ᠬᠣᠰᠧᠶᠠ ᠠᠷᠪᠠᠨ ᠳᠥᠷᠪᠡ
ᠭᠡᠮᠰᠢᠪᠡᠯ ᠢᠪᠡᠭᠡᠭᠳᠡᠨᠡ
1 ᠶᠣᠬᠣᠸᠠ ᠪᠤᠷᠬᠠᠨ ᠥᠭᠡᠳᠡ ᠪᠡᠨ ᠡᠷᠭᠢ᠂ ᠢᠰᠷᠧᠯ ᠡ ᠭᠡᠮ ᠪᠤᠷᠤᠭᠤ ᠳᠠᠭᠠᠨ ᠪᠦᠳᠦᠷᠢᠭᠰᠡᠨ ᠴᠤ
2 ᠡᠳᠡᠭᠡᠷ ᠦᠭᠡᠰ ᠢ ᠠᠪᠴᠤ ᠶᠣᠬᠣᠸᠠ ᠥᠭᠡᠳᠡ ᠡᠷᠭᠢᠭᠡᠳ ᠶᠠᠷᠢ᠄ 《ᠪᠦᠬᠦ ᠭᠡᠮ ᠢ ᠮᠢᠨᠢ ᠥᠷᠥᠰᠢᠶᠡᠨ᠂ ᠪᠢᠳᠡᠨ ᠢ ᠪᠠᠨ ᠨᠢᠭᠦᠯᠡᠰᠦᠩᠭᠦᠢ ᠪᠠᠷ ᠬᠦᠯᠢᠶᠡᠨ ᠠᠪᠤᠭᠠᠴᠢ ᠪᠢᠳᠡ ᠣᠷᠣᠭᠤᠯ ᠤᠨ ᠢᠶᠠᠨ ᠦᠷᠡ ᠵᠢᠮᠢᠰ ᠢ ᠲᠠᠨ ᠳᠤ ᠡᠷᠭᠦᠶᠡ᠃
3 ᠠᠰᠢᠷᠢᠶᠠ ᠪᠢᠳᠡᠨ ᠢ ᠠᠪᠤᠷᠠᠬᠤ ᠦᠭᠡᠢ ᠬᠠᠷᠢᠨ ᠥᠨᠥᠴᠢᠨ ᠢ ᠡᠨᠡᠷᠢᠳᠡᠭ ᠨᠢ ᠲᠠ ᠤᠴᠢᠷ ᠠᠴᠠ ᠪᠢᠳᠡ ᠪᠠᠢᠯᠳᠤᠭᠠᠨ ᠤ ᠮᠣᠷᠢ ᠤᠨᠤᠬᠤ ᠦᠭᠡᠢ ᠪᠢᠳᠡ ᠳᠠᠬᠢᠨ ᠭᠠᠷ ᠤᠨ ᠪᠦᠲᠦᠭᠡᠯ ᠢᠶᠡᠨ 〈ᠮᠠᠨ ᠤ ᠪᠤᠷᠬᠠᠨ〉 ᠭᠡᠵᠦ ᠬᠡᠯᠡᠬᠦ ᠦᠭᠡᠢ᠃》
4 ᠠᠭᠤᠷ ᠮᠢᠨᠢ ᠲᠡᠳᠡᠨ ᠡᠴᠡ ᠡᠷᠭᠢᠭᠰᠡᠨ ᠲᠡᠷᠰᠯᠡᠯ ᠢ ᠨᠢ ᠪᠢ ᠡᠳᠡᠭᠡᠭᠡᠵᠦ ᠲᠡᠳᠡᠨ ᠢ ᠳᠤᠷᠠᠲᠠᠶᠠ ᠬᠠᠢᠷᠠᠯᠠᠨᠠ
5 ᠪᠢ ᠢᠰᠷᠧᠯ ᠳᠡᠭᠡᠷᠡ ᠰᠢᠭᠦᠳᠡᠷᠢ ᠮᠡᠲᠦ ᠪᠠᠭᠤᠨᠠ ᠲᠡᠳᠡ ᠰᠠᠷᠠᠨᠠ ᠴᠡᠴᠡᠭ ᠠᠳᠠᠯᠢ ᠴᠡᠴᠡᠭᠯᠡᠨ ᠯᠧᠪᠠᠨᠣᠨ ᠤ ᠬᠤᠱᠢ ᠮᠡᠲᠦ ᠦᠨᠳᠦᠰᠦᠯᠡᠨᠡ᠃
6 ᠮᠥᠴᠢᠷ ᠤᠳ ᠨᠢ ᠰᠤᠩ᠋ᠬᠤ ᠳᠤ᠂ ᠴᠣᠭ ᠵᠢᠪᠬᠤᠯᠠᠩ ᠨᠢ ᠴᠢᠳᠦᠨ ᠮᠣᠳᠣ ᠰᠢᠭ᠋ ᠠᠩᠬᠢᠯᠤᠭᠤᠨ ᠦᠨᠦᠷ ᠨᠢ ᠯᠧᠪᠠᠨᠣᠨ ᠤ ᠬᠤᠱᠢ ᠰᠢᠭ᠋ ᠪᠣᠯᠣᠨᠠ
7 ᠰᠡᠭᠦᠳᠡᠷ ᠲᠤᠨᠢ ᠰᠠᠭᠤᠭᠴᠢᠳ ᠪᠤᠴᠠᠨ ᠢᠷᠡᠵᠦ ᠦᠷᠡ ᠲᠠᠷᠢᠶᠠ ᠰᠢᠭ᠋ ᠤᠷᠭᠤᠨᠠ ᠦᠵᠦᠮ ᠦᠨ ᠮᠣᠳᠣ ᠰᠢᠭ᠋ ᠴᠡᠴᠡᠭᠯᠡᠵᠦ ᠠᠯᠳᠠᠷ ᠨᠢ ᠯᠧᠪᠠᠨᠣᠨ ᠤ ᠦᠵᠦᠮ ᠦᠨ ᠳᠠᠷᠠᠰᠤ ᠰᠢᠭ᠋ ᠪᠣᠯᠣᠨᠠ᠃
8 ᠡᠹᠷᠠᠢᠮ ᠡ᠂ ᠪᠢ ᠰᠢᠲᠦᠭᠡᠨ ᠨᠦᠭᠦᠳ ᠲᠡᠢ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠪᠤᠢ︖ ᠴᠢᠮᠠ ᠳᠤ ᠬᠠᠷᠢᠭᠤᠯᠵᠤ᠂ ᠴᠢᠮᠠᠶᠢ ᠬᠠᠯᠠᠮᠵᠢᠯᠠᠭᠴᠢ ᠨᠢ ᠪᠢ ᠪᠢᠯᠡ ᠪᠢ ᠮᠥᠩᠬᠡ ᠨᠣᠭᠣᠭᠠᠨ ᠨᠠᠷᠠᠰᠤ ᠲᠠᠢ ᠠᠳᠠᠯᠢ ᠦᠷᠡ ᠵᠢᠮᠢᠰ ᠴᠢᠨᠢ ᠨᠠᠳᠠ ᠠᠴᠠ ᠣᠯᠳᠠᠨᠠ᠃
9 ᠬᠡᠨ ᠮᠡᠷᠭᠡᠨ ᠪᠣᠯ᠂ ᠲᠡᠷᠡ ᠡᠳᠡᠭᠡᠷ ᠢ ᠣᠢᠯᠠᠭᠠᠭ ᠬᠡᠨ ᠤᠬᠠᠭᠠᠨ ᠲᠠᠢ ᠪᠣᠯ᠂ ᠲᠡᠷᠡ ᠡᠳᠡᠭᠡᠷ ᠢ ᠮᠡᠳᠡᠭ ᠶᠣᠬᠣᠸᠠ ᠶᠢᠨ ᠵᠠᠮ ᠰᠢᠯᠤᠭᠤᠨ ᠵᠥᠪᠲᠦ ᠬᠥᠮᠦᠰ ᠲᠡᠭᠦᠨ ᠢᠶᠡᠷ ᠶᠠᠪᠤᠨᠠ ᠪᠤᠷᠤᠭᠤᠲᠠᠳ ᠨᠢ ᠲᠡᠭᠦᠨ ᠳᠡᠭᠡᠷᠡ ᠪᠦᠳᠦᠷᠢᠨᠡ᠃