ᠢᠪᠷᠠᠢ ᠵᠢᠷᠭᠤᠭᠠ
1 ᠡᠢᠮᠦ ᠡᠴᠡ ᠪᠢᠳᠡ ᠾᠷᠢᠰᠲ᠋ᠣᠰ ᠤᠨ ᠠᠩ᠋ᠬᠠᠨ ᠤ ᠰᠤᠷᠭᠠᠯ ᠠᠴᠠ ᠳᠡᠭᠡᠭᠰᠢᠯᠡᠵᠦ ᠲᠥᠯᠥᠪᠰᠢᠬᠦ ᠶᠢ ᠵᠣᠷᠢᠵᠠᠭᠠᠶᠠ᠃ ᠠᠩ᠋ᠬᠠᠨ ᠤ ᠵᠠᠷᠴᠢᠮ᠂ ᠵᠢᠱᠢᠶᠡᠯᠡᠪᠡᠯ ᠦᠬᠦᠯ ᠳᠦ ᠬᠦᠷᠭᠡᠬᠦ ᠦᠢᠯᠡᠰ ᠡᠴᠡ ᠭᠡᠮᠰᠢᠬᠦ᠂ ᠪᠤᠷᠬᠠᠨ ᠳᠤ ᠢᠲᠡᠭᠡᠬᠦ᠂ 2 ᠤᠬᠢᠶᠠᠯ ᠬᠦᠷᠲᠡᠬᠦ᠂ ᠭᠠᠷ ᠲᠠᠯᠪᠢᠬᠤ᠂ ᠦᠬᠦᠭᠰᠡᠳ ᠦᠨ ᠠᠮᠢᠯᠠᠬᠤ ᠪᠠ ᠮᠥᠩᠬᠡ ᠶᠢᠨ ᠰᠢᠭᠦᠯᠲᠡ ᠶᠢᠨ ᠰᠤᠷᠭᠠᠮᠵᠢ ᠶᠢ ᠳᠠᠪᠲᠠᠬᠤ ᠪᠠᠨ ᠪᠣᠯᠢᠵᠠᠭᠠᠶᠠ᠃ 3 ᠪᠤᠷᠬᠠᠨ ᠵᠥᠪᠰᠢᠶᠡᠷᠡᠬᠦ ᠯᠠ ᠶᠤᠮ ᠪᠣᠯ ᠪᠢᠳᠡ ᠲᠡᠭᠡᠨᠡ᠃ 4 ᠭᠡᠪᠡᠴᠦ ᠨᠢᠭᠡᠨᠲᠡ ᠭᠡᠭᠡᠷᠡᠭᠦᠯᠦᠭᠳᠡᠵᠦ ᠲᠩᠷᠢᠯᠢᠭ ᠰᠣᠶᠣᠷᠬᠠᠯ ᠢ ᠠᠮᠰᠠᠭᠠᠳ᠂ ᠠᠷᠢᠭᠤᠨ ᠰᠦᠨᠡᠰᠦᠨ ᠦ ᠬᠤᠪᠢᠲᠠᠨ ᠪᠣᠯᠣᠭᠰᠠᠨ ᠢᠶᠠᠷ ᠦᠯᠦ ᠪᠠᠷᠠᠮ 5 ᠪᠤᠷᠬᠠᠨ ᠤ ᠦᠭᠡ ᠶᠢᠨ ᠰᠠᠢᠨ ᠰᠠᠢᠬᠠᠨ ᠢ᠂ ᠪᠠᠰᠠ ᠢᠷᠡᠬᠦ ᠦᠶᠡ ᠶᠢᠨ ᠬᠦᠴᠦ ᠶᠢ ᠠᠮᠰᠠᠴᠢᠬᠠᠭᠠᠳ 6 ᠤᠷᠪᠠᠭᠰᠠᠨ ᠬᠥᠮᠦᠰ ᠨᠢ ᠪᠤᠷᠬᠠᠨ ᠤ ᠬᠦᠦ ᠶᠢ ᠥᠪᠡᠷᠰᠡᠳ ᠦᠨ ᠢᠶᠠᠨ ᠡᠰᠡᠷᠭᠦ ᠵᠠᠭᠠᠯᠮᠠᠢ ᠳᠡᠭᠡᠷᠡ ᠴᠣᠪᠳᠣᠯᠠᠵᠤ᠂ ᠣᠯᠠᠨ ᠤ ᠰᠢᠪᠰᠢᠭ ᠪᠣᠯᠭᠠᠵᠤ ᠪᠠᠢᠭᠠ ᠶᠤᠮ᠂ ᠲᠡᠳᠡᠨ ᠢ ᠳᠠᠬᠢᠨ ᠰᠢᠨᠡᠴᠢᠯᠡᠵᠦ ᠭᠡᠮᠰᠢᠭᠦᠯᠬᠦ ᠠᠷᠭᠠ ᠦᠭᠡᠢ᠃ 7 ᠤᠴᠢᠷ ᠨᠢ᠂ ᠦᠷᠭᠦᠯᠵᠢ ᠣᠷᠣᠳᠠᠭ ᠪᠣᠷᠣᠭᠠᠨ ᠢ ᠰᠢᠩᠭᠡᠭᠡᠵᠦ᠂ ᠲᠠᠷᠢᠶᠠᠴᠢᠳ ᠲᠤ ᠠᠰᠢᠭ ᠲᠠᠢ ᠨᠣᠭᠣᠭᠠ ᠲᠠᠷᠢᠶᠠ ᠶᠢ ᠤᠷᠭᠤᠭᠤᠯᠳᠠᠭ ᠭᠠᠵᠠᠷ ᠨᠢ ᠪᠤᠷᠬᠠᠨ ᠤ ᠢᠪᠡᠭᠡᠯ ᠢ ᠬᠦᠷᠲᠡᠳᠡᠭ ᠪᠠᠢᠬᠤ ᠳᠤ᠂ 8 ᠬᠠᠷᠢᠨ ᠥᠷᠭᠡᠰᠦᠲᠦ ᠪᠤᠲᠠ ᠪᠠ ᠵᠠᠩ᠋ᠭᠤᠤ ᠤᠷᠭᠤᠳᠠᠭ ᠭᠠᠵᠠᠷ ᠭᠣᠯᠣᠭᠳᠠᠬᠤ ᠪᠥᠭᠡᠳ ᠵᠥᠭᠡᠭᠳᠡᠮᠡᠷ ᠪᠣᠯᠣᠭᠠᠳ ᠡᠴᠦᠰ ᠲᠡᠭᠡᠨ ᠰᠢᠲᠠᠭᠠᠭᠳᠠᠨᠠ᠃
9 ᠬᠠᠢᠷᠠᠲᠤ ᠨᠤᠭᠤᠳ ᠡ᠂ ᠪᠢᠳᠡ ᠡᠢᠨ ᠬᠦ ᠶᠠᠷᠢᠳᠠᠭ ᠪᠣᠯᠪᠠᠴᠤ ᠲᠠ ᠨᠠᠷ ᠲᠤ ᠡᠭᠦᠨ ᠡᠴᠡ ᠨᠡᠩ ᠰᠠᠢᠨ ᠵᠦᠢᠯᠡᠰ᠂ ᠲᠤᠬᠠᠢᠯᠠᠪᠠᠯ ᠠᠪᠤᠷᠠᠯ ᠤᠨ ᠳᠠᠭᠠᠤ ᠵᠦᠢᠯᠡᠰ ᠪᠤᠢ ᠭᠡᠵᠦ ᠢᠲᠡᠭᠡᠵᠦ ᠪᠠᠢᠨᠠ᠃ 10 ᠤᠴᠢᠷ ᠨᠢ ᠪᠤᠷᠬᠠᠨ ᠪᠣᠯ ᠵᠥᠪᠲᠦ ᠪᠤᠰᠤ ᠪᠢᠰᠢ ᠶᠤᠮ᠃ ᠲᠠ ᠨᠠᠷ ᠤᠨ ᠦᠢᠯᠡᠰ ᠢ ᠲᠡᠷᠡ ᠮᠠᠷᠲᠠᠬᠤ ᠦᠭᠡᠢ᠂ ᠤᠷᠢᠳᠤ ᠨᠢ ᠴᠤ᠂ ᠣᠳᠣ ᠴᠤ ᠠᠷᠢᠭᠤᠨ ᠬᠥᠮᠦᠰ ᠲᠦ ᠦᠢᠯᠡᠴᠢᠯᠡᠬᠦ ᠳᠡᠭᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠲᠠ ᠨᠠᠷ ᠤᠨ ᠬᠠᠢᠷᠠ ᠶᠢ ᠴᠤ ᠮᠠᠷᠲᠠᠬᠤ ᠦᠭᠡᠢ᠃ 11 ᠲᠠ ᠨᠠᠷ ᠤᠨ ᠬᠥᠮᠦᠨ ᠪᠦᠷᠢ ᠡᠴᠦᠰ ᠲᠤᠨᠢ ᠲᠤᠯᠲᠠᠯᠠ ᠠᠳᠠᠯᠢᠬᠠᠨ ᠴᠢᠷᠮᠠᠢᠯᠲᠠ ᠪᠠᠨ ᠢᠯᠡᠷᠬᠡᠶᠢᠯᠡᠵᠦ ᠡᠷᠡᠮᠡᠯᠵᠡᠯ ᠢᠶᠡᠨ ᠪᠦᠷᠢᠮᠦᠰᠦᠨ ᠪᠦᠲᠦᠭᠡᠭᠡᠰᠡᠢ᠃ 12 ᠡᠢᠨ ᠬᠦ ᠵᠠᠯᠬᠠᠭᠤᠷᠠᠯ ᠦᠭᠡᠢ ᠪᠠᠷ ᠲᠡᠳᠡᠭᠡᠷ ᠢᠲᠡᠭᠡᠯ ᠲᠡᠢ᠂ ᠲᠡᠪᠴᠢᠶᠡᠷᠢ ᠲᠠᠢ ᠪᠠᠷ ᠠᠮᠠᠯᠠᠯᠲᠠ ᠶᠢ ᠥᠪᠯᠡᠭᠴᠢ ᠶᠢᠨ ᠳᠠᠭᠤᠷᠢᠶᠠᠭᠴᠢᠳ ᠪᠣᠯᠣᠭᠠᠰᠠᠢ ᠭᠡᠵᠦ ᠪᠢᠳᠡ ᠬᠦᠰᠡᠶᠡ᠃
ᠠᠮᠠᠯᠠᠯᠲᠠ ᠳᠤ ᠨᠠᠢᠳᠠ
13 ᠪᠤᠷᠬᠠᠨ ᠠᠪᠷᠠᠬᠠᠮ ᠳᠤ ᠠᠮᠠᠯᠠᠯᠲᠠ ᠬᠢᠬᠦ ᠳᠡᠭᠡᠨ᠂ ᠥᠪᠡᠷ ᠡᠴᠡ ᠨᠢ ᠠᠭᠤᠤ ᠨᠢᠭᠡᠨ ᠳᠦ ᠲᠠᠩ᠋ᠭᠠᠷᠢᠭᠯᠠᠬᠤ ᠪᠣᠯᠣᠮᠵᠢ ᠦᠭᠡᠢ ᠲᠤᠯᠠ ᠥᠪᠡᠷ ᠲᠡᠭᠡᠨ ᠲᠠᠩ᠋ᠭᠠᠷᠢᠭᠯᠠᠨ᠄ 14 《ᠪᠢ ᠦᠨᠡᠬᠡᠷ ᠴᠢᠮᠠ ᠶᠢ ᠢᠪᠡᠭᠡᠨ ᠢᠪᠡᠭᠡᠵᠦ᠂ ᠴᠢᠮᠠ ᠶᠢ ᠣᠯᠠᠰᠢᠷᠠᠭᠤᠯᠤᠨ ᠣᠯᠠᠰᠢᠷᠠᠭᠤᠯᠤᠨᠠ》 ᠭᠡᠰᠡᠨ ᠳᠦ᠂ 15 ᠠᠪᠷᠠᠬᠠᠮ ᠲᠡᠪᠴᠢᠶᠡᠷᠢ ᠲᠠᠢ ᠬᠦᠯᠢᠶᠡᠵᠦ ᠠᠮᠠᠯᠠᠯᠲᠠ ᠶᠢ ᠬᠦᠷᠲᠡᠵᠡᠢ᠃ 16 ᠬᠥᠮᠦᠨ ᠥᠪᠡᠷ ᠡᠴᠡ ᠪᠡᠨ ᠠᠭᠤᠤ ᠨᠢᠭᠡᠨ ᠳᠦ ᠲᠠᠩ᠋ᠭᠠᠷᠢᠭᠯᠠᠳᠠᠭ ᠪᠥᠭᠡᠳ ᠲᠡᠷᠡ ᠬᠦ ᠲᠠᠩ᠋ᠭᠠᠷᠢᠭ ᠨᠢ ᠠᠯᠢᠪᠠ ᠮᠠᠷᠭᠤᠭᠠᠨ ᠤ ᠡᠴᠦᠰ ᠦᠨ ᠪᠠᠲᠤᠯᠠᠪᠤᠷᠢ ᠪᠣᠯᠳᠠᠭ᠃ 17 ᠲᠡᠭᠦᠨᠴᠢᠯᠡᠨ ᠥᠨᠥᠬᠢ ᠠᠮᠠᠯᠠᠯᠲᠠ ᠶᠢ ᠥᠪᠯᠡᠭᠴᠢᠳ ᠲᠤ ᠪᠤᠷᠬᠠᠨ ᠰᠠᠨᠠᠭᠠ ᠶᠢᠨ ᠢᠶᠠᠨ ᠬᠤᠪᠢᠷᠠᠰᠢ ᠦᠭᠡᠢ ᠭᠡᠳᠡᠭ ᠢ ᠢᠯᠡᠭᠦᠦ ᠲᠣᠳᠣᠷᠬᠠᠢ ᠢᠯᠡᠷᠡᠭᠦᠯᠬᠦ ᠶᠢᠨ ᠲᠥᠯᠥᠭᠡ ᠲᠠᠩ᠋ᠭᠠᠷᠢᠭ ᠢᠶᠠᠷ᠂ ᠪᠠᠰᠠ ᠠᠮᠠᠯᠠᠯᠲᠠ ᠪᠠᠷ ᠪᠠᠲᠤᠯᠠᠭᠰᠠᠨ ᠲᠤᠯᠠ᠂ 18 ᠡᠨᠡ ᠬᠣᠶᠠᠷ ᠵᠦᠢᠯ ᠳᠡᠭᠡᠷᠡ ᠪᠤᠷᠬᠠᠨ ᠯᠠᠪ ᠬᠤᠳᠠᠯ ᠬᠡᠯᠡᠬᠦ ᠦᠭᠡᠢ ᠤᠴᠢᠷ ᠠᠴᠠ ᠥᠪᠡᠷᠰᠡᠳ ᠦᠨ ᠡᠮᠦᠨᠡ ᠪᠠᠢᠭᠠ ᠡᠷᠡᠮᠡᠯᠵᠡᠯ ᠢ ᠡᠵᠡᠮᠳᠡᠬᠦ ᠶᠢᠨ ᠲᠥᠯᠥᠭᠡ ᠳᠦᠷᠪᠡᠭᠴᠢ ᠪᠣᠯᠣᠭᠰᠠᠨ ᠪᠢᠳᠡ ᠶᠡᠬᠡᠳᠡ ᠲᠠᠢᠳᠬᠤᠷᠠᠳᠠᠭ᠃ 19 ᠪᠢᠳᠡᠨ ᠳᠦ ᠪᠤᠢ ᠡᠨᠡ ᠡᠷᠡᠮᠡᠯᠵᠡᠯ ᠪᠣᠯ ᠲᠣᠭᠲᠠᠪᠤᠷᠢᠲᠠᠢ ᠠᠮᠢ ᠶᠢᠨ ᠵᠠᠩ᠋ᠭᠤᠤ ᠲᠡᠮᠦᠷ ᠪᠥᠭᠡᠳ ᠬᠥᠳᠡᠯᠦᠰᠢ ᠦᠭᠡᠢ ᠤᠴᠢᠷ ᠠᠴᠠ ᠲᠡᠷᠡ ᠵᠠᠩ᠋ᠭᠤᠤ ᠨᠢ ᠬᠥᠰᠢᠭᠡ 6 ᠶᠢᠨ ᠳᠣᠲᠣᠷᠠ ᠣᠷᠣᠳᠠᠭ᠃ 20 ᠪᠢᠳᠡᠨ ᠦ ᠬᠣᠰᠢᠭᠤᠴᠢ ᠢᠰᠦ᠋ᠰ ᠮᠧᠯᠬᠢᠽᠧᠳᠧᠺ ᠤᠨ ᠶᠣᠰᠣ ᠶᠢ ᠳᠠᠭᠠᠳᠠᠭ ᠮᠥᠩᠬᠡ ᠶᠢᠨ ᠲᠡᠷᠢᠭᠦᠨ ᠲᠠᠬᠢᠯᠴᠢ ᠪᠣᠯᠣᠭᠠᠳ ᠲᠡᠨᠳᠡ ᠣᠷᠣᠵᠠᠢ᠃