ᠬᠣᠰᠧᠶᠠ ᠳᠣᠯᠣᠭᠠ
1 ᠠᠷᠠᠳ ᠲᠦᠮᠡᠨ ᠢᠶᠡᠨ ᠴᠥᠯᠡᠯᠭᠡ ᠡᠴᠡ ᠪᠤᠴᠠᠭᠠᠬᠤ ᠳᠤ ᠮᠢᠨᠢ ᠢᠰᠷᠧᠯ ᠢ ᠡᠮᠴᠢᠯᠡᠬᠦ ᠦᠶᠡ ᠳᠦ ᠮᠢᠨᠢ ᠡᠹᠷᠠᠢᠮ ᠤᠨ ᠭᠡᠮ᠂ ᠰᠠᠮᠠᠷᠢᠶᠠ ᠶᠢᠨ ᠨᠢᠭᠦᠯ ᠢᠯᠡ ᠭᠠᠷᠬᠤ ᠪᠣᠯᠣᠨᠠ ᠲᠡᠳᠡ ᠬᠠᠭᠤᠷᠮᠠᠭ ᠢ ᠦᠢᠯᠡᠳᠳᠡᠭ ᠬᠤᠯᠠᠭᠠᠢ ᠬᠢᠬᠦ ᠪᠡᠷ ᠳᠣᠲᠣᠭᠰᠢ ᠣᠷᠣᠵᠤ᠂ ᠳᠡᠭᠡᠷᠡᠮᠳᠡᠨ ᠲᠣᠨᠣᠬᠤ ᠪᠠᠷ ᠭᠠᠳᠠᠭᠰᠢ ᠭᠠᠷᠳᠠᠭ᠃
2 ᠬᠠᠷᠢᠨ ᠲᠡᠳᠡ ᠬᠣᠷᠣᠨ ᠮᠠᠭᠤ ᠦᠢᠯᠡ ᠪᠦᠷᠢ ᠶᠢ ᠨᠢ ᠴᠡᠭᠡᠵᠢᠯᠡᠵᠦ ᠪᠠᠢᠬᠤ ᠶᠢ ᠮᠢᠨᠢ ᠤᠬᠠᠭᠠᠷᠠᠳᠠᠭ ᠦᠭᠡᠢ ᠦᠢᠯᠡᠰ ᠨᠢ ᠲᠡᠳᠡᠨ ᠢ ᠬᠦᠷᠢᠶᠡᠯᠡᠵᠦ ᠪᠠᠢᠨᠠ ᠮᠢᠨᠦ ᠨᠢᠳᠦᠨ ᠦ ᠡᠮᠦᠨᠡ ᠪᠠᠢᠨᠠ
3 ᠬᠠᠭᠠᠨ ᠢ ᠲᠡᠳᠡ ᠬᠣᠷᠣᠨ ᠮᠠᠭᠤ ᠪᠠᠷ ᠢᠶᠠᠨ ᠨᠣᠶᠠᠳ ᠢ ᠲᠡᠳᠡ ᠬᠤᠳᠠᠯ ᠢᠶᠠᠷ ᠢᠶᠠᠨ ᠪᠠᠶᠠᠷᠯᠠᠭᠤᠯᠳᠠᠭ
4 ᠲᠡᠳᠡ ᠪᠦᠭᠦᠳᠡ ᠵᠠᠪᠬᠠᠢᠷᠠᠭᠴᠢᠳ ᠪᠣᠣᠪᠣ ᠶᠢ ᠬᠥᠭᠡᠭᠡᠲᠡᠯᠡ ᠪᠣᠣᠪᠣᠴᠢᠨ ᠭᠠᠯ ᠢ ᠨᠢ ᠰᠢᠯᠡᠭᠡᠬᠦ ᠴᠢᠬᠤᠯᠠ ᠦᠭᠡᠢ ᠪᠠᠢᠬᠤ ᠬᠠᠯᠠᠭᠠᠭᠰᠠᠨ ᠵᠤᠤᠬᠠ ᠮᠡᠲᠦ᠃
5 ᠨᠣᠶᠠᠳ ᠨᠢ ᠮᠠᠨ ᠤ ᠬᠠᠭᠠᠨ ᠤ ᠡᠳᠦᠷ ᠲᠦ ᠳᠠᠷᠠᠰᠤᠨ ᠳᠤ ᠬᠠᠯᠠᠭᠠᠳ ᠡᠪᠡᠳᠴᠢᠯᠡᠵᠦ ᠬᠠᠭᠠᠨ ᠨᠢ ᠲᠣᠬᠣᠭᠤᠷᠬᠠᠭᠴᠢᠳ ᠲᠠᠢ ᠭᠠᠷ ᠠᠳᠬᠤᠯᠴᠠᠳᠠᠭ
6 ᠵᠤᠤᠬᠠ ᠮᠡᠲᠦ ᠵᠢᠷᠦᠬᠡ ᠲᠠᠢ ᠲᠡᠳᠡ ᠬᠠᠭᠠᠨ ᠤᠷᠤᠭᠤ ᠮᠢᠷᠢᠶᠠᠨ ᠣᠢᠷᠠᠲᠤᠬᠤ ᠳᠠᠭᠠᠨ ᠬᠦᠰᠡᠯ ᠨᠢ ᠰᠥᠨᠢᠵᠢᠨ ᠴᠣᠭᠰᠢᠵᠤ᠂ ᠥᠷᠯᠥᠭᠡ ᠪᠣᠯᠬᠤ ᠳᠤ ᠬᠥᠭᠵᠢᠭᠰᠡᠨ ᠭᠠᠯ ᠮᠡᠲᠦ ᠨᠣᠴᠣᠳᠠᠭ᠃
7 ᠲᠡᠳᠡ ᠪᠦᠭᠦᠳᠡ ᠵᠤᠤᠬᠠ ᠮᠡᠲᠦ ᠬᠠᠯᠠᠵᠤ ᠰᠢᠭᠦᠭᠴᠢᠳ ᠢᠶᠠᠨ ᠰᠢᠲᠠᠭᠠᠨᠠ ᠬᠠᠭᠠᠳ ᠨᠢ ᠪᠦᠭᠦᠳᠡ ᠤᠨᠠᠳᠠᠭ ᠪᠣᠯᠪᠠᠴᠤ ᠨᠠᠮᠠᠶᠢ ᠳᠠᠭᠤᠳᠠᠳᠠᠭ ᠬᠥᠮᠦᠨ ᠠᠯᠠᠭᠠ᠃
8 ᠡᠹᠷᠠᠢᠮ ᠬᠠᠷᠢᠴᠤᠳ ᠲᠠᠢ ᠬᠣᠯᠢᠯᠳᠤᠭᠰᠠᠨ ᠡᠹᠷᠠᠢᠮ ᠨᠢ ᠡᠷᠭᠢᠭᠦᠯᠦᠭᠳᠡᠭᠡ ᠦᠭᠡᠢ ᠪᠣᠭᠣᠷᠰᠣᠭ᠂
9 ᠬᠠᠷᠢ ᠶᠢᠨ ᠬᠢᠨ ᠳᠤ ᠬᠦᠴᠦ ᠪᠡᠨ ᠴᠥᠯᠮᠥᠭᠦᠯᠦᠭᠰᠡᠨ ᠠᠲᠠᠯᠠ ᠮᠡᠳᠡᠳᠡᠭ ᠦᠭᠡᠢ ᠪᠤᠭᠤᠷᠤᠯ ᠣᠷᠣᠵᠤ ᠪᠠᠢᠭᠠ ᠪᠠᠨ ᠮᠡᠳᠡᠳᠡᠭ ᠦᠭᠡᠢ
10 ᠢᠰᠷᠧᠯ ᠤᠨ ᠪᠠᠷᠳᠠᠮᠨᠠᠯ ᠥᠪᠡᠷ ᠦᠨ ᠬᠢᠨᠢ ᠡᠰᠡᠷᠭᠦ ᠭᠡᠷᠡᠴᠢᠯᠡᠳᠡᠭ ᠴᠤ ᠡᠢᠮᠦ ᠪᠦᠬᠦ ᠨᠥᠬᠥᠴᠡᠯ ᠳᠦ ᠴᠤ ᠲᠡᠳᠡ ᠶᠣᠬᠣᠸᠠ ᠪᠤᠷᠬᠠᠨ ᠥᠭᠡᠳᠡ ᠪᠡᠨ ᠡᠷᠭᠢᠳᠡᠭ ᠦᠭᠡᠢ ᠲᠡᠭᠦᠨ ᠢ ᠬᠠᠢᠳᠠᠭ ᠦᠭᠡᠢ᠃
ᠬᠠᠷᠢᠴᠤᠳ ᠲᠤ ᠨᠠᠢᠳᠠᠬᠤ ᠨᠢ ᠳᠡᠮᠡᠢ
11 ᠡᠹᠷᠠᠢᠮ ᠤᠬᠠᠭᠠᠨ ᠮᠥᠴᠢᠳ ᠲᠡᠨᠡᠭ ᠲᠠᠭᠲᠠᠭᠠ ᠮᠡᠲᠦ ᠲᠡᠳᠡ ᠶᠧᠵᠢᠫᠲ ᠢ ᠳᠠᠭᠤᠳᠠᠵᠤ᠂ ᠠᠰᠢᠷᠢᠶᠠ ᠤᠷᠤᠭᠤ ᠶᠠᠪᠤᠵᠠᠭᠠᠨᠠ
12 ᠲᠡᠳᠡ ᠶᠠᠪᠤᠬᠤ ᠳᠤ᠂ ᠪᠢ ᠳᠡᠭᠡᠷᠡ ᠨᠢ ᠲᠣᠣᠷ ᠢᠶᠠᠨ ᠬᠠᠶᠠᠨᠠ ᠲᠩᠷᠢ ᠶᠢᠨ ᠰᠢᠪᠠᠭᠤ ᠶᠢ ᠪᠠᠷᠢᠬᠤ ᠮᠡᠲᠦ ᠳᠣᠭᠣᠭᠰᠢ ᠪᠠᠭᠤᠯᠭᠠᠨᠠ ᠲᠡᠳᠡ ᠨᠠᠷ ᠲᠠᠢ ᠨᠡᠢᠯᠡᠬᠦ ᠶᠢ ᠨᠢ ᠰᠣᠨᠣᠰᠪᠠᠯ ᠪᠢ ᠰᠢᠳᠬᠡᠨᠡ᠃
13 ᠨᠠᠳᠠ ᠠᠴᠠ ᠵᠢᠭᠤᠲᠠᠭᠰᠠᠨ ᠲᠤᠯᠠ ᠲᠡᠳᠡ ᠭᠠᠰᠠᠯᠠᠩᠲᠠᠶᠠ︕ ᠨᠠᠳᠠ ᠠᠴᠠ ᠤᠷᠪᠠᠭᠰᠠᠨ ᠤᠴᠢᠷ ᠰᠦᠢᠷᠡᠨᠡ︕ ᠵᠣᠯᠢᠨ ᠠᠪᠬᠤ ᠭᠡᠬᠦ ᠳᠦ ᠮᠢᠨᠢ ᠲᠡᠳᠡ ᠨᠠᠳᠠ ᠳᠤ ᠬᠤᠳᠠᠯ ᠶᠠᠷᠢᠳᠠᠭ᠃
14 ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠨᠠᠳᠠ ᠤᠷᠤᠭᠤ ᠬᠠᠰᠬᠢᠷᠳᠠᠭ ᠦᠭᠡᠢ ᠣᠷᠣ ᠳᠡᠭᠡᠷᠡ ᠪᠡᠨ ᠴᠢᠷᠠᠯᠠᠳᠠᠭ ᠲᠠᠷᠢᠶᠠ᠂ ᠳᠠᠷᠠᠰᠤᠨ ᠤ ᠲᠥᠯᠥᠭᠡ ᠴᠤᠭᠯᠠᠷᠠᠵᠠᠭᠠᠳᠠᠭ ᠬᠠᠷᠢᠨ ᠨᠠᠮᠠᠶᠢ ᠭᠠᠳᠠᠭᠤᠷᠬᠠᠳᠠᠭ᠃
15 ᠪᠢ ᠳᠠᠰᠬᠠᠯᠵᠢᠭᠤᠯᠵᠤ ᠭᠠᠷ ᠢ ᠨᠢ ᠲᠡᠩᠬᠡᠷᠡᠭᠦᠯᠦᠭᠰᠡᠨ ᠪᠣᠯᠪᠠᠴᠤ ᠲᠡᠳᠡ ᠮᠢᠨᠦ ᠡᠰᠡᠷᠭᠦ ᠬᠣᠷᠣᠨ ᠮᠠᠭᠤ ᠶᠢ ᠰᠡᠳᠦᠳᠡᠭ᠃
16 ᠲᠡᠳᠡ ᠡᠷᠭᠢᠳᠡᠭ ᠪᠣᠯᠪᠠᠴᠤ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠤᠷᠤᠭᠤ ᠪᠢᠰᠢ ᠬᠠᠵᠠᠭᠠᠢ ᠨᠤᠮᠤ ᠮᠡᠲᠦ ᠨᠣᠶᠠᠳ ᠨᠢ ᠪᠠᠷᠳᠠᠮ ᠦᠭᠡᠰ ᠡᠴᠡ ᠪᠡᠨ ᠪᠣᠯᠵᠤ ᠢᠯᠳᠦᠨ ᠳᠦ ᠤᠨᠠᠵᠤ ᠶᠧᠵᠢᠫᠲ ᠳᠠᠶᠠᠭᠠᠷ ᠲᠤ ᠳᠣᠭᠣᠭᠢ ᠲᠣᠬᠣᠭᠤ ᠪᠣᠯᠬᠤ ᠶᠤᠮ᠃