ᠬᠣᠰᠧᠶᠠ ᠠᠷᠪᠠᠨ ᠭᠤᠷᠪᠠ
ᠵᠠᠢᠯᠠᠰᠢ ᠦᠭᠡᠢ ᠰᠢᠳᠬᠡᠯ
1 ᠡᠹᠷᠠᠢᠮ ᠶᠠᠷᠢᠬᠤ ᠳᠤ᠂ ᠬᠥᠮᠦᠰ ᠰᠦᠷᠳᠡᠵᠦ ᠪᠠᠢᠪᠠ ᠲᠡᠷᠡ ᠢᠰᠷᠧᠯ ᠳᠤ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠬᠠᠷᠢᠨ ᠪᠠᠯ ᠳᠤ ᠮᠥᠷᠭᠥᠨ ᠭᠡᠮ ᠦᠢᠯᠡᠳᠴᠦ ᠦᠬᠦᠬᠦ ᠪᠣᠯᠣᠯᠠ᠃
2 ᠣᠳᠣ ᠴᠤ ᠲᠡᠳᠡ ᠨᠢᠭᠦᠯ ᠢ ᠦᠢᠯᠡᠳᠦᠭᠰᠡᠨ ᠳᠡᠭᠡᠷᠡ ᠪᠡᠨ ᠦᠢᠯᠡᠳᠴᠦ ᠥᠪᠡᠷᠰᠡᠳ ᠦᠨ ᠢᠶᠠᠨ ᠲᠥᠯᠥᠭᠡ ᠮᠥᠩᠭᠥ ᠪᠡᠷ ᠢᠶᠠᠨ ᠴᠢᠳᠬᠤᠮᠠᠯ ᠬᠥᠷᠥᠭ ᠤᠳ ᠢ ᠤᠷᠠᠨ ᠭᠠᠷ ᠢᠶᠠᠷ ᠢᠶᠠᠨ ᠰᠢᠲᠦᠭᠡᠨ ᠨᠦᠭᠦᠳ ᠢ ᠬᠢᠳᠡᠭ ᠲᠡᠳᠡᠭᠡᠷ ᠪᠦᠬᠦᠨ ᠨᠢ ᠳᠠᠷᠬᠠᠨ ᠤ ᠪᠦᠲᠦᠭᠡᠯ ᠠᠲᠠᠯᠠ ᠲᠡᠳᠡ᠄ 《ᠲᠠᠬᠢᠯ ᠡᠷᠭᠦᠬᠦ ᠬᠥᠮᠦᠨ ᠲᠤᠭᠤᠯ ᠤᠳ ᠢ ᠦᠨᠦᠰ》 ᠭᠡᠵᠡᠭᠡᠳᠡᠭ᠃
3 ᠡᠢᠮᠦ ᠡᠴᠡ ᠲᠡᠳᠡ ᠥᠷᠯᠥᠭᠡᠨ ᠦ ᠮᠠᠨᠠᠨ ᠡᠷᠲᠡ ᠠᠷᠢᠯᠬᠤ ᠰᠢᠭᠦᠳᠡᠷᠢ ᠮᠡᠲᠦ ᠦᠲᠦᠷᠮᠡ ᠡᠴᠡ ᠬᠡᠶᠢᠰᠳᠡᠭ ᠬᠡᠪᠡᠭ ᠬᠤᠯᠠᠩ ᠠᠴᠠ ᠭᠠᠷᠳᠠᠭ ᠤᠲᠤᠭᠠ ᠮᠡᠲᠦ ᠪᠣᠯᠣᠨᠠ᠃
4 ᠭᠡᠪᠡᠴᠦ ᠴᠢᠮᠠᠶᠢ ᠶᠧᠵᠢᠫᠲ ᠡᠴᠡ ᠠᠪᠴᠢᠷᠠᠭᠰᠠᠨ ᠨᠢ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠪᠢ ᠨᠠᠳᠠ ᠠᠴᠠ ᠥᠭᠡᠷᠡ ᠪᠤᠷᠬᠠᠨ ᠢ ᠴᠢ ᠮᠡᠳᠡᠬᠦ ᠶᠣᠰᠣ ᠦᠭᠡᠢ ᠤᠴᠢᠷ ᠨᠢ ᠨᠠᠳᠠ ᠠᠴᠠ ᠥᠭᠡᠷᠡ ᠠᠪᠤᠷᠠᠭᠴᠢ ᠪᠠᠢᠬᠤ ᠦᠭᠡᠢ
5 ᠴᠥᠯ ᠳᠤ᠂ ᠭᠠᠩ ᠭᠠᠴᠢᠭ ᠲᠠᠢ ᠨᠤᠲᠤᠭ ᠲᠤ ᠴᠢᠮᠠᠶᠢ ᠪᠢ ᠬᠠᠯᠠᠮᠵᠢᠯᠠᠭᠰᠠᠨ᠃
6 ᠲᠡᠳᠡ ᠬᠣᠭᠣᠯᠠᠯᠠᠭᠤᠯᠵᠤ ᠴᠠᠳᠤᠭᠰᠠᠨ ᠴᠠᠳᠤᠭᠠᠳ ᠵᠢᠷᠦᠬᠡ ᠨᠢ ᠪᠠᠷᠳᠠᠮ ᠪᠣᠯᠣᠭᠰᠠᠨ ᠲᠡᠢᠨ ᠬᠦ ᠲᠡᠳᠡ ᠨᠠᠮᠠᠶᠢ ᠮᠠᠷᠲᠠᠭᠰᠠᠨ
7 ᠲᠡᠳᠡᠨ ᠤᠷᠤᠭᠤ ᠪᠢ ᠠᠷᠰᠯᠠᠨ ᠮᠡᠲᠦ ᠣᠴᠢᠨᠠ ᠢᠷᠪᠢᠰ ᠰᠢᠭ ᠪᠢ ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠣᠲᠣᠵᠤ
8 ᠪᠠᠮᠪᠤᠷᠰᠢ ᠪᠠᠨ ᠪᠤᠯᠢᠶᠠᠯᠭᠠᠭᠰᠠᠨ ᠪᠠᠭᠠᠪᠠᠭᠠᠢ ᠰᠢᠭ᠋ ᠲᠡᠳᠡᠨ ᠤᠷᠤᠭᠤ ᠳᠠᠭᠠᠷᠢᠨ ᠵᠢᠷᠦᠬᠡᠨ ᠦ ᠬᠢᠨᠢ ᠦᠩᠬᠦᠯᠴᠡᠭ ᠢ ᠤᠷᠠᠨᠠ ᠲᠡᠨᠳᠡ ᠪᠢ ᠠᠷᠰᠯᠠᠨ ᠮᠡᠲᠦ ᠲᠡᠳᠡᠨ ᠢ ᠵᠠᠯᠭᠢᠨᠠ᠂ ᠵᠡᠷᠯᠢᠭ ᠠᠷᠢᠶᠠᠲᠠᠨ ᠲᠡᠳᠡᠨ ᠢ ᠲᠠᠰᠤᠳᠠᠴᠢᠨᠠ᠃
9 ᠢᠰᠷᠧᠯ ᠡ᠂ ᠲᠤᠰᠠᠯᠠᠮᠵᠢ ᠨᠠᠮᠠ ᠪᠠᠨ ᠡᠰᠡᠷᠭᠦᠴᠡᠭᠰᠡᠨ ᠲᠤᠯᠠ ᠴᠢ ᠤᠰᠠᠳᠬᠠᠭᠳᠠᠬᠤ ᠪᠣᠯᠣᠨᠠ᠂
10 ᠬᠠᠭᠠᠨ ᠪᠣᠯᠣᠨ ᠵᠠᠬᠢᠷᠤᠭᠴᠢᠳ ᠴᠢᠨᠢ ᠣᠳᠣ ᠬᠠᠮᠢᠭᠠ ᠪᠠᠢᠨᠠ︖ ᠬᠣᠲᠠ ᠨᠤᠭᠤᠳ ᠲᠤ ᠴᠢᠨᠢ ᠲᠡᠷᠡ ᠴᠢᠮᠠᠶᠢ ᠠᠪᠤᠷᠠᠭ 《ᠬᠠᠭᠠᠨ ᠪᠠ ᠨᠣᠶᠠᠳ ᠥᠭᠭᠥᠭᠡᠴᠢ》 ᠬᠡᠮᠡᠨ ᠴᠢ ᠲᠡᠳᠡᠨ ᠳᠦ ᠬᠦᠰᠡᠭᠰᠡᠨ ᠪᠢᠰᠢ ᠤᠤ︖
11 ᠠᠭᠤᠷ ᠲᠠᠢ ᠪᠠᠷ ᠪᠢ ᠴᠢᠮᠠ ᠳᠤ ᠬᠠᠭᠠᠨ ᠥᠭᠴᠦ ᠬᠢᠯᠢᠩ ᠲᠠᠢ ᠪᠠᠷ ᠪᠢ ᠲᠡᠭᠦᠨ ᠢ ᠪᠤᠴᠠᠭᠠᠨ ᠠᠪᠤᠭᠰᠠᠨ᠃
12 ᠡᠹᠷᠠᠢᠮ ᠤᠨ ᠭᠡᠮ ᠬᠤᠷᠠᠵᠤ᠂ ᠨᠢᠭᠦᠯ ᠨᠢ ᠴᠤᠭᠯᠠᠷᠠᠵᠠᠢ᠃
13 ᠲᠥᠷᠥᠬᠦ ᠡᠪᠡᠳᠦᠯᠲᠡ ᠢᠷᠡᠭᠰᠡᠨ ᠠᠲᠠᠯᠠ ᠲᠡᠷᠡ ᠪᠡᠷ ᠤᠬᠠᠭᠠᠨ ᠦᠭᠡᠢ ᠬᠦᠦ ᠮᠡᠲᠦ᠂ ᠴᠠᠭ ᠪᠣᠯᠣᠭᠰᠠᠨ ᠪᠠᠢᠬᠤ ᠳᠤ ᠲᠡᠷᠡ ᠤᠮᠠᠢ ᠶᠢᠨ ᠠᠮᠠᠰᠠᠷ ᠲᠤ ᠢᠷᠡᠭᠡ ᠦᠭᠡᠢ ᠪᠠᠢᠨᠠ᠃
14 ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠬᠦᠴᠦ ᠡᠴᠡ ᠪᠢ ᠲᠡᠳᠡᠨ ᠢ ᠠᠪᠤᠷᠠᠨᠠ 8 ᠂ ᠦᠬᠦᠯ ᠡᠴᠡ ᠪᠢ ᠲᠡᠳᠡᠨ ᠢ ᠵᠣᠯᠢᠨ ᠠᠪᠤᠨᠠ 9 ᠂ ᠦᠬᠦᠯ ᠡ᠂ ᠲᠠᠬᠤᠯ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ︖ ᠦᠬᠦᠭᠰᠡᠳ ᠦᠨ ᠣᠷᠣᠨ ᠡ᠂ ᠰᠦᠢᠷᠡᠯ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ︖ ᠨᠢᠳᠦᠨ ᠡᠴᠡ ᠮᠢᠨᠢ ᠬᠠᠷᠠᠭᠤᠰᠠᠯ ᠨᠢᠭᠤᠴᠠᠯᠠᠭᠳᠠᠨᠠ᠃
15 ᠲᠡᠷᠡ ᠪᠡᠷ ᠠᠬᠠ ᠳᠡᠭᠦᠦᠰ ᠦᠨ ᠢᠶᠠᠨ ᠳᠤᠮᠳᠠ ᠥᠭᠡᠳᠡᠯᠡᠭᠰᠡᠨ ᠴᠤ ᠳᠣᠷᠣᠨᠠ ᠶᠢᠨ ᠰᠠᠯᠬᠢ᠂ ᠶᠣᠬᠣᠸᠠ ᠶᠢᠨ ᠰᠠᠯᠬᠢ ᠴᠥᠯ ᠡᠴᠡ ᠭᠠᠷᠴᠤ ᠢᠷᠡᠨᠡ ᠪᠤᠯᠠᠭ ᠨᠢ ᠰᠢᠷᠭᠢᠨ᠂ ᠣᠷᠭᠢᠯᠤᠭᠤᠷ ᠨᠢ ᠬᠠᠲᠠᠵᠤ ᠪᠦᠬᠦᠢᠯᠡ ᠦᠨᠡᠲᠦ ᠡᠳ᠋ᠯᠡᠯ ᠦᠨ ᠰᠠᠩ ᠨᠢ ᠲᠣᠨᠣᠭᠳᠠᠨᠠ᠂
16 ᠪᠤᠷᠬᠠᠨ ᠠᠴᠠ ᠪᠠᠨ ᠤᠷᠪᠠᠭᠰᠠᠨ ᠤᠴᠢᠷ ᠰᠠᠮᠠᠷᠢᠶᠠ ᠶᠠᠯᠠ ᠲᠠᠢ ᠰᠡᠯᠡᠮᠡ ᠳᠦ ᠤᠨᠠᠨᠠ ᠪᠠᠭᠠᠴᠤᠳ ᠨᠢ ᠪᠢᠴᠠᠯᠤᠭᠳᠠᠵᠤ ᠵᠢᠷᠮᠦᠰᠦᠨ ᠡᠮᠡᠭᠲᠡᠢᠴᠦᠳ ᠨᠢ ᠰᠡᠢᠴᠢᠭᠳᠡᠬᠦ ᠪᠣᠯᠣᠨᠠ᠃