ᠠᠮᠣᠰ ᠵᠢᠷᠭᠤᠭᠠ
ᠠᠮᠤᠷᠯᠢᠩ᠋ᠭᠤᠢ ᠰᠠᠭᠤᠭᠴᠢᠳ ᠵᠣᠯ ᠦᠭᠡᠢ
1 ᠭᠠᠰᠠᠯᠠᠩᠲᠠᠶᠠ᠂ ᠽᠢᠶᠣᠨ ᠳᠤ ᠠᠮᠤᠷᠯᠢᠩ᠋ᠭᠤᠢ ᠪᠠᠢᠭᠰᠠᠳ᠂ ᠰᠠᠮᠠᠷᠢᠶᠠ ᠶᠢᠨ ᠠᠭᠤᠯᠠᠨ ᠳᠤ ᠠᠶᠤᠯ ᠦᠭᠡᠢ ᠭᠡᠭᠴᠢᠳ ᠡ᠂ ᠲᠦᠷᠦᠭᠦᠦ ᠦᠨᠳᠦᠰᠦᠲᠡᠨ ᠦ ᠠᠯᠳᠠᠷᠲᠠᠳ᠂ ᠢᠰᠷᠧᠯ ᠤᠨ ᠭᠡᠷ ᠦᠨ ᠬᠢᠨ ᠢ ᠳᠠᠭᠠᠭᠤᠯᠤᠭᠴᠢᠳ ᠡ᠂
2 ᠲᠠ ᠨᠠᠷ ᠺᠠᠯᠨᠧ ᠤᠷᠤᠭᠤ ᠣᠴᠢᠵᠤ ᠦᠵᠡ ᠲᠡᠨᠳᠡ ᠡᠴᠡ ᠶᠡᠬᠡ ᠬᠠᠮᠠᠲ ᠤᠷᠤᠭᠤ ᠣᠴᠢᠵᠤ᠂ ᠳᠠᠷᠠᠭᠠ ᠨᠢ ᠹᠢᠯᠢᠰᠲ ᠤᠨ ᠭᠠᠲ ᠤᠷᠤᠭᠤ ᠣᠴᠢ ᠲᠡᠳᠡ ᠲᠠᠨ ᠤ ᠬᠣᠶᠠᠷ ᠬᠠᠭᠠᠨᠴᠢᠯᠠᠯ ᠠᠴᠠ ᠠᠭᠤᠤ ᠤᠤ︖ ᠨᠤᠲᠤᠭ ᠳᠡᠪᠢᠰᠬᠡᠷ ᠨᠢ ᠲᠠᠨ ᠤ ᠬᠢ ᠡᠴᠡ ᠲᠣᠮᠣ ᠤᠤ︖
3 ᠲᠠ ᠨᠠᠷ ᠭᠠᠮᠰᠢᠭ ᠤᠨ ᠡᠳᠦᠷ ᠢ ᠬᠣᠯᠠᠳᠠᠭᠤᠯᠬᠤ ᠭᠡᠨᠡ ᠤᠤ︖ ᠲᠠ ᠨᠠᠷ ᠬᠦᠴᠦᠷᠬᠡᠭᠯᠡᠭᠴᠢᠳ ᠤᠨ ᠨᠣᠶᠠᠷᠬᠠᠯ ᠢ ᠣᠢᠷᠠᠲᠤᠭᠤᠯᠵᠤ ᠪᠠᠢᠨᠠ᠃
4 ᠲᠠ ᠨᠠᠷ ᠵᠠᠭᠠᠨ ᠤ ᠰᠣᠶᠣᠭᠠᠨ ᠣᠷᠣ ᠳᠡᠭᠡᠷᠡ ᠪᠡᠨ ᠬᠠᠵᠠᠭᠤᠯᠠᠵᠤ ᠢᠰᠡᠷᠢ ᠳᠡᠭᠡᠷᠡ ᠪᠡᠨ ᠰᠤᠨᠢᠶᠠᠳᠠᠭ ᠲᠠ ᠨᠠᠷ ᠰᠦᠷᠦᠭ ᠡᠴᠡ ᠬᠤᠷᠠᠭᠠ᠂ ᠬᠠᠰᠢᠶᠠᠨ ᠠᠴᠠ ᠲᠤᠭᠤᠯ ᠠᠪᠴᠤ ᠢᠳᠡᠳᠡᠭ᠃
5 ᠲᠠ ᠨᠠᠷ ᠬᠤᠭᠤᠷ ᠤᠨ ᠡᠭᠡᠰᠢᠭ ᠲᠤ ᠲᠠᠭᠠᠷᠠᠭᠤᠯᠤᠨ ᠭᠢᠩᠰᠢᠵᠦ ᠳ᠋ᠠᠸᠢᠳ᠋ ᠰᠢᠭ᠋ ᠬᠥᠭᠵᠢᠮ ᠳᠡᠭᠡᠷᠡ ᠳᠠᠭᠤᠤ ᠵᠣᠬᠢᠶᠠᠳᠠᠭ᠃
6 ᠳᠠᠷᠠᠰᠤ ᠶᠢ ᠠᠶᠠᠭᠠ ᠠᠶᠠᠭᠠ ᠪᠠᠷ ᠤᠤᠭᠤᠵᠤ᠂ ᠬᠠᠮᠤᠭ ᠤᠨ ᠰᠠᠢᠨ ᠲᠣᠰᠣ ᠪᠠᠷ ᠲᠣᠰᠣᠯᠠᠳᠠᠭ ᠶᠣᠰᠧᠹ ᠲᠤ ᠢᠷᠡᠬᠦ ᠰᠦᠢᠷᠡᠯ ᠦᠨ ᠲᠥᠯᠥᠭᠡ ᠰᠠᠨᠠᠭᠠ ᠵᠣᠪᠠᠳᠠᠭ ᠦᠭᠡᠢ᠃
7 ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠴᠥᠯᠡᠭᠳᠡᠭᠰᠡᠳ ᠦᠨ ᠲᠡᠷᠢᠭᠦᠨ ᠳᠦᠨᠢ ᠴᠥᠯᠡᠭᠳᠡᠬᠦ ᠪᠣᠯᠣᠨᠠ ᠲᠡᠢᠨ ᠬᠦ ᠰᠤᠨᠢᠶᠠᠭᠴᠢᠳ ᠤᠨ ᠨᠠᠷᠭᠢᠶᠠᠨ ᠠᠷᠢᠯᠬᠤ ᠪᠣᠯᠣᠨᠠ᠃
8 ᠡᠵᠡᠨ ᠶᠣᠬᠣᠸᠠ ᠥᠪᠡᠷ ᠢᠶᠡᠷ ᠢᠶᠠᠨ ᠲᠠᠩ᠋ᠭᠠᠷᠢᠭᠯᠠᠪᠠ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠲᠤᠩ᠋ᠬᠠᠭᠯᠠᠪᠠ᠄ ᠪᠢ ᠶᠠᠺᠣᠪ ᠤᠨ ᠶᠡᠬᠡ ᠵᠠᠩ ᠳᠤ ᠳᠤᠷᠠ ᠦᠭᠡᠶᠢᠴᠡᠵᠦ᠂ ᠣᠷᠳᠣᠨ ᠨᠤᠭᠤᠳ ᠢ ᠨᠢ ᠵᠢᠭ᠍ᠰᠢᠵᠦ ᠪᠠᠢᠨᠠ ᠪᠢ ᠡᠨᠡ ᠬᠣᠲᠠ ᠶᠢ ᠳᠣᠲᠣᠷᠠᠬᠢ ᠪᠦᠬᠦᠨ ᠲᠡᠢ ᠨᠢ ᠬᠠᠮᠲᠤ ᠳᠠᠢᠰᠤᠨ ᠳᠤᠨᠢ ᠲᠤᠰᠢᠶᠠᠨᠠ᠃
9 ᠨᠢᠭᠡ ᠭᠡᠷ ᠲᠦ ᠠᠷᠪᠠᠨ ᠬᠥᠮᠦᠨ ᠦᠯᠡᠳᠡᠭᠰᠡᠨ ᠴᠤ ᠲᠡᠳᠡ ᠪᠦᠭᠦᠳᠡ ᠦᠬᠦᠬᠦ ᠪᠣᠯᠣᠨᠠ᠃ 10 ᠦᠬᠦᠭᠰᠡᠳ ᠦᠨ ᠬᠠᠮᠢᠶᠠᠲᠠᠨ ᠬᠡᠭᠦᠷ ᠤᠳ ᠢ ᠰᠢᠲᠠᠭᠠᠬᠤ ᠪᠠᠷ ᠶᠠᠰᠤ ᠶᠢ ᠨᠢ ᠭᠡᠷ ᠡᠴᠡ ᠭᠠᠷᠭᠠᠵᠤ᠂ ᠳᠣᠲᠣᠷᠠ ᠪᠤᠢ ᠬᠥᠮᠦᠨ ᠳᠦ᠄ 《ᠴᠢᠮᠠ ᠲᠠᠢ ᠬᠠᠮᠲᠤ ᠥᠭᠡᠷᠡ ᠬᠥᠮᠦᠨ ᠪᠠᠢᠨᠠ ᠤᠤ︖》 ᠭᠡᠬᠦ ᠪᠣᠯᠣᠨᠠ᠃ ᠥᠨᠥ ᠬᠥᠮᠦᠨ᠄ 《ᠬᠡᠨ ᠴᠤ ᠠᠯᠠᠭᠠ》 ᠭᠡᠪᠡᠯ᠂ ᠲᠡᠷᠡ ᠬᠥᠮᠦᠨ᠄ 《ᠳᠠᠭᠤ ᠦᠭᠡᠢ ᠪᠠᠢ᠂ ᠪᠢᠳᠡ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠳᠠᠭᠤᠳᠠᠵᠤ ᠪᠣᠯᠬᠤ ᠦᠭᠡᠢ》 ᠭᠡᠬᠦ ᠪᠣᠯᠣᠨᠠ᠃ 11 ᠬᠠᠷᠠ᠂ ᠶᠣᠬᠣᠸᠠ ᠲᠤᠰᠢᠶᠠᠭᠰᠠᠨ᠂ ᠲᠣᠮᠣ ᠪᠠᠢᠰᠢᠩ ᠪᠤᠲᠠᠯᠤᠭᠳᠠᠵᠤ᠂ ᠵᠢᠵᠢᠭ ᠪᠠᠢᠰᠢᠩ ᠪᠢᠴᠠᠷᠠᠨᠠ᠃
12 ᠮᠣᠷᠢ ᠬᠠᠳᠠᠨ ᠳᠡᠭᠡᠷᠡ ᠳᠠᠪᠬᠢᠳᠠᠭ ᠤᠤ︖ ᠬᠥᠮᠦᠨ ᠦᠬᠡᠷ ᠬᠥᠯᠯᠡᠵᠦ ᠬᠠᠳᠠ ᠬᠠᠭᠠᠯᠳᠠᠭ ᠤᠤ︖ ᠬᠠᠷᠢᠨ ᠲᠠ ᠨᠠᠷ ᠰᠢᠳᠤᠷᠭᠤ ᠶᠢ ᠬᠣᠣᠷ ᠵᠥᠪ ᠦᠨ ᠵᠢᠮᠢᠰ ᠢ ᠭᠠᠰᠢᠭᠤᠨ ᠪᠣᠯᠭᠠᠨ
13 ᠬᠣᠭᠣᠰᠣᠨ ᠵᠦᠢᠯᠡᠰ ᠢᠶᠡᠷ ᠪᠠᠶᠠᠷᠯᠠᠨ᠄ 《ᠥᠪᠡᠷᠰᠡᠳ ᠦᠨ ᠢᠶᠠᠨ ᠴᠢᠳᠠᠯ ᠢᠶᠠᠷ ᠪᠢᠳᠡ ᠬᠦᠴᠦᠷᠬᠡᠭ ᠪᠣᠯᠣᠭᠰᠠᠨ 1 》 ᠭᠡᠳᠡᠭ᠂
14 《ᠠᠩ᠋ᠬᠠᠷᠤᠭᠲᠤᠨ᠂ ᠢᠰᠷᠧᠯ ᠤᠨ ᠭᠡᠷ ᠡ ᠪᠢ ᠲᠠ ᠨᠠᠷ ᠤᠨ ᠡᠰᠡᠷᠭᠦ ᠨᠢᠭᠡ ᠦᠨᠳᠦᠰᠦᠲᠡᠨ ᠢ ᠪᠣᠰᠬᠠᠬᠤ ᠭᠡᠵᠦ ᠪᠠᠢᠨᠠ᠂》 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ 《ᠲᠡᠳᠡ ᠯᠧᠪᠣᠬᠠᠮᠠᠲ ᠠᠴᠠ ᠠᠷᠠᠪᠠ ᠶᠢᠨ ᠭᠣᠷᠣᠬᠠ ᠬᠦᠷᠲᠡᠯᠡᠬᠢ ᠪᠦᠬᠦ ᠭᠠᠵᠠᠷ ᠲᠤ ᠲᠠ ᠨᠠᠷ ᠢ ᠳᠠᠷᠤᠯᠠᠬᠤ ᠪᠣᠯᠣᠨᠠ᠃》