠶᠢᠨ ᠲᠠ ᠨᠠᠷ ᠤᠨ ᠡᠰᠡᠷᠭᠦ ᠠᠢᠯᠠᠳᠬᠤ ᠡᠨᠡ ᠦᠭᠡ ᠶᠢ ᠰᠣᠨᠣᠰᠴᠠᠭᠠ᠄
2 ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠶᠠᠰᠤᠲᠠᠨ ᠤ ᠳᠤᠮᠳᠠ ᠠᠴᠠ ᠪᠢ ᠵᠥᠪᠬᠡᠨ ᠲᠠ ᠨᠠᠷ ᠢ ᠳᠣᠲᠣᠨᠣᠴᠢᠯᠠᠭᠰᠠᠨ ᠲᠡᠢᠮᠦ ᠡᠴᠡ ᠨᠢᠭᠦᠯ ᠦᠨ ᠴᠢᠨᠢ ᠤᠯᠠᠮ ᠢᠶᠠᠷ ᠪᠢ ᠲᠠ ᠨᠠᠷ ᠢ ᠰᠢᠳᠬᠡᠨᠡ᠂
ᠡᠰᠢ ᠦᠵᠡᠭᠦᠯᠦᠭᠴᠢ ᠶᠢᠨ ᠠᠵᠢᠯ
3 ᠠᠭᠤᠯᠵᠠᠭᠠ ᠦᠭᠡᠢ ᠪᠠᠷ ᠬᠣᠶᠠᠷ ᠬᠥᠮᠦᠨ ᠬᠠᠮᠲᠤ ᠠᠯᠬᠤᠬᠤ ᠤᠤ︖
4 ᠣᠯᠵᠠ ᠦᠭᠡᠢ ᠪᠠᠷ ᠠᠷᠰᠯᠠᠨ ᠣᠢ ᠳᠤ ᠠᠷᠬᠢᠷᠠᠬᠤ ᠤᠤ︖ ᠶᠠᠭᠤ ᠴᠤ ᠪᠠᠷᠢᠭᠠ ᠦᠭᠡᠢ ᠪᠠᠷ ᠵᠠᠯᠠᠭᠤ ᠠᠷᠰᠯᠠᠨ ᠡᠭᠦᠷ ᠲᠡᠭᠡᠨ ᠬᠦᠷᠬᠢᠷᠡᠬᠦ ᠤᠤ︖
5 ᠥᠭᠡᠰᠢ ᠲᠠᠯᠪᠢᠭᠠ ᠦᠭᠡᠢ ᠠᠲᠠᠯᠠ ᠰᠢᠪᠠᠭᠤ ᠤᠷᠠᠬᠠᠨ ᠳᠤ ᠣᠷᠣᠬᠤ ᠤᠤ︖ ᠶᠠᠭᠤ ᠴᠤ ᠪᠠᠷᠢᠭᠠ ᠦᠭᠡᠢ ᠠᠲᠠᠯᠠ ᠤᠷᠠᠬᠠ ᠭᠠᠵᠠᠷ ᠠᠴᠠ ᠦᠰᠦᠷᠬᠦ ᠤᠤ︖
6 ᠬᠣᠲᠠ ᠳᠤ ᠪᠦᠷᠢᠶᠡ ᠦᠯᠢᠶᠡᠪᠡᠯ᠂ ᠠᠷᠠᠳ ᠲᠦᠮᠡᠨ ᠴᠡᠴᠡᠷᠡᠬᠦ ᠪᠢᠰᠢ ᠤᠤ︖ ᠬᠣᠲᠠ ᠳᠤ ᠭᠠᠮᠰᠢᠭ ᠲᠣᠬᠢᠶᠠᠯᠳᠤᠪᠠᠯ ᠶᠣᠬᠣᠸᠠ ᠤᠴᠠᠷᠠᠭᠤᠯᠤᠭᠰᠠᠨ ᠪᠢᠰᠢ ᠤᠤ︖
7 ᠨᠢᠭᠤᠴᠠ ᠪᠠᠨ ᠵᠠᠷᠤᠴᠠ ᠪᠣᠯᠣᠨ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠲᠡᠭᠡᠨ ᠢᠯᠡᠷᠬᠡᠶᠢᠯᠡᠬᠦ ᠡᠴᠡ ᠨᠠᠰᠢ ᠡᠵᠡᠨ ᠶᠣᠬᠣᠸᠠ ᠶᠠᠭᠤ ᠶᠢ ᠴᠤ ᠬᠢᠬᠦ ᠦᠭᠡᠢ︕
8 ᠠᠷᠰᠯᠠᠨ ᠠᠷᠬᠢᠷᠠᠬᠤ ᠳᠤ ᠦᠯᠦ ᠡᠮᠢᠶᠡᠬᠦ ᠬᠥᠮᠦᠨ ᠪᠠᠢᠨᠠ ᠤᠤ︖ ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠬᠤ ᠳᠤ ᠬᠡᠨ ᠡᠰᠢ ᠦᠵᠡᠭᠦᠯᠬᠦ ᠦᠭᠡᠢ ᠪᠠᠢᠵᠤ ᠴᠢᠳᠠᠬᠤ ᠪᠤᠢ︖
ᠰᠠᠮᠠᠷᠢᠶᠠ ᠶᠢᠨ ᠬᠦᠯᠢᠶᠡᠬᠦ ᠰᠢᠳᠬᠡᠯ
9 ᠠᠱᠠᠳᠣᠳ᠋ ᠤᠨ ᠣᠷᠳᠣᠨ ᠨᠤᠭᠤᠳ ᠪᠣᠯᠣᠨ ᠶᠧᠵᠢᠫᠲ ᠤᠨ ᠣᠷᠳᠣᠨ ᠨᠤᠭᠤᠳ ᠲᠤ ᠵᠠᠷᠯᠠ᠄ ᠰᠠᠮᠠᠷᠢᠶᠠ ᠶᠢᠨ ᠠᠭᠤᠯᠠᠰ ᠳᠡᠭᠡᠷᠡ ᠴᠤᠭᠯᠠᠷᠠᠵᠠᠭᠠ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠶᠡᠬᠡ ᠦᠢᠮᠡᠭᠡᠨ ᠢ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠳᠠᠷᠤᠯᠠᠯ ᠢ ᠦᠵᠡ
10 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ ᠲᠡᠳᠡ ᠣᠷᠳᠣᠨ ᠳᠠᠭᠠᠨ ᠲᠣᠨᠣᠵᠤ ᠮᠥᠯᠵᠢᠭᠰᠡᠨ ᠢᠶᠡᠨ ᠨᠥᠭᠡᠴᠡᠯᠡᠵᠦ ᠰᠢᠳᠤᠷᠭᠤ ᠶᠢ ᠦᠢᠯᠡᠳᠬᠦ ᠶᠢ ᠮᠡᠳᠡᠳᠡᠭ ᠦᠭᠡᠢ᠃
11 ᠡᠢᠮᠦ ᠡᠴᠡ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠳᠠᠢᠰᠤᠨ ᠨᠤᠲᠤᠭ ᠢ ᠴᠢᠨᠢ ᠪᠦᠰᠡᠯᠡᠵᠦ ᠬᠦᠴᠦ ᠶᠢ ᠴᠢᠨᠢ ᠮᠣᠬᠣᠭᠠᠵᠤ ᠣᠷᠳᠣᠨ ᠨᠤᠭᠤᠳ ᠢ ᠴᠢᠨᠢ ᠲᠣᠨᠣᠬᠤ ᠪᠣᠯᠣᠨᠠ᠃
12 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠬᠣᠨᠢᠴᠢᠨ ᠠᠷᠰᠯᠠᠨ ᠤ ᠠᠮᠠᠨ ᠠᠴᠠ ᠬᠣᠨᠢᠨ ᠤ ᠬᠣᠶᠠᠷ ᠰᠢᠭᠢᠷᠠ᠂ ᠴᠢᠬᠢᠨ ᠤ ᠲᠠᠰᠤᠷᠬᠠᠢ ᠶᠢ ᠯᠠ ᠠᠪᠳᠠᠭ ᠰᠢᠭ᠋ ᠰᠠᠮᠠᠷᠢᠶᠠ ᠳᠤ ᠰᠠᠭᠤᠳᠠᠭ ᠢᠰᠷᠧᠯᠴᠦᠳ ᠴᠤ ᠣᠷᠣ ᠶᠢᠨ ᠪᠤᠯᠤᠩ᠂ ᠳᠡᠪᠢᠰᠬᠡᠷ ᠦᠨ ᠲᠠᠰᠤᠷᠬᠠᠢ ᠲᠠᠢ ᠯᠠ ᠠᠪᠤᠷᠠᠭᠳᠠᠬᠤ ᠪᠣᠯᠣᠨᠠ᠃
13 ᠡᠵᠡᠨ ᠶᠣᠬᠣᠸᠠ᠂ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠰᠣᠨᠣᠰᠴᠤ᠂ ᠶᠠᠺᠣᠪ ᠤᠨ ᠭᠡᠷ ᠲᠦ ᠰᠠᠨᠠᠭᠤᠯ》
14 ᠪᠢ ᠢᠰᠷᠧᠯ ᠢ ᠨᠢᠭᠦᠯ ᠦᠨ ᠬᠢᠨᠢ ᠤᠯᠠᠮ ᠢᠶᠠᠷ ᠰᠢᠳᠬᠡᠬᠦ ᠡᠳᠦᠷ ᠲᠦ ᠪᠧᠲ᠋ᠧᠯ ᠤᠨ ᠲᠠᠬᠢᠯ ᠤᠨ ᠰᠢᠷᠡᠭᠡ ᠨᠦᠭᠦᠳ ᠢ ᠤᠰᠠᠳᠬᠠᠨᠠ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠦ ᠡᠪᠡᠷ ᠤᠳ ᠴᠠᠪᠴᠢᠭᠳᠠᠵᠤ ᠭᠠᠵᠠᠷ ᠲᠤ ᠤᠨᠠᠬᠤ ᠳᠤ
15 ᠪᠢ ᠡᠪᠦᠯᠵᠢᠶᠠ ᠶᠢ ᠨᠢ ᠵᠤᠰᠠᠯᠠᠩ ᠲᠠᠢ ᠨᠢ ᠬᠠᠮᠲᠤ ᠴᠣᠬᠢᠨᠠ ᠵᠠᠭᠠᠨ ᠤ ᠰᠣᠶᠣᠭᠠᠨ ᠪᠠᠢᠰᠢᠩ ᠤᠳ ᠰᠥᠨᠥᠵᠦ ᠲᠣᠮᠣ ᠪᠠᠢᠰᠢᠩ ᠤᠳ ᠨᠤᠷᠠᠨᠠ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃