ᠬᠣᠰᠧᠶᠠ ᠳᠥᠷᠪᠡ
ᠪᠤᠷᠬᠠᠨ ᠤ ᠪᠤᠷᠤᠭᠤᠳᠬᠠᠯ
1 ᠢᠰᠷᠧᠯᠴᠦᠳ ᠡ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠰᠣᠨᠣᠰ ᠡᠨᠡ ᠨᠤᠲᠤᠭ ᠤᠨ ᠰᠠᠭᠤᠭᠠᠯᠢᠴᠢᠳ ᠢ ᠶᠣᠬᠣᠸᠠ ᠰᠢᠭᠦᠯᠲᠡ ᠳᠦ ᠳᠠᠭᠤᠳᠠᠵᠤ ᠪᠠᠢᠨᠠ ᠡᠨᠡ ᠭᠠᠵᠠᠷ ᠲᠤ ᠦᠨᠡᠨ ᠴᠤ᠂ ᠡᠨᠡᠷᠢᠯ ᠴᠤ᠂ ᠪᠤᠷᠬᠠᠨ ᠢ ᠮᠡᠳᠡᠬᠦ ᠮᠡᠳᠡᠯᠭᠡ ᠴᠤ ᠠᠯᠠᠭᠠ᠃
2 ᠬᠠᠷᠢᠨ ᠬᠠᠷᠢᠶᠠᠯ᠂ ᠬᠤᠳᠠᠯ᠂ ᠠᠯᠠᠯᠭᠠ᠂ ᠬᠤᠯᠠᠭᠠᠢ᠂ ᠵᠠᠪᠬᠠᠢᠷᠠᠯ ᠪᠠᠢᠨᠠ ᠬᠣᠷᠢᠭᠠ ᠪᠦᠬᠦᠨ ᠢ ᠲᠡᠳᠡ ᠡᠪᠳᠡᠵᠦ᠂ ᠴᠢᠰᠤᠨ ᠳᠡᠭᠡᠷᠡ ᠴᠢᠰᠤ ᠤᠷᠤᠰᠬᠠᠨᠠ᠃
3 ᠲᠡᠢᠮᠦ ᠡᠴᠡ ᠭᠠᠵᠠᠷ ᠰᠢᠨᠠᠯᠵᠤ ᠰᠠᠭᠤᠭᠠᠯᠢᠴᠢᠳ ᠨᠢ ᠪᠦᠭᠦᠳᠡᠭᠡᠷ ᠴᠤᠴᠠᠵᠤ ᠬᠡᠭᠡᠷᠡ ᠶᠢᠨ ᠠᠷᠢᠶᠠᠲᠠᠨ᠂ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤ᠂ ᠳᠠᠯᠠᠢ ᠶᠢᠨ ᠵᠢᠭᠠᠰᠤ ᠰᠥᠨᠥᠵᠦ ᠪᠠᠢᠨᠠ᠃
4 ᠬᠡᠨ ᠴᠤ ᠪᠦᠦ ᠵᠠᠭᠠᠯᠳᠤᠭ᠂ ᠬᠡᠨ ᠢ ᠴᠤ ᠪᠦᠦ ᠪᠤᠷᠤᠭᠤᠳᠬᠠᠭ ᠬᠠᠷᠢᠨ ᠡᠨᠡ ᠠᠷᠠᠳ ᠲᠦᠮᠡᠨ ᠲᠠᠬᠢᠯᠴᠢ ᠶᠢ ᠵᠠᠭᠠᠯᠳᠤᠭᠴᠢ ᠰᠢᠭ᠋ ᠪᠠᠢᠨᠠ᠃
5 ᠡᠳᠦᠷ ᠢᠶᠡᠷ ᠴᠢ ᠪᠦᠳᠦᠷᠢᠵᠦ ᠰᠥᠨᠢ ᠪᠠᠷ ᠡᠰᠢ ᠦᠵᠡᠭᠦᠯᠦᠭᠴᠢ ᠴᠢᠮᠠ ᠲᠠᠢ ᠬᠠᠮᠲᠤ ᠪᠦᠳᠦᠷᠢᠨᠡ᠃ ᠡᠬᠡ ᠶᠢ ᠴᠢᠨᠢ ᠪᠢ ᠤᠰᠠᠳᠬᠠᠨᠠ᠃
6 ᠮᠢᠨᠦ ᠠᠷᠠᠳ ᠲᠦᠮᠡᠨ ᠮᠡᠳᠡᠯᠭᠡ ᠦᠭᠡᠢ ᠡᠴᠡ ᠪᠣᠯᠵᠤ ᠤᠰᠠᠳᠬᠠᠭᠳᠠᠨᠠ ᠴᠢ ᠮᠡᠳᠡᠯᠭᠡ ᠶᠢ ᠦᠯᠦ ᠲᠣᠭᠣᠮᠰᠠᠷᠯᠠᠭᠰᠠᠨ ᠲᠤᠯᠠ ᠪᠢ ᠴᠤ ᠴᠢᠨᠦ ᠲᠠᠬᠢᠯᠴᠢ ᠶᠢᠨ ᠠᠯᠪᠠ ᠶᠢ ᠦᠯᠦ ᠲᠣᠭᠣᠮᠰᠠᠷᠯᠠᠨᠠ ᠴᠢ ᠪᠤᠷᠬᠠᠨ ᠤ ᠪᠠᠨ ᠬᠠᠤᠯᠢ ᠶᠢ ᠮᠠᠷᠲᠠᠭᠰᠠᠨ᠂ ᠪᠢ ᠴᠤ ᠬᠡᠦᠬᠡᠳ ᠤᠳ ᠢ ᠴᠢᠨᠢ ᠮᠠᠷᠲᠠᠨᠠ
7 ᠣᠯᠠᠰᠢᠷᠠᠬᠤ ᠲᠤᠰᠤᠮ ᠢᠶᠠᠨ ᠮᠢᠨᠦ ᠡᠰᠡᠷᠭᠦ ᠤᠯᠠᠮ ᠶᠡᠬᠡ ᠨᠢᠭᠦᠯ ᠦᠢᠯᠡᠳᠳᠡᠭ ᠲᠤᠯᠠ ᠠᠯᠳᠠᠷ ᠬᠦᠨᠳᠦ ᠶᠢ ᠨᠢ ᠢᠴᠢᠭᠦᠷᠢ ᠪᠠᠷ ᠰᠣᠯᠢᠨᠠ᠃
8 ᠲᠡᠳᠡ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠨᠢᠭᠦᠯ ᠢᠶᠡᠷ ᠬᠣᠭᠣᠯᠠᠯᠠᠳᠠᠭ ᠠᠯᠳᠠᠭᠠ ᠪᠤᠷᠤᠭᠤ ᠳᠤᠨᠢ ᠳᠤᠷᠠᠲᠠᠢ ᠪᠠᠢᠳᠠᠭ᠃
9 ᠠᠷᠠᠳ ᠲᠦᠮᠡᠨ ᠨᠢ ᠶᠠᠮᠠᠷ ᠪᠠᠢᠪᠠᠯ ᠲᠠᠬᠢᠯᠴᠢᠳ ᠨᠢ ᠲᠡᠢᠮᠦ ᠪᠠᠢᠬᠤ ᠪᠣᠯᠣᠨᠠ ᠪᠢ ᠵᠠᠮ ᠮᠥᠷ ᠦᠨ ᠬᠢᠨᠢ ᠶᠣᠰᠣᠭᠠᠷ ᠰᠢᠳᠬᠡᠵᠦ ᠦᠢᠯᠡᠰ ᠦᠨ ᠬᠢᠨᠢ ᠳᠠᠭᠠᠤ ᠲᠡᠳᠡᠨ ᠳᠦ ᠬᠠᠷᠢᠭᠤᠯᠤᠨᠠ᠃
10 ᠬᠣᠭᠣᠯᠠᠯᠠᠭᠰᠠᠨ ᠴᠤ ᠲᠡᠳᠡ ᠬᠠᠨᠤᠬᠤ ᠦᠭᠡᠢ ᠵᠠᠪᠬᠠᠢᠷᠠᠭᠰᠠᠨ ᠴᠤ ᠲᠡᠳᠡ ᠣᠯᠠᠰᠢᠷᠠᠬᠤ ᠦᠭᠡᠢ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠲᠡᠳᠡ ᠶᠣᠬᠣᠸᠠ ᠶᠢ ᠣᠷᠬᠢᠨ
11 ᠵᠠᠪᠬᠠᠢ ᠶᠢ ᠦᠢᠯᠡᠳᠦᠭᠰᠡᠭᠡᠷ ᠳᠠᠷᠠᠰᠤ ᠬᠢᠭᠡᠳ ᠰᠢᠨᠡ ᠳᠠᠷᠠᠰᠤᠨ ᠳᠤ ᠰᠡᠳᠬᠢᠯ ᠢᠶᠠᠨ ᠡᠵᠡᠮᠳᠡᠭᠦᠯᠦᠭᠰᠡᠨ ᠶᠤᠮ᠃
12 ᠠᠷᠠᠳ ᠲᠦᠮᠡᠨ ᠮᠢᠨᠢ ᠮᠣᠳᠣᠨ ᠰᠢᠲᠦᠭᠡᠨ ᠡᠴᠡ ᠪᠡᠨ ᠠᠰᠠᠭᠤᠪᠠᠯ ᠮᠣᠳᠣᠨ ᠰᠢᠳᠠᠮ ᠨᠢ ᠲᠡᠳᠡᠨ ᠳᠦ ᠦᠭᠡ ᠥᠭᠭᠥᠨᠡ ᠲᠡᠢᠨ ᠬᠦ ᠵᠠᠪᠬᠠᠢᠷᠠᠯ ᠤᠨ ᠰᠦᠨᠡᠰᠦ ᠲᠥᠭᠡᠷᠢᠭᠦᠯᠦᠭᠰᠡᠨ ᠳᠦ ᠲᠡᠳᠡ ᠪᠤᠷᠬᠠᠨ ᠠᠴᠠ ᠪᠠᠨ ᠰᠠᠯᠵᠤ᠂ ᠵᠠᠪᠬᠠᠢᠷᠠᠵᠠᠢ
13 ᠠᠭᠤᠯᠠ ᠶᠢᠨ ᠣᠷᠣᠢ ᠳᠡᠭᠡᠷᠡ ᠲᠠᠬᠢᠯ ᠡᠷᠭᠦᠨ ᠲᠣᠯᠣᠭᠠᠳ ᠳᠡᠭᠡᠷᠡ᠂ ᠴᠠᠷᠠᠰᠤ᠂ ᠤᠯᠢᠶᠠᠰᠤ᠂ ᠬᠠᠢᠯᠠᠰᠤ ᠮᠣᠳᠣᠳ ᠤᠨ ᠳᠣᠣᠷᠠ᠂ ᠰᠡᠭᠦᠳᠡᠷ ᠰᠠᠢᠲᠠᠢ ᠭᠠᠵᠠᠷ ᠲᠤ ᠤᠲᠤᠯᠭᠠ ᠤᠭᠤᠭᠢᠭᠤᠯᠵᠤ ᠪᠠᠢᠨᠠ ᠲᠡᠢᠮᠦ ᠡᠴᠡ ᠥᠬᠢᠳ ᠴᠢᠨᠢ ᠶᠠᠩ᠋ᠬᠠᠨ ᠪᠣᠯᠵᠤ᠂ ᠪᠡᠷᠢᠶᠡᠳ ᠴᠢᠨᠢ ᠰᠠᠳᠤᠷᠯᠠᠵᠤ ᠪᠠᠢᠨᠠ᠃
14 ᠥᠬᠢᠳ ᠴᠢᠨᠢ ᠶᠠᠩ᠋ᠬᠠᠨ ᠪᠣᠯᠵᠤ᠂ ᠪᠡᠷᠢᠶᠡᠳ ᠴᠢᠨᠢ ᠰᠠᠳᠤᠷᠯᠠᠭᠰᠠᠨ ᠴᠤ ᠪᠢ ᠲᠡᠳᠡᠨ ᠢ ᠰᠢᠳᠬᠡᠬᠦ ᠦᠭᠡᠢ ᠤᠴᠢᠷ ᠨᠢ ᠡᠷᠡᠴᠦᠳ ᠥᠪᠡᠷᠰᠡᠳ ᠢᠶᠡᠨ ᠶᠠᠩ᠋ᠬᠠᠨ ᠨᠤᠭᠤᠳ ᠲᠠᠢ ᠢᠨᠠᠭᠰᠢᠨ ᠰᠦᠮᠡ ᠶᠢᠨ ᠶᠠᠩ᠋ᠬᠠᠨ ᠨᠤᠭᠤᠳ ᠲᠠᠢ ᠬᠠᠮᠲᠤ ᠲᠠᠬᠢᠯ ᠡᠷᠭᠦᠳᠡᠭ ᠢᠩᠭᠢᠭᠡᠳ ᠤᠬᠠᠭᠠᠨ ᠦᠭᠡᠢ ᠠᠷᠠᠳ ᠲᠦᠮᠡᠨ ᠲᠠᠯᠬᠢᠳᠠᠭᠳᠠᠨᠠ᠃
15 ᠢᠰᠷᠧᠯ ᠡ᠂ ᠴᠢ ᠵᠠᠪᠬᠠᠢᠷᠠᠭᠰᠠᠨ ᠪᠠᠢᠨᠠ᠂ ᠬᠠᠷᠢᠨ ᠶᠦᠳᠠ ᠪᠤᠷᠤᠭᠤᠳᠠᠬᠤ ᠦᠭᠡᠢ ᠪᠠᠢᠭ ᠲᠠ ᠨᠠᠷ ᠭᠢᠯᠭᠠᠯ ᠤᠷᠤᠭᠤ ᠪᠦᠦ ᠣᠴᠢ᠂ ᠪᠧᠲ ᠠᠸᠧᠨ ᠤᠷᠤᠭᠤ ᠪᠦᠦ ᠶᠠᠪᠤ 《ᠶᠣᠬᠣᠸᠠ ᠶᠢᠨ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ》 ᠬᠡᠮᠡᠨ ᠪᠦᠦ ᠲᠠᠩ᠋ᠭᠠᠷᠢᠭᠯᠠ
16 ᠵᠥᠷᠢᠭᠦᠳ ᠢᠰᠷᠧᠯ ᠵᠥᠷᠢᠭᠦᠳ ᠪᠢᠷᠠᠭᠤ ᠮᠡᠲᠦ ᠶᠣᠬᠣᠸᠠ ᠲᠡᠳᠡᠨ ᠢ ᠶᠠᠭᠠᠬᠢᠨ ᠪᠡᠯᠴᠢᠭᠡᠷ ᠳᠠᠬᠢ ᠬᠤᠷᠠᠭᠠ ᠰᠢᠭ᠋ ᠬᠠᠷᠢᠭᠤᠯᠬᠤ ᠪᠢᠯᠡ︖
17 ᠡᠹᠷᠠᠢᠮ ᠨᠢ ᠰᠢᠲᠦᠭᠡᠨ ᠨᠦᠭᠦᠳ ᠲᠡᠢ ᠨᠡᠢᠯᠡᠪᠡ ᠲᠡᠭᠦᠨ ᠢ ᠴᠢᠭ ᠢᠶᠠᠷ ᠨᠢ ᠣᠷᠬᠢ
18 ᠠᠷᠢᠬᠢᠳᠠᠵᠤ ᠳᠠᠭᠤᠰᠪᠠᠯ ᠲᠡᠳᠡ ᠵᠠᠪᠬᠠᠢᠷᠠᠳᠠᠭ ᠲᠡᠳᠡ ᠢᠴᠢᠭᠦᠷᠢ ᠶᠢ ᠬᠠᠢᠷᠠᠯᠠᠨ ᠬᠠᠢᠷᠠᠯᠠᠳᠠᠭ
19 ᠬᠤᠢ ᠰᠠᠯᠬᠢ ᠲᠡᠳᠡᠨ ᠢ ᠬᠤᠮᠢᠨ ᠠᠪᠠᠴᠢᠬᠤ ᠳᠤ ᠲᠠᠬᠢᠯ ᠤᠳ ᠠᠴᠠ ᠪᠠᠨ ᠲᠡᠳᠡ ᠢᠴᠢᠬᠦ ᠪᠣᠯᠣᠨᠠ᠃