ᠷᠣᠮᠠ ᠵᠢᠷᠭᠤᠭᠠ
ᠰᠢᠨᠡ ᠠᠮᠢ᠂ ᠰᠢᠨᠡ ᠠᠮᠢᠳᠤᠷᠠᠯ
1 ᠡᠳᠡᠭᠡᠷ ᠦᠨ ᠲᠤᠬᠠᠢ ᠪᠢᠳᠡ ᠶᠠᠭᠤ ᠬᠡᠯᠡᠬᠦ ᠪᠤᠢ︖ ᠢᠪᠡᠭᠡᠯ ᠢ ᠶᠡᠬᠡᠰᠭᠡᠬᠦ ᠶᠢᠨ ᠲᠥᠯᠥᠭᠡ ᠨᠢᠭᠦᠯ ᠦᠨ ᠢᠶᠠᠨ ᠳᠣᠲᠣᠷᠠ ᠪᠠᠢᠵᠠᠭᠠᠶᠠ ᠭᠡᠬᠦ ᠤᠤ︖ 2 ᠣᠭᠲᠣ ᠲᠡᠢᠮᠦ ᠪᠢᠰᠢ᠂ ᠨᠢᠭᠦᠯ ᠳᠦ ᠠᠮᠢ ᠦᠭᠡᠢ ᠪᠣᠯᠣᠭᠰᠠᠨ ᠪᠢᠳᠡ ᠶᠠᠭᠠᠬᠢᠨ ᠨᠢᠭᠦᠯ ᠦᠨ ᠳᠣᠲᠣᠷᠠ ᠠᠮᠢᠳᠤᠷᠠᠭᠰᠠᠭᠠᠷ ᠪᠠᠢᠬᠤ ᠪᠤᠢ︖ 3 ᠤᠬᠢᠶᠠᠯ ᠬᠦᠷᠲᠡᠵᠦ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠣᠷᠣᠭᠰᠠᠨ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠤᠬᠢᠶᠠᠯ ᠬᠦᠷᠲᠡᠵᠦ ᠲᠡᠭᠦᠨ ᠦ ᠦᠬᠦᠯ ᠳᠦ ᠣᠷᠣᠭᠰᠠᠨ ᠢ ᠲᠠ ᠨᠠᠷ ᠮᠡᠳᠡᠬᠦ ᠦᠭᠡᠢ ᠭᠡᠵᠢ ᠤᠤ︖ 4 ᠪᠢᠳᠡ ᠢᠩᠭᠢᠵᠦ ᠦᠬᠦᠯ ᠳᠦ ᠣᠷᠣᠬᠤ ᠤᠬᠢᠶᠠᠯ ᠬᠦᠷᠲᠡᠭᠰᠡᠨ ᠢᠶᠡᠷ ᠢᠶᠠᠨ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠤᠯᠠᠰᠢᠯᠠᠭᠳᠠᠭᠰᠠᠨ ᠪᠥᠭᠡᠳ ᠡᠢᠨ ᠬᠦ ᠾᠷᠢᠰᠲ᠋ᠣᠰ ᠡᠴᠢᠭᠡ ᠶᠢᠨ ᠢᠶᠠᠨ ᠠᠯᠳᠠᠷ ᠰᠤᠤᠲᠤ ᠬᠦᠴᠦ ᠪᠡᠷ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠤᠯᠤᠭᠳᠠᠭᠰᠠᠨ ᠮᠡᠲᠦ ᠪᠢᠳᠡ ᠴᠤ ᠰᠢᠨᠡ ᠠᠮᠢ ᠳᠤ ᠣᠷᠣᠵᠤ ᠠᠮᠢᠳᠤᠷᠠᠬᠤ ᠪᠣᠯᠣᠯᠠ᠃
5 ᠬᠡᠷᠪᠡ ᠪᠢᠳᠡ ᠲᠡᠭᠦᠨ ᠲᠡᠢ ᠠᠳᠠᠯᠢ ᠦᠬᠦᠯ ᠢᠶᠡᠷ ᠲᠡᠭᠦᠨ ᠯᠦᠭᠡ ᠨᠢᠭᠡᠳᠦᠭᠰᠡᠨ ᠪᠣᠯ᠂ ᠮᠥᠨ ᠲᠡᠭᠦᠨ ᠲᠡᠢ ᠠᠳᠠᠯᠢ ᠠᠮᠢᠯᠠᠯᠲᠠ ᠯᠤᠭᠠ ᠯᠠᠪ ᠨᠢᠭᠡᠳᠬᠦ ᠪᠣᠯᠣᠨᠠ᠃ 6 ᠪᠢᠳᠡᠨ ᠦ ᠮᠡᠳᠡᠳᠡᠭᠴᠢᠯᠡᠨ ᠬᠠᠭᠤᠴᠢᠨ ᠬᠥᠮᠦᠨ ᠮᠠᠨᠢ ᠲᠡᠭᠦᠨ ᠲᠡᠢ ᠬᠠᠮᠲᠤ ᠵᠠᠭᠠᠯᠮᠠᠢ ᠳᠤ ᠴᠣᠪᠳᠣᠯᠠᠭᠳᠠᠭᠰᠠᠨ᠃ ᠲᠡᠢᠮᠦ ᠡᠴᠡ ᠨᠢᠭᠦᠯᠲᠦ ᠪᠡᠶᠡ ᠮᠢᠨᠢ ᠬᠦᠴᠦᠨ ᠦᠭᠡᠢ ᠪᠣᠯᠵᠤ 4 ᠂ ᠪᠢᠳᠡ ᠳᠠᠬᠢᠭᠠᠳ ᠨᠢᠭᠦᠯ ᠤᠨ ᠪᠣᠭᠣᠯ ᠪᠢᠰᠢ ᠪᠣᠯᠤᠭᠰᠠᠨ ᠶᠤᠮ᠃ 7 ᠤᠴᠢᠷ ᠨᠢ᠂ ᠦᠬᠦᠭᠰᠡᠨ ᠬᠥᠮᠦᠨ ᠨᠢᠭᠦᠯ ᠡᠴᠡ ᠴᠢᠯᠥᠭᠡᠯᠡᠭᠳᠡᠭᠰᠡᠨ ᠪᠠᠢᠳᠠᠭ᠃ 8 ᠾᠷᠢᠰᠲ᠋ᠣᠰ ᠲᠠᠢ ᠬᠠᠮᠲᠤ ᠦᠬᠦᠭᠰᠡᠨ ᠪᠣᠯ ᠮᠥᠨ ᠲᠡᠭᠦᠨ ᠲᠡᠢ ᠬᠠᠮᠲᠤ ᠠᠮᠢᠳᠤᠷᠠᠨᠠ ᠭᠡᠳᠡᠭ ᠢ ᠪᠢᠳᠡ ᠢᠲᠡᠭᠡᠳᠡᠭ᠃ 9 ᠾᠷᠢᠰᠲ᠋ᠣᠰ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠰᠠᠨ ᠲᠤᠯᠠ ᠳᠠᠬᠢᠭᠠᠳ ᠦᠬᠦᠬᠦ ᠦᠭᠡᠢ ᠶᠢ᠂ ᠮᠥᠨ ᠦᠬᠦᠯ ᠲᠡᠭᠦᠨ ᠢ ᠳᠠᠬᠢᠨ ᠡᠵᠡᠮᠳᠡᠬᠦ ᠦᠭᠡᠢ ᠶᠢ ᠪᠢᠳᠡ ᠮᠡᠳᠡᠨᠡ᠃ 10 ᠲᠡᠷᠡ ᠦᠬᠦᠬᠦ ᠳᠡᠭᠡᠨ ᠨᠢᠭᠦᠯ ᠳᠦ ᠨᠢᠭᠡᠮᠦᠰᠦᠨ ᠠᠮᠢ ᠦᠭᠡᠢ ᠪᠣᠯᠣᠭᠰᠠᠨ᠂ ᠠᠮᠢᠳᠤᠷᠠᠬᠤ ᠳᠠᠭᠠᠨ ᠪᠤᠷᠬᠠᠨ ᠳᠤ ᠠᠮᠢ ᠲᠠᠢ ᠪᠠᠢᠳᠠᠭ᠃ 11 ᠡᠨᠡ ᠮᠡᠲᠦ ᠪᠡᠷ ᠲᠠ ᠨᠠᠷ ᠴᠤ ᠥᠪᠡᠷᠰᠡᠳ ᠢᠶᠡᠨ ᠨᠢᠭᠦᠯ ᠳᠦ ᠠᠮᠢ ᠦᠭᠡᠢ ᠪᠣᠯᠣᠭᠰᠠᠨ ᠪᠥᠭᠡᠳ ᠪᠤᠷᠬᠠᠨ ᠤ ᠲᠠᠯᠠ ᠳᠤ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠠᠮᠢᠳᠤ ᠪᠠᠢᠨᠠ ᠭᠡᠵᠦ ᠲᠣᠭᠠᠴᠠ᠃
12 ᠦᠬᠦᠬᠦ ᠮᠢᠬᠠᠨ ᠪᠡᠶᠡ ᠪᠡᠨ ᠨᠢᠭᠦᠯ ᠢᠶᠡᠷ ᠪᠦᠦ ᠨᠣᠶᠠᠷᠬᠠᠭᠤᠯ᠂ ᠮᠢᠬᠠᠨ ᠪᠡᠶᠡ ᠶᠢᠨ ᠲᠠᠴᠢᠶᠠᠯ ᠳᠤ ᠵᠠᠬᠢᠷᠤᠭᠳᠠᠵᠤ ᠪᠣᠯᠬᠤ ᠦᠭᠡᠢ᠃ 13 ᠪᠡᠶᠡ ᠶᠢᠨ ᠡᠷᠬᠡᠲᠡᠨ ᠨᠦᠭᠦᠳ ᠢᠶᠡᠨ ᠵᠥᠪ ᠪᠤᠰᠤ ᠶᠢᠨ ᠬᠡᠷᠡᠭᠰᠡᠯ ᠪᠣᠯᠭᠠᠨ ᠨᠢᠭᠦᠯ ᠳᠦ ᠪᠦᠦ ᠲᠤᠰᠢᠶᠠ᠂ ᠬᠠᠷᠢᠨ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠳᠤᠷᠠᠭᠰᠠᠳ ᠮᠡᠲᠦ ᠪᠡᠷ ᠪᠡᠶᠡ ᠪᠡᠨ ᠪᠤᠷᠬᠠᠨ ᠳᠤ ᠡᠷᠭᠦᠭᠡᠷᠡᠢ᠂ ᠡᠷᠬᠡᠲᠡᠨ ᠨᠦᠭᠦᠳ ᠢᠶᠡᠨ ᠵᠥᠪ ᠦᠨ ᠬᠡᠷᠡᠭᠰᠡᠯ ᠪᠣᠯᠭᠠᠨ ᠪᠤᠷᠬᠠᠨ ᠳᠤ ᠲᠤᠰᠢᠶᠠ᠃ 14 ᠨᠢᠭᠦᠯ ᠲᠠ ᠨᠠᠷ ᠢ ᠡᠵᠡᠮᠳᠡᠬᠦ ᠦᠭᠡᠢ᠂ ᠤᠴᠢᠷ ᠨᠢ᠂ ᠲᠠ ᠨᠠᠷ ᠬᠠᠤᠯᠢ ᠶᠢᠨ ᠳᠣᠣᠷᠠ ᠪᠢᠰᠢ᠂ ᠬᠠᠷᠢᠨ ᠢᠪᠡᠭᠡᠯ ᠦᠨ ᠳᠣᠣᠷᠠ ᠪᠠᠢᠳᠠᠭ᠃
15 ᠡᠢᠮᠦ ᠡᠴᠡ ᠪᠢᠳᠡ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠤᠢ︖ ᠬᠠᠤᠯᠢ ᠳᠣᠣᠷᠠ ᠪᠢᠰᠢ᠂ ᠢᠪᠡᠭᠡᠯ ᠳᠣᠣᠷᠠ ᠪᠠᠢᠭᠠ ᠲᠤᠯᠠ ᠨᠢᠭᠦᠯ ᠦᠢᠯᠡᠳᠬᠦ ᠤᠤ︖ ᠣᠭᠲᠣ ᠪᠣᠯᠬᠤ ᠦᠭᠡᠢ᠃ 16 ᠲᠠ ᠨᠠᠷ ᠬᠡᠨ ᠨᠢᠭᠡᠨ ᠳᠦ ᠪᠡᠶᠡ ᠪᠡᠨ ᠪᠣᠭᠣᠯ ᠪᠣᠯᠭᠠᠨ ᠡᠷᠭᠦᠵᠦ ᠵᠠᠬᠢᠷᠤᠭᠳᠠᠪᠠᠯ ᠵᠠᠬᠢᠷᠤᠭᠰᠠᠨ ᠬᠥᠮᠦᠨ ᠦ ᠪᠠᠨ ᠪᠣᠭᠣᠯ ᠪᠣᠯᠳᠠᠭ ᠢᠶᠠᠨ ᠮᠡᠳᠡᠬᠦ ᠦᠭᠡᠢ ᠤᠤ︖ ᠦᠬᠦᠯ ᠳᠦ ᠬᠦᠷᠬᠦ ᠨᠢᠭᠦᠯ ᠦᠨ ᠪᠣᠭᠣᠯ᠂ ᠡᠰᠡᠪᠡᠯ ᠵᠥᠪ ᠲᠤ ᠬᠦᠷᠬᠦ ᠳᠤᠭᠤᠯᠭᠠᠪᠤᠷᠢ ᠶᠢᠨ ᠪᠣᠭᠣᠯ ᠪᠣᠯᠣᠨᠠ ᠭᠡᠰᠡᠨ ᠦᠭᠡ᠃ 17 ᠪᠤᠷᠬᠠᠨ ᠳᠤ ᠲᠠᠯᠠᠷᠬᠠᠶᠠ᠃ ᠲᠠ ᠨᠠᠷ ᠨᠢᠭᠦᠯ ᠦᠨ ᠪᠣᠭᠣᠯ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠬᠦᠷᠲᠡᠭᠰᠡᠨ ᠰᠤᠷᠭᠠᠯ ᠢᠶᠠᠨ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠳᠠᠭᠠᠵᠤ᠂ 18 ᠨᠢᠭᠦᠯ ᠡᠴᠡ ᠴᠢᠯᠥᠭᠡᠯᠡᠭᠳᠡᠵᠦ ᠵᠥᠪ ᠦᠨ ᠪᠣᠭᠣᠯ ᠪᠣᠯᠣᠯᠠ᠃ 19 ᠲᠠ ᠨᠠᠷ ᠤᠨ ᠮᠢᠬᠠᠨ ᠪᠡᠶᠡ ᠬᠢᠵᠠᠭᠠᠷ ᠲᠠᠢ ᠪᠣᠯᠬᠣᠷ ᠪᠢ ᠬᠥᠮᠦᠨ ᠦ ᠶᠣᠰᠣᠭᠠᠷ ᠬᠡᠯᠡᠵᠦ ᠪᠠᠢᠨᠠ᠃ ᠲᠠ ᠨᠠᠷ ᠡᠷᠬᠡᠲᠡᠨ ᠨᠦᠭᠦᠳ ᠢᠶᠡᠨ ᠴᠡᠪᠡᠷ ᠪᠤᠰᠤ ᠪᠠ ᠬᠠᠤᠯᠢ ᠪᠤᠰᠤ ᠳᠤ ᠲᠤᠰᠢᠶᠠᠨ ᠪᠣᠭᠣᠯᠴᠢᠯᠠᠭᠤᠯᠵᠤ ᠬᠠᠤᠯᠢ ᠪᠤᠰᠤ ᠶᠢᠨ ᠬᠢ ᠪᠣᠯᠭᠠᠭᠰᠠᠨ ᠤ ᠪᠠᠨ ᠶᠣᠰᠣᠭᠠᠷ ᠡᠳᠦᠭᠡ ᠮᠥᠨ ᠡᠷᠬᠡᠲᠡᠨ ᠨᠦᠭᠦᠳ ᠢᠶᠡᠨ ᠵᠥᠪ ᠲᠤ ᠲᠤᠰᠢᠶᠠᠨ ᠪᠣᠭᠣᠯᠴᠢᠯᠠᠭᠤᠯᠵᠤ ᠠᠷᠢᠭᠤᠨ ᠪᠣᠯᠭᠠᠭᠲᠤᠨ︕
20 ᠲᠠ ᠨᠠᠷ ᠨᠢᠭᠦᠯ ᠦᠨ ᠪᠣᠭᠣᠯ ᠪᠠᠢᠬᠤ ᠳᠠᠭᠠᠨ ᠵᠥᠪ ᠡᠴᠡ ᠴᠢᠯᠥᠭᠡᠲᠡᠢ ᠪᠠᠢᠭᠰᠠᠨ᠃ 21 ᠲᠡᠷᠡ ᠦᠶᠡ ᠳᠦ ᠶᠠᠮᠠᠷ ᠦᠷᠡ ᠵᠢᠮᠢᠰ ᠣᠯᠪᠠ︖ ᠡᠳᠦᠭᠡ ᠲᠡᠳᠡᠭᠡᠷ ᠶᠠᠪᠤᠳᠠᠯ ᠠᠴᠠ ᠪᠠᠨ ᠲᠠ ᠨᠠᠷ ᠢᠴᠢᠵᠦ ᠪᠠᠢᠨᠠ᠂ ᠦᠨᠡᠨ ᠳᠡᠭᠡᠨ ᠲᠡᠳᠡᠭᠡᠷ ᠦᠨ ᠲᠡᠭᠦᠰᠬᠡᠯ ᠪᠣᠯ ᠦᠬᠦᠯ ᠪᠢᠯᠡ᠃ 22 ᠭᠡᠪᠡᠴᠦ ᠣᠳᠣ ᠲᠠ ᠨᠠᠷ ᠨᠢᠭᠦᠯ ᠡᠴᠡ ᠴᠢᠯᠥᠭᠡᠯᠡᠭᠳᠡᠵᠦ ᠪᠤᠷᠬᠠᠨ ᠤ ᠪᠣᠭᠣᠯ ᠪᠣᠯᠣᠭᠰᠠᠨ ᠪᠥᠭᠡᠳ ᠦᠷᠡ ᠵᠢᠮᠢᠰ ᠣᠯᠣᠨ ᠠᠷᠢᠭᠤᠨ ᠪᠣᠯᠵᠤ ᠪᠠᠢᠨᠠ᠂ ᠲᠡᠭᠦᠰᠬᠡᠯ ᠨᠢ ᠮᠥᠩᠬᠡ ᠠᠮᠢ ᠪᠢᠯᠡ᠃ 23 ᠨᠢᠭᠦᠯ ᠦᠨ ᠲᠥᠯᠥᠭᠡᠰᠦ ᠨᠢ ᠦᠬᠦᠯ᠂ ᠪᠤᠷᠬᠠᠨ ᠤ ᠰᠣᠶᠣᠷᠬᠠᠯ ᠨᠢ ᠪᠢᠳᠡᠨ ᠦ ᠡᠵᠡᠨ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠᠬᠢ 5 ᠮᠥᠩᠬᠡ ᠠᠮᠢ ᠮᠥᠨ᠃