ᠡᠰᠲ᠋ᠧᠷ ᠳᠥᠷᠪᠡ
ᠡᠰᠲ᠋ᠧᠷ ᠤᠨ ᠰᠢᠢᠳᠪᠦᠷᠢ
1 ᠮᠣᠷᠳᠧᠺᠠᠢ ᠡᠨᠡ ᠪᠦᠬᠦᠨ ᠢ ᠮᠡᠳᠡᠭᠡᠳ ᠬᠤᠪᠴᠠᠰᠤ ᠪᠠᠨ ᠤᠷᠠᠨ ᠲᠠᠭᠠᠷ ᠤᠭᠯᠠᠵᠤ᠂ ᠳᠡᠭᠡᠷᠡ ᠪᠡᠨ ᠦᠨᠡᠰᠦ ᠰᠠᠴᠤᠭᠠᠳ ᠴᠢᠩᠭ᠍ᠠ ᠳᠠᠭᠤ ᠪᠠᠷ ᠭᠠᠰᠢᠭᠤᠨ ᠢᠶᠠᠷ ᠤᠬᠢᠯᠠᠨ ᠬᠣᠲᠠ ᠶᠢᠨ ᠳᠤᠮᠳᠠᠭᠤᠷ ᠶᠠᠪᠤᠵᠤ᠂ 2 ᠬᠠᠭᠠᠨ ᠤ ᠬᠠᠭᠠᠯᠭᠠᠨ ᠳᠤ ᠬᠦᠷᠪᠡ᠃ ᠤᠤᠯ ᠨᠢ ᠲᠠᠭᠠᠷ ᠤᠭᠯᠠᠭᠰᠠᠨ ᠶᠠᠮᠠᠷ ᠴᠤ ᠬᠥᠮᠦᠨ ᠬᠠᠭᠠᠨ ᠤ ᠬᠠᠭᠠᠯᠭᠠ ᠪᠠᠷ ᠣᠷᠣᠵᠤ ᠪᠣᠯᠬᠤ ᠦᠭᠡᠢ ᠪᠠᠢᠪᠠ᠃ 3 ᠬᠠᠭᠠᠨ ᠤ ᠲᠤᠰᠢᠶᠠᠯ ᠪᠣᠯᠣᠨ ᠵᠠᠷᠯᠢᠭ ᠬᠦᠷᠦᠭᠰᠡᠨ ᠮᠤᠵᠢ ᠪᠦᠬᠦᠨ ᠳᠦ ᠶᠦᠳᠠᠢᠴᠤᠳ ᠶᠡᠬᠡᠳᠡ ᠭᠠᠰᠢᠭᠤᠳᠠᠨ᠂ ᠪᠠᠴᠠᠭ ᠪᠠᠷᠢᠵᠤ ᠤᠬᠢᠯᠠᠯᠳᠤᠨ ᠣᠷᠢᠯᠠᠪᠠ᠃ ᠣᠯᠠᠨ ᠨᠢ ᠲᠠᠭᠠᠷ ᠤᠭᠯᠠᠵᠤ ᠦᠨᠡᠰᠦᠨ ᠳᠡᠭᠡᠷᠡ ᠬᠡᠪᠲᠡᠵᠦ ᠪᠠᠢᠯᠠ᠃
4 ᠡᠰᠲ᠋ᠧᠷ ᠤᠨ ᠰᠢᠪᠡᠭᠴᠢᠳ ᠪᠣᠯᠣᠨ ᠲᠠᠢᠭᠠᠨ ᠨᠠᠷ ᠲᠡᠭᠦᠨ ᠳᠦ ᠢᠷᠡᠵᠦ᠂ ᠮᠣᠷᠳᠧᠺᠠᠢ ᠶᠢᠨ ᠲᠤᠬᠠᠢ ᠬᠡᠯᠡᠬᠦ ᠳᠦ᠂ ᠬᠠᠲᠤᠨ ᠶᠡᠬᠡᠳᠡ ᠵᠣᠪᠠᠵᠤ᠂ ᠲᠠᠭᠠᠷ ᠤᠨ ᠣᠷᠣᠨ ᠳᠤ ᠡᠮᠦᠰᠬᠦ ᠬᠤᠪᠴᠠᠰᠤ ᠢᠯᠡᠭᠡᠭᠰᠡᠨ ᠪᠣᠯᠪᠠᠴᠤ ᠮᠣᠷᠳᠧᠺᠠᠢ ᠠᠪᠤᠭᠰᠠᠨ ᠦᠭᠡᠢ᠃ 5 ᠡᠰᠲ᠋ᠧᠷ ᠬᠠᠭᠠᠨ ᠤ ᠥᠪᠡᠷ ᠲᠤᠨᠢ ᠦᠢᠯᠡᠴᠢᠯᠡᠭᠦᠯᠬᠦ ᠪᠡᠷ ᠲᠣᠮᠢᠯᠠᠭᠰᠠᠨ ᠲᠠᠢᠭᠠᠨ ᠨᠠᠷ ᠠᠴᠠ ᠬᠠᠲ᠋ᠠᠺ ᠢ ᠳᠠᠭᠤᠳᠠᠭᠠᠳ ᠮᠣᠷᠳᠧᠺᠠᠢ ᠳᠡᠭᠡᠷᠡ ᠣᠴᠢᠵᠤ ᠶᠠᠭᠤ ᠪᠣᠯᠣᠭᠠᠳ ᠪᠠᠢᠭᠠ ᠶᠢ᠂ ᠶᠠᠭᠠᠬᠢᠭᠠᠳ ᠡᠢᠮᠦ ᠪᠣᠯᠣᠭᠰᠠᠨ ᠢ ᠮᠡᠳᠡᠭᠡᠳ ᠢᠷᠡᠬᠦ ᠶᠢ ᠲᠤᠰᠢᠶᠠᠪᠠ᠃
6 ᠬᠠᠲ᠋ᠠᠺ ᠬᠠᠭᠠᠨ ᠤ ᠬᠠᠭᠠᠯᠭᠠᠨ ᠤ ᠡᠮᠦᠨᠡᠬᠢ ᠬᠣᠲᠠ ᠶᠢᠨ ᠲᠠᠯᠠᠪᠠᠢ ᠳᠤ ᠪᠠᠢᠭᠠ ᠮᠣᠷᠳᠧᠺᠠᠢ ᠳᠡᠭᠡᠷᠡ ᠣᠴᠢᠬᠤ ᠳᠤ᠂ 7 ᠮᠣᠷᠳᠧᠺᠠᠢ ᠥᠪᠡᠷ ᠲᠤᠨᠢ ᠲᠣᠬᠢᠶᠠᠯᠳᠤᠭᠰᠠᠨ ᠪᠦᠬᠦᠨ ᠢ ᠶᠠᠷᠢᠵᠤ᠂ ᠮᠥᠨ ᠬᠠᠮᠠᠨ ᠤ ᠶᠦᠳᠠᠢᠴᠤᠳ ᠢ ᠤᠰᠠᠳᠬᠠᠵᠤ᠂ ᠬᠠᠭᠠᠨ ᠤ ᠰᠠᠩ ᠳᠤ ᠣᠷᠣᠭᠤᠯᠬᠤ ᠪᠠᠷ ᠠᠮᠠᠯᠠᠭᠰᠠᠨ ᠮᠥᠩᠭᠥᠨ ᠦ ᠨᠠᠷᠢᠨ ᠲᠣᠭᠠ ᠶᠢ ᠴᠤ ᠲᠡᠭᠦᠨ ᠳᠦ ᠬᠡᠯᠡᠵᠦ ᠥᠭᠪᠡ᠃ 8 ᠲᠡᠷᠡ ᠪᠠᠰᠠ ᠶᠦᠳᠠᠢᠴᠤᠳ ᠢ ᠤᠰᠠᠳᠬᠠᠬᠤ ᠲᠤᠬᠠᠢ ᠰᠦᠰᠠ ᠳᠤ ᠪᠠᠭᠤᠯᠭᠠᠭᠰᠠᠨ ᠵᠠᠷᠯᠢᠭ ᠤᠨ ᠬᠠᠭᠤᠯᠪᠤᠷᠢ ᠶᠢ ᠥᠭᠴᠦ᠂ ᠡᠰᠲ᠋ᠧᠷ ᠲᠤ ᠦᠵᠡᠭᠦᠯᠦᠨ ᠲᠠᠢᠯᠪᠤᠷᠢᠯᠠᠭᠤᠯᠤᠭᠰᠠᠨ ᠪᠠ ᠲᠡᠭᠦᠨ ᠳᠦ ᠬᠠᠭᠠᠨ ᠳᠡᠭᠡᠷᠡ ᠣᠴᠢᠵᠤ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠲᠥᠯᠥᠭᠡ ᠥᠷᠥᠰᠢᠶᠡᠯ ᠭᠤᠶᠤᠬᠤ ᠶᠢ ᠲᠤᠰᠢᠶᠠᠪᠠ᠃
9 ᠬᠠᠲ᠋ᠠᠺ ᠪᠤᠴᠠᠵᠤ ᠢᠷᠡᠭᠡᠳ ᠮᠣᠷᠳᠧᠺᠠᠢ ᠶᠢᠨ ᠦᠭᠡ ᠶᠢ ᠡᠰᠲ᠋ᠧᠷ ᠲᠤ ᠳᠠᠮᠵᠢᠭᠤᠯᠵᠠᠢ᠃ 10 ᠡᠰᠲ᠋ᠧᠷ ᠮᠣᠷᠳᠧᠺᠠᠢ ᠳᠤ ᠬᠠᠷᠢᠭᠤᠯᠬᠤ ᠦᠭᠡ ᠶᠢ ᠬᠠᠲ᠋ᠠᠺ ᠲᠤ ᠲᠤᠰᠢᠶᠠᠨ᠄ 11 《ᠬᠠᠭᠠᠨ ᠳᠤ ᠳᠠᠭᠤᠳᠠᠭᠳᠠᠭᠠ ᠦᠭᠡᠢ ᠪᠠᠢᠵᠤ ᠳᠣᠲᠣᠭᠠᠳᠤ ᠬᠦᠷᠢᠶᠡᠨ ᠳᠦ ᠣᠷᠣᠵᠤ ᠬᠠᠭᠠᠨ ᠤᠷᠤᠭᠤ ᠣᠢᠷᠠᠲᠤᠭᠰᠠᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠶᠠᠮᠠᠷ ᠴᠤ ᠬᠥᠮᠦᠨ ᠦ ᠬᠤᠪᠢ ᠳᠤ᠂ ᠬᠠᠭᠠᠨ ᠠᠯᠲᠠᠨ ᠲᠠᠶᠠᠭ ᠢᠶᠠᠨ ᠲᠡᠭᠦᠨ ᠤᠷᠤᠭᠤ ᠰᠤᠩ᠋ᠭᠠᠬᠤ ᠠᠴᠠ ᠨᠠᠰᠢ ᠲᠡᠷᠡ ᠵᠠᠢᠯᠠᠰᠢ ᠦᠭᠡᠢ ᠴᠠᠭᠠᠵᠠᠯᠠᠭᠳᠠᠨᠠ ᠭᠡᠰᠡᠨ ᠬᠠᠭᠠᠨ ᠤ ᠬᠠᠤᠯᠢ ᠪᠠᠢᠭᠠ ᠶᠢ ᠬᠠᠭᠠᠨ ᠤ ᠲᠦᠰᠢᠮᠡᠳ᠂ ᠬᠠᠭᠠᠨ ᠤ ᠬᠠᠷᠢᠶᠠ ᠮᠤᠵᠢ ᠶᠢᠨ ᠠᠷᠠᠳ ᠲᠦᠮᠡᠨ ᠪᠦᠭᠦᠳᠡ ᠮᠡᠳᠡᠨᠡ᠃ ᠪᠠᠰᠠ ᠪᠢ ᠬᠠᠭᠠᠨ ᠳᠡᠭᠡᠷᠡ ᠳᠠᠭᠤᠳᠠᠭᠳᠠᠭᠠ ᠦᠭᠡᠢ ᠭᠤᠴᠢᠨ ᠬᠣᠨᠣᠭ ᠪᠣᠯᠵᠤ ᠪᠠᠢᠨᠠ》 ᠭᠡᠪᠡ᠃
12 ᠡᠰᠲ᠋ᠧᠷ ᠤᠨ ᠦᠭᠡ ᠶᠢ ᠮᠣᠷᠳᠧᠺᠠᠢ ᠳᠤ ᠳᠠᠮᠵᠢᠭᠤᠯᠬᠤ ᠳᠤ᠂ 13 ᠮᠣᠷᠳᠧᠺᠠᠢ ᠡᠰᠲ᠋ᠧᠷ ᠲᠤ ᠬᠠᠷᠢᠭᠤ ᠪᠣᠯᠭᠠᠵᠤ᠄ 《ᠴᠢ ᠬᠠᠭᠠᠨ ᠤ ᠣᠷᠳᠣᠨ ᠳᠤ ᠪᠠᠢᠭᠠ ᠶᠢᠨ ᠤᠯᠠᠮ ᠢᠶᠠᠷ ᠪᠦᠬᠦ ᠶᠦᠳᠠᠢᠴᠤᠳ ᠤᠨ ᠳᠤᠮᠳᠠ ᠠᠴᠠ ᠭᠠᠭᠴᠠᠭᠠᠷ ᠢᠶᠠᠨ ᠮᠤᠯᠲᠤᠷᠠᠵᠤ ᠴᠢᠳᠠᠨᠠ ᠭᠡᠵᠦ ᠪᠦᠦ ᠪᠣᠳᠣ᠃ 14 ᠴᠢ ᠡᠨᠡ ᠦᠶᠡ ᠳᠦ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠴᠤ᠂ ᠶᠦᠳᠠᠢᠴᠤᠳ ᠲᠤ ᠥᠭᠡᠷᠡ ᠭᠠᠵᠠᠷ ᠠᠴᠠ ᠠᠪᠤᠷᠠᠯ ᠲᠤᠰᠠᠯᠠᠮᠵᠢ ᠢᠷᠡᠨᠡ᠂ ᠬᠠᠷᠢᠨ ᠴᠢ ᠪᠣᠯᠣᠨ ᠴᠢᠨᠦ ᠡᠴᠢᠭᠡ ᠶᠢᠨ ᠭᠡᠷ ᠰᠥᠨᠥᠬᠦ ᠪᠣᠯᠣᠨᠠ᠃ ᠬᠠᠲᠤᠨ ᠤ ᠡᠷᠬᠡ ᠳᠠᠷᠬᠠ ᠲᠠᠢ ᠪᠣᠯᠣᠭᠰᠠᠨ ᠴᠢᠨᠢ ᠶᠠᠭ ᠡᠨᠡ ᠴᠠᠭ ᠤᠨ ᠲᠥᠯᠥᠭᠡ ᠪᠠᠢᠭᠰᠠᠨ ᠡᠰᠡᠬᠦ ᠶᠢ ᠬᠡᠨ ᠮᠡᠳᠡᠬᠦ ᠪᠢᠯᠡ︖》 ᠭᠡᠵᠡᠢ᠃
15 ᠡᠰᠲ᠋ᠧᠷ ᠮᠣᠷᠳᠧᠺᠠᠢ ᠳᠤ ᠬᠠᠷᠢᠭᠤ ᠪᠣᠯᠭᠠᠵᠤ᠄ 16 《ᠲᠠ ᠰᠦᠰᠠ ᠳᠤ ᠪᠠᠢᠭᠠ ᠪᠦᠬᠦ ᠶᠦᠳᠠᠢᠴᠤᠳ ᠤᠷᠤᠭᠤ ᠣᠴᠢᠵᠤ ᠲᠡᠳᠡᠨ ᠢ ᠴᠤᠭᠯᠠᠭᠤᠯᠤᠭᠠᠳ ᠮᠢᠨᠦ ᠲᠥᠯᠥᠭᠡ ᠪᠠᠴᠠᠭ ᠪᠠᠷᠢᠭᠤᠯ︕ ᠭᠤᠷᠪᠠᠨ ᠬᠣᠨᠣᠭ ᠤᠨ ᠲᠤᠷᠰᠢ ᠡᠳᠦᠷ ᠴᠤ᠂ ᠰᠥᠨᠢ ᠴᠤ ᠢᠳᠡᠵᠦ ᠪᠣᠯᠬᠤ ᠦᠭᠡᠢ᠂ ᠤᠤᠭᠤᠵᠤ ᠪᠣᠯᠬᠤ ᠦᠭᠡᠢ᠃ ᠪᠢ ᠪᠣᠯᠣᠨ ᠮᠢᠨᠦ ᠰᠢᠪᠡᠭᠴᠢᠳ ᠴᠤ ᠲᠡᠢᠨ ᠬᠦ ᠪᠠᠴᠠᠭ ᠪᠠᠷᠢᠨᠠ᠃ ᠡᠭᠦᠨ ᠦ ᠳᠠᠷᠠᠭᠠ ᠪᠢ ᠬᠠᠤᠯᠢ ᠶᠢᠨ ᠳᠠᠭᠠᠤ ᠪᠢᠰᠢ ᠴᠤ ᠭᠡᠰᠡᠨ ᠬᠠᠭᠠᠨ ᠳᠡᠭᠡᠷᠡ ᠪᠠᠷᠠᠭᠠᠯᠬᠠᠬᠤ ᠪᠠᠷ ᠣᠴᠢᠨᠠ᠃ ᠲᠡᠭᠡᠭᠡᠳ ᠦᠬᠦᠳᠡᠭ ᠶᠤᠮ ᠪᠣᠯ ᠦᠬᠦᠶᠡ》 ᠭᠡᠪᠡ᠃
17 ᠢᠩᠭᠢᠭᠡᠳ ᠮᠣᠷᠳᠧᠺᠠᠢ ᠡᠰᠲ᠋ᠧᠷ ᠤᠨ ᠥᠪᠡᠷ ᠲᠤᠨᠢ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠦᠢᠯᠡᠳᠪᠡ᠃