ᠢᠪᠷᠠᠢ ᠨᠠᠢ᠌ᠮᠠ
ᠭᠡᠷᠡ ᠶᠢᠨ ᠨᠡᠩ ᠰᠠᠢᠨ ᠵᠠᠭᠤᠴᠢ ᠢᠰᠦ᠋ᠰ
1 ᠣᠳᠣ ᠬᠡᠯᠡᠬᠦ ᠦᠭᠡ ᠶᠢᠨ ᠭᠣᠣᠯ ᠨᠢ ᠡᠨᠡ᠄ ᠪᠢᠳᠡᠨ ᠳᠦ ᠡᠢᠮᠦ ᠲᠡᠷᠢᠭᠦᠨ ᠲᠠᠬᠢᠯᠴᠢ ᠪᠤᠢ᠂ ᠲᠡᠷᠡ ᠲᠩᠷᠢ ᠶᠢᠨ ᠠᠤᠭᠠ ᠶᠡᠬᠡ ᠨᠢᠭᠡᠨ ᠦ ᠰᠡᠨᠲᠢ ᠶᠢᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠵᠠᠯᠠᠷᠠᠭᠰᠠᠨ᠃ 2 ᠠᠷᠢᠭᠤᠨ ᠭᠠᠵᠠᠷ᠂ ᠲᠤᠬᠠᠢᠯᠠᠪᠠᠯ ᠬᠥᠮᠦᠨ ᠦ ᠪᠠᠷᠢᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠡᠵᠡᠨ ᠦ ᠪᠠᠷᠢᠭᠰᠠᠨ ᠵᠢᠩᠬᠢᠨᠢ ᠴᠠᠴᠠᠷ ᠤᠨ ᠵᠠᠷᠤᠴᠠ ᠪᠣᠯ ᠲᠡᠷᠡ᠃ 3 ᠲᠡᠷᠢᠭᠦᠨ ᠲᠠᠬᠢᠯᠴᠢ ᠪᠦᠬᠦᠨ ᠡᠷᠭᠦᠯ ᠪᠠ ᠲᠠᠬᠢᠯ ᠡᠷᠭᠦᠬᠦ ᠪᠡᠷ ᠲᠣᠮᠢᠯᠠᠭᠳᠠᠭᠰᠠᠨ ᠶᠤᠮ᠃ ᠲᠡᠢᠮᠦ ᠡᠴᠡ ᠨᠥᠭᠥᠭᠡ ᠲᠠᠬᠢᠯᠴᠢ ᠴᠤ ᠡᠷᠭᠦᠬᠦ ᠶᠠᠭᠤᠮᠠ ᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ᠃ 4 ᠬᠡᠷᠪᠡ ᠲᠡᠷᠡ ᠭᠠᠵᠠᠷ ᠳᠡᠭᠡᠷᠡ ᠪᠠᠢᠭᠰᠠᠨ ᠪᠣᠯ᠂ ᠲᠠᠬᠢᠯᠴᠢ ᠪᠢᠰᠢ ᠪᠠᠢᠬᠤ ᠪᠠᠢᠭᠰᠠᠨ᠃ ᠤᠴᠢᠷ ᠨᠢ ᠬᠠᠤᠯᠢ ᠶᠣᠰᠣᠭᠠᠷ ᠡᠷᠭᠦᠯ ᠡᠷᠭᠦᠳᠡᠭ ᠲᠠᠬᠢᠯᠴᠢᠳ ᠲᠡᠨᠳᠡ ᠪᠠᠢᠳᠠᠭ᠃ 5 ᠬᠠᠷᠢᠨ ᠲᠡᠳᠡᠨ ᠦ ᠦᠢᠯᠡᠴᠢᠯᠡᠳᠡᠭ᠌ ᠭᠠᠵᠠᠷ ᠪᠣᠯ ᠲᠩᠷᠢ ᠳᠡᠭᠡᠷᠡᠬᠢ ᠶᠠᠭᠤᠮᠠᠰ ᠤᠨ ᠬᠠᠭᠤᠯᠪᠤᠷᠢ ᠪᠤᠶᠤ ᠰᠡᠭᠦᠳᠡᠷ ᠶᠤᠮ᠃ ᠲᠡᠢᠮᠦ ᠡᠴᠡ ᠮᠣᠰᠧ ᠴᠠᠴᠠᠷ ᠪᠣᠰᠬᠠᠬᠤ ᠭᠡᠵᠦ ᠪᠠᠢᠬᠤ ᠳᠤ᠂ ᠪᠤᠷᠬᠠᠨ ᠲᠡᠭᠦᠨ ᠳᠦ᠄ 《ᠠᠭᠤᠯᠠᠨ ᠳᠡᠭᠡᠷᠡ ᠮᠢᠨᠦ ᠦᠵᠡᠭᠦᠯᠦᠭᠰᠡᠨ ᠢ ᠴᠢ ᠠᠩ᠋ᠬᠠᠷᠴᠤ ᠪᠦᠭᠦᠳᠡ ᠶᠢ ᠲᠡᠷᠡ ᠶᠣᠰᠣᠭᠠᠷ ᠬᠢ》 ᠭᠡᠵᠦ ᠵᠢᠭᠠᠪᠤᠷᠢᠯᠠᠵᠠᠢ᠃ 6 ᠬᠠᠷᠢᠨ ᠡᠳᠦᠭᠡ ᠢᠰᠦ᠋ᠰ ᠨᠡᠩ ᠡᠷᠬᠢᠮ ᠲᠤᠰᠢᠶᠠᠯ ᠢ ᠣᠯᠪᠠ᠃ ᠲᠡᠷᠡ ᠨᠡᠩ ᠰᠠᠢᠨ ᠠᠮᠠᠯᠠᠯᠲᠠ ᠳᠡᠭᠡᠷᠡ ᠪᠠᠢᠭᠤᠯᠤᠭᠰᠠᠨ ᠨᠡᠩ ᠰᠠᠢᠨ ᠭᠡᠷᠡ ᠶᠢᠨ ᠵᠠᠭᠤᠴᠢ ᠪᠣᠯᠣᠭᠰᠠᠨ᠃ 7 ᠬᠡᠷᠪᠡ ᠠᠩ᠋ᠬᠠᠨ ᠤ ᠭᠡᠷᠡ ᠨᠢ ᠥ ᠦᠭᠡᠢ ᠪᠠᠢᠭᠰᠠᠨ ᠪᠣᠯ᠂ ᠬᠣᠶᠠᠳᠠᠬᠢ ᠭᠡᠷᠡ ᠶᠢ ᠬᠡᠷᠡᠭᠰᠡᠬᠦ ᠦᠭᠡᠢ ᠪᠠᠢᠭᠰᠠᠨ ᠶᠤᠮ᠃
8 ᠭᠡᠬᠦ ᠳᠡᠭᠡᠨ ᠪᠤᠷᠬᠠᠨ ᠲᠡᠳᠡᠨ ᠦ ᠪᠤᠷᠤᠭᠤ ᠶᠢ ᠬᠠᠷᠠᠵᠤ᠄ 《ᠬᠠᠷᠠ᠂ ᠡᠵᠡᠨ ᠠᠢᠯᠠᠳᠴᠤ ᠪᠠᠢᠨᠠ᠂ ᠪᠢ ᠢᠰᠷᠧᠯ ᠤᠨ ᠭᠡᠷ ᠪᠣᠯᠣᠨ ᠶᠦᠳᠠ ᠶᠢᠨ ᠭᠡᠷ ᠲᠡᠢ ᠰᠢᠨᠡ ᠭᠡᠷᠡ ᠪᠠᠢᠭᠤᠯᠤᠨᠠ᠃ ᠲᠡᠷᠡ ᠡᠳᠦᠷ ᠤᠳ ᠢᠷᠡᠵᠦ ᠪᠠᠢᠨᠠ᠂
9 ᠲᠡᠷᠡ ᠭᠡᠷᠡ ᠪᠣᠯ ᠪᠢ ᠲᠡᠳᠡᠨ ᠦ ᠡᠴᠢᠭᠡ ᠡᠪᠦᠭᠡᠳ ᠢ ᠭᠠᠷ ᠠᠴᠠ ᠨᠢ ᠬᠥᠲᠥᠯᠵᠦ ᠶᠧᠵᠢᠫᠲ ᠡᠴᠡ ᠭᠠᠷᠭᠠᠬᠤ ᠳᠠᠭᠠᠨ ᠲᠡᠳᠡᠨ ᠯᠦᠭᠡ ᠪᠠᠢᠭᠤᠯᠤᠭᠰᠠᠨ ᠭᠡᠷᠡ ᠲᠠᠢ ᠮᠢᠨᠢ ᠠᠳᠠᠯᠢ ᠦᠭᠡᠢ᠂ ᠲᠡᠳᠡ ᠮᠢᠨᠦ ᠭᠡᠷᠡ ᠳᠦ ᠢᠲᠡᠭᠡᠮᠵᠢ ᠦᠭᠡᠢ ᠪᠠᠢᠭᠰᠠᠨ ᠪᠠ ᠪᠢ ᠴᠤ ᠲᠡᠳᠡᠨ ᠢ ᠦᠯᠦ ᠣᠢᠰᠢᠶᠠᠪᠠ᠃
10 ᠡᠵᠡᠨ ᠠᠢᠯᠠᠳᠴᠤ ᠪᠠᠢᠨᠠ᠂ ᠲᠡᠷᠡ ᠡᠳᠦᠷ ᠤᠳ ᠤᠨ ᠳᠠᠷᠠᠭᠠ ᠢᠰᠷᠧᠯ ᠤᠨ ᠭᠡᠷ ᠲᠡᠢ ᠮᠢᠨᠦ ᠪᠠᠢᠭᠤᠯᠬᠤ ᠭᠡᠷᠡ ᠪᠣᠯ ᠡᠨᠡ᠄ ᠪᠢ ᠬᠠᠤᠯᠢ ᠪᠠᠨ ᠲᠡᠳᠡᠨ ᠦ ᠳᠣᠲᠣᠷᠠ ᠬᠢᠵᠦ ᠵᠢᠷᠦᠬᠡᠨ ᠳᠡᠭᠡᠷᠡ ᠨᠢ ᠪᠢᠴᠢᠨᠡ ᠡᠢᠨ ᠬᠦ ᠪᠢ ᠲᠡᠳᠡᠨ ᠦ ᠪᠤᠷᠬᠠᠨ ᠲᠡᠳᠡ ᠮᠢᠨᠦ ᠠᠷᠠᠳ ᠲᠦᠮᠡᠨ ᠪᠣᠯᠬᠤ ᠪᠥᠭᠡᠳ
11 ᠬᠡᠦᠬᠡᠳ ᠨᠠᠰᠤᠲᠠᠳ ᠦᠭᠡᠢ ᠪᠦᠭᠦᠳᠡᠭᠡᠷ ᠨᠠᠮᠠᠶᠢ ᠮᠡᠳᠡᠬᠦ ᠲᠤᠯᠠ ᠬᠥᠮᠦᠨ ᠬᠥᠷᠰᠢ ᠪᠣᠯᠣᠨ ᠠᠬᠠ ᠳᠡᠭᠦᠦ ᠳᠡᠭᠡᠨ᠄ 〈ᠡᠵᠡᠨ ᠢ ᠮᠡᠳᠡ〉 ᠭᠡᠵᠦ ᠵᠢᠭᠠᠬᠤ ᠬᠡᠷᠡᠭ ᠦᠭᠡᠢ ᠪᠣᠯᠣᠨᠠ᠂
12 ᠲᠡᠢᠨ ᠬᠦ ᠪᠢ ᠲᠡᠳᠡᠨ ᠦ ᠭᠡᠮ ᠪᠤᠷᠤᠭᠤ ᠶᠢ ᠠᠭᠤᠴᠢᠯᠠᠵᠤ᠂ ᠲᠡᠳᠡᠨ ᠦ ᠨᠢᠭᠦᠯ ᠢ ᠳᠠᠬᠢᠨ ᠬᠡᠵᠢᠶᠡ ᠴᠤ ᠰᠠᠨᠠᠬᠤ ᠦᠭᠡᠢ》 ᠭᠡᠵᠡᠢ᠃
13 ᠪᠤᠷᠬᠠᠨ ᠡᠨᠡ ᠭᠡᠷᠡ ᠶᠢ 《ᠰᠢᠨᠡ》 ᠭᠡᠵᠦ ᠬᠡᠯᠡᠭᠰᠡᠨ ᠢᠶᠡᠷ ᠢᠶᠠᠨ ᠠᠩ᠋ᠬᠠᠨ ᠤ ᠬᠢ ᠶᠢ ᠬᠠᠭᠤᠴᠢᠷᠠᠭᠰᠠᠨ ᠭᠡᠵᠦ ᠲᠤᠩ᠋ᠬᠠᠭᠯᠠᠭᠰᠠᠨ ᠬᠡᠷᠡᠭ᠂ ᠬᠠᠭᠤᠴᠢᠷᠠᠵᠤ ᠳᠣᠷᠣᠢᠲᠠᠵᠤ ᠪᠤᠢ ᠨᠢ ᠤᠳᠠᠯ ᠦᠭᠡᠢ ᠦᠵᠡᠭᠳᠡᠬᠦ ᠦᠭᠡᠢ ᠪᠣᠯᠳᠠᠭ᠃