ᠨᠧᠾᠧᠮᠢᠶᠠ ᠭᠤᠷᠪᠠ
ᠬᠡᠷᠡᠮ ᠢ ᠪᠣᠰᠬᠠᠭᠴᠢᠳ
1 ᠲᠡᠷᠢᠭᠦᠨ ᠲᠠᠬᠢᠯᠴᠢ ᠡᠯᠢᠶᠠᠱᠢᠪ ᠠᠬᠠ ᠳᠡᠭᠦᠦ ᠲᠠᠬᠢᠯᠴᠢᠳ ᠲᠠᠢ ᠪᠠᠨ ᠬᠠᠮᠲᠤ ᠪᠣᠰᠴᠠᠭᠠᠵᠤ᠂ ᠬᠣᠨᠢᠨ ᠬᠠᠭᠠᠯᠭᠠ ᠶᠢ ᠪᠠᠷᠢᠪᠠ᠃ ᠲᠡᠳᠡ ᠲᠡᠭᠦᠨ ᠢ ᠠᠷᠢᠭᠤᠰᠬᠠᠵᠤ᠂ ᠬᠠᠭᠠᠯᠭᠠ ᠨᠤᠭᠤᠳ ᠢ ᠨᠢ ᠲᠠᠭᠠᠷᠠᠭᠤᠯᠪᠠ᠃ ᠲᠡᠳᠡ ᠵᠠᠭᠤᠲᠤ ᠶᠢᠨ ᠴᠠᠮᠬᠠᠭ᠂ ᠴᠠᠰᠢ ᠬᠠᠨᠠᠨᠧᠯ ᠤᠨ ᠴᠠᠮᠬᠠᠭ ᠬᠦᠷᠲᠡᠯᠡ ᠪᠣᠰᠬᠠᠵᠤ ᠲᠡᠭᠦᠨ ᠢ ᠠᠷᠢᠭᠤᠰᠬᠠᠪᠠ᠃ 2 ᠳᠠᠷᠠᠭᠠᠬᠢ ᠬᠡᠰᠡᠭ ᠢ ᠨᠢ ᠶᠧᠷᠢᠺᠣ ᠶᠢᠨ ᠬᠥᠮᠦᠰ᠂ ᠳᠠᠷᠠᠭᠠᠬᠢ ᠶᠢ ᠨᠢ ᠢᠮᠷᠢ ᠶᠢᠨ ᠬᠦᠦ ᠽᠠᠺᠦ᠋ᠷ ᠪᠣᠰᠬᠠᠪᠠ᠃
3 ᠵᠢᠭᠠᠰᠤᠨ ᠬᠠᠭᠠᠯᠭᠠ ᠶᠢ ᠬᠠᠰᠧᠨᠠ ᠶᠢᠨ ᠬᠥᠪᠡᠭᠦᠳ ᠪᠠᠷᠢᠪᠠ᠃ ᠲᠡᠳᠡ ᠶᠠᠰᠤ ᠮᠣᠳᠣ ᠶᠢ ᠲᠠᠯᠪᠢᠨ ᠬᠠᠪᠲᠠᠰᠤ ᠨᠤᠭᠤᠳ ᠢ ᠨᠢ ᠲᠣᠭᠲᠠᠭᠠᠵᠤ᠂ ᠲᠦᠭᠵᠢᠶᠡ ᠪᠣᠯᠣᠨ ᠴᠠᠭᠤᠷᠭᠠ ᠶᠢ ᠨᠢ ᠤᠭᠰᠠᠷᠠᠪᠠ᠃ 4 ᠳᠠᠷᠠᠭᠠᠬᠢ ᠬᠡᠰᠡᠭ ᠲᠤᠨᠢ ᠬᠠᠺᠣᠽ ᠤᠨ ᠠᠴᠢ᠂ ᠦᠦᠷᠢᠶᠠ ᠶᠢᠨ ᠬᠦᠦ ᠮᠧᠷᠧᠮᠣᠲ ᠵᠠᠰᠠᠪᠤᠷᠢ ᠬᠢᠪᠡ᠃ ᠲᠡᠭᠦᠨ ᠦ ᠳᠠᠷᠠᠭᠠᠬᠢ ᠬᠡᠰᠡᠭ ᠲᠦ ᠮᠧᠱᠧᠽᠠᠪᠧᠯ ᠤᠨ ᠠᠴᠢ ᠪᠧᠷᠧᠺᠢᠶᠠ ᠶᠢᠨ ᠬᠦᠦ ᠮᠧᠱᠦ᠋ᠯᠠᠮ᠂ ᠳᠠᠷᠠᠭᠠᠬᠢ ᠳᠤᠨᠢ ᠪᠠᠨᠠ ᠶᠢᠨ ᠬᠦᠦ ᠽᠠᠳᠣᠺ ᠵᠠᠰᠠᠪᠤᠷᠢ ᠬᠢᠪᠡ᠃ 5 ᠲᠡᠭᠦᠨ ᠦ ᠳᠠᠷᠠᠭᠠᠬᠢ ᠬᠡᠰᠡᠭ ᠲᠦ ᠲᠧᠺᠣᠴᠤᠳ ᠵᠠᠰᠠᠪᠤᠷᠢ ᠬᠢᠭᠰᠡᠨ ᠪᠣᠯᠪᠠᠴᠤ ᠨᠣᠶᠠᠳ ᠨᠢ ᠡᠵᠡᠨ ᠦ ᠠᠵᠢᠯ ᠳᠤ ᠨᠢᠭᠡ ᠮᠥᠷᠥ ᠶᠢᠨ ᠬᠦᠴᠦ ᠴᠤ ᠥᠭᠭᠥᠭᠡ ᠦᠭᠡᠢ᠃
6 ᠬᠠᠭᠤᠴᠢᠨ ᠬᠠᠭᠠᠯᠭᠠ ᠳᠤᠨᠢ ᠫᠠᠰᠧᠶᠠ ᠶᠢᠨ ᠬᠦᠦ ᠶᠣᠢᠶᠠᠳᠠ ᠪᠣᠯᠣᠨ ᠪᠧᠰᠣᠳᠧᠶᠠ ᠶᠢᠨ ᠬᠦᠦ ᠮᠧᠱᠦ᠋ᠯᠠᠮ ᠨᠠᠷ ᠵᠠᠰᠠᠪᠤᠷᠢ ᠬᠢᠪᠡ᠃ ᠲᠡᠳᠡ ᠶᠠᠰᠤ ᠮᠣᠳᠣ ᠶᠢ ᠲᠠᠯᠪᠢᠨ ᠬᠠᠪᠲᠠᠰᠤ ᠨᠤᠭᠤᠳ ᠢ ᠨᠢ ᠲᠣᠭᠲᠠᠭᠠᠵᠤ᠂ ᠲᠦᠭᠵᠢᠶᠡ ᠪᠣᠯᠣᠨ ᠴᠠᠭᠤᠷᠭᠠ ᠶᠢ ᠨᠢ ᠤᠭᠰᠠᠷᠠᠪᠠ᠃ 7 ᠳᠠᠷᠠᠭᠠᠬᠢ ᠬᠡᠰᠡᠭ ᠳᠤᠨᠢ ᠭᠢᠪᠧᠶᠣᠨ ᠬᠥᠮᠦᠨ ᠮᠧᠯᠠᠲ᠋ᠢᠶᠠ᠂ ᠮᠧᠷᠣᠨᠣᠲ ᠬᠥᠮᠦᠨ ᠶᠠᠳᠣᠨ ᠡᠶᠦ᠋ᠹᠷᠠᠲ᠋ᠧᠰ ᠮᠥᠷᠡᠨ ᠦ ᠥᠷᠥᠨᠡ ᠲᠠᠯᠠ ᠶᠢᠨ ᠮᠤᠵᠢ ᠶᠢᠨ ᠵᠠᠬᠢᠷᠤᠭᠴᠢᠳ ᠲᠤ ᠬᠠᠷᠢᠶᠠᠯᠠᠭᠳᠠᠬᠤ ᠭᠢᠪᠧᠶᠣᠨᠴᠤᠳ ᠪᠣᠯᠣᠨ ᠮᠢᠽᠫᠠᠴᠤᠳ ᠲᠠᠢ ᠬᠠᠮᠲᠤ ᠵᠠᠰᠠᠪᠤᠷᠢ ᠬᠢᠵᠦ᠂ 8 ᠳᠠᠷᠠᠭᠠᠬᠢ ᠬᠡᠰᠡᠭ ᠳᠤᠨᠢ ᠠᠯᠲᠠᠨ ᠤ ᠳᠠᠷᠬᠠᠨ ᠬᠠᠷᠬᠠᠢᠶᠠ ᠶᠢᠨ ᠬᠦᠦ ᠦᠽᠢᠶᠧᠯ ᠵᠠᠰᠠᠪᠤᠷᠢ ᠬᠢᠵᠦ᠂ ᠲᠡᠭᠦᠨ ᠦ ᠳᠠᠷᠠᠭᠠᠬᠢ ᠳᠤᠨᠢ ᠦᠨᠦᠷᠲᠡᠨ ᠬᠢᠭ᠍ᠴᠢ ᠬᠠᠨᠠᠨᠢᠶᠠ ᠵᠠᠰᠠᠪᠤᠷᠢ ᠬᠢᠵᠡᠢ᠃ ᠲᠡᠳᠡ ᠶᠧᠷᠦ᠋ᠰᠠᠯᠧᠮ ᠢ ᠥᠷᠭᠡᠨ ᠬᠠᠨᠠ ᠬᠦᠷᠲᠡᠯᠡ ᠰᠡᠷᠭᠦᠭᠡᠪᠡ᠃ 9 ᠳᠠᠷᠠᠭᠠᠬᠢ ᠳᠤᠨᠢ ᠶᠧᠷᠦ᠋ᠰᠠᠯᠧᠮ ᠤᠨ ᠳᠡᠭᠦᠷᠭᠡ ᠶᠢᠨ ᠬᠠᠭᠠᠰ ᠢ ᠵᠠᠬᠢᠷᠤᠭᠴᠢ ᠾᠦᠷ ᠦᠨ ᠬᠦᠦ ᠷᠧᠹᠠᠢᠶᠠ ᠵᠠᠰᠠᠪᠤᠷᠢ ᠬᠢᠵᠦ᠂ 10 ᠳᠠᠷᠠᠭᠠᠬᠢ ᠳᠤᠨᠢ ᠬᠠᠷᠦ᠋ᠮᠠᠹ ᠤᠨ ᠬᠦᠦ ᠶᠧᠳᠠᠢᠶᠠ ᠵᠠᠰᠠᠪᠤᠷᠢ ᠬᠢᠭᠰᠡᠨ ᠪᠠ ᠲᠡᠷᠡ ᠬᠡᠰᠡᠭ ᠨᠢ ᠲᠡᠭᠦᠨ ᠦ ᠭᠡᠷ ᠦᠨ ᠬᠠᠷᠠᠯᠳᠤᠭᠠ ᠪᠠᠢᠪᠠ᠃ ᠳᠠᠷᠠᠭᠠᠬᠢ ᠬᠡᠰᠡᠭ ᠳᠤᠨᠢ ᠬᠠᠱᠠᠪᠨᠧᠶᠠ ᠶᠢᠨ ᠬᠦᠦ ᠬᠠᠲ᠋ᠦ᠋ᠱ ᠵᠠᠰᠠᠪᠤᠷᠢ ᠬᠢᠵᠡᠢ᠃ 11 ᠪᠠᠰᠠ ᠥᠭᠡᠷᠡ ᠬᠡᠰᠡᠭ ᠬᠢᠭᠡᠳ ᠵᠤᠤᠬᠠ ᠶᠢᠨ ᠴᠠᠮᠬᠠᠭ ᠤᠨ ᠵᠠᠰᠠᠪᠤᠷᠢ ᠶᠢ ᠬᠠᠷᠢᠮ ᠤᠨ ᠬᠦᠦ ᠮᠠᠯᠺᠢᠶᠠ ᠪᠠᠷ ᠫᠠᠬᠠᠲ ᠮᠣᠶᠠᠪ ᠤᠨ ᠬᠦᠦ ᠬᠠᠱᠦ᠋ᠪ ᠲᠠᠢ ᠬᠠᠮᠲᠤ ᠬᠢᠵᠦ᠂ 12 ᠳᠠᠷᠠᠭᠠᠬᠢ ᠬᠡᠰᠡᠭ ᠳᠤᠨᠢ ᠶᠧᠷᠦ᠋ᠰᠠᠯᠧᠮ ᠤᠨ ᠳᠡᠭᠦᠷᠭᠡ ᠶᠢᠨ ᠨᠥᠭᠥᠭᠡ ᠬᠠᠭᠠᠰ ᠢ ᠵᠠᠬᠢᠷᠤᠭᠴᠢ ᠬᠠᠯᠣᠾᠧᠱ ᠤᠨ ᠬᠦᠦ ᠱᠠᠯᠦ᠋ᠮ ᠥᠬᠢᠳ ᠲᠠᠢ ᠪᠠᠨ ᠬᠠᠮᠲᠤ ᠵᠠᠰᠠᠪᠤᠷᠢ ᠬᠢᠪᠡ᠃
13 ᠬᠥᠨᠳᠡᠢ ᠶᠢᠨ ᠬᠠᠭᠠᠯᠭᠠ ᠳᠤᠨᠢ ᠬᠠᠨᠦ᠋ᠨ ᠪᠡᠷ ᠽᠠᠨᠣᠶᠠ ᠶᠢᠨ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠬᠠᠮᠲᠤ ᠵᠠᠰᠠᠪᠤᠷᠢ ᠬᠢᠪᠡ᠃ ᠲᠡᠳᠡ ᠲᠡᠭᠦᠨ ᠢ ᠰᠡᠷᠭᠦᠭᠡᠨ ᠬᠠᠪᠲᠠᠰᠤ ᠨᠤᠭᠤᠳ ᠢ ᠨᠢ ᠲᠣᠭᠲᠠᠭᠠᠵᠤ᠂ ᠲᠦᠭᠵᠢᠶᠡ ᠪᠣᠯᠣᠨ ᠴᠠᠭᠤᠷᠭᠠ ᠶᠢ ᠨᠢ ᠤᠭᠰᠠᠷᠠᠭᠠᠳ ᠪᠠᠭᠠᠰᠤᠨ ᠬᠠᠭᠠᠯᠭᠠ ᠬᠦᠷᠲᠡᠯᠡᠬᠢ ᠮᠢᠩ᠋ᠭᠠᠨ ᠲᠣᠬᠣᠢ ᠬᠡᠷᠡᠮ ᠢ ᠵᠠᠰᠠᠪᠤᠷᠢᠯᠠᠭᠰᠠᠨ ᠶᠤᠮ᠃
14 ᠪᠠᠭᠠᠰᠤᠨ ᠬᠠᠭᠠᠯᠭᠠ ᠳᠤ ᠪᠧᠲ ᠬᠠᠺᠧᠷᠧᠮ ᠤᠨ ᠳᠡᠭᠦᠷᠭᠡ ᠶᠢᠨ ᠵᠠᠬᠢᠷᠤᠭᠴᠢ᠂ ᠷᠧᠺᠠᠪ ᠤᠨ ᠬᠦᠦ ᠮᠠᠯᠺᠢᠶᠠ ᠵᠠᠰᠠᠪᠤᠷᠢ ᠬᠢᠪᠡ᠃ ᠲᠡᠷᠡ ᠲᠡᠭᠦᠨ ᠢ ᠰᠡᠷᠭᠦᠭᠡᠨ ᠬᠠᠪᠲᠠᠰᠤ ᠨᠤᠭᠤᠳ ᠢ ᠨᠢ ᠲᠣᠭᠲᠠᠭᠠᠵᠤ᠂ ᠲᠦᠭᠵᠢᠶᠡ ᠪᠣᠯᠣᠨ ᠴᠠᠭᠤᠷᠭᠠ ᠶᠢ ᠨᠢ ᠤᠭᠰᠠᠷᠠᠪᠠ᠃
15 ᠣᠷᠭᠢᠯᠤᠭᠤᠷ ᠤᠨ ᠬᠠᠭᠠᠯᠭᠠ ᠳᠤ ᠮᠢᠽᠫᠠ ᠶᠢᠨ ᠳᠡᠭᠦᠷᠭᠡ ᠶᠢᠨ ᠵᠠᠬᠢᠷᠤᠭᠴᠢ᠂ ᠺᠣᠯ ᠬᠣᠽᠧ ᠶᠢᠨ ᠬᠦᠦ ᠱᠠᠯᠦ᠋ᠮ ᠵᠠᠰᠠᠪᠤᠷᠢ ᠬᠢᠪᠡ᠃ ᠲᠡᠷᠡ ᠲᠡᠭᠦᠨ ᠢ ᠰᠡᠷᠭᠦᠭᠡᠨ ᠳᠡᠭᠡᠪᠦᠷ ᠬᠢᠵᠦ᠂ ᠬᠠᠪᠲᠠᠰᠤ ᠨᠤᠭᠤᠳ ᠢ ᠨᠢ ᠲᠣᠭᠲᠠᠭᠠᠵᠤ᠂ ᠲᠦᠭᠵᠢᠶᠡ ᠪᠣᠯᠣᠨ ᠴᠠᠭᠤᠷᠭᠠ ᠶᠢ ᠨᠢ ᠤᠭᠰᠠᠷᠠᠪᠠ᠃ ᠲᠡᠷᠡ ᠮᠥᠨ ᠬᠠᠭᠠᠨ ᠤ ᠴᠡᠴᠡᠷᠯᠢᠭ ᠳᠠᠬᠢ ᠱᠧᠯᠠ ᠶᠢᠨ ᠴᠥᠭᠥᠷᠥᠮ ᠦᠨ ᠬᠡᠷᠡᠮ ᠢ ᠳ᠋ᠠᠸᠢᠳ᠋ ᠤᠨ ᠬᠣᠲᠠ ᠠᠴᠠ ᠪᠠᠭᠤᠬᠤ ᠱᠠᠲᠤ ᠬᠦᠷᠲᠡᠯᠡ ᠵᠠᠰᠠᠪᠤᠷᠢᠯᠠᠪᠠ᠃ 16 ᠲᠡᠭᠦᠨ ᠦ ᠳᠠᠷᠠᠭᠠ ᠪᠧᠲ ᠽᠦᠷ ᠦᠨ ᠬᠠᠭᠠᠰ ᠳᠡᠭᠦᠷᠭᠡ ᠶᠢᠨ ᠵᠠᠬᠢᠷᠤᠭᠴᠢ᠂ ᠠᠽᠪᠦ᠋ᠺ ᠤᠨ ᠬᠦᠦ ᠨᠧᠾᠧᠮᠢᠶᠠ ᠵᠠᠰᠠᠪᠤᠷᠢ ᠬᠢᠵᠦ᠂ ᠳ᠋ᠠᠸᠢᠳ᠋ ᠤᠨ ᠪᠤᠯᠠᠰᠢᠨ ᠤ ᠬᠠᠷᠠᠯᠳᠤᠭᠠᠬᠢ ᠭᠠᠵᠠᠷ ᠬᠦᠷᠲᠡᠯᠡ᠂ ᠪᠠᠰᠠ ᠬᠢᠮᠡᠯ ᠴᠥᠭᠥᠷᠥᠮ ᠬᠢᠭᠡᠳ ᠪᠠᠭᠠᠲᠤᠷᠴᠤᠳ ᠤᠨ ᠪᠠᠢᠰᠢᠩ ᠬᠦᠷᠲᠡᠯᠡ ᠵᠠᠰᠠᠪᠤᠷᠢ ᠬᠢᠵᠦ᠂ 17 ᠳᠠᠷᠠᠭᠠ ᠨᠢ ᠯᠧᠸᠢᠴᠦᠳ ᠪᠠᠨᠢ ᠶᠢᠨ ᠬᠦᠦ ᠷᠧᠾᠦ᠋ᠮ ᠤᠨ ᠭᠠᠷ ᠳᠣᠣᠷᠠ ᠵᠠᠰᠠᠪᠤᠷᠢ ᠬᠢᠪᠡ᠃ ᠺᠧᠶᠢᠯᠠ ᠶᠢᠨ ᠳᠡᠭᠦᠷᠭᠡ ᠶᠢᠨ ᠬᠠᠭᠠᠰ ᠢ ᠵᠠᠬᠢᠷᠤᠭᠴᠢ ᠬᠠᠱᠠᠪᠢᠶᠠ ᠳᠠᠷᠠᠭᠠᠬᠢ ᠬᠡᠰᠡᠭ ᠪᠣᠯᠬᠤ ᠬᠠᠷᠢᠶᠠ ᠳᠡᠭᠦᠷᠭᠡ ᠳᠡᠭᠡᠨ ᠵᠠᠰᠠᠪᠤᠷᠢ ᠬᠢᠵᠦ᠂ 18 ᠳᠠᠷᠠᠭᠠᠬᠢ ᠳᠤᠨᠢ ᠲᠡᠳᠡᠨ ᠦ ᠠᠬᠠ ᠳᠡᠭᠦᠦᠰ ᠯᠧᠸᠢᠴᠦᠳ ᠺᠧᠶᠢᠯᠠ ᠶᠢᠨ ᠳᠡᠭᠦᠷᠭᠡ ᠶᠢᠨ ᠨᠥᠭᠥᠭᠡ ᠬᠠᠭᠠᠰ ᠢ ᠵᠠᠬᠢᠷᠤᠭᠴᠢ ᠾᠧᠨᠠᠳᠠᠳ᠋ ᠤᠨ ᠬᠦᠦ ᠪᠠᠸᠠᠢ ᠶᠢᠨ ᠳᠣᠣᠷᠠ ᠵᠠᠰᠠᠪᠤᠷᠢ ᠬᠢᠪᠡ᠃ 19 ᠳᠠᠷᠠᠭᠠᠬᠢ ᠳᠤᠨᠢ ᠮᠢᠽᠫᠠ ᠶᠢᠨ ᠵᠠᠬᠢᠷᠤᠭᠴᠢ᠂ ᠶᠧᠱᠦ᠋ᠶᠠ ᠶᠢᠨ ᠬᠦᠦ ᠡᠽᠧᠷ ᠬᠡᠷᠡᠮ ᠦᠨ ᠥᠨᠴᠥᠭ ᠳᠠᠬᠢ ᠵᠡᠪᠰᠡᠭ ᠦᠨ ᠬᠥᠮᠥᠷᠭᠡ ᠳᠦ ᠬᠦᠷᠬᠦ ᠥᠭᠰᠥᠭᠦᠷ ᠵᠠᠮ ᠤᠨ ᠡᠮᠦᠨᠡᠬᠢ ᠨᠢᠭᠡ ᠬᠡᠰᠡᠭ ᠢ ᠵᠠᠰᠠᠪᠤᠷᠢᠯᠠᠪᠠ᠃ 20 ᠲᠡᠭᠦᠨ ᠦ ᠳᠠᠷᠠᠭᠠ ᠬᠡᠷᠡᠮ ᠦᠨ ᠥᠨᠴᠥᠭ ᠡᠴᠡ ᠲᠡᠷᠢᠭᠦᠨ ᠲᠠᠬᠢᠯᠴᠢ ᠡᠯᠢᠶᠠᠱᠢᠪ ᠤᠨ ᠪᠠᠢᠰᠢᠩ ᠤᠨ ᠡᠭᠦᠳᠡ ᠬᠦᠷᠲᠡᠯᠡᠬᠢ ᠥᠭᠡᠷᠡ ᠨᠢᠭᠡ ᠬᠡᠰᠡᠭ ᠢ ᠽᠠᠪᠠᠢ ᠶᠢᠨ ᠬᠦᠦ ᠪᠠᠷᠦ᠋ᠺ ᠴᠢᠷᠮᠠᠢᠨ ᠵᠠᠰᠠᠪᠤᠷᠢᠯᠠᠵᠤ᠂ 21 ᠲᠡᠭᠦᠨ ᠦ ᠳᠠᠷᠠᠭᠠ ᠬᠠᠺᠣᠽ ᠤᠨ ᠠᠴᠢ᠂ ᠦᠦᠷᠢᠶᠠ ᠶᠢᠨ ᠬᠦᠦ ᠮᠧᠷᠧᠮᠣᠲ ᠡᠯᠢᠶᠠᠱᠢᠪ ᠤᠨ ᠪᠠᠢᠰᠢᠩ ᠤᠨ ᠡᠭᠦᠳᠡᠨ ᠡᠴᠡ ᠪᠠᠢᠰᠢᠩ ᠤᠨ ᠵᠠᠬᠠ ᠬᠦᠷᠲᠡᠯᠡᠬᠢ ᠥᠭᠡᠷᠡ ᠨᠢᠭᠡ ᠬᠡᠰᠡᠭ ᠢ ᠵᠠᠰᠠᠪᠤᠷᠢᠯᠠᠪᠠ᠃ 22 ᠳᠠᠷᠠᠭᠠ ᠬᠡᠰᠡᠭ ᠳᠤᠨᠢ ᠲᠡᠷᠡ ᠬᠠᠪᠢ ᠶᠢᠨ ᠲᠠᠬᠢᠯᠴᠢᠳ ᠵᠠᠰᠠᠪᠤᠷᠢ ᠬᠢᠵᠦ᠂ 23 ᠵᠠᠯᠭᠠᠭᠠᠳ ᠪᠢᠨᠶᠠᠮᠢᠨ ᠪᠠ ᠬᠠᠱᠦ᠋ᠪ ᠨᠠᠷ ᠪᠠᠢᠰᠢᠩ ᠤᠨ ᠢᠶᠠᠨ ᠬᠠᠷᠠᠯᠳᠤᠭᠠᠬᠢ ᠬᠡᠰᠡᠭ ᠲᠦ ᠵᠠᠰᠠᠪᠤᠷᠢ ᠬᠢᠪᠡ᠃ ᠲᠡᠳᠡᠨ ᠦ ᠳᠠᠷᠠᠭᠠ ᠠᠨᠠᠨᠢᠶᠠ ᠶᠢᠨ ᠠᠴᠢ᠂ ᠮᠠᠶᠠᠰᠧᠶᠠ ᠶᠢᠨ ᠬᠦᠦ ᠠᠽᠠᠷᠢᠶᠠ ᠪᠠᠢᠰᠢᠩ ᠤᠨ ᠢᠶᠠᠨ ᠬᠠᠵᠠᠭᠤ ᠳᠠᠬᠢ ᠬᠡᠰᠡᠭ ᠢ ᠵᠠᠰᠠᠪᠤᠷᠢᠯᠠᠵᠤ᠂ 24 ᠲᠡᠭᠦᠨ ᠦ ᠳᠠᠷᠠᠭᠠ ᠾᠧᠨᠠᠳᠠᠳ᠋ ᠤᠨ ᠬᠦᠦ ᠪᠢᠨᠣᠢ ᠪᠠᠷ ᠠᠽᠠᠷᠢᠶᠠ ᠶᠢᠨ ᠪᠠᠢᠰᠢᠩ ᠠᠴᠠ ᠬᠡᠷᠡᠮ ᠦᠨ ᠮᠤᠷᠤᠢᠬᠤ ᠬᠡᠰᠡᠭ᠂ ᠬᠡᠷᠡᠮ ᠦᠨ ᠥᠨᠴᠥᠭ ᠬᠦᠷᠲᠡᠯᠡᠬᠢ ᠥᠭᠡᠷᠡ ᠨᠢᠭᠡ ᠬᠡᠰᠡᠭ ᠢ ᠵᠠᠰᠠᠪᠤᠷᠢᠯᠠᠪᠠ᠃ 25 ᠦᠽᠠᠢ ᠶᠢᠨ ᠬᠦᠦ ᠫᠠᠯᠠᠯ ᠲᠡᠷᠡ ᠥᠨᠴᠥᠭ ᠦᠨ ᠬᠠᠷᠠᠯᠳᠤᠭᠠ ᠠᠴᠠ ᠬᠠᠷᠠᠭᠤᠯ ᠤᠨ ᠬᠠᠰᠢᠶᠠᠨ ᠤ ᠬᠠᠵᠠᠭᠤ ᠳᠠᠬᠢ ᠬᠠᠭᠠᠨ ᠤ ᠳᠡᠭᠡᠳᠦ ᠣᠷᠳᠣᠨ ᠤ ᠴᠣᠬᠣᠢᠭᠰᠠᠨ ᠴᠠᠮᠬᠠᠭ ᠬᠦᠷᠲᠡᠯᠡᠬᠢ ᠬᠡᠰᠡᠭ ᠢ ᠵᠠᠰᠠᠪᠤᠷᠢᠯᠠᠵᠤ᠂ ᠳᠠᠷᠠᠭᠠ ᠨᠢ ᠫᠠᠷᠣᠱ ᠤᠨ ᠬᠦᠦ ᠫᠧᠳᠠᠶᠠ 26 ᠣᠹᠧᠯ ᠳᠤ ᠰᠠᠭᠤᠳᠠᠭ ᠠᠷᠢᠭᠤᠨ ᠥᠷᠭᠥᠭᠡᠨ ᠦ ᠦᠢᠯᠡᠴᠢᠯᠡᠭᠴᠢᠳ ᠲᠠᠢ ᠬᠠᠮᠲᠤ ᠵᠡᠭᠦᠨ ᠲᠠᠯᠠ ᠶᠢᠨ ᠤᠰᠤᠨ ᠬᠠᠭᠠᠯᠭᠠᠨ ᠤ ᠨᠥᠭᠥᠭᠡ ᠲᠠᠯᠠ᠂ ᠴᠣᠬᠣᠢᠭᠰᠠᠨ ᠴᠠᠮᠬᠠᠭ ᠬᠦᠷᠲᠡᠯᠡ ᠵᠠᠰᠠᠪᠤᠷᠢ ᠬᠢᠵᠦ᠂ 27 ᠳᠠᠷᠠᠭᠠ ᠨᠢ ᠲᠧᠺᠣᠴᠤᠳ ᠴᠣᠬᠣᠢᠭᠰᠠᠨ ᠶᠡᠬᠡ ᠴᠠᠮᠬᠠᠭ ᠠᠴᠠ ᠣᠹᠧᠯ ᠤᠨ ᠬᠡᠷᠡᠮ ᠬᠦᠷᠲᠡᠯᠡᠬᠢ ᠥᠭᠡᠷᠡ ᠨᠢᠭᠡ ᠬᠡᠰᠡᠭ ᠲᠦ ᠵᠠᠰᠠᠪᠤᠷᠢ ᠬᠢᠪᠡ᠃
28 ᠮᠣᠷᠢᠨ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠲᠠᠬᠢᠯᠴᠢ ᠪᠦᠷᠢ ᠪᠠᠢᠰᠢᠩ ᠤᠨ ᠢᠶᠠᠨ ᠡᠮᠦᠨᠡ ᠲᠠᠯᠠ ᠶᠢ ᠵᠠᠰᠠᠪᠤᠷᠢᠯᠠᠵᠤ᠂ 29 ᠳᠠᠷᠠᠭᠠ ᠨᠢ ᠢᠮᠧᠷ ᠤᠨ ᠬᠦᠦ ᠽᠠᠳᠣᠺ ᠪᠠᠢᠰᠢᠩ ᠤᠨ ᠢᠶᠠᠨ ᠡᠮᠦᠨᠡ ᠲᠠᠯᠠ ᠳᠤ ᠵᠠᠰᠠᠪᠤᠷᠢ ᠬᠢᠪᠡ᠃ ᠲᠡᠭᠦᠨ ᠦ ᠳᠠᠷᠠᠭᠠ ᠵᠡᠭᠦᠨ ᠬᠠᠭᠠᠯᠭᠠᠨ ᠤ ᠰᠠᠬᠢᠭᠤᠯ ᠱᠧᠺᠠᠨᠢᠶᠠ ᠶᠢᠨ ᠬᠦᠦ ᠱᠧᠮᠠᠢᠶᠠ ᠵᠠᠰᠠᠪᠤᠷᠢ ᠬᠢᠪᠡ᠃ 30 ᠲᠡᠭᠦᠨ ᠦ ᠳᠠᠷᠠᠭᠠ ᠱᠧᠯᠧᠮᠢᠶᠠ ᠶᠢᠨ ᠬᠦᠦ ᠬᠠᠨᠠᠨᠢᠶᠠ ᠪᠠ ᠽᠠᠯᠠᠹ ᠤᠨ ᠵᠢᠷᠭᠤᠳᠠᠬᠢ ᠬᠦᠦ ᠬᠠᠨᠦ᠋ᠨ ᠨᠠᠷ ᠥᠭᠡᠷᠡ ᠨᠢᠭᠡ ᠬᠡᠰᠡᠭ ᠢ ᠵᠠᠰᠠᠪᠤᠷᠢᠯᠠᠵᠤ᠂ ᠳᠠᠷᠠᠭᠠ ᠨᠢ ᠪᠧᠷᠧᠺᠢᠶᠠ ᠶᠢᠨ ᠬᠦᠦ ᠮᠧᠱᠦ᠋ᠯᠠᠮ ᠰᠠᠭᠤᠴᠠᠨ ᠤ ᠪᠠᠨ ᠬᠠᠷᠠᠯᠳᠤᠭᠠ ᠬᠡᠰᠡᠭ ᠢ ᠵᠠᠰᠠᠪᠤᠷᠢᠯᠠᠪᠠ᠃ 31 ᠲᠡᠭᠦᠨ ᠦ ᠳᠠᠷᠠᠭᠠ ᠠᠯᠲᠠᠨ ᠤ ᠳᠠᠷᠬᠠᠨ ᠮᠠᠯᠺᠢᠶᠠ ᠬᠢᠨᠠᠯᠲᠠ ᠶᠢᠨ ᠬᠠᠭᠠᠯᠭᠠᠨ ᠤ ᠬᠠᠷᠠᠯᠳᠤᠭᠠ ᠠᠷᠢᠭᠤᠨ ᠥᠷᠭᠥᠭᠡᠨ ᠦ ᠦᠢᠯᠡᠴᠢᠯᠡᠭᠴᠢᠳ ᠪᠠ ᠬᠤᠳᠠᠯᠳᠤᠭᠠᠴᠢᠳ ᠤᠨ ᠪᠠᠢᠰᠢᠩ ᠬᠦᠷᠲᠡᠯᠡ᠂ ᠪᠤᠯᠤᠩ ᠤᠨ ᠳᠡᠭᠡᠳᠦ ᠥᠷᠥᠭᠡ ᠬᠦᠷᠲᠡᠯᠡ ᠵᠠᠰᠠᠪᠤᠷᠢᠯᠠᠵᠤ᠂ 32 ᠪᠤᠯᠤᠩ ᠤᠨ ᠳᠡᠭᠡᠳᠦ ᠥᠷᠥᠭᠡ ᠪᠠ ᠬᠣᠨᠢᠨ ᠬᠠᠭᠠᠯᠭᠠᠨ ᠤ ᠬᠣᠭᠣᠷᠣᠨᠳᠣ ᠠᠯᠲᠠᠨ ᠤ ᠳᠠᠷᠬᠠᠳ ᠪᠠ ᠬᠤᠳᠠᠯᠳᠤᠭᠠᠴᠢᠳ ᠵᠠᠰᠠᠪᠤᠷᠢ ᠬᠢᠪᠡ᠃