ᠬᠣᠰᠧᠶᠠ ᠨᠠᠢ᠌ᠮᠠ
ᠢᠰᠷᠧᠯ ᠤᠨ ᠤᠷᠪᠠᠯᠲᠠ
1 ᠲᠡᠳᠡ ᠭᠡᠷᠡ ᠶᠢ ᠮᠢᠨᠢ ᠵᠥᠷᠢᠴᠡᠵᠦ᠂ ᠬᠠᠤᠯᠢ ᠡᠴᠡ ᠮᠢᠨᠢ ᠲᠡᠷᠰᠯᠡᠭᠰᠡᠨ ᠲᠤᠯᠠ ᠪᠦᠷᠭᠦᠳ ᠮᠡᠲᠦ ᠨᠢᠭᠡᠨ ᠨᠢ ᠶᠣᠬᠣᠸᠠ ᠶᠢᠨ ᠭᠡᠷ ᠦᠨ ᠬᠢᠨ ᠳᠡᠭᠡᠷᠡ ᠢᠷᠡᠨᠡ ᠪᠦᠷᠢᠶᠡ ᠶᠢ ᠣᠷᠣᠭᠤᠯ ᠳᠠᠭᠠᠨ︕
2 《ᠪᠤᠷᠬᠠᠨ ᠮᠢᠨᠢ᠂ ᠪᠢᠳᠡ ᠲᠠᠨ ᠢ ᠮᠡᠳᠡᠨᠡ》 ᠭᠡᠵᠦ ᠢᠰᠷᠧᠯ ᠨᠠᠳᠠ ᠤᠷᠤᠭᠤ ᠬᠠᠰᠬᠢᠷᠪᠠᠴᠤ
3 ᠢᠰᠷᠧᠯ ᠰᠠᠢᠨ ᠢ ᠬᠠᠶᠠᠭᠰᠠᠨ ᠲᠤᠯᠠ ᠳᠠᠢᠰᠤᠨ ᠲᠡᠭᠦᠨ ᠢ ᠬᠥᠭᠡᠭᠡᠨᠡ᠃
4 ᠨᠠᠳᠠ ᠦᠭᠡᠢ ᠪᠠᠷ ᠲᠡᠳᠡ ᠬᠠᠭᠠᠳ ᠢ ᠡᠷᠭᠦᠮᠵᠢᠯᠡᠭᠰᠡᠨ ᠴᠤ ᠮᠢᠨᠦ ᠵᠥᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠲᠡᠳᠡ ᠨᠣᠶᠠᠳ ᠢ ᠲᠣᠮᠢᠯᠠᠭᠰᠠᠨ ᠴᠤ ᠮᠥᠩᠭᠥ᠂ ᠠᠯᠲᠠ ᠪᠠᠷ ᠰᠢᠲᠦᠭᠡᠨ ᠪᠦᠲᠦᠭᠡᠭᠰᠡᠨ ᠴᠤ ᠲᠡᠳᠡ ᠮᠥᠬᠥᠨᠡ᠂
5 ᠰᠠᠮᠠᠷᠢᠶᠠ ᠡ᠂ ᠲᠤᠭᠤᠯ ᠢ ᠴᠢᠨᠢ ᠪᠢ ᠬᠠᠶᠠᠭᠰᠠᠨ ᠬᠢᠯᠢᠩ ᠮᠢᠨᠢ ᠡᠳᠡᠨ ᠦ ᠡᠰᠡᠷᠭᠦ ᠳᠦᠷᠡᠯᠵᠡᠪᠡ︕ ᠬᠡᠳᠦᠢ ᠤᠳᠠᠭᠠᠨ ᠡᠳᠡ ᠴᠡᠪᠡᠷ ᠪᠤᠰᠤ ᠪᠠᠢᠭᠰᠠᠭᠠᠷ ᠪᠠᠢᠬᠤ ᠶᠤᠮ ᠪᠤᠢ︖
6 ᠡᠳᠡᠭᠡᠷ ᠵᠦᠢᠯ ᠢᠰᠷᠧᠯ ᠡᠴᠡ ᠭᠠᠷᠤᠨᠠ ᠭᠡᠵᠢ ᠳᠠ︕ ᠡᠭᠦᠨ ᠢ ᠪᠤᠷᠬᠠᠨ ᠪᠢᠰᠢ᠂ ᠳᠠᠷᠬᠠᠨ ᠬᠢᠭᠰᠡᠨ ᠰᠠᠮᠠᠷᠢᠶᠠ ᠶᠢᠨ ᠲᠤᠭᠤᠯ ᠡᠪᠳᠡᠷᠡᠵᠦ ᠪᠤᠲᠠᠷᠠᠨᠠ᠃
7 ᠲᠡᠳᠡ ᠰᠠᠯᠬᠢ ᠶᠢ ᠲᠠᠷᠢᠵᠤ ᠰᠢᠭᠤᠷᠭᠠ ᠶᠢ ᠬᠤᠷᠢᠶᠠᠨᠠ ᠦᠷᠡ ᠤᠷᠭᠤᠭᠰᠠᠨ ᠴᠤ ᠲᠦᠷᠦᠭᠦᠦ ᠭᠠᠷᠬᠤ ᠦᠭᠡᠢ ᠢᠳᠡᠭᠡᠨ ᠪᠣᠯᠬᠤ ᠦᠭᠡᠢ ᠦᠷᠡ ᠲᠠᠷᠢᠶᠠ ᠪᠠᠢᠭᠰᠠᠨ ᠴᠤ ᠥᠭᠡᠷᠡ ᠦᠨᠳᠦᠰᠦᠲᠡᠨ ᠳᠦ ᠵᠠᠯᠭᠢᠭᠤᠯᠤᠨᠠ᠃
8 ᠢᠰᠷᠧᠯ ᠵᠠᠯᠭᠢᠭᠳᠠᠯᠠ ᠡᠳᠦᠭᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠦᠨᠡ ᠦᠭᠡᠢ ᠰᠠᠪᠠ ᠮᠡᠲᠦ ᠪᠣᠯᠵᠠᠢ᠃
9 ᠠᠰᠢᠷᠢᠶᠠ ᠤᠷᠤᠭᠤ ᠲᠡᠳᠡ ᠦᠷᠡ ᠶᠢᠨ ᠭᠠᠭᠴᠠ ᠬᠤᠯᠠᠨ ᠮᠡᠲᠦ ᠶᠠᠪᠤᠵᠠᠢ ᠡᠹᠷᠠᠢᠮ ᠠᠮᠠᠷᠠᠭ ᠤᠳ ᠬᠥᠯᠥᠰᠥᠯᠡᠵᠡᠢ᠃
10 ᠲᠡᠳᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠠᠴᠠ ᠬᠣᠯᠪᠣᠭᠠᠲᠠᠨ ᠬᠥᠯᠥᠰᠥᠯᠡᠭᠰᠡᠨ ᠪᠣᠯ ᠬᠠᠷᠢᠨ ᠣᠳᠣ ᠪᠢ ᠲᠡᠳᠡᠨ ᠢ ᠴᠤᠭᠯᠠᠭᠤᠯᠤᠨᠠ ᠤᠳᠠᠯ ᠦᠭᠡᠢ ᠲᠡᠳᠡ ᠬᠠᠭᠠᠨ ᠪᠠ ᠨᠣᠶᠠᠳ ᠤᠨ ᠳᠠᠷᠤᠯᠠᠯ ᠳᠣᠣᠷᠠ ᠲᠠᠷᠴᠢᠯᠠᠬᠤ ᠪᠣᠯᠣᠨᠠ᠃
11 ᠡᠹᠷᠠᠢᠮ ᠤᠨ ᠨᠢᠭᠦᠯ ᠦᠨ ᠢᠶᠠᠨ ᠲᠥᠯᠥᠭᠡ ᠪᠣᠰᠬᠠᠭᠰᠠᠨ ᠣᠯᠠᠨ ᠲᠠᠬᠢᠯ ᠤᠨ ᠰᠢᠷᠡᠭᠡ ᠨᠢ ᠥᠪᠡᠷ ᠢ ᠪᠠᠨ ᠨᠢᠭᠦᠯ ᠳᠦ ᠵᠣᠷᠢᠭᠤᠯᠬᠤ ᠰᠢᠷᠡᠭᠡ ᠨᠦᠭᠦᠳ ᠨᠢ ᠪᠣᠯᠵᠠᠢ᠃
12 ᠵᠢᠭᠠᠪᠤᠷᠢ ᠪᠠᠨ ᠪᠢ ᠲᠡᠳᠡᠨ ᠳᠦ ᠲᠦᠮᠡ ᠶᠢ ᠪᠢᠴᠢᠵᠦ ᠥᠭᠭᠥᠭᠰᠡᠨ ᠴᠤ ᠲᠡᠳᠡ ᠲᠠᠨᠢᠯ ᠪᠤᠰᠤ ᠵᠦᠢᠯ ᠢᠶᠠᠷ ᠲᠣᠭᠠᠴᠠᠵᠠᠢ᠃
13 ᠲᠡᠳᠡ ᠲᠠᠬᠢᠯ ᠢ ᠪᠡᠯᠡᠭ ᠪᠣᠯᠭᠠᠨ ᠡᠷᠭᠦᠵᠦ ᠲᠡᠷᠡ ᠮᠢᠬᠠ ᠶᠢ ᠢᠳᠡᠭᠰᠡᠨ ᠴᠤ ᠶᠣᠬᠣᠸᠠ ᠡᠭᠦᠨ ᠢ ᠨᠢ ᠲᠠᠭᠠᠯᠠᠬᠤ ᠦᠭᠡᠢ ᠡᠳᠦᠭᠡ ᠭᠡᠮ ᠢ ᠨᠢ ᠰᠠᠨᠠᠵᠤ᠂ ᠨᠢᠭᠦᠯ ᠢ ᠨᠢ ᠰᠢᠳᠬᠡᠬᠦ ᠪᠡᠷ ᠪᠠᠢᠨᠠ᠂ ᠲᠡᠳᠡ ᠶᠧᠵᠢᠫᠲ ᠤᠷᠤᠭᠤ ᠪᠤᠴᠠᠬᠤ ᠪᠣᠯᠣᠨᠠ
14 ᠢᠰᠷᠧᠯ ᠪᠦᠲᠦᠭᠡᠭᠴᠢ ᠪᠠᠨ ᠮᠠᠷᠲᠠᠵᠤ ᠣᠷᠳᠣᠨ ᠨᠤᠭᠤᠳ ᠪᠠᠢᠭᠤᠯᠤᠭᠰᠠᠨ ᠶᠦᠳᠠ ᠣᠯᠠᠨ ᠬᠣᠲᠠ ᠶᠢ ᠪᠡᠬᠢᠯᠡᠭᠰᠡᠨ ᠴᠤ ᠪᠢ ᠬᠣᠲᠠ ᠨᠤᠭᠤᠳ ᠤᠷᠤᠭᠤ ᠨᠢ ᠭᠠᠯ ᠢᠯᠡᠭᠡᠨᠡ ᠲᠡᠷᠡ ᠭᠠᠯ ᠰᠢᠯᠲᠦᠭᠡᠨ ᠨᠦᠭᠦᠳ ᠢ ᠨᠢ ᠰᠥᠨᠥᠭᠡᠬᠦ ᠪᠣᠯᠣᠨᠠ᠃