ᠨᠣᠮᠯᠠᠭᠴᠢ ᠶᠢᠨ ᠦᠭᠡᠰ ᠳᠥᠷᠪᠡ
ᠳᠠᠷᠤᠯᠠᠯ᠂ ᠵᠦᠳᠡᠷᠡᠯ᠂ ᠭᠠᠭᠴᠠᠭᠠᠷᠳᠠᠯ
1 ᠳᠠᠷᠠᠭᠠ ᠨᠢ ᠪᠢ ᠨᠠᠷᠠᠨ ᠤ ᠳᠣᠣᠷᠠ ᠪᠣᠯᠵᠤ ᠪᠤᠢ ᠶᠠᠩᠵᠤ ᠪᠦᠷᠢ ᠶᠢᠨ ᠳᠠᠷᠤᠯᠠᠯ ᠢ ᠬᠠᠷᠠᠯᠠ᠃ ᠳᠠᠷᠤᠯᠠᠭᠳᠠᠭᠰᠠᠳ ᠤᠨ ᠨᠢᠯᠪᠤᠰᠤ ᠶᠢ ᠬᠠᠷᠠ᠂ ᠲᠡᠳᠡᠨ ᠢ ᠲᠠᠢᠳᠬᠤᠷᠠᠭᠤᠯᠬᠤ ᠬᠥᠮᠦᠨ ᠠᠯᠠᠭᠠ᠃ ᠥᠪᠡᠷᠰᠡᠳ ᠢ ᠨᠢ ᠳᠠᠷᠤᠯᠠᠭᠴᠢ ᠶᠢᠨ ᠭᠠᠷ ᠲᠤ ᠡᠷᠬᠡ ᠮᠡᠳᠡᠯ ᠪᠠᠢᠭᠠ ᠪᠣᠯ᠂ ᠥᠪᠡᠷᠰᠡᠳ ᠢ ᠨᠢ ᠲᠠᠢᠳᠬᠤᠷᠠᠭᠤᠯᠬᠤ ᠬᠥᠮᠦᠨ ᠠᠯᠠᠭᠠ᠃ 2 ᠲᠡᠢᠮᠦ ᠡᠴᠡ ᠪᠢ ᠣᠳᠣ ᠠᠮᠢᠳᠤ ᠠᠮᠢᠳᠤᠷᠠᠭᠰᠠᠳ ᠠᠴᠠ ᠬᠡᠳᠦᠢᠨᠡᠢ ᠦᠬᠦᠭᠰᠡᠨ ᠦᠬᠦᠭᠰᠡᠳ ᠨᠢ ᠳᠡᠭᠡᠷᠡ ᠭᠡᠵᠦ ᠦᠵᠡᠪᠡ᠃ 3 ᠲᠡᠷᠡ ᠬᠣᠶᠠᠷ ᠠᠴᠠ ᠨᠠᠷᠠᠨ ᠤ ᠳᠣᠣᠷᠠ ᠬᠢᠭᠳᠡᠳᠡᠭ ᠮᠠᠭᠤ ᠦᠢᠯᠡ ᠶᠢ ᠬᠠᠷᠠᠭᠠ ᠦᠭᠡᠢ᠂ ᠬᠠᠷᠠᠬᠠᠨ ᠪᠤᠢ ᠪᠣᠯᠣᠭᠠ ᠦᠭᠡᠢ ᠨᠢᠭᠡᠨ ᠨᠢ ᠢᠯᠡᠭᠦᠦ ᠳᠡᠭᠡᠷᠡ ᠭᠡᠵᠦ ᠦᠵᠡᠪᠡ᠃
4 ᠪᠢ ᠪᠠᠰᠠ ᠠᠯᠢᠪᠠ ᠵᠢᠳᠬᠦᠯ ᠪᠠ ᠠᠯᠢᠪᠠ ᠣᠯᠣᠯᠲᠠ ᠶᠢ ᠦᠵᠡᠬᠦ ᠳᠦ᠂ ᠲᠡᠷᠡ ᠨᠢ ᠴᠤ ᠬᠥᠮᠦᠨ ᠬᠥᠷᠰᠢ ᠳᠡᠭᠡᠨ ᠠᠲᠠᠭᠠᠷᠬᠠᠭᠰᠠᠨ ᠠᠴᠠ ᠪᠣᠯᠣᠭᠰᠠᠨ ᠠᠵᠢ᠃ ᠡᠨᠡ ᠨᠢ ᠮᠥᠨ ᠯᠠ ᠬᠣᠭᠣᠰᠣᠨ᠂ ᠰᠠᠯᠬᠢᠨ ᠢ ᠬᠥᠭᠡᠭᠡᠴᠡᠯᠳᠦᠬᠦ ᠬᠡᠷᠡᠭ᠃
5 ᠭᠠᠷ ᠢᠶᠠᠨ ᠬᠤᠮᠢᠨ ᠪᠡᠶᠡ ᠪᠡᠨ ᠥᠯᠥᠰᠭᠡᠭᠴᠢ ᠨᠢ ᠮᠤᠩ᠋ᠬᠠᠭ᠂
6 ᠬᠣᠶᠠᠷ ᠠᠳᠬᠤ ᠳᠦᠭᠦᠷᠡᠩ ᠪᠠᠢᠵᠤ ᠵᠦᠳᠡᠷᠡᠨ ᠰᠠᠯᠬᠢᠨ ᠢ ᠬᠥᠭᠡᠭᠡᠴᠡᠯᠳᠦᠭᠰᠡᠨ ᠡᠴᠡ ᠨᠢᠭᠡ ᠠᠳᠬᠤ ᠳᠦᠭᠦᠷᠡᠩ ᠠᠮᠤᠷ ᠪᠠᠢᠭᠰᠠᠨ ᠨᠢ ᠳᠡᠭᠡᠷᠡ᠃
7 ᠳᠠᠷᠠᠭᠠ ᠨᠢ ᠪᠢ ᠨᠠᠷᠠᠨ ᠤ ᠳᠣᠣᠷᠠᠬᠢ ᠪᠠᠰᠠ ᠨᠢᠭᠡᠨ ᠬᠣᠭᠣᠰᠣᠨ ᠢ ᠦᠵᠡᠪᠡ᠃ 8 ᠭᠤᠨᠢ ᠭᠠᠭᠴᠠ ᠨᠢᠭᠡ ᠬᠥᠮᠦᠨ ᠪᠠᠢᠪᠠ᠂ ᠲᠡᠭᠦᠨ ᠳᠦ ᠬᠡᠦᠬᠡᠳ ᠦᠭᠡᠢ᠂ ᠠᠬᠠ ᠳᠡᠭᠦᠦᠰ ᠴᠤ ᠦᠭᠡᠢ ᠪᠠᠢᠯᠠ᠃ ᠲᠡᠭᠦᠨ ᠦ ᠵᠢᠳᠬᠦᠯ ᠲᠡᠭᠦᠰᠬᠡᠯ ᠦᠭᠡᠢ᠂ ᠨᠢᠳᠦ ᠨᠢ ᠡᠳ᠋ ᠪᠠᠶᠠᠯᠢᠭ ᠲᠠᠭᠠᠨ ᠬᠠᠨᠤᠬᠤ ᠦᠭᠡᠢ᠂ ᠲᠡᠷᠡ 《ᠪᠢ ᠬᠡᠨ ᠦ ᠲᠥᠯᠥᠭᠡ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠰᠠᠢᠨ ᠰᠠᠢᠬᠠᠨ ᠢ ᠵᠣᠷᠢᠭᠤᠯᠵᠤ ᠵᠢᠳᠬᠦᠵᠦ ᠪᠠᠢᠨᠠ ᠪᠤᠢ︖》 ᠭᠡᠵᠦ ᠠᠰᠠᠭᠤᠬᠤ ᠴᠤ ᠦᠭᠡᠢ ᠪᠠᠢᠪᠠ᠃ ᠡᠨᠡ ᠨᠢ ᠮᠥᠨ ᠯᠠ ᠬᠣᠭᠣᠰᠣᠨ᠂ ᠥᠷᠥᠪᠳᠥᠯᠲᠡᠢ ᠬᠡᠷᠡᠭ ᠶᠤᠮ᠃
9 ᠭᠠᠭᠴᠠᠭᠠᠷ ᠢᠶᠠᠨ ᠪᠠᠢᠭᠰᠠᠨ ᠠᠴᠠ ᠬᠣᠶᠠᠭᠤᠯᠠ ᠪᠠᠢᠬᠤ ᠨᠢ ᠳᠡᠭᠡᠷᠡ᠂ ᠲᠡᠭᠡᠪᠡᠯ ᠲᠡᠳᠡᠨ ᠦ ᠵᠢᠳᠬᠦᠯ ᠢᠯᠡᠭᠦᠦ ᠦᠷᠡ ᠳ᠋ᠦᠩ ᠲᠡᠢ᠃ 10 ᠤᠨᠠᠬᠤ ᠳᠤ ᠨᠢᠭᠡ ᠨᠢ ᠨᠥᠭᠥᠭᠡ ᠪᠡᠨ ᠪᠣᠰᠬᠠᠨᠠ᠃ ᠤᠨᠠᠬᠤ ᠶᠢᠨ ᠴᠠᠭ ᠲᠤᠨᠢ ᠪᠣᠰᠬᠠᠬᠤ ᠬᠠᠨᠢ ᠦᠭᠡᠢ ᠨᠢ ᠬᠥᠭᠡᠷᠦᠬᠦᠢᠯᠡᠯᠲᠡᠢ᠃ 11 ᠬᠣᠶᠠᠭᠤᠯᠠ ᠬᠠᠮᠲᠤ ᠬᠡᠪᠲᠡᠪᠡᠯ ᠳᠤᠯᠠᠭᠠᠴᠠᠨᠠ᠂ ᠬᠠᠷᠢᠨ ᠭᠠᠭᠴᠠᠭᠠᠷ ᠢᠶᠠᠨ ᠬᠡᠷᠬᠢᠨ ᠳᠤᠯᠠᠭᠠᠴᠠᠬᠤ ᠪᠢᠯᠡ︖ 12 ᠭᠠᠭᠴᠠ ᠬᠥᠮᠦᠨ ᠦ ᠳᠡᠢᠯᠦᠰᠢ ᠦᠭᠡᠢ ᠨᠢᠭᠡᠨ ᠢ ᠬᠣᠶᠠᠭᠤᠯᠠ ᠳᠡᠢᠯᠦᠨᠡ᠃ ᠭᠤᠷᠮᠤᠰᠤᠨ ᠰᠣᠷ ᠠᠮᠠᠷᠬᠠᠨ ᠲᠠᠰᠤᠷᠠᠳᠠᠭ ᠦᠭᠡᠢ᠃
ᠨᠡᠷᠡ ᠬᠦᠨᠳᠦ ᠨᠢ ᠬᠣᠭᠣᠰᠣᠨ
13 ᠵᠥᠪᠯᠡᠯᠭᠡ ᠠᠪᠬᠤ ᠪᠠᠨ ᠪᠣᠯᠢᠭᠰᠠᠨ ᠡᠪᠦᠭᠡᠨ ᠲᠡᠨᠡᠭ ᠬᠠᠭᠠᠨ ᠠᠴᠠ ᠤᠬᠠᠭᠠᠨ ᠲᠠᠢ ᠶᠠᠳᠠᠭᠤ ᠵᠠᠯᠠᠭᠤ ᠨᠢ ᠳᠡᠭᠡᠷᠡ᠃ 14 ᠲᠡᠷᠡ ᠬᠠᠭᠠᠨᠲᠤ ᠤᠯᠤᠰ ᠲᠤ ᠶᠠᠳᠠᠭᠤ ᠲᠥᠷᠥᠭᠰᠡᠨ ᠪᠣᠯᠪᠠᠴᠤ ᠱᠣᠷᠣᠩ ᠠᠴᠠ ᠭᠠᠷᠤᠭᠠᠳ ᠬᠠᠭᠠᠨ ᠪᠣᠯᠣᠭᠰᠠᠨ᠃ 15 ᠪᠢ ᠬᠠᠷᠠᠬᠤ ᠳᠤ ᠨᠠᠷᠠᠨ ᠤ ᠳᠣᠣᠷᠠᠬᠢ ᠠᠮᠢᠳᠤ ᠶᠠᠪᠤᠭᠰᠠᠳ ᠪᠦᠭᠦᠳᠡ ᠪᠥᠭᠡᠮᠨᠡᠷᠡᠨ ᠨᠥᠭᠥᠭᠡ ᠬᠠᠭᠠᠨ ᠢ ᠵᠠᠯᠭᠠᠮᠵᠢᠯᠠᠬᠤ ᠲᠡᠷᠡ ᠵᠠᠯᠠᠭᠤ ᠶᠢ ᠳᠠᠭᠠᠵᠤ ᠪᠠᠢᠯᠠ᠃ 16 ᠲᠡᠷᠡ ᠠᠷᠠᠳ ᠢᠷᠭᠡᠳ᠂ ᠲᠡᠭᠦᠨ ᠢ ᠳᠠᠭᠠᠭᠰᠠᠨ ᠪᠦᠬᠦᠨ ᠲᠣᠭᠠᠯᠠᠰᠢ ᠦᠭᠡᠢ ᠪᠠᠢᠪᠠᠴᠤ᠂ ᠲᠡᠭᠦᠨ ᠦ ᠳᠠᠷᠠᠭᠠ ᠬᠣᠵᠢᠮ ᠢᠷᠡᠬᠦ ᠬᠥᠮᠦᠰ ᠲᠡᠭᠦᠨ ᠢ ᠲᠠᠭᠠᠰᠢᠶᠠᠬᠤ ᠦᠭᠡᠢ᠃ ᠡᠨᠡ ᠨᠢ ᠮᠥᠨ ᠯᠠ ᠬᠣᠭᠣᠰᠣᠨ᠂ ᠰᠠᠯᠬᠢᠨ ᠢ ᠬᠥᠭᠡᠭᠡᠴᠡᠯᠳᠦᠬᠦ ᠬᠡᠷᠡᠭ᠃