ᠠᠮᠣᠰ ᠲᠠᠪᠤ
ᠭᠡᠮᠰᠢᠯ ᠳᠤ ᠤᠷᠢᠶᠠᠯᠠᠪᠠ
1 ᠢᠰᠷᠧᠯ ᠤᠨ ᠭᠡᠷ ᠡ᠂ ᠲᠠ ᠨᠠᠷ ᠲᠤ ᠵᠣᠷᠢᠭᠤᠯᠵᠤ ᠪᠤᠢ ᠭᠠᠰᠢᠭᠤᠳᠠᠯ ᠤᠨ ᠦᠭᠡ ᠶᠢ ᠮᠢᠨᠢ ᠰᠣᠨᠣᠰ᠃
2 ᠣᠩ᠋ᠭᠣᠨ ᠢᠰᠷᠧᠯ ᠤᠨᠠᠵᠠᠢ᠂ ᠠᠬᠢᠵᠤ ᠪᠣᠰᠬᠤ ᠪᠠᠷ ᠦᠭᠡᠢ ᠪᠣᠯᠵᠠᠢ ᠥᠪᠡᠷ ᠦᠨ ᠢᠶᠠᠨ ᠨᠤᠲᠤᠭ ᠲᠤ ᠣᠷᠬᠢᠭᠳᠠᠭᠰᠠᠨ ᠴᠤ ᠡᠷᠭᠦᠵᠦ ᠪᠣᠰᠬᠠᠬᠤ ᠬᠥᠮᠦᠨ ᠠᠯᠠᠭᠠ᠃
3 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠢᠰᠷᠧᠯ ᠤᠨ ᠲᠥᠯᠥᠭᠡ ᠮᠢᠩ᠋ᠭᠠᠨ ᠴᠡᠷᠢᠭ ᠢ ᠢᠯᠡᠭᠡᠭᠰᠡᠨ ᠬᠣᠲᠠ ᠳᠤ ᠵᠠᠭᠤ ᠵᠠᠭᠤ ᠶᠢ ᠶᠠᠪᠤᠭᠤᠯᠤᠭᠰᠠᠨ ᠬᠣᠲᠠ ᠳᠤ ᠠᠷᠪᠠ ᠯᠠ ᠦᠯᠡᠳᠡᠨᠡ᠃
4 ᠶᠣᠬᠣᠸᠠ ᠢᠰᠷᠧᠯ ᠤᠨ ᠭᠡᠷ ᠲᠦ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠨᠠᠮᠠᠶᠢ ᠬᠠᠢ᠂ ᠲᠡᠭᠡᠪᠡᠯ ᠠᠮᠢᠳᠤᠷᠠᠨᠠ
5 ᠪᠧᠲ᠋ᠧᠯ ᠢ ᠪᠦᠦ ᠡᠷᠢ᠂ ᠭᠢᠯᠭᠠᠯ ᠳᠤ ᠪᠦᠦ ᠣᠷᠣ᠂ ᠪᠧᠷᠣᠲ ᠱᠧᠪᠠ ᠪᠠᠷ ᠪᠦᠦ ᠳᠠᠭᠠᠷᠢ ᠤᠴᠢᠷ ᠨᠢ ᠭᠢᠯᠭᠠᠯ ᠵᠠᠢᠯᠠᠰᠢ ᠦᠭᠡᠢ ᠴᠥᠯᠡᠭᠳᠡᠨᠡ᠂ ᠪᠧᠲ᠋ᠧᠯ ᠶᠠᠭᠤ ᠴᠤ ᠦᠭᠡᠢ ᠪᠣᠯᠣᠨᠠ᠃
6 ᠶᠣᠬᠣᠸᠠ ᠶᠢ ᠬᠠᠢ᠂ ᠲᠡᠭᠡᠪᠡᠯ ᠠᠮᠢᠳᠤᠷᠠᠨᠠ ᠡᠰᠡ ᠲᠡᠭᠡᠪᠡᠯ ᠲᠡᠷᠡ ᠪᠡᠷ ᠶᠣᠰᠧᠹ ᠤᠨ ᠭᠡᠷ ᠢ ᠭᠠᠯ ᠮᠡᠲᠦ ᠳᠠᠭᠠᠷᠢᠵᠤ᠂ ᠵᠠᠯᠭᠢᠨᠠ ᠪᠧᠲ᠋ᠧᠯ ᠳᠤ ᠲᠡᠭᠦᠨ ᠢ ᠤᠨᠲᠠᠷᠠᠭᠠᠬᠤ ᠨᠢᠭᠡᠨ ᠨᠢ ᠠᠯᠠᠭᠠ᠂
7 ᠰᠢᠳᠤᠷᠭᠤ ᠶᠢ ᠭᠠᠰᠢᠭᠤᠨ ᠪᠣᠯᠭᠠᠵᠤ ᠵᠥᠪ ᠢ ᠭᠠᠵᠠᠷ ᠬᠠᠶᠠᠭᠴᠢᠳ ᠡ︕
8 ᠬᠠᠷᠢᠨ ᠳᠣᠬᠢᠭᠤᠷ ᠳᠣᠯᠣᠭᠠ ᠪᠠ ᠮᠡᠴᠢᠳ ᠢ ᠪᠦᠲᠦᠭᠡᠭᠴᠢ ᠲᠦᠨᠡᠷ ᠬᠠᠷᠠᠩ᠋ᠭᠤᠢ ᠶᠢ ᠥᠷᠯᠥᠭᠡ ᠪᠣᠯᠭᠠᠨ ᠰᠣᠯᠢᠭᠴᠢ ᠡᠳᠦᠷ ᠢ ᠰᠥᠨᠢ ᠪᠣᠯᠭᠠᠨ ᠬᠠᠷᠠᠩ᠋ᠭᠤᠢᠯᠠᠭᠤᠯᠵᠤ ᠳᠠᠯᠠᠢ ᠶᠢᠨ ᠤᠰᠤ ᠶᠢ ᠳᠠᠭᠤᠳᠠᠨ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠳᠡᠭᠡᠷᠡ ᠠᠰᠬᠠᠭᠴᠢ ᠨᠢᠭᠡᠨ ᠨᠢ ᠪᠢ ᠲᠡᠭᠦᠨ ᠦ ᠨᠡᠷᠡ ᠪᠣᠯ ᠶᠣᠬᠣᠸᠠ᠃
9 ᠲᠡᠷᠡ ᠪᠡᠷ ᠬᠦᠴᠦᠲᠡᠨ ᠦ ᠳᠡᠭᠡᠷᠡ ᠰᠦᠢᠷᠡᠯ ᠢ ᠭᠢᠯᠪᠢᠭᠡᠨ ᠮᠡᠲᠦ ᠪᠠᠭᠤᠯᠭᠠᠵᠤ᠂ ᠪᠡᠬᠢᠯᠡᠯᠲᠡ ᠳᠦ ᠰᠦᠢᠷᠡᠯ ᠢ ᠠᠪᠴᠢᠷᠠᠳᠠᠭ᠃
10 ᠰᠢᠭᠦᠯᠲᠡ ᠳᠡᠭᠡᠷᠡ ᠪᠤᠷᠤᠭᠤᠰᠢᠶᠠᠳᠠᠭ ᠬᠥᠮᠦᠨ ᠢ ᠲᠠ ᠨᠠᠷ ᠵᠢᠭ᠍ᠰᠢᠵᠦ ᠦᠨᠡᠨ ᠢ ᠶᠠᠷᠢᠳᠠᠭ ᠬᠥᠮᠦᠨ ᠢ ᠵᠢᠪᠡᠭᠦᠴᠡᠳᠡᠭ᠃
11 ᠲᠠ ᠨᠠᠷ ᠳᠣᠷᠣᠢ ᠬᠥᠮᠦᠨ ᠢ ᠭᠢᠰᠬᠢᠵᠦ ᠲᠡᠳᠡᠨ ᠡᠴᠡ ᠲᠠᠷᠢᠶᠠᠨ ᠤ ᠲᠠᠲᠠᠪᠤᠷᠢ ᠶᠢ ᠠᠯᠪᠠᠳᠠᠨ ᠠᠪᠳᠠᠭ ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠵᠠᠰᠠᠭᠰᠠᠨ ᠴᠢᠯᠠᠭᠤ ᠪᠠᠷ ᠪᠠᠢᠰᠢᠩ ᠪᠠᠷᠢᠭᠰᠠᠨ ᠴᠤ ᠲᠡᠨᠳᠡ ᠪᠡᠨ ᠰᠠᠭᠤᠬᠤ ᠦᠭᠡᠢ ᠦᠵᠡᠮᠵᠢᠲᠦ ᠦᠵᠦᠮ ᠦᠨ ᠲᠠᠯᠠᠪᠠᠢ ᠪᠠᠢᠭᠤᠯᠤᠭᠰᠠᠨ ᠴᠤ ᠳᠠᠷᠠᠰᠤᠨ ᠠᠴᠠ ᠨᠢ ᠤᠤᠭᠤᠬᠤ ᠦᠭᠡᠢ᠃
12 ᠲᠠ ᠨᠠᠷ ᠤᠨ ᠣᠯᠠᠨ ᠭᠡᠮ᠂ ᠦᠯᠡᠮᠵᠢ ᠨᠢᠭᠦᠯ ᠢ ᠪᠢ ᠮᠡᠳᠡᠨᠡ ᠲᠠ ᠨᠠᠷ ᠵᠥᠪᠲᠡᠨ ᠢ ᠵᠣᠪᠠᠭᠠᠵᠤ ᠬᠠᠬᠤᠤᠯᠢ ᠠᠪᠤᠨ ᠶᠠᠳᠠᠭᠤᠰ ᠢ ᠰᠢᠭᠦᠯᠲᠡ ᠳᠡᠭᠡᠷᠡ ᠬᠢᠯᠢᠰᠳᠡᠭᠦᠯᠳᠡᠭ᠌᠃
13 ᠴᠠᠭ ᠦᠶᠡ ᠮᠠᠭᠤ ᠪᠠᠢᠨᠠ ᠬᠡᠷᠰᠡᠦ ᠨᠢ ᠡᠢᠮᠦ ᠴᠠᠭ ᠲᠤ ᠳᠠᠭᠤ ᠪᠠᠨ ᠬᠤᠷᠢᠶᠠᠨᠠ᠃
14 ᠠᠮᠢᠳᠤ ᠦᠯᠡᠳᠡᠶᠡ ᠭᠡᠪᠡᠯ ᠲᠠ ᠨᠠᠷ ᠮᠠᠭᠤ ᠶᠢ ᠪᠤᠰᠤ᠂ ᠰᠠᠢᠨ ᠢ ᠬᠠᠢ ᠲᠡᠭᠡᠪᠡᠯ ᠲᠠ ᠨᠠᠷ ᠤᠨ ᠬᠡᠯᠡᠳᠡᠭ ᠲᠡᠢ ᠠᠳᠠᠯᠢ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠣᠨᠠ᠃
15 ᠮᠠᠭᠤ ᠶᠢ ᠵᠢᠭ᠍ᠰᠢᠵᠦ᠂ ᠰᠠᠢᠨ ᠢ ᠬᠠᠢᠷᠠᠯᠠ ᠰᠢᠭᠦᠯᠲᠡ ᠳᠡᠭᠡᠷᠡ ᠵᠥᠪ ᠢ ᠲᠣᠭᠲᠠᠭᠠ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠣᠰᠧᠹ ᠤᠨ ᠦᠯᠡᠳᠡᠭᠰᠡᠳ ᠢ ᠨᠢᠭᠦᠯᠡᠰᠴᠦ ᠮᠠᠭᠠᠳ ᠦᠭᠡᠢ᠃
16 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠡᠵᠡᠨ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠲᠠᠯᠠᠪᠠᠢ ᠪᠦᠷᠢ ᠳᠤ ᠣᠷᠢᠯᠠᠭᠠᠨ᠂ ᠭᠤᠳᠤᠮᠵᠢ ᠪᠦᠷᠢ ᠳᠤ 〈ᠡ᠂ ᠡ〉 ᠭᠡᠬᠦ ᠨᠢ ᠰᠣᠨᠣᠰᠳᠠᠨᠠ ᠲᠠᠷᠢᠶᠠᠴᠢᠳ ᠭᠠᠰᠢᠭᠤᠳᠠᠯ ᠳᠤ᠂ ᠤᠬᠢᠯᠠᠭᠴᠢᠳ ᠡᠮᠭᠡᠨᠢᠯ ᠳᠤ ᠳᠠᠭᠤᠳᠠᠭᠳᠠᠨᠠ᠃
17 ᠲᠠ ᠨᠠᠷ ᠤᠨ ᠳᠤᠮᠳᠠᠭᠤᠷ ᠥᠩᠭᠡᠷᠡᠬᠦ ᠳᠦ ᠮᠢᠨᠢ ᠦᠵᠦᠮ ᠦᠨ ᠴᠡᠴᠡᠷᠯᠢᠭ ᠪᠦᠷᠢ ᠳᠤ ᠣᠷᠢ ᠳᠠᠭᠤ ᠪᠠᠢᠬᠤ ᠪᠣᠯᠣᠨᠠ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
ᠶᠣᠬᠣᠸᠠ ᠶᠢᠨ ᠡᠳᠦᠷ ᠬᠠᠷᠠᠩ᠋ᠭᠤᠢ
18 ᠶᠣᠬᠣᠸᠠ ᠶᠢᠨ ᠡᠳᠦᠷ ᠢ ᠬᠦᠰᠡᠮᠵᠢᠯᠡᠭᠴᠢᠳ ᠭᠠᠰᠠᠯᠠᠩᠲᠠᠶᠠ ᠶᠠᠭᠠᠬᠢᠭᠠᠳ ᠲᠠ ᠨᠠᠷ ᠶᠣᠬᠣᠸᠠ ᠶᠢᠨ ᠡᠳᠦᠷ ᠢ ᠬᠦᠰᠡᠮᠵᠢᠯᠡᠨᠡ ᠪᠤᠢ︖ ᠲᠡᠷᠡ ᠡᠳᠦᠷ ᠭᠡᠷᠡᠯ ᠦᠭᠡᠢ᠂ ᠬᠠᠷᠠᠩ᠋ᠭᠤᠢ᠃
19 ᠬᠥᠮᠦᠨ ᠠᠷᠰᠯᠠᠨ ᠠᠴᠠ ᠵᠢᠭᠤᠲᠠᠭᠠᠳ ᠪᠠᠭᠠᠪᠠᠭᠠᠢ ᠲᠠᠢ ᠤᠴᠠᠷᠠᠬᠤ ᠮᠡᠲᠦ ᠭᠡᠷ ᠲᠡᠭᠡᠨ ᠬᠠᠷᠢᠭᠠᠳ ᠭᠠᠷ ᠢᠶᠠᠷ ᠢᠶᠠᠨ ᠬᠠᠨᠠ ᠲᠦᠰᠢᠲᠡᠯᠡ ᠮᠣᠭᠠᠢ ᠳᠤ ᠬᠠᠳᠬᠤᠭᠤᠯᠬᠤ ᠮᠡᠲᠦ
20 ᠶᠣᠬᠣᠸᠠ ᠶᠢᠨ ᠡᠳᠦᠷ ᠨᠢ ᠭᠡᠷᠡᠯ ᠦᠭᠡᠢ ᠬᠠᠷᠠᠩ᠋ᠭᠤᠢ᠂ ᠭᠡᠭᠡ ᠦᠭᠡᠢ ᠬᠠᠪ ᠬᠠᠷᠠᠩ᠋ᠭᠤᠢ ᠪᠢᠰᠢ ᠤᠤ︖
21 《ᠨᠠᠢᠷ ᠨᠠᠭᠠᠳᠤᠮ ᠢ ᠴᠢᠨᠢ ᠪᠢ ᠵᠢᠪᠡᠭᠦᠴᠡᠨ ᠵᠢᠭ᠍ᠰᠢᠳᠡᠭ ᠨᠡᠢᠲᠡ ᠴᠢᠭᠤᠯᠭᠠᠨ ᠢ ᠴᠢᠨᠢ ᠪᠢ ᠦᠯᠦ ᠲᠠᠭᠠᠯᠠᠳᠠᠭ᠃
22 ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ᠂ ᠢᠳᠡᠭᠡᠨ ᠲᠠᠬᠢᠯ ᠢ ᠨᠠᠳᠠᠳᠤ ᠡᠷᠭᠦᠭᠰᠡᠨ ᠴᠤ ᠪᠢ ᠬᠦᠯᠢᠶᠡᠨ ᠠᠪᠬᠤ ᠦᠭᠡᠢ ᠡᠪ ᠦᠨ ᠲᠠᠬᠢᠯ ᠤᠨ ᠳᠡᠭᠡᠵᠢ ᠶᠢ ᠠᠪᠴᠢᠷᠠᠭᠰᠠᠨ ᠴᠤ ᠪᠢ ᠣᠢᠰᠢᠶᠠᠬᠤ ᠦᠭᠡᠢ᠃
23 ᠳᠠᠭᠤᠤ ᠬᠥᠭᠵᠢᠮ ᠤᠨ ᠢᠶᠠᠨ ᠱᠤᠤᠭᠢᠶᠠᠨ ᠢ ᠨᠠᠳᠠ ᠠᠴᠠ ᠵᠠᠢᠯᠠᠭᠤᠯ ᠬᠤᠭᠤᠷ ᠤᠨ ᠴᠢᠨᠢ ᠠᠶᠠ ᠶᠢ ᠪᠢ ᠰᠣᠨᠣᠰᠬᠤ ᠦᠭᠡᠢ᠃
24 ᠬᠠᠷᠢᠨ ᠰᠢᠳᠤᠷᠭᠤ ᠶᠢ ᠤᠰᠤ ᠮᠡᠲᠦ᠂ ᠵᠥᠪ ᠢ ᠮᠥᠩᠬᠡ ᠶᠢᠨ ᠤᠷᠤᠰᠬᠠᠯ ᠮᠡᠲᠦ ᠤᠷᠤᠰᠬᠠ᠃
25 ᠢᠰᠷᠧᠯ ᠤᠨ ᠬᠢᠨ ᠡ᠂ ᠲᠠ ᠨᠠᠷ ᠴᠥᠯ ᠳᠤ ᠳᠥᠴᠢᠨ ᠵᠢᠯ ᠪᠠᠢᠬᠤ ᠳᠠᠭᠠᠨ ᠨᠠᠳᠠ ᠳᠤ ᠯᠠ ᠵᠣᠯᠢᠶᠠᠰᠤᠨ ᠤ ᠡᠷᠭᠦᠯ᠂ ᠲᠠᠬᠢᠯ ᠲᠠᠯᠪᠢᠵᠤ ᠪᠠᠢᠭᠰᠠᠨ ᠤᠤ︖
26 ᠲᠠ ᠨᠠᠷ ᠪᠠᠰᠠ ᠥᠪᠡᠷᠰᠡᠳ ᠲᠡᠭᠡᠨ ᠬᠢᠭᠰᠡᠨ ᠬᠠᠭᠠᠨ ᠤ ᠪᠠᠨ ᠴᠠᠴᠠᠷ᠂ ᠰᠢᠲᠦᠭᠡᠨ ᠦ ᠪᠠᠨ ᠰᠠᠭᠤᠷᠢ᠂ ᠪᠤᠷᠬᠠᠨ ᠤ ᠪᠠᠨ ᠣᠳᠣ ᠶᠢ ᠡᠭᠦᠷᠴᠦ ᠶᠠᠪᠤᠳᠠᠭ ᠪᠠᠢᠭᠰᠠᠨ᠃
27 ᠪᠢ ᠲᠠ ᠨᠠᠷ ᠢ ᠳ᠋ᠠᠮᠠᠰᠺᠦ᠋ᠰ ᠤᠨ ᠴᠢᠨᠠᠳᠤ ᠳᠤ ᠴᠥᠯᠡᠵᠦ ᠶᠠᠪᠤᠭᠤᠯᠤᠨᠠ᠂ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠭᠡᠵᠦ ᠨᠡᠷᠡᠯᠡᠭᠳᠡᠳᠡᠭ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃