ᠨᠢᠭᠡᠳᠦᠭᠡᠷ ᠺᠣᠷᠢᠨᠲ ᠬᠣᠶᠠᠷ
ᠠᠷᠢᠭᠤᠨ ᠰᠦᠨᠡᠰᠦᠨ ᠳᠦ ᠨᠠᠢᠳᠠᠬᠤ
1 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠪᠢ ᠲᠠᠨ ᠤ ᠲᠡᠨᠳᠡ ᠣᠴᠢᠬᠤ ᠳᠠᠭᠠᠨ ᠪᠤᠷᠬᠠᠨ ᠤ ᠨᠢᠭᠤᠴᠠ ᠶᠢ ᠰᠣᠳᠣᠨ ᠶᠠᠷᠢᠶᠠ᠂ ᠮᠡᠷᠭᠡᠨ ᠤᠬᠠᠭᠠᠨ ᠢᠶᠠᠷ ᠤᠯᠠᠮᠵᠢᠯᠠᠭᠠ ᠦᠭᠡᠢ᠃ 2 ᠪᠢ ᠲᠠ ᠨᠠᠷ ᠤᠨ ᠳᠤᠮᠳᠠ ᠪᠠᠢᠬᠤ ᠳᠠᠭᠠᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ᠂ ᠲᠤᠬᠠᠢᠯᠠᠪᠠᠯ ᠵᠠᠭᠠᠯᠮᠠᠢ ᠳᠤ ᠴᠣᠪᠳᠣᠯᠠᠭᠳᠠᠭᠰᠠᠨ ᠲᠡᠭᠦᠨ ᠡᠴᠡ ᠥᠭᠡᠷᠡ ᠶᠠᠭᠤᠨ ᠳᠤ ᠴᠤ ᠰᠠᠨᠠᠭᠠ ᠲᠠᠯᠪᠢᠬᠤ ᠦᠭᠡᠢ ᠭᠡᠵᠦ ᠰᠢᠢᠳᠦᠭᠰᠡᠨ᠃ 3 ᠪᠢ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠳᠠᠭᠠᠨ ᠰᠤᠯᠠ ᠳᠣᠷᠣᠢ᠂ ᠠᠢᠳᠠᠰ ᠲᠠᠢ᠂ ᠶᠡᠬᠡᠳᠡ ᠴᠡᠴᠡᠷᠡᠯ ᠲᠡᠢ ᠪᠠᠢᠭᠰᠠᠨ᠃ 4 ᠮᠢᠨᠦ ᠦᠭᠡ ᠪᠣᠯᠣᠨ ᠮᠢᠨᠦ ᠰᠤᠷᠭᠠᠯ ᠨᠢ ᠰᠡᠳᠬᠢᠯ ᠢ ᠲᠠᠲᠠᠮᠠ ᠤᠷᠠᠨ ᠰᠡᠴᠡᠨ ᠦᠭᠡᠰ ᠪᠢᠰᠢ᠂ ᠬᠠᠷᠢᠨ ᠠᠷᠢᠭᠤᠨ ᠰᠦᠨᠡᠰᠦ ᠪᠠ ᠬᠦᠴᠦᠨ ᠦ ᠢᠯᠡᠷᠡᠭᠦᠯᠦᠯ ᠶᠤᠮ᠃ 5 ᠡᠢᠨ ᠬᠦ ᠲᠠ ᠨᠠᠷ ᠤᠨ ᠢᠲᠡᠭᠡᠯ ᠢ ᠬᠥᠮᠦᠨ ᠦ ᠮᠡᠷᠭᠡᠨ ᠤᠬᠠᠭᠠᠨ ᠳᠤ ᠪᠢᠰᠢ᠂ ᠪᠤᠷᠬᠠᠨ ᠤ ᠬᠦᠴᠦᠨ ᠳᠦ ᠪᠠᠢᠯᠭᠠᠬᠤ ᠭᠡᠰᠡᠨ ᠶᠤᠮ᠃
6 ᠬᠠᠷᠢᠨ ᠪᠢᠳᠡ ᠲᠥᠯᠥᠪᠰᠢᠭᠰᠡᠨ ᠬᠥᠮᠦᠰ ᠦᠨ ᠳᠤᠮᠳᠠ ᠮᠡᠷᠭᠡᠨ ᠤᠬᠠᠭᠠᠨ ᠢ ᠶᠠᠷᠢᠨᠠ᠃ ᠡᠨᠡ ᠮᠡᠷᠭᠡᠨ ᠤᠬᠠᠭᠠᠨ ᠨᠢ ᠡᠨᠡ ᠦᠶᠡ ᠶᠢᠨ ᠬᠢ ᠪᠢᠰᠢ᠂ ᠡᠨᠡ ᠦᠶᠡ ᠶᠢᠨ ᠮᠥᠬᠥᠭᠡᠭᠳᠡᠬᠦ ᠵᠠᠬᠢᠷᠤᠭᠴᠢᠳ ᠤᠨ ᠬᠢ ᠴᠤ ᠪᠢᠰᠢ᠂ 7 ᠬᠠᠷᠢᠨ ᠳᠠᠯᠳᠠᠯᠠᠭᠳᠠᠵᠤ ᠪᠠᠢᠭᠰᠠᠨ ᠪᠤᠷᠬᠠᠨ ᠤ ᠨᠢᠭᠤᠴᠠ ᠶᠢᠨ ᠮᠡᠷᠭᠡᠨ ᠤᠬᠠᠭᠠᠨ ᠪᠢᠯᠡ᠃ ᠡᠭᠦᠨ ᠢ ᠪᠤᠷᠬᠠᠨ ᠪᠢᠳᠡᠨ ᠦ ᠠᠯᠳᠠᠷ ᠰᠤᠤ ᠶᠢᠨ ᠲᠥᠯᠥᠭᠡ ᠭᠠᠯᠪᠠ ᠶᠢᠷᠲᠢᠨᠴᠦ ᠡᠴᠡ ᠡᠮᠦᠨᠡ ᠲᠣᠭᠲᠠᠭᠠᠭᠰᠠᠨ ᠪᠠᠢᠪᠠ᠃ 8 ᠡᠨᠡ ᠮᠡᠷᠭᠡᠨ ᠤᠬᠠᠭᠠᠨ ᠢ ᠡᠨᠡ ᠦᠶᠡ ᠶᠢᠨ ᠵᠠᠬᠢᠷᠤᠭᠴᠢᠳ ᠤᠨ ᠬᠡᠨ ᠨᠢ ᠴᠤ ᠮᠡᠳᠡᠭᠰᠡᠨ ᠦᠭᠡᠢ᠂ ᠮᠡᠳᠡᠭᠰᠡᠨ ᠪᠣᠯ ᠠᠯᠳᠠᠷ ᠰᠤᠤ ᠶᠢᠨ ᠡᠵᠡᠨ ᠢ ᠵᠠᠭᠠᠯᠮᠠᠢ ᠳᠡᠭᠡᠷᠡ ᠴᠣᠪᠳᠣᠯᠠᠬᠤ ᠦᠭᠡᠢ ᠪᠠᠢᠭᠰᠠᠨ᠃ 9 ᠡᠨᠡ ᠨᠢ 《ᠨᠢᠳᠦᠨ ᠳᠦ ᠦᠵᠡᠭᠳᠡᠭᠡ ᠦᠭᠡᠢ᠂ ᠴᠢᠬᠢᠨ ᠳᠤ ᠰᠣᠨᠣᠰᠳᠠᠭᠠ ᠦᠭᠡᠢ᠂ ᠪᠣᠳᠣᠯ ᠰᠠᠨᠠᠭᠠᠨ ᠳᠤ ᠣᠷᠣᠭᠠ ᠦᠭᠡᠢ ᠵᠦᠢᠯᠡᠰ ᠢ ᠪᠤᠷᠬᠠᠨ ᠥᠪᠡᠷ ᠢ ᠨᠢ ᠬᠠᠢᠷᠠᠯᠠᠭᠰᠠᠳ ᠤᠨ ᠲᠥᠯᠥᠭᠡ ᠪᠡᠯᠡᠳᠬᠡᠭᠰᠡᠨ ᠪᠠᠢᠳᠠᠭ》 ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠲᠡᠢ ᠠᠳᠠᠯᠢ᠃ 10 ᠪᠤᠷᠬᠠᠨ ᠡᠳᠡᠭᠡᠷ ᠢ ᠠᠷᠢᠭᠤᠨ ᠰᠦᠨᠡᠰᠦ ᠪᠡᠷ ᠳᠠᠮᠵᠢᠭᠤᠯᠤᠨ ᠪᠢᠳᠡᠨ ᠳᠦ ᠢᠯᠡᠷᠬᠡᠶᠢᠯᠡᠵᠡᠢ᠃ ᠠᠷᠢᠭᠤᠨ ᠰᠦᠨᠡᠰᠦ ᠪᠦᠬᠦ ᠶᠠᠭᠤᠮᠠ ᠶᠢ ᠪᠤᠷᠬᠠᠨ ᠤ ᠭᠦᠨ ᠳᠦ ᠬᠦᠷᠲᠡᠯᠡ ᠡᠷᠢᠵᠦ ᠤᠯᠳᠠᠭ᠃ 11 ᠬᠥᠮᠦᠨ ᠦ ᠳᠣᠲᠣᠷᠠᠬᠢ ᠶᠢ ᠬᠥᠮᠦᠨ ᠦ ᠳᠣᠲᠣᠷᠠᠬᠢ ᠰᠦᠨᠡᠰᠦᠨ ᠡᠴᠡ ᠥᠭᠡᠷᠡ ᠬᠡᠨ ᠮᠡᠳᠡᠬᠦ ᠪᠢᠯᠡ︖ ᠲᠡᠭᠦᠨᠴᠢᠯᠡᠨ ᠪᠤᠷᠬᠠᠨ ᠤ ᠳᠣᠲᠣᠷᠠᠬᠢ ᠶᠢ ᠪᠤᠷᠬᠠᠨ ᠤ ᠰᠦᠨᠡᠰᠦ ᠡᠴᠡ ᠥᠭᠡᠷᠡ ᠬᠡᠨ ᠴᠤ ᠮᠡᠳᠡᠳᠡᠭ ᠦᠭᠡᠢ᠃ 12 ᠪᠢᠳᠡ ᠶᠢᠷᠲᠢᠨᠴᠦ ᠶᠢᠨ ᠰᠦᠨᠡᠰᠦ ᠶᠢ ᠪᠢᠰᠢ᠂ ᠬᠠᠷᠢᠨ ᠪᠤᠷᠬᠠᠨ ᠤ ᠰᠦᠨᠡᠰᠦ ᠶᠢ ᠬᠦᠷᠲᠡᠭᠰᠡᠨ ᠶᠤᠮ᠃ ᠡᠭᠦᠨ ᠢᠶᠡᠷ ᠪᠢᠳᠡ ᠪᠤᠷᠬᠠᠨ ᠤ ᠰᠣᠶᠣᠷᠬᠠᠭᠰᠠᠨ ᠵᠦᠢᠯᠡᠰ ᠢ ᠮᠡᠳᠡᠬᠦ ᠪᠣᠯᠣᠨᠠ᠃ 13 ᠪᠢᠳᠡ ᠡᠳᠡᠭᠡᠷ ᠢ ᠬᠥᠮᠦᠨ ᠦ ᠵᠢᠭᠠᠭᠰᠠᠨ ᠮᠡᠷᠭᠡᠨ ᠦᠭᠡ ᠪᠡᠷ ᠪᠢᠰᠢ᠂ ᠬᠠᠷᠢᠨ ᠠᠷᠢᠭᠤᠨ ᠰᠦᠨᠡᠰᠦᠨ ᠦ ᠵᠢᠭᠠᠭᠰᠠᠨ ᠦᠭᠡ ᠪᠡᠷ᠂ ᠲᠤᠬᠠᠢᠯᠠᠪᠠᠯ ᠰᠦᠨᠡᠰᠦᠯᠢᠭ ᠵᠦᠢᠯᠡᠰ ᠢ ᠰᠦᠨᠡᠰᠦᠯᠢᠭ ᠵᠦᠢᠯᠡᠰ ᠢᠶᠡᠷ ᠲᠠᠢᠯᠪᠤᠷᠢᠯᠠᠨ ᠶᠠᠷᠢᠳᠠᠭ ᠪᠠᠢᠨᠠ᠃
14 ᠬᠠᠷᠢᠨ ᠰᠦᠨᠡᠰᠦᠯᠢᠭ ᠪᠤᠰᠤ ᠬᠥᠮᠦᠨ ᠪᠣᠯ ᠪᠤᠷᠬᠠᠨ ᠤ ᠰᠦᠨᠡᠰᠦᠯᠢᠭ ᠵᠦᠢᠯᠡᠰ ᠢ ᠬᠦᠯᠢᠶᠡᠨ ᠠᠪᠬᠤ ᠦᠭᠡᠢ᠂ ᠮᠤᠩ᠋ᠬᠠᠭ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠣᠷ ᠣᠢᠯᠠᠭᠠᠵᠤ ᠳᠡᠢᠯᠳᠡᠭ ᠦᠭᠡᠢ᠃ ᠡᠳᠡᠭᠡᠷ ᠨᠢ ᠰᠦᠨᠡᠰᠦ ᠪᠡᠷ ᠯᠠ ᠮᠠᠭᠠᠳᠯᠠᠭᠳᠠᠨᠠ᠃ 15 ᠰᠦᠨᠡᠰᠦᠯᠢᠭ ᠬᠥᠮᠦᠨ ᠡᠨᠡ ᠪᠦᠬᠦᠨ ᠢ ᠲᠠᠨᠢᠨ ᠮᠠᠭᠠᠳᠯᠠᠳᠠᠭ ᠪᠣᠯᠪᠠᠴᠤ ᠥᠪᠡᠷ ᠢᠶᠡᠨ ᠬᠡᠨ ᠳᠦ ᠴᠤ ᠮᠠᠭᠠᠳᠯᠠᠭᠳᠠᠳᠠᠭ ᠦᠭᠡᠢ᠃ 16 《ᠬᠡᠨ ᠡᠵᠡᠨ ᠦ ᠪᠣᠳᠣᠯ ᠢ ᠮᠡᠳᠡᠵᠦ᠂ ᠲᠡᠭᠦᠨ ᠳᠦ ᠵᠢᠭᠠᠪᠤᠷᠢᠯᠠᠬᠤ ᠪᠢᠯᠡ︖》᠂ ᠬᠠᠷᠢᠨ ᠾᠷᠢᠰᠲ᠋ᠣᠰ ᠤᠨ ᠪᠣᠳᠣᠯ ᠪᠢᠳᠡᠨ ᠳᠦ ᠪᠤᠢ᠃