ᠬᠣᠰᠧᠶᠠ ᠵᠢᠷᠭᠤᠭᠠ
ᠭᠡᠮᠰᠢᠯ ᠳᠤ ᠤᠷᠢᠶᠠᠯᠠᠪᠠ
1 ᠵᠠ᠂ ᠪᠢᠳᠡ ᠶᠣᠬᠣᠸᠠ ᠥᠭᠡᠳᠡ ᠡᠷᠭᠢᠵᠡᠭᠡᠶᠡ ᠲᠡᠷᠡ ᠪᠢᠳᠡᠨ ᠢ ᠲᠠᠰᠤᠳᠠᠭᠰᠠᠨ ᠪᠣᠯᠪᠠᠴᠤ ᠡᠳᠡᠭᠡᠭᠡᠨᠡ ᠲᠡᠷᠡ ᠪᠢᠳᠡᠨ ᠢ ᠴᠣᠬᠢᠭᠰᠠᠨ ᠪᠣᠯᠪᠠᠴᠤ ᠪᠣᠭᠣᠵᠤ ᠥᠭᠭᠥᠨᠡ᠂
2 ᠬᠣᠶᠠᠷ ᠬᠣᠨᠣᠭ ᠤᠨ ᠳᠠᠷᠠᠭᠠ ᠪᠢᠳᠡᠨ ᠢ ᠠᠮᠢᠯᠠᠭᠤᠯᠵᠤ ᠭᠤᠷᠪᠠᠳᠠᠬᠢ ᠡᠳᠦᠷ ᠲᠦ ᠪᠢᠳᠡᠨ ᠢ ᠪᠣᠰᠬᠠᠨᠠ᠃ ᠲᠡᠢᠨ ᠬᠦ ᠪᠢᠳᠡ ᠲᠡᠭᠦᠨ ᠦ ᠣᠷᠣᠰᠢᠬᠤᠢ ᠳᠤ ᠠᠮᠢᠳᠤᠷᠠᠬᠤ ᠪᠣᠯᠣᠨᠠ᠂
3 ᠲᠡᠢᠮᠦ ᠡᠴᠡ ᠪᠢᠳᠡ ᠶᠣᠬᠣᠸᠠ ᠶᠢ ᠲᠠᠨᠢᠵᠠᠭᠠᠶᠠ ᠲᠡᠭᠦᠨ ᠢ ᠲᠠᠨᠢᠬᠤ ᠶᠢᠨ ᠲᠤᠯᠠᠳᠠ ᠰᠢᠮᠳᠠᠵᠠᠭᠠᠶᠠ᠃ ᠦᠷ ᠯᠠᠪᠲᠠᠢ ᠴᠠᠢᠳᠠᠭ ᠤᠨ ᠠᠳᠠᠯᠢ ᠲᠡᠷᠡ ᠯᠠᠪᠲᠠᠢ ᠢᠷᠡᠨᠡ ᠪᠣᠷᠣᠭᠠ ᠮᠡᠲᠦ᠂ ᠭᠠᠵᠠᠷ ᠢ ᠤᠮᠳᠠᠯᠠᠬᠤ ᠬᠠᠪᠤᠷ ᠤᠨ ᠪᠣᠷᠣᠭᠠ ᠮᠡᠲᠦ ᠲᠡᠷᠡ ᠪᠢᠳᠡᠨ ᠤᠷᠤᠭᠤ ᠢᠷᠡᠨᠡ᠃
ᠭᠡᠮᠰᠢᠯ ᠦᠭᠡᠢ ᠢᠰᠷᠧᠯ
4 ᠡᠹᠷᠠᠢᠮ ᠡ᠂ ᠪᠢ ᠴᠢᠮᠠᠶᠢ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠤᠢ︖ ᠶᠦᠳᠠ ᠡ᠂ ᠪᠢ ᠴᠢᠮᠠᠶᠢ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠤᠢ︖ ᠴᠢᠨᠦ ᠬᠠᠢᠷᠠ ᠥᠷᠯᠥᠭᠡ ᠶᠢᠨ ᠮᠠᠨᠠᠨ᠂ ᠡᠷᠲᠡ ᠠᠯᠠᠭᠠ ᠪᠣᠯᠳᠠᠭ ᠰᠢᠭᠦᠳᠡᠷᠢ ᠮᠡᠲᠦ᠃
5 ᠲᠡᠢᠮᠦ ᠡᠴᠡ ᠪᠢ ᠲᠡᠳᠡᠨ ᠢ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠴᠠᠪᠴᠢᠵᠤ ᠠᠮᠠᠨ ᠤ ᠪᠠᠨ ᠦᠭᠡ ᠪᠡᠷ ᠰᠥᠨᠥᠭᠡᠭᠰᠡᠨ ᠮᠢᠨᠦ ᠰᠢᠭᠦᠯᠲᠡ ᠰᠠᠴᠤᠷᠠᠬᠤ ᠭᠡᠷᠡᠯ ᠮᠡᠲᠦ᠃
6 ᠪᠢ ᠲᠠᠬᠢᠯ ᠢ ᠪᠢᠰᠢ ᠡᠨᠡᠷᠢᠯ ᠢ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠠᠴᠠ ᠢᠯᠡᠭᠦᠦ ᠪᠡᠷ ᠪᠤᠷᠬᠠᠨ ᠤ ᠮᠡᠳᠡᠯᠭᠡ ᠶᠢ ᠲᠠᠭᠠᠯᠠᠳᠠᠭ᠃
7 ᠬᠠᠷᠢᠨ ᠲᠡᠳᠡ ᠭᠡᠷᠡ ᠶᠢ ᠠᠳᠠᠮ ᠰᠢᠭ᠋ ᠵᠥᠷᠢᠴᠡᠪᠡ ᠲᠡᠨᠳᠡ ᠨᠠᠳᠠ ᠠᠴᠠ ᠤᠷᠪᠠᠪᠠ᠃
8 ᠭᠢᠯᠧᠶᠠᠳ᠋ ᠪᠣᠯ ᠴᠢᠰᠤᠨ ᠮᠥᠷ ᠲᠡᠢ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠤᠨ ᠬᠣᠲᠠ ᠶᠤᠮ᠃
9 ᠪᠦᠯᠦᠭᠯᠡᠭᠰᠡᠨ ᠲᠠᠬᠢᠯᠴᠢᠳ ᠨᠢ ᠳᠡᠭᠡᠷᠡᠮᠴᠢᠳ ᠮᠡᠲᠦ ᠪᠦᠭᠬᠦᠵᠦ ᠱᠧᠺᠧᠮ ᠤᠷᠤᠭᠤ ᠶᠠᠪᠤᠬᠤ ᠵᠠᠮ ᠳᠤ ᠬᠥᠮᠦᠨ ᠠᠯᠠᠵᠤ ᠵᠢᠭ᠍ᠰᠢᠮᠡᠷ ᠭᠡᠮ ᠦᠢᠯᠡᠳᠳᠡᠭ᠃
10 ᠢᠰᠷᠧᠯ ᠤᠨ ᠭᠡᠷ ᠲᠦ ᠪᠢ ᠠᠶᠤᠮᠰᠢᠭᠲᠤ ᠶᠠᠪᠤᠳᠠᠯ ᠢ ᠬᠠᠷᠠᠭᠰᠠᠨ ᠡᠹᠷᠠᠢᠮ ᠲᠡᠨᠳᠡ ᠵᠠᠪᠬᠠᠢᠷᠠᠯ ᠳᠤ ᠠᠪᠲᠠᠪᠠ ᠢᠰᠷᠧᠯ ᠥᠪᠡᠷ ᠢ ᠪᠠᠨ ᠪᠤᠵᠠᠷᠯᠠᠪᠠ᠂
11 ᠶᠦᠳᠠ ᠡ᠂ ᠴᠢᠨᠦ ᠲᠥᠯᠥᠭᠡ ᠬᠤᠷᠢᠶᠠᠯᠲᠠ ᠶᠢᠨ ᠴᠠᠭ ᠲᠣᠪᠯᠠᠭᠳᠠᠵᠠᠢ᠃