ᠨᠧᠾᠧᠮᠢᠶ᠎ᠠ ᠠᠷᠪᠠᠨ ᠬᠣᠶᠠᠷ
 ᠪᠤᠴᠠᠵᠤ ᠢᠷᠡᠭᠰᠡᠨ ᠲᠠᠬᠢᠯᠴᠢᠳ ᠪᠠ ᠯᠧᠸᠢᠴᠦᠳ

1 ᠳᠠᠷᠠᠭᠠᠬᠢ ᠨᠢ ᠱᠠᠯᠲ᠋ᠢᠶᠧᠯ ᠤᠨ ᠬᠥᠪᠡᠭᠦᠨ ᠽᠣᠷᠣᠪᠠᠪᠧᠯ ᠬᠢᠭᠡᠳ ᠶᠧᠱᠦ᠋ᠶ᠎ᠠ ᠲᠠᠢ ᠬᠠᠮᠲᠤ ᠢᠷᠡᠵᠡᠭᠡᠭᠰᠡᠨ ᠲᠠᠬᠢᠯᠴᠢᠳ ᠪᠠ ᠯᠧᠸᠢᠴᠦᠳ ᠶᠤᠮ᠄ ᠲᠠᠬᠢᠯᠴᠢᠳ ᠠᠴᠠ ᠰᠧᠷᠠᠢᠶ᠎ᠠ᠂ ᠶᠧᠷᠧᠮᠢᠶ᠎ᠠ᠂ ᠡᠽᠷᠠ᠂ 2 ᠠᠮᠠᠷᠢᠶ᠎ᠠ᠂ ᠮᠠᠯᠦ᠋ᠺ᠂ ᠬᠠᠲ᠋ᠦ᠋ᠱ᠂ 3 ᠱᠧᠺᠠᠨᠢᠶ᠎ᠠ᠂ ᠷᠧᠾᠦ᠋ᠮ᠂ ᠮᠧᠷᠧᠮᠣᠲ᠂ 4 ᠢᠳᠣ᠋᠂ ᠬᠢᠨᠧᠲ᠋ᠣᠢ᠂ ᠠᠪᠢᠶᠠ᠂ 5 ᠮᠢᠶᠠᠮᠢᠨ᠂ ᠮᠠᠶᠠᠳᠢᠶ᠎ᠠ᠂ ᠪᠢᠯᠭ᠎ᠠ᠂ 6 ᠱᠧᠮᠠᠢᠶ᠎ᠠ᠂ ᠶᠣᠶᠠᠷᠢᠪ᠂ ᠶᠧᠳᠠᠢᠶ᠎ᠠ᠂ 7 ᠰᠠᠯᠦ᠋᠂ ᠠᠮᠣᠺ᠂ ᠾᠢᠯᠺᠢᠶ᠎ᠠ ᠪᠠ ᠶᠧᠳᠠᠢᠶ᠎ᠠ ᠨᠠᠷ ᠶᠤᠮ᠃ ᠡᠳᠡ ᠨᠠᠷ ᠨᠢ ᠶᠧᠱᠦ᠋ᠶ᠎ᠠ ᠶᠢᠨ ᠡᠳᠦᠷ ᠤᠳ ᠳᠠᠬᠢ ᠲᠠᠬᠢᠯᠴᠢᠳ ᠪᠣᠯᠣᠨ ᠬᠠᠮᠲᠤᠷᠠᠭᠴᠢᠳ ᠤᠨ ᠳᠣᠲᠣᠷᠠᠬᠢ ᠤᠳᠤᠷᠢᠳᠤᠭᠴᠢᠳ ᠶᠤᠮ᠃

8 ᠯᠧᠸᠢᠴᠦᠳ ᠡᠴᠡ ᠶᠧᠱᠦ᠋ᠶ᠎ᠠ᠂ ᠪᠢᠨᠣᠢ᠂ ᠺᠠᠳ᠋ᠮᠢᠶᠧᠯ᠂ ᠱᠧᠷᠧᠪᠢᠶ᠎ᠠ᠂ ᠶᠦᠳᠠ ᠬᠢᠭᠡᠳ ᠮᠠᠭᠲᠠᠭᠠᠯ ᠳᠠᠭᠤᠤ ᠨᠤᠭᠤᠳ ᠢ ᠬᠠᠮᠢᠶᠠᠷᠤᠭᠴᠢ ᠮᠠᠲ᠋ᠠᠨᠢᠶ᠎ᠠ ᠪᠠ ᠲᠡᠭᠦᠨ ᠦ ᠬᠠᠮᠲᠤᠷᠠᠭᠴᠢᠳ ᠪᠠᠢᠪᠠ᠃ 9 ᠲᠡᠳᠡᠨ ᠦ ᠬᠠᠮᠲᠤᠷᠠᠭᠴᠢ ᠪᠠᠺᠪᠦ᠋ᠺᠢᠶ᠎ᠠ ᠪᠣᠯᠣᠨ ᠦᠦᠨᠢ ᠲᠡᠳᠡᠨ ᠲᠡᠢ ᠡᠭᠡᠯᠵᠢᠯᠡᠨ ᠦᠢᠯᠡᠴᠢᠯᠡᠳᠡᠭ᠌ ᠪᠠᠢᠯ᠎ᠠ᠃ 10 ᠶᠧᠱᠦ᠋ᠶ᠎ᠠ ᠶᠢᠨ ᠬᠦᠦ ᠶᠣᠶᠠᠺᠢᠮ᠂ ᠶᠣᠶᠠᠺᠢᠮ ᠤᠨ ᠬᠦᠦ ᠡᠯᠢᠶᠠᠱᠢᠪ᠂ ᠡᠯᠢᠶᠠᠱᠢᠪ ᠤᠨ ᠬᠦᠦ ᠶᠣᠢᠶᠠᠳᠠ᠂ 11 ᠶᠣᠢᠶᠠᠳᠠ ᠶᠢᠨ ᠬᠦᠦ ᠶᠣᠨᠠᠲ᠋ᠠᠨ᠂ ᠶᠣᠨᠠᠲ᠋ᠠᠨ ᠤ ᠬᠦᠦ ᠶᠠᠳᠦ᠋ᠶᠠ᠃

12 ᠶᠣᠶᠠᠺᠢᠮ ᠤᠨ ᠡᠳᠦᠷ ᠤᠳ ᠲᠤ ᠲᠠᠬᠢᠯᠴᠢᠳ ᠤᠨ ᠠᠢᠮᠠᠭ ᠤᠨ ᠲᠡᠷᠢᠭᠦᠳ ᠨᠢ ᠰᠧᠷᠠᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠮᠡᠷᠠᠶᠠ᠂ ᠶᠧᠷᠧᠮᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠬᠠᠨᠠᠨᠢᠶ᠎ᠠ᠂ 13 ᠡᠽᠷᠠ ᠶᠢᠨ ᠠᠢᠮᠠᠭ ᠲᠤ ᠮᠧᠱᠦ᠋ᠯᠠᠮ᠂ ᠠᠮᠠᠷᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠶᠧᠬᠣᠬᠠᠨᠠᠨ᠂ 14 ᠮᠠᠯᠦ᠋ᠺ ᠤᠨ ᠠᠢᠮᠠᠭ ᠲᠤ ᠶᠣᠨᠠᠲ᠋ᠠᠨ᠂ ᠱᠧᠪᠠᠨᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠶᠣᠰᠧᠹ᠂ 15 ᠬᠠᠷᠢᠮ ᠤᠨ ᠠᠢᠮᠠᠭ ᠲᠤ ᠠᠳ᠋ᠨᠠ᠂ ᠮᠧᠷᠠᠶᠣᠲ ᠤᠨ ᠠᠢᠮᠠᠭ ᠲᠤ ᠾᠧᠯᠺᠠᠢ᠂ 16 ᠢᠳᠣ᠋ ᠶᠢᠨ ᠠᠢᠮᠠᠭ ᠲᠤ ᠽᠧᠺᠠᠷᠢᠶ᠎ᠠ᠂ ᠬᠢᠨᠧᠲ᠋ᠣᠨ ᠤ ᠠᠢᠮᠠᠭ ᠲᠤ ᠮᠧᠱᠦ᠋ᠯᠠᠮ᠂ 17 ᠠᠪᠢᠶᠠ ᠶᠢᠨ ᠠᠢᠮᠠᠭ ᠲᠤ ᠽᠢᠺᠷᠢ᠂ ᠮᠢᠨᠢᠶᠠᠮᠢᠨ ᠪᠣᠯᠣᠨ ᠮᠣᠶᠠᠳᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠫᠢᠯᠲ᠋ᠠᠢ᠂ 18 ᠪᠢᠯᠭ᠎ᠠ ᠶᠢᠨ ᠠᠢᠮᠠᠭ ᠲᠤ ᠱᠠᠮᠦ᠋ᠶ᠎ᠠ᠂ ᠱᠧᠮᠠᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠶᠧᠬᠣᠨᠠᠲ᠋ᠠᠨ᠂ 19 ᠶᠣᠶᠠᠷᠢᠪ ᠤᠨ ᠠᠢᠮᠠᠭ ᠲᠤ ᠮᠠᠲ᠋ᠧᠨᠠᠢ᠂ ᠶᠧᠳᠠᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠦᠽᠢ᠂ 20 ᠰᠠᠯᠠᠢ ᠶᠢᠨ ᠠᠢᠮᠠᠭ ᠲᠤ ᠺᠠᠯᠠᠢ᠂ ᠠᠮᠣᠺ ᠤᠨ ᠠᠢᠮᠠᠭ ᠲᠤ ᠡᠪᠧᠷ᠂ 21 ᠾᠢᠯᠺᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠬᠠᠱᠠᠪᠢᠶ᠎ᠠ᠂ ᠶᠧᠳᠠᠢᠶ᠎ᠠ ᠶᠢᠨ ᠠᠢᠮᠠᠭ ᠲᠤ ᠨᠧᠲ᠋ᠠᠨᠧᠯ ᠨᠠᠷ ᠪᠠᠢᠪᠠ᠃

22 ᠡᠯᠢᠶᠠᠱᠢᠪ᠂ ᠶᠣᠢᠶᠠᠳᠠ᠂ ᠶᠣᠬᠠᠨᠠᠨ ᠪᠠ ᠶᠠᠳᠦ᠋ᠶᠠ ᠶᠢᠨ ᠡᠳᠦᠷ ᠤᠳ ᠲᠤ ᠯᠧᠸᠢ ᠶᠢᠨ ᠠᠢᠮᠠᠭ ᠤᠳ ᠤᠨ ᠲᠡᠷᠢᠭᠦᠨ ᠪᠤᠶᠤ ᠲᠠᠬᠢᠯᠴᠢ ᠪᠠᠢᠭᠰᠠᠨ ᠬᠥᠮᠦᠰ ᠦᠨ ᠨᠡᠷᠡᠰ ᠫᠧᠷᠰ ᠤᠨ ᠳ᠋ᠠᠷᠢᠶᠦ᠋ ᠬᠠᠭᠠᠨ ᠤ ᠦᠶ᠎ᠡ ᠳᠦ ᠲᠡᠮᠳᠡᠭᠯᠡᠭᠳᠡᠵᠦ᠂ 23 ᠡᠯᠢᠶᠠᠱᠢᠪ ᠤᠨ ᠬᠥᠪᠡᠭᠦᠨ ᠶᠣᠬᠠᠨᠠᠨ ᠤ ᠡᠳᠦᠷ ᠤᠳ ᠬᠦᠷᠲᠡᠯᠡᠬᠢ ᠯᠧᠸᠢ ᠶᠢᠨ ᠠᠢᠮᠠᠭ ᠤᠳ ᠤᠨ ᠲᠡᠷᠢᠭᠦᠳ ᠦᠨ ᠨᠡᠷᠡᠰ ᠲᠡᠢ ᠬᠠᠮᠲᠤ ᠬᠠᠭᠠᠨ ᠤ ᠨᠠᠮᠲᠠᠷ ᠲᠤ ᠪᠢᠴᠢᠭᠳᠡᠭᠰᠡᠨ ᠪᠢᠯᠡ᠃ 24 ᠯᠧᠸᠢᠴᠦᠳ ᠦᠨ ᠲᠡᠷᠢᠭᠦᠳ ᠨᠢ ᠬᠠᠱᠠᠪᠢᠶ᠎ᠠ᠂ ᠱᠧᠷᠧᠪᠢᠶ᠎ᠠ᠂ ᠺᠠᠳ᠋ᠮᠢᠶᠧᠯ ᠤᠨ ᠬᠥᠪᠡᠭᠦᠨ ᠶᠧᠱᠦ᠋ᠶ᠎ᠠ ᠬᠢᠭᠡᠳ ᠲᠡᠳᠡᠨ ᠦ ᠬᠠᠷᠠᠯᠳᠤᠭ᠎ᠠ ᠵᠣᠭᠰᠣᠵᠤ᠂ ᠪᠤᠷᠬᠠᠨ ᠤ ᠬᠥᠮᠦᠨ ᠳ᠋ᠠᠸᠢᠳ᠋ ᠤᠨ ᠵᠢᠭᠠᠪᠤᠷᠢᠯᠠᠭᠰᠠᠨ ᠶᠣᠰᠣᠭᠠᠷ ᠮᠠᠭᠲᠠᠭᠠᠯ᠂ ᠲᠠᠯᠠᠷᠬᠠᠯ ᠡᠷᠭᠦᠳᠡᠭ ᠲᠡᠳᠡᠨ ᠦ ᠬᠠᠮᠲᠤᠷᠠᠭᠴᠢᠳ ᠪᠥᠭᠡᠳ ᠲᠡᠳᠡ ᠡᠭᠡᠯᠵᠢᠯᠡᠨ ᠦᠢᠯᠡᠴᠢᠯᠡᠳᠡᠭ᠌ ᠪᠠᠢᠪᠠ᠃ 25 ᠬᠠᠭᠠᠯᠭᠠᠨ ᠳᠠᠬᠢ ᠬᠥᠮᠥᠷᠭᠡ ᠶᠢ ᠮᠠᠨᠠᠳᠠᠭ ᠬᠠᠭᠠᠯᠭᠠᠴᠢᠳ ᠨᠢ ᠮᠠᠲ᠋ᠠᠨᠢᠶ᠎ᠠ᠂ ᠪᠠᠺᠪᠦ᠋ᠺᠢᠶ᠎ᠠ᠂ ᠣᠪᠠᠳᠢᠶ᠎ᠠ᠂ ᠮᠧᠱᠦ᠋ᠯᠠᠮ᠂ ᠲᠠᠯᠮᠣᠨ᠂ ᠠᠺᠦ᠋ᠪ ᠨᠠᠷ ᠪᠠᠢᠪᠠ᠃ 26 ᠡᠳᠡᠭᠡᠷ ᠬᠥᠮᠦᠨ ᠶᠣᠽᠠᠳᠠᠺ ᠤᠨ ᠠᠴᠢ᠂ ᠶᠧᠱᠦ᠋ᠶ᠎ᠠ ᠶᠢᠨ ᠬᠦᠦ ᠶᠣᠶᠠᠺᠢᠮ ᠤᠨ ᠡᠳᠦᠷ ᠤᠳ ᠲᠤ᠂ ᠵᠠᠬᠢᠷᠤᠭᠴᠢ ᠨᠧᠾᠧᠮᠢᠶ᠎ᠠ ᠬᠢᠭᠡᠳ ᠲᠠᠬᠢᠯᠴᠢ᠂ ᠬᠠᠤᠯᠢ ᠶᠢᠨ ᠪᠠᠭᠰᠢ ᠡᠽᠷᠠ ᠶᠢᠨ ᠡᠳᠦᠷ ᠤᠳ ᠲᠤ ᠦᠢᠯᠡᠴᠢᠯᠡᠵᠦ ᠪᠠᠢᠪᠠ᠃
 ᠬᠡᠷᠡᠮ ᠦᠨ ᠵᠣᠷᠢᠭᠤᠯᠤᠯᠲᠠ ᠶᠢᠨ ᠶᠣᠰᠣᠯᠠᠯ

27 ᠶᠧᠷᠦ᠋ᠰᠠᠯᠧᠮ ᠤᠨ ᠬᠡᠷᠡᠮ ᠢ ᠵᠣᠷᠢᠭᠤᠯᠬᠤ ᠪᠣᠯᠣᠭᠰᠠᠨ ᠳᠤ᠂ ᠵᠣᠷᠢᠭᠤᠯᠤᠯᠲᠠ ᠶᠢᠨ ᠲᠥᠯᠥᠭᠡ ᠬᠥᠮᠦᠰ ᠯᠧᠸᠢᠴᠦᠳ ᠢ ᠡᠯ᠎ᠡ ᠭᠠᠵᠠᠷ ᠠᠴᠠ ᠬᠠᠢᠵᠤ᠂ ᠶᠧᠷᠦ᠋ᠰᠠᠯᠧᠮ ᠳᠤ ᠠᠪᠴᠢᠷᠠᠪᠠ᠃ ᠡᠢᠨ ᠬᠦ ᠲᠡᠳᠡ ᠲᠠᠯᠠᠷᠬᠠᠯ ᠡᠷᠭᠦᠨ ᠳᠠᠭᠤᠤ ᠳᠠᠭᠤᠯᠠᠵᠤ᠂ ᠴᠠᠩ᠂ ᠶᠠᠲᠤᠭ᠎ᠠ᠂ ᠬᠤᠭᠤᠷ ᠲᠣᠭᠯᠠᠨ ᠪᠠᠶᠠᠷ ᠬᠢᠵᠦ ᠲᠡᠮᠳᠡᠭᠯᠡᠬᠦ ᠭᠡᠵᠦ ᠪᠠᠢᠯ᠎ᠠ᠃ 28 ᠲᠡᠳᠡ ᠳᠠᠭᠤᠴᠢᠳ ᠢ ᠴᠤ ᠶᠧᠷᠦ᠋ᠰᠠᠯᠧᠮ ᠤᠨ ᠡᠷᠭᠢᠨ ᠲᠣᠭᠣᠷᠢᠨ ᠤ ᠭᠠᠵᠠᠷ ᠤᠳ ᠠᠴᠠ᠂ ᠲᠤᠬᠠᠢᠯᠠᠪᠠᠯ ᠨᠧᠲ᠋ᠣᠹᠢᠶᠠᠲ᠋ᠴᠤᠳ ᠤᠨ ᠲᠣᠰᠬᠣᠳ᠂ 29 ᠪᠧᠲ ᠭᠢᠯᠭᠠᠯ᠂ ᠭᠧᠪᠠ ᠪᠤᠶᠤ ᠠᠽᠮᠠᠸᠧᠲ ᠵᠡᠷᠭᠡ ᠳᠠᠭᠤᠴᠢᠳ ᠤᠨ ᠶᠧᠷᠦ᠋ᠰᠠᠯᠧᠮ ᠤᠨ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠥᠪᠡᠷᠰᠡᠳ ᠦᠨ ᠢᠶᠠᠨ ᠲᠥᠯᠥᠭᠡ ᠪᠠᠢᠭᠤᠯᠤᠭᠰᠠᠨ ᠲᠣᠰᠬᠣᠳ ᠠᠴᠠ ᠴᠤᠭᠯᠠᠭᠤᠯᠪᠠ᠃ 30 ᠲᠠᠬᠢᠯᠴᠢᠳ ᠪᠠ ᠯᠧᠸᠢᠴᠦᠳ ᠥᠪᠡᠷᠰᠡᠳ ᠢ ᠪᠠᠨ ᠠᠷᠢᠭᠤᠰᠬᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠠᠷᠠᠳ ᠲᠦᠮᠡᠨ ᠢ᠂ ᠬᠠᠭᠠᠯᠭ᠎ᠠ ᠨᠤᠭᠤᠳ ᠪᠣᠯᠣᠨ ᠬᠡᠷᠡᠮ ᠢ ᠪᠠᠰᠠ ᠠᠷᠢᠭᠤᠰᠬᠠᠪᠠ᠃

31 ᠲᠡᠭᠡᠭᠡᠳ ᠪᠢ ᠶᠦᠳᠠ ᠶᠢᠨ ᠤᠳᠤᠷᠢᠳᠤᠭᠴᠢᠳ ᠢ ᠬᠡᠷᠡᠮ ᠳᠡᠭᠡᠷ᠎ᠡ ᠭᠠᠷᠭᠠᠭᠠᠳ ᠲᠠᠯᠠᠷᠬᠠᠯ ᠤᠨ ᠳᠠᠭᠤᠤ ᠶᠢᠨ ᠬᠣᠶᠠᠷ ᠲᠣᠮᠣ ᠪᠠᠭ ᠢ ᠲᠣᠮᠢᠯᠠᠵᠤ᠂ ᠨᠢᠭᠡ ᠪᠠᠭ ᠢ ᠨᠢ ᠬᠡᠷᠡᠮ ᠳᠡᠭᠡᠭᠦᠷ ᠪᠠᠷᠠᠭᠤᠨ ᠲᠡᠰᠢ ᠪᠠᠭᠠᠰᠤᠨ ᠬᠠᠭᠠᠯᠭ᠎ᠠ ᠤᠷᠤᠭᠤ ᠶᠠᠪᠤᠭᠤᠯᠪᠠ᠃ 32 ᠲᠡᠳᠡᠨ ᠦ ᠠᠷᠤ ᠠᠴᠠ ᠬᠣᠱᠠᠶᠠ ᠪᠣᠯᠣᠨ ᠶᠦᠳᠠ ᠶᠢᠨ ᠤᠳᠤᠷᠢᠳᠤᠭᠴᠢᠳ ᠤᠨ ᠬᠠᠭᠠᠰ ᠨᠢ ᠶᠠᠪᠤᠵᠤ᠂ 33 ᠠᠽᠠᠷᠢᠶ᠎ᠠ᠂ ᠡᠽᠷᠠ᠂ ᠮᠧᠱᠦ᠋ᠯᠠᠮ᠂ 34 ᠶᠦᠳᠠ᠂ ᠪᠢᠨᠶᠠᠮᠢᠨ᠂ ᠱᠧᠮᠠᠢᠶ᠎ᠠ᠂ ᠶᠧᠷᠧᠮᠢᠶ᠎ᠠ᠂ 35 ᠪᠦᠷᠢᠶ᠎ᠡ ᠪᠠᠷᠢᠭᠰᠠᠨ ᠲᠠᠬᠢᠯᠴᠢᠳ᠂ ᠠᠰᠠᠹ ᠤᠨ ᠲᠠᠴᠢ᠂ ᠽᠠᠺᠦ᠋ᠷ ᠤᠨ ᠳᠥᠴᠢ᠂ ᠮᠢᠺᠠᠶᠠ ᠶᠢᠨ ᠭᠤᠴᠢ᠂ ᠮᠠᠲ᠋ᠠᠨᠢᠶ᠎ᠠ ᠶᠢᠨ ᠵᠢᠴᠢ᠂ ᠱᠧᠮᠠᠢᠶ᠎ᠠ ᠶᠢᠨ ᠠᠴᠢ᠂ ᠶᠣᠨᠠᠲ᠋ᠠᠨ ᠤ ᠬᠦᠦ ᠽᠧᠺᠠᠷᠢᠶ᠎ᠠ᠂ 36 ᠮᠥᠨ ᠲᠡᠭᠦᠨ ᠦ ᠬᠠᠮᠲᠤᠷᠠᠭᠴᠢᠳ ᠱᠧᠮᠠᠢᠶ᠎ᠠ᠂ ᠠᠽᠠᠷᠧᠯ᠂ ᠮᠢᠯᠠᠯᠠᠢ᠂ ᠭᠢᠯᠠᠯᠠᠢ᠂ ᠮᠠᠢ᠂ ᠨᠧᠲ᠋ᠠᠨᠧᠯ᠂ ᠶᠦᠳᠠ ᠪᠠ ᠬᠠᠨᠠᠨᠢ ᠨᠠᠷ ᠪᠤᠷᠬᠠᠨ ᠤ ᠬᠥᠮᠦᠨ ᠳ᠋ᠠᠸᠢᠳ᠋ ᠤᠨ ᠬᠥᠭᠵᠢᠮ ᠤᠨ ᠵᠢᠮᠰᠡᠭ ᠤᠳ ᠢ ᠪᠠᠷᠢᠵᠤ ᠶᠠᠪᠤᠪᠠ᠃ ᠬᠠᠤᠯᠢ ᠶᠢᠨ ᠪᠠᠭᠰᠢ ᠡᠽᠷᠠ ᠲᠡᠳᠡᠨ ᠦ ᠲᠦᠷᠦᠭᠦᠨ ᠳᠦ ᠶᠠᠪᠤᠵᠤ ᠪᠠᠢᠯ᠎ᠠ᠃ 37 ᠲᠡᠳᠡ ᠣᠷᠭᠢᠯᠤᠭᠤᠷ ᠤᠨ ᠬᠠᠭᠠᠯᠭᠠᠨ ᠳᠤ ᠬᠦᠷᠦᠭᠡᠳ ᠳ᠋ᠠᠸᠢᠳ᠋ ᠤᠨ ᠬᠣᠲᠠ ᠶᠢᠨ ᠱᠠᠲᠤ ᠪᠠᠷ ᠥᠭᠰᠥᠵᠦ᠂ ᠬᠡᠷᠡᠮ ᠦᠨ ᠱᠠᠲᠤ ᠪᠠᠷ ᠳ᠋ᠠᠸᠢᠳ᠋ ᠤᠨ ᠪᠠᠢᠰᠢᠩ ᠤᠨ ᠳᠡᠭᠡᠭᠦᠷ ᠵᠡᠭᠦᠨ ᠵᠦᠭ ᠲᠦ ᠪᠤᠢ ᠤᠰᠤᠨ ᠬᠠᠭᠠᠯᠭ᠎ᠠ ᠤᠷᠤᠭᠤ ᠶᠠᠪᠤᠪᠠ᠃

38 ᠲᠠᠯᠠᠷᠬᠠᠯ ᠤᠨ ᠳᠠᠭᠤᠤ ᠶᠢᠨ ᠨᠥᠭᠥᠭᠡ ᠪᠠᠭ ᠨᠢ ᠵᠡᠭᠦᠨ ᠲᠡᠰᠢ ᠬᠥᠳᠡᠯᠬᠦ ᠳᠦ᠂ ᠪᠢ ᠴᠤᠭᠯᠠᠷᠠᠭᠰᠠᠨ ᠣᠯᠠᠨ ᠤ ᠬᠠᠭᠠᠰ ᠲᠠᠢ ᠨᠢ ᠬᠠᠮᠲᠤ ᠬᠡᠷᠡᠮ ᠳᠡᠭᠡᠭᠦᠷ ᠳᠠᠭᠠᠵᠤ ᠶᠠᠪᠤᠯ᠎ᠠ᠃ ᠲᠡᠭᠡᠭᠡᠳ ᠵᠤᠤᠬᠠᠨ ᠴᠠᠮᠬᠠᠭ ᠢᠶᠠᠷ ᠥᠩᠭᠡᠷᠡᠨ ᠥᠷᠭᠡᠨ ᠬᠡᠷᠡᠮ ᠳᠦ ᠬᠦᠷᠴᠦ᠂ 39 ᠡᠹᠷᠠᠢᠮ ᠤᠨ ᠬᠠᠭᠠᠯᠭ᠎ᠠ᠂ ᠬᠠᠭᠤᠴᠢᠨ ᠬᠠᠭᠠᠯᠭ᠎ᠠ᠂ ᠵᠢᠭᠠᠰᠤᠨ ᠬᠠᠭᠠᠯᠭ᠎ᠠ᠂ ᠬᠠᠨᠠᠨᠧᠯ ᠤᠨ ᠴᠠᠮᠬᠠᠭ ᠪᠠ ᠵᠠᠭᠤᠲᠤ ᠶᠢᠨ ᠴᠠᠮᠬᠠᠭ ᠢᠶᠠᠷ ᠳᠠᠮᠵᠢᠨ᠂ ᠬᠣᠨᠢᠨ ᠬᠠᠭᠠᠯᠭ᠎ᠠ ᠳᠤ ᠭᠦᠷᠦᠨ ᠬᠠᠷᠠᠭᠤᠯ ᠤᠨ ᠬᠠᠭᠠᠯᠭᠠᠨ ᠳᠡᠭᠡᠷ᠎ᠡ ᠵᠣᠭᠰᠣᠵᠠᠭᠠᠪᠠ᠃ 40 ᠢᠩᠭᠢᠭᠡᠳ ᠲᠠᠯᠠᠷᠬᠠᠯ ᠤᠨ ᠳᠠᠭᠤᠤ ᠶᠢᠨ ᠬᠣᠶᠠᠷ ᠪᠠᠭ ᠪᠤᠷᠬᠠᠨ ᠤ ᠥᠷᠭᠥᠭᠡᠨ ᠳᠦ ᠵᠣᠭᠰᠣᠬᠤ ᠳᠤ᠂ ᠪᠢ ᠴᠤ ᠲᠦᠰᠢᠮᠡᠳ ᠦᠨ ᠬᠠᠭᠠᠰ ᠲᠠᠢ ᠬᠠᠮᠲᠤ ᠲᠡᠨᠳᠡ ᠪᠠᠢᠭᠰᠠᠨ ᠪᠥᠭᠡᠳ 41 ᠪᠦᠷᠢᠶ᠎ᠡ ᠪᠠᠷᠢᠭᠰᠠᠨ ᠲᠠᠬᠢᠯᠴᠢ ᠡᠯᠢᠶᠠᠺᠢᠮ᠂ ᠮᠠᠶᠠᠰᠧᠶ᠎ᠠ᠂ ᠮᠢᠨᠢᠶᠠᠮᠢᠨ᠂ ᠮᠢᠺᠠᠶᠠ᠂ ᠡᠯᠢᠶᠣᠶᠧᠨᠠᠢ᠂ ᠽᠧᠺᠠᠷᠢᠶ᠎ᠠ᠂ ᠬᠠᠨᠠᠨᠢᠶ᠎ᠠ ᠨᠠᠷ ᠬᠢᠭᠡᠳ 42 ᠮᠠᠶᠠᠰᠧᠶ᠎ᠠ᠂ ᠱᠧᠮᠠᠢᠶ᠎ᠠ᠂ ᠡᠯᠧᠶᠠᠽᠠᠷ᠂ ᠦᠽᠢ᠂ ᠶᠧᠬᠣᠬᠠᠨᠠᠨ᠂ ᠮᠠᠯᠺᠢᠶ᠎ᠠ᠂ ᠡᠯᠠᠮ ᠪᠠ ᠡᠽᠧᠷ ᠨᠠᠷ ᠴᠤ ᠲᠡᠨᠳᠡ ᠪᠠᠢᠪᠠ᠃ ᠳᠠᠭᠤᠴᠢᠳ ᠤᠳᠤᠷᠢᠳᠤᠭᠴᠢ ᠶᠧᠽᠷᠠᠬᠢᠶᠠ ᠲᠠᠢ ᠪᠠᠨ ᠬᠠᠮᠲᠤ ᠳᠠᠭᠤᠯᠠᠵᠤ ᠪᠠᠢᠪᠠ᠃ 43 ᠲᠡᠷᠡ ᠡᠳᠦᠷ ᠲᠡᠳᠡ ᠦᠯᠡᠮᠵᠢ ᠣᠯᠠᠨ ᠲᠠᠬᠢᠯ ᠡᠷᠭᠦᠪᠡ᠃ ᠪᠤᠷᠬᠠᠨ ᠲᠡᠳᠡᠨ ᠳᠦ ᠶᠡᠬᠡ ᠪᠠᠶᠠᠷ ᠬᠥᠷ ᠰᠣᠶᠣᠷᠬᠠᠭᠰᠠᠨ ᠲᠤᠯᠠ ᠬᠥᠮᠦᠰ ᠶᠡᠬᠡᠳᠡ ᠪᠠᠶᠠᠷᠯᠠᠵᠠᠭᠠᠭᠰᠠᠨ ᠪᠥᠭᠡᠳ ᠡᠮᠡᠭᠲᠡᠢᠴᠦᠳ ᠪᠣᠯᠣᠨ ᠬᠡᠦᠬᠡᠳ ᠤᠳ ᠴᠤ ᠪᠠᠶᠠᠷᠯᠠᠵᠠᠭᠠᠵᠤ ᠪᠠᠢᠯ᠎ᠠ᠃ ᠲᠡᠢᠨ ᠬᠦ ᠶᠧᠷᠦ᠋ᠰᠠᠯᠧᠮ ᠤᠨ ᠪᠠᠶᠠᠷ ᠬᠥᠷ ᠠᠯᠤᠰ ᠠᠴᠠ ᠴᠤ ᠰᠣᠨᠣᠰᠳᠠᠵᠤ ᠪᠠᠢᠪᠠ᠃

44 ᠲᠡᠷᠡ ᠡᠳᠦᠷ ᠶᠦᠳᠠᠴᠤᠳ ᠲᠠᠬᠢᠯᠴᠢᠳ ᠪᠠ ᠯᠧᠸᠢᠴᠦᠳ ᠦᠨ ᠦᠢᠯᠡᠴᠢᠯᠡᠯ ᠳᠦ ᠲᠠᠯᠠᠷᠬᠠᠭᠰᠠᠨ ᠲᠤᠯᠠ ᠬᠥᠮᠥᠷᠭᠡ ᠨᠦᠭᠦᠳ ᠢ ᠬᠠᠷᠢᠭᠤᠴᠠᠬᠤ ᠬᠥᠮᠦᠰ ᠢ ᠲᠣᠮᠢᠯᠠᠵᠤ᠂ ᠬᠠᠤᠯᠢ ᠳᠤ ᠵᠢᠭᠠᠪᠤᠷᠢᠯᠠᠭᠰᠠᠨ ᠬᠠᠨᠳᠢᠪ᠂ ᠠᠩ᠋ᠬᠠᠨ ᠤ ᠦᠷ᠎ᠡ ᠵᠢᠮᠢᠰ᠂ ᠠᠷᠪᠠᠨ ᠤ ᠨᠢᠭᠡ ᠵᠡᠷᠭᠡ ᠲᠠᠬᠢᠯᠴᠢᠳ ᠪᠣᠯᠣᠨ ᠯᠧᠸᠢᠴᠦᠳ ᠦᠨ ᠬᠤᠪᠢ ᠶᠢᠨ ᠨᠣᠭᠳᠠᠯ ᠤᠳ ᠢ ᠬᠣᠲᠠ ᠲᠣᠰᠬᠣᠨ ᠤ ᠲᠠᠯᠠᠪᠠᠢ ᠠᠴᠠ ᠬᠥᠮᠥᠷᠭᠡ ᠤᠷᠤᠭᠤ ᠴᠤᠭᠯᠠᠭᠤᠯᠪᠠ᠃ 45 ᠤᠴᠢᠷ ᠨᠢ ᠲᠠᠬᠢᠯᠴᠢᠳ ᠪᠠ ᠯᠧᠸᠢᠴᠦᠳ ᠳ᠋ᠠᠸᠢᠳ᠋ ᠪᠣᠯᠣᠨ ᠲᠡᠭᠦᠨ ᠦ ᠬᠦᠦ ᠰᠣᠯᠣᠮᠣᠨ ᠤ ᠲᠤᠰᠢᠶᠠᠯ ᠤᠨ ᠳᠠᠭᠠᠤ ᠳᠠᠭᠤᠴᠢᠳ ᠪᠠ ᠬᠠᠭᠠᠯᠭᠠᠴᠢᠳ ᠲᠠᠢ ᠬᠠᠮᠲᠤ ᠪᠤᠷᠬᠠᠨ ᠳᠤ ᠬᠠᠨᠳᠤᠭᠰᠠᠨ ᠦᠢᠯᠡᠴᠢᠯᠡᠯ ᠪᠣᠯᠣᠨ ᠠᠷᠢᠭᠤᠰᠬᠠᠯ ᠤᠨ ᠦᠢᠯᠡᠴᠢᠯᠡᠯ ᠢ ᠭᠦᠢᠴᠡᠳᠬᠡᠭᠰᠡᠨ ᠪᠢᠯᠡ᠃ 46 ᠡᠷᠲᠡ ᠦᠶ᠎ᠡ ᠳᠦ᠂ ᠳ᠋ᠠᠸᠢᠳ᠋ ᠪᠣᠯᠣᠨ ᠠᠰᠠᠹ ᠤᠨ ᠡᠳᠦᠷ ᠤᠳ ᠲᠤ ᠪᠤᠷᠬᠠᠨ ᠳᠤ ᠮᠠᠭᠲᠠᠭᠠᠯ ᠲᠠᠯᠠᠷᠬᠠᠯ ᠤᠨ ᠳᠠᠭᠤᠤ ᠡᠷᠭᠦᠳᠡᠭ ᠳᠠᠭᠤᠴᠢᠳ ᠤᠨ ᠤᠳᠤᠷᠢᠳᠤᠭᠴᠢᠳ ᠪᠠᠢᠭᠰᠠᠨ᠃ 47 ᠲᠡᠢᠮᠦ ᠡᠴᠡ ᠽᠣᠷᠣᠪᠠᠪᠧᠯ ᠪᠣᠯᠣᠨ ᠨᠧᠾᠧᠮᠢᠶ᠎ᠠ ᠶᠢᠨ ᠡᠳᠦᠷ ᠤᠳ ᠲᠤ ᠪᠦᠬᠦ ᠢᠰᠷᠧᠯ ᠳᠠᠭᠤᠴᠢᠳ ᠪᠠ ᠬᠠᠭᠠᠯᠭᠠᠴᠢᠳ ᠲᠤ ᠡᠳᠦᠷ ᠪᠦᠷᠢ ᠶᠢᠨ ᠬᠤᠪᠢ ᠨᠣᠭᠳᠠᠯ ᠢ ᠥᠭᠴᠦ ᠪᠠᠢᠪᠠ᠃ ᠲᠡᠳᠡ ᠯᠧᠸᠢᠴᠦᠳ ᠲᠦ ᠴᠤ ᠡᠳᠦᠷ ᠲᠤᠲᠤᠮ ᠤᠨ ᠬᠤᠪᠢ ᠶᠢ ᠨᠢ ᠲᠤᠰᠠᠭᠠᠷᠯᠠᠵᠤ ᠥᠭᠬᠦ ᠳᠦ᠂ ᠯᠧᠸᠢᠴᠦᠳ ᠠᠷᠣᠨ ᠤ ᠦᠷ᠎ᠡ ᠤᠳᠤᠮ ᠲᠤ ᠵᠣᠷᠢᠭᠤᠯᠤᠨ ᠡᠳᠦᠷ ᠪᠦᠷᠢ ᠶᠢᠨ ᠬᠤᠪᠢ ᠶᠢ ᠨᠢ ᠲᠤᠰᠠᠭᠠᠷᠯᠠᠵᠤ ᠥᠭᠴᠦ ᠪᠠᠢᠯ᠎ᠠ᠃