ᠢᠪᠷᠠᠢ ᠠᠷᠪᠠᠨ ᠭᠤᠷᠪᠠ
ᠠᠮᠢᠳᠤᠷᠠᠯ ᠤᠨ ᠵᠢᠭᠠᠪᠤᠷᠢ ᠨᠤᠭᠤᠳ
1 ᠠᠬᠠ ᠳᠡᠭᠦᠦᠰ ᠦᠨ ᠬᠠᠢᠷᠠ ᠦᠷᠭᠦᠯᠵᠢ ᠪᠠᠢᠬᠤ ᠪᠣᠯᠲᠤᠭᠠᠢ᠃ 2 ᠬᠥᠮᠦᠨ ᠢ ᠵᠣᠴᠢᠯᠠᠬᠤ ᠪᠠᠨ ᠪᠦᠦ ᠮᠠᠷᠲᠠᠭᠠᠷᠠᠢ᠂ ᠵᠣᠴᠢᠯᠠᠵᠤ ᠪᠠᠢᠬᠤ ᠳᠠᠭᠠᠨ ᠰᠠᠨᠠᠮᠰᠠᠷ ᠦᠭᠡᠢ ᠪᠠᠷ ᠲᠩᠷᠢ ᠡᠯᠴᠢᠳ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠬᠥᠮᠦᠰ ᠴᠤ ᠪᠠᠢᠳᠠᠭ᠃ 3 ᠲᠠ ᠨᠠᠷ ᠬᠠᠮᠲᠤ ᠬᠣᠷᠢᠭᠳᠠᠭᠰᠠᠨ ᠰᠢᠭ᠋ ᠬᠣᠷᠢᠭᠳᠠᠯ ᠤᠳ ᠢ ᠰᠠᠨᠠ᠂ ᠲᠠ ᠨᠠᠷ ᠪᠠᠰᠠ ᠮᠢᠬᠠᠨ ᠪᠡᠶᠡ ᠳᠣᠲᠣᠷᠠ ᠪᠠᠢᠭᠠ ᠪᠠᠨ ᠪᠣᠳᠣᠨ᠂ ᠲᠠᠷᠴᠢᠯᠠᠭᠠᠭᠳᠠᠵᠤ ᠪᠠᠢᠭᠠ ᠬᠥᠮᠦᠰ ᠢ ᠰᠠᠨᠠᠭᠲᠤᠨ᠃ 4 ᠬᠥᠮᠦᠨ ᠪᠣᠯᠭᠠᠨ ᠭᠡᠷᠯᠡᠯᠲᠡ ᠶᠢ ᠬᠦᠨᠳᠦᠯᠡᠨ ᠣᠷᠣ 8 ᠪᠠᠨ ᠪᠦᠦ ᠪᠤᠵᠠᠷᠯᠠ 9 ᠃ ᠤᠴᠢᠷ ᠨᠢ᠂ ᠰᠠᠳᠤᠷᠯᠠᠭᠴᠢᠳ ᠪᠠ ᠵᠠᠪᠬᠠᠢᠷᠠᠭᠴᠢᠳ ᠢ ᠪᠤᠷᠬᠠᠨ ᠰᠢᠳᠬᠡᠨᠡ᠃ 5 ᠪᠠᠢᠭᠠ ᠪᠦᠬᠦᠨ ᠳᠡᠭᠡᠨ ᠰᠡᠳᠬᠢᠯ ᠬᠠᠩ᠋ᠭᠠᠯᠤᠭᠤᠨ ᠪᠠᠢᠵᠤ᠂ ᠵᠣᠭᠣᠰᠣᠨ ᠳᠤ ᠰᠢᠨᠤᠬᠤ ᠦᠭᠡᠢ ᠪᠠᠷ ᠠᠮᠢᠳᠤᠷᠠ᠃ ᠤᠴᠢᠷ ᠨᠢ᠂ ᠪᠤᠷᠬᠠᠨ᠄ 《ᠲᠡᠷᠡ ᠬᠡᠷᠬᠢᠪᠡᠴᠦ ᠴᠢᠮᠠᠶᠢ ᠣᠷᠬᠢᠬᠤ ᠦᠭᠡᠢ᠂ ᠮᠥᠨ ᠴᠢᠮᠠᠶᠢ ᠬᠠᠶᠠᠬᠤ ᠦᠭᠡᠢ》 ᠭᠡᠰᠡᠨ ᠪᠠᠢᠳᠠᠭ᠃ 6 ᠲᠡᠢᠮᠦ ᠳᠦ ᠪᠢᠳᠡ ᠵᠣᠷᠢᠭᠲᠠᠢ ᠪᠠᠷ᠄ 《ᠡᠵᠡᠨ ᠪᠣᠯ ᠮᠢᠨᠦ ᠲᠤᠰᠠᠯᠠᠭᠴᠢ ᠪᠢ ᠠᠶᠤᠬᠤ ᠦᠭᠡᠢ ᠬᠥᠮᠦᠨ ᠨᠠᠮᠠᠶᠢ ᠶᠠᠭᠠᠬᠢᠬᠤ ᠶᠤᠮ ᠪᠤᠢ︖》 ᠭᠡᠵᠦ ᠬᠡᠯᠡᠨᠡ᠃
7 ᠪᠤᠷᠬᠠᠨ ᠤ ᠦᠭᠡ ᠶᠢ ᠶᠠᠷᠢᠵᠤ ᠥᠭᠭᠥᠭᠰᠡᠨ ᠤᠳᠤᠷᠢᠳᠤᠭᠴᠢᠳ ᠢᠶᠠᠨ ᠰᠠᠨᠠᠭᠲᠤᠨ᠂ ᠲᠡᠳᠡᠨ ᠦ ᠠᠮᠢᠳᠤᠷᠠᠯ ᠤᠨ ᠦᠷᠡ ᠳ᠋ᠦᠩ ᠶᠠᠮᠠᠷ ᠪᠠᠢᠭᠰᠠᠨ ᠢ ᠲᠤᠩ᠋ᠭᠠᠵᠤ ᠢᠲᠡᠭᠡᠯ ᠢ ᠨᠢ ᠳᠠᠭᠤᠷᠢᠶᠠᠭᠠᠷᠠᠢ᠃ 8 ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠥᠴᠥᠭᠡᠳᠦᠷ ᠴᠤ᠂ ᠥᠨᠥᠳᠥᠷ ᠴᠤ᠂ ᠥᠨᠢ ᠮᠥᠩᠬᠡᠳᠡ ᠠᠳᠠᠯᠢᠬᠠᠨ ᠪᠠᠢᠳᠠᠭ᠃ 9 ᠲᠠ ᠨᠠᠷ ᠡᠯᠳᠡᠪ ᠬᠠᠴᠢᠨ ᠰᠤᠷᠭᠠᠯ ᠳᠤ ᠪᠦᠦ ᠲᠠᠲᠠᠭᠳᠠ᠃ ᠢᠪᠡᠭᠡᠯ ᠢᠶᠡᠷ ᠰᠡᠳᠬᠢᠯ ᠢᠶᠠᠨ ᠴᠢᠩ᠋ᠭᠠᠯᠠᠬᠤ ᠨᠢ ᠰᠠᠢᠨ᠂ ᠬᠠᠷᠢᠨ ᠢᠳᠡᠭᠡᠨ ᠦ ᠲᠣᠭᠲᠠᠭᠠᠯ ᠤᠳ ᠢ ᠰᠠᠬᠢᠬᠤ ᠨᠢ ᠰᠠᠢᠨ ᠪᠢᠰᠢ᠂ ᠲᠡᠳᠡᠭᠡᠷ ᠢ ᠮᠥᠷᠳᠡᠭᠴᠢᠳ ᠠᠴᠢ ᠲᠤᠰᠠ ᠬᠦᠷᠲᠡᠭᠰᠡᠨ ᠦᠭᠡᠢ᠃ 10 ᠪᠢᠳᠡᠨ ᠳᠦ ᠲᠠᠬᠢᠯ ᠤᠨ ᠰᠢᠷᠡᠭᠡ ᠪᠤᠢ᠃ ᠲᠡᠷᠡ ᠰᠢᠷᠡᠭᠡᠨ ᠡᠴᠡ ᠢᠳᠡᠬᠦ ᠡᠷᠬᠡ ᠴᠠᠴᠠᠷ ᠲᠤ ᠦᠢᠯᠡᠴᠢᠯᠡᠭᠴᠢᠳ ᠲᠤ ᠪᠠᠢᠬᠤ ᠦᠭᠡᠢ᠃ 11 ᠲᠡᠷᠢᠭᠦᠨ ᠲᠠᠬᠢᠯᠴᠢ ᠠᠮᠢᠲᠠᠳ ᠤᠨ ᠴᠢᠰᠤ ᠪᠠᠷ ᠨᠢᠭᠦᠯ ᠦᠨ ᠡᠷᠭᠦᠯ ᠡᠷᠭᠦᠬᠦ ᠶᠢᠨ ᠲᠤᠯᠠᠳᠠ ᠠᠷᠢᠭᠤᠨ ᠭᠠᠵᠠᠷ ᠲᠤ ᠣᠷᠣᠵᠤ᠂ ᠠᠮᠢᠲᠠᠳ ᠤᠨ ᠪᠡᠶᠡ ᠶᠢ ᠨᠢ ᠬᠤᠸᠠᠷᠠᠨ ᠤ ᠭᠠᠳᠠᠨᠠ ᠰᠢᠲᠠᠭᠠᠳᠠᠭ᠃ 12 ᠲᠡᠢᠮᠦ ᠡᠴᠡ ᠢᠰᠦ᠋ᠰ ᠴᠤ ᠥᠪᠡᠷ ᠦᠨ ᠢᠶᠠᠨ ᠴᠢᠰᠤ ᠪᠠᠷ ᠠᠷᠠᠳ ᠢ ᠠᠷᠢᠭᠤᠰᠬᠠᠬᠤ ᠶᠢᠨ ᠲᠤᠯᠠᠳᠠ ᠬᠣᠲᠠ ᠶᠢᠨ ᠬᠠᠭᠠᠯᠭᠠᠨ ᠤ ᠭᠠᠳᠠᠨᠠ ᠵᠣᠪᠠᠯᠠᠩ ᠡᠳ᠋ᠯᠡᠭᠰᠡᠨ ᠪᠢᠯᠡ᠃ 13 ᠡᠭᠦᠨᠴᠢᠯᠡᠨ ᠪᠢᠳᠡ ᠪᠠᠭᠤᠳᠠᠯ ᠠᠴᠠ ᠭᠠᠷᠴᠤ ᠲᠡᠭᠦᠨ ᠤᠷᠤᠭᠤ ᠣᠴᠢᠭᠠᠳ ᠲᠡᠭᠦᠨ ᠦ ᠡᠳ᠋ᠯᠡᠭᠰᠡᠨ ᠳᠣᠷᠣᠮᠵᠢᠯᠠᠯ ᠢ ᠡᠭᠦᠷᠴᠡᠭᠡᠶᠡ᠃ 14 ᠤᠴᠢᠷ ᠨᠢ᠂ ᠮᠥᠩᠬᠡᠷᠡᠬᠦ ᠬᠣᠲᠠ ᠡ᠊ᠨᠳᠡ ᠪᠠᠢᠬᠤ ᠦᠭᠡᠢ᠂ ᠬᠣᠵᠢᠮ ᠢᠷᠡᠬᠦ ᠬᠣᠲᠠ ᠶᠢ ᠪᠢᠳᠡ ᠡᠷᠢᠵᠦ ᠪᠠᠢᠨᠠ᠃ 15 ᠡᠢᠮᠦ ᠡᠴᠡ ᠪᠢᠳᠡ ᠢᠰᠦ᠋ᠰ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠮᠠᠭᠲᠠᠭᠠᠯ ᠤᠨ ᠲᠠᠬᠢᠯ ᠢ ᠪᠤᠷᠬᠠᠨ ᠳᠤ ᠦᠷᠭᠦᠯᠵᠢ ᠡᠷᠭᠦᠵᠡᠭᠡᠶᠡ᠃ ᠡᠨᠡ ᠪᠣᠯ ᠲᠡᠭᠦᠨ ᠦ ᠨᠡᠷᠡ ᠳᠦ ᠲᠠᠯᠠᠷᠬᠠᠯ ᠢᠯᠡᠷᠬᠡᠶᠢᠯᠡᠬᠦ ᠪᠢᠳᠡᠨ ᠦ ᠣᠷᠣᠭᠤᠯ ᠤᠨ ᠵᠢᠮᠢᠰ ᠮᠥᠨ᠃ 16 ᠲᠠ ᠨᠠᠷ ᠰᠠᠢᠨ ᠢ ᠦᠢᠯᠡᠳᠬᠦ ᠪᠠ ᠶᠠᠭᠤᠮᠠ ᠪᠠᠨ ᠬᠤᠪᠢᠶᠠᠯᠴᠠᠬᠤ ᠶᠢ ᠪᠦᠦ ᠮᠠᠷᠲᠠᠭᠠᠷᠠᠢ᠃ ᠡᠢᠮᠦ ᠲᠠᠬᠢᠯ ᠪᠤᠷᠬᠠᠨ ᠳᠤ ᠲᠠᠭᠠᠯᠠᠭᠳᠠᠳᠠᠭ᠃
17 ᠤᠳᠤᠷᠢᠳᠤᠭᠴᠢᠳ ᠢᠶᠠᠨ ᠳᠠᠭᠠᠵᠤ ᠲᠡᠳᠡᠨ ᠳᠦ ᠵᠠᠬᠢᠷᠤᠭᠳᠠ᠃ ᠦᠨᠡᠨ ᠳᠡᠭᠡᠨ ᠲᠡᠳᠡ ᠥᠴᠢᠭ ᠥᠭᠬᠦ ᠶᠣᠰᠣᠲᠠᠢ ᠬᠥᠮᠦᠨ ᠮᠡᠲᠦ ᠲᠠ ᠨᠠᠷ ᠤᠨ ᠰᠦᠨᠡᠰᠦ ᠶᠢ ᠠᠩ᠋ᠬᠠᠷᠤᠯ ᠲᠠᠢ ᠮᠠᠨᠠᠵᠤ ᠪᠠᠢᠳᠠᠭ᠃ ᠲᠡᠳᠡ ᠠᠵᠢᠯ ᠢᠶᠠᠨ ᠰᠡᠭᠦᠷᠡᠰᠦ ᠠᠯᠳᠠᠨ ᠬᠢᠬᠦ ᠪᠤᠰᠤ᠂ ᠪᠠᠶᠠᠷ ᠲᠠᠢ ᠪᠠᠷ ᠬᠢᠬᠦ ᠪᠣᠯᠲᠤᠭᠠᠢ᠂ ᠡᠰᠡ ᠲᠡᠭᠡᠪᠡᠯ ᠲᠠ ᠨᠠᠷ ᠲᠤ ᠠᠰᠢᠭ ᠦᠭᠡᠢ᠃
18 ᠪᠢᠳᠡᠨ ᠦ ᠲᠥᠯᠥᠭᠡ ᠳᠠᠭᠠᠳᠬᠠᠭᠲᠤᠨ᠃ ᠤᠴᠢᠷ ᠨᠢ᠂ ᠪᠢᠳᠡ ᠮᠥᠰᠥ ᠴᠢᠨᠠᠷ ᠰᠠᠢᠲᠠᠢ ᠭᠡᠳᠡᠭ ᠲᠡᠭᠡᠨ ᠢᠲᠡᠭᠡᠳᠡᠭ ᠪᠥᠭᠡᠳ ᠪᠦᠬᠦ ᠲᠠᠯᠠ ᠪᠠᠷ ᠵᠥᠪ ᠠᠮᠢᠳᠤᠷᠠᠬᠤ ᠳᠤᠷᠠᠲᠠᠢ᠃ 19 ᠢᠯᠠᠩ᠋ᠭᠤᠶᠠ ᠲᠠ ᠨᠠᠷ ᠤᠷᠤᠭᠤ ᠲᠦᠷᠭᠡᠨ ᠣᠴᠢᠬᠤ ᠶᠢᠨ ᠮᠢᠨᠢ ᠲᠤᠯᠠᠳᠠ ᠭᠤᠶᠤᠵᠤ ᠥᠭᠬᠦ ᠶᠢ ᠪᠢ ᠤᠷᠢᠶᠠᠯᠠᠵᠤ ᠪᠠᠢᠨᠠ᠃
20 ᠬᠣᠨᠢᠳ ᠤᠨ ᠶᠡᠬᠡ ᠬᠣᠨᠢᠴᠢᠨ᠂ ᠲᠤᠬᠠᠢᠯᠠᠪᠠᠯ ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠢ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠮᠥᠩᠬᠡ ᠶᠢᠨ ᠭᠡᠷᠡ ᠶᠢᠨ ᠴᠢᠰᠤ ᠪᠠᠷ ᠭᠠᠷᠭᠠᠵᠤ ᠠᠪᠤᠭᠰᠠᠨ ᠠᠮᠤᠭᠤᠯᠠᠩ ᠤᠨ ᠪᠤᠷᠬᠠᠨ 21 ᠠᠯᠢᠪᠠ ᠰᠠᠢᠨ ᠰᠠᠢᠬᠠᠨ ᠢᠶᠠᠷ ᠲᠠ ᠨᠠᠷ ᠢ ᠲᠡᠭᠦᠯᠳᠡᠷᠵᠢᠭᠦᠯᠦᠨ ᠥᠪᠡᠷ ᠦᠨ ᠢᠶᠠᠨ ᠰᠠᠨᠠᠭᠠ ᠶᠢ ᠭᠦᠢᠴᠡᠳᠬᠡᠭᠦᠯᠵᠦ᠂ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠪᠢᠳᠡᠨ ᠦ ᠳᠣᠲᠣᠷᠠ ᠲᠠᠭᠠᠯᠠᠯ ᠢᠶᠠᠨ ᠪᠡᠶᠡᠯᠡᠭᠦᠯᠬᠦ ᠪᠣᠯᠲᠤᠭᠠᠢ᠃ ᠠᠯᠳᠠᠷ ᠰᠤᠤ ᠥᠨᠢ ᠡᠭᠦᠷᠢᠳᠡ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠬᠢ ᠪᠣᠯᠲᠤᠭᠠᠢ᠂ ᠠᠮᠧᠨ᠃
22 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠲᠠ ᠨᠠᠷ ᠢ ᠢᠳᠬᠠᠶᠠ᠂ ᠢᠳᠬᠠᠯ ᠢ ᠮᠢᠨᠢ ᠲᠡᠪᠴᠢᠶᠡᠷᠢ ᠲᠠᠢ ᠠᠪᠤᠭᠠᠷᠠᠢ᠃ ᠲᠠ ᠨᠠᠷ ᠲᠤ ᠪᠢ ᠲᠣᠪᠴᠢᠬᠠᠨ ᠪᠢᠴᠢᠯᠡ᠃ 23 ᠪᠢᠳᠡᠨ ᠦ ᠳᠡᠭᠦᠦ ᠲᠢᠮᠣᠲ ᠤᠨ ᠰᠤᠯᠠᠯᠠᠭᠳᠠᠭᠰᠠᠨ ᠢ ᠲᠠ ᠨᠠᠷ ᠲᠤ ᠮᠡᠳᠡᠭᠳᠡᠶᠡ᠃ ᠬᠡᠷᠪᠡ ᠲᠡᠷᠡ ᠤᠳᠠᠬᠤ ᠦᠭᠡᠢ ᠨᠠᠰᠢ ᠢᠷᠡᠪᠡᠯ᠂ ᠪᠢ ᠲᠡᠭᠦᠨ ᠲᠡᠢ ᠬᠠᠮᠲᠤ ᠲᠠ ᠨᠠᠷ ᠲᠠᠢ ᠠᠭᠤᠯᠵᠠᠬᠤ ᠪᠠᠷ ᠣᠴᠢᠨᠠ᠃ 24 ᠪᠦᠬᠦ ᠤᠳᠤᠷᠢᠳᠤᠭᠴᠢ ᠪᠠ ᠠᠷᠢᠭᠤᠨ ᠬᠥᠮᠦᠰ ᠲᠡᠢ ᠮᠡᠨᠳᠦᠴᠢᠯᠡᠭᠡᠷᠡᠢ᠃ ᠢᠲ᠋ᠠᠯᠢ ᠡᠴᠡ ᠢᠷᠡᠭᠰᠡᠨ ᠬᠥᠮᠦᠰ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠠᠰᠠᠭᠤᠵᠤ ᠪᠠᠢᠨᠠ᠃ 25 ᠢᠪᠡᠭᠡᠯ ᠲᠠ ᠪᠦᠬᠦᠨ ᠲᠡᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠲᠤᠭᠠᠢ᠃