ᠢᠪᠷᠠᠢ ᠳᠥᠷᠪᠡ
ᠠᠮᠠᠯᠠᠭᠰᠠᠨ ᠠᠮᠠᠷᠠᠯ
1 ᠡᠢᠮᠦ ᠡᠴᠡ ᠪᠢᠳᠡ ᠡᠮᠢᠶᠡᠵᠡᠭᠡᠶᠡ᠃ ᠲᠡᠭᠦᠨ ᠦ ᠠᠮᠠᠷᠠᠯ ᠳᠤ ᠣᠷᠣᠬᠤ ᠠᠮᠠᠯᠠᠯᠲᠠ ᠪᠠᠢᠭᠰᠠᠭᠠᠷ᠂ ᠬᠠᠷᠢᠨ ᠲᠠ ᠨᠠᠷ ᠤᠨ ᠬᠡᠨ ᠨᠢᠭᠡᠨ ᠨᠢ ᠬᠣᠵᠢᠭᠳᠠᠭᠤᠵᠠᠢ᠃ 2 ᠤᠴᠢᠷ ᠨᠢ᠂ ᠪᠠᠶᠠᠷ ᠤᠨ ᠮᠡᠳᠡᠭᠡ ᠲᠡᠳᠡᠨ ᠳᠦ ᠰᠣᠨᠣᠰᠳᠠᠭᠰᠠᠨ ᠲᠠᠢ ᠠᠳᠠᠯᠢ ᠪᠠᠷ ᠪᠢᠳᠡᠨ ᠳᠦ ᠴᠤ ᠰᠣᠨᠣᠰᠳᠠᠭᠰᠠᠨ᠃ ᠲᠡᠳᠡᠨ ᠦ ᠬᠤᠪᠢ ᠳᠤ᠂ ᠰᠣᠨᠣᠰᠣᠭᠰᠠᠨ ᠦᠭᠡ ᠪᠡᠨ ᠢᠲᠡᠭᠡᠯ ᠲᠡᠢ ᠪᠡᠨ ᠬᠣᠯᠪᠣᠭᠰᠠᠨ 4 ᠦᠭᠡᠢ ᠲᠤᠯᠠ ᠲᠤᠰᠠ ᠪᠣᠯᠣᠭᠰᠠᠨ ᠦᠭᠡᠢ᠂ 3 (ᠬᠠᠷᠢᠨ ᠢᠲᠡᠭᠡᠭᠰᠡᠨ ᠪᠢᠳᠡ ᠠᠮᠠᠷᠠᠯ ᠥᠭᠡᠳᠡ ᠣᠷᠣᠵᠤ ᠪᠠᠢᠨᠠ᠃) ᠲᠡᠢᠨ ᠬᠦ᠄ 《ᠪᠢ ᠠᠭᠤᠷ ᠲᠠᠢ ᠪᠠᠷ ᠲᠤᠩ᠋ᠬᠠᠭᠯᠠᠨ᠄ 〈ᠲᠡᠳᠡ ᠮᠢᠨᠦ ᠠᠮᠠᠷᠠᠯ ᠳᠤ ᠬᠡᠵᠢᠶᠡ ᠴᠤ ᠣᠷᠣᠬᠤ ᠦᠭᠡᠢ〉》 ᠭᠡᠰᠡᠨ ᠦ ᠶᠣᠰᠣᠭᠠᠷ ᠪᠣᠯᠪᠠ᠃ ᠭᠡᠬᠦ ᠳᠡᠭᠡᠨ ᠡᠨᠡ ᠠᠮᠠᠷᠠᠯ ᠨᠢ ᠶᠢᠷᠲᠢᠨᠴᠦ ᠪᠦᠲᠦᠭᠡᠭᠳᠡᠭᠰᠡᠨ ᠡᠴᠡ ᠨᠠᠰᠢ ᠪᠡᠯᠡᠨ ᠪᠠᠢᠭᠰᠠᠨ᠃ 4 ᠳᠣᠯᠣᠳᠤᠭᠠᠷ ᠡᠳᠦᠷ 5 ᠤᠨ ᠲᠤᠬᠠᠢ ᠨᠢᠭᠡᠨ ᠬᠡᠰᠡᠭ ᠲᠦ 《ᠳᠣᠯᠣᠳᠠᠬᠢ ᠡᠳᠦᠷ ᠪᠤᠷᠬᠠᠨ ᠪᠦᠬᠦ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠵᠠᠢ》 ᠭᠡᠰᠡᠨ ᠪᠥᠭᠡᠳ 5 ᠪᠠᠰᠠ ᠨᠥᠭᠥᠭᠡ ᠡᠰᠢᠯᠡᠯ ᠳᠦ 《ᠲᠡᠳᠡ ᠮᠢᠨᠦ ᠠᠮᠠᠷᠠᠯ ᠳᠤ ᠬᠡᠵᠢᠶᠡ ᠴᠤ ᠣᠷᠣᠬᠤ ᠦᠭᠡᠢ》 ᠭᠡᠪᠡ᠃ 6 ᠣᠷᠣᠬᠤ ᠪᠣᠯᠣᠮᠵᠢ ᠵᠠᠷᠢᠮ ᠳᠤᠨᠢ ᠪᠠᠢᠭᠰᠠᠭᠠᠷ᠂ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠤᠷᠢᠳᠤ ᠨᠢ ᠰᠣᠨᠣᠰᠣᠭᠰᠠᠨ ᠬᠥᠮᠦᠰ ᠳᠤᠭᠤᠯᠭᠠᠪᠤᠷᠢ ᠦᠭᠡᠢ ᠪᠠᠢᠭᠰᠠᠨ ᠢᠶᠠᠷ ᠣᠷᠣᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ 7 ᠡᠢᠮᠦ ᠡᠴᠡ ᠨᠡᠯᠢᠶᠡᠳ ᠤᠳᠠᠭᠰᠠᠨ ᠤ ᠳᠠᠷᠠᠭᠠ᠂ ᠪᠤᠷᠬᠠᠨ ᠳᠠᠬᠢᠨ ᠨᠢᠭᠡᠨ ᠡᠳᠦᠷ ᠢ 《ᠥᠨᠥᠳᠥᠷ》 ᠭᠡᠵᠦ ᠲᠣᠪᠯᠠᠭᠠᠳ᠂ ᠳ᠋ᠠᠸᠢᠳ᠋ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨᠴᠢᠯᠠᠨ 《ᠬᠡᠷᠪᠡ ᠥᠨᠥᠳᠥᠷ ᠲᠠ ᠨᠠᠷ ᠲᠡᠭᠦᠨ ᠦ ᠳᠠᠭᠤ ᠶᠢ ᠰᠣᠨᠣᠰᠪᠠᠯ᠂ ᠵᠢᠷᠦᠬᠡ ᠪᠡᠨ ᠪᠦᠦ ᠬᠠᠲᠠᠭᠤᠷᠠᠭᠤᠯ》 ᠭᠡᠵᠦ ᠬᠡᠯᠡᠭᠰᠡᠨ᠃ 8 ᠬᠡᠷᠪᠡ ᠶᠣᠱᠦ᠋ᠶᠠ ᠲᠡᠳᠡᠨ ᠢ ᠠᠮᠠᠷᠠᠭᠤᠯᠤᠭᠰᠠᠨ ᠪᠣᠯ᠂ ᠡᠭᠦᠨ ᠦ ᠳᠠᠷᠠᠭᠠ ᠪᠤᠷᠬᠠᠨ ᠥᠭᠡᠷᠡ ᠡᠳᠦᠷ ᠦᠨ ᠲᠤᠬᠠᠢ ᠶᠠᠷᠢᠬᠤ ᠦᠭᠡᠢ ᠪᠠᠢᠭᠰᠠᠨ᠃ 9 ᠡᠭᠦᠨ ᠢᠶᠡᠷ ᠦᠵᠡᠪᠡᠯ᠂ ᠪᠤᠷᠬᠠᠨ ᠤ ᠠᠷᠠᠳ ᠲᠦᠮᠡᠨ ᠦ ᠲᠥᠯᠥᠭᠡ ᠣᠨᠴᠠᠭᠠᠢ ᠠᠮᠠᠷᠠᠯ ᠪᠠᠢᠭᠰᠠᠭᠠᠷ᠃ 10 ᠪᠤᠷᠬᠠᠨ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠰᠢᠭ᠋ ᠲᠡᠭᠦᠨ ᠦ ᠠᠮᠠᠷᠠᠯ ᠳᠤ ᠣᠷᠣᠭᠰᠠᠨ ᠬᠥᠮᠦᠰ ᠴᠤ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠳᠠᠭ ᠪᠠᠢᠨᠠ᠃ 11 ᠲᠡᠢᠨ ᠬᠦ ᠲᠡᠷᠡ ᠠᠮᠠᠷᠠᠯ ᠳᠤ ᠣᠷᠣᠬᠤ ᠶᠢᠨ ᠲᠤᠯᠠᠳᠠ ᠴᠢᠷᠮᠠᠢᠵᠠᠭᠠᠶᠠ᠃ ᠬᠡᠨ ᠨᠢᠭᠡ ᠨᠢ ᠳᠡᠭᠡᠷᠡᠬᠢ ᠳᠤᠭᠤᠯᠭᠠᠪᠤᠷᠢ ᠦᠭᠡᠢ ᠵᠢᠱᠢᠶᠡ ᠰᠢᠭ ᠤᠨᠠᠭᠤᠵᠠᠢ᠃ 12 ᠤᠴᠢᠷ ᠨᠢ ᠪᠤᠷᠬᠠᠨ ᠤ ᠦᠭᠡ ᠪᠣᠯ ᠠᠮᠢᠳᠤ ᠪᠥᠭᠡᠳ ᠡᠷᠴᠢᠮ ᠲᠠᠢ᠂ ᠬᠣᠶᠠᠷ ᠢᠷ ᠲᠠᠢ ᠠᠯᠢᠪᠠ ᠰᠡᠯᠡᠮᠡ ᠡᠴᠡ ᠴᠤ ᠬᠤᠷᠴᠠ ᠪᠣᠯᠬᠣᠷ ᠤᠬᠠᠭᠠᠨ ᠪᠠ ᠰᠦᠨᠡᠰᠦ᠂ ᠦᠶᠡ ᠪᠠ ᠴᠢᠮᠥᠭᠡ ᠶᠢ ᠴᠤ ᠨᠡᠪᠲᠡᠯᠦᠨ ᠲᠠᠯᠠᠯᠠᠵᠤ᠂ ᠳᠣᠲᠣᠷᠠᠬᠢ ᠰᠠᠨᠠᠭᠠ ᠪᠣᠳᠣᠯ ᠢ ᠰᠢᠭᠦᠳᠡᠭ᠃ 13 ᠲᠡᠭᠦᠨ ᠦ ᠡᠮᠦᠨᠡ ᠢᠯᠡᠷᠬᠡᠶᠢᠯᠡᠭᠳᠡᠰᠢ ᠦᠭᠡᠢ ᠪᠦᠲᠦᠭᠡᠯ ᠭᠡᠵᠦ ᠦᠭᠡᠢ᠂ ᠲᠡᠭᠦᠨ ᠦ ᠮᠡᠯᠮᠡᠢ ᠶᠢᠨ ᠡᠮᠦᠨᠡ ᠴᠥᠮ ᠨᠢᠴᠦᠭᠦᠨ᠂ ᠢᠯᠡ ᠪᠠᠢᠳᠠᠭ᠃ ᠪᠢᠳᠡ ᠲᠡᠭᠦᠨ ᠳᠦ ᠪᠦᠬᠦᠨ ᠢ ᠥᠴᠢᠭᠯᠡᠬᠦ ᠶᠣᠰᠣᠲᠠᠢ᠃
ᠪᠢᠳᠡᠨ ᠦ ᠲᠡᠷᠢᠭᠦᠨ ᠲᠠᠬᠢᠯᠴᠢ ᠢᠰᠦ᠋ᠰ
14 ᠬᠠᠷᠢᠨ ᠲᠩᠷᠢ ᠶᠢ ᠨᠡᠪᠲᠡᠯᠦᠭᠰᠡᠨ ᠠᠭᠤᠤ ᠶᠡᠬᠡ ᠲᠡᠷᠢᠭᠦᠨ ᠲᠠᠬᠢᠯᠴᠢ᠂ ᠲᠤᠬᠠᠢᠯᠠᠪᠠᠯ ᠪᠤᠷᠬᠠᠨ ᠤ ᠬᠦᠦ ᠢᠰᠦ᠋ᠰ ᠪᠢᠳᠡᠨ ᠳᠦ ᠪᠤᠢ᠃ ᠲᠡᠢᠮᠦ ᠡᠴᠡ ᠪᠢᠳᠡ ᠢᠯᠡᠷᠬᠡᠶᠢᠯᠡᠭᠰᠡᠨ ᠢᠲᠡᠭᠡᠯ ᠢᠶᠡᠨ ᠪᠠᠷᠢᠮᠲᠠᠯᠠᠵᠠᠭᠠᠶᠠ᠃ 15 ᠪᠢᠳᠡᠨ ᠳᠦ ᠪᠤᠢ ᠲᠡᠷᠢᠭᠦᠨ ᠲᠠᠬᠢᠯᠴᠢ ᠨᠢ ᠪᠢᠳᠡᠨ ᠦ ᠳᠣᠷᠣᠢ ᠪᠠᠢᠳᠠᠯ ᠢ ᠥᠷᠥ ᠡᠪᠡᠳᠴᠦ ᠴᠢᠳᠠᠬᠤ ᠦᠭᠡᠢ ᠪᠢᠰᠢ᠂ ᠲᠡᠷᠡ ᠪᠦᠬᠦ ᠲᠠᠯᠠ ᠪᠠᠷ ᠪᠢᠳᠡᠨ ᠲᠡᠢ ᠠᠳᠠᠯᠢ ᠲᠡᠩᠰᠡᠭᠳᠡᠭᠰᠡᠨ ᠪᠣᠯᠪᠠᠴᠤ ᠨᠢᠭᠦᠯ ᠦᠭᠡᠢ᠃ 16 ᠲᠡᠢᠮᠦ ᠡᠴᠡ ᠴᠠᠭ ᠲᠠᠭᠠᠨ ᠲᠤᠰᠠ ᠪᠣᠯᠳᠠᠭ ᠡᠨᠡᠷᠢᠯ ᠢ ᠬᠦᠷᠲᠡᠨ᠂ ᠢᠪᠡᠭᠡᠯ ᠢ ᠣᠯᠬᠤ ᠶᠢᠨ ᠲᠤᠯᠠᠳᠠ ᠢᠪᠡᠭᠡᠯ ᠦᠨ ᠰᠡᠨᠲᠢ ᠤᠷᠤᠭᠤ ᠰᠢᠭᠤᠷᠬᠠᠢ ᠣᠢᠷᠠᠲᠤᠵᠠᠭᠠᠶᠠ᠃