ᠨᠢᠭᠡᠳᠦᠭᠡᠷ ᠺᠣᠷᠢᠨᠲ ᠲᠠᠪᠤ
ᠵᠠᠪᠬᠠᠢ ᠶᠠᠪᠤᠳᠠᠯ ᠢ ᠵᠢᠮᠡᠯᠡᠭᠰᠡᠨ ᠨᠢ
1 ᠲᠠ ᠨᠠᠷ ᠤᠨ ᠳᠤᠮᠳᠠ ᠰᠠᠳᠤᠷ ᠰᠠᠮᠠᠭᠤᠨ ᠶᠠᠪᠤᠳᠠᠯ ᠬᠦᠷᠲᠡᠯᠡ ᠪᠠᠢᠨᠠ ᠭᠡᠵᠦ ᠳᠤᠭᠤᠯᠳᠠᠯᠠ᠃ ᠬᠡᠨ ᠨᠢᠭᠡ ᠨᠢ ᠬᠣᠢᠲᠤ ᠡᠬᠡ ᠲᠠᠢ ᠪᠠᠨ ᠨᠥᠬᠥᠴᠡᠭᠰᠡᠨ ᠭᠡᠨᠡ᠃ ᠡᠢᠮᠦᠷᠬᠦ ᠰᠠᠳᠤᠷ ᠰᠠᠮᠠᠭᠤᠨ ᠬᠠᠷᠢᠴᠤᠳ ᠤᠨ ᠳᠤᠮᠳᠠ ᠴᠤ ᠠᠯᠠᠭᠠ᠃ 2 ᠭᠡᠲᠡᠯᠡ ᠲᠠ ᠨᠠᠷ ᠣᠩᠭᠢᠷᠠᠵᠤ ᠪᠠᠢᠨᠠ᠂ ᠲᠡᠭᠡᠬᠦ ᠶᠢᠨ ᠣᠷᠣᠨ ᠳᠤ ᠲᠠ ᠨᠠᠷ ᠭᠠᠰᠢᠭᠤᠳᠠᠵᠤ ᠡᠨᠡ ᠬᠡᠷᠡᠭ ᠢ ᠦᠢᠯᠡᠳᠦᠭᠰᠡᠨ ᠬᠥᠮᠦᠨ ᠢ ᠥᠪᠡᠷᠰᠡᠳ ᠦᠨ ᠢᠶᠠᠨ ᠳᠤᠮᠳᠠ ᠠᠴᠠ ᠬᠥᠭᠡᠭᠡᠵᠦ ᠭᠠᠷᠭᠠᠬᠤ ᠦᠭᠡᠢ ᠤᠤ︖
3 ᠪᠢ ᠮᠢᠬᠠᠨ ᠪᠡᠶᠡ ᠪᠡᠷ ᠢᠶᠠᠨ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠦᠭᠡᠢ ᠪᠣᠯᠪᠠᠴᠤ ᠰᠦᠨᠡᠰᠦ ᠪᠡᠷ ᠢᠶᠠᠨ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠵᠤ᠂ ᠡᠨᠡ ᠬᠡᠷᠡᠭ ᠢ ᠦᠢᠯᠡᠳᠦᠭᠰᠡᠨ ᠬᠥᠮᠦᠨ ᠢ ᠲᠡᠨᠳᠡ ᠪᠠᠢᠭᠠ ᠮᠡᠲᠦ ᠨᠢᠭᠡᠨᠲᠡ ᠰᠢᠭᠦᠪᠡ᠃ 4 ᠲᠠ ᠨᠠᠷ ᠡᠵᠡᠨ ᠢᠰᠦ᠋ᠰ ᠤᠨ ᠨᠡᠷᠡ ᠪᠡᠷ ᠴᠤᠭᠯᠠᠷᠠᠬᠤ ᠦᠶᠡ ᠳᠦ᠂ ᠮᠢᠨᠦ ᠰᠦᠨᠡᠰᠦ ᠴᠤ ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠲᠠᠢ ᠬᠠᠮᠲᠤ ᠪᠠᠢᠳᠠᠭ᠃ 5 ᠲᠡᠳᠡᠭᠡᠷ ᠬᠥᠮᠦᠨ ᠢ ᠰᠠᠲ᠋ᠠᠨ ᠳᠤ ᠲᠤᠰᠢᠶᠠ᠂ ᠢᠩᠭᠢᠬᠦ ᠨᠢ ᠲᠡᠭᠦᠨ ᠦ ᠨᠢᠭᠦᠯᠲᠦ ᠤᠭ ᠴᠢᠨᠠᠷ 4 ᠰᠥᠨᠥᠭᠡᠭᠳᠡᠭᠡᠳ ᠡᠵᠡᠨ ᠦ ᠡᠳᠦᠷ ᠰᠦᠨᠡᠰᠦ ᠨᠢ ᠠᠪᠤᠷᠠᠭᠳᠠᠭᠠᠰᠠᠢ ᠭᠡᠰᠡᠨ ᠳᠡᠭᠡᠨ ᠶᠤᠮ᠃
6 ᠲᠠ ᠨᠠᠷ ᠤᠨ ᠰᠠᠢᠷᠬᠠᠬᠤ ᠨᠢ ᠰᠠᠢᠨ ᠪᠢᠰᠢ᠂ ᠵᠢᠭᠠᠬᠠᠨ ᠢᠰᠭᠡᠭᠦᠷ ᠨᠢ ᠭᠤᠯᠢᠷ ᠢ ᠪᠦᠬᠦᠯᠢ ᠳᠦᠨᠢ ᠢᠰᠭᠡᠳᠡᠭ ᠢ ᠮᠡᠳᠡᠬᠦ ᠦᠭᠡᠢ ᠭᠡᠵᠢ ᠤᠤ︖ 7 ᠲᠠ ᠨᠠᠷ ᠬᠠᠭᠤᠴᠢᠨ ᠢᠰᠭᠡᠭᠦᠷ ᠢᠶᠡᠨ ᠬᠠᠶᠠᠵᠠᠭᠠ᠂ ᠲᠡᠭᠡᠪᠡᠯ ᠰᠢᠨᠡ ᠭᠤᠯᠢᠷ ᠪᠣᠯᠣᠨᠠ᠃ ᠾᠷᠢᠰᠲ᠋ᠣᠰ ᠲᠠᠬᠢᠯ ᠪᠣᠯᠵᠤ ᠠᠯᠠᠭᠳᠠᠭᠠᠳ ᠭᠡᠲᠦᠯᠭᠡᠭᠰᠡᠨ ᠦ ᠪᠠᠶᠠᠷ ᠤᠨ ᠬᠤᠷᠠᠭᠠ ᠪᠣᠯᠣᠭᠰᠠᠨ ᠤᠴᠢᠷ ᠠᠴᠠ ᠲᠠ ᠨᠠᠷ ᠢᠰᠭᠡᠭᠦᠷ ᠦᠭᠡᠢ ᠪᠠᠢᠬᠤ ᠶᠣᠰᠣᠲᠠᠢ᠃ 8 ᠡᠢᠮᠦ ᠡᠴᠡ ᠪᠢᠳᠡ ᠬᠠᠭᠤᠴᠢᠨ ᠢᠰᠭᠡᠭᠦᠷ ᠢᠶᠡᠷ ᠪᠤᠰᠤ᠂ ᠬᠣᠷᠣᠨ ᠮᠠᠭᠤ ᠢᠰᠭᠡᠭᠦᠷ ᠢᠶᠡᠷ ᠴᠤ ᠪᠤᠰᠤ᠂ ᠬᠠᠷᠢᠨ ᠢᠰᠭᠡᠭᠦᠷ ᠦᠭᠡᠢ ᠴᠡᠪᠡᠷ ᠦᠨᠡᠨ ᠦ ᠪᠣᠣᠪᠣ ᠪᠠᠷ ᠡᠨᠡ ᠪᠠᠶᠠᠷ ᠢ ᠲᠡᠮᠳᠡᠭᠯᠡᠶᠡ᠃
9 ᠰᠠᠳᠤᠷ ᠰᠠᠮᠠᠭᠤᠨ ᠬᠥᠮᠦᠨ ᠲᠡᠢ ᠪᠦᠦ ᠨᠥᠬᠥᠷᠯᠡ ᠭᠡᠵᠦ ᠪᠢ ᠵᠠᠬᠢᠳᠠᠯ ᠳᠠᠭᠠᠨ ᠲᠠ ᠨᠠᠷ ᠲᠤ ᠪᠢᠴᠢᠭᠰᠡᠨ ᠨᠢ᠂ 10 ᠡᠨᠡ ᠶᠢᠷᠲᠢᠨᠴᠦ ᠶᠢᠨ ᠰᠠᠳᠤᠷᠯᠠᠭᠴᠢᠳ᠂ ᠰᠢᠨᠤᠬᠠᠢᠷᠠᠭᠴᠢᠳ᠂ ᠮᠥᠯᠵᠢᠭ᠍ᠴᠢᠳ᠂ ᠰᠢᠲᠦᠭᠡᠨ ᠰᠢᠲᠦᠭᠴᠢᠳ ᠲᠠᠢ ᠣᠭᠲᠣ ᠪᠦᠦ ᠨᠥᠬᠥᠷᠯᠡ ᠭᠡᠰᠡᠨ ᠪᠢᠰᠢ᠃ ᠲᠡᠢᠮᠦ ᠪᠣᠯ ᠲᠠ ᠨᠠᠷ ᠡᠨᠡ ᠶᠢᠷᠲᠢᠨᠴᠦ ᠡᠴᠡ ᠰᠠᠯᠬᠤ ᠠᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ ᠪᠣᠯᠣᠨᠠ᠃ 11 ᠣᠳᠣ ᠮᠢᠨᠦ ᠪᠢᠴᠢᠵᠦ ᠪᠠᠢᠭᠠ ᠨᠢ ᠠᠬᠠ ᠳᠡᠭᠦᠦ ᠬᠡᠮᠡᠭᠳᠡᠬᠦ ᠬᠥᠮᠦᠨ ᠦ ᠬᠡᠨ ᠨᠢᠭᠡ ᠨᠢ ᠵᠠᠪᠬᠠᠢᠷᠠᠭᠴᠢ᠂ ᠰᠢᠨᠤᠬᠠᠢᠷᠠᠭᠴᠢ᠂ ᠰᠢᠲᠦᠭᠡᠨᠲᠡᠨ᠂ ᠭᠦᠳᠬᠡᠭᠴᠢ᠂ ᠠᠷᠢᠬᠢᠴᠢᠨ ᠪᠤᠶᠤ ᠮᠥᠯᠵᠢᠭ᠍ᠴᠢ ᠶᠤᠮ ᠪᠣᠯ ᠲᠡᠭᠦᠨ ᠲᠡᠢ ᠪᠦᠦ ᠨᠥᠬᠥᠷᠯᠡ᠂ ᠬᠣᠭᠣᠯᠠ ᠴᠤ ᠬᠠᠮᠲᠤ ᠪᠦᠦ ᠢᠳᠡ ᠭᠡᠰᠡᠨ ᠦᠭᠡ᠃ 12 ᠭᠠᠳᠠᠨᠠᠬᠢ ᠬᠥᠮᠦᠰ ᠢ ᠰᠢᠭᠦᠬᠦ ᠨᠢ ᠨᠠᠳᠠ ᠳᠤ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠪᠤᠢ︖ ᠭᠡᠪᠡᠴᠦ ᠳᠣᠲᠣᠷᠠᠬᠢ ᠬᠥᠮᠦᠰ ᠢᠶᠡᠨ ᠰᠢᠭᠦᠬᠦ ᠨᠢ ᠲᠠ ᠨᠠᠷ ᠪᠢᠰᠢ ᠤᠤ︖ 13 ᠭᠠᠳᠠᠨᠠᠬᠢ ᠬᠥᠮᠦᠰ ᠢ ᠪᠤᠷᠬᠠᠨ ᠥᠪᠡᠷ ᠢᠶᠡᠨ ᠰᠢᠳᠬᠡᠨᠡ᠃ ᠲᠡᠳᠡᠭᠡᠷ ᠬᠣᠷᠣᠨ ᠮᠠᠭᠤ ᠶᠢ ᠲᠠ ᠨᠠᠷ ᠥᠪᠡᠷᠰᠡᠳ ᠡᠴᠡ ᠪᠡᠨ ᠵᠠᠢᠯᠠᠭᠤᠯ᠃