ᠨᠣᠮᠯᠠᠭᠴᠢ ᠶᠢᠨ ᠦᠭᠡᠰ ᠠᠷᠪᠠ
ᠮᠡᠷᠭᠡᠨ ᠪᠠ ᠮᠤᠩ᠋ᠬᠠᠭ
1 ᠦᠬᠦᠭᠰᠡᠨ ᠢᠯᠠᠭᠠ ᠠᠩᠬᠢᠯᠤᠮᠠ ᠲᠣᠰᠣ ᠶᠢ ᠥᠮᠡᠬᠡᠶᠢᠷᠡᠭᠦᠯᠳᠡᠭ᠌ ᠥᠴᠦᠬᠡᠨ ᠲᠡᠨᠡᠭᠯᠡᠯ ᠮᠡᠷᠭᠡᠨ ᠤᠬᠠᠭᠠᠨ᠂ ᠠᠯᠳᠠᠷ ᠬᠦᠨᠳᠦ ᠶᠢ ᠭᠤᠲᠤᠭᠠᠳᠠᠭ᠃
2 ᠮᠡᠷᠭᠡᠨ ᠦ ᠰᠡᠳᠬᠢᠯ ᠵᠥᠪ ᠲᠡᠰᠢ 2 ᠮᠤᠩ᠋ᠬᠠᠭ ᠤᠨ ᠰᠡᠳᠬᠢᠯ ᠪᠤᠷᠤᠭᠤ ᠲᠡᠰᠢ 3 ᠃
3 ᠮᠤᠩ᠋ᠬᠠᠭ ᠨᠢ ᠵᠠᠮ ᠶᠠᠪᠤᠬᠤ ᠳᠠᠭᠠᠨ ᠴᠤ ᠤᠬᠠᠭᠠᠨ ᠦᠭᠡᠢ ᠪᠠᠢᠵᠤ ᠮᠤᠩ᠋ᠬᠠᠭ ᠭᠡᠳᠡᠭ ᠢᠶᠡᠨ ᠣᠯᠠᠨ ᠪᠦᠭᠦᠳᠡ ᠳᠦ ᠮᠡᠳᠡᠭᠦᠯᠳᠡᠭ᠃
4 ᠵᠠᠬᠢᠷᠤᠭᠴᠢ ᠴᠢᠮᠠ ᠳᠤ ᠠᠭᠤᠷ ᠢᠶᠠᠨ ᠭᠠᠷᠭᠠᠭᠰᠠᠨ ᠴᠤ ᠴᠢ ᠪᠠᠢᠷᠢ ᠰᠠᠭᠤᠷᠢ ᠪᠠᠨ ᠪᠦᠦ ᠣᠷᠬᠢ ᠲᠣᠭᠲᠠᠭᠤᠨ ᠵᠠᠩ ᠬᠦᠨᠳᠦ ᠠᠯᠳᠠᠭᠠ ᠶᠢ ᠬᠥᠩᠭᠡᠷᠡᠭᠦᠯᠦᠨᠡ᠃
5 ᠵᠠᠬᠢᠷᠤᠭᠴᠢ ᠶᠢᠨ ᠭᠠᠷᠭᠠᠳᠠᠭ ᠠᠯᠳᠠᠭᠠ ᠮᠡᠲᠦ ᠨᠢᠭᠡᠨ ᠭᠠᠢ ᠶᠢ ᠪᠢ ᠨᠠᠷᠠᠨ ᠤ ᠳᠣᠣᠷᠠ ᠬᠠᠷᠠᠪᠠ᠃
6 ᠮᠤᠩ᠋ᠬᠠᠭ ᠨᠢ ᠡᠷᠬᠢᠮ ᠳᠡᠭᠡᠳᠦ ᠲᠤᠰᠢᠶᠠᠯ ᠳᠤ ᠲᠣᠮᠢᠯᠠᠭᠳᠠᠵᠤ᠂ ᠪᠠᠶᠠᠴᠤᠳ ᠳᠣᠣᠷᠠᠳᠤ ᠰᠠᠭᠤᠳᠠᠯ ᠳᠤ ᠰᠠᠭᠤᠬᠤ᠂
7 ᠪᠣᠭᠣᠯ ᠤᠳ ᠮᠣᠷᠢ ᠤᠨᠤᠵᠤ᠂ ᠨᠣᠶᠠᠳ ᠪᠣᠭᠣᠯ ᠠᠳᠠᠯᠢ ᠶᠠᠪᠠᠭᠠᠨ ᠶᠠᠪᠤᠬᠤ ᠶᠢ ᠴᠤ ᠪᠢ ᠬᠠᠷᠠᠪᠠ᠃
8 ᠨᠦᠬᠡ ᠤᠬᠤᠭᠴᠢ ᠲᠡᠭᠦᠨ ᠳᠡᠭᠡᠨ ᠤᠨᠠᠨᠠ ᠬᠠᠨᠠ ᠨᠤᠷᠠᠭᠠᠭᠴᠢ ᠮᠣᠭᠠᠢ ᠳᠤ ᠬᠠᠳᠬᠤᠭᠳᠠᠨᠠ
9 ᠴᠢᠯᠠᠭᠤ ᠭᠠᠷᠭᠠᠭᠴᠢ ᠴᠢᠯᠠᠭᠤᠨ ᠠᠴᠠ ᠪᠠᠨ ᠪᠡᠷᠲᠡᠨᠡ ᠲᠦᠯᠡᠭᠡ ᠬᠠᠭᠠᠯᠤᠭᠴᠢ ᠲᠡᠭᠦᠨ ᠡᠴᠡ ᠪᠡᠨ ᠭᠡᠮᠲᠦᠨᠡ᠃
10 ᠮᠤᠬᠤᠷ ᠰᠦᠬᠡ ᠪᠡᠨ ᠢᠷᠯᠡᠬᠦ ᠦᠭᠡᠢ ᠪᠣᠯ ᠬᠦᠴᠦ ᠢᠯᠡᠭᠦᠦ ᠵᠠᠷᠤᠴᠠᠭᠤᠯᠳᠠᠭ ᠮᠡᠷᠭᠡᠨ ᠤᠬᠠᠭᠠᠨ ᠠᠮᠵᠢᠯᠲᠠ ᠣᠯᠬᠤ ᠳᠤ ᠲᠤᠰᠠ ᠲᠠᠢ᠃
11 ᠮᠣᠭᠠᠢ ᠬᠣᠪᠣᠰᠣᠳᠠᠬᠤ ᠠᠴᠠ ᠪᠠᠨ ᠡᠮᠦᠨᠡ ᠬᠠᠵᠠᠭᠰᠠᠨ ᠪᠣᠯ ᠬᠣᠪᠣᠰᠣᠳᠠᠭᠤᠯᠤᠭᠴᠢ ᠨᠢ ᠬᠡᠷᠡᠭ ᠦᠭᠡᠢ᠃
12 ᠮᠡᠷᠭᠡᠨ ᠦ ᠠᠮᠠᠨ ᠠᠴᠠ ᠭᠠᠷᠬᠤ ᠦᠭᠡ ᠨᠢ ᠲᠠᠭᠠᠯᠠᠯ ᠮᠤᠩ᠋ᠬᠠᠭ ᠤᠨ ᠣᠷᠣᠭᠤᠯ ᠥᠪᠡᠷ ᠢ ᠨᠢ ᠵᠠᠯᠭᠢᠳᠠᠭ᠂
13 ᠲᠡᠭᠦᠨ ᠦ ᠠᠮᠠᠨ ᠤ ᠦᠭᠡᠰ ᠮᠤᠩ᠋ᠬᠠᠭ ᠢᠶᠠᠷ ᠡᠬᠢᠯᠡᠵᠦ ᠠᠶᠤᠮᠰᠢᠭᠲᠤ ᠭᠠᠯᠵᠠᠭᠤᠷᠠᠯ ᠢᠶᠠᠷ ᠲᠡᠭᠦᠰᠦᠨᠡ᠂
14 ᠭᠡᠪᠡᠴᠦ ᠮᠤᠩ᠋ᠬᠠᠭ ᠣᠯᠠᠨ ᠦᠭᠡ ᠲᠠᠢ ᠪᠠᠢᠳᠠᠭ ᠶᠠᠭᠤ ᠪᠣᠯᠬᠤ ᠶᠢ ᠬᠥᠮᠦᠨ ᠡᠰᠡ ᠮᠡᠳᠡᠨᠡ᠂ ᠴᠠᠰᠢ ᠨᠢ ᠶᠠᠭᠤ ᠪᠣᠯᠬᠤ ᠶᠢ ᠬᠡᠨ ᠲᠡᠭᠦᠨ ᠳᠦ ᠬᠡᠯᠡᠵᠦ ᠴᠢᠳᠠᠬᠤ ᠪᠢᠯᠡ︖
15 ᠮᠤᠩ᠋ᠬᠠᠭ ᠤᠨ ᠬᠥᠳᠡᠯᠮᠦᠷᠢ ᠥᠪᠡᠷ ᠢ ᠨᠢ ᠶᠠᠳᠠᠷᠠᠭᠠᠨᠠ ᠲᠣᠰᠬᠣᠨ ᠤᠷᠤᠭᠤ ᠪᠠᠨ ᠶᠠᠭᠠᠬᠢᠵᠤ ᠶᠠᠪᠤᠬᠤ ᠪᠠᠨ ᠴᠤ ᠮᠡᠳᠡᠬᠦ ᠪᠡᠨ ᠪᠣᠯᠢᠨᠠ᠃
16 ᠬᠠᠭᠠᠨ ᠨᠢ ᠪᠠᠯᠴᠢᠷ᠂ ᠨᠣᠶᠠᠳ ᠨᠢ ᠥᠷᠯᠥᠭᠡᠵᠢᠨ ᠨᠠᠢᠷᠯᠠᠳᠠᠭ ᠭᠦᠷᠦᠨ ᠭᠠᠰᠠᠯᠠᠩᠲᠠᠶᠠ︕
17 ᠬᠠᠭᠠᠨ ᠨᠢ ᠢᠵᠠᠭᠤᠷᠲᠠᠨ ᠠᠴᠠ ᠭᠠᠷᠤᠯ ᠲᠠᠢ ᠨᠣᠶᠠᠳ ᠨᠢ ᠰᠣᠭᠲᠣᠭᠤᠷᠠᠬᠤ ᠶᠢᠨ ᠲᠥᠯᠥᠭᠡ ᠪᠤᠰᠤ᠂ ᠬᠦᠴᠦ ᠰᠡᠯᠪᠢᠬᠦ ᠶᠢᠨ ᠲᠥᠯᠥᠭᠡ ᠵᠣᠬᠢᠰᠲᠠᠢ ᠴᠠᠭ ᠲᠤ ᠨᠠᠢᠷᠯᠠᠳᠠᠭ ᠭᠦᠷᠦᠨ ᠪᠤᠶᠠᠨ ᠲᠠᠢ᠃
18 ᠵᠠᠯᠬᠠᠭᠤ ᠶᠢᠨ ᠳᠡᠭᠡᠪᠦᠷ ᠬᠣᠲᠣᠢᠵᠤ ᠬᠣᠢᠷᠭᠣ ᠭᠠᠷᠲᠤ ᠶᠢᠨ ᠭᠡᠷ ᠭᠣᠭᠣᠵᠢᠨᠠ᠃
19 ᠭᠡᠪᠡᠴᠦ ᠲᠡᠳᠡ ᠨᠠᠷᠭᠢᠯᠳᠤᠬᠤ ᠪᠠᠷ ᠨᠠᠢᠷ ᠬᠢᠵᠦ 《ᠳᠠᠷᠠᠰᠤ ᠠᠮᠢᠳᠤᠷᠠᠯ ᠢ ᠬᠥᠭᠵᠢᠭᠡᠨ ᠵᠣᠭᠣᠰ ᠪᠦᠭᠦᠳᠡ ᠶᠢ ᠬᠠᠩ᠋ᠭᠠᠨᠠ》 ᠭᠡᠳᠡᠭ᠃
20 ᠪᠣᠳᠣᠯ ᠳᠠᠭᠠᠨ ᠴᠤ ᠬᠠᠭᠠᠨ ᠢ ᠪᠦᠦ ᠬᠠᠷᠢᠶᠠ ᠥᠷᠥᠭᠡᠨ ᠳᠡᠭᠡᠨ ᠴᠤ ᠪᠠᠶᠠᠨ ᠢ ᠪᠦᠦ ᠬᠠᠷᠢᠶᠠ ᠲᠩᠷᠢ ᠶᠢᠨ ᠰᠢᠪᠠᠭᠤ ᠦᠭᠡ ᠶᠢ ᠴᠢᠨᠢ ᠵᠥᠭᠡᠭᠡᠵᠦ ᠵᠢᠭᠦᠷᠲᠡᠨ ᠶᠠᠷᠢᠶᠠ ᠶᠢ ᠴᠢᠨᠢ ᠵᠠᠳᠠᠷᠠᠭᠤᠯᠤᠨᠠ᠃