ᠳ᠋ᠠᠨᠢᠶᠧᠯ ᠨᠠᠢ᠌ᠮᠠ
ᠬᠤᠴᠠ ᠬᠢᠭᠡᠳ ᠤᠬᠤᠨᠠ ᠶᠢᠨ ᠲᠤᠬᠠᠢ ᠦᠵᠡᠭᠳᠡᠯ
1 ᠠᠩ᠋ᠬᠠᠨ ᠤ ᠦᠵᠡᠭᠳᠡᠯ ᠦᠵᠡᠭᠳᠡᠭᠰᠡᠨ ᠡᠴᠡ ᠬᠣᠢᠰᠢ᠂ ᠪᠧᠯᠱᠠᠽᠠᠷ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠣᠨ ᠳᠤ᠂ ᠳ᠋ᠠᠨᠢᠶᠧᠯ ᠨᠠᠳᠠ ᠳᠤ ᠳᠠᠬᠢᠨ ᠨᠢᠭᠡᠨ ᠦᠵᠡᠭᠳᠡᠯ ᠦᠵᠡᠭᠳᠡᠪᠡ᠃ 2 ᠦᠵᠡᠭᠳᠡᠯ ᠳᠦ ᠦᠵᠡᠬᠦ ᠳᠦ᠂ ᠪᠢ ᠡᠯᠠᠮ ᠮᠤᠵᠢ ᠶᠢᠨ ᠰᠦᠰᠠ ᠰᠢᠯᠲᠦᠭᠡᠨ ᠳᠦ ᠪᠠᠢᠭᠰᠠᠨ᠃ ᠦᠵᠡᠭᠳᠡᠯ ᠦᠨ ᠳᠣᠲᠣᠷᠠ ᠪᠢ ᠦᠯᠠᠢ ᠭᠣᠣᠯ ᠤᠨ ᠡᠷᠭᠢ ᠳᠤ ᠪᠠᠢᠪᠠ᠃ 3 ᠪᠢ ᠨᠢᠳᠦ ᠪᠡᠨ ᠡᠷᠭᠦᠨ ᠬᠠᠷᠠᠬᠤ ᠳᠤ᠂ ᠭᠣᠣᠯ ᠤᠨ ᠡᠷᠭᠢ ᠳᠡᠭᠡᠷᠡ ᠬᠣᠶᠠᠷ ᠡᠪᠡᠷ ᠲᠡᠢ ᠬᠤᠴᠠ ᠵᠣᠭᠰᠣᠵᠤ ᠪᠠᠢᠪᠠ᠃ ᠬᠣᠶᠠᠷ ᠡᠪᠡᠷ ᠨᠢ ᠪᠦᠷ ᠤᠷᠲᠤ ᠪᠥᠭᠡᠳ ᠰᠡᠭᠦᠯ ᠳᠦ ᠤᠷᠭᠤᠭᠰᠠᠨ ᠨᠢᠭᠡ ᠨᠢ ᠨᠥᠭᠥᠭᠡ ᠡᠴᠡ ᠪᠡᠨ ᠢᠯᠡᠭᠦᠦ ᠤᠷᠲᠤ ᠪᠠᠢᠯᠠ᠃ 4 ᠪᠢ ᠬᠠᠷᠠᠬᠤ ᠳᠤ᠂ ᠲᠡᠷᠡ ᠬᠤᠴᠠ ᠪᠠᠷᠠᠭᠤᠨᠰᠢ᠂ ᠬᠣᠢᠰᠢ᠂ ᠡᠮᠦᠨᠡᠰᠢ ᠬᠠᠨᠳᠤᠨ ᠮᠥᠷᠭᠥᠵᠦ ᠪᠠᠢᠯᠠ᠂ ᠲᠡᠭᠦᠨ ᠢ ᠳᠡᠢᠯᠬᠦ ᠥᠭᠡᠷᠡ ᠠᠮᠢᠲᠠᠨ ᠠᠯᠠᠭᠠ᠂ ᠮᠥᠨ ᠲᠡᠭᠦᠨ ᠦ ᠬᠦᠴᠦᠨ ᠡᠴᠡ ᠬᠡᠨ ᠴᠤ ᠠᠪᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠲᠡᠷᠡ ᠬᠦᠰᠡᠭᠰᠡᠨ ᠢᠶᠡᠷ ᠢᠶᠠᠨ ᠬᠢᠵᠦ᠂ ᠥᠪᠡᠷ ᠢ ᠪᠠᠨ ᠬᠦᠴᠦᠷᠬᠡᠭᠵᠢᠭᠦᠯᠪᠡ᠃
5 ᠬᠠᠷᠠ᠂ ᠪᠢ ᠡᠭᠦᠨ ᠢ ᠪᠣᠳᠣᠵᠤ ᠪᠠᠢᠲᠠᠯᠠ ᠨᠢᠭᠡᠨ ᠤᠬᠤᠨᠠ ᠬᠥᠯ ᠨᠢ ᠭᠠᠵᠠᠷ ᠬᠦᠷᠦᠯ ᠦᠭᠡᠢ ᠭᠠᠵᠠᠷ ᠳᠡᠯᠡᠬᠡᠢ ᠪᠠᠷ ᠲᠣᠭᠣᠷᠢᠨ ᠪᠠᠷᠠᠭᠤᠨ ᠵᠦᠭ ᠡᠴᠡ ᠢᠷᠡᠪᠡ᠃ ᠨᠢᠳᠦᠨ ᠦ ᠬᠢᠨᠢ ᠬᠣᠭᠣᠷᠣᠨᠳᠣ ᠨᠢᠭᠡ ᠣᠨᠴᠠᠭᠠᠢ ᠡᠪᠡᠷ ᠪᠠᠢᠪᠠ᠃ 6 ᠲᠡᠷᠡ ᠮᠢᠨᠦ ᠬᠠᠷᠠᠭᠰᠠᠨ᠂ ᠭᠣᠣᠯ ᠤᠨ ᠡᠷᠭᠢ ᠳᠡᠭᠡᠷᠡ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠬᠣᠶᠠᠷ ᠡᠪᠡᠷ ᠲᠡᠢ ᠨᠥᠭᠥᠭᠡ ᠬᠤᠴᠠ ᠤᠷᠤᠭᠤ ᠢᠷᠡᠭᠰᠡᠨ ᠢᠶᠡᠨ ᠠᠭᠤᠷ ᠲᠠᠢ ᠪᠠᠷ ᠬᠦᠴᠦᠲᠡᠢ ᠳᠠᠭᠠᠷᠢᠪᠠ᠃ 7 ᠪᠢ ᠦᠵᠡᠬᠦ ᠳᠦ᠂ ᠲᠡᠷᠡ ᠨᠥᠭᠥᠭᠡ ᠬᠤᠴᠠᠨ ᠳᠤ ᠳᠥᠭᠥᠨ ᠣᠴᠢᠵᠤ᠂ ᠠᠭᠤᠷ ᠲᠠᠢ ᠪᠠᠷ ᠲᠡᠭᠦᠨ ᠢ ᠮᠥᠷᠭᠥᠨ᠂ ᠬᠣᠶᠠᠷ ᠡᠪᠡᠷ ᠢ ᠨᠢ ᠬᠤᠭᠤᠯᠵᠠᠢ᠃ ᠬᠤᠴᠠ ᠤᠬᠤᠨᠠ ᠶᠢ ᠡᠰᠡᠷᠭᠦᠴᠡᠬᠦ ᠬᠦᠴᠦ ᠦᠭᠡᠢ ᠪᠣᠯᠬᠣᠷ ᠤᠬᠤᠨᠠ ᠲᠡᠭᠦᠨ ᠢ ᠭᠠᠵᠠᠷ ᠲᠤ ᠤᠨᠠᠭᠠᠵᠤ᠂ ᠳᠡᠭᠡᠷᠡ ᠨᠢ ᠭᠢᠰᠬᠢᠪᠡ᠃ ᠬᠡᠨ ᠴᠤ ᠬᠤᠴᠠ ᠶᠢ ᠤᠬᠤᠨᠠ ᠶᠢᠨ ᠬᠦᠴᠦᠨ ᠡᠴᠡ ᠠᠪᠤᠷᠠᠬᠤ ᠦᠭᠡᠢ ᠪᠠᠢᠯᠠ᠃ 8 ᠤᠬᠤᠨᠠ ᠥᠪᠡᠷ ᠢ ᠪᠠᠨ ᠶᠡᠬᠡᠳᠡ ᠬᠦᠴᠦᠷᠬᠡᠭᠵᠢᠭᠦᠯᠪᠡ᠃ ᠬᠠᠷᠢᠨ ᠬᠦᠴᠦᠲᠡᠢ ᠪᠠᠢᠬᠤ ᠳᠤᠨᠢ ᠲᠣᠮᠣ ᠡᠪᠡᠷ ᠨᠢ ᠬᠤᠭᠤᠷᠠᠵᠤ᠂ ᠣᠷᠣᠨ ᠳᠤᠨᠢ ᠣᠨᠴᠠᠭᠠᠢ ᠳᠥᠷᠪᠡᠨ ᠡᠪᠡᠷ ᠲᠩᠷᠢ ᠶᠢᠨ ᠳᠥᠷᠪᠡᠨ ᠵᠦᠭ 4 ᠢ ᠴᠢᠭᠯᠡᠨ ᠤᠷᠭᠤᠪᠠ᠃
9 ᠲᠡᠳᠡᠭᠡᠷ ᠦᠨ ᠳᠣᠲᠣᠷᠠᠬᠢ ᠨᠢᠭᠡ ᠡᠪᠡᠷ ᠡᠴᠡ ᠨᠢᠭᠡᠨ ᠵᠢᠵᠢᠭ ᠡᠪᠡᠷ ᠭᠠᠷᠴᠤ᠂ ᠡᠮᠦᠨᠡ᠂ ᠳᠣᠷᠣᠨᠠ ᠵᠦᠭ᠂ ᠮᠥᠨ ᠵᠢᠪᠬᠤᠯᠠᠩᠲᠤ ᠣᠷᠣᠨ ᠢ ᠴᠢᠭᠯᠡᠨ ᠠᠰᠤᠷᠤ ᠶᠡᠬᠡ ᠪᠡᠷ ᠲᠣᠮᠣᠷᠠᠪᠠ᠃ 10 ᠲᠡᠷᠡ ᠪᠡᠷ ᠲᠩᠷᠢ ᠶᠢᠨ ᠲᠦᠭ ᠲᠦᠮᠡᠨ ᠳᠦ ᠬᠦᠷᠲᠡᠯᠡ ᠤᠷᠭᠤᠵᠤ᠂ ᠲᠦᠭ ᠲᠦᠮᠡᠨ ᠡᠴᠡ᠂ ᠮᠥᠨ ᠣᠳᠣᠳ ᠠᠴᠠ ᠵᠠᠷᠢᠮ ᠢ ᠨᠢ ᠭᠠᠵᠠᠷ ᠲᠤ ᠤᠨᠠᠭᠠᠵᠤ ᠭᠢᠰᠬᠢᠪᠡ᠃ 11 ᠲᠡᠷᠡ ᠥᠪᠡᠷ ᠢ ᠪᠠᠨ ᠲᠦᠭ ᠲᠦᠮᠡᠨ ᠦ ᠵᠠᠩᠵᠤᠨ ᠲᠠᠢ ᠠᠳᠠᠯᠢ ᠪᠣᠯᠭᠠᠬᠤ ᠪᠠᠷ ᠡᠷᠭᠦᠮᠵᠢᠯᠡᠵᠦ᠂ ᠲᠡᠭᠦᠨ ᠳᠦ ᠡᠷᠭᠦᠳᠡᠭ ᠪᠠᠢᠩ᠋ᠭᠤ ᠶᠢᠨ ᠲᠠᠬᠢᠯ ᠢ ᠵᠣᠭᠰᠣᠭᠠᠵᠤ᠂ ᠲᠡᠭᠦᠨ ᠦ ᠠᠷᠢᠭᠤᠨ ᠭᠠᠵᠠᠷ ᠢ ᠨᠤᠷᠠᠭᠠᠪᠠ᠃ 12 ᠬᠢᠯᠢᠨᠴᠡ ᠶᠢᠨ ᠤᠯᠠᠮ ᠢᠶᠠᠷ ᠠᠷᠢᠭᠤᠨ ᠲᠦᠮᠡᠨ ᠴᠤ᠂ ᠪᠠᠢᠩ᠋ᠭᠤ ᠶᠢᠨ ᠲᠠᠬᠢᠯ ᠴᠤ ᠲᠡᠭᠦᠨ ᠦ ᠭᠠᠷ ᠲᠤ ᠲᠤᠰᠢᠶᠠᠭᠳᠠᠵᠤ᠂ ᠦᠨᠡᠨ ᠨᠢ ᠭᠠᠵᠠᠷ ᠳᠡᠭᠡᠷᠡ ᠬᠠᠶᠠᠭᠳᠠᠵᠠᠢ᠃ ᠲᠡᠷᠡ ᠪᠡᠷ ᠡᠨᠡ ᠪᠦᠬᠦᠨ ᠢ ᠦᠢᠯᠡᠳᠬᠦ ᠳᠡᠭᠡᠨ ᠠᠮᠵᠢᠯᠲᠠ ᠣᠯᠣᠭᠰᠠᠨ ᠪᠠᠢᠪᠠ᠃ 13 ᠪᠢ ᠨᠢᠭᠡᠨ ᠠᠷᠢᠭᠤᠨ ᠡᠯᠴᠢ ᠶᠢᠨ ᠶᠠᠷᠢᠵᠤ ᠪᠠᠢᠭᠠ ᠶᠢ ᠰᠣᠨᠣᠰᠴᠤ ᠪᠠᠢᠯᠠ᠃ ᠲᠡᠭᠡᠲᠡᠯᠡ ᠥᠭᠡᠷᠡ ᠨᠢᠭᠡᠨ ᠠᠷᠢᠭᠤᠨ ᠡᠯᠴᠢ ᠲᠡᠭᠦᠨ ᠡᠴᠡ ᠠᠰᠠᠭᠤᠨ᠄ 《ᠪᠠᠢᠩ᠋ᠭᠤ ᠶᠢᠨ ᠲᠠᠬᠢᠯ ᠤᠨ ᠲᠤᠬᠠᠢ᠂ ᠰᠦᠢᠷᠡᠯ ᠠᠪᠴᠢᠷᠠᠬᠤ ᠬᠢᠯᠢᠨᠴᠡ ᠶᠢᠨ ᠲᠤᠬᠠᠢ᠂ ᠮᠥᠨ ᠠᠷᠢᠭᠤᠨ ᠭᠠᠵᠠᠷ ᠪᠠ ᠠᠷᠢᠭᠤᠨ ᠲᠦᠮᠡᠨ ᠬᠥᠯ ᠳᠣᠣᠷᠠ ᠭᠢᠰᠬᠢᠭᠦᠯᠬᠦ ᠲᠤᠬᠠᠢ ᠦᠵᠡᠭᠳᠡᠯ ᠪᠡᠶᠡᠯᠡᠭᠳᠡᠬᠦ ᠬᠦᠷᠲᠡᠯᠡ ᠬᠡᠳᠦᠢ ᠤᠳᠠᠬᠤ ᠪᠤᠢ︖》 ᠭᠡᠬᠦ ᠳᠦ᠂ 14 ᠲᠡᠷᠡ ᠪᠡᠷ ᠨᠠᠳᠠ ᠳᠤ᠄ 《ᠬᠣᠶᠠᠷ ᠮᠢᠩ᠋ᠭᠠ ᠭᠤᠷᠪᠠᠨ ᠵᠠᠭᠤᠨ ᠡᠳᠦᠷ ᠰᠥᠨᠢ ᠶᠤᠮ᠃ ᠲᠡᠭᠦᠨ ᠦ ᠳᠠᠷᠠᠭᠠ ᠯᠠ ᠠᠷᠢᠭᠤᠨ ᠭᠠᠵᠠᠷ ᠵᠥᠪ ᠪᠠᠢᠳᠠᠯ ᠳᠠᠭᠠᠨ ᠣᠷᠣᠨᠠ》 ᠭᠡᠪᠡ᠃
15 ᠳ᠋ᠠᠨᠢᠶᠧᠯ ᠪᠢ ᠡᠨᠡ ᠦᠵᠡᠭᠳᠡᠯ ᠢ ᠦᠵᠡᠭᠡᠳ ᠤᠳᠬᠠ ᠶᠢ ᠨᠢ ᠣᠯᠬᠤ ᠭᠡᠵᠦ ᠪᠠᠢᠬᠤ ᠳᠤ᠂ ᠬᠥᠮᠦᠨ ᠰᠢᠭ ᠳᠦᠷᠰᠦ ᠲᠠᠢ ᠨᠢᠭᠡᠨ ᠮᠢᠨᠦ ᠡᠮᠦᠨᠡ ᠵᠣᠭᠰᠣᠵᠤ ᠪᠠᠢᠪᠠ︕ 16 ᠦᠯᠠᠢ ᠭᠣᠣᠯ ᠠᠴᠠ ᠬᠥᠮᠦᠨ ᠦ ᠳᠠᠭᠤ ᠭᠠᠷᠴᠤ᠄ 《ᠭᠠᠪᠷᠢᠶᠧᠯ ᠡ᠂ ᠡᠨᠡ ᠬᠥᠮᠦᠨ ᠳᠦ ᠲᠡᠷᠡ ᠦᠵᠡᠭᠳᠡᠯ ᠢ ᠣᠢᠯᠠᠭᠠᠭᠤᠯ》 ᠭᠡᠬᠦ ᠶᠢ ᠰᠣᠨᠣᠰᠪᠠ᠃ 17 ᠭᠠᠪᠷᠢᠶᠧᠯ ᠮᠢᠨᠦ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠭᠠᠵᠠᠷ ᠲᠤ ᠳᠥᠭᠥᠵᠦ ᠢᠷᠡᠬᠦ ᠳᠦ᠂ ᠪᠢ ᠠᠶᠤᠵᠤ ᠨᠢᠭᠤᠷ ᠢᠶᠠᠨ ᠭᠠᠵᠠᠷ ᠲᠤ ᠨᠠᠭᠠᠪᠠ᠃ ᠲᠡᠷᠡ ᠢᠷᠡᠵᠦ ᠨᠠᠳᠠ ᠳᠤ᠄ 《ᠬᠥᠮᠦᠨ ᠦ ᠬᠦᠦ ᠡ᠂ ᠡᠨᠡ ᠦᠵᠡᠭᠳᠡᠯ ᠲᠡᠭᠦᠰᠬᠡᠯ ᠦᠨ ᠦᠶᠡ ᠶᠢᠨ ᠲᠤᠬᠠᠢ ᠭᠡᠳᠡᠭ ᠢ ᠣᠢᠯᠠᠭᠠᠭᠲᠤᠨ》 ᠭᠡᠪᠡ᠃
18 ᠲᠡᠷᠡ ᠨᠠᠳᠠ ᠲᠠᠢ ᠶᠠᠷᠢᠬᠤ ᠳᠤ᠂ ᠪᠢ ᠨᠢᠭᠤᠷ ᠢᠶᠠᠨ ᠭᠠᠵᠠᠷ ᠲᠤ ᠨᠠᠭᠠᠨ ᠭᠦᠨ ᠨᠣᠢᠷ ᠲᠤ ᠠᠪᠲᠠᠪᠠ᠃ ᠲᠡᠷᠡ ᠭᠠᠷ ᠢᠶᠠᠨ ᠬᠦᠷᠭᠡᠨ᠂ ᠨᠠᠮᠠᠶᠢ ᠴᠢᠬᠡ ᠪᠣᠰᠬᠠᠵᠤ᠄ 19 《ᠬᠠᠷᠠ᠂ ᠨᠥᠭᠥᠭᠡ ᠦᠵᠡᠭᠳᠡᠯ ᠲᠣᠭᠲᠠᠭᠠᠭᠳᠠᠭᠰᠠᠨ ᠲᠡᠭᠦᠰᠬᠡᠯ ᠦᠨ ᠴᠠᠭ ᠲᠤ ᠪᠣᠯᠣᠨᠠ᠃ ᠡᠢᠮᠦ ᠡᠴᠡ ᠪᠢ ᠴᠢᠮᠠ ᠳᠤ ᠬᠢᠯᠢᠩ ᠤᠨ ᠲᠡᠭᠦᠰᠬᠡᠯ ᠦᠨ ᠦᠶᠡ ᠳᠦ ᠶᠠᠭᠤ ᠪᠣᠯᠬᠤ ᠶᠢ ᠮᠡᠳᠡᠭᠦᠯᠦᠶᠡ᠃ 20 ᠴᠢᠨᠦ ᠦᠵᠡᠭᠰᠡᠨ ᠬᠣᠶᠠᠷ ᠡᠪᠡᠷ ᠲᠡᠢ ᠬᠤᠴᠠ ᠪᠣᠯ ᠮᠧᠳᠢᠶᠠ ᠪᠣᠯᠣᠨ ᠫᠧᠷᠰ ᠤᠨ ᠬᠠᠭᠠᠳ ᠢ ᠵᠢᠭᠠᠵᠤ ᠪᠠᠢᠨᠠ᠃ 21 ᠤᠬᠤᠨᠠ ᠨᠢ ᠭᠷᠧᠭ ᠤᠨ ᠬᠠᠭᠠᠨ ᠢ ᠵᠢᠭᠠᠵᠤ ᠪᠠᠢᠭᠠ ᠪᠥᠭᠡᠳ ᠨᠢᠳᠦᠨ ᠦ ᠬᠢᠨᠢ ᠬᠣᠭᠣᠷᠣᠨᠳᠣᠬᠢ ᠲᠣᠮᠣ ᠡᠪᠡᠷ ᠪᠣᠯ ᠠᠩ᠋ᠬᠠᠨ ᠤ ᠬᠠᠭᠠᠨ ᠨᠢ᠂ 22 ᠬᠤᠭᠤᠷᠠᠭᠰᠠᠨ ᠡᠪᠡᠷ ᠦᠨ ᠳᠠᠷᠠᠭᠠ ᠤᠷᠭᠤᠭᠰᠠᠨ ᠳᠥᠷᠪᠡᠨ ᠡᠪᠡᠷ ᠪᠣᠯ ᠲᠡᠭᠦᠨ ᠦ ᠦᠨᠳᠦᠰᠦᠲᠡᠨ ᠡᠴᠡ ᠪᠣᠰᠬᠤ ᠳᠥᠷᠪᠡᠨ ᠬᠠᠭᠠᠨᠴᠢᠯᠠᠯ ᠶᠤᠮ᠃ ᠬᠠᠷᠢᠨ ᠲᠡᠳᠡ ᠠᠩ᠋ᠬᠠᠨ ᠤ ᠪᠠᠨ ᠰᠢᠭ᠋ ᠬᠦᠴᠦᠲᠡᠢ ᠪᠢᠰᠢ᠃
23 ᠲᠡᠳᠡᠨ ᠦ ᠬᠠᠭᠠᠨᠴᠢᠯᠠᠯ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠦ ᠬᠢᠯᠢᠨᠴᠡ ᠨᠢ ᠲᠤᠢᠯ ᠳᠠᠭᠠᠨ ᠲᠤᠯᠬᠤ ᠳᠤ ᠳᠣᠭᠰᠢᠨ ᠴᠢᠷᠠᠢ ᠲᠠᠢ᠂ ᠵᠠᠯᠢ ᠲᠠᠢ ᠨᠢᠭᠡᠨ ᠬᠠᠭᠠᠨ ᠭᠠᠷᠴᠤ ᠢᠷᠡᠨᠡ᠃
24 ᠲᠡᠳᠡ ᠥᠪᠡᠷ ᠦᠨ ᠢᠶᠠᠨ ᠪᠤᠰᠤ ᠬᠦᠴᠦ ᠪᠡᠷ ᠬᠦᠴᠦᠷᠬᠡᠭᠵᠢᠵᠦ ᠠᠶᠤᠮᠰᠢᠭᠲᠤ ᠡᠪᠳᠡᠯᠭᠡ ᠬᠢᠵᠦ᠂ ᠦᠢᠯᠡᠰ ᠨᠢ ᠠᠮᠵᠢᠯᠲᠠ ᠣᠯᠣᠨᠠ ᠲᠡᠷᠡ ᠬᠦᠴᠦᠲᠡᠳ ᠪᠣᠯᠣᠨ ᠠᠷᠢᠭᠤᠨ ᠠᠷᠠᠳ ᠲᠦᠮᠡᠨ ᠢ ᠰᠥᠨᠥᠭᠡᠨᠡ᠃
25 ᠲᠡᠷᠡ ᠵᠠᠯᠢ ᠮᠡᠬᠡ ᠪᠡᠷ ᠠᠮᠵᠢᠯᠲᠠ ᠣᠯᠵᠤ᠂ ᠥᠪᠡᠷ ᠢ ᠪᠠᠨ ᠠᠭᠤᠤ ᠳᠤ ᠲᠣᠭᠠᠴᠠᠨᠠ ᠣᠯᠠᠨ ᠢ ᠠᠮᠤᠷ ᠲᠠᠢᠪᠤᠩ ᠪᠠᠢᠬᠤ ᠳᠤᠨᠢ ᠤᠰᠠᠳᠬᠠᠵᠤ ᠨᠣᠶᠠᠳ ᠤᠨ ᠨᠣᠶᠠᠨ ᠤ ᠡᠰᠡᠷᠭᠦ ᠪᠣᠰᠣᠨᠠ ᠬᠠᠷᠢᠨ ᠬᠥᠮᠦᠨ ᠦ ᠭᠠᠷ ᠠᠴᠠ ᠪᠢᠰᠢ ᠪᠠᠷ ᠮᠥᠬᠥᠨᠡ᠃
26 ᠳᠡᠭᠡᠷᠡ ᠥᠭᠦᠯᠡᠭᠰᠡᠨ ᠡᠳᠦᠷ ᠰᠥᠨᠢ ᠶᠢᠨ ᠲᠠᠯᠠ ᠪᠠᠷ ᠬᠢ ᠦᠵᠡᠭᠳᠡᠯ ᠦᠨᠡᠨ ᠪᠢᠯᠡ ᠬᠠᠷᠢᠨ ᠡᠨᠡ ᠨᠢ ᠣᠯᠠᠨ ᠬᠣᠨᠣᠭ ᠤᠨ ᠳᠠᠷᠠᠭᠠ ᠪᠣᠯᠬᠤ ᠲᠤᠯᠠ ᠴᠢ ᠲᠡᠷᠡ ᠦᠵᠡᠭᠳᠡᠯ ᠢ ᠨᠢᠭᠤᠴᠠᠯᠠᠨ ᠬᠠᠳᠠᠭᠠᠯᠠ》 ᠭᠡᠯᠡ᠃
27 ᠳᠠᠷᠠᠭᠠ ᠨᠢ ᠳ᠋ᠠᠨᠢᠶᠧᠯ ᠪᠢ ᠲᠤᠢᠯᠳᠠᠵᠤ᠂ ᠬᠡᠳᠦᠨ ᠡᠳᠦᠷ ᠡᠪᠡᠳᠦᠯᠡ᠃ ᠲᠡᠭᠡᠭᠡᠭᠰᠡᠨ ᠢᠶᠡᠨ ᠪᠢ ᠪᠣᠰᠴᠤ᠂ ᠬᠠᠭᠠᠨ ᠤ ᠠᠯᠪᠠ ᠶᠢ ᠭᠦᠢᠴᠡᠳᠬᠡᠪᠡ᠃ ᠲᠡᠢᠨ ᠬᠦ ᠪᠢ ᠨᠥᠭᠥᠭᠡ ᠦᠵᠡᠭᠳᠡᠯ ᠦᠨ ᠤᠯᠠᠮ ᠢᠶᠠᠷ ᠶᠡᠬᠡ ᠴᠣᠴᠢᠷᠳᠠᠯ ᠳᠤ ᠣᠷᠣᠭᠰᠠᠨ ᠪᠥᠭᠡᠳ ᠲᠡᠷᠡ ᠨᠢ ᠤᠬᠠᠭᠠᠷᠠᠭᠳᠠᠰᠢ ᠦᠭᠡᠢ ᠪᠠᠢᠪᠠ᠃