ᠬᠣᠰᠧᠶᠠ ᠲᠠᠪᠤ
ᠰᠢᠳᠬᠡᠯ ᠠᠢᠰᠤᠢ
1 ᠲᠠᠬᠢᠯᠴᠢᠳ ᠡ᠂ ᠰᠣᠨᠣᠰ︕ ᠢᠰᠷᠧᠯᠴᠦᠳ ᠡ᠂ ᠠᠩ᠋ᠬᠠᠷ︕ ᠬᠠᠭᠠᠨ ᠤ ᠭᠡᠷ ᠡ᠂ ᠴᠢᠬᠢ ᠲᠠᠯᠪᠢ︕ ᠲᠠ ᠨᠠᠷ ᠲᠤ ᠰᠢᠳᠬᠡᠯ ᠢᠷᠡᠨᠡ ᠲᠠ ᠨᠠᠷ ᠪᠣᠯ ᠮᠢᠽᠫᠠ ᠳᠠᠬᠢ ᠵᠠᠩ᠋ᠭᠤᠤ᠂ ᠲᠠᠪᠣᠷ ᠤᠨ ᠳᠡᠭᠡᠷᠡᠬᠢ ᠲᠣᠣᠷ
2 ᠲᠡᠷᠰᠯᠡᠭᠴᠢᠳ ᠲᠠᠬᠢᠯ ᠢᠶᠠᠷ ᠢᠶᠠᠨ ᠭᠡᠮ ᠳᠦ ᠠᠪᠲᠠᠵᠠᠢ ᠲᠡᠳᠡᠨ ᠢ ᠪᠢ ᠪᠦᠭᠦᠳᠡ ᠶᠢ ᠰᠢᠳᠬᠡᠨᠡ᠃
3 ᠡᠹᠷᠠᠢᠮ ᠢ ᠪᠢ ᠰᠠᠢᠨ ᠮᠡᠳᠡᠨᠡ ᠢᠰᠷᠧᠯ ᠨᠠᠳᠠ ᠠᠴᠠ ᠨᠢᠭᠤᠭᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠡᠹᠷᠠᠢᠮ ᠡ᠂ ᠣᠳᠣ ᠴᠢ ᠵᠠᠪᠬᠠᠢ ᠪᠣᠯᠪᠠ ᠢᠰᠷᠧᠯ ᠴᠤ ᠪᠤᠵᠠᠷ ᠪᠣᠯᠪᠠ᠃
4 ᠦᠢᠯᠡᠰ ᠡᠴᠡ ᠪᠡᠨ ᠪᠣᠯᠵᠤ ᠲᠡᠳᠡ ᠪᠤᠷᠬᠠᠨ ᠤᠷᠤᠭᠤ ᠪᠠᠨ ᠡᠷᠭᠢᠵᠦ ᠦᠯᠦ ᠴᠢᠳᠠᠨᠠ ᠵᠢᠷᠦᠬᠡᠨ ᠳᠦᠨᠢ ᠵᠠᠪᠬᠠᠢ ᠰᠦᠨᠡᠰᠦ ᠪᠠᠢᠭᠰᠠᠭᠠᠷ ᠲᠡᠳᠡ ᠶᠣᠬᠣᠸᠠ ᠶᠢ ᠲᠠᠨᠢᠵᠤ ᠦᠯᠦ ᠴᠢᠳᠠᠨᠠ᠃
5 ᠢᠰᠷᠧᠯ ᠤᠨ ᠪᠠᠷᠳᠠᠮᠨᠠᠯ ᠨᠢ ᠥᠪᠡᠷ ᠦᠨ ᠬᠢᠨᠢ ᠡᠰᠡᠷᠭᠦ ᠭᠡᠷᠡᠴᠢᠯᠡᠨᠡ ᠢᠰᠷᠧᠯ ᠪᠠ ᠡᠹᠷᠠᠢᠮ ᠨᠢᠭᠦᠯ ᠳᠡᠭᠡᠨ ᠪᠦᠳᠦᠷᠢᠨᠡ ᠶᠦᠳᠠ ᠴᠤ ᠲᠡᠳᠡᠨ ᠲᠡᠢ ᠬᠠᠮᠲᠤ ᠪᠦᠳᠦᠷᠢᠨᠡ᠃
6 ᠶᠣᠬᠣᠸᠠ ᠲᠡᠳᠡᠨ ᠡᠴᠡ ᠬᠣᠯᠠᠳᠠᠪᠠ ᠬᠣᠨᠢ᠂ ᠦᠬᠡᠷ ᠦᠨ ᠰᠦᠷᠦᠭ ᠢᠶᠡᠨ ᠠᠪᠴᠤ ᠣᠴᠢᠨ ᠶᠣᠬᠣᠸᠠ ᠶᠢ ᠬᠠᠢᠭᠰᠠᠨ ᠴᠤ ᠣᠯᠬᠤ ᠦᠭᠡᠢ᠃
7 ᠲᠡᠳᠡ ᠶᠣᠬᠣᠸᠠ ᠠᠴᠠ ᠤᠷᠪᠠᠵᠤ ᠪᠤᠲᠠᠴᠢ ᠬᠡᠦᠬᠡᠳ ᠤᠳ ᠲᠥᠷᠥᠭᠦᠯᠦᠭᠰᠡᠨ᠂ ᠰᠢᠨᠡ ᠰᠠᠷᠠ ᠶᠢᠨ ᠪᠠᠶᠠᠷ ᠨᠢ ᠲᠡᠳᠡᠨ ᠢ ᠥᠮᠴᠢ ᠬᠤᠪᠢ ᠲᠠᠢ ᠨᠢ ᠴᠥᠯᠮᠥᠬᠦ ᠪᠣᠯᠣᠨᠠ᠃
8 ᠭᠢᠪᠧᠶᠠ ᠳᠤ ᠪᠦᠷᠢᠶᠡ᠂ ᠷᠠᠮᠠ ᠳᠤ ᠡᠪᠡᠷ ᠪᠦᠷᠢᠶᠡ ᠦᠯᠢᠶᠡ ᠪᠧᠲ ᠠᠸᠧᠨ ᠳᠤ ᠲᠦᠭᠰᠢᠭᠦᠷᠢ ᠵᠠᠷᠯᠠᠨ 《ᠪᠢᠨᠶᠠᠮᠢᠨ ᠡ᠂ ᠠᠷᠤᠨᠰᠢ ᠪᠠᠨ ᠬᠠᠷᠠᠭᠠᠴᠢ》 ᠭᠡᠭᠡᠷᠡᠢ᠃
9 ᠡᠹᠷᠠᠢᠮ ᠭᠡᠰᠬᠡᠯᠲᠡ ᠶᠢᠨ ᠡᠳᠦᠷ ᠡᠵᠡᠭᠦᠢᠷᠡᠨᠡ ᠢᠰᠷᠧᠯ ᠤᠨ ᠣᠪᠣᠭ ᠤᠳ ᠳᠡᠭᠡᠷᠡ ᠵᠠᠢᠯᠠᠰᠢ ᠦᠭᠡᠢ ᠲᠣᠬᠢᠶᠠᠯᠳᠤᠬᠤ ᠵᠦᠢᠯ ᠢ ᠪᠢ ᠮᠡᠳᠡᠭᠦᠯᠦᠶᠡ
10 ᠶᠦᠳᠠ ᠶᠢᠨ ᠨᠣᠶᠠᠳ ᠪᠣᠯ ᠬᠢᠯᠢ ᠶᠢᠨ ᠲᠡᠮᠳᠡᠭ ᠢ ᠰᠢᠯᠵᠢᠭᠦᠯᠦᠭᠴᠢ ᠰᠢᠭ ᠶᠤᠮ ᠠᠭᠤᠷ ᠬᠢᠯᠢᠩ ᠢᠶᠠᠨ ᠪᠢ ᠲᠡᠳᠡᠨ ᠦ ᠳᠡᠭᠡᠷᠡ ᠤᠰᠤ ᠮᠡᠲᠦ ᠴᠢᠳᠬᠤᠨᠠ
11 ᠡᠹᠷᠠᠢᠮ ᠰᠢᠲᠦᠭᠡᠨ ᠳᠠᠭᠠᠬᠤ ᠳᠤᠷᠠᠲᠠᠢ ᠪᠣᠯᠬᠣᠷ ᠳᠠᠷᠤᠩ᠋ᠭᠤᠢᠯᠠᠭᠳᠠᠨ ᠭᠢᠰᠬᠢᠭᠳᠡᠵᠦ ᠰᠢᠳᠬᠡᠭᠳᠡᠨᠡ
12 ᠡᠢᠮᠦ ᠳᠦ ᠪᠢ ᠡᠹᠷᠠᠢᠮ ᠳᠤ ᠢᠳᠡᠭᠡ ᠪᠡᠭᠡᠷᠢ᠂ ᠶᠦᠳᠠ ᠶᠢᠨ ᠭᠡᠷ ᠲᠦ ᠢᠯᠵᠠᠷᠠᠯ ᠮᠡᠲᠦ ᠶᠤᠮ
13 ᠡᠹᠷᠠᠢᠮ ᠡᠪᠡᠳᠴᠢᠨ ᠢᠶᠠᠨ᠂ ᠶᠦᠳᠠ ᠰᠢᠷᠬᠠ ᠪᠠᠨ ᠦᠵᠡᠪᠡ ᠡᠹᠷᠠᠢᠮ ᠠᠰᠢᠷᠢᠶᠠ ᠤᠷᠤᠭᠤ ᠶᠠᠪᠤᠵᠤ᠂ ᠶᠡᠬᠡ ᠬᠠᠭᠠᠨ ᠤᠷᠤᠭᠤ ᠨᠢ ᠬᠥᠮᠦᠨ ᠢᠯᠡᠭᠡᠭᠰᠡᠨ ᠴᠤ ᠲᠡᠷᠡ ᠴᠢᠮᠠᠶᠢ ᠡᠳᠡᠭᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠰᠢᠷᠬᠠ ᠶᠢ ᠴᠢᠨᠢ ᠠᠨᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ᠃
14 ᠤᠴᠢᠷ ᠨᠢ ᠪᠢ ᠡᠹᠷᠠᠢᠮ ᠳᠤ ᠠᠷᠰᠯᠠᠨ ᠮᠡᠲᠦ ᠶᠦᠳᠠ ᠶᠢᠨ ᠭᠡᠷ ᠲᠦ ᠵᠠᠯᠠᠭᠤ ᠠᠷᠰᠯᠠᠨ ᠮᠡᠲᠦ ᠪᠠᠢᠬᠤ ᠪᠣᠯᠣᠨᠠ ᠪᠢ᠂ ᠶᠠᠭ ᠪᠢ ᠲᠡᠳᠡᠨ ᠢ ᠲᠠᠰᠤᠳᠠᠴᠢᠵᠤ ᠶᠠᠪᠤᠨᠠ ᠪᠢ ᠲᠡᠳᠡᠨ ᠢ ᠠᠪᠴᠤ ᠶᠠᠪᠤᠬᠤ ᠳᠤ᠂ ᠬᠡᠨ ᠴᠤ ᠠᠪᠤᠷᠠᠵᠤ ᠡᠰᠡ ᠴᠢᠳᠠᠨᠠ᠃
15 ᠪᠢ ᠪᠠᠢᠳᠠᠭ ᠭᠠᠵᠠᠷ ᠤᠷᠤᠭᠤ ᠪᠠᠨ ᠪᠤᠴᠠᠨᠠ ᠭᠡᠮᠰᠢᠬᠦ ᠬᠦᠷᠲᠡᠯᠡ ᠨᠢ ᠲᠡᠳᠡᠨ ᠢ ᠬᠦᠯᠢᠶᠡᠨᠡ᠂ ᠴᠢᠷᠠᠢ ᠶᠢ ᠮᠢᠨᠢ ᠲᠡᠳᠡ ᠬᠠᠢᠬᠤ ᠪᠣᠯᠣᠨᠠ ᠵᠣᠪᠠᠯᠠᠩ ᠤᠨ ᠳᠤᠮᠳᠠ ᠵᠢᠳᠬᠦᠨ ᠪᠠᠢᠵᠤ ᠨᠠᠮᠠᠶᠢ ᠬᠠᠢᠨᠠ᠃