ᠬᠣᠰᠧᠶᠠ ᠠᠷᠪᠠᠨ ᠬᠣᠶᠠᠷ
1 ᠡᠹᠷᠠᠢᠮ ᠰᠠᠯᠬᠢ ᠪᠠᠷ ᠬᠣᠭᠣᠯᠠᠯᠠᠨ ᠡᠳᠦᠷᠵᠢᠨ ᠳᠣᠷᠣᠨᠠ ᠶᠢᠨ ᠰᠠᠯᠬᠢ ᠶᠢ ᠬᠥᠭᠡᠭᠡᠭᠰᠡᠭᠡᠷ ᠬᠤᠳᠠᠯ ᠪᠠ ᠬᠦᠴᠦᠷᠬᠡᠭᠯᠡᠯ ᠢ ᠣᠯᠠᠰᠢᠷᠠᠭᠤᠯᠵᠤ ᠠᠰᠢᠷᠢᠶᠠ ᠲᠠᠢ ᠭᠡᠷᠡ ᠪᠠᠢᠭᠤᠯᠵᠤ᠂ ᠶᠧᠵᠢᠫᠲ ᠲᠤ ᠲᠣᠰᠣ ᠢᠯᠡᠭᠡᠵᠦ ᠪᠠᠢᠨᠠ᠃
2 ᠶᠣᠬᠣᠸᠠ ᠶᠦᠳᠠ ᠶᠢ ᠰᠢᠭᠦᠯᠲᠡ ᠳᠦ ᠳᠠᠭᠤᠳᠠᠵᠤ᠂ ᠶᠠᠺᠣᠪ ᠢ ᠵᠠᠮ ᠤᠨ ᠬᠢᠨᠢ ᠳᠠᠭᠠᠤ ᠰᠢᠳᠬᠡᠨᠡ ᠦᠢᠯᠡᠰ ᠦᠨ ᠬᠢᠨᠢ ᠶᠣᠰᠣᠭᠠᠷ ᠬᠠᠷᠢᠭᠤᠯᠤᠨᠠ᠃
3 ᠶᠠᠺᠣᠪ ᠬᠡᠪᠡᠯᠢ ᠳᠤ ᠪᠠᠢᠬᠤ ᠳᠠᠭᠠᠨ ᠠᠬᠠ ᠶᠢᠨ ᠢᠶᠠᠨ ᠥᠰᠥᠭᠡᠢ ᠡᠴᠡ ᠪᠠᠷᠢᠵᠤ ᠡᠷᠡ ᠶᠢᠨ ᠴᠡᠭᠡᠯ ᠳᠦ ᠬᠦᠷᠦᠭᠡᠳ ᠪᠤᠷᠬᠠᠨ ᠲᠠᠢ ᠲᠡᠮᠡᠴᠡᠯᠳᠦᠭᠰᠡᠨ
4 ᠲᠩᠷᠢ ᠡᠯᠴᠢ ᠲᠠᠢ ᠪᠠᠷᠢᠯᠳᠤᠵᠤ ᠳᠡᠢᠯᠦᠭᠰᠡᠨ ᠲᠡᠷᠡ ᠪᠡᠷ ᠤᠬᠢᠯᠠᠨ ᠲᠠᠭᠠᠯᠠᠯ ᠢ ᠭᠤᠶᠤᠭᠰᠠᠨ ᠪᠧᠲ᠋ᠧᠯ ᠳᠤ ᠲᠡᠷᠡ ᠪᠤᠷᠬᠠᠨ ᠢ ᠣᠯᠣᠭᠰᠠᠨ ᠪᠤᠷᠬᠠᠨ ᠲᠡᠨᠳᠡ ᠪᠢᠳᠡᠨ ᠳᠦ ᠠᠢᠯᠠᠳᠤᠭᠰᠠᠨ
5 ᠲᠡᠷᠡ ᠪᠣᠯ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠲᠡᠭᠦᠨ ᠦ ᠨᠡᠷᠡ ᠨᠢ ᠶᠣᠬᠣᠸᠠ ᠪᠢᠯᠡ᠃
6 ᠡᠳᠦᠭᠡ ᠴᠢ ᠵᠠᠪᠠᠯ ᠪᠤᠷᠬᠠᠨ ᠥᠭᠡᠳᠡ ᠪᠡᠨ ᠡᠷᠭᠢ ᠡᠨᠡᠷᠢᠯ ᠪᠠ ᠰᠢᠳᠤᠷᠭᠤ ᠶᠣᠰᠣ ᠶᠢ ᠰᠠᠬᠢᠵᠤ᠂ ᠦᠷᠭᠦᠯᠵᠢ ᠪᠤᠷᠬᠠᠨ ᠳᠠᠭᠠᠨ ᠨᠠᠢᠳᠠ᠃
7 ᠬᠠᠷᠢᠨ ᠬᠤᠳᠠᠯᠳᠤᠭᠠᠴᠢᠳ ᠨᠢ ᠬᠠᠭᠤᠷᠮᠠᠭ ᠵᠢᠩᠯᠡᠭᠦᠷ ᠢᠶᠡᠷ ᠢᠶᠠᠨ ᠬᠠᠭᠤᠷᠤᠨ ᠮᠡᠬᠡᠯᠡᠬᠦ ᠳᠤᠷᠠᠲᠠᠢ ᠠᠲᠠᠯᠠ
8 ᠡᠹᠷᠠᠢᠮ ᠨᠢ᠄ 《ᠪᠢ ᠪᠠᠶᠠᠨ ᠪᠣᠯᠣᠭᠰᠠᠨ᠂ ᠪᠢ ᠥᠪᠡᠷ ᠢᠶᠡᠨ ᠡᠳ᠋ ᠪᠠᠶᠠᠯᠢᠭ ᠢ ᠣᠯᠣᠭᠰᠠᠨ》 ᠬᠡᠮᠡᠨ 《ᠣᠷᠣᠯᠭᠠ ᠶᠢᠨ ᠮᠢᠨᠢ ᠲᠠᠯᠠ ᠪᠠᠷ ᠠᠯᠳᠠᠭᠠ ᠪᠤᠶᠤ ᠭᠡᠮ ᠢ ᠲᠡᠳᠡ ᠣᠯᠬᠤ ᠦᠭᠡᠢ》 ᠭᠡᠳᠡᠭ᠂
9 ᠭᠡᠪᠡᠴᠦ ᠴᠢᠮᠠᠶᠢ ᠶᠧᠵᠢᠫᠲ ᠡᠴᠡ ᠠᠪᠴᠢᠷᠠᠭᠰᠠᠨ ᠨᠢ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠪᠢ ᠪᠢ ᠴᠢᠮᠠᠶᠢ ᠲᠣᠪᠯᠠᠭᠳᠠᠭᠰᠠᠨ ᠪᠠᠶᠠᠷ ᠤᠨ ᠡᠳᠦᠷ ᠦᠨ ᠬᠢ ᠰᠢᠭ ᠳᠠᠬᠢᠨ ᠮᠠᠢᠬᠠᠨ ᠳᠤ ᠰᠠᠭᠤᠯᠭᠠᠨᠠ
10 ᠲᠡᠢᠨ ᠬᠦ ᠪᠢ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠲᠤ ᠬᠡᠯᠡᠭᠰᠡᠨ ᠪᠢ ᠥᠪᠡᠷ ᠢᠶᠡᠨ ᠣᠯᠠᠨ ᠦᠵᠡᠭᠳᠡᠯ ᠢ ᠥᠭᠭᠥᠭᠰᠡᠨ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠰᠤᠷᠭᠠᠯᠲᠤ ᠵᠦᠢᠷᠯᠡᠯ ᠤᠳ ᠢ ᠶᠠᠷᠢᠭᠰᠠᠨ᠃
11 ᠬᠠᠷᠢᠨ ᠭᠢᠯᠧᠶᠠᠳ᠋ ᠨᠢᠭᠦᠯ ᠲᠡᠢ ᠪᠢᠰᠢ ᠤᠤ︖ ᠭᠠᠷᠴᠠᠭᠠ ᠦᠭᠡᠢ ᠲᠡᠳᠡ ᠬᠣᠭᠣᠰᠣᠨ ᠪᠣᠯᠣᠨᠠ ᠲᠡᠳᠡ ᠭᠢᠯᠭᠠᠯ ᠳᠤ ᠪᠤᠬᠠ ᠨᠤᠭᠤᠳ ᠢᠶᠠᠷ ᠲᠠᠬᠢᠯ ᠡᠷᠭᠦᠳᠡᠭ ᠪᠢᠰᠢ ᠤᠤ︖ ᠲᠠᠬᠢᠯ ᠤᠨ ᠰᠢᠷᠡᠭᠡ ᠨᠦᠭᠦᠳ ᠨᠢ ᠶᠠᠭ ᠬᠠᠭᠠᠯᠤᠭᠰᠠᠨ ᠲᠠᠷᠢᠶᠠᠨ ᠲᠠᠯᠠᠪᠠᠢ ᠳᠠᠬᠢ ᠴᠢᠯᠠᠭᠤᠨ ᠣᠪᠣᠭᠠ ᠮᠡᠲᠦ ᠪᠣᠯᠣᠨᠠ᠃
12 ᠶᠠᠺᠣᠪ ᠠᠷᠠᠮ ᠤᠨ ᠨᠤᠲᠤᠭ ᠤᠷᠤᠭᠤ ᠵᠢᠭᠤᠲᠠᠵᠤ ᠢᠰᠷᠧᠯ ᠡᠬᠡᠨᠡᠷ ᠣᠯᠬᠤ ᠪᠠᠷ ᠵᠠᠷᠤᠴᠠᠯᠠᠭᠳᠠᠭᠰᠠᠨ᠂ ᠲᠡᠷᠡ ᠪᠡᠷ ᠡᠬᠡᠨᠡᠷ ᠣᠯᠬᠤ ᠪᠠᠷ ᠬᠣᠨᠢ ᠬᠠᠷᠢᠭᠤᠯᠤᠭᠰᠠᠨ ᠪᠣᠯ
13 ᠶᠣᠬᠣᠸᠠ ᠡᠰᠢ ᠦᠵᠡᠭᠦᠯᠦᠭᠴᠢ ᠪᠠᠷ ᠳᠠᠮᠵᠢᠭᠤᠯᠤᠨ ᠢᠰᠷᠧᠯ ᠢ ᠶᠧᠵᠢᠫᠲ ᠡᠴᠡ ᠭᠠᠷᠭᠠᠭᠰᠠᠨ ᠡᠰᠢ ᠦᠵᠡᠭᠦᠯᠦᠭᠴᠢ ᠪᠠᠷ ᠳᠠᠮᠵᠢᠭᠤᠯᠤᠨ ᠲᠡᠳᠡᠨ ᠢ ᠬᠠᠯᠠᠮᠵᠢᠯᠠᠭᠰᠠᠨ᠃
14 ᠬᠠᠷᠢᠨ ᠡᠹᠷᠠᠢᠮ ᠬᠢᠯᠢᠩ ᠢ ᠨᠢ ᠶᠡᠬᠡ ᠪᠡᠷ ᠬᠥᠳᠡᠯᠭᠡᠭᠰᠡᠨ ᠲᠤᠯᠠ ᠡᠵᠡᠨ ᠲᠡᠭᠦᠨ ᠦ ᠴᠢᠰᠤ ᠤᠷᠤᠰᠬᠠᠭᠰᠠᠨ ᠪᠤᠷᠤᠭᠤ ᠶᠢ ᠥᠪᠡᠷ ᠳᠡᠭᠡᠷᠡ ᠨᠢ ᠪᠠᠭᠤᠯᠭᠠᠵᠤ ᠪᠠᠰᠤᠮᠵᠢᠯᠠᠯ ᠢ ᠨᠢ ᠥᠪᠡᠷ ᠲᠤᠨᠢ ᠪᠤᠴᠠᠭᠠᠨᠠ᠃