ᠨᠢᠭᠡᠳᠦᠭᠡᠷ ᠺᠣᠷᠢᠨᠲ ᠠᠷᠪᠠᠨ ᠲᠠᠪᠤ
ᠳᠠᠬᠢᠨ ᠠᠮᠢᠯᠠᠯᠲᠠ ᠳᠠᠬᠢᠨ ᠠᠮᠢᠯᠠᠯᠲᠠ ᠶᠢᠨ ᠪᠠᠲᠤᠯᠠᠭᠠ
1 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠲᠠ ᠨᠠᠷ ᠲᠤ ᠤᠯᠠᠮᠵᠢᠯᠠᠭᠰᠠᠨ ᠪᠠᠶᠠᠷ ᠤᠨ ᠮᠡᠳᠡᠭᠡ ᠪᠡᠨ ᠪᠢ ᠳᠠᠬᠢᠨ ᠰᠠᠨᠠᠭᠤᠯᠤᠶᠠ᠃ ᠡᠭᠦᠨ ᠢ ᠲᠠ ᠨᠠᠷ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠥᠭᠡᠳ ᠲᠡᠭᠦᠨ ᠦ ᠳᠣᠲᠣᠷᠠ ᠵᠣᠭᠰᠣᠵᠤ ᠪᠠᠢᠨᠠ᠃ 2 ᠮᠢᠨᠦ ᠲᠠ ᠨᠠᠷ ᠲᠤ ᠤᠯᠠᠮᠵᠢᠯᠠᠵᠤ ᠥᠭᠭᠥᠭᠰᠡᠨ ᠦᠭᠡ ᠶᠢ ᠬᠣᠭᠣᠰᠣᠨ ᠢᠲᠡᠭᠡᠭᠰᠡᠨ ᠪᠤᠰᠤ᠂ ᠪᠠᠷᠢᠮᠲᠠᠯᠠᠭᠰᠠᠭᠠᠷ ᠪᠠᠢᠭᠠ ᠪᠣᠯ ᠲᠠ ᠨᠠᠷ ᠡᠨᠡ ᠪᠠᠶᠠᠷ ᠤᠨ ᠮᠡᠳᠡᠭᠡ ᠪᠡᠷ ᠠᠪᠤᠷᠠᠭᠳᠠᠨᠠ᠃
3 ᠪᠢ ᠬᠦᠯᠢᠶᠡᠵᠦ ᠠᠪᠤᠭᠰᠠᠨ ᠤ ᠪᠠᠨ ᠬᠠᠮᠤᠭ ᠤᠨ ᠴᠢᠬᠤᠯᠠ ᠶᠢ ᠲᠠ ᠨᠠᠷ ᠲᠤ ᠳᠠᠮᠵᠢᠭᠤᠯᠤᠭᠰᠠᠨ ᠪᠢᠯᠡ᠃ ᠲᠤᠬᠠᠢᠯᠠᠪᠠᠯ᠂ ᠠᠷᠢᠭᠤᠨ ᠨᠣᠮ ᠤᠨ ᠶᠣᠰᠣᠭᠠᠷ ᠾᠷᠢᠰᠲ᠋ᠣᠰ ᠪᠢᠳᠡᠨ ᠦ ᠭᠡᠮ ᠨᠢᠭᠦᠯ ᠦᠨ ᠲᠥᠯᠥᠭᠡ ᠦᠷᠡᠭᠳᠡᠵᠦ 4 ᠪᠤᠯᠠᠰᠢᠯᠠᠭᠳᠠᠭᠠᠳ᠂ ᠠᠷᠢᠭᠤᠨ ᠨᠣᠮ ᠤᠨ ᠶᠣᠰᠣᠭᠠᠷ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠳᠡᠭᠡᠷᠡ ᠪᠡᠨ ᠠᠮᠢᠯᠠᠭᠤᠯᠤᠭᠳᠠᠭᠰᠠᠨ ᠪᠥᠭᠡᠳ 5 ᠤᠷᠢᠳᠠᠪᠠᠷ ᠺᠧᠹᠠ 12 ᠳᠤ᠂ ᠳᠠᠷᠠᠭᠠ ᠨᠢ ᠠᠷᠪᠠᠨ ᠬᠣᠶᠠᠷ ᠲᠠᠭᠠᠨ ᠦᠵᠡᠭᠳᠡᠭᠰᠡᠨ᠃ 6 ᠳᠠᠷᠠᠭᠠ ᠨᠢ ᠾᠷᠢᠰᠲ᠋ᠣᠰ ᠨᠢᠭᠡ ᠳᠣᠣᠷᠠ ᠲᠠᠪᠤᠨ ᠵᠠᠭᠤ ᠭᠠᠷᠤᠢ ᠠᠬᠠ ᠳᠡᠭᠦᠦ ᠳᠦ ᠦᠵᠡᠭᠳᠡᠵᠡᠢ᠃ ᠲᠡᠳᠡᠨ ᠦ ᠵᠠᠷᠢᠮ ᠨᠢ ᠨᠣᠢᠷᠰᠣᠭᠰᠠᠨ ᠪᠣᠯᠪᠠᠴᠤ ᠣᠯᠠᠩᠬᠢ ᠨᠢ ᠣᠳᠣ ᠪᠣᠯᠲᠠᠯᠠ ᠠᠮᠢᠳᠤ ᠪᠠᠢᠨᠠ᠃ 7 ᠳᠠᠷᠠᠭᠠ ᠪᠠᠷ ᠨᠢ ᠶᠠᠺᠣᠪ ᠲᠤ᠂ ᠳᠠᠷᠠᠭᠠ ᠨᠢ ᠪᠦᠬᠦ ᠰᠢᠳᠠᠷ ᠱᠠᠪᠢ ᠳᠤ ᠴᠤ ᠦᠵᠡᠭᠳᠡᠭᠰᠡᠨ ᠶᠤᠮ᠃ 8 ᠬᠠᠮᠤᠭ ᠤᠨ ᠰᠡᠭᠦᠯ ᠳᠦᠨᠢ᠂ ᠳᠤᠲᠠᠭᠤ ᠲᠥᠷᠥᠭᠰᠡᠨ ᠮᠡᠲᠦ ᠨᠠᠳᠠ ᠳᠤ ᠴᠤ ᠦᠵᠡᠭᠳᠡᠭᠰᠡᠨ ᠪᠢᠯᠡ᠃ 9 ᠪᠢ ᠰᠢᠳᠠᠷ ᠱᠠᠪᠢ ᠨᠠᠷ ᠤᠨ ᠳᠤᠮᠳᠠ ᠠᠴᠠ ᠬᠠᠮᠤᠭ ᠤᠨ ᠥᠴᠦᠬᠡᠨ ᠨᠢ ᠪᠥᠭᠡᠳ ᠪᠤᠷᠬᠠᠨ ᠤ ᠴᠢᠭᠤᠯᠭᠠᠨ ᠢ ᠬᠠᠪᠴᠢᠵᠤ ᠪᠠᠢᠭᠰᠠᠨ ᠲᠤᠯᠠ ᠰᠢᠳᠠᠷ ᠱᠠᠪᠢ ᠭᠡᠵᠦ ᠨᠡᠷᠡᠯᠡᠭᠳᠡᠬᠦ ᠵᠣᠬᠢᠰ ᠦᠭᠡᠢ᠃ 10 ᠬᠠᠷᠢᠨ ᠪᠤᠷᠬᠠᠨ ᠤ ᠢᠪᠡᠭᠡᠯ ᠢᠶᠡᠷ ᠪᠢ ᠡᠢᠮᠦ ᠪᠣᠯᠣᠯᠠ᠃ ᠨᠠᠳᠠ ᠳᠤ ᠰᠣᠶᠣᠷᠬᠠᠭᠰᠠᠨ ᠲᠡᠭᠦᠨ ᠦ ᠢᠪᠡᠭᠡᠯ ᠬᠣᠭᠣᠰᠣᠨ ᠪᠣᠯᠣᠭᠠ ᠦᠭᠡᠢ᠃ ᠪᠢ ᠲᠡᠳᠡ ᠪᠦᠭᠦᠳᠡ ᠡᠴᠡ ᠨᠡᠩ ᠢᠯᠡᠭᠦᠦ ᠠᠵᠢᠯ ᠬᠢᠭᠰᠡᠨ᠂ ᠬᠠᠷᠢᠨ ᠡᠭᠦᠨ ᠢ ᠪᠢ ᠪᠢᠰᠢ᠂ ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠳᠠᠭ ᠪᠤᠷᠬᠠᠨ ᠤ ᠢᠪᠡᠭᠡᠯ ᠬᠢᠵᠡᠢ᠃ 11 ᠪᠢ ᠴᠤ ᠭᠡᠰᠡᠨ᠂ ᠲᠡᠳᠡ ᠴᠤ ᠭᠡᠰᠡᠨ᠂ ᠢᠩᠭᠢᠵᠦ ᠲᠤᠩ᠋ᠬᠠᠭᠯᠠᠵᠤ ᠲᠠ ᠨᠠᠷ ᠢᠩᠭᠢᠵᠦ ᠢᠲᠡᠭᠡᠭᠰᠡᠨ᠃
12 ᠾᠷᠢᠰᠲ᠋ᠣᠰ ᠢ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠰᠠᠨ ᠭᠡᠵᠦ ᠲᠤᠩ᠋ᠬᠠᠯᠠᠭᠰᠠᠨ ᠪᠠᠢᠲᠠᠯᠠ ᠲᠠ ᠨᠠᠷ ᠤᠨ ᠵᠠᠷᠢᠮ ᠨᠢ ᠶᠠᠭᠤᠨ ᠳᠤ ᠦᠬᠦᠭᠰᠡᠳ ᠦᠨ ᠠᠮᠢᠯᠠᠯᠲᠠ ᠭᠡᠵᠦ ᠦᠭᠡᠢ ᠬᠡᠮᠡᠨ ᠬᠡᠯᠡᠳᠡᠭ ᠪᠤᠢ︖ 13 ᠬᠡᠷᠪᠡ ᠦᠬᠦᠭᠰᠡᠳ ᠦᠨ ᠠᠮᠢᠯᠠᠯᠲᠠ ᠪᠠᠢᠬᠤ ᠦᠭᠡᠢ ᠶᠤᠮ ᠪᠣᠯ᠂ ᠾᠷᠢᠰᠲ᠋ᠣᠰ ᠴᠤ ᠠᠮᠢᠯᠠᠬᠤ ᠦᠭᠡᠢ ᠪᠠᠢᠭᠰᠠᠨ᠃ 14 ᠬᠡᠷᠪᠡ ᠾᠷᠢᠰᠲ᠋ᠣᠰ ᠠᠮᠢᠯᠠᠭᠠ ᠦᠭᠡᠢ ᠪᠠᠢᠭᠰᠠᠨ ᠪᠣᠯ ᠪᠢᠳᠡᠨ ᠦ ᠲᠤᠩ᠋ᠬᠠᠭ ᠳᠡᠮᠡᠢ ᠪᠥᠭᠡᠳ ᠲᠠ ᠨᠠᠷ ᠤᠨ ᠢᠲᠡᠭᠡᠯ ᠴᠤ ᠳᠡᠮᠡᠢ ᠪᠣᠯᠣᠨᠠ᠃ 15 ᠬᠡᠷᠪᠡ ᠦᠬᠦᠭᠰᠡᠳ ᠠᠮᠢᠯᠠᠬᠤ ᠦᠭᠡᠢ ᠪᠠᠢᠭᠰᠠᠨ ᠪᠣᠯ᠂ ᠪᠤᠷᠬᠠᠨ ᠤ ᠠᠮᠢᠯᠠᠭᠤᠯᠤᠭᠰᠠᠨ ᠦᠭᠡᠢ ᠾᠷᠢᠰᠲ᠋ᠣᠰ ᠢ ᠪᠢᠳᠡ ᠪᠤᠷᠬᠠᠨ ᠠᠮᠢᠯᠠᠭᠤᠯᠤᠭᠰᠠᠨ ᠭᠡᠵᠦ ᠭᠡᠷᠡᠴᠢᠯᠡᠭᠰᠡᠨ ᠢᠶᠡᠷ ᠢᠶᠠᠨ ᠪᠤᠷᠬᠠᠨ ᠤ ᠲᠤᠬᠠᠢ ᠬᠠᠭᠤᠷᠮᠠᠭ ᠭᠡᠷᠡᠴᠢᠯᠡᠭᠴᠢᠳ ᠪᠣᠯᠬᠤ ᠪᠣᠯᠣᠨᠠ᠃ 16 ᠦᠬᠦᠭᠰᠡᠳ ᠠᠮᠢᠯᠠᠬᠤ ᠦᠭᠡᠢ ᠶᠤᠮ ᠪᠣᠯ᠂ ᠾᠷᠢᠰᠲ᠋ᠣᠰ ᠴᠤ ᠠᠮᠢᠯᠠᠬᠤ ᠦᠭᠡᠢ ᠪᠠᠢᠭᠰᠠᠨ᠃ 17 ᠬᠡᠷᠪᠡ ᠾᠷᠢᠰᠲ᠋ᠣᠰ ᠠᠮᠢᠯᠠᠭᠠ ᠦᠭᠡᠢ ᠪᠠᠢᠭᠰᠠᠨ ᠪᠣᠯ᠂ ᠲᠠ ᠨᠠᠷ ᠤᠨ ᠢᠲᠡᠭᠡᠯ ᠬᠡᠷᠡᠭ ᠦᠭᠡᠢ ᠪᠥᠭᠡᠳ ᠲᠠ ᠨᠠᠷ ᠮᠥᠨ ᠯᠠ ᠭᠡᠮ ᠨᠢᠭᠦᠯ ᠦᠨ ᠢᠶᠠᠨ ᠳᠣᠲᠣᠷᠠ ᠪᠠᠢᠭᠰᠠᠭᠠᠷ ᠪᠠᠢᠬᠤ ᠶᠤᠮ᠃ 18 ᠲᠡᠭᠡᠪᠡᠯ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠨᠣᠢᠷᠰᠣᠭᠰᠠᠳ ᠴᠤ ᠰᠥᠨᠥᠬᠦ ᠪᠠᠢᠭᠰᠠᠨ᠃ 19 ᠬᠡᠷᠪᠡ ᠡᠨᠡ ᠨᠠᠰᠤ ᠪᠠᠨ ᠯᠠ ᠾᠷᠢᠰᠲ᠋ᠣᠰ ᠲᠤ ᠨᠠᠢᠳᠠᠭᠰᠠᠨ ᠪᠣᠯ᠂ ᠪᠢᠳᠡ ᠠᠯᠢᠪᠠ ᠬᠥᠮᠦᠨ ᠡᠴᠡ ᠢᠯᠡᠭᠦᠦ ᠬᠥᠭᠡᠷᠦᠬᠦᠢᠯᠡᠯᠲᠡᠢ᠃
ᠳᠠᠬᠢᠨ ᠠᠮᠢᠯᠠᠯᠲᠠ ᠶᠢᠨ ᠳᠡᠰ ᠳ᠋ᠤᠭᠠᠷ
20 ᠬᠠᠷᠢᠨ ᠾᠷᠢᠰᠲ᠋ᠣᠰ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠦᠨᠡᠬᠡᠷ ᠠᠮᠢᠯᠠᠭᠰᠠᠨ ᠪᠥᠭᠡᠳ ᠨᠣᠢᠷᠰᠣᠭᠰᠠᠳ ᠤᠨ ᠠᠩ᠋ᠬᠠᠨ ᠤ ᠦᠷᠡ ᠵᠢᠮᠢᠰ ᠪᠣᠯᠣᠭᠰᠠᠨ᠃ 21 ᠶᠠᠭᠤ ᠭᠡᠬᠦᠯᠡᠷ᠂ ᠦᠬᠦᠯ ᠨᠢᠭᠡ ᠬᠥᠮᠦᠨ ᠢᠶᠡᠷ ᠳᠠᠮᠵᠢᠨ ᠢᠷᠡᠭᠰᠡᠨ ᠲᠡᠢ ᠠᠳᠠᠯᠢ ᠪᠠᠷ᠂ ᠦᠬᠦᠭᠰᠡᠳ ᠦᠨ ᠠᠮᠢᠯᠠᠯᠲᠠ ᠴᠤ ᠨᠢᠭᠡ ᠬᠥᠮᠦᠨ ᠢᠶᠡᠷ ᠳᠠᠮᠵᠢᠨ ᠢᠷᠡᠭᠰᠡᠨ ᠪᠢᠯᠡ᠃ 22 ᠠᠳᠠᠮ ᠤᠨ ᠳᠣᠲᠣᠷᠠ ᠪᠦᠭᠦᠳᠡᠭᠡᠷ ᠢᠶᠡᠨ ᠦᠬᠦᠳᠡᠭ ᠮᠡᠲᠦ᠂ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠪᠦᠭᠦᠳᠡᠭᠡᠷ ᠢᠶᠡᠨ ᠠᠮᠢ ᠣᠯᠣᠨᠠ᠃ 23 ᠬᠠᠷᠢᠨ ᠲᠤᠰ ᠲᠤᠰ ᠤᠨ ᠳᠠᠷᠠᠭᠠᠯᠠᠯ ᠪᠠᠢᠳᠠᠭ ᠠᠴᠠ ᠠᠩ᠋ᠬᠠᠨ ᠤ ᠦᠷᠡ ᠵᠢᠮᠢᠰ ᠨᠢ ᠾᠷᠢᠰᠲ᠋ᠣᠰ ᠶᠤᠮ᠃ ᠳᠠᠷᠠᠭᠠ ᠨᠢ ᠾᠷᠢᠰᠲ᠋ᠣᠰ ᠤᠨ ᠬᠢ ᠪᠣᠯᠣᠭᠰᠠᠨ ᠬᠥᠮᠦᠰ ᠲᠡᠷᠡ ᠢᠷᠡᠬᠦ ᠳᠦ ᠠᠮᠢᠯᠠᠬᠤ ᠪᠣᠯᠣᠨᠠ᠃ 24 ᠳᠠᠷᠠᠭᠠ ᠪᠠᠷ ᠨᠢ ᠲᠡᠭᠦᠰᠬᠡᠯ ᠢᠷᠡᠨᠡ᠃ ᠲᠡᠷᠡ ᠦᠶᠡ ᠳᠦ ᠾᠷᠢᠰᠲ᠋ᠣᠰ ᠠᠯᠢᠪᠠ ᠵᠠᠬᠢᠷᠤᠭᠴᠢ᠂ ᠠᠯᠢᠪᠠ ᠡᠷᠬᠡ ᠮᠡᠳᠡᠭᠴᠢ ᠪᠠ ᠬᠦᠴᠦᠲᠡᠨ ᠢ ᠤᠰᠠᠳᠬᠠᠭᠠᠳ ᠬᠠᠭᠠᠨᠴᠢᠯᠠᠯ ᠢᠶᠠᠨ ᠡᠴᠢᠭᠡ ᠪᠤᠷᠬᠠᠨ ᠳᠤ ᠲᠤᠰᠢᠶᠠᠬᠤ ᠪᠣᠯᠣᠨᠠ᠃ 25 ᠦᠨᠡᠨ ᠳᠡᠭᠡᠨ ᠪᠤᠷᠬᠠᠨ ᠪᠦᠬᠦ ᠳᠠᠢᠰᠤᠨ ᠢ ᠬᠥᠯ ᠦᠨ ᠬᠢᠨᠢ ᠳᠣᠣᠷᠠ ᠣᠷᠣᠭᠤᠯᠬᠤ ᠪᠣᠯᠲᠠᠯᠠ ᠾᠷᠢᠰᠲ᠋ᠣᠰ ᠵᠠᠬᠢᠷᠬᠤ ᠶᠣᠰᠣᠲᠠᠢ᠃ 26 ᠡᠴᠦᠰ ᠲᠤᠨᠢ ᠤᠰᠠᠳᠬᠠᠭᠳᠠᠬᠤ ᠳᠠᠢᠰᠤᠨ ᠪᠣᠯ ᠦᠬᠦᠯ ᠮᠥᠨ᠃ 27 《ᠪᠤᠷᠬᠠᠨ ᠬᠠᠮᠤᠭ ᠶᠠᠭᠤᠮᠠ ᠶᠢ ᠲᠡᠭᠦᠨ ᠦ ᠬᠥᠯ ᠦᠨ ᠳᠣᠣᠷᠠ ᠲᠠᠯᠪᠢᠪᠠ》 ᠭᠡᠰᠡᠨ ᠶᠤᠮ᠃ ᠬᠠᠷᠢᠨ 《ᠬᠠᠮᠤᠭ ᠶᠠᠭᠤᠮᠠ ᠳᠣᠣᠷᠠ ᠨᠢ ᠲᠠᠯᠪᠢᠭᠳᠠᠪᠠ》 ᠭᠡᠬᠦ ᠳᠦ᠂ ᠬᠠᠮᠤᠭ ᠶᠠᠭᠤᠮᠠ ᠶᠢ ᠲᠡᠭᠦᠨ ᠦ ᠳᠣᠣᠷᠠ ᠲᠠᠯᠪᠢᠭᠰᠠᠨ ᠪᠤᠷᠬᠠᠨ ᠲᠡᠳᠡᠭᠡᠷ ᠦᠨ ᠳᠣᠲᠣᠷᠠ ᠪᠠᠭᠲᠠᠬᠤ ᠦᠭᠡᠢ ᠨᠢ ᠯᠠᠪᠲᠠᠢ᠃ 28 ᠬᠠᠮᠤᠭ ᠶᠠᠭᠤᠮᠠ ᠲᠡᠭᠦᠨ ᠦ ᠡᠷᠬᠡᠰᠢᠶᠡᠯ ᠳᠦ ᠣᠷᠣᠬᠤ ᠲᠡᠷᠡ ᠦᠶᠡ ᠳᠦ᠂ ᠬᠠᠮᠤᠭ ᠶᠠᠭᠤᠮᠠ ᠶᠢ ᠲᠡᠭᠦᠨ ᠦ ᠡᠷᠬᠡ ᠶᠢᠨ ᠳᠣᠣᠷᠠ ᠣᠷᠣᠭᠤᠯᠵᠤ ᠥᠭᠭᠥᠭᠴᠢ ᠳᠤ ᠲᠡᠷᠡ ᠡᠷᠬᠡᠰᠢᠶᠡᠭᠳᠡᠨᠡ᠃ ᠲᠡᠢᠨ ᠬᠦ ᠪᠦᠬᠦᠨ ᠦ ᠳᠤᠮᠳᠠ ᠪᠤᠷᠬᠠᠨ ᠪᠦᠷᠢᠨ ᠲᠡᠭᠦᠰ ᠪᠠᠢᠬᠤ ᠪᠣᠯᠣᠨᠠ᠃
29 ᠬᠡᠷᠪᠡ ᠠᠮᠢᠯᠠᠯᠲᠠ ᠪᠠᠢᠬᠤ ᠦᠭᠡᠢ ᠶᠤᠮ ᠪᠣᠯ ᠲᠡᠳᠡᠭᠡᠷ ᠬᠥᠮᠦᠰ ᠶᠠᠭᠤᠨ ᠤ ᠲᠥᠯᠥᠭᠡ ᠦᠬᠦᠭᠰᠡᠳ ᠦᠨ ᠡᠮᠦᠨᠡ ᠡᠴᠡ ᠤᠬᠢᠶᠠᠯ ᠬᠦᠷᠲᠡᠳᠡᠭ ᠶᠤᠮ ᠪᠤᠢ︖ ᠦᠬᠦᠭᠰᠡᠳ ᠶᠡᠷᠦ ᠡᠴᠡ ᠠᠮᠢᠯᠠᠬᠤ ᠦᠭᠡᠢ ᠶᠤᠮ ᠪᠣᠯ᠂ ᠬᠥᠮᠦᠰ ᠶᠠᠭᠤᠨ ᠳᠤ ᠲᠡᠳᠡᠨ ᠦ ᠡᠮᠦᠨᠡ ᠡᠴᠡ ᠤᠬᠢᠶᠠᠯ ᠬᠦᠷᠲᠡᠨᠡ ᠪᠤᠢ︖
30 ᠪᠢᠳᠡ ᠶᠠᠭᠤᠨ ᠳᠤ ᠴᠠᠭ ᠦᠷᠭᠦᠯᠵᠢ ᠠᠶᠤᠯ ᠢ ᠰᠥᠷᠴᠦ ᠪᠠᠢᠳᠠᠭ ᠪᠤᠢ︖ 31 ᠪᠢ ᠡᠳᠦᠷ ᠪᠦᠷᠢ ᠦᠬᠦᠵᠦ ᠪᠠᠢᠨᠠ᠃ ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠡᠭᠦᠨ ᠢ ᠪᠢ ᠪᠢᠳᠡᠨ ᠦ ᠡᠵᠡᠨ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠲᠠ ᠨᠠᠷ ᠢᠶᠠᠷ ᠪᠠᠬᠠᠷᠬᠠᠳᠠᠭ ᠤᠨ ᠠᠳᠠᠯᠢ ᠪᠠᠷ ᠪᠠᠲᠤᠲᠠᠢ ᠬᠡᠯᠡᠵᠦ ᠴᠢᠳᠠᠨᠠ᠃ 32 ᠬᠡᠷᠪᠡ ᠬᠥᠮᠦᠨ ᠦ ᠶᠣᠰᠣᠭᠠᠷ ᠦᠵᠡᠪᠡᠯ ᠧᠹᠧᠰ ᠲᠤ ᠠᠷᠢᠶᠠᠲᠠᠨ ᠲᠠᠢ ᠲᠡᠮᠡᠴᠡᠭᠰᠡᠨ ᠮᠢᠨᠢ ᠨᠠᠳᠠ ᠳᠤ ᠶᠠᠮᠠᠷ ᠲᠤᠰᠠ ᠪᠣᠯᠬᠤ ᠪᠤᠢ︖ ᠬᠡᠷᠪᠡ ᠦᠬᠦᠭᠰᠡᠳ ᠠᠮᠢᠯᠠᠬᠤ ᠦᠭᠡᠢ ᠶᠤᠮ ᠪᠣᠯ 《ᠮᠠᠷᠭᠠᠰᠢ ᠦᠬᠦᠨᠡ᠂ ᠢᠳᠡᠵᠦ ᠤᠤᠭᠤᠵᠠᠭᠠᠶᠠ︕》 ᠭᠡᠬᠦ ᠪᠣᠯᠣᠨᠠ᠂ 33 ᠪᠦᠦ ᠡ᠊ᠨᠳᠡᠭᠦᠷᠡ᠃ 《ᠮᠠᠭᠤ ᠨᠥᠬᠥᠳ ᠰᠠᠢᠨ ᠵᠠᠩᠰᠢᠯ ᠢ ᠡᠪᠳᠡᠨᠡ᠃》 34 ᠲᠠ ᠨᠠᠷ ᠵᠥᠪ ᠲᠤ ᠰᠡᠷᠭᠡᠭ ᠪᠠᠢᠵᠤ᠂ ᠨᠢᠭᠦᠯ ᠦᠢᠯᠡᠳᠬᠦ ᠪᠡᠨ ᠪᠣᠯᠢ᠃ ᠲᠠ ᠨᠠᠷ ᠤᠨ ᠵᠠᠷᠢᠮ ᠨᠢ ᠪᠤᠷᠬᠠᠨ ᠤ ᠲᠤᠬᠠᠢ ᠮᠡᠳᠡᠯᠭᠡ ᠪᠠᠢᠬᠤ ᠦᠭᠡᠢ ᠪᠣᠯᠬᠣᠷ ᠪᠢ ᠲᠠ ᠨᠠᠷ ᠢ ᠢᠴᠢᠭᠡᠬᠦ ᠶᠢᠨ ᠲᠥᠯᠥᠭᠡ ᠡᠭᠦᠨ ᠢ ᠬᠡᠯᠡᠵᠦ ᠪᠠᠢᠨᠠ᠃
ᠳᠠᠬᠢᠨ ᠠᠮᠢᠯᠠᠯᠲᠠ ᠶᠢᠨ ᠪᠡᠶᠡ
35 ᠭᠡᠪᠡᠴᠦ ᠵᠠᠷᠢᠮ ᠨᠢ᠄ 《ᠦᠬᠦᠭᠰᠡᠳ ᠶᠠᠭᠠᠬᠢᠨ ᠠᠮᠢᠯᠠᠬᠤ ᠪᠤᠢ︖ ᠶᠠᠮᠠᠷ ᠶᠠᠩᠵᠤ ᠶᠢᠨ ᠪᠡᠶᠡ ᠪᠡᠷ ᠢᠷᠡᠬᠦ ᠪᠤᠢ︖》 ᠭᠡᠵᠦ ᠠᠰᠠᠭᠤᠬᠤ ᠪᠣᠯᠣᠨᠠ᠃ 36 ᠮᠤᠩ᠋ᠬᠠᠭ ᠬᠥᠮᠦᠨ ᠡ᠂ ᠲᠠᠷᠢᠭᠰᠠᠨ ᠦᠷᠡ ᠴᠢᠨᠢ ᠦᠬᠦᠬᠦ ᠦᠭᠡᠢ ᠪᠣᠯ ᠠᠮᠢᠳᠤᠷᠠᠬᠤ ᠦᠭᠡᠢ᠃ 37 ᠴᠢᠨᠦ ᠲᠠᠷᠢᠵᠤ ᠪᠠᠢᠭᠠ ᠨᠢ ᠢᠷᠡᠭᠡᠳᠦᠢ ᠶᠢᠨ ᠪᠡᠶᠡ ᠨᠢ ᠪᠢᠰᠢ᠂ ᠬᠠᠷᠢᠨ ᠪᠤᠭᠤᠳᠠᠢ ᠮᠡᠲᠦ ᠶᠢᠨ ᠮᠥᠬᠥᠯᠢᠭ ᠦᠷᠡ ᠶᠤᠮ᠃ 38 ᠭᠡᠬᠦ ᠳᠡᠭᠡᠨ ᠪᠤᠷᠬᠠᠨ ᠥᠪᠡᠷ ᠦᠨ ᠲᠠᠭᠠᠯᠠᠯ ᠢᠶᠠᠷ ᠦᠷᠡ ᠳᠦ ᠪᠡᠶᠡ ᠰᠣᠶᠣᠷᠬᠠᠳᠠᠭ ᠪᠥᠭᠡᠳ ᠦᠷᠡ ᠪᠣᠯᠭᠠᠨ ᠳᠤ ᠲᠤᠰ ᠲᠤᠰ ᠤᠨ ᠬᠢᠨᠢ ᠪᠡᠶᠡ ᠶᠢ ᠰᠣᠶᠣᠷᠬᠠᠳᠠᠭ᠃ 39 ᠮᠢᠬᠠᠨ ᠪᠡᠶᠡ ᠪᠣᠯᠭᠠᠨ ᠥᠭᠡᠷᠡ ᠥᠭᠡᠷᠡ ᠪᠠᠢᠳᠠᠭ᠂ ᠬᠥᠮᠦᠨ ᠦ ᠮᠢᠬᠠᠨ ᠪᠡᠶᠡ ᠥᠭᠡᠷᠡ᠂ ᠠᠳᠤᠭᠤᠰᠤᠨ ᠤ ᠮᠢᠬᠠᠨ ᠪᠡᠶᠡ ᠴᠤ ᠥᠭᠡᠷᠡ᠂ ᠰᠢᠪᠠᠭᠤᠨ ᠤ ᠮᠢᠬᠠᠨ ᠪᠡᠶᠡ ᠴᠤ ᠥᠭᠡᠷᠡ᠂ ᠵᠢᠭᠠᠰᠤᠨ ᠤ ᠮᠢᠬᠠᠨ ᠪᠡᠶᠡ ᠴᠤ ᠥᠭᠡᠷᠡ ᠪᠢᠯᠡ᠃ 40 ᠲᠩᠷᠢᠯᠢᠭ ᠪᠡᠶᠡᠰ ᠴᠤ ᠪᠤᠢ᠂ ᠭᠠᠵᠠᠷᠯᠢᠭ ᠪᠡᠶᠡᠰ ᠴᠤ ᠪᠤᠢ᠃ ᠲᠩᠷᠢᠯᠢᠭ ᠪᠡᠶᠡᠰ ᠦᠨ ᠵᠢᠪᠬᠤᠯᠠᠩ ᠥᠭᠡᠷᠡ᠂ ᠭᠠᠵᠠᠷᠯᠢᠭ ᠪᠡᠶᠡᠰ ᠦᠨ ᠵᠢᠪᠬᠤᠯᠠᠩ ᠴᠤ ᠥᠭᠡᠷᠡ᠃ 41 ᠨᠠᠷᠠᠨ ᠤ ᠵᠢᠪᠬᠤᠯᠠᠩ ᠴᠤ ᠥᠭᠡᠷᠡ᠂ ᠰᠠᠷᠠᠨ ᠤ ᠵᠢᠪᠬᠤᠯᠠᠩ ᠴᠤ ᠥᠭᠡᠷᠡ᠂ ᠣᠳᠣᠨ ᠤ ᠵᠢᠪᠬᠤᠯᠠᠩ ᠴᠤ ᠥᠭᠡᠷᠡ ᠪᠠᠢᠳᠠᠭ ᠪᠥᠭᠡᠳ ᠣᠳᠣ ᠨᠢᠭᠡ ᠪᠦᠷᠢ ᠶᠢᠨ ᠵᠢᠪᠬᠤᠯᠠᠩ ᠴᠤ ᠥᠭᠡᠷᠡ ᠥᠭᠡᠷᠡ ᠪᠠᠢᠳᠠᠭ᠃
42 ᠦᠬᠦᠭᠰᠡᠳ ᠦᠨ ᠠᠮᠢᠯᠠᠯᠲᠠ ᠴᠤ ᠡᠢᠮᠦ ᠪᠠᠢᠳᠠᠭ᠃ ᠢᠯᠵᠢᠷᠡᠬᠦ ᠪᠡᠶᠡ ᠪᠡᠷ ᠲᠠᠷᠢᠭᠳᠠᠭᠠᠳ ᠢᠯᠵᠢᠷᠡᠰᠢ ᠦᠭᠡᠢ ᠪᠡᠶᠡ ᠪᠡᠷ ᠠᠮᠢᠯᠠᠭᠤᠯᠤᠭᠳᠠᠨᠠ᠃ 43 ᠠᠯᠳᠠᠷ ᠰᠤᠤ ᠦᠭᠡᠢ ᠪᠠᠷ ᠲᠠᠷᠢᠭᠳᠠᠵᠤ᠂ ᠠᠯᠳᠠᠷ ᠰᠤᠤ ᠲᠠᠢ ᠪᠠᠷ ᠠᠮᠢᠯᠠᠭᠤᠯᠤᠭᠳᠠᠨᠠ᠂ ᠰᠤᠯᠠ ᠳᠣᠷᠣᠢ ᠪᠠᠷ ᠲᠠᠷᠢᠭᠳᠠᠵᠤ ᠬᠦᠴᠦ ᠴᠢᠳᠠᠯ ᠲᠠᠢ ᠪᠠᠷ ᠠᠮᠢᠯᠠᠭᠤᠯᠤᠭᠳᠠᠨᠠ᠃ 44 ᠮᠢᠬᠠᠨ ᠪᠡᠶᠡ ᠪᠡᠷ ᠲᠠᠷᠢᠭᠳᠠᠵᠤ᠂ ᠰᠦᠨᠡᠰᠦᠯᠢᠭ ᠪᠡᠶᠡ ᠪᠡᠷ ᠠᠮᠢᠯᠠᠭᠤᠯᠤᠭᠳᠠᠨᠠ᠃ ᠮᠢᠬᠠᠨ ᠪᠡᠶᠡ ᠪᠠᠢᠪᠠᠯ ᠰᠦᠨᠡᠰᠦᠯᠢᠭ ᠪᠡᠶᠡ ᠴᠤ ᠪᠠᠢᠨᠠ᠃ 45 ᠡᠭᠦᠨ ᠦ ᠠᠳᠠᠯᠢ ᠪᠠᠷ 《ᠠᠩ᠋ᠬᠠᠨ ᠤ ᠬᠥᠮᠦᠨ ᠠᠳᠠᠮ ᠠᠮᠢᠳᠤ ᠴᠣᠭᠴᠠ ᠪᠣᠯᠣᠭᠰᠠᠨ》 ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠪᠣᠯ᠂ ᠰᠡᠭᠦᠯᠴᠢ ᠶᠢᠨ ᠠᠳᠠᠮ ᠨᠢ ᠠᠮᠢ ᠰᠣᠶᠣᠷᠬᠠᠭᠴᠢ ᠰᠦᠨᠡᠰᠦ ᠪᠣᠯᠣᠭᠰᠠᠨ᠃ 46 ᠬᠠᠷᠢᠨ ᠲᠦᠷᠦᠭᠦᠨ ᠦ ᠬᠢᠨᠢ ᠪᠣᠯ ᠰᠦᠨᠡᠰᠦᠯᠢᠭ ᠪᠢᠰᠢ᠂ ᠮᠢᠬᠠᠨ ᠪᠡᠶᠡ ᠪᠥᠭᠡᠳ ᠳᠠᠷᠠᠭᠠ ᠶᠢᠨ ᠬᠢᠨᠢ ᠪᠣᠯ ᠰᠦᠨᠡᠰᠦᠯᠢᠭ ᠪᠡᠶᠡ ᠶᠤᠮ᠃ 47 ᠲᠦᠷᠦᠭᠦᠨ ᠦ ᠬᠥᠮᠦᠨ ᠨᠢ ᠭᠠᠵᠠᠷ ᠤᠨ ᠬᠢ᠂ ᠰᠢᠷᠣᠢ ᠶᠢᠨ ᠴᠢᠨᠠᠷ ᠲᠠᠢ ᠪᠣᠯ᠂ ᠬᠣᠶᠠᠳᠤᠭᠠᠷ ᠬᠥᠮᠦᠨ ᠨᠢ ᠲᠩᠷᠢ ᠶᠢᠨ ᠬᠢ᠃ 48 ᠲᠡᠷᠡ ᠬᠦ ᠰᠢᠷᠣᠢ ᠶᠢᠨ ᠴᠢᠨᠠᠷ ᠲᠠᠢ ᠬᠥᠮᠦᠨ ᠨᠢ ᠶᠠᠮᠠᠷ ᠪᠣᠯ ᠪᠤᠰᠤᠳ ᠰᠢᠷᠣᠢ ᠶᠢᠨ ᠴᠢᠨᠠᠷ ᠲᠠᠢ ᠬᠥᠮᠦᠰ ᠴᠤ ᠲᠡᠢᠮᠦ ᠪᠠᠢᠳᠠᠭ᠃ ᠲᠡᠷᠡ ᠬᠦ ᠲᠩᠷᠢᠯᠢᠭ ᠬᠥᠮᠦᠨ ᠨᠢ ᠶᠠᠮᠠᠷ ᠪᠣᠯ ᠪᠤᠰᠤᠳ ᠲᠩᠷᠢᠯᠢᠭ ᠬᠥᠮᠦᠰ ᠴᠤ ᠲᠡᠢᠮᠦ ᠪᠠᠢᠳᠠᠭ᠃ 49 ᠪᠢᠳᠡ ᠰᠢᠷᠣᠢ ᠶᠢᠨ ᠴᠢᠨᠠᠷ ᠪᠦᠬᠦᠢ ᠬᠥᠮᠦᠨ ᠦ ᠲᠥᠷᠬᠥ ᠲᠠᠢ ᠪᠣᠯᠣᠭᠰᠠᠨ ᠮᠡᠲᠦ ᠮᠥᠨ ᠲᠩᠷᠢᠯᠢᠭ ᠬᠥᠮᠦᠨ ᠦ ᠲᠥᠷᠬᠥ ᠲᠠᠢ ᠪᠣᠯᠬᠤ ᠪᠣᠯᠣᠨᠠ᠃
ᠳᠠᠬᠢᠨ ᠠᠮᠢᠯᠠᠯᠲᠠ ᠶᠢᠨ ᠨᠢᠭᠤᠴᠠ
50 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠡᠭᠦᠨ ᠢ ᠪᠢ ᠲᠠ ᠨᠠᠷ ᠲᠤ ᠬᠡᠯᠡᠶᠡ᠄ ᠮᠢᠬᠠ ᠴᠢᠰᠤ ᠨᠢ ᠪᠤᠷᠬᠠᠨ ᠤ ᠬᠠᠭᠠᠨᠴᠢᠯᠠᠯ ᠢ ᠥᠪᠯᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠢᠯᠵᠢᠷᠡᠬᠦ ᠨᠢ ᠦᠯᠦ ᠢᠯᠵᠢᠷᠡᠬᠦ ᠶᠢ ᠥᠪᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ 51 ᠠᠩ᠋ᠬᠠᠷᠤᠭᠲᠤᠨ᠂ ᠪᠢ ᠲᠠ ᠨᠠᠷ ᠲᠤ ᠨᠢᠭᠡ ᠨᠢᠭᠤᠴᠠ ᠬᠡᠯᠡᠵᠦ ᠥᠭᠭᠥᠶᠡ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠨᠣᠢᠷᠰᠣᠬᠤ ᠪᠢᠰᠢ᠂ ᠪᠦᠭᠦᠳᠡᠭᠡᠷ ᠢᠶᠡᠨ ᠬᠤᠪᠢᠯᠭᠠᠭᠳᠠᠬᠤ ᠪᠣᠯᠣᠨᠠ᠃ 52 ᠬᠣᠷᠣᠮᠬᠠᠨ ᠵᠠᠭᠤᠷᠠ᠂ ᠨᠢᠳᠦ ᠢᠷᠮᠡᠬᠦ ᠶᠢᠨ ᠬᠣᠭᠣᠷᠣᠨᠳᠣ ᠡᠴᠦᠰ ᠦᠨ ᠪᠦᠷᠢᠶᠡ ᠳᠤᠤᠭᠠᠷᠬᠤ ᠪᠣᠯᠣᠯᠠ᠃ ᠪᠦᠷᠢᠶᠡᠨ ᠳᠠᠭᠤ ᠪᠠᠷ ᠦᠬᠦᠭᠰᠡᠳ ᠢᠯᠵᠢᠷᠡᠰᠢ ᠦᠭᠡᠢ ᠪᠡᠶᠡ ᠪᠡᠷ ᠠᠮᠢᠯᠠᠬᠤ ᠪᠥᠭᠡᠳ ᠪᠢᠳᠡ ᠴᠤ ᠮᠥᠨ ᠬᠤᠪᠢᠯᠭᠠᠭᠳᠠᠬᠤ ᠪᠣᠯᠣᠨᠠ᠃ 53 ᠤᠴᠢᠷ ᠨᠢ᠂ ᠢᠯᠵᠢᠷᠡᠬᠦ ᠡᠨᠡ ᠪᠡᠶᠡ ᠨᠢ ᠢᠯᠵᠢᠷᠡᠰᠢ ᠦᠭᠡᠢ ᠶᠢ ᠡᠮᠦᠰᠴᠦ᠂ ᠦᠬᠦᠬᠦ ᠡᠨᠡ ᠪᠡᠶᠡ ᠨᠢ ᠦᠬᠦᠰᠢ ᠦᠭᠡᠢ ᠶᠢ ᠡᠮᠦᠰᠬᠦ ᠶᠣᠰᠣᠲᠠᠢ᠃ 54 ᠢᠯᠵᠢᠷᠡᠬᠦ ᠡᠨᠡ ᠪᠡᠶᠡ ᠨᠢ ᠢᠯᠵᠢᠷᠡᠰᠢ ᠦᠭᠡᠢ ᠶᠢ ᠡᠮᠦᠰᠴᠦ᠂ ᠦᠬᠦᠬᠦ ᠡᠨᠡ ᠪᠡᠶᠡ ᠨᠢ ᠦᠬᠦᠰᠢ ᠦᠭᠡᠢ ᠶᠢ ᠡᠮᠦᠰᠬᠦ ᠦᠶᠡ ᠳᠦ᠂ 《ᠦᠬᠦᠯ ᠨᠢ ᠢᠯᠠᠯᠲᠠ ᠳᠤ ᠵᠠᠯᠭᠢᠭᠳᠠᠭᠰᠠᠨ᠃ 55 ᠦᠬᠦᠯ ᠡ᠂ ᠢᠯᠠᠯᠲᠠ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ︖ ᠦᠬᠦᠯ ᠡ᠂ ᠥᠷᠭᠡᠰᠦ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ︖》 ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠦᠭᠡ ᠪᠡᠶᠡᠯᠡᠭᠳᠡᠬᠦ ᠪᠣᠯᠣᠨᠠ᠃ 56 ᠦᠬᠦᠯ ᠦᠨ ᠱᠣᠷᠣ ᠨᠢ ᠨᠢᠭᠦᠯ᠂ ᠨᠢᠭᠦᠯ ᠦᠨ ᠬᠦᠴᠦ ᠨᠢ ᠬᠠᠤᠯᠢ ᠮᠥᠨ᠃ 57 ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠪᠢᠳᠡᠨ ᠳᠦ ᠢᠯᠠᠯᠲᠠ ᠶᠢ ᠥᠭᠳᠡᠭ ᠪᠤᠷᠬᠠᠨ ᠳᠤ ᠲᠠᠯᠠᠷᠬᠠᠯ ᠪᠠᠢᠬᠤ ᠪᠣᠯᠲᠤᠭᠠᠢ᠃
58 ᠲᠡᠢᠮᠦ ᠡᠴᠡ ᠬᠠᠢᠷᠠᠲᠤ ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ ᠡ᠂ ᠭᠤᠢᠪᠢᠰᠢ ᠦᠭᠡᠢ ᠪᠠᠷ ᠪᠠᠲᠤ ᠵᠣᠭᠰᠣᠭᠲᠤᠨ᠃ ᠡᠵᠡᠨ ᠦ ᠳᠣᠲᠣᠷᠠᠬᠢ ᠵᠦᠳᠡᠷᠡᠯ ᠴᠢᠨᠢ ᠳᠡᠮᠡᠢ ᠪᠢᠰᠢ ᠭᠡᠳᠡᠭ ᠢ ᠮᠡᠳᠡᠭᠡᠳ ᠡᠵᠡᠨ ᠦ ᠠᠵᠢᠯ ᠳᠤ ᠦᠯᠡᠮᠵᠢ ᠵᠢᠳᠬᠦᠭᠡᠷᠡᠢ᠃