ᠨᠣᠮᠯᠠᠭᠴᠢ ᠶᠢᠨ ᠦᠭᠡᠰ ᠭᠤᠷᠪᠠ
ᠪᠦᠬᠦ ᠶᠠᠪᠤᠳᠠᠯ ᠥᠪᠡᠷ ᠦᠨ ᠴᠠᠭ ᠲᠠᠢ
1 ᠲᠩᠷᠢ ᠶᠢᠨ ᠳᠣᠣᠷᠠᠬᠢ ᠪᠦᠬᠦ ᠵᠦᠢᠯ ᠳᠤ ᠬᠤᠭᠤᠴᠠᠭᠠ᠂ ᠪᠦᠬᠦ ᠶᠠᠪᠤᠳᠠᠯ ᠳᠤ ᠴᠠᠭ ᠪᠤᠢ᠃
2 ᠲᠥᠷᠥᠬᠦ ᠴᠠᠭ ᠬᠢᠭᠡᠳ ᠦᠬᠦᠬᠦ ᠴᠠᠭ ᠲᠠᠷᠢᠬᠤ ᠴᠠᠭ ᠬᠢᠭᠡᠳ ᠲᠠᠷᠢᠭᠰᠠᠨ ᠢᠶᠠᠨ ᠬᠠᠳᠤᠬᠤ ᠴᠠᠭ
3 ᠠᠯᠠᠬᠤ ᠴᠠᠭ ᠬᠢᠭᠡᠳ ᠠᠨᠠᠭᠠᠬᠤ ᠴᠠᠭ ᠨᠤᠷᠠᠭᠠᠬᠤ ᠴᠠᠭ ᠬᠢᠭᠡᠳ ᠪᠣᠰᠬᠠᠬᠤ ᠴᠠᠭ
4 ᠤᠬᠢᠯᠠᠬᠤ ᠴᠠᠭ ᠬᠢᠭᠡᠳ ᠢᠨᠢᠶᠡᠬᠦ ᠴᠠᠭ ᠭᠠᠰᠢᠭᠤᠳᠠᠬᠤ ᠴᠠᠭ ᠬᠢᠭᠡᠳ ᠪᠥᠵᠢᠭᠯᠡᠬᠦ ᠴᠠᠭ
5 ᠴᠢᠯᠠᠭᠤ ᠰᠢᠳᠡᠬᠦ ᠴᠠᠭ ᠬᠢᠭᠡᠳ ᠴᠢᠯᠠᠭᠤ ᠴᠤᠭᠯᠠᠭᠤᠯᠬᠤ ᠴᠠᠭ ᠲᠡᠪᠡᠷᠢᠬᠦ ᠴᠠᠭ ᠬᠢᠭᠡᠳ ᠲᠡᠪᠡᠷᠢᠯᠲᠡ ᠡᠴᠡ ᠬᠣᠯᠠᠳᠠᠬᠤ ᠴᠠᠭ
6 ᠣᠯᠬᠤ ᠴᠠᠭ ᠬᠢᠭᠡᠳ ᠠᠯᠳᠠᠬᠤ ᠴᠠᠭ ᠬᠠᠳᠠᠭᠠᠯᠠᠬᠤ ᠴᠠᠭ ᠬᠢᠭᠡᠳ ᠬᠠᠶᠠᠬᠤ ᠴᠠᠭ
7 ᠤᠷᠠᠬᠤ ᠴᠠᠭ ᠬᠢᠭᠡᠳ ᠣᠶᠣᠬᠤ ᠴᠠᠭ ᠳᠤᠭᠤᠢ ᠴᠠᠭ ᠬᠢᠭᠡᠳ ᠳᠤᠤᠭᠠᠷᠬᠤ ᠴᠠᠭ
8 ᠬᠠᠢᠷᠠᠯᠠᠬᠤ ᠴᠠᠭ ᠬᠢᠭᠡᠳ ᠬᠣᠷᠣᠰᠬᠤ ᠴᠠᠭ ᠳᠠᠢᠲᠤᠬᠤ ᠴᠠᠭ ᠬᠢᠭᠡᠳ ᠨᠠᠢᠷᠠᠮᠳᠠᠬᠤ ᠴᠠᠭ ᠪᠠᠢᠳᠠᠭ ᠠᠵᠢ᠃
9 ᠦᠢᠯᠡᠳᠦᠭᠴᠢ ᠨᠢ ᠵᠢᠳᠬᠦᠭᠰᠡᠨ ᠢᠶᠡᠷ ᠢᠶᠠᠨ ᠶᠠᠭᠤ ᠣᠯᠬᠤ ᠪᠢᠯᠡ︖ 10 ᠬᠥᠮᠦᠨ ᠦ ᠬᠥᠪᠡᠭᠦᠳ ᠲᠦ ᠪᠤᠷᠬᠠᠨ ᠤ ᠡᠭᠦᠷᠦᠭᠦᠯᠦᠭᠰᠡᠨ ᠠᠴᠢᠶᠠ ᠶᠢ ᠪᠢ ᠬᠠᠷᠠᠪᠠ᠃ 11 ᠪᠤᠷᠬᠠᠨ ᠪᠦᠬᠦᠨ ᠢ ᠴᠠᠭ ᠲᠤᠨᠢ ᠰᠠᠢᠬᠠᠨ ᠪᠠᠢᠯᠭᠠᠬᠤ ᠪᠠᠷ ᠪᠦᠲᠦᠭᠡᠵᠦ᠂ ᠬᠥᠮᠦᠨ ᠦ ᠰᠡᠳᠬᠢᠯ ᠳᠤ ᠥᠨᠢ ᠮᠥᠩᠬᠡ ᠶᠢ ᠬᠢᠵᠡᠢ᠃ ᠬᠠᠷᠢᠨ ᠬᠥᠮᠦᠨ ᠪᠤᠷᠬᠠᠨ ᠤ ᠬᠢᠳᠡᠭ ᠦᠢᠯᠡᠰ ᠢ ᠡᠬᠢᠨ ᠡᠴᠡ ᠨᠢ ᠡᠴᠦᠰ ᠲᠤᠨᠢ ᠬᠦᠷᠲᠡᠯᠡ ᠣᠢᠯᠠᠭᠠᠬᠤ ᠦᠭᠡᠢ ᠤᠴᠢᠷ 12 ᠬᠥᠮᠦᠨ ᠠᠮᠢᠳᠤᠷᠠᠬᠤ ᠵᠠᠭᠤᠷᠠ ᠪᠠᠨ ᠪᠠᠶᠠᠰᠬᠤᠯᠠᠩ ᠲᠠᠢ ᠪᠠᠢᠵᠤ᠂ ᠰᠠᠢᠨ ᠢ ᠦᠢᠯᠡᠳᠬᠦ ᠡᠴᠡ ᠳᠡᠭᠡᠷᠡ ᠵᠦᠢᠯ ᠦᠭᠡᠢ᠃ 13 ᠶᠠᠮᠠᠷ ᠬᠥᠮᠦᠨ ᠴᠤ ᠭᠡᠰᠡᠨ ᠢᠳᠡᠵᠦ ᠤᠤᠭᠤᠨ᠂ ᠵᠢᠳᠬᠦᠭᠰᠡᠨ ᠪᠣᠯᠭᠠᠨ ᠢᠶᠠᠷ ᠢᠶᠠᠨ ᠰᠠᠢᠨ ᠢ ᠠᠮᠰᠠᠬᠤ ᠨᠢ ᠪᠤᠷᠬᠠᠨ ᠤ ᠬᠡᠰᠢᠭ ᠭᠡᠳᠡᠭ ᠢ ᠪᠢ ᠣᠢᠯᠠᠭᠠᠯᠠ᠃ 14 ᠮᠥᠨ ᠪᠤᠷᠬᠠᠨ ᠤ ᠦᠢᠯᠡ ᠪᠣᠯᠭᠠᠨ ᠮᠥᠩᠬᠡᠳᠡ ᠦᠯᠡᠳᠡᠳᠡᠭ ᠢ᠂ ᠲᠡᠭᠦᠨ ᠳᠦᠨᠢ ᠨᠡᠮᠡᠬᠦ ᠪᠤᠶᠤ ᠲᠡᠭᠦᠨ ᠡᠴᠡ ᠨᠢ ᠬᠠᠰᠤᠬᠤ ᠵᠦᠢᠯ ᠪᠠᠢᠬᠤ ᠦᠭᠡᠢ ᠭᠡᠳᠡᠭ ᠢ ᠪᠢ ᠣᠢᠯᠠᠭᠠᠯᠠ᠃ ᠪᠤᠷᠬᠠᠨ ᠡᠢᠨ ᠬᠦ ᠦᠢᠯᠡᠳᠳᠡᠭ ᠤᠴᠢᠷ ᠠᠴᠠ ᠬᠥᠮᠦᠨ ᠲᠡᠭᠦᠨ ᠡᠴᠡ ᠡᠮᠢᠶᠡᠬᠦ ᠶᠣᠰᠣᠲᠠᠢ᠃ 15 ᠣᠳᠣ ᠪᠠᠢᠭᠠ ᠨᠢ ᠬᠡᠳᠦᠢᠨᠡᠢ ᠪᠠᠢᠭᠰᠠᠨ᠂ ᠬᠣᠵᠢᠮ ᠪᠠᠢᠬᠤ ᠨᠢ ᠴᠤ ᠬᠡᠳᠦᠢᠨᠡᠢ ᠪᠠᠢᠭᠰᠠᠨ᠃ ᠲᠡᠢᠨ ᠬᠦ ᠪᠤᠷᠬᠠᠨ ᠥᠩᠭᠡᠷᠡᠭᠰᠡᠨ ᠢ ᠳᠠᠬᠢᠨ ᠬᠠᠢᠵᠤ ᠠᠪᠴᠢᠷᠠᠳᠠᠭ᠃
ᠬᠥᠮᠦᠨ ᠦ ᠠᠮᠢᠳᠤᠷᠠᠯ ᠤᠨ ᠤᠳᠬᠠ ᠦᠭᠡᠢ ᠪᠠᠢᠳᠠᠯ
16 ᠪᠢ ᠮᠥᠨ ᠨᠠᠷᠠᠨ ᠤ ᠳᠣᠣᠷᠠ ᠰᠢᠳᠤᠷᠭᠤ ᠭᠡᠭᠳᠡᠬᠦ ᠭᠠᠵᠠᠷ ᠲᠤ ᠪᠤᠷᠤᠭᠤ ᠨᠢ᠂ ᠵᠥᠪ ᠭᠡᠭᠳᠡᠬᠦ ᠭᠠᠵᠠᠷ ᠲᠤ ᠪᠤᠷᠤᠭᠤ ᠨᠢ ᠪᠠᠢᠬᠤ ᠶᠢ ᠦᠵᠡᠭᠡᠳ 17 ᠵᠢᠷᠦᠬᠡᠨ ᠳᠡᠭᠡᠨ 《ᠶᠠᠪᠤᠳᠠᠯ ᠪᠣᠯᠭᠠᠨ ᠳᠤ᠂ ᠦᠢᠯᠡ ᠪᠣᠯᠭᠠᠨ ᠳᠤ ᠲᠣᠭᠲᠠᠭᠰᠠᠨ ᠴᠠᠭ ᠪᠤᠢ᠂ ᠪᠤᠷᠬᠠᠨ ᠵᠥᠪᠲᠡᠨ ᠪᠤᠷᠤᠭᠤᠲᠠᠨ ᠢ ᠲᠡᠨᠳᠡ ᠪᠡᠨ ᠰᠢᠭᠦᠬᠦ ᠪᠣᠯᠣᠨᠠ》 ᠭᠡᠵᠦ᠂ 18 ᠪᠠᠰᠠ ᠬᠥᠮᠦᠨ ᠦ ᠬᠥᠪᠡᠭᠦᠳ ᠦᠨ ᠦᠢᠯᠡ ᠬᠡᠷᠡᠭ ᠦᠨ ᠲᠠᠯᠠ ᠪᠠᠷ ᠪᠣᠳᠣᠵᠤ 《ᠥᠪᠡᠷᠰᠡᠳ ᠢᠶᠡᠨ ᠠᠳᠤᠭᠤᠰᠤ ᠶᠤᠮ ᠭᠡᠳᠡᠭ ᠢᠶᠡᠨ ᠲᠠᠨᠢᠬᠤᠢᠴᠠ ᠪᠠᠷ ᠪᠤᠷᠬᠠᠨ ᠲᠡᠳᠡᠨ ᠢ ᠲᠤᠷᠰᠢᠭᠠᠰᠠᠢ》 ᠭᠡᠪᠡ᠃ 19 ᠤᠴᠢᠷ ᠨᠢ ᠬᠥᠮᠦᠨ ᠦ ᠬᠤᠪᠢ ᠲᠠᠪᠢᠯᠠᠩ ᠠᠳᠤᠭᠤᠰᠤᠨ ᠤ ᠬᠤᠪᠢ ᠲᠠᠪᠢᠯᠠᠩ ᠲᠠᠢ ᠠᠳᠠᠯᠢ᠂ ᠨᠢᠭᠡ ᠨᠢ ᠦᠬᠦᠳᠡᠭ ᠦᠨ ᠠᠳᠠᠯᠢ ᠨᠥᠭᠥᠭᠡ ᠨᠢ ᠴᠤ ᠦᠬᠦᠨᠡ᠃ ᠠᠯᠢ ᠠᠯᠢ ᠨᠢ ᠴᠤ ᠢᠵᠢᠯᠬᠡᠨ ᠠᠮᠢᠰᠬᠤᠯ ᠲᠠᠢ᠃ ᠬᠥᠮᠦᠨ ᠳᠦ ᠠᠳᠤᠭᠤᠰᠤᠨ ᠠᠴᠠ ᠳᠡᠭᠡᠷᠡ ᠶᠠᠭᠤᠮᠠ ᠠᠯᠠᠭᠠ᠂ ᠪᠦᠭᠦᠳᠡ ᠬᠣᠭᠣᠰᠣᠨ︕ 20 ᠬᠣᠶᠠᠭᠤᠯᠠ ᠪᠠᠨ ᠨᠢᠭᠡ ᠯᠠ ᠭᠠᠵᠠᠷ ᠤᠷᠤᠭᠤ ᠶᠠᠪᠤᠨᠠ᠃ ᠬᠣᠶᠠᠭᠤᠯᠠ ᠪᠠᠨ ᠰᠢᠷᠣᠢ ᠠᠴᠠ ᠢᠷᠡᠵᠦ᠂ ᠬᠣᠶᠠᠭᠤᠯᠠ ᠰᠢᠷᠣᠢ ᠳᠠᠭᠠᠨ ᠪᠤᠴᠠᠨᠠ᠃ 21 ᠬᠥᠮᠦᠨ ᠦ ᠠᠮᠢᠰᠬᠤᠯ ᠳᠡᠭᠡᠭᠰᠢ ᠭᠠᠷᠴᠤ᠂ ᠠᠳᠤᠭᠤᠰᠤᠨ ᠤ ᠠᠮᠢᠰᠬᠤᠯ ᠭᠠᠵᠠᠷ ᠠᠴᠠ ᠳᠣᠭᠣᠭᠰᠢ ᠪᠠᠭᠤᠳᠠᠭ ᠭᠡᠵᠦ ᠬᠡᠨ ᠮᠡᠳᠡᠬᠦ ᠪᠢᠯᠡ︖ 22 ᠲᠡᠢᠮᠦ ᠡᠴᠡ ᠬᠥᠮᠦᠨ ᠦ ᠬᠤᠪᠢ ᠳᠤ᠂ ᠦᠢᠯᠡᠳᠴᠦ ᠪᠠᠢᠭᠠ ᠪᠠᠷ ᠢᠶᠠᠨ ᠪᠠᠶᠠᠰᠬᠤᠯᠠᠩ ᠲᠠᠢ ᠪᠠᠢᠬᠤ ᠠᠴᠠ ᠰᠠᠢᠨ ᠨᠢ ᠦᠭᠡᠢ ᠭᠡᠳᠡᠭ ᠢ ᠪᠢ ᠣᠢᠯᠠᠭᠠᠯᠠ᠃ ᠲᠡᠭᠦᠨ ᠦ ᠬᠤᠪᠢ ᠨᠣᠭᠳᠠᠯ ᠡᠨᠡ ᠶᠤᠮ᠃ ᠲᠡᠭᠦᠨ ᠡᠴᠡ ᠬᠣᠢᠰᠢ ᠶᠠᠭᠤ ᠪᠣᠯᠬᠤ ᠶᠢ ᠦᠵᠡᠭᠦᠯᠬᠦ ᠪᠡᠷ ᠬᠡᠨ ᠲᠡᠭᠦᠨ ᠢ ᠳᠠᠭᠠᠭᠤᠯᠵᠤ ᠴᠢᠳᠠᠬᠤ ᠪᠢᠯᠡ︖