ᠠᠮᠣᠰ ᠳᠣᠯᠣᠭᠠ
ᠡᠰᠢ ᠦᠵᠡᠭᠦᠯᠦᠯᠭᠡ ᠬᠢᠭᠡᠳ ᠭᠤᠶᠤᠯᠲᠠ
1 ᠡᠵᠡᠨ ᠶᠣᠬᠣᠸᠠ ᠨᠠᠳᠠ ᠳᠤ ᠳᠠᠷᠠᠭᠠᠬᠢ ᠵᠦᠢᠯᠡᠰ ᠢ ᠦᠵᠡᠭᠦᠯᠪᠡ᠄ ᠬᠠᠷᠠ᠂ ᠬᠠᠭᠠᠨ ᠡᠪᠡᠰᠦ ᠶᠢ ᠬᠠᠳᠤᠭᠰᠠᠨ ᠪᠠ ᠡᠪᠡᠰᠦ ᠳᠥᠩᠭᠡᠵᠢ ᠰᠣᠶᠣᠭᠠᠯᠠᠵᠤ ᠪᠠᠢᠬᠤ ᠳᠤ᠂ ᠶᠣᠬᠣᠸᠠ ᠴᠠᠷᠴᠠᠬᠠᠢ ᠶᠢᠨ ᠰᠦᠷᠦᠭ ᠢ ᠪᠦᠷᠢᠯᠳᠦᠭᠦᠯᠵᠦ ᠪᠠᠢᠯᠠ᠃ 2 ᠴᠠᠷᠴᠠᠬᠠᠢ ᠨᠤᠭᠤᠳ ᠭᠠᠵᠠᠷ ᠤᠨ ᠡᠪᠡᠰᠦ ᠶᠢ ᠢᠳᠡᠵᠦ ᠳᠠᠭᠤᠰᠬᠤ ᠳᠤ᠂ ᠪᠢ᠄ 《ᠡᠵᠡᠨ ᠶᠣᠬᠣᠸᠠ ᠡ᠂ ᠥᠷᠥᠰᠢᠶᠡᠭᠡᠴᠢ︕ ᠶᠠᠺᠣᠪ ᠥᠴᠦᠬᠡᠨ᠂ ᠲᠡᠷᠡ ᠬᠡᠷᠬᠢᠨ ᠳᠠᠭᠠᠭᠠᠵᠤ ᠴᠢᠳᠠᠬᠤ ᠪᠢᠯᠡ︖》 ᠭᠡᠰᠡᠨ ᠳᠦ᠂ 3 ᠶᠣᠬᠣᠸᠠ ᠵᠥᠭᠡᠯᠡᠷᠡᠵᠦ᠄ 《ᠡᠨᠡ ᠵᠦᠢᠯ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ》 ᠭᠡᠪᠡ᠃
4 ᠡᠵᠡᠨ ᠶᠣᠬᠣᠸᠠ ᠨᠠᠳᠠ ᠳᠤ ᠳᠠᠷᠠᠭᠠᠬᠢ ᠵᠦᠢᠯᠡᠰ ᠢ ᠦᠵᠡᠭᠦᠯᠪᠡ᠄ ᠬᠠᠷᠠ᠂ ᠡᠵᠡᠨ ᠶᠣᠬᠣᠸᠠ ᠰᠢᠭᠦᠯᠲᠡ ᠳᠡᠭᠡᠷᠡ ᠭᠠᠯ ᠢ ᠳᠠᠭᠤᠳᠠᠵᠤ ᠪᠠᠢᠪᠠ᠃ ᠲᠡᠷᠡ ᠭᠠᠯ ᠭᠦᠨ ᠬᠥᠪ ᠢ ᠵᠠᠯᠭᠢᠭᠠᠳ᠂ ᠬᠠᠭᠤᠷᠠᠢ ᠭᠠᠵᠠᠷ ᠢ ᠴᠤ ᠵᠠᠯᠭᠢᠵᠤ ᠪᠠᠢᠬᠤ ᠳᠤ᠂ 5 ᠪᠢ᠄ 《ᠡᠵᠡᠨ ᠶᠣᠬᠣᠸᠠ ᠡ᠂ ᠥᠷᠥᠰᠢᠶᠡᠭᠡᠴᠢ︕ ᠶᠠᠺᠣᠪ ᠵᠢᠭᠠᠬᠠᠨ᠂ ᠲᠡᠷᠡ ᠬᠡᠷᠬᠢᠨ ᠵᠣᠭᠰᠣᠵᠤ ᠴᠢᠳᠠᠬᠤ ᠪᠢᠯᠡ︖》 ᠭᠡᠰᠡᠨ ᠳᠦ᠂ 6 ᠶᠣᠬᠣᠸᠠ ᠵᠥᠭᠡᠯᠡᠷᠡᠵᠦ᠄ 《ᠡᠨᠡ ᠵᠦᠢᠯ ᠴᠤ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ》 ᠭᠡᠪᠡ᠃
7 ᠲᠡᠷᠡ ᠨᠠᠳᠠ ᠳᠤ ᠳᠠᠷᠠᠭᠠᠬᠢ ᠵᠦᠢᠯᠡᠰ ᠢ ᠦᠵᠡᠭᠦᠯᠪᠡ᠄ ᠬᠠᠷᠠ᠂ ᠡᠵᠡᠨ ᠡᠭᠴᠡᠯᠡᠭᠦᠷ ᠢᠶᠡᠷ ᠪᠣᠰᠬᠠᠭᠰᠠᠨ ᠬᠡᠷᠡᠮ ᠳᠡᠭᠡᠷᠡ ᠡᠭᠴᠡᠯᠡᠭᠦᠷ ᠪᠠᠷᠢᠨ ᠵᠣᠭᠰᠣᠵᠤ ᠪᠠᠢᠯᠠ᠃ 8 ᠶᠣᠬᠣᠸᠠ ᠨᠠᠳᠠ ᠳᠤ᠄ 《ᠠᠮᠣᠰ ᠡ᠂ ᠴᠢ ᠶᠠᠭᠤ ᠬᠠᠷᠠᠵᠤ ᠪᠠᠢᠨᠠ︖》 ᠭᠡᠬᠦ ᠳᠦ᠂ ᠪᠢ᠄ 《ᠡᠭᠴᠡᠯᠡᠭᠦᠷ》 ᠭᠡᠰᠡᠨ ᠳᠦ᠂ ᠡᠵᠡᠨ᠄ 《ᠬᠠᠷᠠ᠂ ᠪᠢ ᠠᠷᠠᠳ ᠲᠦᠮᠡᠨ ᠢᠰᠷᠧᠯ ᠤᠨ ᠢᠶᠠᠨ ᠳᠤᠮᠳᠠ ᠡᠭᠴᠡᠯᠡᠭᠦᠷ ᠲᠠᠯᠪᠢᠬᠤ ᠭᠡᠵᠦ ᠪᠠᠢᠨᠠ ᠪᠢ ᠲᠡᠳᠡᠨ ᠢ ᠳᠠᠬᠢᠨ ᠬᠡᠯᠲᠦᠷᠢᠭᠦᠯᠬᠦ ᠦᠭᠡᠢ᠃
9 ᠢᠰᠠᠺ ᠤᠨ ᠮᠥᠷᠭᠥᠯ ᠦᠨ ᠥᠨᠳᠥᠷᠯᠢᠭ ᠤᠳ ᠬᠣᠭᠣᠰᠣᠷᠠᠵᠤ ᠢᠰᠷᠧᠯ ᠤᠨ ᠠᠷᠢᠭᠤᠨ ᠭᠠᠵᠠᠷ ᠤᠳ ᠰᠦᠢᠷᠡᠨᠡ ᠶᠧᠷᠣᠪᠣᠶᠠᠮ ᠤᠨ ᠭᠡᠷ ᠦᠨ ᠡᠰᠡᠷᠭᠦ ᠪᠢ ᠢᠯᠳᠦ ᠪᠠᠷᠢᠨ ᠪᠣᠰᠬᠤ ᠪᠣᠯᠣᠨᠠ》 ᠭᠡᠪᠡ᠃
ᠲᠤᠱᠠ ᠪᠣᠯᠣᠭᠴᠢ
10 ᠪᠧᠲ᠋ᠧᠯ ᠤᠨ ᠲᠠᠬᠢᠯᠴᠢ ᠠᠮᠠᠽᠢᠶᠠ ᠢᠰᠷᠧᠯ ᠤᠨ ᠬᠠᠭᠠᠨ ᠶᠧᠷᠣᠪᠣᠶᠠᠮ ᠳᠤ ᠦᠭᠡ ᠢᠯᠡᠭᠡᠨ᠄ 《ᠢᠰᠷᠧᠯ ᠤᠨ ᠭᠡᠷ ᠦᠨ ᠲᠥᠪ ᠲᠤ ᠠᠮᠣᠰ ᠲᠠᠨ ᠤ ᠡᠰᠡᠷᠭᠦ ᠬᠤᠤᠪᠢᠯᠳᠤᠵᠤ ᠪᠠᠢᠨᠠ᠃ ᠲᠡᠭᠦᠨ ᠦ ᠦᠭᠡ ᠪᠦᠷᠢ ᠶᠢ ᠡᠨᠡ ᠨᠤᠲᠤᠭ ᠤᠨ ᠬᠢᠨ ᠳᠠᠭᠠᠭᠠᠵᠤ ᠶᠠᠳᠠᠨᠠ᠃ 11 ᠠᠮᠣᠰ᠄ 〈ᠶᠧᠷᠣᠪᠣᠶᠠᠮ ᠢᠯᠳᠦᠨ ᠳᠦ ᠠᠯᠠᠭᠳᠠᠨᠠ᠂ ᠢᠰᠷᠧᠯ ᠭᠠᠷᠴᠠᠭᠠ ᠦᠭᠡᠢ ᠨᠤᠲᠤᠭ ᠠᠴᠠ ᠪᠠᠨ ᠴᠥᠯᠡᠭᠳᠡᠨᠡ〉 ᠭᠡᠵᠦ ᠪᠠᠢᠨᠠ》 ᠭᠡᠰᠡᠨ ᠪᠠᠢᠪᠠ᠃ 12 ᠠᠮᠠᠽᠢᠶᠠ ᠠᠮᠣᠰ ᠲᠤ᠄ 《ᠦᠵᠡᠮᠦᠷᠢᠴᠢ ᠡ᠂ ᠲᠣᠨᠢᠯ᠂ ᠶᠦᠳᠠ ᠶᠢᠨ ᠨᠤᠲᠤᠭ ᠤᠷᠤᠭᠤ ᠪᠠᠨ ᠶᠠᠪᠤ᠂ ᠲᠡᠨᠳᠡ ᠪᠡᠨ ᠥᠯ ᠵᠠᠯᠭᠠᠨ᠂ ᠲᠡᠨᠳᠡ ᠪᠡᠨ ᠯᠠ ᠡᠰᠢ ᠦᠵᠡᠭᠦᠯ︕ 13 ᠬᠠᠷᠢᠨ ᠪᠧᠲ᠋ᠧᠯ ᠳᠤ ᠪᠦᠦ ᠡᠰᠢ ᠦᠵᠡᠭᠦᠯ᠃ ᠬᠠᠭᠠᠨ ᠤ ᠠᠷᠢᠭᠤᠨ ᠭᠠᠵᠠᠷ᠂ ᠬᠠᠭᠠᠨᠴᠢᠯᠠᠯ ᠤᠨ ᠥᠷᠭᠥᠭᠡ ᠡ᠊ᠨᠳᠡ ᠪᠤᠢ》 ᠭᠡᠯᠡ᠃ 14 ᠠᠮᠣᠰ ᠠᠮᠠᠽᠢᠶᠠ ᠳᠤ ᠬᠠᠷᠢᠭᠤᠯᠤᠨ᠄ 《ᠪᠢ ᠡᠰᠢ ᠦᠵᠡᠭᠦᠯᠦᠭᠴᠢ ᠪᠢᠰᠢ᠂ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠢᠨ ᠬᠥᠪᠡᠭᠦᠨ ᠴᠤ ᠪᠢᠰᠢ᠂ ᠮᠠᠯᠴᠢᠨ᠂ ᠢᠨᠵᠢᠷ ᠤᠨ ᠮᠣᠳᠣ ᠠᠷᠠᠴᠢᠯᠠᠭᠴᠢ ᠪᠠᠢᠭᠰᠠᠨ᠃ 15 ᠬᠠᠷᠢᠨ ᠶᠣᠬᠣᠸᠠ ᠨᠠᠮᠠᠶᠢ ᠰᠦᠷᠦᠭ ᠦᠨ ᠠᠷᠤ ᠠᠴᠠ ᠠᠪᠴᠤ᠄ 〈ᠮᠢᠨᠦ ᠠᠷᠠᠳ ᠲᠦᠮᠡᠨ ᠢᠰᠷᠧᠯ ᠳᠤ ᠣᠴᠢᠵᠤ ᠡᠰᠢ ᠦᠵᠡᠭᠦᠯ〉 ᠭᠡᠰᠡᠨ ᠶᠤᠮ᠃ 16 ᠣᠳᠣ ᠴᠢ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠰᠣᠨᠣᠰ᠄ ᠴᠢ 〈ᠢᠰᠷᠧᠯ ᠤᠨ ᠡᠰᠡᠷᠭᠦ ᠪᠦᠦ ᠡᠰᠢ ᠦᠵᠡᠭᠦᠯ᠂ ᠢᠰᠠᠺ ᠤᠨ ᠭᠡᠷ ᠦᠨ ᠡᠰᠡᠷᠭᠦ ᠨᠣᠮᠯᠠᠬᠤ ᠪᠠᠨ ᠪᠣᠯᠢ〉 ᠭᠡᠵᠦ ᠪᠠᠢᠨᠠ᠃ 17 ᠲᠡᠢᠮᠦ ᠡᠴᠡ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠡᠬᠡᠨᠡᠷ ᠴᠢᠨᠢ ᠬᠣᠲᠠ ᠳᠤ ᠶᠠᠩ᠋ᠬᠠᠨ ᠪᠣᠯᠵᠤ᠂ ᠬᠥᠪᠡᠭᠦᠳ ᠥᠬᠢᠳ ᠴᠢᠨᠢ ᠢᠯᠳᠦᠨ ᠳᠦ ᠤᠨᠠᠵᠤ᠂ ᠭᠠᠵᠠᠷ ᠴᠢᠨᠢ ᠬᠡᠮᠵᠢᠭᠦᠷ ᠢᠶᠡᠷ ᠬᠤᠪᠢᠶᠠᠭᠳᠠᠵᠤ᠂ ᠴᠢ ᠥᠪᠡᠷ ᠢᠶᠡᠨ ᠪᠤᠵᠠᠷ ᠭᠠᠵᠠᠷ ᠲᠤ ᠦᠬᠦᠬᠦ ᠪᠥᠭᠡᠳ ᠢᠰᠷᠧᠯ ᠭᠠᠷᠴᠠᠭᠠ ᠦᠭᠡᠢ ᠨᠤᠲᠤᠭ ᠠᠴᠠ ᠪᠠᠨ ᠴᠥᠯᠡᠭᠳᠡᠬᠦ ᠪᠣᠯᠣᠨᠠ〉》 ᠭᠡᠪᠡ᠃