ᠬᠣᠰᠧᠶᠠ ᠬᠣᠶᠠᠷ
1 ᠲᠠ ᠨᠠᠷ ᠠᠬᠠ ᠳᠡᠭᠦᠦ ᠨᠠᠷ ᠲᠡᠭᠡᠨ᠄ 《ᠠᠮᠢ》 3 ᠭᠡᠵᠦ᠂ ᠡᠭᠡᠴᠢ ᠳᠡᠭᠦᠦ ᠨᠠᠷ ᠲᠡᠭᠡᠨ᠄ 《ᠷᠦᠬᠠᠮᠠ》 4 ᠭᠡᠬᠦ ᠪᠣᠯᠣᠨᠠ᠃
ᠰᠢᠳᠬᠡᠯ ᠦᠨ ᠳᠠᠷᠠᠭᠠᠬᠢ ᠰᠡᠷᠭᠦᠯᠲᠡ
2 《ᠵᠠᠭᠠᠯᠳᠤ᠂ ᠡᠬᠡ ᠪᠡᠨ ᠵᠠᠭᠠᠯᠳᠤ ᠲᠡᠷᠡ ᠮᠢᠨᠦ ᠡᠬᠡᠨᠡᠷ ᠪᠢᠰᠢ᠂ ᠪᠢ ᠨᠥᠬᠥᠷ ᠨᠢ ᠪᠢᠰᠢ ᠵᠠᠪᠬᠠᠢᠷᠠᠯ ᠢ ᠲᠡᠷᠡ ᠪᠡᠷ ᠨᠢᠭᠤᠷ ᠠᠴᠠ ᠪᠠᠨ ᠵᠠᠢᠯᠠᠭᠤᠯᠤᠭ ᠰᠠᠳᠤᠷ ᠰᠠᠮᠠᠭᠤᠨ ᠢ ᠬᠥᠬᠥᠨ ᠦ ᠪᠠᠨ ᠬᠣᠭᠣᠷᠣᠨᠳᠣ ᠠᠴᠠ ᠰᠠᠯᠭᠠᠭ
3 ᠡᠰᠡ ᠲᠡᠭᠡᠪᠡᠯ ᠪᠢ ᠲᠡᠭᠦᠨ ᠢ ᠱᠠᠯᠳᠠᠩᠯᠠᠵᠤ ᠲᠥᠷᠥᠭᠰᠡᠨ ᠡᠳᠦᠷ ᠦᠨ ᠬᠢᠨᠢ ᠰᠢᠭ ᠨᠢᠴᠦᠭᠦᠨ ᠪᠣᠯᠭᠠᠨᠠ ᠴᠥᠯ ᠮᠡᠲᠦ᠂ ᠵᠡᠯᠢᠭᠦᠳ ᠭᠠᠵᠠᠷ ᠮᠡᠲᠦ ᠪᠣᠯᠭᠠᠨ ᠲᠡᠭᠦᠨ ᠢ ᠴᠠᠩ᠋ᠭᠠᠭᠠᠵᠤ ᠠᠯᠠᠨᠠ᠃
4 ᠬᠡᠦᠬᠡᠳ ᠤᠳ ᠨᠢ ᠵᠠᠪᠬᠠᠢᠷᠠᠯ ᠤᠨ ᠦᠷᠡ ᠤᠴᠢᠷ ᠠᠴᠠ ᠬᠡᠦᠬᠡᠳ ᠤᠳ ᠲᠤᠨᠢ ᠪᠢ ᠥᠷᠥᠰᠢᠶᠡᠯ ᠦᠵᠡᠭᠦᠯᠬᠦ ᠦᠭᠡᠢ᠃
5 ᠲᠡᠳᠡᠨ ᠦ ᠡᠬᠡ ᠵᠠᠪᠬᠠᠢᠷᠠᠭᠰᠠᠨ ᠲᠡᠳᠡᠨ ᠢ ᠲᠡᠭᠡᠭᠡᠵᠦ ᠪᠠᠢᠬᠤ ᠳᠠᠭᠠᠨ ᠢᠴᠢᠭᠦᠷᠢ ᠶᠢ ᠦᠢᠯᠡᠳᠴᠡᠢ ᠲᠡᠷᠡ᠄ 〈ᠠᠮᠠᠷᠠᠭ ᠤᠳ ᠤᠨ ᠢᠶᠠᠨ ᠠᠷᠤ ᠠᠴᠠ ᠶᠠᠪᠤᠶᠠ ᠲᠡᠳᠡ ᠮᠢᠨᠦ ᠪᠣᠣᠪᠣ ᠪᠠ ᠤᠰᠤ᠂ ᠨᠣᠣᠰᠣ ᠪᠠ ᠮᠠᠭᠠᠯᠢᠩ᠋ᠭᠤ᠂ ᠲᠣᠰᠣ ᠪᠠ ᠳᠠᠷᠠᠰᠤ ᠶᠢ ᠬᠠᠩ᠋ᠭᠠᠨᠠ〉 ᠭᠡᠵᠦ ᠬᠡᠯᠡᠳᠡᠭ᠃
6 ᠲᠡᠢᠮᠦ ᠡᠴᠡ ᠪᠢ ᠵᠠᠮ ᠢ ᠨᠢ ᠦᠭᠦᠷᠭᠡᠨᠡ ᠪᠡᠷ ᠰᠢᠪᠡᠭᠡᠯᠡᠨᠡ ᠵᠠᠮ ᠢ ᠨᠢ ᠣᠯᠣᠭᠤᠯᠬᠤ ᠦᠭᠡᠢ ᠶᠢᠨ ᠲᠤᠯᠠᠳᠠ ᠬᠠᠰᠢᠶᠠ ᠪᠠᠷ ᠬᠠᠰᠢᠨᠠ᠃
7 ᠲᠡᠷᠡ ᠠᠮᠠᠷᠠᠭ ᠤᠳ ᠤᠨ ᠢᠶᠠᠨ ᠠᠷᠤ ᠠᠴᠠ ᠬᠥᠭᠡᠭᠡᠭᠰᠡᠨ ᠴᠤ ᠭᠦᠢᠴᠡᠬᠦ ᠦᠭᠡᠢ᠂ ᠡᠷᠢᠭᠰᠡᠨ ᠴᠤ ᠣᠯᠬᠤ ᠦᠭᠡᠢ ᠲᠡᠭᠡᠪᠡᠯ ᠲᠡᠷᠡ᠄ 〈ᠠᠩ᠋ᠬᠠᠨ ᠤ ᠨᠥᠬᠥᠷ ᠤᠷᠤᠭᠤ ᠪᠠᠨ ᠪᠤᠴᠠᠶᠠ ᠲᠡᠷᠡ ᠦᠶᠡ ᠶᠢᠨ ᠮᠢᠨᠢ ᠪᠠᠢᠳᠠᠯ ᠣᠳᠣ ᠶᠢᠨ ᠬᠢ ᠡᠴᠡ ᠰᠠᠢᠨ ᠪᠠᠢᠵᠠᠢ〉 ᠭᠡᠬᠦ ᠪᠣᠯᠣᠨᠠ᠃
8 ᠲᠡᠳᠡᠨ ᠳᠦ ᠦᠷᠡ ᠲᠠᠷᠢᠶᠠ᠂ ᠰᠢᠨᠡ ᠳᠠᠷᠠᠰᠤ᠂ ᠲᠣᠰᠣ ᠶᠢ ᠬᠠᠩ᠋ᠭᠠᠭᠴᠢ ᠨᠢ ᠮᠥᠨ ᠲᠡᠭᠦᠨ ᠢ ᠮᠥᠩᠭᠥ᠂ ᠠᠯᠲᠠ ᠪᠠᠷ ᠪᠢᠯᠬᠠᠭᠠᠭᠴᠢ ᠨᠢ ᠪᠢ ᠪᠠᠢᠭᠰᠠᠨ ᠬᠠᠷᠢᠨ ᠲᠡᠷᠡ ᠡᠮᠡ ᠡᠭᠦᠨ ᠢ ᠮᠡᠳᠡᠳᠡᠭ ᠦᠭᠡᠢ ᠲᠡᠳᠡ ᠲᠡᠳᠡᠭᠡᠷ ᠢ ᠪᠠᠯ ᠤᠨ ᠲᠥᠯᠥᠭᠡ ᠠᠰᠢᠭᠯᠠᠳᠠᠭ ᠶᠤᠮ᠃
9 ᠡᠢᠮᠦ ᠡᠴᠡ ᠴᠠᠭ ᠨᠢ ᠪᠣᠯᠬᠤ ᠳᠤ ᠪᠢ ᠦᠷᠡ ᠲᠠᠷᠢᠶᠠ ᠪᠠᠨ ᠤᠯᠠᠷᠢᠯ ᠨᠢ ᠪᠣᠯᠬᠤ ᠳᠤ ᠰᠢᠨᠡ ᠳᠠᠷᠠᠰᠤ ᠪᠠᠨ ᠪᠤᠴᠠᠭᠠᠵᠤ ᠠᠪᠤᠨᠠ ᠨᠢᠴᠦᠭᠦᠨ ᠢ ᠨᠢ ᠬᠠᠯᠬᠠᠯᠠᠬᠤ ᠭᠡᠰᠡᠨ ᠨᠣᠣᠰᠣ ᠮᠠᠭᠠᠯᠢᠩ᠋ᠭᠤ ᠪᠠᠨ ᠪᠤᠯᠢᠶᠠᠵᠤ ᠠᠪᠤᠨᠠ
10 ᠡᠳᠦᠭᠡ ᠪᠢ ᠠᠮᠠᠷᠠᠭ ᠤᠳ ᠤᠨ ᠬᠢᠨᠢ ᠨᠢᠳᠦᠨ ᠳᠡᠭᠡᠷᠡ ᠢᠴᠢᠭᠦᠷᠢ ᠶᠢ ᠨᠢ ᠢᠯᠡ ᠭᠠᠷᠭᠠᠨᠠ ᠬᠡᠨ ᠴᠤ ᠲᠡᠭᠦᠨ ᠢ ᠮᠢᠨᠦ ᠭᠠᠷ ᠠᠴᠠ ᠠᠪᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ᠃
11 ᠪᠢ ᠲᠡᠭᠦᠨ ᠦ ᠪᠦᠬᠦ ᠴᠡᠩᠭᠡᠯ᠂ ᠪᠠᠶᠠᠷ ᠨᠠᠭᠠᠳᠤᠮ᠂ ᠰᠢᠨᠡ ᠰᠠᠷᠠ᠂ ᠠᠮᠠᠷᠠᠯ ᠤᠨ ᠡᠳᠦᠷ ᠤᠳ ᠢ᠂ ᠪᠦᠬᠦ ᠲᠣᠭᠲᠠᠮᠠᠯ ᠪᠠᠶᠠᠷ ᠢ ᠨᠢ ᠵᠣᠭᠰᠣᠭᠠᠨᠠ᠃
12 〈ᠠᠮᠠᠷᠠᠭ ᠤᠳ ᠤᠨ ᠮᠢᠨᠢ ᠥᠭᠭᠥᠭᠰᠡᠨ ᠬᠥᠯᠥᠰᠥ〉 ᠭᠡᠰᠡᠨ ᠦᠵᠦᠮ ᠦᠨ ᠮᠣᠳᠣᠳ᠂ ᠢᠨᠵᠢᠷ ᠤᠨ ᠮᠣᠳᠣᠳ ᠢ ᠨᠢ ᠪᠢ ᠰᠦᠢᠳᠬᠡᠵᠦ᠂ ᠣᠢ ᠮᠣᠳᠣ ᠪᠣᠯᠭᠠᠨ ᠬᠡᠭᠡᠷᠡ ᠶᠢᠨ ᠠᠷᠢᠶᠠᠲᠠᠳ ᠲᠤ ᠴᠥᠯᠮᠥᠭᠦᠯᠦᠨᠡ
13 ᠡᠭᠡᠮᠦᠭ᠂ ᠡᠷᠳᠡᠨᠢᠰ ᠢᠶᠠᠷ ᠭᠤᠶᠤᠨ ᠠᠮᠠᠷᠠᠭ ᠤᠳ ᠤᠨ ᠢᠶᠠᠨ ᠬᠣᠢᠨᠠ ᠠᠴᠠ ᠶᠠᠪᠤᠵᠤ ᠨᠠᠮᠠᠶᠢ ᠮᠠᠷᠲᠠᠨ ᠪᠠᠯ ᠳᠤ ᠬᠦᠵᠢ ᠤᠭᠤᠭᠢᠭᠤᠯᠤᠭᠰᠠᠨ ᠡᠳᠦᠷ ᠤᠳ ᠤᠨ ᠬᠢᠨᠢ ᠳᠠᠭᠠᠤ ᠪᠢ ᠲᠡᠭᠦᠨ ᠢ ᠰᠢᠳᠬᠡᠨᠡ᠂》 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠃
14 ᠬᠠᠷᠢᠨ ᠣᠳᠣ ᠪᠢ ᠲᠡᠭᠦᠨ ᠢ ᠢᠳᠬᠠᠬᠤ ᠭᠡᠵᠦ ᠪᠠᠢᠨᠠ ᠴᠥᠯ ᠤᠷᠤᠭᠤ ᠳᠠᠭᠠᠭᠤᠯᠵᠤ ᠣᠴᠢᠭᠠᠳ ᠵᠢᠷᠦᠬᠡᠨ ᠳᠦᠨᠢ ᠶᠠᠷᠢᠬᠤ ᠭᠡᠵᠦ ᠪᠠᠢᠨᠠ᠃
15 ᠲᠡᠨᠳᠡ ᠪᠢ ᠦᠵᠦᠮ ᠦᠨ ᠴᠡᠴᠡᠷᠯᠢᠭ ᠢ ᠨᠢ ᠪᠤᠴᠠᠭᠠᠨᠠ ᠠᠺᠣᠷ 5 ᠤᠨ ᠬᠥᠨᠳᠡᠢ ᠶᠢ ᠨᠠᠢᠳᠠᠪᠤᠷᠢ ᠶᠢᠨ ᠡᠭᠦᠳᠡ ᠪᠣᠯᠭᠠᠨᠠ ᠲᠡᠨᠳᠡ ᠲᠡᠷᠡ ᠪᠠᠭᠠ ᠨᠠᠰᠤᠨ ᠤ ᠪᠠᠨ ᠡᠳᠦᠷ ᠤᠳ ᠤᠨ ᠬᠢ ᠰᠢᠭ ᠶᠧᠵᠢᠫᠲ ᠡᠴᠡ ᠭᠠᠷᠴᠤ ᠢᠷᠡᠭᠰᠡᠨ ᠡᠳᠦᠷ ᠦᠨ ᠬᠢ ᠰᠢᠭ ᠢᠶᠠᠨ ᠳᠠᠭᠤᠯᠠᠬᠤ ᠪᠣᠯᠣᠨᠠ᠃
16 ᠲᠡᠷᠡ ᠡᠳᠦᠷ ᠴᠢ ᠨᠠᠮᠠᠶᠢ 〈ᠨᠥᠬᠥᠷ ᠮᠢᠨᠢ〉 ᠭᠡᠵᠦ ᠳᠠᠭᠤᠳᠠᠬᠤ ᠠᠴᠠ ᠪᠢᠰᠢ᠂ 〈ᠪᠠᠯ ᠮᠢᠨᠢ〉 ᠭᠡᠵᠦ ᠳᠠᠭᠤᠳᠠᠬᠤ ᠦᠭᠡᠢ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
17 《ᠲᠡᠢᠨ ᠬᠦ ᠪᠢ ᠠᠮᠠᠨ ᠠᠴᠠ ᠨᠢ ᠪᠠᠯ ᠤᠳ ᠤᠨ ᠨᠡᠷᠡ ᠶᠢ ᠠᠷᠢᠯᠭᠠᠨᠠ ᠲᠡᠳᠡᠨ ᠦ ᠨᠡᠷᠡ ᠳᠠᠬᠢᠵᠤ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ᠃
18 ᠲᠡᠷᠡ ᠡᠳᠦᠷ ᠪᠢ ᠲᠡᠳᠡᠨ ᠦ ᠲᠥᠯᠥᠭᠡ ᠬᠡᠭᠡᠷᠡ ᠶᠢᠨ ᠠᠷᠢᠶᠠᠲᠠᠨ᠂ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤ᠂ ᠭᠠᠵᠠᠷ ᠤᠨ ᠮᠥᠯᠬᠥᠭᠴᠢ ᠠᠮᠢᠲᠠᠨ ᠲᠠᠢ ᠭᠡᠷᠡ ᠪᠠᠢᠭᠤᠯᠤᠨᠠ ᠨᠤᠲᠤᠭ ᠲᠤᠨᠢ ᠨᠤᠮᠤ᠂ ᠢᠯᠳᠦ ᠪᠠ ᠳᠠᠢᠨ ᠢ ᠦᠭᠡᠢ ᠪᠣᠯᠭᠠᠵᠤ ᠲᠡᠳᠡᠨ ᠢ ᠠᠶᠤᠯ ᠦᠭᠡᠢ ᠬᠡᠪᠲᠡᠭᠦᠯᠦᠨᠡ᠃
19 ᠴᠢᠮᠠ ᠲᠠᠢ ᠪᠢ ᠮᠥᠩᠬᠡ ᠶᠢᠨ ᠰᠦᠢ ᠲᠠᠯᠪᠢᠨᠠ ᠴᠢᠮᠠ ᠲᠠᠢ ᠪᠢ ᠵᠥᠪ ᠰᠢᠳᠤᠷᠭᠤ ᠪᠠᠷ᠂ ᠬᠠᠢᠷᠠ ᠡᠨᠡᠷᠢᠯ ᠢᠶᠠᠷ ᠰᠦᠢ ᠲᠠᠯᠪᠢᠨᠠ
20 ᠴᠢᠮᠠ ᠲᠠᠢ ᠢᠲᠡᠭᠡᠮᠵᠢᠲᠠᠢ ᠪᠠᠷ ᠰᠦᠢ ᠲᠠᠯᠪᠢᠨᠠ ᠲᠡᠢᠨ ᠬᠦ ᠴᠢ ᠶᠣᠬᠣᠸᠠ ᠶᠢ ᠮᠡᠳᠡᠬᠦ ᠪᠣᠯᠣᠨᠠ᠃
21 ᠲᠡᠷᠡ ᠡᠳᠦᠷ ᠪᠢ ᠬᠠᠷᠢᠭᠤᠯᠤᠨᠠ᠂》 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 《ᠪᠢ ᠲᠩᠷᠢ ᠳᠤ ᠬᠠᠷᠢᠭᠤᠯᠵᠤ᠂ ᠲᠩᠷᠢ ᠨᠢ ᠭᠠᠵᠠᠷ ᠲᠤ ᠬᠠᠷᠢᠭᠤᠯᠤᠨᠠ
22 ᠭᠠᠵᠠᠷ ᠨᠢ ᠦᠷᠡ ᠲᠠᠷᠢᠶᠠ᠂ ᠰᠢᠨᠡ ᠳᠠᠷᠠᠰᠤ᠂ ᠲᠣᠰᠣᠨ ᠳᠤ ᠬᠠᠷᠢᠭᠤᠯᠵᠤ᠂ ᠲᠡᠳᠡᠭᠡᠷ ᠨᠢ ᠶᠧᠽᠷᠧᠯ ᠳᠤ ᠬᠠᠷᠢᠭᠤᠯᠤᠨᠠ᠃
23 ᠪᠢ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠢᠰᠷᠧᠯ ᠢ ᠭᠠᠵᠠᠷ ᠲᠤ ᠲᠠᠷᠢᠵᠤ 〈ᠥᠷᠥᠰᠢᠶᠡᠭᠳᠡᠭᠡ ᠦᠭᠡᠢ〉 ᠶᠢ ᠥᠷᠥᠰᠢᠶᠡᠵᠦ 〈ᠮᠢᠨᠦ ᠠᠷᠠᠳ ᠲᠦᠮᠡᠨ ᠪᠢᠰᠢ〉 ᠶᠢ 〈ᠮᠢᠨᠦ ᠠᠷᠠᠳ ᠲᠦᠮᠡᠨ〉 ᠭᠡᠵᠦ ᠲᠡᠳᠡ ᠨᠠᠮᠠᠶᠢ 〈ᠮᠢᠨᠦ ᠪᠤᠷᠬᠠᠨ〉 ᠭᠡᠬᠦ ᠪᠣᠯᠣᠨᠠ᠃》