ᠬᠣᠰᠧᠶᠠ ᠠᠷᠪᠠ
ᠨᠢᠭᠦᠯ ᠡᠴᠡ ᠪᠣᠯᠣᠭᠰᠠᠨ ᠴᠥᠯᠡᠯᠡᠭᠡ
1 ᠢᠰᠷᠧᠯ ᠪᠣᠯ ᠦᠷᠡ ᠵᠢᠮᠢᠰ ᠢᠶᠠᠨ ᠭᠠᠷᠭᠠᠳᠠᠭ ᠦᠵᠦᠮ ᠦᠨ ᠰᠠᠭᠯᠠᠭᠠᠷ ᠮᠣᠳᠣ ᠶᠤᠮ ᠵᠢᠮᠢᠰ ᠨᠢ ᠣᠯᠠᠰᠢᠷᠠᠬᠤ ᠲᠤᠰᠤᠮ ᠲᠡᠷᠡ ᠪᠡᠷ ᠲᠠᠬᠢᠯ ᠤᠨ ᠰᠢᠷᠡᠭᠡ ᠪᠡᠨ ᠣᠯᠠᠰᠢᠷᠠᠭᠤᠯᠵᠤ ᠨᠤᠲᠤᠭ ᠨᠢ ᠰᠠᠢᠵᠢᠷᠠᠬᠤ ᠲᠤᠰᠤᠮ ᠰᠢᠲᠦᠭᠡᠨ ᠦ ᠪᠠᠭᠠᠨᠠ ᠨᠤᠭᠤᠳ ᠢᠶᠠᠨ ᠰᠠᠢᠵᠢᠷᠠᠭᠤᠯᠳᠠᠭ᠂
2 ᠪᠣᠳᠣᠯ ᠨᠢ ᠬᠣᠶᠠᠷᠳᠠᠵᠤ ᠪᠤᠷᠤᠭᠤᠲᠠᠨ ᠪᠣᠯᠪᠠ ᠶᠣᠬᠣᠸᠠ ᠲᠠᠬᠢᠯ ᠤᠨ ᠰᠢᠷᠡᠭᠡ ᠨᠦᠭᠦᠳ ᠢ ᠨᠢ ᠡᠪᠳᠡᠵᠦ᠂ ᠰᠢᠲᠦᠭᠡᠨ ᠦ ᠪᠠᠭᠠᠨᠠ ᠨᠤᠭᠤᠳ ᠢ ᠨᠢ ᠨᠤᠷᠠᠭᠠᠨᠠ᠃
3 ᠣᠳᠣ ᠲᠡᠳᠡ᠄ 《ᠶᠣᠬᠣᠸᠠ ᠠᠴᠠ ᠡᠮᠢᠶᠡᠭᠡ ᠦᠭᠡᠢ ᠤᠴᠢᠷ ᠠᠴᠠ ᠪᠢᠳᠡ ᠬᠠᠭᠠᠨ ᠦᠭᠡᠢ ᠪᠣᠯᠪᠠ ᠬᠠᠷᠢᠨ ᠬᠠᠭᠠᠨ ᠪᠠᠢᠯᠠ ᠴᠤ ᠲᠡᠷᠡ ᠪᠢᠳᠡᠨ ᠦ ᠲᠥᠯᠥᠭᠡ ᠶᠠᠭᠤ ᠬᠢᠵᠦ ᠴᠢᠳᠠᠬᠤ ᠪᠢᠯᠡ︖》 ᠭᠡᠳᠡᠭ᠂
4 ᠲᠡᠳᠡ ᠬᠣᠭᠣᠰᠣᠨ ᠦᠭᠡ ᠶᠠᠷᠢᠵᠤ᠂ ᠬᠤᠳᠠᠯ ᠢᠶᠠᠷ ᠲᠠᠩ᠋ᠭᠠᠷᠢᠭᠯᠠᠨ ᠭᠡᠷᠡ ᠪᠠᠢᠭᠤᠯᠵᠤ ᠲᠠᠷᠢᠶᠠᠨ ᠲᠠᠯᠠᠪᠠᠢ ᠶᠢᠨ ᠳᠤᠮᠳᠠᠬᠢ ᠬᠣᠣᠷᠲᠤ ᠡᠪᠡᠰᠦ ᠠᠳᠠᠯᠢ ᠵᠠᠷᠭᠤ ᠬᠢᠨᠡ
5 ᠰᠠᠮᠠᠷᠢᠶᠠ ᠶᠢᠨ ᠰᠠᠭᠤᠭᠠᠯᠢ ᠪᠧᠲ ᠠᠸᠧᠨ ᠤ ᠲᠤᠭᠤᠯ ᠤᠨ ᠤᠯᠠᠮ ᠢᠶᠠᠷ ᠠᠢᠳᠠᠰ ᠲᠤ ᠠᠪᠲᠠᠬᠤ ᠪᠣᠯᠣᠨᠠ ᠢᠷᠠᠭᠤ ᠠᠯᠳᠠᠷ ᠨᠢ ᠣᠳᠬᠤ ᠳᠤ ᠠᠷᠠᠳ ᠲᠦᠮᠡᠨ ᠨᠢ ᠲᠡᠭᠦᠨ ᠦ ᠲᠥᠯᠥᠭᠡ ᠭᠠᠰᠢᠭᠤᠳᠠᠵᠤ ᠲᠠᠬᠢᠯᠴᠢᠳ ᠨᠢ ᠬᠠᠰᠬᠢᠷᠤᠯᠳᠤᠬᠤ ᠪᠣᠯᠣᠨᠠ᠃
6 ᠲᠡᠷᠡ ᠰᠢᠲᠦᠭᠡᠨ ᠪᠠᠷᠢᠴᠠᠭᠠᠯᠠᠭᠳᠠᠵᠤ᠂ ᠠᠰᠢᠷᠢᠶᠠ ᠶᠢᠨ ᠶᠡᠬᠡ ᠬᠠᠭᠠᠨ ᠳᠤ ᠬᠦᠷᠭᠡᠭᠳᠡᠨᠡ ᠡᠹᠷᠠᠢᠮ ᠰᠢᠪᠰᠢᠭ ᠪᠣᠯᠵᠤ᠂ ᠢᠰᠷᠧᠯ ᠰᠢᠲᠦᠭᠡᠨ ᠡᠴᠡ ᠪᠡᠨ ᠢᠴᠢᠬᠦ ᠪᠣᠯᠣᠨᠠ᠃
7 ᠰᠠᠮᠠᠷᠢᠶᠠ ᠬᠠᠭᠠᠨ ᠲᠠᠢ ᠪᠠᠨ ᠬᠠᠮᠲᠤ ᠤᠰᠤᠨ ᠳᠡᠭᠡᠷᠡᠬᠢ ᠮᠥᠴᠢᠷ ᠮᠡᠲᠦ ᠠᠯᠠᠭᠠ ᠪᠣᠯᠬᠤ ᠳᠤ
8 ᠢᠰᠷᠧᠯ ᠤᠨ ᠨᠢᠭᠦᠯ ᠦᠨ ᠭᠣᠯᠣᠮᠲᠠ᠂ ᠠᠸᠧᠨ ᠤ ᠮᠥᠷᠭᠥᠯ ᠦᠨ ᠮᠠᠨᠳᠠᠯ ᠤᠳ ᠤᠰᠠᠳᠬᠠᠭᠳᠠᠨ ᠲᠠᠬᠢᠯ ᠤᠨ ᠰᠢᠷᠡᠭᠡ ᠨᠦᠭᠦᠳ ᠦᠨ ᠬᠢᠨᠢ ᠳᠡᠭᠡᠷᠡ ᠦᠭᠦᠷᠭᠡᠨᠡ᠂ ᠬᠠᠯᠠᠭᠠᠢ ᠤᠷᠭᠤᠨᠠ ᠲᠡᠷᠡ ᠦᠶᠡ ᠳᠦ ᠲᠡᠳᠡ ᠠᠭᠤᠯᠠᠰ ᠲᠤ᠄ 《ᠪᠢᠳᠡᠨ ᠢ ᠪᠦᠲᠡᠭᠡᠭᠡᠴᠢ》 ᠭᠡᠵᠦ ᠲᠣᠯᠣᠭᠠᠳ ᠲᠤ᠄ 《ᠪᠢᠳᠡᠨ ᠦ ᠳᠡᠭᠡᠷᠡ ᠨᠤᠷᠠᠭᠠᠴᠢ》 ᠭᠡᠵᠡᠭᠡᠬᠦ ᠪᠣᠯᠣᠨᠠ᠃
9 ᠢᠰᠷᠧᠯ ᠡ᠂ ᠭᠧᠪᠧᠶᠠ ᠶᠢᠨ ᠡᠳᠦᠷ ᠤᠳ ᠠᠴᠠ ᠡᠬᠢᠯᠡᠨ ᠴᠢ ᠨᠢᠭᠦᠯ ᠦᠢᠯᠡᠳᠦᠭᠰᠡᠭᠡᠷ ᠲᠡᠨᠳᠡ ᠪᠡᠨ ᠵᠣᠭᠰᠣᠭᠰᠠᠭᠠᠷ ᠪᠠᠢᠨᠠ᠂ ᠭᠧᠪᠧᠶᠠ ᠶᠢᠨ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠳᠠᠢᠨ ᠳᠤ ᠥᠷᠲᠥᠭᠰᠡᠨ ᠪᠢᠰᠢ ᠤᠤ︖
10 ᠬᠦᠰᠡᠭᠰᠡᠨ ᠦᠶᠡ ᠳᠡᠭᠡᠨ ᠪᠢ ᠲᠡᠳᠡᠨ ᠢ ᠭᠡᠰᠬᠡᠨᠡ ᠳᠠᠪᠬᠤᠷ ᠨᠢᠭᠦᠯ ᠡᠴᠡ ᠨᠢ ᠪᠣᠯᠵᠤ ᠲᠡᠳᠡᠨ ᠢ ᠬᠦᠯᠢᠬᠦ ᠪᠡᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠡᠳᠡᠨ ᠤᠷᠤᠭᠤ ᠴᠤᠭᠯᠠᠷᠠᠬᠤ ᠪᠣᠯᠣᠨᠠ᠃
11 ᠡᠹᠷᠠᠢᠮ ᠪᠣᠯ ᠦᠲᠦᠷᠮᠡᠳᠡᠬᠦ ᠳᠦ ᠳᠤᠷᠠᠲᠠᠢ ᠰᠤᠷᠭᠠᠭᠰᠠᠨ ᠭᠤᠨᠵᠢ ᠡᠢᠮᠦ ᠡᠴᠡ ᠪᠢ ᠰᠠᠢᠬᠠᠨ ᠬᠦᠵᠦᠭᠦᠨ ᠳᠡᠭᠡᠷᠡ ᠨᠢ ᠪᠤᠭᠤᠯᠠᠭᠠ ᠲᠠᠯᠪᠢᠨᠠ ᠡᠹᠷᠠᠢᠮ ᠤᠨ ᠳᠡᠭᠡᠷᠡ ᠪᠢ ᠲᠠᠯᠪᠢᠨᠠ ᠶᠦᠳᠠ ᠭᠠᠵᠠᠷ ᠬᠠᠭᠠᠯᠵᠤ᠂ ᠶᠠᠺᠣᠪ ᠱᠠᠩ ᠲᠠᠲᠠᠨᠠ᠃
12 ᠣᠳᠣ ᠪᠣᠯ ᠶᠣᠬᠣᠸᠠ ᠶᠢ ᠬᠠᠢᠬᠤ ᠴᠠᠭ ᠥᠪᠡᠷᠰᠡᠳ ᠦᠨ ᠢᠶᠠᠨ ᠲᠥᠯᠥᠭᠡ ᠵᠥᠪ ᠢ ᠲᠠᠷᠢᠵᠤ ᠬᠠᠢᠷᠠ ᠡᠨᠡᠷᠢᠯ ᠢ ᠬᠤᠷᠢᠶᠠᠵᠤ ᠠᠪ ᠬᠠᠭᠠᠯᠪᠤᠷᠢᠯᠠᠭᠠ ᠦᠭᠡᠢ ᠭᠠᠵᠠᠷ ᠢᠶᠠᠨ ᠬᠠᠭᠠᠯᠪᠤᠷᠢᠯᠠ ᠵᠥᠪ ᠢ ᠪᠣᠷᠣᠭᠠ ᠮᠡᠲᠦ ᠴᠢᠳᠬᠤᠬᠤ ᠪᠠᠷ ᠶᠣᠬᠣᠸᠠ ᠲᠠ ᠨᠠᠷ ᠳᠡᠭᠡᠷᠡ ᠢᠷᠡᠨᠡ᠃
13 ᠬᠠᠷᠢᠨ ᠲᠠ ᠨᠠᠷ ᠬᠣᠷᠣᠨ ᠮᠠᠭᠤ ᠶᠢ ᠲᠠᠷᠢᠵᠤ᠂ ᠵᠥᠪ ᠪᠤᠰᠤ ᠶᠢ ᠬᠤᠷᠢᠶᠠᠭᠰᠠᠨ ᠠᠷᠭᠠ ᠵᠠᠮ᠂ ᠠᠷᠪᠢᠨ ᠴᠡᠷᠢᠭ ᠲᠡᠭᠡᠨ ᠢᠲᠡᠭᠡᠵᠦ ᠬᠠᠭᠤᠷᠮᠠᠭ ᠵᠢᠮᠢᠰ ᠢ ᠢᠳᠡᠭᠰᠡᠨ ᠲᠤᠯᠠ
14 ᠪᠠᠢᠯᠳᠤᠭᠠᠨ ᠤ ᠦᠢᠮᠡᠭᠡᠨ ᠠᠷᠠᠳ ᠲᠦᠮᠡᠨ ᠦ ᠴᠢᠨᠢ ᠳᠤᠮᠳᠠ ᠳᠡᠭᠳᠡᠨᠡ ᠪᠦᠬᠦ ᠪᠡᠬᠢᠯᠡᠯᠲᠡ ᠴᠢᠨᠢ ᠡᠪᠳᠡᠭᠳᠡᠨᠡ ᠪᠠᠢᠯᠳᠤᠭᠠᠨ ᠤ ᠡᠳᠦᠷ ᠱᠠᠯᠮᠠᠨ ᠨᠢ ᠪᠧᠲ ᠠᠷᠪᠧᠯ ᠢ ᠡᠪᠳᠡᠯᠡᠭᠰᠡᠨ ᠲᠡᠢ ᠠᠳᠠᠯᠢ ᠪᠠᠭᠠᠴᠤᠳ ᠲᠠᠢ ᠨᠢ ᠬᠠᠮᠲᠤ ᠶᠡᠬᠡᠴᠦᠳ ᠢ ᠨᠢ ᠪᠢᠴᠠᠯᠤᠭᠰᠠᠨ ᠲᠠᠢ ᠠᠳᠠᠯᠢ ᠪᠣᠯᠣᠨᠠ᠂
15 ᠮᠠᠭᠤ ᠠᠴᠠ ᠮᠠᠭᠤ ᠦᠢᠯᠡ ᠶᠢᠨ ᠴᠢᠨᠢ ᠤᠯᠠᠮ ᠢᠶᠠᠷ ᠪᠢ ᠲᠠ ᠨᠠᠷ ᠲᠤ ᠲᠡᠢᠨ ᠬᠦ ᠦᠢᠯᠡᠳᠦᠨᠡ᠂ ᠪᠧᠲ᠋ᠧᠯ ᠡ ᠢᠰᠷᠧᠯ ᠤᠨ ᠬᠠᠭᠠᠨ ᠦᠷ ᠢᠶᠡᠷ ᠪᠦᠷᠢᠮᠦᠰᠦᠨ ᠤᠰᠠᠳᠬᠠᠭᠳᠠᠬᠤ ᠪᠣᠯᠣᠨᠠ᠃