ᠬᠣᠰᠧᠶᠠ ᠠᠷᠪᠠᠨ ᠨᠢᠭᠡ
ᠪᠤᠴᠠᠯᠲᠠ ᠦᠭᠡᠢ ᠬᠠᠢᠷᠠ
1 ᠢᠰᠷᠧᠯ ᠢ ᠪᠢ ᠪᠠᠯᠴᠢᠷ ᠪᠠᠢᠬᠤ ᠳᠤᠨᠢ ᠬᠠᠢᠷᠠᠯᠠᠭᠰᠠᠨ ᠶᠧᠵᠢᠫᠲ ᠡᠴᠡ ᠪᠢ ᠬᠦᠦ ᠪᠡᠨ ᠳᠠᠭᠤᠳᠠᠨ ᠭᠠᠷᠭᠠᠭᠰᠠᠨ᠃
2 ᠬᠠᠷᠢᠨ ᠳᠠᠭᠤᠳᠠᠬᠤ ᠲᠤᠰᠤᠮ ᠲᠡᠳᠡ ᠨᠠᠳᠠ ᠠᠴᠠ ᠬᠣᠯᠠᠳᠠᠪᠠ ᠪᠠᠯ ᠤᠳ ᠲᠤ ᠲᠠᠬᠢᠯ ᠡᠷᠭᠦᠭᠰᠡᠭᠡᠷ ᠰᠢᠲᠦᠭᠡᠨ ᠨᠦᠭᠦᠳ ᠲᠦ ᠤᠲᠤᠯᠭᠠ ᠤᠭᠤᠭᠢᠭᠤᠯᠤᠭᠰᠠᠭᠠᠷ ᠪᠠᠢᠪᠠ᠃
3 ᠪᠢ ᠡᠹᠷᠠᠢᠮ ᠳᠤ ᠠᠯᠬᠤᠬᠤ ᠶᠢ ᠵᠢᠭᠠᠵᠤ ᠥᠭᠭᠥᠭᠰᠡᠨ ᠪᠢ ᠲᠡᠳᠡᠨ ᠢ ᠭᠠᠷ ᠲᠠᠭᠠᠨ ᠠᠪᠤᠭᠰᠠᠨ ᠪᠢ ᠲᠡᠳᠡᠨ ᠢ ᠡᠳᠡᠭᠡᠭᠡᠭᠰᠡᠨ ᠬᠠᠷᠢᠨ ᠲᠡᠳᠡ ᠠᠩᠵᠠᠭᠠᠷᠠᠭᠰᠠᠨ ᠦᠭᠡᠢ᠂
4 ᠬᠥᠮᠦᠨᠯᠢᠭ ᠣᠭᠣᠰᠣᠷ ᠢᠶᠠᠷ᠂ ᠬᠠᠢᠷᠠ ᠶᠢᠨ ᠤᠶᠠᠭᠠ ᠪᠠᠷ ᠪᠢ ᠲᠡᠳᠡᠨ ᠢ ᠲᠠᠲᠠᠭᠰᠠᠨ ᠬᠦᠵᠦᠭᠦᠨ ᠡᠴᠡ ᠨᠢ ᠪᠤᠭᠤᠯᠠᠭᠠ ᠶᠢ ᠡᠷᠭᠦᠨ ᠠᠪᠴᠤ ᠬᠣᠭᠣᠯᠠᠯᠠᠭᠤᠯᠬᠤ ᠪᠠᠷ ᠪᠢ ᠪᠥᠬᠥᠢᠭᠰᠡᠨ᠃
5 ᠨᠠᠳᠠ ᠤᠷᠤᠭᠤ ᠡᠷᠭᠢᠬᠦ ᠳᠤᠷᠠ ᠦᠭᠡᠢ ᠲᠤᠯᠠ ᠲᠡᠳᠡ ᠶᠧᠵᠢᠫᠲ ᠤᠷᠤᠭᠤ ᠡᠷᠭᠢᠵᠦ ᠠᠰᠢᠷᠢᠶᠠ ᠳᠤ ᠵᠠᠬᠢᠷᠤᠭᠳᠠᠬᠤ ᠪᠣᠯᠣᠨᠠ᠃
6 ᠬᠣᠲᠠ ᠨᠤᠭᠤᠳ ᠲᠤᠨᠢ ᠢᠯᠳᠦ ᠡᠷᠭᠢᠯᠳᠦᠵᠦ ᠬᠠᠭᠠᠯᠲᠠ ᠨᠢ ᠡᠪᠳᠡᠭᠳᠡᠨ ᠠᠷᠭᠠ ᠵᠠᠯᠢ ᠨᠢ ᠡᠴᠦᠰᠯᠡᠨᠡ᠃
7 ᠲᠦᠮᠡᠨ ᠠᠷᠠᠳ ᠮᠢᠨᠢ ᠲᠡᠷᠰᠯᠡᠯ ᠢᠶᠡᠨ ᠪᠠᠷᠢᠮᠲᠠᠯᠠᠵᠠᠢ ᠳᠡᠭᠡᠭᠰᠢ ᠬᠠᠷᠠᠨ ᠳᠠᠭᠤᠳᠠᠪᠠᠴᠤ ᠲᠡᠷᠡ ᠲᠡᠳᠡᠨ ᠢ ᠡᠷᠭᠦᠮᠵᠢᠯᠡᠬᠦ ᠦᠭᠡᠢ᠃
8 ᠡᠹᠷᠠᠢᠮ ᠡ᠂ ᠴᠢᠮᠠᠶᠢ ᠪᠢ ᠬᠡᠷᠬᠢᠨ ᠥᠭᠬᠦ ᠪᠢᠯᠡ︖ ᠢᠰᠷᠧᠯ ᠡ᠂ ᠴᠢᠮᠠᠶᠢ ᠪᠢ ᠬᠡᠷᠬᠢᠨ ᠲᠤᠰᠢᠶᠠᠬᠤ ᠪᠢᠯᠡ︖ ᠴᠢᠮᠠ ᠳᠤ ᠬᠡᠷᠬᠢᠨ ᠠᠳ᠋ᠮᠠ ᠳᠤ ᠰᠢᠭ᠋ ᠬᠠᠨᠳᠤᠬᠤ ᠪᠢᠯᠡ︖ ᠴᠢᠮᠠᠶᠢ ᠬᠡᠷᠬᠢᠨ ᠽᠧᠪᠣᠢᠮ ᠰᠢᠭ᠋ ᠪᠣᠯᠭᠠᠬᠤ ᠪᠢᠯᠡ︖ ᠰᠡᠳᠬᠢᠯ ᠮᠢᠨᠢ ᠡᠷᠭᠢᠵᠦ᠂ ᠬᠠᠮᠤᠭ ᠡᠨᠡᠷᠢᠯ ᠮᠢᠨᠢ ᠪᠤᠴᠠᠯᠵᠠᠢ᠃
9 ᠳᠣᠭᠰᠢᠨ ᠠᠭᠤᠷ ᠢᠶᠠᠨ ᠪᠢ ᠭᠦᠢᠴᠡᠯᠳᠦᠭᠦᠯᠬᠦ ᠦᠭᠡᠢ ᠳᠠᠬᠢᠨ ᠪᠢ ᠡᠹᠷᠠᠢᠮ ᠢ ᠰᠦᠢᠳᠬᠡᠬᠦ ᠦᠭᠡᠢ ᠪᠢ ᠪᠤᠷᠬᠠᠨ᠂ ᠬᠥᠮᠦᠨ ᠪᠢᠰᠢ ᠶᠤᠮ ᠲᠠ ᠨᠠᠷ ᠤᠨ ᠳᠤᠮᠳᠠ ᠪᠤᠢ ᠠᠷᠢᠭᠤᠨ ᠨᠢᠭᠡᠨ ᠶᠤᠮ ᠪᠢ ᠬᠢᠯᠢᠩ ᠲᠠᠢ ᠢᠷᠡᠬᠦ ᠦᠭᠡᠢ᠃
10 ᠲᠡᠳᠡ ᠶᠣᠬᠣᠸᠠ ᠶᠢ ᠳᠠᠭᠠᠬᠤ ᠪᠣᠯᠣᠨᠠ ᠲᠡᠷᠡ ᠠᠷᠰᠯᠠᠨ ᠮᠡᠲᠦ ᠠᠷᠬᠢᠷᠠᠨᠠ ᠲᠡᠷᠡ ᠠᠷᠬᠢᠷᠠᠬᠤ ᠳᠤ᠂ ᠬᠡᠦᠬᠡᠳ ᠤᠳ ᠨᠢ ᠪᠠᠷᠠᠭᠤᠨ ᠠᠴᠠ ᠴᠡᠴᠡᠷᠡᠭᠰᠡᠭᠡᠷ ᠢᠷᠡᠨᠡ᠂
11 ᠶᠧᠵᠢᠫᠲ ᠡᠴᠡ ᠰᠢᠪᠠᠭᠤ ᠮᠡᠲᠦ᠂ ᠠᠰᠢᠷᠢᠶᠠ ᠠᠴᠠ ᠲᠠᠭᠲᠠᠭᠠ ᠮᠡᠲᠦ ᠴᠡᠴᠡᠷᠡᠭᠰᠡᠭᠡᠷ ᠢᠷᠡᠨᠡ ᠪᠢ ᠲᠡᠳᠡᠨ ᠢ ᠭᠡᠷ ᠲᠤᠨᠢ ᠰᠠᠭᠤᠯᠭᠠᠨᠠ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
ᠢᠰᠷᠧᠯ ᠤᠨ ᠨᠢᠭᠦᠯ
12 ᠡᠹᠷᠠᠢᠮ ᠬᠤᠳᠠᠯ ᠢᠶᠠᠷ᠂ ᠢᠰᠷᠧᠯ ᠤᠨ ᠭᠡᠷ ᠬᠠᠭᠤᠷᠮᠠᠭ ᠢᠶᠠᠷ ᠨᠠᠮᠠᠶᠢ ᠬᠦᠷᠢᠶᠡᠯᠡᠪᠡ ᠬᠠᠷᠢᠨ ᠶᠦᠳᠠ ᠪᠤᠷᠬᠠᠨ ᠳᠤ ᠢᠲᠡᠭᠡᠮᠵᠢᠲᠦ᠂ ᠠᠷᠢᠭᠤᠨ ᠨᠢᠭᠡᠨ ᠲᠡᠢ ᠬᠠᠮᠲᠤ ᠶᠠᠪᠤᠵᠤ ᠪᠠᠢᠨᠠ᠃