ᠡᠰᠲ᠋ᠧᠷ ᠭᠤᠷᠪᠠ
ᠶᠦᠳᠠᠢᠴᠤᠳ ᠲᠤ ᠠᠶᠤᠯ ᠲᠤᠯᠭᠠᠷᠠᠪᠠ
1 ᠡᠳᠡᠭᠡᠷ ᠦᠨ ᠳᠠᠷᠠᠭᠠ᠂ ᠬᠠᠭᠠᠨ ᠠᠬᠠᠰᠦ᠋ᠶᠧᠷᠦ᠋ ᠠᠭᠠᠭ ᠬᠥᠮᠦᠨ ᠬᠠᠮᠧᠳᠠᠲ᠋ᠠ ᠶᠢᠨ ᠬᠦᠦ ᠬᠠᠮᠠᠨ ᠢ ᠡᠷᠭᠦᠮᠵᠢᠯᠡᠨ ᠳᠡᠪᠰᠢᠭᠦᠯᠵᠦ᠂ ᠲᠡᠭᠦᠨ ᠢ ᠪᠤᠰᠤᠳ ᠪᠦᠬᠦ ᠲᠦᠰᠢᠮᠡᠯ ᠡᠴᠡ ᠥᠨᠳᠥᠷ ᠲᠤᠰᠢᠶᠠᠯ ᠳᠤ ᠲᠣᠮᠢᠯᠠᠪᠠ᠃ 2 ᠬᠠᠭᠠᠨ ᠤ ᠬᠠᠭᠠᠯᠭᠠᠨ ᠳᠠᠬᠢ ᠬᠠᠭᠠᠨ ᠤ ᠲᠦᠰᠢᠮᠡᠳ ᠪᠦᠭᠦᠳᠡ ᠬᠠᠭᠠᠨ ᠤ ᠵᠠᠬᠢᠭᠰᠠᠨ ᠶᠣᠰᠣᠭᠠᠷ ᠬᠠᠮᠠᠨ ᠳᠤ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠦᠨ ᠪᠥᠬᠥᠢᠳᠡᠭ ᠪᠣᠯ᠂ ᠮᠣᠷᠳᠧᠺᠠᠢ ᠪᠥᠬᠥᠢᠳᠡᠭ ᠴᠤ ᠦᠭᠡᠢ᠂ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠳᠡᠭ ᠴᠤ ᠦᠭᠡᠢ ᠪᠠᠢᠵᠠᠢ᠃
3 ᠲᠡᠭᠡᠬᠦ ᠳᠦ ᠬᠠᠭᠠᠨ ᠤ ᠬᠠᠭᠠᠯᠭᠠᠨ ᠳᠠᠬᠢ ᠬᠠᠭᠠᠨ ᠤ ᠲᠦᠰᠢᠮᠡᠳ ᠮᠣᠷᠳᠧᠺᠠᠢ ᠳᠤ᠄ 《ᠴᠢ ᠶᠠᠭᠤᠨ ᠳᠤ ᠬᠠᠭᠠᠨ ᠤ ᠲᠤᠰᠢᠶᠠᠯ ᠢ ᠵᠥᠷᠢᠴᠡᠵᠦ ᠪᠠᠢᠨᠠ ᠪᠤᠢ︖》 ᠭᠡᠪᠡ᠃ 4 ᠲᠡᠳᠡ ᠡᠳᠦᠷ ᠪᠣᠯᠭᠠᠨ ᠬᠡᠯᠡᠳᠡᠭ ᠪᠣᠯᠪᠠᠴᠤ ᠮᠣᠷᠳᠧᠺᠠᠢ ᠲᠡᠳᠡᠨ ᠦ ᠬᠢ ᠶᠢ ᠰᠣᠨᠣᠰᠳᠠᠭ ᠦᠭᠡᠢ ᠲᠤᠯᠠ ᠲᠡᠳᠡ ᠡᠭᠦᠨ ᠦ ᠲᠤᠬᠠᠢ ᠬᠠᠮᠠᠨ ᠳᠤ ᠮᠡᠳᠡᠭᠳᠡᠵᠦ᠂ ᠡᠨᠡ ᠶᠠᠪᠤᠳᠠᠯ ᠢᠶᠠᠷ ᠮᠣᠷᠳᠧᠺᠠᠢ ᠵᠦᠭᠡᠷ ᠥᠩᠭᠡᠷᠡᠵᠦ ᠴᠢᠳᠠᠬᠤ ᠡᠰᠡᠬᠦ ᠶᠢ ᠦᠵᠡᠶᠡ ᠭᠡᠵᠦ ᠪᠠᠢᠪᠠ᠃ ᠤᠤᠯ ᠨᠢ ᠮᠣᠷᠳᠧᠺᠠᠢ ᠲᠡᠳᠡᠨ ᠳᠦ ᠥᠪᠡᠷ ᠦᠨ ᠢᠶᠠᠨ ᠶᠦᠳᠠᠢ ᠬᠥᠮᠦᠨ ᠭᠡᠳᠡᠭ ᠢ ᠬᠡᠯᠡᠭᠰᠡᠨ ᠪᠠᠢᠵᠠᠢ᠃
5 ᠬᠠᠮᠠᠨ ᠮᠣᠷᠳᠧᠺᠠᠢ ᠶᠢᠨ ᠥᠪᠡᠷ ᠲᠤᠨᠢ ᠪᠥᠬᠥᠢᠬᠦ ᠴᠤ ᠦᠭᠡᠢ᠂ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠬᠦ ᠴᠤ ᠦᠭᠡᠢ ᠪᠠᠢᠭᠠ ᠶᠢ ᠦᠵᠡᠭᠡᠳ ᠬᠢᠯᠢᠩ ᠨᠢ ᠳᠦᠷᠡᠯᠵᠡᠪᠡ᠃ 6 ᠭᠡᠪᠡᠴᠦ ᠭᠠᠭᠴᠠ ᠮᠣᠷᠳᠧᠺᠠᠢ ᠶᠢᠨ ᠠᠮᠢᠨ ᠳᠤ ᠭᠠᠷ ᠬᠦᠷᠬᠦ ᠨᠢ ᠲᠡᠭᠦᠨ ᠳᠦ ᠴᠢᠮᠠᠯᠠᠭᠳᠠᠵᠠᠢ᠃ ᠮᠣᠷᠳᠧᠺᠠᠢ ᠶᠢᠨ ᠶᠠᠮᠠᠷ ᠦᠨᠳᠦᠰᠦᠲᠡᠨ ᠪᠣᠯᠬᠤ ᠨᠢ ᠲᠡᠭᠦᠨ ᠳᠦ ᠮᠡᠳᠡᠭᠳᠡᠭᠰᠡᠨ ᠤᠴᠢᠷ ᠲᠡᠷᠡ ᠠᠬᠠᠰᠦ᠋ᠶᠧᠷᠦ᠋ ᠶᠢᠨ ᠬᠠᠭᠠᠨᠴᠢᠯᠠᠯ ᠳᠠᠶᠠᠭᠠᠷ ᠬᠢ ᠮᠣᠷᠳᠧᠺᠠᠢ ᠶᠢᠨ ᠦᠨᠳᠦᠰᠦᠲᠡᠨ ᠶᠦᠳᠠᠢᠴᠤᠳ ᠢ ᠪᠦᠭᠦᠳᠡ ᠶᠢ ᠤᠰᠠᠳᠬᠠᠬᠤ ᠠᠷᠭᠠ ᠰᠦᠪᠡᠭᠴᠢᠯᠡᠪᠡ᠃
7 ᠠᠬᠠᠰᠦ᠋ᠶᠧᠷᠦ᠋ ᠬᠠᠭᠠᠨ ᠤ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠣᠨ ᠤ ᠨᠢᠰᠠᠨ ᠰᠠᠷᠠ ᠪᠤᠶᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ᠂ ᠬᠠᠮᠠᠨ ᠰᠠᠷᠠ ᠡᠳᠦᠷ ᠢ ᠲᠣᠪᠯᠠᠬᠤ ᠪᠠᠷ ᠫᠦᠷ ᠬᠡᠮᠡᠬᠦ ᠰᠢᠪᠠᠭᠠ ᠶᠢ ᠣᠷᠬᠢᠭᠰᠠᠨ ᠳᠤ᠂ ᠠᠳᠠᠷ ᠰᠠᠷᠠ ᠪᠤᠶᠤ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠨᠣᠭᠳᠠᠪᠠ᠃
8 ᠬᠠᠮᠠᠨ ᠠᠬᠠᠰᠦ᠋ᠶᠧᠷᠦ᠋ ᠬᠠᠭᠠᠨ ᠳᠤ᠄ 《ᠲᠠᠨ ᠤ ᠬᠠᠭᠠᠨᠴᠢᠯᠠᠯ ᠤᠨ ᠪᠦᠬᠦ ᠮᠤᠵᠢ ᠶᠢᠨ ᠠᠷᠠᠳ ᠲᠦᠮᠡᠨ ᠦ ᠳᠤᠮᠳᠠ ᠲᠠᠷᠬᠠᠨ ᠰᠠᠭᠤᠳᠠᠭ ᠨᠢᠭᠡ ᠦᠨᠳᠦᠰᠦᠲᠡᠨ ᠪᠠᠢᠨᠠ᠃ ᠲᠡᠳᠡᠨ ᠦ ᠬᠠᠤᠯᠢ ᠪᠤᠰᠤᠳ ᠠᠷᠠᠳ ᠲᠦᠮᠡᠨ ᠦ ᠬᠠᠤᠯᠢ ᠡᠴᠡ ᠣᠨᠳᠣᠣ ᠪᠣᠯᠬᠣᠷ ᠲᠡᠳᠡ ᠬᠠᠭᠠᠨ ᠤ ᠬᠠᠤᠯᠢ ᠨᠤᠭᠤᠳ ᠢ ᠰᠠᠬᠢᠳᠠᠭ ᠦᠭᠡᠢ ᠶᠤᠮ᠃ ᠲᠡᠳᠡᠨ ᠢ ᠴᠢᠭ ᠢᠶᠠᠷ ᠨᠢ ᠪᠠᠢᠯᠭᠠᠬᠤ ᠨᠢ ᠬᠠᠭᠠᠨ ᠳᠤ ᠲᠤᠰᠠ ᠦᠭᠡᠢ᠃ 9 ᠬᠡᠷᠪᠡ ᠬᠠᠭᠠᠨ ᠲᠠᠭᠠᠯᠠᠪᠠᠯ᠂ ᠲᠡᠳᠡᠨ ᠢ ᠤᠰᠠᠳᠬᠠᠬᠤ ᠵᠠᠷᠯᠢᠭ ᠭᠠᠷᠭᠠᠭᠠᠴᠢ᠃ ᠲᠡᠭᠡᠪᠡᠯ ᠪᠢ ᠡᠨᠡ ᠠᠵᠢᠯ ᠢ ᠭᠦᠢᠴᠡᠳᠬᠡᠬᠦ ᠬᠥᠮᠦᠰ ᠲᠦ ᠲᠦᠮᠡᠨ ᠲᠠᠯᠠᠨᠲ 1 ᠮᠥᠩᠭᠥ ᠥᠭᠴᠦ᠂ ᠬᠠᠭᠠᠨ ᠤ ᠰᠠᠩ ᠳᠤ ᠣᠷᠣᠭᠤᠯᠵᠤ ᠥᠭᠭᠥᠶᠡ》 ᠭᠡᠪᠡ᠃
10 ᠬᠠᠭᠠᠨ ᠬᠤᠷᠤᠭᠤ ᠠᠴᠠ ᠪᠠᠨ ᠲᠠᠮᠠᠭᠠᠲᠤ ᠪᠥᠭᠡᠵᠢ ᠪᠠᠨ ᠮᠤᠯᠲᠤᠯᠤᠨ ᠠᠪᠴᠤ᠂ ᠶᠦᠳᠠᠢᠴᠤᠳ ᠤᠨ ᠳᠠᠢᠰᠤᠨ ᠠᠭᠠᠭ ᠬᠥᠮᠦᠨ᠂ ᠬᠠᠮᠧᠳᠠᠲ᠋ᠠ ᠶᠢᠨ ᠬᠦᠦ ᠬᠠᠮᠠᠨ ᠳᠤ ᠥᠭᠪᠡ᠃ 11 ᠬᠠᠭᠠᠨ ᠬᠠᠮᠠᠨ ᠳᠤ᠄ 《ᠲᠡᠷᠡ ᠮᠥᠩᠭᠥ ᠶᠢ ᠨᠥᠭᠥᠭᠡ ᠦᠨᠳᠦᠰᠦᠲᠡᠨ ᠲᠡᠢ ᠬᠠᠮᠲᠤ ᠴᠢᠮᠠ ᠳᠤ ᠲᠤᠰᠢᠶᠠᠯᠠ᠂ ᠴᠢ ᠲᠡᠳᠡᠨ ᠳᠦ ᠥᠪᠡᠷ ᠦᠨ ᠢᠶᠠᠨ ᠨᠢᠳᠦᠨ ᠳᠦ ᠰᠠᠢᠨ ᠭᠡᠵᠦ ᠦᠵᠡᠭᠰᠡᠨ ᠢᠶᠡᠨ ᠦᠢᠯᠡᠳᠦᠭᠲᠦᠨ》 ᠭᠡᠪᠡ᠃
12 ᠢᠩᠭᠢᠭᠡᠳ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠤ ᠡᠳᠦᠷ ᠬᠠᠭᠠᠨ ᠤ ᠪᠢᠴᠢᠭᠡᠴᠢ ᠨᠠᠷ ᠳᠠᠭᠤᠳᠠᠭᠳᠠᠪᠠ᠃ ᠲᠡᠳᠡ ᠬᠠᠮᠠᠨ ᠤ ᠲᠤᠰᠢᠶᠠᠭᠰᠠᠨ ᠪᠦᠬᠦᠨ ᠢ ᠮᠤᠵᠢ ᠪᠦᠷᠢ ᠶᠢᠨ ᠦᠰᠦᠭ᠂ ᠦᠨᠳᠦᠰᠦᠲᠡᠨ ᠪᠦᠷᠢ ᠶᠢᠨ ᠬᠡᠯᠡ ᠪᠡᠷ ᠣᠷᠴᠢᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ᠂ ᠬᠠᠭᠠᠨ ᠤ ᠠᠬᠠᠯᠠᠭᠴᠢ ᠨᠣᠶᠠᠳ᠂ ᠮᠤᠵᠢ ᠶᠢᠨ ᠵᠠᠬᠢᠷᠤᠭᠴᠢᠳ ᠪᠣᠯᠣᠨ ᠦᠨᠳᠦᠰᠦᠲᠡᠨ ᠪᠦᠷᠢ ᠶᠢᠨ ᠨᠣᠶᠠᠳ ᠲᠤ ᠪᠢᠴᠢᠪᠡ᠃ ᠲᠡᠳᠡ ᠠᠬᠠᠰᠦ᠋ᠶᠧᠷᠦ᠋ ᠶᠢᠨ ᠨᠡᠷᠡ ᠪᠡᠷ ᠪᠢᠴᠢᠵᠦ᠂ ᠲᠠᠮᠠᠭᠠᠲᠤ ᠪᠥᠭᠡᠵᠢ ᠪᠠᠷ ᠲᠠᠮᠠᠭᠠᠯᠠᠨ 13 ᠤᠯᠠᠭᠠᠴᠢᠳ ᠢᠶᠠᠷ ᠬᠠᠭᠠᠨ ᠤ ᠬᠠᠷᠢᠶᠠ ᠮᠤᠵᠢ ᠪᠣᠯᠭᠠᠨ ᠳᠤ ᠢᠯᠡᠭᠡᠪᠡ᠃ ᠡᠢᠨ ᠬᠦ ᠠᠳᠠᠷ ᠰᠠᠷᠠ ᠪᠤᠶᠤ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠤ ᠡᠳᠦᠷ ᠶᠦᠳᠠᠢᠴᠤᠳ ᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ᠂ ᠬᠥᠭᠰᠢᠨ ᠵᠠᠯᠠᠭᠤ ᠦᠭᠡᠢ ᠪᠦᠭᠦᠳᠡ ᠶᠢ ᠨᠢ ᠨᠢᠭᠡ ᠯᠠ ᠡᠳᠦᠷ ᠦᠨ ᠳᠣᠲᠣᠷᠠ ᠤᠰᠠᠳᠬᠠᠨ ᠠᠷᠢᠯᠭᠠᠵᠤ ᠮᠥᠬᠥᠭᠡᠭᠡᠳ ᠡᠳ᠋ ᠬᠥᠷᠥᠩᠭᠡ ᠶᠢ ᠨᠢ ᠣᠯᠵᠠᠯᠠᠨ ᠠᠪᠲᠤᠭᠠᠢ ᠬᠡᠮᠡᠬᠦ ᠵᠠᠷᠯᠢᠭ ᠲᠠᠷᠬᠠᠭᠠᠵᠠᠢ᠃ 14 ᠡᠯᠡ ᠮᠤᠵᠢ ᠲᠡᠷᠡ ᠵᠠᠷᠯᠢᠭ ᠢ ᠬᠠᠤᠯᠢ ᠪᠣᠯᠭᠠᠨ ᠲᠤᠩ᠋ᠬᠠᠭᠯᠠᠵᠤ᠂ ᠪᠦᠬᠦ ᠠᠷᠠᠳ ᠲᠦᠮᠡᠨ ᠳᠦ ᠮᠡᠳᠡᠭᠦᠯᠦᠭᠰᠡᠨ ᠪᠥᠭᠡᠳ ᠲᠡᠷᠡ ᠡᠳᠦᠷ ᠦᠨ ᠲᠥᠯᠥᠭᠡ ᠪᠡᠯᠡᠳᠬᠡᠭᠦᠯᠬᠦ ᠬᠡᠷᠡᠭᠲᠡᠢ ᠪᠠᠢᠪᠠ᠃
15 ᠬᠠᠭᠠᠨ ᠤ ᠵᠠᠷᠯᠢᠭ ᠪᠠᠭᠤᠬᠤ ᠲᠠᠢ ᠵᠡᠷᠭᠡ ᠤᠯᠠᠭᠠᠴᠢᠳ ᠶᠠᠭᠠᠷᠠᠯᠲᠠᠢ ᠭᠠᠷᠴᠤ ᠶᠠᠪᠤᠭᠰᠠᠨ ᠪᠥᠭᠡᠳ ᠲᠡᠷᠡ ᠵᠠᠷᠯᠢᠭ ᠰᠦᠰᠠ ᠰᠢᠯᠲᠦᠭᠡᠨ ᠳᠦ ᠴᠤ ᠲᠤᠩ᠋ᠬᠠᠭᠯᠠᠭᠳᠠᠭᠰᠠᠨ ᠪᠠᠢᠯᠠ᠃ ᠬᠠᠭᠠᠨ᠂ ᠬᠠᠮᠠᠨ ᠬᠣᠶᠠᠷ ᠤᠤᠭᠤᠬᠤ ᠪᠠᠷ ᠰᠠᠭᠤᠵᠤ ᠪᠠᠢᠭᠠ ᠦᠶᠡ ᠳᠦ᠂ ᠰᠦᠰᠠ ᠬᠣᠲᠠ ᠦᠢᠮᠡᠵᠦ ᠪᠠᠢᠪᠠ᠃